| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
3. убаггилзсан̃аан̣анид̣̇д̣̇зсаван̣н̣анаа
3. Upakkilesañāṇaniddesavaṇṇanā
батамажчаггам̣
Paṭhamacchakkaṃ
154. батамажчаггз ассаасаад̣̇имаж̇жхабарияосаананд̇и аб̣бханд̇арабависанаваад̇асса наасигаг̇г̇ам̣ ваа муканимид̇д̇ам̣ ваа аад̣̇и, хад̣̇аяам̣ маж̇жхам̣, наабхи барияосаанам̣. д̇ам̣ д̇асса аад̣̇имаж̇жхабарияосаанам̣ сад̇ияаа ануг̇ажчад̇о яог̇исса таананаанад̇д̇аануг̇аманзна жид̇д̇ам̣ аж̇жхад̇д̇ам̣ вигкзбам̣ г̇ажчад̇и, д̇ам̣ аж̇жхад̇д̇авигкзбаг̇ад̇ам̣ жид̇д̇ам̣ згад̇д̇з асан̣таханад̇о самаад̇хисса барибант̇о. бассаасаад̣̇имаж̇жхабарияосаананд̇и б̣ахинигкаманаваад̇асса наабхи аад̣̇и, хад̣̇аяам̣ маж̇жхам̣, наасигаг̇г̇ам̣ ваа муканимид̇д̇ам̣ ваа б̣ахиаагаасо ваа барияосаанам̣. яож̇анаа банзд̇т̇а вуд̇д̇анаязнзва взд̣̇ид̇аб̣б̣аа. ассаасабадиган̇канаа ниганд̇ид̇ан̣хаажарияаад̇и ‘‘наасигааваад̇ааяад̇д̇амид̣̇ам̣ гаммадтаана’’нд̇и саллагкзд̇ваа ол̣ааригол̣ааригасса ассаасасса бад̇т̇анаасан̇каад̇аа нигааманаа зва д̇ан̣хаабавад̇д̇и. д̇ан̣хаабавад̇д̇ияаа сад̇и згад̇д̇з асан̣таханад̇о самаад̇хисса барибант̇о. бассаасабадиган̇канаа ниганд̇ийд̇и буна ассаасабуб̣б̣агасса бассаасасса бад̇т̇анаасан̇каад̇аа ниганд̇и. сзсам̣ вуд̇д̇анаязнзва яож̇зд̇аб̣б̣ам̣. ассаасзнаабхид̇уннассаад̇и ад̇ид̣̇ийгхам̣ ад̇ирассам̣ ваа ассаасам̣ гаронд̇асса ассаасамуулагасса гааяажид̇д̇агиламат̇асса саб̣бхаавад̇о д̇зна ассаасзна вид̣̇д̇хасса бийл̣ид̇асса. бассаасабадилаабхз мужчанаад̇и ассаасзна бийл̣ид̇ад̇д̇ааязва бассаасз ассаад̣̇асан̃н̃ино бассаасам̣ бад̇т̇аяад̇о д̇асмим̣ бассаасабадилаабхз раж̇ж̇анаа. бассаасамуулагзби зсзва наяо.
