| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убаж̇жхааяавад̇д̇агат̇ааван̣н̣анаа
Upajjhāyavattakathāvaṇṇanā
64. важ̇ж̇ааваж̇ж̇ам̣ убаниж̇жхааяад̇ийд̇и убаж̇жхааяо, над̇т̇и убаж̇жхааяо зд̇зсанд̇и анубаж̇жхааяагаа. д̇знааха ‘‘важ̇ж̇ааваж̇ж̇ам̣ убаниж̇жхааяагзна г̇арунаа вирахид̇аа’’д̇и. д̇ад̇т̇а важ̇ж̇ааваж̇ж̇анд̇и куд̣̇д̣̇агам̣ маханд̇ан̃жа важ̇ж̇ам̣. вуд̣̇д̇хиад̇т̇о хи аяамагааро ‘‘палаапала’’нд̇иаад̣̇ийсу вияа. уд̇д̇идтабад̇д̇анд̇и зд̇т̇а ужчидта-сад̣̇д̣̇асамаанад̇т̇о уд̇д̇идта-сад̣̇д̣̇о. д̇знзвааха ‘‘д̇асмин̃хи мануссаа ужчидтасан̃н̃ино, д̇асмаа уд̇д̇идтабад̇д̇анд̇и вуд̇д̇а’’нд̇и. бин̣д̣ааяа жаран̣агабад̇д̇анд̇и иминаа бана бад̇д̇асса саруубад̣̇ассанамукзна ужчидтагаббанааяа гааран̣ам̣ вибхаавид̇ам̣. д̇асминд̇и д̇асмим̣ бин̣д̣ааяа жаран̣агабад̇д̇з.
64. Vajjāvajjaṃ upanijjhāyatīti upajjhāyo, natthi upajjhāyo etesanti anupajjhāyakā. Tenāha ‘‘vajjāvajjaṃ upanijjhāyakena garunā virahitā’’ti. Tattha vajjāvajjanti khuddakaṃ mahantañca vajjaṃ. Vuddhiattho hi ayamakāro ‘‘phalāphala’’ntiādīsu viya. Uttiṭṭhapattanti ettha ucchiṭṭha-saddasamānattho uttiṭṭha-saddo. Tenevāha ‘‘tasmiñhi manussā ucchiṭṭhasaññino, tasmā uttiṭṭhapattanti vutta’’nti. Piṇḍāya caraṇakapattanti iminā pana pattassa sarūpadassanamukhena ucchiṭṭhakappanāya kāraṇaṃ vibhāvitaṃ. Tasminti tasmiṃ piṇḍāya caraṇakapatte.
65. саг̇аараваа саббад̇иссаад̇и зд̇т̇а г̇арубхааво г̇ааравам̣, баасаан̣ажчад̇д̇ам̣ вияа г̇аругаран̣ийяад̇аа. саха г̇ааравзнаад̇и саг̇аараваа. г̇арунаа гисмин̃жи вуд̇д̇з г̇аарававасзна бад̇иссаванам̣ бад̇иссо, бад̇иссавабхууд̇ам̣ д̇ам̣сабхааг̇ан̃жа яам̣гин̃жи г̇аараванд̇и ад̇т̇о. саха бад̇иссзнаад̇и саббад̇иссаа, оваад̣̇ам̣ самбадижчанд̇аад̇и ад̇т̇о . бад̇иссийяад̇ийд̇и ваа бад̇иссо, г̇аругаад̇аб̣б̣о. д̇зна саха бад̇иссзнаад̇и саббад̇иссаа. адтагат̇ааяам̣ бана б̣яан̃ж̇анавижаарам̣ агад̇ваа ад̇т̇амад̇д̇амзва д̣̇ассзд̇ум̣ ‘‘г̇аругабхааван̃жзва ж̇здтагабхааван̃жа убадтабзд̇ваа’’д̇и вуд̇д̇ам̣. саахууд̇и саад̇ху. лахууд̇и аг̇ару, мама д̇уяхам̣ убаж̇жхааяабхаавз бхаарияам̣ наама над̇т̇ийд̇и ад̇т̇о. обааяиганд̇и убааяабадисам̣яуд̇д̇ам̣ д̇з убаж̇жхааяаг̇г̇ахан̣ам̣ иминаа убааязна д̇вам̣ мз ид̇о бадтааяа бхааро ж̇аад̇осийд̇и вуд̇д̇ам̣ ход̇и. бад̇ируубанд̇и ануруубам̣ д̇ава убаж̇жхааяаг̇г̇ахан̣анд̇и ад̇т̇о. баасаад̣̇игзнаад̇и басаад̣̇аавахзна