| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਉਪਕਸੁਤ੍ਤਂ
8. Upakasuttaṃ
੧੮੮. ਏਕਂ ਸਮਯਂ ਭਗવਾ ਰਾਜਗਹੇ વਿਹਰਤਿ ਗਿਜ੍ਝਕੂਟੇ ਪਬ੍ਬਤੇ। ਅਥ ਖੋ ਉਪਕੋ ਮਣ੍ਡਿਕਾਪੁਤ੍ਤੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਉਪਕੋ ਮਣ੍ਡਿਕਾਪੁਤ੍ਤੋ ਭਗવਨ੍ਤਂ ਏਤਦવੋਚ –
188. Ekaṃ samayaṃ bhagavā rājagahe viharati gijjhakūṭe pabbate. Atha kho upako maṇḍikāputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho upako maṇḍikāputto bhagavantaṃ etadavoca –
‘‘ਅਹਞ੍ਹਿ, ਭਨ੍ਤੇ, ਏવਂવਾਦੀ ਏવਂਦਿਟ੍ਠਿ – ‘ਯੋ ਕੋਚਿ ਪਰੂਪਾਰਮ੍ਭਂ વਤ੍ਤੇਤਿ, ਪਰੂਪਾਰਮ੍ਭਂ વਤ੍ਤੇਨ੍ਤੋ ਸਬ੍ਬੋ ਸੋ 1 ਨ ਉਪਪਾਦੇਤਿ। ਅਨੁਪਪਾਦੇਨ੍ਤੋ ਗਾਰਯ੍ਹੋ ਹੋਤਿ ਉਪવਜ੍ਜੋ’’’ਤਿ। ‘‘ਪਰੂਪਾਰਮ੍ਭਂ ਚੇ, ਉਪਕ, વਤ੍ਤੇਤਿ ਪਰੂਪਾਰਮ੍ਭਂ વਤ੍ਤੇਨ੍ਤੋ ਨ ਉਪਪਾਦੇਤਿ, ਅਨੁਪਪਾਦੇਨ੍ਤੋ ਗਾਰਯ੍ਹੋ ਹੋਤਿ ਉਪવਜ੍ਜੋ। ਤ੍વਂ ਖੋ, ਉਪਕ, ਪਰੂਪਾਰਮ੍ਭਂ વਤ੍ਤੇਸਿ, ਪਰੂਪਾਰਮ੍ਭਂ વਤ੍ਤੇਨ੍ਤੋ ਨ ਉਪਪਾਦੇਸਿ, ਅਨੁਪਪਾਦੇਨ੍ਤੋ ਗਾਰਯ੍ਹੋ ਹੋਸਿ ਉਪવਜ੍ਜੋ’’ਤਿ। ‘‘ਸੇਯ੍ਯਥਾਪਿ, ਭਨ੍ਤੇ , ਉਮ੍ਮੁਜ੍ਜਮਾਨਕਂਯੇવ ਮਹਤਾ ਪਾਸੇਨ ਬਨ੍ਧੇਯ੍ਯ; ਏવਮੇવਂ ਖੋ ਅਹਂ, ਭਨ੍ਤੇ, ਉਮ੍ਮੁਜ੍ਜਮਾਨਕੋਯੇવ ਭਗવਤਾ ਮਹਤਾ વਾਦਪਾਸੇਨ 2 ਬਦ੍ਧੋ’’ਤਿ।
‘‘Ahañhi, bhante, evaṃvādī evaṃdiṭṭhi – ‘yo koci parūpārambhaṃ vatteti, parūpārambhaṃ vattento sabbo so 3 na upapādeti. Anupapādento gārayho hoti upavajjo’’’ti. ‘‘Parūpārambhaṃ ce, upaka, vatteti parūpārambhaṃ vattento na upapādeti, anupapādento gārayho hoti upavajjo. Tvaṃ kho, upaka, parūpārambhaṃ vattesi, parūpārambhaṃ vattento na upapādesi, anupapādento gārayho hosi upavajjo’’ti. ‘‘Seyyathāpi, bhante , ummujjamānakaṃyeva mahatā pāsena bandheyya; evamevaṃ kho ahaṃ, bhante, ummujjamānakoyeva bhagavatā mahatā vādapāsena 4 baddho’’ti.
‘‘ਇਦਂ ਅਕੁਸਲਨ੍ਤਿ ਖੋ, ਉਪਕ, ਮਯਾ ਪਞ੍ਞਤ੍ਤਂ। ਤਤ੍ਥ ਅਪਰਿਮਾਣਾ ਪਦਾ ਅਪਰਿਮਾਣਾ ਬ੍ਯਞ੍ਜਨਾ ਅਪਰਿਮਾਣਾ ਤਥਾਗਤਸ੍ਸ ਧਮ੍ਮਦੇਸਨਾ – ਇਤਿਪਿਦਂ ਅਕੁਸਲਨ੍ਤਿ। ਤਂ ਖੋ ਪਨਿਦਂ ਅਕੁਸਲਂ ਪਹਾਤਬ੍ਬਨ੍ਤਿ ਖੋ, ਉਪਕ, ਮਯਾ ਪਞ੍ਞਤ੍ਤਂ। ਤਤ੍ਥ ਅਪਰਿਮਾਣਾ ਪਦਾ ਅਪਰਿਮਾਣਾ ਬ੍ਯਞ੍ਜਨਾ ਅਪਰਿਮਾਣਾ ਤਥਾਗਤਸ੍ਸ ਧਮ੍ਮਦੇਸਨਾ – ਇਤਿਪਿਦਂ ਅਕੁਸਲਂ ਪਹਾਤਬ੍ਬਨ੍ਤਿ।
‘‘Idaṃ akusalanti kho, upaka, mayā paññattaṃ. Tattha aparimāṇā padā aparimāṇā byañjanā aparimāṇā tathāgatassa dhammadesanā – itipidaṃ akusalanti. Taṃ kho panidaṃ akusalaṃ pahātabbanti kho, upaka, mayā paññattaṃ. Tattha aparimāṇā padā aparimāṇā byañjanā aparimāṇā tathāgatassa dhammadesanā – itipidaṃ akusalaṃ pahātabbanti.
