| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਉਪਜ੍ਝਾਯવਤ੍ਤਕਥਾ
Upajjhāyavattakathā
੬੪-੫. ਅਨੁਪਜ੍ਝਾਯਕਾਤਿ વਜ੍ਜਾવਜ੍ਜਂ ਉਪਨਿਜ੍ਝਾਯਕੇਨ ਗਰੁਨਾ વਿਰਹਿਤਾ। ਅਨਾਕਪ੍ਪਸਮ੍ਪਨ੍ਨਾਤਿ ਨ ਆਕਪ੍ਪੇਨ ਸਮ੍ਪਨ੍ਨਾ; ਸਮਣਸਾਰੁਪ੍ਪਾਚਾਰવਿਰਹਿਤਾਤਿ ਅਤ੍ਥੋ । ਉਪਰਿਭੋਜਨੇਤਿ ਭੋਜਨਸ੍ਸ ਉਪਰਿ। ਉਤ੍ਤਿਟ੍ਠਪਤ੍ਤਨ੍ਤਿ ਪਿਣ੍ਡਾਯ ਚਰਣਕਪਤ੍ਤਂ। ਤਸ੍ਮਿਞ੍ਹਿ ਮਨੁਸ੍ਸਾ ਉਚ੍ਛਿਟ੍ਠਸਞ੍ਞਿਨੋ, ਤਸ੍ਮਾ ਉਤ੍ਤਿਟ੍ਠਪਤ੍ਤਨ੍ਤਿ વੁਤ੍ਤਂ। ਅਥ વਾ ਉਟ੍ਠਹਿਤ੍વਾ ਪਤ੍ਤਂ ਉਪਨਾਮੇਨ੍ਤੀਤਿ ਏવਮ੍ਪੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਅਨੁਜਾਨਾਮਿ ਭਿਕ੍ਖવੇ ਉਪਜ੍ਝਾਯਨ੍ਤਿ ਉਪਜ੍ਝਾਯਂ ਗਹੇਤੁਂ ਅਨੁਜਾਨਾਮੀਤਿ ਅਤ੍ਥੋ। ਪੁਤ੍ਤਚਿਤ੍ਤਂ ਉਪਟ੍ਠਪੇਸ੍ਸਤੀਤਿ ਪੁਤ੍ਤੋ ਮੇ ਅਯਨ੍ਤਿ ਏવਂ ਗੇਹਸ੍ਸਿਤਪੇਮવਸੇਨ ਚਿਤ੍ਤਂ ਉਪਟ੍ਠਪੇਸ੍ਸਤਿ। ਏਸ ਨਯੋ ਦੁਤਿਯਪਦੇਪਿ। ਸਗਾਰવਾ ਸਪ੍ਪਤਿਸ੍ਸਾਤਿ ਗਰੁਭਾવਞ੍ਚੇવ ਜੇਟ੍ਠਕਭਾવਞ੍ਚ ਉਪਟ੍ਠਪੇਤ੍વਾ। ਸਭਾਗવੁਤ੍ਤਿਨੋਤਿ ਸਭਾਗਜੀવਿਕਾ। ਸਾਹੂਤਿ વਾਤਿਆਦੀਨਿ ਪਞ੍ਚ ਪਦਾਨਿ ਉਪਜ੍ਝਾਯਭਾવਸਮ੍ਪਟਿਚ੍ਛਨવੇવਚਨਾਨਿ। ਕਾਯੇਨ વਿਞ੍ਞਾਪੇਤੀਤਿ ਏવਂ ਸਦ੍ਧਿવਿਹਾਰਿਕੇਨ ‘‘ਉਪਜ੍ਝਾਯੋ ਮੇ ਭਨ੍ਤੇ ਹੋਹੀ’’ਤਿ ਤਿਕ੍ਖਤ੍ਤੁਂ વੁਤ੍ਤੇ ਸਚੇ ਉਪਜ੍ਝਾਯੋ ‘‘ਸਾਹੂ’’ਤਿਆਦੀਸੁ ਪਞ੍ਚਸੁ ਪਦੇਸੁ ਯਸ੍ਸ ਕਸ੍ਸਚਿ ਪਦਸ੍ਸ વਸੇਨ ਕਾਯੇਨ વਾ વਾਚਾਯ વਾ ਕਾਯવਾਚਾਹਿ વਾ ‘‘ਗਹਿਤੋ ਤਯਾ ਉਪਜ੍ਝਾਯੋ’’ਤਿ ਉਪਜ੍ਝਾਯਗ੍ਗਹਣਂ વਿਞ੍ਞਾਪੇਤਿ, ਗਹਿਤੋ ਹੋਤਿ ਉਪਜ੍ਝਾਯੋ। ਇਦਮੇવ ਹਿ ਏਤ੍ਥ ਉਪਜ੍ਝਾਯਗ੍ਗਹਣਂ, ਯਦਿਦਂ ਉਪਜ੍ਝਾਯਸ੍ਸ ਇਮੇਸੁ ਪਞ੍ਚਸੁ ਪਦੇਸੁ ਯਸ੍ਸ ਕਸ੍ਸਚਿ ਪਦਸ੍ਸ વਾਚਾਯ વਾ ਸਾવਨਂ ਕਾਯੇਨ વਾ ਅਤ੍ਥવਿਞ੍ਞਾਪਨਨ੍ਤਿ। ਕੇਚਿ ਪਨ ਸਾਧੂਤਿ ਸਮ੍ਪਟਿਚ੍ਛਨਂ ਸਨ੍ਧਾਯ વਦਨ੍ਤਿ। ਨ ਤਂ ਪਮਾਣਂ, ਆਯਾਚਨਦਾਨਮਤ੍ਤੇਨ ਹਿ ਗਹਿਤੋ ਹੋਤਿ ਉਪਜ੍ਝਾਯੋ, ਨ ਏਤ੍ਥ ਸਮ੍ਪਟਿਚ੍ਛਨਂ ਅਙ੍ਗਂ। ਸਦ੍ਧਿવਿਹਾਰਿਕੇਨਾਪਿ ਨ ਕੇવਲਂ ਇਮਿਨਾ ਮੇ ਪਦੇਨ ਉਪਜ੍ਝਾਯੋ ਗਹਿਤੋਤਿ ਞਾਤੁਂ વਟ੍ਟਤਿ। ‘‘ਅਜ੍ਜਤਗ੍ਗੇ ਦਾਨਿ ਥੇਰੋ ਮਯ੍ਹਂ ਭਾਰੋ, ਅਹਮ੍ਪਿ ਥੇਰਸ੍ਸ ਭਾਰੋ’’ਤਿ ਇਦਮ੍ਪਿ ਞਾਤੁਂ વਟ੍ਟਤਿ।
64-5.Anupajjhāyakāti vajjāvajjaṃ upanijjhāyakena garunā virahitā. Anākappasampannāti na ākappena sampannā; samaṇasāruppācāravirahitāti attho . Uparibhojaneti bhojanassa upari. Uttiṭṭhapattanti piṇḍāya caraṇakapattaṃ. Tasmiñhi manussā ucchiṭṭhasaññino, tasmā uttiṭṭhapattanti vuttaṃ. Atha vā uṭṭhahitvā pattaṃ upanāmentīti evampettha attho daṭṭhabbo. Anujānāmi bhikkhave upajjhāyanti upajjhāyaṃ gahetuṃ anujānāmīti attho. Puttacittaṃ upaṭṭhapessatīti putto me ayanti evaṃ gehassitapemavasena cittaṃ upaṭṭhapessati. Esa nayo dutiyapadepi. Sagāravā sappatissāti garubhāvañceva jeṭṭhakabhāvañca upaṭṭhapetvā. Sabhāgavuttinoti sabhāgajīvikā. Sāhūti vātiādīni pañca padāni upajjhāyabhāvasampaṭicchanavevacanāni. Kāyena viññāpetīti evaṃ saddhivihārikena ‘‘upajjhāyo me bhante hohī’’ti tikkhattuṃ vutte sace upajjhāyo ‘‘sāhū’’tiādīsu pañcasu padesu yassa kassaci padassa vasena kāyena vā vācāya vā kāyavācāhi vā ‘‘gahito tayā upajjhāyo’’ti upajjhāyaggahaṇaṃ viññāpeti, gahito hoti upajjhāyo. Idameva hi ettha upajjhāyaggahaṇaṃ, yadidaṃ upajjhāyassa imesu pañcasu padesu yassa kassaci padassa vācāya vā sāvanaṃ kāyena vā atthaviññāpananti. Keci pana sādhūti sampaṭicchanaṃ sandhāya vadanti. Na taṃ pamāṇaṃ, āyācanadānamattena hi gahito hoti upajjhāyo, na ettha sampaṭicchanaṃ aṅgaṃ. Saddhivihārikenāpi na kevalaṃ iminā me padena upajjhāyo gahitoti ñātuṃ vaṭṭati. ‘‘Ajjatagge dāni thero mayhaṃ bhāro, ahampi therassa bhāro’’ti idampi ñātuṃ vaṭṭati.
