| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. නීවරණවග්‌ගො
4. Nīvaraṇavaggo
3-4. උපක්‌කිලෙසසුත්‌තාදිවණ්‌ණනා
3-4. Upakkilesasuttādivaṇṇanā
214-215. චතුත්‌ථවග්‌ගස්‌ස තතියෙ න ච පභස්‌සරන්‌ති න ච පභාවන්‌තං. පභඞ්‌ගු චාති පභිජ්‌ජනසභාවං. අයොති කාළලොහං. ඨපෙත්‌වා ඉධ වුත්‌තානි චත්‌තාරි අවසෙසං ලොහං නාම. සජ්‌ඣූති රජතං. චිත්‌තස්‌සාති චතුභූමකචිත්‌තස්‌ස. ලොකියස්‌ස තාව උපක්‌කිලෙසො හොතු , ලොකුත්‌තරස්‌ස කථං හොතීති? උප්‌පජ්‌ජිතුං අප්‌පදානෙන. යදග්‌ගෙන හි උප්‌පජ්‌ජිතුං න දෙන්‌ති, තදග්‌ගෙනෙව තෙ ලොකියස්‌සාපි ලොකුත්‌තරස්‌සාපි උපක්‌කිලෙසා නාම හොන්‌ති. පභඞ්‌ගු චාති ආරම්‌මණෙ චුණ්‌ණවිචුණ්‌ණභාවූපගමනෙන භිජ්‌ජනසභාවං. අනාවරණා අනීවරණාති කුසලධම්‌මෙ න ආවරන්‌තීති අනාවරණා, න නීවරන්‌ති න පටිච්‌ඡාදෙන්‌තීති අනීවරණා. චෙතසො අනුපක්‌කිලෙසාති චතුභූමකචිත්‌තස්‌ස අනුපක්‌කිලෙසා.
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
3. උපක්‌කිලෙසසුත්‌තං • 3. Upakkilesasuttaṃ
4. අනුපක්‌කිලෙසසුත්‌තං • 4. Anupakkilesasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-4. උපක්‌කිලෙසසුත්‌තාදිවණ්‌ණනා • 3-4. Upakkilesasuttādivaṇṇanā
