| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੮. ਉਪਕ੍ਖਟਸਿਕ੍ਖਾਪਦਂ
8. Upakkhaṭasikkhāpadaṃ
੫੨੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਪਜਾਪਤਿਂ ਏਤਦવੋਚ – ‘‘ਅਯ੍ਯਂ ਉਪਨਨ੍ਦਂ ਚੀવਰੇਨ ਅਚ੍ਛਾਦੇਸ੍ਸਾਮੀ’’ਤਿ। ਅਸ੍ਸੋਸਿ ਖੋ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਤਸ੍ਸ ਪੁਰਿਸਸ੍ਸ ਇਮਂ વਾਚਂ ਭਾਸਮਾਨਸ੍ਸ। ਅਥ ਖੋ ਸੋ ਭਿਕ੍ਖੁ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦવੋਚ – ‘‘ਮਹਾਪੁਞ੍ਞੋਸਿ ਤ੍વਂ, ਆવੁਸੋ ਉਪਨਨ੍ਦ, ਅਮੁਕਸ੍ਮਿਂ ਓਕਾਸੇ ਅਞ੍ਞਤਰੋ ਪੁਰਿਸੋ ਪਜਾਪਤਿਂ ਏਤਦવੋਚ – ‘‘ਅਯ੍ਯਂ ਉਪਨਨ੍ਦਂ ਚੀવਰੇਨ ਅਚ੍ਛਾਦੇਸ੍ਸਾਮੀ’’’ਤਿ। ‘‘ਅਤ੍ਥਾવੁਸੋ, ਮਂ ਸੋ ਉਪਟ੍ਠਾਕੋ’’ਤਿ। ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਸੋ ਪੁਰਿਸੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਪੁਰਿਸਂ ਏਤਦવੋਚ – ‘‘ਸਚ੍ਚਂ ਕਿਰ ਮਂ ਤ੍વਂ, ਆવੁਸੋ, ਚੀવਰੇਨ ਅਚ੍ਛਾਦੇਤੁਕਾਮੋਸੀ’’ਤਿ? ‘‘ਅਪਿ ਮੇਯ੍ਯ, ਏવਂ ਹੋਤਿ – ‘ਅਯ੍ਯਂ ਉਪਨਨ੍ਦਂ ਚੀવਰੇਨ ਅਚ੍ਛਾਦੇਸ੍ਸਾਮੀ’’’ਤਿ। ‘‘ਸਚੇ ਖੋ ਮਂ ਤ੍વਂ, ਆવੁਸੋ, ਚੀવਰੇਨ ਅਚ੍ਛਾਦੇਤੁਕਾਮੋਸਿ, ਏવਰੂਪੇਨ ਚੀવਰੇਨ ਅਚ੍ਛਾਦੇਹਿ। ਕ੍ਯਾਹਂ ਤੇਨ ਅਚ੍ਛਨ੍ਨੋਪਿ ਕਰਿਸ੍ਸਾਮਿ ਯਾਹਂ ਨ ਪਰਿਭੁਞ੍ਜਿਸ੍ਸਾਮੀ’’ਤਿ।
527. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro puriso pajāpatiṃ etadavoca – ‘‘ayyaṃ upanandaṃ cīvarena acchādessāmī’’ti. Assosi kho aññataro piṇḍacāriko bhikkhu tassa purisassa imaṃ vācaṃ bhāsamānassa. Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘mahāpuññosi tvaṃ, āvuso upananda, amukasmiṃ okāse aññataro puriso pajāpatiṃ etadavoca – ‘‘ayyaṃ upanandaṃ cīvarena acchādessāmī’’’ti. ‘‘Atthāvuso, maṃ so upaṭṭhāko’’ti. Atha kho āyasmā upanando sakyaputto yena so puriso tenupasaṅkami; upasaṅkamitvā taṃ purisaṃ etadavoca – ‘‘saccaṃ kira maṃ tvaṃ, āvuso, cīvarena acchādetukāmosī’’ti? ‘‘Api meyya, evaṃ hoti – ‘ayyaṃ upanandaṃ cīvarena acchādessāmī’’’ti. ‘‘Sace kho maṃ tvaṃ, āvuso, cīvarena acchādetukāmosi, evarūpena cīvarena acchādehi. Kyāhaṃ tena acchannopi karissāmi yāhaṃ na paribhuñjissāmī’’ti.
