| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. убагасуд̇д̇аван̣н̣анаа
8. Upakasuttavaṇṇanā
188. адтамз ниб̣б̣ад̇д̇ивасзна нираяам̣ арахад̇и, нираяасам̣вад̇д̇аниязна ваа гаммунаа нираяз нияуд̇д̇од̇и нзраяиго. авийжимхи уббаж̇ж̇ид̇ваа д̇ад̇т̇а ааяугаббасан̃н̃ид̇ам̣ анд̇арагаббам̣ д̇идтад̇ийд̇и габбадто. нираяуубабад̇д̇им̣ барихаран̣авасзна д̇игижчид̇ум̣ асаггун̣зяяод̇и ад̇згижчо. абарияаад̣̇иннааваад̇и абаригкийн̣ааязва. сажз хи зго бхигку гааяаанубассанам̣ бужчад̇и, ан̃н̃о взд̣̇анаанубассанам̣…бз… жид̇д̇аанубассанам̣. ‘‘иминаа будтз ахам̣ бужчаамий’’д̇и зго згам̣ на ологзд̇и, звам̣ санд̇зби д̇зсам̣ вааро бан̃н̃ааяад̇и зва, б̣уд̣̇д̇хаанам̣ бана вааро на бан̃н̃ааяад̇и. вид̣̇ад̇т̇ижад̇уран̇г̇улам̣ чааяам̣ ад̇иггаманад̇о бурзд̇арам̣язва бхаг̇аваа жуд̣̇д̣̇асавид̇хзна гааяаанубассанам̣, нававид̇хзна взд̣̇анаанубассанам̣, сол̣асавид̇хзна жид̇д̇аанубассанам̣, бан̃жавид̇хзна д̇хаммаанубассанам̣ гат̇зд̇и. д̇идтанд̇у ваа звам̣ жад̇д̇ааро. сажз хи ан̃н̃з жад̇д̇ааро саммаббад̇хаанзсу, ан̃н̃з ид̣̇д̇хибаад̣̇зсу, ан̃н̃з бан̃жинд̣̇риязсу , ан̃н̃з бан̃жаб̣алзсу, ан̃н̃з сад̇д̇аб̣ож̇жхан̇г̇зсу, ан̃н̃з адтамаг̇г̇ан̇г̇зсу бан̃хз бужчзяяум̣, д̇амби бхаг̇аваа гат̇зяяа. д̇идтанд̇у ваа зд̇з адта. сажз ан̃н̃з сад̇д̇ад̇им̣са ж̇анаа б̣од̇хибагкиязсу бан̃хз бужчзяяум̣, д̇амби бхаг̇аваа д̇аавад̣̇зва гат̇зяяа. гасмаа? яаавад̇аа хи логияамахааж̇анз згам̣ бад̣̇ам̣ гат̇знд̇з д̇аава аананд̣̇ад̇т̇зро адта бад̣̇аани гат̇зд̇и. аананд̣̇ад̇т̇зрз бана згам̣ бад̣̇ам̣ гат̇знд̇зязва бхаг̇аваа сол̣аса бад̣̇аани гат̇зд̇и. гасмаа? бхаг̇авад̇о хи ж̇ивхаа муд̣̇у, д̣̇анд̇ааваран̣ам̣ супусид̇ам̣, важанам̣ аг̇ал̣ид̇ам̣, бхаван̇г̇абариваасо лахуго. д̇зна вуд̇д̇ам̣ – ‘‘абарияаад̣̇иннаавасса д̇ат̇ааг̇ад̇асса д̇хаммад̣̇зсанаа, абарияаад̣̇иннам̣ д̇хаммабад̣̇аб̣яан̃ж̇ана’’нд̇и.