੬੬. ਤਤ੍ਰਾਯਂ ਸਮ੍ਮਾવਤ੍ਤਨਾਤਿ ਯਂ વੁਤ੍ਤਂ ਸਮ੍ਮਾ વਤ੍ਤਿਤਬ੍ਬਨ੍ਤਿ, ਤਤ੍ਰ ਅਯਂ ਸਮ੍ਮਾવਤ੍ਤਨਾ। ਕਾਲਸ੍ਸੇવ ਉਟ੍ਠਾਯ ਉਪਾਹਨਾ ਓਮੁਞ੍ਚਿਤ੍વਾਤਿ ਸਚਸ੍ਸ ਪਚ੍ਚੂਸਕਾਲੇ ਚਙ੍ਕਮਨਤ੍ਥਾਯ વਾ ਧੋਤਪਾਦਪਰਿਹਰਣਤ੍ਥਾਯ વਾ ਪਟਿਮੁਕ੍ਕਾ ਉਪਾਹਨਾ ਪਾਦਗਤਾ ਹੋਨ੍ਤਿ, ਤਾ ਕਾਲਸ੍ਸੇવ ਉਟ੍ਠਾਯ ਅਪਨੇਤ੍વਾ। ਦਨ੍ਤਕਟ੍ਠਂ ਦਾਤਬ੍ਬਨ੍ਤਿ ਮਹਨ੍ਤਂ ਮਜ੍ਝਿਮਂ ਖੁਦ੍ਦਕਨ੍ਤਿ ਤੀਣਿ ਦਨ੍ਤਕਟ੍ਠਾਨਿ ਉਪਨੇਤ੍વਾ ਤਤੋ ਯਂ ਤੀਣਿ ਦਿવਸਾਨਿ ਗਣ੍ਹਾਤਿ, ਚਤੁਤ੍ਥਦਿવਸਤੋ ਪਟ੍ਠਾਯ ਤਾਦਿਸਮੇવ ਦਾਤਬ੍ਬਂ। ਸਚੇ ਅਨਿਯਮਂ ਕਤ੍વਾ ਯਂ વਾ ਤਂ વਾ ਗਣ੍ਹਾਤਿ, ਅਥ ਯਾਦਿਸਂ ਲਭਤਿ ਤਾਦਿਸਂ ਦਾਤਬ੍ਬਂ।
66.Tatrāyaṃ sammāvattanāti yaṃ vuttaṃ sammā vattitabbanti, tatra ayaṃ sammāvattanā. Kālasseva uṭṭhāya upāhanā omuñcitvāti sacassa paccūsakāle caṅkamanatthāya vā dhotapādapariharaṇatthāya vā paṭimukkā upāhanā pādagatā honti, tā kālasseva uṭṭhāya apanetvā. Dantakaṭṭhaṃ dātabbanti mahantaṃ majjhimaṃ khuddakanti tīṇi dantakaṭṭhāni upanetvā tato yaṃ tīṇi divasāni gaṇhāti, catutthadivasato paṭṭhāya tādisameva dātabbaṃ. Sace aniyamaṃ katvā yaṃ vā taṃ vā gaṇhāti, atha yādisaṃ labhati tādisaṃ dātabbaṃ.
ਮੁਖੋਦਕਂ ਦਾਤਬ੍ਬਨ੍ਤਿ ਸੀਤਞ੍ਚ ਉਣ੍ਹਞ੍ਚ ਉਦਕਂ ਉਪਨੇਤ੍વਾ ਤਤੋ ਯਂ ਤੀਣਿ ਦਿવਸਾਨਿ વਲ਼ਞ੍ਜੇਤਿ, ਚਤੁਤ੍ਥਦਿવਸਤੋ ਪਟ੍ਠਾਯ ਤਾਦਿਸਮੇવ ਮੁਖਧੋવਨੋਦਕਂ ਦਾਤਬ੍ਬਂ। ਸਚੇ ਅਨਿਯਮਂ ਕਤ੍વਾ ਯਂ વਾ ਤਂ વਾ ਗਣ੍ਹਾਤਿ, ਅਥ ਯਾਦਿਸਂ ਲਭਤਿ ਤਾਦਿਸਂ ਦਾਤਬ੍ਬਂ। ਸਚੇ ਦੁવਿਧਮ੍ਪਿ વਲ਼ਞ੍ਜੇਤਿ, ਦੁવਿਧਮ੍ਪਿ ਉਪਨੇਤਬ੍ਬਂ। ਉਦਕਂ ਮੁਖਧੋવਨਟ੍ਠਾਨੇ ਠਪੇਤ੍વਾ વਚ੍ਚਕੁਟਿਤੋ ਪਟ੍ਠਾਯ ਸਮ੍ਮਜ੍ਜਿਤਬ੍ਬਂ। ਥੇਰੇ વਚ੍ਚਕੁਟਿਂ ਗਤੇ ਪਰਿવੇਣਂ ਸਮ੍ਮਜ੍ਜਿਤਬ੍ਬਂ; ਏવਂ ਪਰਿવੇਣਂ ਅਸੁਞ੍ਞਂ ਹੋਤਿ। ਥੇਰੇ વਚ੍ਚਕੁਟਿਤੋ ਅਨਿਕ੍ਖਨ੍ਤੇਯੇવ ਆਸਨਂ ਪਞ੍ਞਪੇਤਬ੍ਬਂ। ਸਰੀਰਕਿਚ੍ਚਂ ਕਤ੍વਾ ਆਗਨ੍ਤ੍વਾ ਤਸ੍ਮਿਂ ਨਿਸਿਨ੍ਨਸ੍ਸ ‘‘ਸਚੇ ਯਾਗੁ ਹੋਤੀ’’ਤਿਆਦਿਨਾ ਨਯੇਨ વੁਤ੍ਤવਤ੍ਤਂ ਕਾਤਬ੍ਬਂ। ਉਕ੍ਲਾਪੋਤਿ ਕੇਨਚਿ ਕਚવਰੇਨ ਸਙ੍ਕਿਣ੍ਣੋ, ਸਚੇ ਪਨ ਅਞ੍ਞੋ ਕਚવਰੋ ਨਤ੍ਥਿ, ਉਦਕਫੁਸਿਤਾਨੇવ ਹੋਨ੍ਤਿ, ਹਤ੍ਥੇਨਪਿ ਪਮਜ੍ਜਿਤਬ੍ਬੋ।
Mukhodakaṃ dātabbanti sītañca uṇhañca udakaṃ upanetvā tato yaṃ tīṇi divasāni vaḷañjeti, catutthadivasato paṭṭhāya tādisameva mukhadhovanodakaṃ dātabbaṃ. Sace aniyamaṃ katvā yaṃ vā taṃ vā gaṇhāti, atha yādisaṃ labhati tādisaṃ dātabbaṃ. Sace duvidhampi vaḷañjeti, duvidhampi upanetabbaṃ. Udakaṃ mukhadhovanaṭṭhāne ṭhapetvā vaccakuṭito paṭṭhāya sammajjitabbaṃ. There vaccakuṭiṃ gate pariveṇaṃ sammajjitabbaṃ; evaṃ pariveṇaṃ asuññaṃ hoti. There vaccakuṭito anikkhanteyeva āsanaṃ paññapetabbaṃ. Sarīrakiccaṃ katvā āgantvā tasmiṃ nisinnassa ‘‘sace yāgu hotī’’tiādinā nayena vuttavattaṃ kātabbaṃ. Uklāpoti kenaci kacavarena saṅkiṇṇo, sace pana añño kacavaro natthi, udakaphusitāneva honti, hatthenapi pamajjitabbo.
