| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
உபஜ்ஜா²யவத்தகதா²வண்ணனா
Upajjhāyavattakathāvaṇṇanā
64. பு³த்³து⁴பஜ்ஜா²யகானங் இதரேஸங் ஏஹிபி⁴க்கூ²னங் நிவாஸனபாருபனகப்பதோ நேஸங் விஸுங் விஸுங் ஸதி³ஸத்தா ‘‘து³ன்னிவத்தா² து³ப்பாருதா அனாகப்பஸம்பன்னா’’தி வுத்தா. ந கேவலஞ்ச இத்த²ம்பூ⁴தா பிண்டா³ய சரந்தி, அபிச மனுஸ்ஸானங் பு⁴ஞ்ஜமானானங் உபரீதிஆதி³. மனுஸ்ஸா உஜ்ஜா²யந்தி பிபாஸாஸஹனதோ, இதரேஸங் ஆகப்பஸம்பத்தியா பஸன்னத்தா ச.
64. Buddhupajjhāyakānaṃ itaresaṃ ehibhikkhūnaṃ nivāsanapārupanakappato nesaṃ visuṃ visuṃ sadisattā ‘‘dunnivatthā duppārutā anākappasampannā’’ti vuttā. Na kevalañca itthambhūtā piṇḍāya caranti, apica manussānaṃ bhuñjamānānaṃ uparītiādi. Manussā ujjhāyanti pipāsāsahanato, itaresaṃ ākappasampattiyā pasannattā ca.
65. கேன கோ உபஜ்ஜா²யோ க³ஹேதப்³போ³தி? ‘‘ததா³ ஸோ யஸ்ஸ ஸந்திகே பப்³பா³ஜிதோ, ஏதரஹி யஸ்ஸ ஸந்திகே உபஸம்பதா³பெக்கோ² ஹோதி. உபஜ்ஜா²யேன ச ஸாதூ⁴தி ஸம்படிச்ச²னங் ஸந்தா⁴யா’’தி கேஹிசி லிகி²தங். தங் தே ஏவங் ஜானந்தி ‘‘உபஜ்ஜா²யேன ‘ஸாஹூ’திஆதி³னா ஸம்படிச்சி²தே ஸத்³தி⁴விஹாரிகஸ்ஸ ‘ஸாது⁴ ஸுட்டு² ஸம்படிச்சா²மீ’தி வசனங் கேவலங் பி⁴க்கூ²ஹி ஆசிண்ணமேவ, ந கத்த²சி தி³ஸ்ஸதி, தஸ்மா வினாபி தேன உபஜ்ஜா²யோ க³ஹிதோவ ஹோதீ’’தி. தத்த² ஸாஹூதி ஸாதூ⁴தி வுத்தங் ஹோதி. லஹூதி லஹு, த்வங் மம ந பா⁴ரியோஸீதி வுத்தங் ஹோதி. ஓபாயிகந்தி உபாயபடிஸங்யுத்தங், இமினா உபாயேன த்வங் மே இதோ பட்டா²ய பா⁴ரோ ஜாதோஸீதி அத்தோ². பதிரூபந்தி அனுரூபங் தே உபஜ்ஜா²யக்³க³ஹணந்தி அத்தோ².
65. Kena ko upajjhāyo gahetabboti? ‘‘Tadā so yassa santike pabbājito, etarahi yassa santike upasampadāpekkho hoti. Upajjhāyena ca sādhūti sampaṭicchanaṃ sandhāyā’’ti kehici likhitaṃ. Taṃ te evaṃ jānanti ‘‘upajjhāyena ‘sāhū’tiādinā sampaṭicchite saddhivihārikassa ‘sādhu suṭṭhu sampaṭicchāmī’ti vacanaṃ kevalaṃ bhikkhūhi āciṇṇameva, na katthaci dissati, tasmā vināpi tena upajjhāyo gahitova hotī’’ti. Tattha sāhūti sādhūti vuttaṃ hoti. Lahūti lahu, tvaṃ mama na bhāriyosīti vuttaṃ hoti. Opāyikanti upāyapaṭisaṃyuttaṃ, iminā upāyena tvaṃ me ito paṭṭhāya bhāro jātosīti attho. Patirūpanti anurūpaṃ te upajjhāyaggahaṇanti attho.
66. தாதி³ஸமேவ முக²தோ⁴வனோத³கங் உதும்ஹி ஏகஸபா⁴கே³தி. இதோ பட்டா²யாதி ‘‘ந உபஜ்ஜா²யஸ்ஸ ப⁴ணமானஸ்ஸா’’தி எத்த² வுத்தன-காரதோ பட்டா²ய. தேன ‘‘நாதிதூ³ரே க³ந்தப்³ப³ங், நாச்சாஸன்னே க³ந்தப்³ப³’’ந்தி எத்த² வுத்தன-காரேன அனாபத்தீதி தீ³பேதீதி ஏகே. ஸசித்தகா அயங் ஆபத்தி, உதா³ஹு அசித்தகாதி? அனாத³ரியபச்சயத்தா ஸசித்தகா. அனாத³ரியபச்சயதா கத²ங் பஞ்ஞாயதீதி சே? அனாத³ரியபச்சயேஹி ஸங்க³ஹிதந்தி. பாதிமொக்கு²த்³தே³ஸே ஸேகி²யானங் க³ணபரிச்சே²தா³கரணஞ்ஹி க²ந்த⁴கபரியாபன்னாபத்தியா ஸங்க³ண்ஹனத்த²ங். இத³ங் பன லக்க²ணங் சாரித்தேயேவ வேதி³தப்³ப³ங், ந வாரித்தே அகப்பியமங்ஸகா²த³னாதி³ஆபத்தீனங் அசித்தகத்தா. க²ந்த⁴கவாரித்தானங் தேஹி ஸங்க³ஹோ, ஸேகி²யவாரித்தேயேவ அசித்தகேஹி ஸூபோத³னவிஞ்ஞத்திபச்சயாதீ³ஹீதி ஆசரியோ. யத்த² யத்த² ந-காரேன படிஸேதோ⁴ கரீயதி, கிங் ஸப்³ப³த்த² து³க்கடாபத்தீதி? ஆம. யத்த² அட்ட²கதா²ய நயோ ந த³ஸ்ஸிதோ, தத்த² ஸப்³ப³த்த². பரதோ ஹி அட்ட²கதா²யங் ‘‘ஸசே பன காளவண்ணகதா வா ஸுதா⁴ப³த்³தா⁴ வா ஹோதி நிரஜமத்திகா, ததா²ரூபாய பூ⁴மியா ட²பேதுங் வட்டதீ’’திஆதி³னா நயேன நயோ த³ஸ்ஸிதோ.