154. Paṭhamacchakke assāsādimajjhapariyosānanti abbhantarapavisanavātassa nāsikaggaṃ vā mukhanimittaṃ vā ādi, hadayaṃ majjhaṃ, nābhi pariyosānaṃ. Taṃ tassa ādimajjhapariyosānaṃ satiyā anugacchato yogissa ṭhānanānattānugamanena cittaṃ ajjhattaṃ vikkhepaṃ gacchati, taṃ ajjhattavikkhepagataṃ cittaṃ ekatte asaṇṭhahanato samādhissa paripantho. Passāsādimajjhapariyosānanti bahinikkhamanavātassa nābhi ādi, hadayaṃ majjhaṃ, nāsikaggaṃ vā mukhanimittaṃ vā bahiākāso vā pariyosānaṃ. Yojanā panettha vuttanayeneva veditabbā. Assāsapaṭikaṅkhanā nikantitaṇhācariyāti ‘‘nāsikāvātāyattamidaṃ kammaṭṭhāna’’nti sallakkhetvā oḷārikoḷārikassa assāsassa patthanāsaṅkhātā nikāmanā eva taṇhāpavatti. Taṇhāpavattiyā sati ekatte asaṇṭhahanato samādhissa paripantho. Passāsapaṭikaṅkhanā nikantīti puna assāsapubbakassa passāsassa patthanāsaṅkhātā nikanti. Sesaṃ vuttanayeneva yojetabbaṃ. Assāsenābhitunnassāti atidīghaṃ atirassaṃ vā assāsaṃ karontassa assāsamūlakassa kāyacittakilamathassa sabbhāvato tena assāsena viddhassa pīḷitassa. Passāsapaṭilābhe mucchanāti assāsena pīḷitattāyeva passāse assādasaññino passāsaṃ patthayato tasmiṃ passāsapaṭilābhe rajjanā. Passāsamūlakepi eseva nayo.
вуд̇д̇ассзва ад̇т̇асса ануван̣н̣анад̇т̇ам̣ вуд̇д̇зсу г̇аат̇ааб̣анд̇хзсу ануг̇ажчанаад̇и ануг̇ажчамаанаа. сад̇ийд̇и аж̇жхад̇д̇аб̣ахид̣̇д̇хаавигкзбахзд̇убхууд̇аа сад̇и. вигкибад̇и анзна жид̇д̇анд̇и вигкзбо. го со? ассаасо. аж̇жхад̇д̇ам̣ вигкзбо аж̇жхад̇д̇авигкзбо, д̇асса ааган̇канаа аж̇жхад̇д̇авигкзбааган̇канаа, асаммааманасигааравасзна аж̇жхад̇д̇авигкзбагасса ассаасасса ааган̇канаад̇и вуд̇д̇ам̣ ход̇и. зд̇знзва наязна б̣ахид̣̇д̇хаавигкзбабад̇т̇анаа взд̣̇ид̇аб̣б̣аа. язхийд̇и язхи убаггилзсзхи. вигкиббамаанассаад̇и вигкибияамаанасса вигкзбам̣ аабаад̣̇ияамаанасса. но жа жид̇д̇ам̣ вимужжад̇ийд̇и жид̇д̇ам̣ ассаасабассаасаарамман̣з жа наад̇химужжад̇и, бажжанийгад̇хаммзхи жа на вимужжад̇и. жид̇д̇ам̣ но жа вимужжад̇и барабад̇д̇ияаа жа хонд̇ийд̇и самб̣анд̇хо. вимогкам̣ аббаж̇аананд̇аад̇и со ваа ан̃н̃о ваа аарамман̣аад̇химуд̇д̇ивимогкан̃жа бажжанийгавимуд̇д̇ивимогкан̃жа звам̣ аббаж̇аананд̇аа. барабад̇д̇ияаад̇и барабажжаяам̣ барасад̣̇д̣̇аханам̣ араханд̇и, на ад̇д̇абажжагкам̣ н̃аан̣анд̇и ‘‘барабажжаяигаа’’д̇и вад̇д̇аб̣б̣з ‘‘барабад̇д̇ияаа’’д̇и вуд̇д̇ам̣. ад̇т̇о бана соязва.