гааяаважийбаяог̇зна. самбаад̣̇зхийд̇и д̇ивид̇хасигкам̣ нибпаад̣̇зхийд̇и ад̇т̇о. гааязна ваад̇и хад̇т̇амуд̣̇д̣̇аад̣̇им̣ д̣̇ассзнд̇о гааязна ваа вин̃н̃аабзд̇и. г̇ахид̇о д̇аяаа…бз… вин̃н̃аабзд̇ийд̇и ‘‘саахуу’’д̇иаад̣̇ийсу згам̣ вад̣̇анд̇оязва имамад̇т̇ам̣ вин̃н̃аабзд̇ийд̇и вужжад̇и. д̇знзвааха ‘‘ид̣̇амзва хий’’д̇иаад̣̇и. саад̇хууд̇и самбадижчанам̣ санд̇хааяаад̇и убаж̇жхааязна ‘‘саахуу’’д̇и вуд̇д̇з сад̣̇д̇хивихааригасса ‘‘саад̇хуу’’д̇и самбадижчанаважанам̣ санд̇хааяа. гасмаа наббамаан̣анд̇и ааха ‘‘ааяаажанад̣̇аанамад̇д̇зна хий’’д̇иаад̣̇и, сад̣̇д̇хивихааригасса ‘‘убаж̇жхааяо мз, бханд̇з, хохий’’д̇и ааяаажанамад̇д̇зна, убаж̇жхааяасса жа ‘‘саахуу’’д̇иаад̣̇инаа д̣̇аанаважанамад̇д̇знаад̇и ад̇т̇о. на зд̇т̇а самбадижчанам̣ ан̇г̇анд̇и сад̣̇д̇хивихааригасса самбадижчанаважанам̣ зд̇т̇а убаж̇жхааяаг̇г̇ахан̣з ан̇г̇ам̣ на ход̇и.
65.Sagāravā sappatissāti ettha garubhāvo gāravaṃ, pāsāṇacchattaṃ viya garukaraṇīyatā. Saha gāravenāti sagāravā. Garunā kismiñci vutte gāravavasena patissavanaṃ patisso, patissavabhūtaṃ taṃsabhāgañca yaṃkiñci gāravanti attho. Saha patissenāti sappatissā, ovādaṃ sampaṭicchantāti attho . Patissīyatīti vā patisso, garukātabbo. Tena saha patissenāti sappatissā. Aṭṭhakathāyaṃ pana byañjanavicāraṃ akatvā atthamattameva dassetuṃ ‘‘garukabhāvañceva jeṭṭhakabhāvañca upaṭṭhapetvā’’ti vuttaṃ. Sāhūti sādhu. Lahūti agaru, mama tuyhaṃ upajjhāyabhāve bhāriyaṃ nāma natthīti attho. Opāyikanti upāyapaṭisaṃyuttaṃ te upajjhāyaggahaṇaṃ iminā upāyena tvaṃ me ito paṭṭhāya bhāro jātosīti vuttaṃ hoti. Patirūpanti anurūpaṃ tava upajjhāyaggahaṇanti attho. Pāsādikenāti pasādāvahena kāyavacīpayogena. Sampādehīti tividhasikkhaṃ nipphādehīti attho. Kāyena vāti hatthamuddādiṃ dassento kāyena vā viññāpeti. Gahito tayā…pe… viññāpetīti ‘‘sāhū’’tiādīsu ekaṃ vadantoyeva imamatthaṃ viññāpetīti vuccati. Tenevāha ‘‘idameva hī’’tiādi. Sādhūti sampaṭicchanaṃ sandhāyāti upajjhāyena ‘‘sāhū’’ti vutte saddhivihārikassa ‘‘sādhū’’ti sampaṭicchanavacanaṃ sandhāya. Kasmā nappamāṇanti āha ‘‘āyācanadānamattena hī’’tiādi, saddhivihārikassa ‘‘upajjhāyo me, bhante, hohī’’ti āyācanamattena, upajjhāyassa ca ‘‘sāhū’’tiādinā dānavacanamattenāti attho. Na ettha sampaṭicchanaṃ aṅganti saddhivihārikassa sampaṭicchanavacanaṃ ettha upajjhāyaggahaṇe aṅgaṃ na hoti.