ਅਥ ਖੋ ਸੋ ਪੁਰਿਸੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ। ਨਯਿਮੇ ਸੁਕਰਾ ਚੀવਰੇਨ ਅਚ੍ਛਾਦੇਤੁਂ। ਕਥਞ੍ਹਿ ਨਾਮ ਅਯ੍ਯੋ ਉਪਨਨ੍ਦੋ ਮਯਾ ਪੁਬ੍ਬੇ ਅਪ੍ਪવਾਰਿਤੋ ਮਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਪੁਰਿਸਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ વਿਪਾਚੇਨ੍ਤਸ੍ਸ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯ੍ਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪੁਬ੍ਬੇ ਅਪ੍ਪવਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ …ਪੇ॰… ‘‘ਸਚ੍ਚਂ ਕਿਰ ਤ੍વਂ, ਉਪਨਨ੍ਦ, ਪੁਬ੍ਬੇ ਅਪ੍ਪવਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। ‘‘ਞਾਤਕੋ ਤੇ, ਉਪਨਨ੍ਦ, ਅਞ੍ਞਾਤਕੋ’’ਤਿ? ‘‘ਅਞ੍ਞਾਤਕੋ, ਭਗવਾ’’ਤਿ। ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਸ੍ਸ ਨ ਜਾਨਾਤਿ ਪਤਿਰੂਪਂ વਾ ਅਪ੍ਪਤਿਰੂਪਂ વਾ ਸਨ੍ਤਂ વਾ ਅਸਨ੍ਤਂ વਾ। ਤਤ੍ਥ ਨਾਮ ਤ੍વਂ, ਮੋਘਪੁਰਿਸ, ਪੁਬ੍ਬੇ ਅਪ੍ਪવਾਰਿਤੋ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho so puriso ujjhāyati khiyyati vipāceti – ‘‘mahicchā ime samaṇā sakyaputtiyā asantuṭṭhā. Nayime sukarā cīvarena acchādetuṃ. Kathañhi nāma ayyo upanando mayā pubbe appavārito maṃ upasaṅkamitvā cīvare vikappaṃ āpajjissatī’’ti! Assosuṃ kho bhikkhū tassa purisassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyyanti khiyyanti vipācenti – ‘‘kathañhi nāma āyasmā upanando sakyaputto pubbe appavārito gahapatikaṃ upasaṅkamitvā cīvare vikappaṃ āpajjissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ …pe… ‘‘saccaṃ kira tvaṃ, upananda, pubbe appavārito gahapatikaṃ upasaṅkamitvā cīvare vikappaṃ āpajjasī’’ti? ‘‘Saccaṃ, bhagavā’’ti. ‘‘Ñātako te, upananda, aññātako’’ti? ‘‘Aññātako, bhagavā’’ti. ‘‘Aññātako, moghapurisa, aññātakassa na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, pubbe appavārito aññātakaṃ gahapatikaṃ upasaṅkamitvā cīvare vikappaṃ āpajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੨੮. ‘‘ਭਿਕ੍ਖੁਂ ਪਨੇવ ਉਦ੍ਦਿਸ੍ਸ ਅਞ੍ਞਾਤਕਸ੍ਸ ਗਹਪਤਿਸ੍ਸ વਾ ਗਹਪਤਾਨਿਯਾ વਾ ਚੀવਰਚੇਤਾਪਨ੍ਨਂ 1 ਉਪਕ੍ਖਟਂ ਹੋਤਿ – ‘ਇਮਿਨਾ ਚੀવਰਚੇਤਾਪਨ੍ਨੇਨ ਚੀવਰਂ ਚੇਤਾਪੇਤ੍વਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀવਰੇਨ ਅਚ੍ਛਾਦੇਸ੍ਸਾਮੀ’ਤਿ; ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪવਾਰਿਤੋ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜੇਯ੍ਯ – ‘ਸਾਧੁ વਤ ਮਂ ਆਯਸ੍ਮਾ ਇਮਿਨਾ ਚੀવਰਚੇਤਾਪਨ੍ਨੇਨ ਏવਰੂਪਂ વਾ ਏવਰੂਪਂ વਾ ਚੀવਰਂ ਚੇਤਾਪੇਤ੍વਾ ਅਚ੍ਛਾਦੇਹੀ’ਤਿ, ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
528.‘‘Bhikkhuṃ paneva uddissa aññātakassa gahapatissa vā gahapatāniyā vā cīvaracetāpannaṃ 2 upakkhaṭaṃ hoti – ‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādessāmī’ti; tatra ce so bhikkhu pubbe appavārito upasaṅkamitvā cīvare vikappaṃ āpajjeyya – ‘sādhu vata maṃ āyasmā iminā cīvaracetāpannena evarūpaṃ vā evarūpaṃ vā cīvaraṃ cetāpetvā acchādehī’ti, kalyāṇakamyataṃ upādāya, nissaggiyaṃ pācittiya’’nti.
