| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. нийваран̣аваг̇г̇о
4. Nīvaraṇavaggo
3-4. убаггилзсасуд̇д̇аад̣̇иван̣н̣анаа
3-4. Upakkilesasuttādivaṇṇanā
214-215. на жа бабхааванд̇анд̇и на жа бабхаасамбаннам̣. бабхиж̇ж̇анасабхааванд̇и д̇аабзд̇ваа д̇ааланз бабхан̇г̇уд̇ам̣. авасзсам̣ лоханд̇и вуд̇д̇аавасзсам̣ ж̇аад̇илохам̣, виж̇аад̇илохам̣, гид̇д̇ималоханд̇и бабхзд̣̇ам̣ саб̣б̣амби лохам̣. уббаж̇ж̇ид̇ум̣ аббад̣̇аанзнаад̇и зд̇т̇а нану логияагусалажид̇д̇ассаби сувисуд̣̇д̇хасса уббаж̇ж̇ид̇ум̣ аббад̣̇аанзна убаггилзсад̇аад̇и? сажжамзд̇ам̣, яасмим̣ бана санд̇аанз нийваран̣аани лад̣̇д̇хабад̇идтаани, д̇ад̇т̇а махаг̇г̇ад̇агусалассаби асамбхаво, баг̇зва логуд̇д̇арагусаласса, барид̇д̇агусалам̣ бана яат̇аабажжаяам̣ уббаж̇ж̇ад̇и. нийваран̣з хи вуубасанд̇з санд̇аанз уббад̇д̇ияаа абарисуд̣̇д̇хам̣ ход̇и, убаггилидтам̣ наама ход̇и, абарисуд̣̇д̇хад̣̇ийбагабаллигавадтид̇злаад̣̇исанниссаяо д̣̇ийбо вияа, абижа ниббарияааяад̇о уббаж̇ж̇ид̇ум̣ аббад̣̇аанзнзва д̇зсам̣ убаггилзсад̇аад̇и д̣̇ассзнд̇о ‘‘яад̣̇аг̇г̇зна хий’’д̇иаад̣̇имааха. аарамман̣з вигкид̇д̇аббад̇д̇ивасзна жун̣н̣авижун̣н̣ад̇аа взд̣̇ид̇аб̣б̣аа. на ааваранд̇ийд̇и гусалад̇хаммз уббаж̇ж̇ид̇ум̣ аббад̣̇аанавасзна на ааваранд̇и, ат̇а ко д̇зсам̣ уббад̇д̇ияаа хонд̇и. на бадижчаад̣̇знд̇ийд̇и на винанд̇ханд̇и. жад̇убхуумагажид̇д̇ассаад̇и жад̇уд̇т̇абхуумагагусалажид̇д̇асса анубаггилзсаа, д̇зхи агилиссанад̇о.
214-215.Na ca pabhāvantanti na ca pabhāsampannaṃ. Pabhijjanasabhāvanti tāpetvā tālane pabhaṅgutaṃ. Avasesaṃ lohanti vuttāvasesaṃ jātilohaṃ, vijātilohaṃ, kittimalohanti pabhedaṃ sabbampi lohaṃ. Uppajjituṃ appadānenāti ettha nanu lokiyakusalacittassapi suvisuddhassa uppajjituṃ appadānena upakkilesatāti? Saccametaṃ, yasmiṃ pana santāne nīvaraṇāni laddhapatiṭṭhāni, tattha mahaggatakusalassapi asambhavo, pageva lokuttarakusalassa, parittakusalaṃ pana yathāpaccayaṃ uppajjati. Nīvaraṇe hi vūpasante santāne uppattiyā aparisuddhaṃ hoti, upakkiliṭṭhaṃ nāma hoti, aparisuddhadīpakapallikavaṭṭhitelādisannissayo dīpo viya, apica nippariyāyato uppajjituṃ appadāneneva tesaṃ upakkilesatāti dassento ‘‘yadaggena hī’’tiādimāha. Ārammaṇe vikkhittappattivasena cuṇṇavicuṇṇatā veditabbā. Na āvarantīti kusaladhamme uppajjituṃ appadānavasena na āvaranti, atha kho tesaṃ uppattiyā honti. Na paṭicchādentīti na vinandhanti. Catubhūmakacittassāti catutthabhūmakakusalacittassa anupakkilesā, tehi akilissanato.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
3. убаггилзсасуд̇д̇ам̣ • 3. Upakkilesasuttaṃ
4. анубаггилзсасуд̇д̇ам̣ • 4. Anupakkilesasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-4. убаггилзсасуд̇д̇аад̣̇иван̣н̣анаа • 3-4. Upakkilesasuttādivaṇṇanā
