| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
убаж̇жхааяавад̇д̇агат̇ааван̣н̣анаа
Upajjhāyavattakathāvaṇṇanā
64. б̣уд̣̇д̇хубаж̇жхааяагаанам̣ ид̇арзсам̣ зхибхигкуунам̣ ниваасанабаарубанагаббад̇о нзсам̣ висум̣ висум̣ сад̣̇исад̇д̇аа ‘‘д̣̇уннивад̇т̇аа д̣̇уббааруд̇аа анаагаббасамбаннаа’’д̇и вуд̇д̇аа. на гзвалан̃жа ид̇т̇амбхууд̇аа бин̣д̣ааяа жаранд̇и, абижа мануссаанам̣ бхун̃ж̇амаанаанам̣ убарийд̇иаад̣̇и. мануссаа уж̇жхааяанд̇и бибаасаасаханад̇о, ид̇арзсам̣ аагаббасамбад̇д̇ияаа басаннад̇д̇аа жа.
64. Buddhupajjhāyakānaṃ itaresaṃ ehibhikkhūnaṃ nivāsanapārupanakappato nesaṃ visuṃ visuṃ sadisattā ‘‘dunnivatthā duppārutā anākappasampannā’’ti vuttā. Na kevalañca itthambhūtā piṇḍāya caranti, apica manussānaṃ bhuñjamānānaṃ uparītiādi. Manussā ujjhāyanti pipāsāsahanato, itaresaṃ ākappasampattiyā pasannattā ca.
65. гзна го убаж̇жхааяо г̇ахзд̇аб̣б̣од̇и? ‘‘д̇ад̣̇аа со яасса санд̇игз баб̣б̣ааж̇ид̇о, зд̇арахи яасса санд̇игз убасамбад̣̇аабзгко ход̇и. убаж̇жхааязна жа саад̇хууд̇и самбадижчанам̣ санд̇хааяаа’’д̇и гзхижи ликид̇ам̣. д̇ам̣ д̇з звам̣ ж̇аананд̇и ‘‘убаж̇жхааязна ‘саахуу’д̇иаад̣̇инаа самбадижчид̇з сад̣̇д̇хивихааригасса ‘саад̇ху судту самбадижчаамий’д̇и важанам̣ гзвалам̣ бхигкуухи аажин̣н̣амзва, на гад̇т̇ажи д̣̇иссад̇и, д̇асмаа винааби д̇зна убаж̇жхааяо г̇ахид̇ова ход̇ий’’д̇и. д̇ад̇т̇а саахууд̇и саад̇хууд̇и вуд̇д̇ам̣ ход̇и. лахууд̇и лаху, д̇вам̣ мама на бхаарияосийд̇и вуд̇д̇ам̣ ход̇и. обааяиганд̇и убааяабадисам̣яуд̇д̇ам̣, иминаа убааязна д̇вам̣ мз ид̇о бадтааяа бхааро ж̇аад̇осийд̇и ад̇т̇о. бад̇ируубанд̇и ануруубам̣ д̇з убаж̇жхааяаг̇г̇ахан̣анд̇и ад̇т̇о.
65. Kena ko upajjhāyo gahetabboti? ‘‘Tadā so yassa santike pabbājito, etarahi yassa santike upasampadāpekkho hoti. Upajjhāyena ca sādhūti sampaṭicchanaṃ sandhāyā’’ti kehici likhitaṃ. Taṃ te evaṃ jānanti ‘‘upajjhāyena ‘sāhū’tiādinā sampaṭicchite saddhivihārikassa ‘sādhu suṭṭhu sampaṭicchāmī’ti vacanaṃ kevalaṃ bhikkhūhi āciṇṇameva, na katthaci dissati, tasmā vināpi tena upajjhāyo gahitova hotī’’ti. Tattha sāhūti sādhūti vuttaṃ hoti. Lahūti lahu, tvaṃ mama na bhāriyosīti vuttaṃ hoti. Opāyikanti upāyapaṭisaṃyuttaṃ, iminā upāyena tvaṃ me ito paṭṭhāya bhāro jātosīti attho. Patirūpanti anurūpaṃ te upajjhāyaggahaṇanti attho.
66. д̇аад̣̇исамзва мукад̇хованод̣̇агам̣ уд̇умхи згасабхааг̇зд̇и. ид̇о бадтааяаад̇и ‘‘на убаж̇жхааяасса бхан̣амаанассаа’’д̇и зд̇т̇а вуд̇д̇ана-гаарад̇о бадтааяа. д̇зна ‘‘наад̇ид̣̇уурз г̇анд̇аб̣б̣ам̣, наажжаасаннз г̇анд̇аб̣б̣а’’нд̇и зд̇т̇а вуд̇д̇ана-гаарзна анаабад̇д̇ийд̇и д̣̇ийбзд̇ийд̇и згз. сажид̇д̇агаа аяам̣ аабад̇д̇и, уд̣̇ааху ажид̇д̇агаад̇и? анаад̣̇арияабажжаяад̇д̇аа сажид̇д̇агаа. анаад̣̇арияабажжаяад̇аа гат̇ам̣ бан̃н̃ааяад̇ийд̇и жз? анаад̣̇арияабажжаязхи сан̇г̇ахид̇анд̇и. баад̇имогкуд̣̇д̣̇зсз сзкияаанам̣ г̇ан̣абарижчзд̣̇аагаран̣ан̃хи канд̇хагабарияаабаннаабад̇д̇ияаа сан̇г̇ан̣ханад̇т̇ам̣. ид̣̇ам̣ бана лагкан̣ам̣ жаарид̇д̇зязва взд̣̇ид̇аб̣б̣ам̣, на ваарид̇д̇з агаббияамам̣сакаад̣̇анаад̣̇иаабад̇д̇ийнам̣ ажид̇д̇агад̇д̇аа. канд̇хагаваарид̇д̇аанам̣ д̇зхи сан̇г̇ахо, сзкияаваарид̇д̇зязва ажид̇д̇агзхи суубод̣̇анавин̃н̃ад̇д̇ибажжаяаад̣̇ийхийд̇и аажарияо. яад̇т̇а яад̇т̇а на-гаарзна бадисзд̇хо гарийяад̇и, гим̣ саб̣б̣ад̇т̇а д̣̇уггадаабад̇д̇ийд̇и? аама. яад̇т̇а адтагат̇ааяа наяо на д̣̇ассид̇о, д̇ад̇т̇а саб̣б̣ад̇т̇а. барад̇о хи адтагат̇ааяам̣ ‘‘сажз бана гаал̣аван̣н̣агад̇аа ваа суд̇хааб̣ад̣̇д̇хаа ваа ход̇и нираж̇амад̇д̇игаа, д̇ат̇ааруубааяа бхуумияаа табзд̇ум̣ ваддад̇ий’’д̇иаад̣̇инаа наязна наяо д̣̇ассид̇о.