੫੨੯. ਭਿਕ੍ਖੁਂ ਪਨੇવ ਉਦ੍ਦਿਸ੍ਸਾਤਿ ਭਿਕ੍ਖੁਸ੍ਸਤ੍ਥਾਯ, ਭਿਕ੍ਖੁਂ ਆਰਮ੍ਮਣਂ ਕਰਿਤ੍વਾ, ਭਿਕ੍ਖੁਂ ਅਚ੍ਛਾਦੇਤੁਕਾਮੋ।
529.Bhikkhuṃpaneva uddissāti bhikkhussatthāya, bhikkhuṃ ārammaṇaṃ karitvā, bhikkhuṃ acchādetukāmo.
ਅਞ੍ਞਾਤਕੋ ਨਾਮ ਮਾਤਿਤੋ વਾ ਪਿਤਿਤੋ વਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ।
Aññātako nāma mātito vā pitito vā yāva sattamā pitāmahayugā asambaddho.
ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾવਸਤਿ।
Gahapati nāma yo koci agāraṃ ajjhāvasati.
ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾવਸਤਿ।
Gahapatānī nāma yā kāci agāraṃ ajjhāvasati.
ਚੀવਰਚੇਤਾਪਨ੍ਨਂ ਨਾਮ ਹਿਰਞ੍ਞਂ વਾ ਸੁવਣ੍ਣਂ વਾ ਮੁਤ੍ਤਾ વਾ ਮਣਿ વਾ ਪવਾਲ਼ੋ વਾ ਫਲਿਕੋ વਾ ਪਟਕੋ વਾ ਸੁਤ੍ਤਂ વਾ ਕਪ੍ਪਾਸੋ વਾ।
Cīvaracetāpannaṃ nāma hiraññaṃ vā suvaṇṇaṃ vā muttā vā maṇi vā pavāḷo vā phaliko vā paṭako vā suttaṃ vā kappāso vā.
ਇਮਿਨਾ ਚੀવਰਚੇਤਾਪਨ੍ਨੇਨਾਤਿ ਪਚ੍ਚੁਪਟ੍ਠਿਤੇਨ।
Iminā cīvaracetāpannenāti paccupaṭṭhitena.
ਚੇਤਾਪੇਤ੍વਾਤਿ ਪਰਿવਤ੍ਤੇਤ੍વਾ।
Cetāpetvāti parivattetvā.
ਅਚ੍ਛਾਦੇਸ੍ਸਾਮੀਤਿ ਦਸ੍ਸਾਮਿ।
Acchādessāmīti dassāmi.
ਤਤ੍ਰ ਚੇ ਸੋ ਭਿਕ੍ਖੂਤਿ ਯਂ ਭਿਕ੍ਖੁਂ ਉਦ੍ਦਿਸ੍ਸ ਚੀવਰਚੇਤਾਪਨ੍ਨਂ ਉਪਕ੍ਖਟਂ ਹੋਤਿ ਸੋ ਭਿਕ੍ਖੁ।
Tatra ce so bhikkhūti yaṃ bhikkhuṃ uddissa cīvaracetāpannaṃ upakkhaṭaṃ hoti so bhikkhu.
ਪੁਬ੍ਬੇ ਅਪ੍ਪવਾਰਿਤੋਤਿ ਪੁਬ੍ਬੇ ਅવੁਤ੍ਤੋ ਹੋਤਿ – ‘‘ਕੀਦਿਸੇਨ ਤੇ, ਭਨ੍ਤੇ, ਚੀવਰੇਨ ਅਤ੍ਥੋ, ਕੀਦਿਸਂ ਤੇ ਚੀવਰਂ ਚੇਤਾਪੇਮੀ’’ਤਿ?
Pubbe appavāritoti pubbe avutto hoti – ‘‘kīdisena te, bhante, cīvarena attho, kīdisaṃ te cīvaraṃ cetāpemī’’ti?
ਉਪਸਙ੍ਕਮਿਤ੍વਾਤਿ ਘਰਂ ਗਨ੍ਤ੍વਾ ਯਤ੍ਥ ਕਤ੍ਥਚਿ ਉਪਸਙ੍ਕਮਿਤ੍વਾ ।
Upasaṅkamitvāti gharaṃ gantvā yattha katthaci upasaṅkamitvā .