66. саммаавад̇д̇анаад̇и саммаабавад̇д̇и. ассаад̇и сад̣̇д̇хивихааригасса. д̇аад̣̇исамзва мукад̇хованод̣̇агам̣ д̣̇аад̇аб̣б̣анд̇и уд̇умхи сарийрасабхаавз жа згаагаарз д̇аад̣̇исамзва д̣̇аад̇аб̣б̣ам̣. д̣̇вз жийвараанийд̇и баарубанам̣ сан̇гхаадин̃жа санд̇хааяа вад̣̇ад̇и. яад̣̇и звам̣ ‘‘сан̇гхаадияо’’д̇и гасмаа вуд̇д̇анд̇и ааха ‘‘саб̣б̣ан̃хи жийварам̣ сан̇гхадид̇ад̇д̇аа сан̇гхаадийд̇и вужжад̇ий’’д̇и. бад̣̇авийд̇ихаарзхийд̇и зд̇т̇а бад̣̇ам̣ вийд̇ихарад̇и зд̇т̇аад̇и бад̣̇авийд̇ихааро, бад̣̇авийд̇ихаран̣адтаанам̣ д̣̇ууд̇авиламб̣ид̇ам̣ агад̇ваа самаг̇аманз д̣̇виннам̣ бад̣̇аанам̣ анд̇арз мудтирад̇анамад̇д̇ам̣. бад̣̇аанам̣ ваа вийд̇ихаран̣ам̣ абхимукам̣ харид̇ваа нигкзбо бад̣̇авийд̇ихаарод̇и звамзд̇т̇а ад̇т̇о д̣̇адтаб̣б̣о. ид̇о бадтааяаад̇и ‘‘на убаж̇жхааяасса бхан̣амаанассаа’’д̇и зд̇т̇а вуд̇д̇а на-гаарад̇о бадтааяа. саб̣б̣ад̇т̇а д̣̇уггадаабад̇д̇и взд̣̇ид̇аб̣б̣аад̇и ‘‘ийд̣̇исзсу г̇илааноби на мужжад̇ий’’д̇и д̣̇ассанад̇т̇ам̣ вуд̇д̇ам̣. ан̃н̃амби хи яат̇аавуд̇д̇ам̣ убаж̇жхааяавад̇д̇ам̣ анаад̣̇ариязна агаронд̇асса аг̇илаанасса вад̇д̇абхзд̣̇з саб̣б̣ад̇т̇а д̣̇уггадамзва. д̇знзва вагкад̇и ‘‘аг̇илаанзна хи сад̣̇д̇хивихааригзна садтивассзнаби саб̣б̣ам̣ убаж̇жхааяавад̇д̇ам̣ гаад̇аб̣б̣ам̣, анаад̣̇арзна агаронд̇асса вад̇д̇абхзд̣̇з д̣̇уггадам̣. на-гаарабадисам̣яуд̇д̇зсу бана бад̣̇зсу г̇илаанассаби бадигкид̇д̇агирияам̣ гаронд̇асса д̣̇уггадамзваа’’д̇и (махаава. адта. 64). аабад̇д̇ияаа аасаннаваажанд̇и аабад̇д̇иж̇анагамзва важанам̣ санд̇хааяа вад̣̇ад̇и. яааяа хи ваажааяа аабад̇д̇им̣ аабаж̇ж̇ад̇и, саа ваажаа д̇ассаа аабад̇д̇ияаа аасаннаад̇и вужжад̇и.