ਸਗੁਣਂ ਕਤ੍વਾਤਿ ਦ੍વੇ ਚੀવਰਾਨਿ ਏਕਤੋ ਕਤ੍વਾ, ਤਾ ਏਕਤੋ ਕਤਾ ਦ੍વੇਪਿ ਸਙ੍ਘਾਟਿਯੋ ਦਾਤਬ੍ਬਾ। ਸਬ੍ਬਞ੍ਹਿ ਚੀવਰਂ ਸਙ੍ਘਟਿਤਤ੍ਤਾ ‘‘ਸਙ੍ਘਾਟੀ’’ਤਿ વੁਚ੍ਚਤਿ। ਤੇਨ વੁਤ੍ਤਂ – ‘‘ਸਙ੍ਘਾਟਿਯੋ ਦਾਤਬ੍ਬਾ’’ਤਿ। ਨਾਤਿਦੂਰੇ ਗਨ੍ਤਬ੍ਬਂ ਨਾਚ੍ਚਾਸਨ੍ਨੇਤਿ ਏਤ੍ਥ ਸਚੇ ਉਪਜ੍ਝਾਯਂ ਨਿવਤ੍ਤਿਤ੍વਾ ਓਲੋਕੇਨ੍ਤਂ ਏਕੇਨ વਾ ਦ੍વੀਹਿ વਾ ਪਦવੀਤਿਹਾਰੇਹਿ ਸਮ੍ਪਾਪੁਣਾਤਿ, ਏਤ੍ਤਾવਤਾ ਨਾਤਿਦੂਰੇ ਨਾਚ੍ਚਾਸਨ੍ਨੇ ਗਤੋ ਹੋਤੀਤਿ વੇਦਿਤਬ੍ਬਂ। ਪਤ੍ਤਪਰਿਯਾਪਨ੍ਨਂ ਪਟਿਗ੍ਗਹੇਤਬ੍ਬਨ੍ਤਿ ਸਚੇ ਉਪਜ੍ਝਾਯੇਨ ਭਿਕ੍ਖਾਚਾਰੇ ਯਾਗੁਯਾ વਾ ਭਤ੍ਤੇ વਾ ਲਦ੍ਧੇ ਪਤ੍ਤੋ ਉਣ੍ਹੋ વਾ ਭਾਰਿਕੋ વਾ ਹੋਤਿ, ਅਤ੍ਤਨੋ ਪਤ੍ਤਂ ਤਸ੍ਸ ਦਤ੍વਾ ਸੋ ਪਤ੍ਤੋ ਗਹੇਤਬ੍ਬੋਤਿ ਅਤ੍ਥੋ। ਨ ਉਪਜ੍ਝਾਯਸ੍ਸ ਭਣਮਾਨਸ੍ਸ ਅਨ੍ਤਰਨ੍ਤਰਾ ਕਥਾ ਓਪਾਤੇਤਬ੍ਬਾਤਿ ਅਨ੍ਤਰਘਰੇ વਾ ਅਞ੍ਞਤ੍ਰ વਾ ਭਣਮਾਨਸ੍ਸ ਅਨਿਟ੍ਠਿਤੇ ਤਸ੍ਸ વਚਨੇ ਅਞ੍ਞਾ ਕਥਾ ਨ ਸਮੁਟ੍ਠਾਪੇਤਬ੍ਬਾ। ਇਤੋ ਪਟ੍ਠਾਯ ਚ ਪਨ ਯਤ੍ਥ ਯਤ੍ਥ ਨਕਾਰੇਨ ਪਟਿਸੇਧੋ ਕਰਿਯਤਿ, ਸਬ੍ਬਤ੍ਥ ਦੁਕ੍ਕਟਾਪਤ੍ਤਿ વੇਦਿਤਬ੍ਬਾ। ਅਯਞ੍ਹਿ ਖਨ੍ਧਕਧਮ੍ਮਤਾ। ਆਪਤ੍ਤਿਸਾਮਨ੍ਤਾ ਭਣਮਾਨੋਤਿ ਪਦਸੋਧਮ੍ਮਦੁਟ੍ਠੁਲ੍ਲਾਦਿવਸੇਨ ਆਪਤ੍ਤਿਯਾ ਆਸਨ੍ਨવਾਚਂ ਭਣਮਾਨੋ। ਨਿવਾਰੇਤਬ੍ਬੋਤਿ ‘‘ਕਿਂ ਭਨ੍ਤੇ ਈਦਿਸਂ ਨਾਮ વਤ੍ਤੁਂ વਟ੍ਟਤਿ, ਆਪਤ੍ਤਿ ਨ ਹੋਤੀ’’ਤਿ ਏવਂ ਪੁਚ੍ਛਨ੍ਤੇਨ વਿਯ વਾਰੇਤਬ੍ਬੋ। વਾਰੇਸ੍ਸਾਮੀਤਿ ਪਨ ਕਤ੍વਾ ‘‘ਮਹਲ੍ਲਕ, ਮਾ ਏવਂ ਭਣਾ’’ਤਿ ਨ વਤ੍ਤਬ੍ਬੋ।
Saguṇaṃ katvāti dve cīvarāni ekato katvā, tā ekato katā dvepi saṅghāṭiyo dātabbā. Sabbañhi cīvaraṃ saṅghaṭitattā ‘‘saṅghāṭī’’ti vuccati. Tena vuttaṃ – ‘‘saṅghāṭiyo dātabbā’’ti. Nātidūre gantabbaṃ nāccāsanneti ettha sace upajjhāyaṃ nivattitvā olokentaṃ ekena vā dvīhi vā padavītihārehi sampāpuṇāti, ettāvatā nātidūre nāccāsanne gato hotīti veditabbaṃ. Pattapariyāpannaṃ paṭiggahetabbanti sace upajjhāyena bhikkhācāre yāguyā vā bhatte vā laddhe patto uṇho vā bhāriko vā hoti, attano pattaṃ tassa datvā so patto gahetabboti attho. Na upajjhāyassa bhaṇamānassa antarantarā kathā opātetabbāti antaraghare vā aññatra vā bhaṇamānassa aniṭṭhite tassa vacane aññā kathā na samuṭṭhāpetabbā. Ito paṭṭhāya ca pana yattha yattha nakārena paṭisedho kariyati, sabbattha dukkaṭāpatti veditabbā. Ayañhi khandhakadhammatā. Āpattisāmantā bhaṇamānoti padasodhammaduṭṭhullādivasena āpattiyā āsannavācaṃ bhaṇamāno. Nivāretabboti ‘‘kiṃ bhante īdisaṃ nāma vattuṃ vaṭṭati, āpatti na hotī’’ti evaṃ pucchantena viya vāretabbo. Vāressāmīti pana katvā ‘‘mahallaka, mā evaṃ bhaṇā’’ti na vattabbo.