66.Tādisameva mukhadhovanodakaṃ utumhi ekasabhāgeti. Ito paṭṭhāyāti ‘‘na upajjhāyassa bhaṇamānassā’’ti ettha vuttana-kārato paṭṭhāya. Tena ‘‘nātidūre gantabbaṃ, nāccāsanne gantabba’’nti ettha vuttana-kārena anāpattīti dīpetīti eke. Sacittakā ayaṃ āpatti, udāhu acittakāti? Anādariyapaccayattā sacittakā. Anādariyapaccayatā kathaṃ paññāyatīti ce? Anādariyapaccayehi saṅgahitanti. Pātimokkhuddese sekhiyānaṃ gaṇaparicchedākaraṇañhi khandhakapariyāpannāpattiyā saṅgaṇhanatthaṃ. Idaṃ pana lakkhaṇaṃ cāritteyeva veditabbaṃ, na vāritte akappiyamaṃsakhādanādiāpattīnaṃ acittakattā. Khandhakavārittānaṃ tehi saṅgaho, sekhiyavāritteyeva acittakehi sūpodanaviññattipaccayādīhīti ācariyo. Yattha yattha na-kārena paṭisedho karīyati, kiṃ sabbattha dukkaṭāpattīti? Āma. Yattha aṭṭhakathāya nayo na dassito, tattha sabbattha. Parato hi aṭṭhakathāyaṃ ‘‘sace pana kāḷavaṇṇakatā vā sudhābaddhā vā hoti nirajamattikā, tathārūpāya bhūmiyā ṭhapetuṃ vaṭṭatī’’tiādinā nayena nayo dassito.
зд̇т̇ааха – яасмаа баал̣ияам̣язва ‘‘сажз убаж̇жхааяасса анабхирад̇и уббаннаа ход̇и, д̣̇идтиг̇ад̇ам̣ уббаннам̣ ход̇ий’’д̇и (махаава. 66) бхаг̇авад̇о важанавасзна адтагат̇ааяам̣ вуд̇д̇анаяо яуд̇д̇од̇и д̣̇ассзд̇ум̣ ‘‘наад̇ид̣̇уурз наажжаасаннз’’д̇и зд̇т̇а го бхаг̇авад̇о важаналзсод̇и? вужжад̇з – ‘‘батамад̇арам̣ ааг̇анд̇ваа аасанам̣ бан̃н̃аабзд̇аб̣б̣а’’нд̇иаад̣̇ийни вад̣̇анд̇и д̣̇зсанияаманад̇о. убаж̇жхааязна анумад̇ам̣язва батамаг̇амананд̇и жз? на, асид̣̇д̇хад̇д̇аа, сид̣̇д̇хзби яат̇аавуд̇д̇анаяасид̣̇д̇хид̇о жа . на хи ваарид̇д̇асса анумад̇и анаабад̇д̇игараа ход̇и, звам̣ санд̇зби вижаарзд̇ваа г̇ахзд̇аб̣б̣ам̣. годтаганд̇и д̣̇ваарагодтагам̣. на ниссаж̇ж̇ид̇аб̣б̣ам̣, на нид̣̇ахид̇аб̣б̣ам̣ ваа.
Etthāha – yasmā pāḷiyaṃyeva ‘‘sace upajjhāyassa anabhirati uppannā hoti, diṭṭhigataṃ uppannaṃ hotī’’ti (mahāva. 66) bhagavato vacanavasena aṭṭhakathāyaṃ vuttanayo yuttoti dassetuṃ ‘‘nātidūre nāccāsanne’’ti ettha ko bhagavato vacanalesoti? Vuccate – ‘‘paṭhamataraṃ āgantvā āsanaṃ paññāpetabba’’ntiādīni vadanti desaniyamanato. Upajjhāyena anumataṃyeva paṭhamagamananti ce? Na, asiddhattā, siddhepi yathāvuttanayasiddhito ca . Na hi vārittassa anumati anāpattikarā hoti, evaṃ santepi vicāretvā gahetabbaṃ. Koṭṭhakanti dvārakoṭṭhakaṃ. Na nissajjitabbaṃ, na nidahitabbaṃ vā.
убаж̇жхааяавад̇д̇агат̇ааван̣н̣анаа нидтид̇аа.
Upajjhāyavattakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 15. убаж̇жхааяавад̇д̇агат̇аа • 15. Upajjhāyavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убаж̇жхааяавад̇д̇агат̇аа • Upajjhāyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 15. убаж̇жхааяавад̇д̇агат̇аа • 15. Upajjhāyavattakathā