‘‘ਇਦਂ ਕੁਸਲਨ੍ਤਿ ਖੋ, ਉਪਕ, ਮਯਾ ਪਞ੍ਞਤ੍ਤਂ। ਤਤ੍ਥ ਅਪਰਿਮਾਣਾ ਪਦਾ ਅਪਰਿਮਾਣਾ ਬ੍ਯਞ੍ਜਨਾ ਅਪਰਿਮਾਣਾ ਤਥਾਗਤਸ੍ਸ ਧਮ੍ਮਦੇਸਨਾ – ਇਤਿਪਿਦਂ ਕੁਸਲਨ੍ਤਿ। ਤਂ ਖੋ ਪਨਿਦਂ ਕੁਸਲਂ ਭਾવੇਤਬ੍ਬਨ੍ਤਿ ਖੋ, ਉਪਕ, ਮਯਾ ਪਞ੍ਞਤ੍ਤਂ। ਤਤ੍ਥ ਅਪਰਿਮਾਣਾ ਪਦਾ ਅਪਰਿਮਾਣਾ ਬ੍ਯਞ੍ਜਨਾ ਅਪਰਿਮਾਣਾ ਤਥਾਗਤਸ੍ਸ ਧਮ੍ਮਦੇਸਨਾ – ਇਤਿਪਿਦਂ ਕੁਸਲਂ ਭਾવੇਤਬ੍ਬ’’ਨ੍ਤਿ।
‘‘Idaṃ kusalanti kho, upaka, mayā paññattaṃ. Tattha aparimāṇā padā aparimāṇā byañjanā aparimāṇā tathāgatassa dhammadesanā – itipidaṃ kusalanti. Taṃ kho panidaṃ kusalaṃ bhāvetabbanti kho, upaka, mayā paññattaṃ. Tattha aparimāṇā padā aparimāṇā byañjanā aparimāṇā tathāgatassa dhammadesanā – itipidaṃ kusalaṃ bhāvetabba’’nti.
ਅਥ ਖੋ ਉਪਕੋ ਮਣ੍ਡਿਕਾਪੁਤ੍ਤੋ ਭਗવਤੋ ਭਾਸਿਤਂ ਅਭਿਨਨ੍ਦਿਤ੍વਾ ਅਨੁਮੋਦਿਤ੍વਾ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਯੇਨ ਰਾਜਾ ਮਾਗਧੋ ਅਜਾਤਸਤ੍ਤੁ વੇਦੇਹਿਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਯਾવਤਕੋ ਅਹੋਸਿ ਭਗવਤਾ ਸਦ੍ਧਿਂ ਕਥਾਸਲ੍ਲਾਪੋ ਤਂ ਸਬ੍ਬਂ ਰਞ੍ਞੋ ਮਾਗਧਸ੍ਸ ਅਜਾਤਸਤ੍ਤੁਸ੍ਸ વੇਦੇਹਿਪੁਤ੍ਤਸ੍ਸ ਆਰੋਚੇਸਿ।
Atha kho upako maṇḍikāputto bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā yena rājā māgadho ajātasattu vedehiputto tenupasaṅkami; upasaṅkamitvā yāvatako ahosi bhagavatā saddhiṃ kathāsallāpo taṃ sabbaṃ rañño māgadhassa ajātasattussa vedehiputtassa ārocesi.
ਏવਂ વੁਤ੍ਤੇ ਰਾਜਾ ਮਾਗਧੋ ਅਜਾਤਸਤ੍ਤੁ વੇਦੇਹਿਪੁਤ੍ਤੋ ਕੁਪਿਤੋ ਅਨਤ੍ਤਮਨੋ ਉਪਕਂ ਮਣ੍ਡਿਕਾਪੁਤ੍ਤਂ ਏਤਦવੋਚ – ‘‘ਯਾવ ਧਂਸੀ વਤਾਯਂ ਲੋਣਕਾਰਦਾਰਕੋ ਯਾવ ਮੁਖਰੋ ਯਾવ ਪਗਬ੍ਬੋ ਯਤ੍ਰ ਹਿ ਨਾਮ ਤਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਆਸਾਦੇਤਬ੍ਬਂ ਮਞ੍ਞਿਸ੍ਸਤਿ; ਅਪੇਹਿ ਤ੍વਂ, ਉਪਕ, વਿਨਸ੍ਸ, ਮਾ ਤਂ ਅਦ੍ਦਸ’’ਨ੍ਤਿ। ਅਟ੍ਠਮਂ।
Evaṃ vutte rājā māgadho ajātasattu vedehiputto kupito anattamano upakaṃ maṇḍikāputtaṃ etadavoca – ‘‘yāva dhaṃsī vatāyaṃ loṇakāradārako yāva mukharo yāva pagabbo yatra hi nāma taṃ bhagavantaṃ arahantaṃ sammāsambuddhaṃ āsādetabbaṃ maññissati; apehi tvaṃ, upaka, vinassa, mā taṃ addasa’’nti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਉਪਕਸੁਤ੍ਤવਣ੍ਣਨਾ • 8. Upakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਉਪਕਸੁਤ੍ਤવਣ੍ਣਨਾ • 8. Upakasuttavaṇṇanā
