| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
8. убагкадасигкаабад̣̇ам̣
8. Upakkhaṭasikkhāpadaṃ
527. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро бурисо баж̇аабад̇им̣ зд̇ад̣̇авожа – ‘‘аяяам̣ убананд̣̇ам̣ жийварзна ажчаад̣̇зссаамий’’д̇и. ассоси ко ан̃н̃ад̇аро бин̣д̣ажаариго бхигку д̇асса бурисасса имам̣ ваажам̣ бхаасамаанасса. ат̇а ко со бхигку язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘махаабун̃н̃оси д̇вам̣, аавусо убананд̣̇а, амугасмим̣ огаасз ан̃н̃ад̇аро бурисо баж̇аабад̇им̣ зд̇ад̣̇авожа – ‘‘аяяам̣ убананд̣̇ам̣ жийварзна ажчаад̣̇зссаамий’’’д̇и. ‘‘ад̇т̇аавусо, мам̣ со убадтааго’’д̇и. ат̇а ко ааяасмаа убананд̣̇о сагяабуд̇д̇о язна со бурисо д̇знубасан̇гами; убасан̇гамид̇ваа д̇ам̣ бурисам̣ зд̇ад̣̇авожа – ‘‘сажжам̣ гира мам̣ д̇вам̣, аавусо, жийварзна ажчаад̣̇зд̇угаамосий’’д̇и? ‘‘аби мзяяа, звам̣ ход̇и – ‘аяяам̣ убананд̣̇ам̣ жийварзна ажчаад̣̇зссаамий’’’д̇и. ‘‘сажз ко мам̣ д̇вам̣, аавусо, жийварзна ажчаад̣̇зд̇угаамоси, зваруубзна жийварзна ажчаад̣̇зхи. гяаахам̣ д̇зна ажчанноби гариссаами яаахам̣ на барибхун̃ж̇иссаамий’’д̇и.
527. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro puriso pajāpatiṃ etadavoca – ‘‘ayyaṃ upanandaṃ cīvarena acchādessāmī’’ti. Assosi kho aññataro piṇḍacāriko bhikkhu tassa purisassa imaṃ vācaṃ bhāsamānassa. Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘mahāpuññosi tvaṃ, āvuso upananda, amukasmiṃ okāse aññataro puriso pajāpatiṃ etadavoca – ‘‘ayyaṃ upanandaṃ cīvarena acchādessāmī’’’ti. ‘‘Atthāvuso, maṃ so upaṭṭhāko’’ti. Atha kho āyasmā upanando sakyaputto yena so puriso tenupasaṅkami; upasaṅkamitvā taṃ purisaṃ etadavoca – ‘‘saccaṃ kira maṃ tvaṃ, āvuso, cīvarena acchādetukāmosī’’ti? ‘‘Api meyya, evaṃ hoti – ‘ayyaṃ upanandaṃ cīvarena acchādessāmī’’’ti. ‘‘Sace kho maṃ tvaṃ, āvuso, cīvarena acchādetukāmosi, evarūpena cīvarena acchādehi. Kyāhaṃ tena acchannopi karissāmi yāhaṃ na paribhuñjissāmī’’ti.
ат̇а ко со бурисо уж̇жхааяад̇и кияяад̇и вибаажзд̇и – ‘‘махижчаа имз саман̣аа сагяабуд̇д̇ияаа асанд̇удтаа. наяимз сугараа жийварзна ажчаад̣̇зд̇ум̣. гат̇ан̃хи наама аяяо убананд̣̇о маяаа буб̣б̣з аббаваарид̇о мам̣ убасан̇гамид̇ваа жийварз вигаббам̣ аабаж̇ж̇иссад̇ий’’д̇и! ассосум̣ ко бхигкуу д̇асса бурисасса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о буб̣б̣з аббаваарид̇о г̇ахабад̇игам̣ убасан̇гамид̇ваа жийварз вигаббам̣ аабаж̇ж̇иссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣ …бз… ‘‘сажжам̣ гира д̇вам̣, убананд̣̇а, буб̣б̣з аббаваарид̇о г̇ахабад̇игам̣ убасан̇гамид̇ваа жийварз вигаббам̣ аабаж̇ж̇асий’’д̇и? ‘‘сажжам̣, бхаг̇аваа’’д̇и. ‘‘н̃аад̇аго д̇з, убананд̣̇а, ан̃н̃аад̇аго’’д̇и? ‘‘ан̃н̃аад̇аго, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇агасса на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. д̇ад̇т̇а наама д̇вам̣, могхабуриса, буб̣б̣з аббаваарид̇о ан̃н̃аад̇агам̣ г̇ахабад̇игам̣ убасан̇гамид̇ваа жийварз вигаббам̣ аабаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so puriso ujjhāyati khiyyati vipāceti – ‘‘mahicchā ime samaṇā sakyaputtiyā asantuṭṭhā. Nayime sukarā cīvarena acchādetuṃ. Kathañhi nāma ayyo upanando mayā pubbe appavārito maṃ upasaṅkamitvā cīvare vikappaṃ āpajjissatī’’ti! Assosuṃ kho bhikkhū tassa purisassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyyanti khiyyanti vipācenti – ‘‘kathañhi nāma āyasmā upanando sakyaputto pubbe appavārito gahapatikaṃ upasaṅkamitvā cīvare vikappaṃ āpajjissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ …pe… ‘‘saccaṃ kira tvaṃ, upananda, pubbe appavārito gahapatikaṃ upasaṅkamitvā cīvare vikappaṃ āpajjasī’’ti? ‘‘Saccaṃ, bhagavā’’ti. ‘‘Ñātako te, upananda, aññātako’’ti? ‘‘Aññātako, bhagavā’’ti. ‘‘Aññātako, moghapurisa, aññātakassa na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, pubbe appavārito aññātakaṃ gahapatikaṃ upasaṅkamitvā cīvare vikappaṃ āpajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
528. ‘‘бхигкум̣ банзва уд̣̇д̣̇исса ан̃н̃аад̇агасса г̇ахабад̇исса ваа г̇ахабад̇аанияаа ваа жийваражзд̇аабаннам̣ 1 убагкадам̣ ход̇и – ‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зссаамий’д̇и; д̇ад̇ра жз со бхигку буб̣б̣з аббаваарид̇о убасан̇гамид̇ваа жийварз вигаббам̣ аабаж̇ж̇зяяа – ‘саад̇ху вад̇а мам̣ ааяасмаа иминаа жийваражзд̇аабаннзна зваруубам̣ ваа зваруубам̣ ваа жийварам̣ жзд̇аабзд̇ваа ажчаад̣̇зхий’д̇и, галяаан̣агамяад̇ам̣ убаад̣̇ааяа, ниссаг̇г̇ияам̣ баажид̇д̇ияа’’нд̇и.
528.‘‘Bhikkhuṃ paneva uddissa aññātakassa gahapatissa vā gahapatāniyā vā cīvaracetāpannaṃ 2 upakkhaṭaṃ hoti – ‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādessāmī’ti; tatra ce so bhikkhu pubbe appavārito upasaṅkamitvā cīvare vikappaṃ āpajjeyya – ‘sādhu vata maṃ āyasmā iminā cīvaracetāpannena evarūpaṃ vā evarūpaṃ vā cīvaraṃ cetāpetvā acchādehī’ti, kalyāṇakamyataṃ upādāya, nissaggiyaṃ pācittiya’’nti.
529. бхигкум̣ банзва уд̣̇д̣̇иссаад̇и бхигкуссад̇т̇ааяа, бхигкум̣ аарамман̣ам̣ гарид̇ваа, бхигкум̣ ажчаад̣̇зд̇угаамо.
529.Bhikkhuṃpaneva uddissāti bhikkhussatthāya, bhikkhuṃ ārammaṇaṃ karitvā, bhikkhuṃ acchādetukāmo.
ан̃н̃аад̇аго наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хо.
Aññātako nāma mātito vā pitito vā yāva sattamā pitāmahayugā asambaddho.
г̇ахабад̇и наама яо гожи аг̇аарам̣ аж̇жхаавасад̇и.
Gahapati nāma yo koci agāraṃ ajjhāvasati.
г̇ахабад̇ааний наама яаа гаажи аг̇аарам̣ аж̇жхаавасад̇и.
Gahapatānī nāma yā kāci agāraṃ ajjhāvasati.
жийваражзд̇аабаннам̣ наама хиран̃н̃ам̣ ваа суван̣н̣ам̣ ваа муд̇д̇аа ваа ман̣и ваа баваал̣о ваа палиго ваа бадаго ваа суд̇д̇ам̣ ваа габбаасо ваа.
Cīvaracetāpannaṃ nāma hiraññaṃ vā suvaṇṇaṃ vā muttā vā maṇi vā pavāḷo vā phaliko vā paṭako vā suttaṃ vā kappāso vā.
иминаа жийваражзд̇аабаннзнаад̇и бажжубадтид̇зна.
Iminā cīvaracetāpannenāti paccupaṭṭhitena.
жзд̇аабзд̇ваад̇и баривад̇д̇зд̇ваа.
Cetāpetvāti parivattetvā.
ажчаад̣̇зссаамийд̇и д̣̇ассаами.
Acchādessāmīti dassāmi.
