| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤. ནཱིཝརཎཝགྒོ
4. Nīvaraṇavaggo
༣-༤. ཨུཔཀྐིལེསསུཏྟཱདིཝཎྞནཱ
3-4. Upakkilesasuttādivaṇṇanā
༢༡༤-༢༡༥. ཙཏུཏྠཝགྒསྶ ཏཏིཡེ ན ཙ པབྷསྶརནྟི ན ཙ པབྷཱཝནྟཾ། པབྷངྒུ ཙཱཏི པབྷིཛྫནསབྷཱཝཾ། ཨཡོཏི ཀཱལ༹ལོཧཾ། ཋཔེཏྭཱ ཨིདྷ ཝུཏྟཱནི ཙཏྟཱརི ཨཝསེསཾ ལོཧཾ ནཱམ། སཛ྄ཛྷཱུཏི རཛཏཾ། ཙིཏྟསྶཱཏི ཙཏུབྷཱུམཀཙིཏྟསྶ། ལོཀིཡསྶ ཏཱཝ ཨུཔཀྐིལེསོ ཧོཏུ , ལོཀུཏྟརསྶ ཀཐཾ ཧོཏཱིཏི? ཨུཔྤཛྫིཏུཾ ཨཔྤདཱནེན། ཡདགྒེན ཧི ཨུཔྤཛྫིཏུཾ ན དེནྟི, ཏདགྒེནེཝ ཏེ ལོཀིཡསྶཱཔི ལོཀུཏྟརསྶཱཔི ཨུཔཀྐིལེསཱ ནཱམ ཧོནྟི། པབྷངྒུ ཙཱཏི ཨཱརམྨཎེ ཙུཎྞཝིཙུཎྞབྷཱཝཱུཔགམནེན བྷིཛྫནསབྷཱཝཾ། ཨནཱཝརཎཱ ཨནཱིཝརཎཱཏི ཀུསལདྷམྨེ ན ཨཱཝརནྟཱིཏི ཨནཱཝརཎཱ, ན ནཱིཝརནྟི ན པཊིཙྪཱདེནྟཱིཏི ཨནཱིཝརཎཱ། ཙེཏསོ ཨནུཔཀྐིལེསཱཏི ཙཏུབྷཱུམཀཙིཏྟསྶ ཨནུཔཀྐིལེསཱ།
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༣. ཨུཔཀྐིལེསསུཏྟཾ • 3. Upakkilesasuttaṃ
༤. ཨནུཔཀྐིལེསསུཏྟཾ • 4. Anupakkilesasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣-༤. ཨུཔཀྐིལེསསུཏྟཱདིཝཎྞནཱ • 3-4. Upakkilesasuttādivaṇṇanā