ਪਠਮਤਰਂ ਆਗਨ੍ਤ੍વਾਤਿ ਸਚੇ ਆਸਨ੍ਨੇ ਗਾਮੋ ਹੋਤਿ, વਿਹਾਰੇ વਾ ਗਿਲਾਨੋ ਭਿਕ੍ਖੁ ਹੋਤਿ, ਗਾਮਤੋ ਪਠਮਤਰਂ ਆਗਨ੍ਤਬ੍ਬਂ। ਸਚੇ ਦੂਰੇ ਗਾਮੋ ਹੋਤਿ, ਉਪਜ੍ਝਾਯੇਨ ਸਦ੍ਧਿਂ ਆਗਚ੍ਛਨ੍ਤੋ ਨਤ੍ਥਿ, ਤੇਨੇવ ਸਦ੍ਧਿਂ ਗਾਮਤੋ ਨਿਕ੍ਖਮਿਤ੍વਾ ਚੀવਰੇਨ ਪਤ੍ਤਂ વੇਠੇਤ੍વਾ ਅਨ੍ਤਰਾਮਗ੍ਗਤੋ ਪਠਮਤਰਂ ਆਗਨ੍ਤਬ੍ਬਂ । ਏવਂ ਨਿવਤ੍ਤਨ੍ਤੇਨ ਪਠਮਤਰਂ ਆਗਨ੍ਤ੍વਾ ਆਸਨਪਞ੍ਞਾਪਨਾਦਿ ਸਬ੍ਬਂ ਕਿਚ੍ਚਂ ਕਾਤਬ੍ਬਂ। ਸਿਨ੍ਨਂ ਹੋਤੀਤਿ ਤਿਨ੍ਤਂ ਸੇਦਗ੍ਗਹਿਤਂ। ਚਤੁਰਙ੍ਗੁਲਂ ਕਣ੍ਣਂ ਉਸ੍ਸਾਰੇਤ੍વਾਤਿ ਕਣ੍ਣਂ ਚਤੁਰਙ੍ਗੁਲਪ੍ਪਮਾਣਂ ਅਤਿਰੇਕਂ ਕਤ੍વਾ ਏવਂ ਚੀવਰਂ ਸਂਹਰਿਤਬ੍ਬਂ। ਕਿਂ ਕਾਰਣਾ? ਮਾ ਮਜ੍ਝੇ ਭਙ੍ਗੋ ਅਹੋਸੀਤਿ। ਸਮਂ ਕਤ੍વਾ ਸਂਹਰਿਤਸ੍ਸ ਹਿ ਮਜ੍ਝੇ ਭਙ੍ਗੋ ਹੋਤਿ, ਤਤੋ ਨਿਚ੍ਚਂ ਭਿਜ੍ਜਮਾਨਂ ਦੁਬ੍ਬਲਂ ਹੋਤਿ ਤਂ ਨਿવਾਰਣਤ੍ਥਮੇਤਂ વੁਤ੍ਤਂ। ਤਸ੍ਮਾ ਯਥਾ ਅਜ੍ਜ ਭਙ੍ਗਟ੍ਠਾਨੇਯੇવ ਸ੍વੇ ਨ ਭਿਜ੍ਜਤਿ, ਤਥਾ ਦਿવਸੇ ਦਿવਸੇ ਚਤੁਰਙ੍ਗੁਲਂ ਉਸ੍ਸਾਰੇਤ੍વਾ ਸਂਹਰਿਤਬ੍ਬਂ। ਓਭੋਗੇ ਕਾਯਬਨ੍ਧਨਂ ਕਾਤਬ੍ਬਨ੍ਤਿ ਕਾਯਬਨ੍ਧਨਂ ਸਂਹਰਿਤ੍વਾ ਚੀવਰਭੋਗੇ ਪਕ੍ਖਿਪਿਤ੍વਾ ਠਪੇਤਬ੍ਬਂ।
Paṭhamataraṃ āgantvāti sace āsanne gāmo hoti, vihāre vā gilāno bhikkhu hoti, gāmato paṭhamataraṃ āgantabbaṃ. Sace dūre gāmo hoti, upajjhāyena saddhiṃ āgacchanto natthi, teneva saddhiṃ gāmato nikkhamitvā cīvarena pattaṃ veṭhetvā antarāmaggato paṭhamataraṃ āgantabbaṃ . Evaṃ nivattantena paṭhamataraṃ āgantvā āsanapaññāpanādi sabbaṃ kiccaṃ kātabbaṃ. Sinnaṃ hotīti tintaṃ sedaggahitaṃ. Caturaṅgulaṃ kaṇṇaṃ ussāretvāti kaṇṇaṃ caturaṅgulappamāṇaṃ atirekaṃ katvā evaṃ cīvaraṃ saṃharitabbaṃ. Kiṃ kāraṇā? Mā majjhe bhaṅgo ahosīti. Samaṃ katvā saṃharitassa hi majjhe bhaṅgo hoti, tato niccaṃ bhijjamānaṃ dubbalaṃ hoti taṃ nivāraṇatthametaṃ vuttaṃ. Tasmā yathā ajja bhaṅgaṭṭhāneyeva sve na bhijjati, tathā divase divase caturaṅgulaṃ ussāretvā saṃharitabbaṃ. Obhoge kāyabandhanaṃ kātabbanti kāyabandhanaṃ saṃharitvā cīvarabhoge pakkhipitvā ṭhapetabbaṃ.