д̇ад̇ра жз со бхигкууд̇и яам̣ бхигкум̣ уд̣̇д̣̇исса жийваражзд̇аабаннам̣ убагкадам̣ ход̇и со бхигку.
Tatra ce so bhikkhūti yaṃ bhikkhuṃ uddissa cīvaracetāpannaṃ upakkhaṭaṃ hoti so bhikkhu.
буб̣б̣з аббаваарид̇од̇и буб̣б̣з авуд̇д̇о ход̇и – ‘‘гийд̣̇исзна д̇з, бханд̇з, жийварзна ад̇т̇о, гийд̣̇исам̣ д̇з жийварам̣ жзд̇аабзмий’’д̇и?
Pubbe appavāritoti pubbe avutto hoti – ‘‘kīdisena te, bhante, cīvarena attho, kīdisaṃ te cīvaraṃ cetāpemī’’ti?
убасан̇гамид̇ваад̇и гхарам̣ г̇анд̇ваа яад̇т̇а гад̇т̇ажи убасан̇гамид̇ваа .
Upasaṅkamitvāti gharaṃ gantvā yattha katthaci upasaṅkamitvā .
жийварз вигаббам̣ аабаж̇ж̇зяяаад̇и ааяад̇ам̣ ваа ход̇у вид̇т̇ад̇ам̣ ваа аббид̇ам̣ ваа сан̣хам̣ ваа.
Cīvare vikappaṃ āpajjeyyāti āyataṃ vā hotu vitthataṃ vā appitaṃ vā saṇhaṃ vā.
иминаа жийваражзд̇аабаннзнаад̇и бажжубадтид̇зна.
Iminācīvaracetāpannenāti paccupaṭṭhitena.
зваруубам̣ ваа зваруубам̣ ваад̇и. ааяад̇ам̣ ваа вид̇т̇ад̇ам̣ ваа аббид̇ам̣ ваа сан̣хам̣ ваа.
Evarūpaṃvā evarūpaṃ vāti. Āyataṃ vā vitthataṃ vā appitaṃ vā saṇhaṃ vā.
жзд̇аабзд̇ваад̇и баривад̇д̇зд̇ваа.
Cetāpetvāti parivattetvā.
ажчаад̣̇зхийд̇и д̣̇аж̇ж̇зхи.
Acchādehīti dajjehi.
галяаан̣агамяад̇ам̣ убаад̣̇ааяаад̇и саад̇хад̇т̇иго 3 махаг̇гхад̇т̇иго. д̇асса важанзна ааяад̇ам̣ ваа вид̇т̇ад̇ам̣ ваа аббид̇ам̣ ваа сан̣хам̣ ваа жзд̇аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, жийварам̣ буб̣б̣з аббаваарид̇о ан̃н̃аад̇агам̣ г̇ахабад̇игам̣ убасан̇гамид̇ваа жийварз вигаббам̣ аабаннам̣ ниссаг̇г̇ияам̣, имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Kalyāṇakamyataṃ upādāyāti sādhatthiko 4 mahagghatthiko. Tassa vacanena āyataṃ vā vitthataṃ vā appitaṃ vā saṇhaṃ vā cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ pubbe appavārito aññātakaṃ gahapatikaṃ upasaṅkamitvā cīvare vikappaṃ āpannaṃ nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
530. ан̃н̃аад̇агз ан̃н̃аад̇агасан̃н̃ий буб̣б̣з аббаваарид̇о г̇ахабад̇игам̣ убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз взмад̇иго буб̣б̣з аббаваарид̇о г̇ахабад̇игам̣ убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз н̃аад̇агасан̃н̃ий буб̣б̣з аббаваарид̇о г̇ахабад̇игам̣ убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣.
530. Aññātake aññātakasaññī pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake vematiko pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake ñātakasaññī pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ.
н̃аад̇агз ан̃н̃аад̇агасан̃н̃ий, аабад̇д̇и д̣̇уггадасса. н̃аад̇агз взмад̇иго, аабад̇д̇и д̣̇уггадасса. н̃аад̇агз н̃аад̇агасан̃н̃ий, анаабад̇д̇и.
Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
531. анаабад̇д̇и н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, махаг̇гхам̣ жзд̇аабзд̇угаамасса аббаг̇гхам̣ жзд̇аабзд̇и, уммад̇д̇агасса, аад̣̇игаммигассаад̇и.
531. Anāpatti ñātakānaṃ, pavāritānaṃ, aññassatthāya, attano dhanena, mahagghaṃ cetāpetukāmassa appagghaṃ cetāpeti, ummattakassa, ādikammikassāti.
убагкадасигкаабад̣̇ам̣ нидтид̇ам̣ адтамам̣.
Upakkhaṭasikkhāpadaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
