| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
убаж̇жхааяавад̇д̇агат̇ааван̣н̣анаа
Upajjhāyavattakathāvaṇṇanā
64. важ̇ж̇ааваж̇ж̇анд̇и куд̣̇д̣̇агам̣, маханд̇ан̃жа важ̇ж̇ам̣. уд̇д̇идтабад̇д̇анд̇и зд̇т̇а уд̇д̇идтам̣ наама бин̣д̣ааяа жаран̣ам̣ вужжад̇и ‘‘уд̇д̇идтз наббамаж̇ж̇зяяаа’’д̇иаад̣̇ийсу (д̇ха. ба. 168) вияа. уд̇д̇идтад̇т̇ааяа г̇ахид̇ам̣ бад̇д̇ам̣ уд̇д̇идтабад̇д̇ам̣, д̇знааха ‘‘бин̣д̣ааяа жаран̣агабад̇д̇а’’нд̇и. д̇асса убанаамз го д̣̇осод̇и ааха ‘‘д̇асмим̣ хий’’д̇иаад̣̇и. д̇асмаад̇и яасмаа мануссаа зд̇асмим̣язва зд̇з бхун̃ж̇анд̇ийд̇и уд̇д̇идтабад̇д̇з ужчидтасан̃н̃ино, д̇асмаа уд̇д̇идтабад̇д̇анд̇и вуд̇д̇ам̣ уд̇д̇идта-сад̣̇д̣̇знзва мануссаанам̣ сан̃н̃ааяа ужчидтад̇ааби г̇аммад̇ийд̇и. гзжи бана ‘‘ужчидтасад̣̇д̣̇зна самаанад̇т̇о уд̇д̇идтасад̣̇д̣̇о’’д̇и вад̣̇анд̇и. ‘‘уд̇д̇идтаа’’д̇и д̇ваабажжаяанд̇оби ход̇ийд̇и ааха ‘‘удтахид̇ваа’’д̇и. убаж̇жхааяам̣ г̇ахзд̇унд̇и убаж̇жхааяад̇д̇ам̣ манасаа г̇ахзд̇ум̣, яаажанаважанзна д̇асса анумад̇им̣ г̇ахзд̇унд̇и ваа ад̇т̇о.
64.Vajjāvajjanti khuddakaṃ, mahantañca vajjaṃ. Uttiṭṭhapattanti ettha uttiṭṭhaṃ nāma piṇḍāya caraṇaṃ vuccati ‘‘uttiṭṭhe nappamajjeyyā’’tiādīsu (dha. pa. 168) viya. Uttiṭṭhatthāya gahitaṃ pattaṃ uttiṭṭhapattaṃ, tenāha ‘‘piṇḍāya caraṇakapatta’’nti. Tassa upanāme ko dosoti āha ‘‘tasmiṃ hī’’tiādi. Tasmāti yasmā manussā etasmiṃyeva ete bhuñjantīti uttiṭṭhapatte ucchiṭṭhasaññino, tasmā uttiṭṭhapattanti vuttaṃ uttiṭṭha-saddeneva manussānaṃ saññāya ucchiṭṭhatāpi gammatīti. Keci pana ‘‘ucchiṭṭhasaddena samānattho uttiṭṭhasaddo’’ti vadanti. ‘‘Uttiṭṭhā’’ti tvāpaccayantopi hotīti āha ‘‘uṭṭhahitvā’’ti. Upajjhāyaṃ gahetunti upajjhāyattaṃ manasā gahetuṃ, yācanavacanena tassa anumatiṃ gahetunti vā attho.