188. Aṭṭhame nibbattivasena nirayaṃ arahati, nirayasaṃvattaniyena vā kammunā niraye niyuttoti nerayiko. Avīcimhi uppajjitvā tattha āyukappasaññitaṃ antarakappaṃ tiṭṭhatīti kappaṭṭho. Nirayūpapattiṃ pariharaṇavasena tikicchituṃ asakkuṇeyyoti atekiccho. Apariyādinnāvāti aparikkhīṇāyeva. Sace hi eko bhikkhu kāyānupassanaṃ pucchati, añño vedanānupassanaṃ…pe… cittānupassanaṃ. ‘‘Iminā puṭṭhe ahaṃ pucchāmī’’ti eko ekaṃ na oloketi, evaṃ santepi tesaṃ vāro paññāyati eva, buddhānaṃ pana vāro na paññāyati. Vidatthicaturaṅgulaṃ chāyaṃ atikkamanato puretaraṃyeva bhagavā cuddasavidhena kāyānupassanaṃ, navavidhena vedanānupassanaṃ, soḷasavidhena cittānupassanaṃ, pañcavidhena dhammānupassanaṃ katheti. Tiṭṭhantu vā evaṃ cattāro. Sace hi aññe cattāro sammappadhānesu, aññe iddhipādesu, aññe pañcindriyesu , aññe pañcabalesu, aññe sattabojjhaṅgesu, aññe aṭṭhamaggaṅgesu pañhe puccheyyuṃ, tampi bhagavā katheyya. Tiṭṭhantu vā ete aṭṭha. Sace aññe sattatiṃsa janā bodhipakkhiyesu pañhe puccheyyuṃ, tampi bhagavā tāvadeva katheyya. Kasmā? Yāvatā hi lokiyamahājane ekaṃ padaṃ kathente tāva ānandatthero aṭṭha padāni katheti. Ānandatthere pana ekaṃ padaṃ kathenteyeva bhagavā soḷasa padāni katheti. Kasmā? Bhagavato hi jivhā mudu, dantāvaraṇaṃ suphusitaṃ, vacanaṃ agaḷitaṃ, bhavaṅgaparivāso lahuko. Tena vuttaṃ – ‘‘apariyādinnāvassa tathāgatassa dhammadesanā, apariyādinnaṃ dhammapadabyañjana’’nti.
д̇ад̇т̇а д̇хаммад̣̇зсанаад̇и д̇анд̇идтабанаа. д̇хаммабад̣̇аб̣яан̃ж̇ананд̇и зд̇т̇а д̇хаммод̇и баал̣и. баж̇ж̇ад̇и ад̇т̇о зд̇знаад̇и бад̣̇ам̣. ваагяан̃жа бад̣̇знзва сан̇г̇ахид̇ам̣. ад̇т̇ам̣ б̣яан̃ж̇зд̇ийд̇и б̣яан̃ж̇анам̣, агкарам̣. д̇ан̃хи бад̣̇аваагяам̣ барижчиж̇ж̇амаанам̣ д̇ам̣ д̇ам̣ ад̇т̇ам̣ б̣яан̃ж̇зд̇и багаасзд̇и. зд̇зна абараабарзхи бад̣̇аб̣яан̃ж̇анзхи сужирамби гаалам̣ гат̇знд̇асса д̇ат̇ааг̇ад̇асса на гад̣̇аажи д̇зсам̣ барияаад̣̇аанам̣ ад̇т̇ийд̇и д̣̇ассзд̇и. г̇ун̣ад̇хам̣сийд̇и г̇ун̣ад̇хам̣санасийло. баг̇аб̣б̣од̇и ваажаабааг̇аб̣б̣иязна саманнааг̇ад̇о.
Tattha dhammadesanāti tantiṭṭhapanā. Dhammapadabyañjananti ettha dhammoti pāḷi. Pajjati attho etenāti padaṃ. Vākyañca padeneva saṅgahitaṃ. Atthaṃ byañjetīti byañjanaṃ, akkharaṃ. Tañhi padavākyaṃ paricchijjamānaṃ taṃ taṃ atthaṃ byañjeti pakāseti. Etena aparāparehi padabyañjanehi sucirampi kālaṃ kathentassa tathāgatassa na kadāci tesaṃ pariyādānaṃ atthīti dasseti. Guṇadhaṃsīti guṇadhaṃsanasīlo. Pagabboti vācāpāgabbiyena samannāgato.
убагасуд̇д̇аван̣н̣анаа нидтид̇аа.
Upakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. убагасуд̇д̇ам̣ • 8. Upakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. убагасуд̇д̇аван̣н̣анаа • 8. Upakasuttavaṇṇanā
