| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
४. नीवरणवग्गो
4. Nīvaraṇavaggo
३-४. उपक्किलेससुत्तादिवण्णना
3-4. Upakkilesasuttādivaṇṇanā
२१४-२१५. चतुत्थवग्गस्स ततिये न च पभस्सरन्ति न च पभावन्तं। पभङ्गु चाति पभिज्जनसभावं। अयोति काळलोहं। ठपेत्वा इध वुत्तानि चत्तारि अवसेसं लोहं नाम। सज्झूति रजतं। चित्तस्साति चतुभूमकचित्तस्स। लोकियस्स ताव उपक्किलेसो होतु , लोकुत्तरस्स कथं होतीति? उप्पज्जितुं अप्पदानेन। यदग्गेन हि उप्पज्जितुं न देन्ति, तदग्गेनेव ते लोकियस्सापि लोकुत्तरस्सापि उपक्किलेसा नाम होन्ति। पभङ्गु चाति आरम्मणे चुण्णविचुण्णभावूपगमनेन भिज्जनसभावं। अनावरणा अनीवरणाति कुसलधम्मे न आवरन्तीति अनावरणा, न नीवरन्ति न पटिच्छादेन्तीति अनीवरणा। चेतसो अनुपक्किलेसाति चतुभूमकचित्तस्स अनुपक्किलेसा।
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
३. उपक्किलेससुत्तं • 3. Upakkilesasuttaṃ
४. अनुपक्किलेससुत्तं • 4. Anupakkilesasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३-४. उपक्किलेससुत्तादिवण्णना • 3-4. Upakkilesasuttādivaṇṇanā