65. бад̇иссаяанам̣ бад̇иссо, г̇арум̣ ниссааяа вад̇д̇анабхааво, яам̣гин̃жи г̇аараванд̇и ад̇т̇о. саха бад̇иссзна саббад̇иссо, барам̣ ж̇здтам̣ гад̇ваа д̇ассоваад̣̇з вад̇д̇анад̇аад̇и ад̇т̇о. д̇знааха ‘‘ж̇здтагабхааван̃жа убадтабзд̇ваа’’д̇и. саахууд̇и саад̇ху сунд̣̇арам̣. лахууд̇и аг̇ару, субхарад̇аад̇и ад̇т̇о. обааяиганд̇и убааяабадисам̣яуд̇д̇ам̣, звам̣ бадибаж̇ж̇анам̣ нид̇т̇аран̣уубааяод̇и ад̇т̇о. бад̇ируубанд̇и саамийжигаммамид̣̇анд̇и ад̇т̇о. баасаад̣̇игзнаад̇и басаад̣̇аавахзна гааяаважийбаяог̇зна самбаад̣̇зхийд̇и ад̇т̇о. гааязнаад̇и зд̇ад̣̇ад̇т̇авин̃н̃аабагам̣ хад̇т̇амуд̣̇д̣̇аад̣̇им̣ д̣̇ассзнд̇о гааязна вин̃н̃аабзд̇и. саад̇хууд̇и самбадижчанам̣ санд̇хааяаад̇и убаж̇жхааязна ‘‘саахуу’’д̇иаад̣̇ийсу вуд̇д̇зсу сад̣̇д̇хивихааригасса ‘‘саад̇хуу’’д̇и самбадижчанам̣ важанам̣ санд̇хааяа ‘‘гааязна вин̃н̃аабзд̇ий’’д̇иаад̣̇и вуд̇д̇анд̇и ад̇хиббааяо. ааяаажанад̣̇аанамад̇д̇знаад̇и сад̣̇д̇хивихааригасса батамам̣ ааяаажанамад̇д̇зна, д̇ад̇о убаж̇жхааяасса жа ‘‘саахуу’’д̇иаад̣̇инаа важанамад̇д̇знаад̇и ад̇т̇о.
65. Patissayanaṃ patisso, garuṃ nissāya vattanabhāvo, yaṃkiñci gāravanti attho. Saha patissena sappatisso, paraṃ jeṭṭhaṃ katvā tassovāde vattanatāti attho. Tenāha ‘‘jeṭṭhakabhāvañca upaṭṭhapetvā’’ti. Sāhūti sādhu sundaraṃ. Lahūti agaru, subharatāti attho. Opāyikanti upāyapaṭisaṃyuttaṃ, evaṃ paṭipajjanaṃ nittharaṇūpāyoti attho. Patirūpanti sāmīcikammamidanti attho. Pāsādikenāti pasādāvahena kāyavacīpayogena sampādehīti attho. Kāyenāti etadatthaviññāpakaṃ hatthamuddādiṃ dassento kāyena viññāpeti. Sādhūti sampaṭicchanaṃ sandhāyāti upajjhāyena ‘‘sāhū’’tiādīsu vuttesu saddhivihārikassa ‘‘sādhū’’ti sampaṭicchanaṃ vacanaṃ sandhāya ‘‘kāyena viññāpetī’’tiādi vuttanti adhippāyo. Āyācanadānamattenāti saddhivihārikassa paṭhamaṃ āyācanamattena, tato upajjhāyassa ca ‘‘sāhū’’tiādinā vacanamattenāti attho.