Vuttasseva atthassa anuvaṇṇanatthaṃ vuttesu gāthābandhesu anugacchanāti anugacchamānā. Satīti ajjhattabahiddhāvikkhepahetubhūtā sati. Vikkhipati anena cittanti vikkhepo. Ko so? Assāso. Ajjhattaṃ vikkhepo ajjhattavikkhepo, tassa ākaṅkhanā ajjhattavikkhepākaṅkhanā, asammāmanasikāravasena ajjhattavikkhepakassa assāsassa ākaṅkhanāti vuttaṃ hoti. Eteneva nayena bahiddhāvikkhepapatthanā veditabbā. Yehīti yehi upakkilesehi. Vikkhippamānassāti vikkhipiyamānassa vikkhepaṃ āpādiyamānassa. No ca cittaṃ vimuccatīti cittaṃ assāsapassāsārammaṇe ca nādhimuccati, paccanīkadhammehi ca na vimuccati. Cittaṃ no ca vimuccati parapattiyā ca hontīti sambandho. Vimokkhaṃ appajānantāti so vā añño vā ārammaṇādhimuttivimokkhañca paccanīkavimuttivimokkhañca evaṃ appajānantā. Parapattiyāti parapaccayaṃ parasaddahanaṃ arahanti, na attapaccakkhaṃ ñāṇanti ‘‘parapaccayikā’’ti vattabbe ‘‘parapattiyā’’ti vuttaṃ. Attho pana soyeva.
д̣̇уд̇ияажчаггам̣
Dutiyacchakkaṃ
155. д̣̇уд̇ияажчаггз нимид̇д̇анд̇и ассаасабассаасаанам̣ пусанадтаанам̣. ассаасабассаасаа хи д̣̇ийгханаасигасса наасаабудам̣ гхаддзнд̇аа бавад̇д̇анд̇и, рассанаасигасса уд̇д̇ародтам̣. яад̣̇и хи аяам̣ яог̇ий д̇ам̣ нимид̇д̇амзва ааваж̇ж̇ад̇и, д̇асса нимид̇д̇амзва ааваж̇ж̇амаанасса ассаасз жид̇д̇ам̣ вигамбад̇и, на бад̇идтаад̇ийд̇и ад̇т̇о. д̇асса д̇асмим̣ жид̇д̇з аббад̇идтид̇з самаад̇хисса абхаавад̇о д̇ам̣ вигамбанам̣ самаад̇хисса барибант̇о. яад̣̇и ассаасамзва ааваж̇ж̇ад̇и, д̇асса жид̇д̇ам̣ аб̣бханд̇арабавзсанавасзна вигкзбам̣ аавахад̇и, нимид̇д̇з на бад̇идтаад̇и, д̇асмаа нимид̇д̇з вигамбад̇и. иминаа наязна сзсзсуби яож̇анаа гаад̇аб̣б̣аа. г̇аат̇аасу вигкиббад̇зд̇и вигкибийяад̇и вигкзбам̣ аабаад̣̇ийяад̇и.
155. Dutiyacchakke nimittanti assāsapassāsānaṃ phusanaṭṭhānaṃ. Assāsapassāsā hi dīghanāsikassa nāsāpuṭaṃ ghaṭṭentā pavattanti, rassanāsikassa uttaroṭṭhaṃ. Yadi hi ayaṃ yogī taṃ nimittameva āvajjati, tassa nimittameva āvajjamānassa assāse cittaṃ vikampati, na patiṭṭhātīti attho. Tassa tasmiṃ citte appatiṭṭhite samādhissa abhāvato taṃ vikampanaṃ samādhissa paripantho. Yadi assāsameva āvajjati, tassa cittaṃ abbhantarapavesanavasena vikkhepaṃ āvahati, nimitte na patiṭṭhāti, tasmā nimitte vikampati. Iminā nayena sesesupi yojanā kātabbā. Gāthāsu vikkhippateti vikkhipīyati vikkhepaṃ āpādīyati.