ਸਚੇ ਪਿਣ੍ਡਪਾਤੋ ਹੋਤੀਤਿ ਏਤ੍ਥ ਯੋ ਗਾਮੇਯੇવ વਾ ਅਨ੍ਤਰਘਰੇ વਾ ਪਟਿਕ੍ਕਮਨੇ વਾ ਭੁਞ੍ਜਿਤ੍વਾ ਆਗਚ੍ਛਤਿ, ਪਿਣ੍ਡਂ વਾ ਨ ਲਭਤਿ, ਤਸ੍ਸ ਪਿਣ੍ਡਪਾਤੋ ਨ ਹੋਤਿ, ਗਾਮੇ ਅਭੁਤ੍ਤਸ੍ਸ ਪਨ ਲਦ੍ਧਭਿਕ੍ਖਸ੍ਸ વਾ ਹੋਤਿ; ਤਸ੍ਮਾ ‘‘ਸਚੇ ਪਿਣ੍ਡਪਾਤੋ ਹੋਤੀ’’ਤਿਆਦਿ વੁਤ੍ਤਂ। ਸਚੇਪਿ ਤਸ੍ਸ ਨ ਹੋਤਿ, ਭੁਞ੍ਜਿਤੁਕਾਮੋ ਚ ਹੋਤਿ, ਉਦਕਂ ਦਤ੍વਾ ਅਤ੍ਤਨਾ ਲਦ੍ਧਤੋਪਿ ਪਿਣ੍ਡਪਾਤੋ ਉਪਨੇਤਬ੍ਬੋ। ਪਾਨੀਯੇਨ ਪੁਚ੍ਛਿਤਬ੍ਬੋਤਿ ਭੁਞ੍ਜਮਾਨੋ ਤਿਕ੍ਖਤ੍ਤੁਂ ‘‘ਪਾਨੀਯਂ ਭਨ੍ਤੇ ਆਹਰਿਯਤੂ’’ਤਿ ਪਾਨੀਯੇਨ ਪੁਚ੍ਛਿਤਬ੍ਬੋ। ਸਚੇ ਕਾਲੋ ਅਤ੍ਥਿ, ਉਪਜ੍ਝਾਯੇ ਭੁਤ੍ਤੇ ਸਯਂ ਭੁਞ੍ਜਿਤਬ੍ਬਂ। ਸਚੇ ਉਪਕਟ੍ਠੋ ਕਾਲੋ, ਪਾਨੀਯਂ ਉਪਜ੍ਝਾਯਸ੍ਸ ਸਨ੍ਤਿਕੇ ਠਪੇਤ੍વਾ ਸਯਮ੍ਪਿ ਭੁਞ੍ਜਿਤਬ੍ਬਂ।
Sacepiṇḍapāto hotīti ettha yo gāmeyeva vā antaraghare vā paṭikkamane vā bhuñjitvā āgacchati, piṇḍaṃ vā na labhati, tassa piṇḍapāto na hoti, gāme abhuttassa pana laddhabhikkhassa vā hoti; tasmā ‘‘sace piṇḍapāto hotī’’tiādi vuttaṃ. Sacepi tassa na hoti, bhuñjitukāmo ca hoti, udakaṃ datvā attanā laddhatopi piṇḍapāto upanetabbo. Pānīyena pucchitabboti bhuñjamāno tikkhattuṃ ‘‘pānīyaṃ bhante āhariyatū’’ti pānīyena pucchitabbo. Sace kālo atthi, upajjhāye bhutte sayaṃ bhuñjitabbaṃ. Sace upakaṭṭho kālo, pānīyaṃ upajjhāyassa santike ṭhapetvā sayampi bhuñjitabbaṃ.
ਅਨਨ੍ਤਰਹਿਤਾਯਾਤਿ ਤਟ੍ਟਿਕਧਮ੍ਮਖਣ੍ਡਾਦੀਸੁ ਯੇਨ ਕੇਨਚਿ ਅਨਤ੍ਥਤਾਯ ਪਂਸੁਸਕ੍ਖਰਮਿਸ੍ਸਾਯ ਭੂਮਿਯਾ ਪਤ੍ਥੋ ਨ ਠਪੇਤਬ੍ਬੋਤਿ ਅਤ੍ਥੋ। ਸਚੇ ਪਨ ਕਾਲ਼વਣ੍ਣਕਤਾ વਾ ਸੁਧਾਬਦ੍ਧਾ વਾ ਹੋਤਿ ਨਿਰਜਮਤ੍ਤਿਕਾ, ਤਥਾਰੂਪਾਯ ਭੂਮਿਯਾ ਠਪੇਤੁਂ વਟ੍ਟਤਿ। ਧੋਤવਾਲਿਕਾਯਪਿ ਠਪੇਤੁਂ વਟ੍ਟਤਿ। ਪਂਸੁਰਜਸਕ੍ਖਰਾਦੀਸੁ ਨ વਟ੍ਟਤਿ। ਤਤ੍ਰ ਪਨ ਪਣ੍ਣਂ વਾ ਆਧਾਰਕਂ વਾ ਠਪੇਤ੍વਾ ਤਤ੍ਰ ਨਿਕ੍ਖਿਪਿਤਬ੍ਬੋ। ਪਾਰਤੋ ਅਨ੍ਤਂ ਓਰਤੋ ਭੋਗਨ੍ਤਿ ਇਦਂ ਚੀવਰવਂਸਾਦੀਨਂ ਹੇਟ੍ਠਾ ਹਤ੍ਥਂ ਪવੇਸੇਤ੍વਾ ਅਭਿਮੁਖੇਨ ਹਤ੍ਥੇਨ ਸਣਿਕਂ ਨਿਕ੍ਖਿਪਨਤ੍ਥਂ વੁਤ੍ਤਂ। ਅਨ੍ਤੇ ਪਨ ਗਹੇਤ੍વਾ ਭੋਗੇਨ ਚੀવਰવਂਸਾਦੀਨਂ ਉਪਰਿ ਨਿਕ੍ਖਿਪਨ੍ਤਸ੍ਸ ਭਿਤ੍ਤਿਯਂ ਭੋਗੋ ਪਟਿਹਞ੍ਞਤਿ, ਤਸ੍ਮਾ ਤਥਾ ਨ ਕਾਤਬ੍ਬਂ।
Anantarahitāyāti taṭṭikadhammakhaṇḍādīsu yena kenaci anatthatāya paṃsusakkharamissāya bhūmiyā pattho na ṭhapetabboti attho. Sace pana kāḷavaṇṇakatā vā sudhābaddhā vā hoti nirajamattikā, tathārūpāya bhūmiyā ṭhapetuṃ vaṭṭati. Dhotavālikāyapi ṭhapetuṃ vaṭṭati. Paṃsurajasakkharādīsu na vaṭṭati. Tatra pana paṇṇaṃ vā ādhārakaṃ vā ṭhapetvā tatra nikkhipitabbo. Pārato antaṃ orato bhoganti idaṃ cīvaravaṃsādīnaṃ heṭṭhā hatthaṃ pavesetvā abhimukhena hatthena saṇikaṃ nikkhipanatthaṃ vuttaṃ. Ante pana gahetvā bhogena cīvaravaṃsādīnaṃ upari nikkhipantassa bhittiyaṃ bhogo paṭihaññati, tasmā tathā na kātabbaṃ.
ਚੁਣ੍ਣਂ ਸਨ੍ਨੇਤਬ੍ਬਨ੍ਤਿ ਨ੍ਹਾਨਚੁਣ੍ਣਂ ਉਦਕੇਨ ਤੇਮੇਤ੍વਾ ਪਿਣ੍ਡਿ ਕਾਤਬ੍ਬਾ। ਏਕਮਨ੍ਤਂ ਨਿਕ੍ਖਿਪਿਤਬ੍ਬਨ੍ਤਿ ਏਕਸ੍ਮਿਂ ਨਿਦ੍ਧੂਮੇ ਠਾਨੇ ਠਪੇਤਬ੍ਬਂ। ਜਨ੍ਤਾਘਰੇ ਪਰਿਕਮ੍ਮਂ ਨਾਮ ਅਙ੍ਗਾਰਮਤ੍ਤਿਕਉਣ੍ਹੋਦਕਦਾਨਾਦਿਕਂ ਸਬ੍ਬਂ ਕਿਚ੍ਚਂ। ਉਦਕੇਪਿ ਪਰਿਕਮ੍ਮਨ੍ਤਿ ਅਙ੍ਗਪਚ੍ਚਙ੍ਗਘਂਸਨਾਦਿਕਂ ਸਬ੍ਬਂ ਕਿਚ੍ਚਂ। ਪਾਨੀਯੇਨ ਪੁਚ੍ਛਿਤਬ੍ਬੋਤਿ ਜਨ੍ਤਾਘਰੇ ਉਣ੍ਹਸਨ੍ਤਾਪੇਨ ਪਿਪਾਸਾ ਹੋਤਿ, ਤਸ੍ਮਾ ਪੁਚ੍ਛਿਤਬ੍ਬੋ।
Cuṇṇaṃ sannetabbanti nhānacuṇṇaṃ udakena temetvā piṇḍi kātabbā. Ekamantaṃ nikkhipitabbanti ekasmiṃ niddhūme ṭhāne ṭhapetabbaṃ. Jantāghare parikammaṃ nāma aṅgāramattikauṇhodakadānādikaṃ sabbaṃ kiccaṃ. Udakepi parikammanti aṅgapaccaṅgaghaṃsanādikaṃ sabbaṃ kiccaṃ. Pānīyena pucchitabboti jantāghare uṇhasantāpena pipāsā hoti, tasmā pucchitabbo.