66. ассаад̇и сад̣̇д̇хивихааригасса. д̣̇вз жийвараанийд̇и уд̇д̇араасан̇г̇ам̣, сан̇гхаадин̃жа санд̇хааяа вад̣̇ад̇и. ид̇о бадтааяаад̇и ‘‘на убаж̇жхааяасса бхан̣амаанассаа’’д̇и зд̇т̇а на-гаарад̇о бадтааяа, д̇зна ‘‘наад̇ид̣̇уурз’’д̇иаад̣̇ийсу на-гаарабадисид̣̇д̇хзсу аабад̇д̇и над̇т̇ийд̇и д̣̇ассзд̇и. саб̣б̣ад̇т̇а д̣̇уггадаабад̇д̇ийд̇и аабад̣̇аауммад̇д̇акид̇д̇ажид̇д̇авзд̣̇анаддад̇аад̣̇ийхи винаа бан̣н̣ад̇д̇им̣ аж̇аанид̇вааби вад̣̇анд̇асса г̇илаанассаби д̣̇уггадамзва. аабад̣̇аасу хи анд̇аранд̇араа гат̇аа вад̇д̇ум̣ ваддад̇и. зваман̃н̃зсуби на-гаарабадисид̣̇д̇хзсу ийд̣̇исзсу, ид̇арзсу бана г̇илааноби на мужжад̇и. баал̣ияам̣ ‘‘хздтаабийтам̣ ваа бараамасид̇ваа’’д̇и ид̣̇ам̣ буб̣б̣з д̇ад̇т̇а табид̇абад̇д̇аад̣̇инаа асан̇гхадданад̇т̇ааяа вуд̇д̇ам̣, жагкунаа ологзд̇вааби ан̃н̃зсам̣ абхаавам̣ н̃ад̇вааби табзд̇ум̣ ваддад̇и зва. аабад̇д̇ияаа аасаннанд̇и аабад̇д̇игаран̣амзва.
66.Assāti saddhivihārikassa. Dve cīvarānīti uttarāsaṅgaṃ, saṅghāṭiñca sandhāya vadati. Ito paṭṭhāyāti ‘‘na upajjhāyassa bhaṇamānassā’’ti ettha na-kārato paṭṭhāya, tena ‘‘nātidūre’’tiādīsu na-kārapaṭisiddhesu āpatti natthīti dasseti. Sabbattha dukkaṭāpattīti āpadāummattakhittacittavedanaṭṭatādīhi vinā paṇṇattiṃ ajānitvāpi vadantassa gilānassapi dukkaṭameva. Āpadāsu hi antarantarā kathā vattuṃ vaṭṭati. Evamaññesupi na-kārapaṭisiddhesu īdisesu, itaresu pana gilānopi na muccati. Pāḷiyaṃ ‘‘heṭṭhāpīṭhaṃ vā parāmasitvā’’ti idaṃ pubbe tattha ṭhapitapattādinā asaṅghaṭṭanatthāya vuttaṃ, cakkhunā oloketvāpi aññesaṃ abhāvaṃ ñatvāpi ṭhapetuṃ vaṭṭati eva. Āpattiyā āsannanti āpattikaraṇameva.
г̇аамзд̇и анд̇ог̇аамз д̇аад̣̇исз ман̣д̣абаад̣̇имхи. анд̇арагхарзд̇и анд̇ог̇зхз. бадиггаманзд̇и аасанасаалааяам̣. д̇ход̇аваалигааяаад̇и уд̣̇агзна г̇ад̇адтаанз нираж̇ааяа барисуд̣̇д̇хаваалигааяа. нид̣̇д̇хуумзд̇и ж̇анд̇аагхарз ж̇алияамаанааг̇г̇ид̇хуумарахид̇з. ж̇анд̇аагхаран̃хи наама химабаад̇аб̣ахулзсу д̣̇зсзсу д̇аббажжаяарог̇абийл̣аад̣̇инивааран̣ад̇т̇ам̣ сарийрасзд̣̇аабанадтаанам̣. д̇ад̇т̇а гира анд̇хагаарабадижчаннад̇ааяа б̣ахууби згад̇о бависид̇ваа жийварам̣ нигкибид̇ваа аг̇г̇ид̇аабабарихаарааяа мад̇д̇игааяа мукам̣ лимбид̇ваа сарийрам̣ яаавад̣̇ад̇т̇ам̣ сзд̣̇зд̇ваа жун̣н̣аад̣̇ийхи уб̣б̣аддзд̇ваа нахааяанд̇и. д̇знзва баал̣ияам̣ ‘‘жун̣н̣ам̣ саннзд̇аб̣б̣а’’нд̇иаад̣̇и вуд̇д̇ам̣. уллоганд̇и уд̣̇д̇хам̣ ологанадтаанам̣. убарибхааг̇анд̇и ад̇т̇о.