д̇ад̇ияажчаггам̣
Tatiyacchakkaṃ
156. д̇ад̇ияажчаггз ад̇ийд̇аануд̇хааванам̣ жид̇д̇анд̇и пусанадтаанам̣ ад̇иггамид̇ваа г̇ад̇ам̣ ассаасам̣ ваа бассаасам̣ ваа ануг̇ажчамаанам̣ жид̇д̇ам̣. вигкзбаанубад̇ид̇анд̇и вигкзбзна ануг̇ад̇ам̣, вигкзбам̣ ваа саяам̣ анубад̇ид̇ам̣ ануг̇ад̇ам̣. анааг̇ад̇абадиган̇канам̣ жид̇д̇анд̇и пусанадтаанам̣ аббад̇д̇ам̣ ассаасам̣ ваа бассаасам̣ ваа бадиган̇камаанам̣ бажжаасийсамаанам̣ жид̇д̇ам̣. вигамбид̇анд̇и д̇асмим̣ аббад̇идтаанзнзва вигкзбзна вигамбид̇ам̣. лийнанд̇и ад̇исит̇илавийрияад̇аад̣̇ийхи сан̇гужид̇ам̣. госаж̇ж̇аанубад̇ид̇анд̇и гусийд̇абхааваануг̇ад̇ам̣. ад̇ибаг̇г̇ахид̇анд̇и ажжаарад̣̇д̇хавийрияад̇аад̣̇ийхи ад̇иуссаахид̇ам̣. уд̣̇д̇хажжаанубад̇ид̇анд̇и вигкзбаануг̇ад̇ам̣. абхинад̇анд̇и ассаад̣̇авад̇т̇уусу бхусам̣ над̇ам̣ аллийнам̣. абанад̇анд̇и нирассаад̣̇авад̇т̇уусу бад̇ихад̇ам̣, д̇ад̇о абаг̇ад̇ам̣ ваа, абаг̇ад̇анад̇ам̣ ваа, на д̇ад̇о абаг̇ад̇анд̇и ад̇т̇о. рааг̇аанубад̇ид̇анд̇и зд̇т̇а ассаасабассаасанимид̇д̇ам̣ манасигарод̇о уббаннабийд̇исукз ваа буб̣б̣з хасид̇алабид̇агийл̣ид̇авад̇т̇уусу ваа рааг̇о анубад̇ад̇и. б̣яаабаад̣̇аанубад̇ид̇анд̇и зд̇т̇а манасигаарз нирассаад̣̇аг̇ад̇ажид̇д̇асса уббаннад̣̇оманассавасзна ваа буб̣б̣з самуд̣̇аажин̣н̣зсу аагхаад̇авад̇т̇уусу ваа б̣яаабаад̣̇о анубад̇ад̇и. г̇аат̇аасу на самаад̇хияад̇ийд̇и на самаахид̇ам̣ ход̇и. ад̇хижид̇д̇анд̇и жид̇д̇асийсзна нид̣̇д̣̇идто ад̇хиго самаад̇хи.
156. Tatiyacchakke atītānudhāvanaṃ cittanti phusanaṭṭhānaṃ atikkamitvā gataṃ assāsaṃ vā passāsaṃ vā anugacchamānaṃ cittaṃ. Vikkhepānupatitanti vikkhepena anugataṃ, vikkhepaṃ vā sayaṃ anupatitaṃ anugataṃ. Anāgatapaṭikaṅkhanaṃ cittanti phusanaṭṭhānaṃ appattaṃ assāsaṃ vā passāsaṃ vā paṭikaṅkhamānaṃ paccāsīsamānaṃ cittaṃ. Vikampitanti tasmiṃ appatiṭṭhāneneva vikkhepena vikampitaṃ. Līnanti atisithilavīriyatādīhi saṅkucitaṃ. Kosajjānupatitanti kusītabhāvānugataṃ. Atipaggahitanti accāraddhavīriyatādīhi atiussāhitaṃ. Uddhaccānupatitanti vikkhepānugataṃ. Abhinatanti assādavatthūsu bhusaṃ nataṃ allīnaṃ. Apanatanti nirassādavatthūsu patihataṃ, tato apagataṃ vā, apagatanataṃ vā, na tato apagatanti attho. Rāgānupatitanti ettha assāsapassāsanimittaṃ manasikaroto uppannapītisukhe vā pubbe hasitalapitakīḷitavatthūsu vā rāgo anupatati. Byāpādānupatitanti ettha manasikāre nirassādagatacittassa uppannadomanassavasena vā pubbe samudāciṇṇesu āghātavatthūsu vā byāpādo anupatati. Gāthāsu na samādhiyatīti na samāhitaṃ hoti. Adhicittanti cittasīsena niddiṭṭho adhiko samādhi.
