| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. நீவரணவக்³கோ³
4. Nīvaraṇavaggo
3-4. உபக்கிலேஸஸுத்தாதி³வண்ணனா
3-4. Upakkilesasuttādivaṇṇanā
214-215. சதுத்த²வக்³க³ஸ்ஸ ததியே ந ச பப⁴ஸ்ஸரந்தி ந ச பபா⁴வந்தங். பப⁴ங்கு³ சாதி பபி⁴ஜ்ஜனஸபா⁴வங். அயோதி காளலோஹங். ட²பெத்வா இத⁴ வுத்தானி சத்தாரி அவஸேஸங் லோஹங் நாம. ஸஜ்ஜூ²தி ரஜதங். சித்தஸ்ஸாதி சதுபூ⁴மகசித்தஸ்ஸ. லோகியஸ்ஸ தாவ உபக்கிலேஸோ ஹோது , லோகுத்தரஸ்ஸ கத²ங் ஹோதீதி? உப்பஜ்ஜிதுங் அப்பதா³னேன. யத³க்³கே³ன ஹி உப்பஜ்ஜிதுங் ந தெ³ந்தி, தத³க்³கே³னேவ தே லோகியஸ்ஸாபி லோகுத்தரஸ்ஸாபி உபக்கிலேஸா நாம ஹொந்தி. பப⁴ங்கு³ சாதி ஆரம்மணே சுண்ணவிசுண்ணபா⁴வூபக³மனேன பி⁴ஜ்ஜனஸபா⁴வங். அனாவரணா அனீவரணாதி குஸலத⁴ம்மே ந ஆவரந்தீதி அனாவரணா, ந நீவரந்தி ந படிச்சா²தெ³ந்தீதி அனீவரணா. சேதஸோ அனுபக்கிலேஸாதி சதுபூ⁴மகசித்தஸ்ஸ அனுபக்கிலேஸா.
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
3. உபக்கிலேஸஸுத்தங் • 3. Upakkilesasuttaṃ
4. அனுபக்கிலேஸஸுத்தங் • 4. Anupakkilesasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-4. உபக்கிலேஸஸுத்தாதி³வண்ணனா • 3-4. Upakkilesasuttādivaṇṇanā