ਚੀવਰੇ વਿਕਪ੍ਪਂ ਆਪਜ੍ਜੇਯ੍ਯਾਤਿ ਆਯਤਂ વਾ ਹੋਤੁ વਿਤ੍ਥਤਂ વਾ ਅਪ੍ਪਿਤਂ વਾ ਸਣ੍ਹਂ વਾ।
Cīvare vikappaṃ āpajjeyyāti āyataṃ vā hotu vitthataṃ vā appitaṃ vā saṇhaṃ vā.
ਇਮਿਨਾ ਚੀવਰਚੇਤਾਪਨ੍ਨੇਨਾਤਿ ਪਚ੍ਚੁਪਟ੍ਠਿਤੇਨ।
Iminācīvaracetāpannenāti paccupaṭṭhitena.
ਏવਰੂਪਂ વਾ ਏવਰੂਪਂ વਾਤਿ। ਆਯਤਂ વਾ વਿਤ੍ਥਤਂ વਾ ਅਪ੍ਪਿਤਂ વਾ ਸਣ੍ਹਂ વਾ।
Evarūpaṃvā evarūpaṃ vāti. Āyataṃ vā vitthataṃ vā appitaṃ vā saṇhaṃ vā.
ਚੇਤਾਪੇਤ੍વਾਤਿ ਪਰਿવਤ੍ਤੇਤ੍વਾ।
Cetāpetvāti parivattetvā.
ਅਚ੍ਛਾਦੇਹੀਤਿ ਦਜ੍ਜੇਹਿ।
Acchādehīti dajjehi.
ਕਲ੍ਯਾਣਕਮ੍ਯਤਂ ਉਪਾਦਾਯਾਤਿ ਸਾਧਤ੍ਥਿਕੋ 3 ਮਹਗ੍ਘਤ੍ਥਿਕੋ। ਤਸ੍ਸ વਚਨੇਨ ਆਯਤਂ વਾ વਿਤ੍ਥਤਂ વਾ ਅਪ੍ਪਿਤਂ વਾ ਸਣ੍ਹਂ વਾ ਚੇਤਾਪੇਤਿ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ, ਚੀવਰਂ ਪੁਬ੍ਬੇ ਅਪ੍ਪવਾਰਿਤੋ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Kalyāṇakamyataṃ upādāyāti sādhatthiko 4 mahagghatthiko. Tassa vacanena āyataṃ vā vitthataṃ vā appitaṃ vā saṇhaṃ vā cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ pubbe appavārito aññātakaṃ gahapatikaṃ upasaṅkamitvā cīvare vikappaṃ āpannaṃ nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੫੩੦. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ ਪੁਬ੍ਬੇ ਅਪ੍ਪવਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਕੇ વੇਮਤਿਕੋ ਪੁਬ੍ਬੇ ਅਪ੍ਪવਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਕੇ ਞਾਤਕਸਞ੍ਞੀ ਪੁਬ੍ਬੇ ਅਪ੍ਪવਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍વਾ ਚੀવਰੇ વਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
530. Aññātake aññātakasaññī pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake vematiko pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake ñātakasaññī pubbe appavārito gahapatikaṃ upasaṅkamitvā cīvare vikappaṃ āpajjati, nissaggiyaṃ pācittiyaṃ.
ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ।
Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
੫੩੧. ਅਨਾਪਤ੍ਤਿ ਞਾਤਕਾਨਂ, ਪવਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਮਹਗ੍ਘਂ ਚੇਤਾਪੇਤੁਕਾਮਸ੍ਸ ਅਪ੍ਪਗ੍ਘਂ ਚੇਤਾਪੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
531. Anāpatti ñātakānaṃ, pavāritānaṃ, aññassatthāya, attano dhanena, mahagghaṃ cetāpetukāmassa appagghaṃ cetāpeti, ummattakassa, ādikammikassāti.
ਉਪਕ੍ਖਟਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ।
Upakkhaṭasikkhāpadaṃ niṭṭhitaṃ aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੮. ਪਠਮਉਪਕ੍ਖਟਸਿਕ੍ਖਾਪਦવਣ੍ਣਨਾ • 8. Paṭhamaupakkhaṭasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਪਠਮਉਪਕ੍ਖਟਸਿਕ੍ਖਾਪਦવਣ੍ਣਨਾ • 8. Paṭhamaupakkhaṭasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਪਠਮਉਪਕ੍ਖਟਸਿਕ੍ਖਾਪਦવਣ੍ਣਨਾ • 8. Paṭhamaupakkhaṭasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੮. ਪਠਮਉਪਕ੍ਖਟਸਿਕ੍ਖਾਪਦવਣ੍ਣਨਾ • 8. Paṭhamaupakkhaṭasikkhāpadavaṇṇanā
