| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. নীৰরণৰগ্গো
4. Nīvaraṇavaggo
৩-৪. উপক্কিলেসসুত্তাদিৰণ্ণনা
3-4. Upakkilesasuttādivaṇṇanā
২১৪-২১৫. চতুত্থৰগ্গস্স ততিযে ন চ পভস্সরন্তি ন চ পভাৰন্তং। পভঙ্গু চাতি পভিজ্জনসভাৰং। অযোতি কাল়লোহং। ঠপেত্ৰা ইধ ৰুত্তানি চত্তারি অৰসেসং লোহং নাম। সজ্ঝূতি রজতং। চিত্তস্সাতি চতুভূমকচিত্তস্স। লোকিযস্স তাৰ উপক্কিলেসো হোতু , লোকুত্তরস্স কথং হোতীতি? উপ্পজ্জিতুং অপ্পদানেন। যদগ্গেন হি উপ্পজ্জিতুং ন দেন্তি, তদগ্গেনেৰ তে লোকিযস্সাপি লোকুত্তরস্সাপি উপক্কিলেসা নাম হোন্তি। পভঙ্গু চাতি আরম্মণে চুণ্ণৰিচুণ্ণভাৰূপগমনেন ভিজ্জনসভাৰং। অনাৰরণা অনীৰরণাতি কুসলধম্মে ন আৰরন্তীতি অনাৰরণা, ন নীৰরন্তি ন পটিচ্ছাদেন্তীতি অনীৰরণা। চেতসো অনুপক্কিলেসাতি চতুভূমকচিত্তস্স অনুপক্কিলেসা।
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৩. উপক্কিলেসসুত্তং • 3. Upakkilesasuttaṃ
৪. অনুপক্কিলেসসুত্তং • 4. Anupakkilesasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-৪. উপক্কিলেসসুত্তাদিৰণ্ণনা • 3-4. Upakkilesasuttādivaṇṇanā