Gāmeti antogāme tādise maṇḍapādimhi. Antaraghareti antogehe. Paṭikkamaneti āsanasālāyaṃ. Dhotavālikāyāti udakena gataṭṭhāne nirajāya parisuddhavālikāya. Niddhūmeti jantāghare jaliyamānaaggidhūmarahite. Jantāgharañhi nāma himapātabahulesu desesu tappaccayarogapīḷādinivāraṇatthaṃ sarīrasedāpanaṭṭhānaṃ. Tattha kira andhakārapaṭicchannatāya bahūpi ekato pavisitvā cīvaraṃ nikkhipitvā aggitāpaparihārāya mattikāya mukhaṃ limpitvā sarīraṃ yāvadatthaṃ sedetvā cuṇṇādīhi ubbaṭṭetvā nahāyanti. Teneva pāḷiyaṃ ‘‘cuṇṇaṃ sannetabba’’ntiādi vuttaṃ. Ullokanti uddhaṃ olokanaṭṭhānaṃ. Uparibhāganti attho.
ан̃н̃ад̇т̇а нзд̇аб̣б̣од̇и яад̇т̇а вихарад̇о саасанз анабхирад̇и уббаннаа, д̇ад̇о ан̃н̃ад̇т̇а галяаан̣амид̇д̇аад̣̇исамбад̇д̇ияуд̇д̇адтаанз нзд̇аб̣б̣о. висабхааг̇абуг̇г̇алаананд̇и лаж̇ж̇ино ваа алаж̇ж̇ино ваа убаж̇жхааяасса авад̣дхигаамз санд̇хааяа вуд̇д̇ам̣. сажз бана убаж̇жхааяо алаж̇ж̇ий оваад̣̇амби на г̇ан̣хаад̇и, лаж̇ж̇ино жа зд̇асса висабхааг̇аа хонд̇и, д̇ад̇т̇а убаж̇жхааяам̣ вихааяа лаж̇ж̇ийхзва сад̣̇д̇хим̣ аамисаад̣̇ибарибхог̇о гаад̇аб̣б̣о. убаж̇жхааяаад̣̇ибхааво хзд̇т̇а на бамаан̣анд̇и д̣̇адтаб̣б̣ам̣. баривзн̣ам̣ г̇анд̇ваад̇и убаж̇жхааяасса баривзн̣ам̣ г̇анд̇ваа. ‘‘на сусаана’’нд̇и ид̣̇ам̣ убалагкан̣ам̣, убажаарасиймад̇о б̣ахи г̇анд̇угаамзна анаабужчаа г̇анд̇ум̣ на ваддад̇и.
Aññattha netabboti yattha viharato sāsane anabhirati uppannā, tato aññattha kalyāṇamittādisampattiyuttaṭṭhāne netabbo. Visabhāgapuggalānanti lajjino vā alajjino vā upajjhāyassa avaḍḍhikāme sandhāya vuttaṃ. Sace pana upajjhāyo alajjī ovādampi na gaṇhāti, lajjino ca etassa visabhāgā honti, tattha upajjhāyaṃ vihāya lajjīheva saddhiṃ āmisādiparibhogo kātabbo. Upajjhāyādibhāvo hettha na pamāṇanti daṭṭhabbaṃ. Pariveṇaṃ gantvāti upajjhāyassa pariveṇaṃ gantvā. ‘‘Na susāna’’nti idaṃ upalakkhaṇaṃ, upacārasīmato bahi gantukāmena anāpucchā gantuṃ na vaṭṭati.
убаж̇жхааяавад̇д̇агат̇ааван̣н̣анаа нидтид̇аа.
Upajjhāyavattakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 15. убаж̇жхааяавад̇д̇агат̇аа • 15. Upajjhāyavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убаж̇жхааяавад̇д̇агат̇аа • Upajjhāyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 15. убаж̇жхааяавад̇д̇агат̇аа • 15. Upajjhāyavattakathā