ਸਚੇ ਉਸ੍ਸਹਤੀਤਿ ਸਚੇ ਪਹੋਤਿ; ਨ ਕੇਨਚਿ ਗੇਲਞ੍ਞੇਨ ਅਭਿਭੂਤੋ ਹੋਤਿ; ਅਗਿਲਾਨੇਨ ਹਿ ਸਦ੍ਧਿવਿਹਾਰਿਕੇਨ ਸਟ੍ਠਿવਸ੍ਸੇਨਾਪਿ ਸਬ੍ਬਂ ਉਪਜ੍ਝਾਯવਤ੍ਤਂ ਕਾਤਬ੍ਬਂ, ਅਨਾਦਰੇਨ ਅਕਰੋਨ੍ਤਸ੍ਸ વਤ੍ਤਭੇਦੇ ਦੁਕ੍ਕਟਂ। ਨਕਾਰਪਟਿਸਂਯੁਤ੍ਤੇਸੁ ਪਨ ਪਦੇਸੁ ਗਿਲਾਨਸ੍ਸਾਪਿ ਪਟਿਕ੍ਖਿਤ੍ਤਕਿਰਿਯਂ ਕਰੋਨ੍ਤਸ੍ਸ ਦੁਕ੍ਕਟਮੇવ। ਅਪ੍ਪਟਿਘਂਸਨ੍ਤੇਨਾਤਿ ਭੂਮਿਯਂ ਅਪ੍ਪਟਿਘਂਸਨ੍ਤੇਨ। ਕવਾਟਪਿਟ੍ਠਨ੍ਤਿ ਕવਾਟਞ੍ਚ ਪਿਟ੍ਠਸਙ੍ਘਾਤਞ੍ਚ ਅਚ੍ਛੁਪਨ੍ਤੇਨ। ਸਨ੍ਤਾਨਕਨ੍ਤਿ ਯਂਕਿਞ੍ਚਿ ਕੀਟਕੁਲਾવਕਮਕ੍ਕਟਕਸੁਤ੍ਤਾਦਿ। ਉਲ੍ਲੋਕਾ ਪਠਮਂ ਓਹਾਰੇਤਬ੍ਬਨ੍ਤਿ ਉਲ੍ਲੋਕਤੋ ਪਠਮਂ ਉਲ੍ਲੋਕਂ ਆਦਿਂਕਤ੍વਾ ਅવਹਰਿਤਬ੍ਬਨ੍ਤਿ ਅਤ੍ਥੋ। ਆਲੋਕਸਨ੍ਧਿਕਣ੍ਣਭਾਗਾਤਿ ਆਲੋਕਸਨ੍ਧਿਭਾਗਾ ਚ ਕਣ੍ਣਭਾਗਾ ਚ ਅਨ੍ਤਰਬਾਹਿਰવਾਤਪਾਨਕવਾਟਕਾਨਿ ਚ ਗਬ੍ਭਸ੍ਸ ਚ ਚਤ੍ਤਾਰੋ ਕੋਣਾ ਪਮਜ੍ਜਿਤਬ੍ਬਾਤਿ ਅਤ੍ਥੋ।
Sace ussahatīti sace pahoti; na kenaci gelaññena abhibhūto hoti; agilānena hi saddhivihārikena saṭṭhivassenāpi sabbaṃ upajjhāyavattaṃ kātabbaṃ, anādarena akarontassa vattabhede dukkaṭaṃ. Nakārapaṭisaṃyuttesu pana padesu gilānassāpi paṭikkhittakiriyaṃ karontassa dukkaṭameva. Appaṭighaṃsantenāti bhūmiyaṃ appaṭighaṃsantena. Kavāṭapiṭṭhanti kavāṭañca piṭṭhasaṅghātañca acchupantena. Santānakanti yaṃkiñci kīṭakulāvakamakkaṭakasuttādi. Ullokā paṭhamaṃ ohāretabbanti ullokato paṭhamaṃ ullokaṃ ādiṃkatvā avaharitabbanti attho. Ālokasandhikaṇṇabhāgāti ālokasandhibhāgā ca kaṇṇabhāgā ca antarabāhiravātapānakavāṭakāni ca gabbhassa ca cattāro koṇā pamajjitabbāti attho.
ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬਨ੍ਤਿ ਯਥਾ ਪਠਮਂ ਪਞ੍ਞਤ੍ਤਂ ਅਹੋਸਿ, ਤਥੇવ ਪਞ੍ਞਪੇਤਬ੍ਬਂ। ਏਤਦਤ੍ਥਮੇવ ਹਿ ਯਥਾਪਞ੍ਞਤ੍ਤਂ ਸਲ੍ਲਕ੍ਖੇਤ੍વਾ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਨ੍ਤਿ ਪੁਰਿਮવਤ੍ਤਂ ਪਞ੍ਞਤ੍ਤਂ। ਸਚੇ ਪਨ ਪਠਮਂ ਅਜਾਨਨ੍ਤੇਨ ਕੇਨਚਿ ਪਞ੍ਞਤ੍ਤਂ ਅਹੋਸਿ, ਸਮਨ੍ਤਤੋ ਭਿਤ੍ਤਿਂ ਦ੍વਙ੍ਗੁਲਮਤ੍ਤੇਨ વਾ ਤਿવਙ੍ਗੁਲਮਤ੍ਤੇਨ વਾ ਮੋਚੇਤ੍વਾ ਪਞ੍ਞਪੇਤਬ੍ਬਂ। ਇਦਞ੍ਹਿ ਪਞ੍ਞਾਪਨવਤ੍ਤਂ। ਸਚੇ ਕਟਸਾਰਕੋ ਹੋਤਿ ਅਤਿਮਹਨ੍ਤੋ ਚ, ਛਿਨ੍ਦਿਤ੍વਾ ਕੋਟਿਂ ਨਿવਤ੍ਤੇਤ੍વਾ ਬਨ੍ਧਿਤ੍વਾ ਪਞ੍ਞਪੇਤਬ੍ਬੋ। ਸਚੇ ਕੋਟਿਂ ਨਿવਤ੍ਤੇਤ੍વਾ ਬਨ੍ਧਿਤੁਂ ਨ ਜਾਨਾਤਿ, ਨ ਛਿਨ੍ਦਿਤਬ੍ਬੋ। ਪੁਰਤ੍ਥਿਮਾ વਾਤਪਾਨਾ ਥਕੇਤਬ੍ਬਾਤਿ ਪੁਰਤ੍ਥਿਮਾਯ વਾਤਪਾਨਾ ਥਕੇਤਬ੍ਬਾ। ਏવਂ ਸੇਸਾਪਿ વਾਤਪਾਨਾ ਥਕੇਤਬ੍ਬਾ।
Yathāpaññattaṃpaññapetabbanti yathā paṭhamaṃ paññattaṃ ahosi, tatheva paññapetabbaṃ. Etadatthameva hi yathāpaññattaṃ sallakkhetvā nīharitvā ekamantaṃ nikkhipitabbanti purimavattaṃ paññattaṃ. Sace pana paṭhamaṃ ajānantena kenaci paññattaṃ ahosi, samantato bhittiṃ dvaṅgulamattena vā tivaṅgulamattena vā mocetvā paññapetabbaṃ. Idañhi paññāpanavattaṃ. Sace kaṭasārako hoti atimahanto ca, chinditvā koṭiṃ nivattetvā bandhitvā paññapetabbo. Sace koṭiṃ nivattetvā bandhituṃ na jānāti, na chinditabbo. Puratthimā vātapānā thaketabbāti puratthimāya vātapānā thaketabbā. Evaṃ sesāpi vātapānā thaketabbā.
