| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3-4. உபக்கிலேஸஸுத்தாதி³வண்ணனா
3-4. Upakkilesasuttādivaṇṇanā
23-24. ததியே ந ச பபா⁴வந்தந்தி ந ச பபா⁴ஸம்பன்னங். பபி⁴ஜ்ஜனஸபா⁴வந்தி தாபெத்வா தாளகஜ்ஜனபப⁴ங்கு³ரங். அவஸேஸங் லோஹந்தி வுத்தாவஸேஸங் ஸஜாதிலோஹங், விஜாதிலோஹங், பிஸாசலோஹங், கித்திமலோஹந்தி ஏவங்பபே⁴த³ங் ஸப்³ப³ம்பி லோஹங். உப்பஜ்ஜிதுங் அப்பதா³னேனாதி எத்த² நனு லோகியகுஸலசித்தஸ்ஸபி ஸுவிஸுத்³த⁴ஸ்ஸபி உப்பஜ்ஜிதுங் அப்பதா³னேனேவ உபக்கிலேஸதாதி? ஸச்சமேதங், யஸ்மிங் பன ஸந்தானே நீவரணானி லத்³த⁴ப்பதிட்டா²னி, தத்த² மஹக்³க³தகுஸலஸ்ஸபி அஸம்ப⁴வோ, பகே³வ லோகுத்தரகுஸலஸ்ஸ. பரித்தகுஸலங் பன யதா²பச்சயங் உப்பஜ்ஜமானங் நீவரணேஹி உபஹதே ஸந்தானே உப்பத்தியா அபரிஸுத்³த⁴ங் ஹொந்தங் உபக்கிலிட்ட²ங் நாம ஹோதி அபரிஸுத்³த⁴தீ³பகபல்லிகவட்டிதேலாதி³ஸன்னிஸ்ஸயோ பதீ³போ விய. அபிச நிப்பரியாயதோ உப்பஜ்ஜிதுங் அப்பதா³னேனேவ தேஸங் உபக்கிலேஸதாதி த³ஸ்ஸெந்தோ ‘‘யத³க்³கே³ன ஹீ’’திஆதி³மாஹ. ஆரம்மணே விக்கி²த்தப்பவத்திவஸேன சுண்ணவிசுண்ணதா வேதி³தப்³பா³. சதுத்தே² நத்தி² வத்தப்³ப³ங்.
23-24. Tatiye na ca pabhāvantanti na ca pabhāsampannaṃ. Pabhijjanasabhāvanti tāpetvā tāḷakajjanapabhaṅguraṃ. Avasesaṃ lohanti vuttāvasesaṃ sajātilohaṃ, vijātilohaṃ, pisācalohaṃ, kittimalohanti evaṃpabhedaṃ sabbampi lohaṃ. Uppajjituṃ appadānenāti ettha nanu lokiyakusalacittassapi suvisuddhassapi uppajjituṃ appadāneneva upakkilesatāti? Saccametaṃ, yasmiṃ pana santāne nīvaraṇāni laddhappatiṭṭhāni, tattha mahaggatakusalassapi asambhavo, pageva lokuttarakusalassa. Parittakusalaṃ pana yathāpaccayaṃ uppajjamānaṃ nīvaraṇehi upahate santāne uppattiyā aparisuddhaṃ hontaṃ upakkiliṭṭhaṃ nāma hoti aparisuddhadīpakapallikavaṭṭitelādisannissayo padīpo viya. Apica nippariyāyato uppajjituṃ appadāneneva tesaṃ upakkilesatāti dassento ‘‘yadaggena hī’’tiādimāha. Ārammaṇe vikkhittappavattivasena cuṇṇavicuṇṇatā veditabbā. Catutthe natthi vattabbaṃ.
உபக்கிலேஸஸுத்தாதி³வண்ணனா நிட்டி²தா.
Upakkilesasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
3. உபக்கிலேஸஸுத்தங் • 3. Upakkilesasuttaṃ
4. து³ஸ்ஸீலஸுத்தங் • 4. Dussīlasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
3. உபக்கிலேஸஸுத்தவண்ணனா • 3. Upakkilesasuttavaṇṇanā
4. து³ஸ்ஸீலஸுத்தவண்ணனா • 4. Dussīlasuttavaṇṇanā
