| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. உபகஸுத்தவண்ணனா
8. Upakasuttavaṇṇanā
188. அட்ட²மே உபகோதி தஸ்ஸ நாமங். மண்டி³காபுத்தோதி மண்டி³காய புத்தோ. உபஸங்கமீதி ஸோ கிர தே³வத³த்தஸ்ஸ உபட்டா²கோ, ‘‘கிங் நு கோ² ஸத்தா² மயி அத்தனோ ஸந்திகங் உபக³தே வண்ணங் கதெ²ஸ்ஸதி, உதா³ஹு அவண்ண’’ந்தி பரிக்³க³ண்ஹனத்த²ங் உபஸங்கமி. ‘‘நேரயிகோ தே³வத³த்தோ கப்பட்டோ² அதேகிச்சோ²’’தி (சூளவ॰ 348) வசனங் ஸுத்வா ஸத்தா²ரங் க⁴ட்டேதுகாமோ உபஸங்கமீதிபி வத³ந்தி. பரூபாரம்ப⁴ங் வத்தேதீதி பரக³ரஹங் கதே²தி. ஸப்³போ³ ஸோ ந உபபாதே³தீதி ஸப்³போ³பி ஸோ குஸலத⁴ம்மங் ந உப்பாதே³தி, அத்தனோ வா வசனங் உபபாதே³துங் அனுச்ச²விகங் காதுங் ந ஸக்கோதி. அனுபபாதெ³ந்தோ கா³ரய்ஹோ ஹோதீதி குஸலங் த⁴ம்மங் உப்பாதே³துங் அஸக்கொந்தோ அத்தனோ ச வசனங் உபபன்னங் அனுச்ச²விகங் காதுங் அஸக்கொந்தோ கா³ரய்ஹோ ஹோதி. உபவஜ்ஜோதி உபவதி³தப்³போ³ ச ஹோதி, வஜ்ஜேன வா உபேதோ ஹோதி, ஸதோ³ஸோ ஹோதீதி அத்தோ².
188. Aṭṭhame upakoti tassa nāmaṃ. Maṇḍikāputtoti maṇḍikāya putto. Upasaṅkamīti so kira devadattassa upaṭṭhāko, ‘‘kiṃ nu kho satthā mayi attano santikaṃ upagate vaṇṇaṃ kathessati, udāhu avaṇṇa’’nti pariggaṇhanatthaṃ upasaṅkami. ‘‘Nerayiko devadatto kappaṭṭho atekiccho’’ti (cūḷava. 348) vacanaṃ sutvā satthāraṃ ghaṭṭetukāmo upasaṅkamītipi vadanti. Parūpārambhaṃ vattetīti paragarahaṃ katheti. Sabbo so na upapādetīti sabbopi so kusaladhammaṃ na uppādeti, attano vā vacanaṃ upapādetuṃ anucchavikaṃ kātuṃ na sakkoti. Anupapādento gārayho hotīti kusalaṃ dhammaṃ uppādetuṃ asakkonto attano ca vacanaṃ upapannaṃ anucchavikaṃ kātuṃ asakkonto gārayho hoti. Upavajjoti upavaditabbo ca hoti, vajjena vā upeto hoti, sadoso hotīti attho.
அத² ப⁴க³வா தஸ்ஸ வாத³ங் க³ஹெத்வா தஸ்ஸேவ கீ³வாய படிமுஞ்சந்தோ பரூபாரம்ப⁴ந்திஆதி³மாஹ. உம்முஜ்ஜமானகங்யேவாதி உத³கதோ ஸீஸங் உக்கி²பந்தங்யேவ. தத்த² அபரிமாணா பதா³திஆதீ³ஸு தஸ்மிங் அகுஸலந்தி பஞ்ஞாபனே பதா³னிபி அக்க²ரானிபி த⁴ம்மதே³ஸனாபி அபரிமாணாயேவ. இதிபித³ங் அகுஸலந்தி இத³ம்பி அகுஸலங் இத³ம்பி அகுஸலங் இமினாபி காரணேன இமினாபி காரணேன அகுஸலந்தி ஏவங் அகுஸலபஞ்ஞத்தியங் ஆக³தானிபி அபரிமாணானி. அதா²பி அஞ்ஞேனாகாரேன ததா²க³தோ தங் த⁴ம்மங் தே³ஸெய்ய, ஏவம்பிஸ்ஸ தே³ஸனா அபரிமாணா ப⁴வெய்ய. யதா²ஹ – ‘‘அபரியாதி³ன்னாவஸ்ஸ ததா²க³தஸ்ஸ த⁴ம்மதே³ஸனா, அபரியாதி³ன்னங் த⁴ம்மபத³ப்³யஞ்ஜன’’ந்தி (ம॰ நி॰ 1.161). இமினா உபாயேன ஸப்³ப³வாரேஸு அத்தோ² வேதி³தப்³போ³. யாவ த⁴ங்ஸீ வதாயந்தி யாவ கு³ணத⁴ங்ஸீ வத அயங். லோணகாரதா³ரகோதி லோணகாரகா³மதா³ரகோ. யத்ர ஹி நாமாதி யோ ஹி நாம. ஆஸாதே³தப்³ப³ங் மஞ்ஞிஸ்ஸதீதி க⁴ட்டேதப்³ப³ங் மஞ்ஞிஸ்ஸதி. அபேஹீதி அபக³ச்ச², மா மே புரதோ அட்டா²ஸி. ஏவஞ்ச பன வத்வா கீ³வாய க³ண்ஹாபெத்வா நிக்கட்³டா⁴பேஸியேவாதி.
Atha bhagavā tassa vādaṃ gahetvā tasseva gīvāya paṭimuñcanto parūpārambhantiādimāha. Ummujjamānakaṃyevāti udakato sīsaṃ ukkhipantaṃyeva. Tattha aparimāṇā padātiādīsu tasmiṃ akusalanti paññāpane padānipi akkharānipi dhammadesanāpi aparimāṇāyeva. Itipidaṃakusalanti idampi akusalaṃ idampi akusalaṃ imināpi kāraṇena imināpi kāraṇena akusalanti evaṃ akusalapaññattiyaṃ āgatānipi aparimāṇāni. Athāpi aññenākārena tathāgato taṃ dhammaṃ deseyya, evampissa desanā aparimāṇā bhaveyya. Yathāha – ‘‘apariyādinnāvassa tathāgatassa dhammadesanā, apariyādinnaṃ dhammapadabyañjana’’nti (ma. ni. 1.161). Iminā upāyena sabbavāresu attho veditabbo. Yāva dhaṃsī vatāyanti yāva guṇadhaṃsī vata ayaṃ. Loṇakāradārakoti loṇakāragāmadārako. Yatra hi nāmāti yo hi nāma. Āsādetabbaṃ maññissatīti ghaṭṭetabbaṃ maññissati. Apehīti apagaccha, mā me purato aṭṭhāsi. Evañca pana vatvā gīvāya gaṇhāpetvā nikkaḍḍhāpesiyevāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. உபகஸுத்தங் • 8. Upakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. உபகஸுத்தவண்ணனா • 8. Upakasuttavaṇṇanā