વੂਪਕਾਸੇਤਬ੍ਬੋਤਿ ਅਞ੍ਞਤ੍ਥ ਨੇਤਬ੍ਬੋ। વੂਪਕਾਸਾਪੇਤਬ੍ਬੋਤਿ ਅਞ੍ਞੋ ਭਿਕ੍ਖੁ વਤ੍ਤਬ੍ਬੋ ‘‘ਥੇਰਂ ਗਹੇਤ੍વਾ ਅਞ੍ਞਤ੍ਥ ਗਚ੍ਛਾ’’ਤਿ વਿવੇਚੇਤਬ੍ਬਨ੍ਤਿ વਿਸ੍ਸਜ੍ਜਾਪੇਤਬ੍ਬਂ। વਿવੇਚਾਪੇਤਬ੍ਬਨ੍ਤਿ ਅਞ੍ਞੋ વਤ੍ਤਬ੍ਬੋ ‘‘ਥੇਰਂ ਦਿਟ੍ਠਿਗਤਂ વਿਸ੍ਸਜ੍ਜਾਪੇਹੀ’’ਤਿ। ਉਸ੍ਸੁਕ੍ਕਂ ਕਾਤਬ੍ਬਨ੍ਤਿ ਪਰਿવਾਸਦਾਨਤ੍ਥਂ ਸੋ ਸੋ ਭਿਕ੍ਖੁ ਉਪਸਙ੍ਕਮਿਤ੍વਾ ਯਾਚਿਤਬ੍ਬੋ। ਸਚੇ ਅਤ੍ਤਨਾ ਪਟਿਬਲੋ ਹੋਤਿ, ਅਤ੍ਤਨਾવ ਦਾਤਬ੍ਬੋ। ਨੋ ਚੇ ਪਟਿਬਲੋ ਹੋਤਿ, ਅਞ੍ਞੇਨ ਦਾਪੇਤਬ੍ਬੋ। ਕਿਨ੍ਤਿ ਨੁ ਖੋਤਿ ਕੇਨ ਨੁ ਖੋ ਉਪਾਯੇਨ। ਏਸ ਨਯੋ ਸਬ੍ਬਤ੍ਥ। ਲਹੁਕਾਯ વਾ ਪਰਿਣਾਮੇਯ੍ਯਾਤਿ ਉਕ੍ਖੇਪਨੀਯਂ ਅਕਤ੍વਾ ਤਜ੍ਜਨੀਯਂ વਾ ਨਿਯਸ੍ਸਂ વਾ ਕਰੇਯ੍ਯਾਤਿ ਅਤ੍ਥੋ। ਤੇਨ ਹਿ ‘‘ਉਪਜ੍ਝਾਯਸ੍ਸ ਉਕ੍ਖੇਪਨੀਯਕਮ੍ਮਂ ਕਤ੍ਤੁਕਾਮੋ ਸਙ੍ਘੋ’’ਤਿ ਞਤ੍વਾ ਏਕਮੇਕਂ ਭਿਕ੍ਖੁਂ ਉਪਸਙ੍ਕਮਿਤ੍વਾ ‘‘ਮਾ ਭਨ੍ਤੇ ਅਮ੍ਹਾਕਂ ਉਪਜ੍ਝਾਯਸ੍ਸ ਕਮ੍ਮਂ ਕਰਿਤ੍ਥਾ’’ਤਿ ਯਾਚਿਤਬ੍ਬਾ। ਸਚੇ ਕਰੋਨ੍ਤਿਯੇવ, ‘‘ਤਜ੍ਜਨੀਯਂ વਾ ਨਿਯਸ੍ਸਂ વਾ ਕਰੋਥਾ’’ਤਿ ਯਾਚਿਤਬ੍ਬਾ। ਸਚੇ ਕਰੋਨ੍ਤਿਯੇવ, ਅਥ ਉਪਜ੍ਝਾਯੋ ‘‘ਸਮ੍ਮਾ વਤ੍ਤਥ ਭਨ੍ਤੇ’’ਤਿ ਯਾਚਿਤਬ੍ਬੋ। ਇਤਿ ਤਂ ਸਮ੍ਮਾ વਤ੍ਤਾਪੇਤ੍વਾ ‘‘ਪਟਿਪ੍ਪਸ੍ਸਮ੍ਭੇਥ ਭਨ੍ਤੇ ਕਮ੍ਮ’’ਨ੍ਤਿ ਭਿਕ੍ਖੂ ਯਾਚਿਤਬ੍ਬਾ।
Vūpakāsetabboti aññattha netabbo. Vūpakāsāpetabboti añño bhikkhu vattabbo ‘‘theraṃ gahetvā aññattha gacchā’’ti vivecetabbanti vissajjāpetabbaṃ. Vivecāpetabbanti añño vattabbo ‘‘theraṃ diṭṭhigataṃ vissajjāpehī’’ti. Ussukkaṃ kātabbanti parivāsadānatthaṃ so so bhikkhu upasaṅkamitvā yācitabbo. Sace attanā paṭibalo hoti, attanāva dātabbo. No ce paṭibalo hoti, aññena dāpetabbo. Kinti nu khoti kena nu kho upāyena. Esa nayo sabbattha. Lahukāya vāpariṇāmeyyāti ukkhepanīyaṃ akatvā tajjanīyaṃ vā niyassaṃ vā kareyyāti attho. Tena hi ‘‘upajjhāyassa ukkhepanīyakammaṃ kattukāmo saṅgho’’ti ñatvā ekamekaṃ bhikkhuṃ upasaṅkamitvā ‘‘mā bhante amhākaṃ upajjhāyassa kammaṃ karitthā’’ti yācitabbā. Sace karontiyeva, ‘‘tajjanīyaṃ vā niyassaṃ vā karothā’’ti yācitabbā. Sace karontiyeva, atha upajjhāyo ‘‘sammā vattatha bhante’’ti yācitabbo. Iti taṃ sammā vattāpetvā ‘‘paṭippassambhetha bhante kamma’’nti bhikkhū yācitabbā.