66.Tādisameva mukhadhovanodakaṃ utumhi ekasabhāgeti. Ito paṭṭhāyāti ‘‘na upajjhāyassa bhaṇamānassā’’ti ettha vuttana-kārato paṭṭhāya. Tena ‘‘nātidūre gantabbaṃ, nāccāsanne gantabba’’nti ettha vuttana-kārena anāpattīti dīpetīti eke. Sacittakā ayaṃ āpatti, udāhu acittakāti? Anādariyapaccayattā sacittakā. Anādariyapaccayatā kathaṃ paññāyatīti ce? Anādariyapaccayehi saṅgahitanti. Pātimokkhuddese sekhiyānaṃ gaṇaparicchedākaraṇañhi khandhakapariyāpannāpattiyā saṅgaṇhanatthaṃ. Idaṃ pana lakkhaṇaṃ cāritteyeva veditabbaṃ, na vāritte akappiyamaṃsakhādanādiāpattīnaṃ acittakattā. Khandhakavārittānaṃ tehi saṅgaho, sekhiyavāritteyeva acittakehi sūpodanaviññattipaccayādīhīti ācariyo. Yattha yattha na-kārena paṭisedho karīyati, kiṃ sabbattha dukkaṭāpattīti? Āma. Yattha aṭṭhakathāya nayo na dassito, tattha sabbattha. Parato hi aṭṭhakathāyaṃ ‘‘sace pana kāḷavaṇṇakatā vā sudhābaddhā vā hoti nirajamattikā, tathārūpāya bhūmiyā ṭhapetuṃ vaṭṭatī’’tiādinā nayena nayo dassito.
எத்தா²ஹ – யஸ்மா பாளியங்யேவ ‘‘ஸசே உபஜ்ஜா²யஸ்ஸ அனபி⁴ரதி உப்பன்னா ஹோதி, தி³ட்டி²க³தங் உப்பன்னங் ஹோதீ’’தி (மஹாவ॰ 66) ப⁴க³வதோ வசனவஸேன அட்ட²கதா²யங் வுத்தனயோ யுத்தோதி த³ஸ்ஸேதுங் ‘‘நாதிதூ³ரே நாச்சாஸன்னே’’தி எத்த² கோ ப⁴க³வதோ வசனலேஸோதி? வுச்சதே – ‘‘பட²மதரங் ஆக³ந்த்வா ஆஸனங் பஞ்ஞாபேதப்³ப³’’ந்திஆதீ³னி வத³ந்தி தே³ஸனியமனதோ. உபஜ்ஜா²யேன அனுமதங்யேவ பட²மக³மனந்தி சே? ந, அஸித்³த⁴த்தா, ஸித்³தே⁴பி யதா²வுத்தனயஸித்³தி⁴தோ ச . ந ஹி வாரித்தஸ்ஸ அனுமதி அனாபத்திகரா ஹோதி, ஏவங் ஸந்தேபி விசாரெத்வா க³ஹேதப்³ப³ங். கொட்ட²கந்தி த்³வாரகொட்ட²கங். ந நிஸ்ஸஜ்ஜிதப்³ப³ங், ந நித³ஹிதப்³ப³ங் வா.
Etthāha – yasmā pāḷiyaṃyeva ‘‘sace upajjhāyassa anabhirati uppannā hoti, diṭṭhigataṃ uppannaṃ hotī’’ti (mahāva. 66) bhagavato vacanavasena aṭṭhakathāyaṃ vuttanayo yuttoti dassetuṃ ‘‘nātidūre nāccāsanne’’ti ettha ko bhagavato vacanalesoti? Vuccate – ‘‘paṭhamataraṃ āgantvā āsanaṃ paññāpetabba’’ntiādīni vadanti desaniyamanato. Upajjhāyena anumataṃyeva paṭhamagamananti ce? Na, asiddhattā, siddhepi yathāvuttanayasiddhito ca . Na hi vārittassa anumati anāpattikarā hoti, evaṃ santepi vicāretvā gahetabbaṃ. Koṭṭhakanti dvārakoṭṭhakaṃ. Na nissajjitabbaṃ, na nidahitabbaṃ vā.
உபஜ்ஜா²யவத்தகதா²வண்ணனா நிட்டி²தா.
Upajjhāyavattakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 15. உபஜ்ஜா²யவத்தகதா² • 15. Upajjhāyavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபஜ்ஜா²யவத்தகதா² • Upajjhāyavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபஜ்ஜா²யவத்தகதா²வண்ணனா • Upajjhāyavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உபஜ்ஜா²யவத்தகதா²வண்ணனா • Upajjhāyavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 15. உபஜ்ஜா²யவத்தகதா² • 15. Upajjhāyavattakathā