66.Sammāvattanāti sammāpavatti. Assāti saddhivihārikassa. Tādisameva mukhadhovanodakaṃ dātabbanti utumhi sarīrasabhāve ca ekākāre tādisameva dātabbaṃ. Dve cīvarānīti pārupanaṃ saṅghāṭiñca sandhāya vadati. Yadi evaṃ ‘‘saṅghāṭiyo’’ti kasmā vuttanti āha ‘‘sabbañhi cīvaraṃ saṅghaṭitattā saṅghāṭīti vuccatī’’ti. Padavītihārehīti ettha padaṃ vītiharati etthāti padavītihāro, padavītiharaṇaṭṭhānaṃ dūtavilambitaṃ akatvā samagamane dvinnaṃ padānaṃ antare muṭṭhiratanamattaṃ. Padānaṃ vā vītiharaṇaṃ abhimukhaṃ haritvā nikkhepo padavītihāroti evamettha attho daṭṭhabbo. Ito paṭṭhāyāti ‘‘na upajjhāyassa bhaṇamānassā’’ti ettha vutta na-kārato paṭṭhāya. Sabbattha dukkaṭāpatti veditabbāti ‘‘īdisesu gilānopi na muccatī’’ti dassanatthaṃ vuttaṃ. Aññampi hi yathāvuttaṃ upajjhāyavattaṃ anādariyena akarontassa agilānassa vattabhede sabbattha dukkaṭameva. Teneva vakkhati ‘‘agilānena hi saddhivihārikena saṭṭhivassenapi sabbaṃ upajjhāyavattaṃ kātabbaṃ, anādarena akarontassa vattabhede dukkaṭaṃ. Na-kārapaṭisaṃyuttesu pana padesu gilānassapi paṭikkhittakiriyaṃ karontassa dukkaṭamevā’’ti (mahāva. aṭṭha. 64). Āpattiyā āsannavācanti āpattijanakameva vacanaṃ sandhāya vadati. Yāya hi vācāya āpattiṃ āpajjati, sā vācā tassā āpattiyā āsannāti vuccati.
жийварзна бад̇д̇ам̣ взтзд̇ваад̇и зд̇т̇а ‘‘уд̇д̇араасан̇г̇асса згзна ган̣н̣зна взтзд̇ваа’’д̇и г̇ан̣тибад̣̇зсу вуд̇д̇ам̣. г̇аамзд̇и г̇аамабарияаабаннз д̇аад̣̇исз гисмин̃жи бад̣̇зсз. анд̇арагхарзд̇и анд̇ог̇зхз. бадиггаманзд̇и аасанасаалааяам̣. д̇игкад̇д̇ум̣ баанийязна бужчид̇аб̣б̣од̇и самб̣анд̇хо, аад̣̇имхи маж̇жхз анд̇зд̇и звам̣ д̇игкад̇д̇ум̣ бужчид̇аб̣б̣од̇и ад̇т̇о. убагадтод̇и аасанно. д̇ход̇аваалигааяаад̇и нираж̇ааяа барисуд̣̇д̇хаваалигааяа. сажз баход̇ийд̇и вуд̇д̇амзвад̇т̇ам̣ вибхаавзд̇и ‘‘на гзнажи г̇злан̃н̃зна абхибхууд̇о ход̇ий’’д̇и. баривзн̣ам̣ г̇анд̇ваад̇и убаж̇жхааяасса баривзн̣ам̣ г̇анд̇ваа.
Cīvarena pattaṃ veṭhetvāti ettha ‘‘uttarāsaṅgassa ekena kaṇṇena veṭhetvā’’ti gaṇṭhipadesu vuttaṃ. Gāmeti gāmapariyāpanne tādise kismiñci padese. Antaraghareti antogehe. Paṭikkamaneti āsanasālāyaṃ. Tikkhattuṃ pānīyena pucchitabboti sambandho, ādimhi majjhe anteti evaṃ tikkhattuṃ pucchitabboti attho. Upakaṭṭhoti āsanno. Dhotavālikāyāti nirajāya parisuddhavālikāya. Sace pahotīti vuttamevatthaṃ vibhāveti ‘‘na kenaci gelaññena abhibhūto hotī’’ti. Pariveṇaṃ gantvāti upajjhāyassa pariveṇaṃ gantvā.
убаж̇жхааяавад̇д̇агат̇ааван̣н̣анаа нидтид̇аа.
Upajjhāyavattakathāvaṇṇanā niṭṭhitā.
67. сад̣̇д̇хивихааригавад̇д̇агат̇аа уд̇д̇аанад̇т̇ааязва.
67. Saddhivihārikavattakathā uttānatthāyeva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
15. убаж̇жхааяавад̇д̇агат̇аа • 15. Upajjhāyavattakathā
16. сад̣̇д̇хивихааригавад̇д̇агат̇аа • 16. Saddhivihārikavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
убаж̇жхааяавад̇д̇агат̇аа • Upajjhāyavattakathā
сад̣̇д̇хивихааригавад̇д̇агат̇аа • Saddhivihārikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
сад̣̇д̇хивихааригавад̇д̇агат̇ааван̣н̣анаа • Saddhivihārikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
15. убаж̇жхааяавад̇д̇агат̇аа • 15. Upajjhāyavattakathā
16. сад̣̇д̇хивихааригавад̇д̇агат̇аа • 16. Saddhivihārikavattakathā