ਸਮ੍ਪਰਿવਤ੍ਤਕਂ ਸਮ੍ਪਰਿવਤ੍ਤਕਨ੍ਤਿ ਸਮ੍ਪਰਿવਤ੍ਤੇਤ੍વਾ ਸਮ੍ਪਰਿવਤ੍ਤੇਤ੍વਾ। ਨ ਚ ਅਚ੍ਛਿਨ੍ਨੇ ਥੇવੇ ਪਕ੍ਕਮਿਤਬ੍ਬਨ੍ਤਿ ਯਦਿ ਅਪ੍ਪਮਤ੍ਤਕਮ੍ਪਿ ਰਜਨਂ ਗਲ਼ਤਿ, ਨ ਤਾવ ਪਕ੍ਕਮਿਤਬ੍ਬਂ। ਨ ਉਪਜ੍ਝਾਯਂ ਅਨਾਪੁਚ੍ਛਾ ਏਕਚ੍ਚਸ੍ਸ ਪਤ੍ਤੋ ਦਾਤਬ੍ਬੋਤਿਆਦਿ ਸਬ੍ਬਂ ਉਪਜ੍ਝਾਯਸ੍ਸ વਿਸਭਾਗਪੁਗ੍ਗਲવਸੇਨ ਕਥਿਤਂ। ਨ ਉਪਜ੍ਝਾਯਂ ਅਨਾਪੁਚ੍ਛਾ ਗਾਮੋ ਪવਿਸਿਤਬ੍ਬੋਤਿ ਪਿਣ੍ਡਾਯ વਾ ਅਞ੍ਞੇਨ વਾ ਕਰਣੀਯੇਨ ਪવਿਸਿਤੁਕਾਮੇਨ ਆਪੁਚ੍ਛਿਤ੍વਾવ ਪવਿਸਿਤਬ੍ਬੋ। ਸਚੇ ਉਪਜ੍ਝਾਯੋ ਕਾਲਸ੍ਸੇવ વੁਟ੍ਠਾਯ ਦੂਰਂ ਭਿਕ੍ਖਾਚਾਰਂ ਗਨ੍ਤੁਕਾਮੋ ਹੋਤਿ, ‘‘ਦਹਰਾ ਪਿਣ੍ਡਾਯ ਪવਿਸਨ੍ਤੂ’’ਤਿ વਤ੍વਾ ਗਨ੍ਤਬ੍ਬਂ। ਅવਤ੍વਾ ਗਤੇ ਪਰਿવੇਣਂ ਗਨ੍ਤ੍વਾ ਉਪਜ੍ਝਾਯਂ ਅਪਸ੍ਸਨ੍ਤੇਨ ਗਾਮਂ ਪવਿਸਿਤੁਂ વਟ੍ਟਤਿ। ਸਚੇ ਗਾਮਂ ਪવਿਸਨ੍ਤੋਪਿ ਪਸ੍ਸਤਿ, ਦਿਟ੍ਠਟ੍ਠਾਨਤੋ ਪਟ੍ਠਾਯ ਆਪੁਚ੍ਛਿਤੁਂਯੇવ વਟ੍ਟਤਿ।
Samparivattakaṃ samparivattakanti samparivattetvā samparivattetvā. Na ca acchinne theve pakkamitabbanti yadi appamattakampi rajanaṃ gaḷati, na tāva pakkamitabbaṃ. Na upajjhāyaṃ anāpucchā ekaccassa patto dātabbotiādi sabbaṃ upajjhāyassa visabhāgapuggalavasena kathitaṃ. Na upajjhāyaṃ anāpucchā gāmo pavisitabboti piṇḍāya vā aññena vā karaṇīyena pavisitukāmena āpucchitvāva pavisitabbo. Sace upajjhāyo kālasseva vuṭṭhāya dūraṃ bhikkhācāraṃ gantukāmo hoti, ‘‘daharā piṇḍāya pavisantū’’ti vatvā gantabbaṃ. Avatvā gate pariveṇaṃ gantvā upajjhāyaṃ apassantena gāmaṃ pavisituṃ vaṭṭati. Sace gāmaṃ pavisantopi passati, diṭṭhaṭṭhānato paṭṭhāya āpucchituṃyeva vaṭṭati.
ਨ ਸੁਸਾਨਂ ਗਨ੍ਤਬ੍ਬਨ੍ਤਿ વਾਸਤ੍ਥਾਯ વਾ ਦਸ੍ਸਨਤ੍ਥਾਯ વਾ ਨ ਗਨ੍ਤਬ੍ਬਂ। ਨ ਦਿਸਾ ਪਕ੍ਕਮਿਤਬ੍ਬਾਤਿ ਏਤ੍ਥ ਪਕ੍ਕਮਿਤੁਕਾਮੇਨ ਕਮ੍ਮਂ ਆਚਿਕ੍ਖਿਤ੍વਾ ਯਾવਤਤਿਯਂ ਯਾਚਿਤਬ੍ਬੋ। ਸਚੇ ਅਨੁਜਾਨਾਤਿ, ਸਾਧੁ; ਨੋ ਚੇ ਅਨੁਜਾਨਾਤਿ, ਤਂ ਨਿਸ੍ਸਾਯ વਸਤੋ ਚਸ੍ਸ ਉਦ੍ਦੇਸੋ વਾ ਪਰਿਪੁਚ੍ਛਾ વਾ ਕਮ੍ਮਟ੍ਠਾਨਂ વਾ ਨ ਸਮ੍ਪਜ੍ਜਤਿ, ਉਪਜ੍ਝਾਯੋ ਬਾਲੋ ਹੋਤਿ ਅਬ੍ਯਤ੍ਤੋ, ਕੇવਲਂ ਅਤ੍ਤਨੋ ਸਨ੍ਤਿਕੇ વਸਾਪੇਤੁਕਾਮਤਾਯ ਏવ ਗਨ੍ਤੁਂ ਨ ਦੇਤਿ, ਏવਰੂਪੇ ਨਿવਾਰੇਨ੍ਤੇਪਿ ਗਨ੍ਤੁਂ વਟ੍ਟਤਿ। વੁਟ੍ਠਾਨਮਸ੍ਸ ਆਗਮੇਤਬ੍ਬਨ੍ਤਿ ਗੇਲਞ੍ਞਤੋ વੁਟ੍ਠਾਨਂ ਅਸ੍ਸ ਆਗਮੇਤਬ੍ਬਂ; ਨ ਕਤ੍ਥਚਿ ਗਨ੍ਤਬ੍ਬਂ। ਸਚੇ ਅਞ੍ਞੋ ਭਿਕ੍ਖੁ ਉਪਟ੍ਠਾਕੋ ਅਤ੍ਥਿ, ਭੇਸਜ੍ਜਂ ਪਰਿਯੇਸਿਤ੍વਾ ਤਸ੍ਸ ਹਤ੍ਥੇ ਦਤ੍વਾ ‘‘ਭਨ੍ਤੇ ਅਯਂ ਉਪਟ੍ਠਹਿਸ੍ਸਤੀ’’ਤਿ વਤ੍વਾ ਗਨ੍ਤਬ੍ਬਂ।
Na susānaṃ gantabbanti vāsatthāya vā dassanatthāya vā na gantabbaṃ. Na disā pakkamitabbāti ettha pakkamitukāmena kammaṃ ācikkhitvā yāvatatiyaṃ yācitabbo. Sace anujānāti, sādhu; no ce anujānāti, taṃ nissāya vasato cassa uddeso vā paripucchā vā kammaṭṭhānaṃ vā na sampajjati, upajjhāyo bālo hoti abyatto, kevalaṃ attano santike vasāpetukāmatāya eva gantuṃ na deti, evarūpe nivārentepi gantuṃ vaṭṭati. Vuṭṭhānamassa āgametabbanti gelaññato vuṭṭhānaṃ assa āgametabbaṃ; na katthaci gantabbaṃ. Sace añño bhikkhu upaṭṭhāko atthi, bhesajjaṃ pariyesitvā tassa hatthe datvā ‘‘bhante ayaṃ upaṭṭhahissatī’’ti vatvā gantabbaṃ.
ਉਪਜ੍ਝਾਯવਤ੍ਤਕਥਾ ਨਿਟ੍ਠਿਤਾ।
Upajjhāyavattakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੫. ਉਪਜ੍ਝਾਯવਤ੍ਤਕਥਾ • 15. Upajjhāyavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਜ੍ਝਾਯવਤ੍ਤਕਥਾવਣ੍ਣਨਾ • Upajjhāyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪਜ੍ਝਾਯવਤ੍ਤਕਥਾવਣ੍ਣਨਾ • Upajjhāyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪਜ੍ਝਾਯવਤ੍ਤਕਥਾવਣ੍ਣਨਾ • Upajjhāyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੫. ਉਪਜ੍ਝਾਯવਤ੍ਤਕਥਾ • 15. Upajjhāyavattakathā