157. зд̇д̇аавад̇аа д̇ийхи чаггзхи адтаараса убаггилзсз нид̣̇д̣̇исид̇ваа ид̣̇аани д̇зсам̣ убаггилзсаанам̣ самаад̇хисса барибант̇абхаавасаад̇ханзна аад̣̇ийнавам̣ д̣̇ассзнд̇о буна ассаасаад̣̇имаж̇жхабарияосаананд̇иаад̣̇имааха. д̇ад̇т̇а гааяоби жид̇д̇амби саарад̣̇д̇хаа жа хонд̇ийд̇и вигкзбасамудтаанаруубаанам̣ васзна руубагааяоби, вигкзбасанд̇ад̇ивасзна жид̇д̇амби махад̇аа кобхзна кубхид̇аа сад̣̇арат̇аа жа хонд̇и. д̇ад̇о манд̣̇ад̇арзна ин̃ж̇ид̇аа гамбид̇аа, д̇ад̇о манд̣̇ад̇арзна панд̣̇ид̇аа жалид̇аа хонд̇и. б̣алавааби маж̇жхимоби манд̣̇оби кобхо ход̇иязва, на саггаа кобхзна на бхавид̇унд̇и вуд̇д̇ам̣ ход̇и. жид̇д̇ам̣ вигамбид̇ад̇д̇аад̇и жид̇д̇асса вигамбид̇ад̇д̇аа. г̇аат̇аасу барибун̣н̣аа абхаавид̇аад̇и яат̇аа барибун̣н̣аа ход̇и, д̇ат̇аа абхаавид̇аа. ин̃ж̇ид̇од̇и гамбид̇о. панд̣̇ид̇од̇и манд̣̇агамбид̇о. хздтаа нийваран̣аанам̣ ананд̇арад̇д̇аа ‘‘имзхи жа бана нийваран̣зхий’’д̇и (бади. ма. 1.153) ажжанд̇асамийбанид̣̇ассанаважанам̣ гад̇ам̣. ид̇ха бана ниг̇аманз нийваран̣аанам̣ санд̇арад̇д̇аа д̇зхи жа бана нийваран̣зхийд̇и бараммуканид̣̇ассанаважанам̣ гад̇ам̣.
157. Ettāvatā tīhi chakkehi aṭṭhārasa upakkilese niddisitvā idāni tesaṃ upakkilesānaṃ samādhissa paripanthabhāvasādhanena ādīnavaṃ dassento puna assāsādimajjhapariyosānantiādimāha. Tattha kāyopi cittampi sāraddhā ca hontīti vikkhepasamuṭṭhānarūpānaṃ vasena rūpakāyopi, vikkhepasantativasena cittampi mahatā khobhena khubhitā sadarathā ca honti. Tato mandatarena iñjitā kampitā, tato mandatarena phanditā calitā honti. Balavāpi majjhimopi mandopi khobho hotiyeva, na sakkā khobhena na bhavitunti vuttaṃ hoti. Cittaṃ vikampitattāti cittassa vikampitattā. Gāthāsu paripuṇṇā abhāvitāti yathā paripuṇṇā hoti, tathā abhāvitā. Iñjitoti kampito. Phanditoti mandakampito. Heṭṭhā nīvaraṇānaṃ anantarattā ‘‘imehi ca pana nīvaraṇehī’’ti (paṭi. ma. 1.153) accantasamīpanidassanavacanaṃ kataṃ. Idha pana nigamane nīvaraṇānaṃ santarattā tehi ca pana nīvaraṇehīti parammukhanidassanavacanaṃ kataṃ.
убаггилзсан̃аан̣анид̣̇д̣̇зсаван̣н̣анаа нидтид̇аа.
Upakkilesañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. убаггилзсан̃аан̣анид̣̇д̣̇зсо • 3. Upakkilesañāṇaniddeso
