| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩-੪. ਉਪਕ੍ਕਿਲੇਸਸੁਤ੍ਤਾਦਿવਣ੍ਣਨਾ
3-4. Upakkilesasuttādivaṇṇanā
੨੩-੨੪. ਤਤਿਯੇ ਨ ਚ ਪਭਾવਨ੍ਤਨ੍ਤਿ ਨ ਚ ਪਭਾਸਮ੍ਪਨ੍ਨਂ। ਪਭਿਜ੍ਜਨਸਭਾવਨ੍ਤਿ ਤਾਪੇਤ੍વਾ ਤਾਲ਼ਕਜ੍ਜਨਪਭਙ੍ਗੁਰਂ। ਅવਸੇਸਂ ਲੋਹਨ੍ਤਿ વੁਤ੍ਤਾવਸੇਸਂ ਸਜਾਤਿਲੋਹਂ, વਿਜਾਤਿਲੋਹਂ, ਪਿਸਾਚਲੋਹਂ, ਕਿਤ੍ਤਿਮਲੋਹਨ੍ਤਿ ਏવਂਪਭੇਦਂ ਸਬ੍ਬਮ੍ਪਿ ਲੋਹਂ। ਉਪ੍ਪਜ੍ਜਿਤੁਂ ਅਪ੍ਪਦਾਨੇਨਾਤਿ ਏਤ੍ਥ ਨਨੁ ਲੋਕਿਯਕੁਸਲਚਿਤ੍ਤਸ੍ਸਪਿ ਸੁવਿਸੁਦ੍ਧਸ੍ਸਪਿ ਉਪ੍ਪਜ੍ਜਿਤੁਂ ਅਪ੍ਪਦਾਨੇਨੇવ ਉਪਕ੍ਕਿਲੇਸਤਾਤਿ? ਸਚ੍ਚਮੇਤਂ, ਯਸ੍ਮਿਂ ਪਨ ਸਨ੍ਤਾਨੇ ਨੀવਰਣਾਨਿ ਲਦ੍ਧਪ੍ਪਤਿਟ੍ਠਾਨਿ, ਤਤ੍ਥ ਮਹਗ੍ਗਤਕੁਸਲਸ੍ਸਪਿ ਅਸਮ੍ਭવੋ, ਪਗੇવ ਲੋਕੁਤ੍ਤਰਕੁਸਲਸ੍ਸ। ਪਰਿਤ੍ਤਕੁਸਲਂ ਪਨ ਯਥਾਪਚ੍ਚਯਂ ਉਪ੍ਪਜ੍ਜਮਾਨਂ ਨੀવਰਣੇਹਿ ਉਪਹਤੇ ਸਨ੍ਤਾਨੇ ਉਪ੍ਪਤ੍ਤਿਯਾ ਅਪਰਿਸੁਦ੍ਧਂ ਹੋਨ੍ਤਂ ਉਪਕ੍ਕਿਲਿਟ੍ਠਂ ਨਾਮ ਹੋਤਿ ਅਪਰਿਸੁਦ੍ਧਦੀਪਕਪਲ੍ਲਿਕવਟ੍ਟਿਤੇਲਾਦਿਸਨ੍ਨਿਸ੍ਸਯੋ ਪਦੀਪੋ વਿਯ। ਅਪਿਚ ਨਿਪ੍ਪਰਿਯਾਯਤੋ ਉਪ੍ਪਜ੍ਜਿਤੁਂ ਅਪ੍ਪਦਾਨੇਨੇવ ਤੇਸਂ ਉਪਕ੍ਕਿਲੇਸਤਾਤਿ ਦਸ੍ਸੇਨ੍ਤੋ ‘‘ਯਦਗ੍ਗੇਨ ਹੀ’’ਤਿਆਦਿਮਾਹ। ਆਰਮ੍ਮਣੇ વਿਕ੍ਖਿਤ੍ਤਪ੍ਪવਤ੍ਤਿવਸੇਨ ਚੁਣ੍ਣવਿਚੁਣ੍ਣਤਾ વੇਦਿਤਬ੍ਬਾ। ਚਤੁਤ੍ਥੇ ਨਤ੍ਥਿ વਤ੍ਤਬ੍ਬਂ।
23-24. Tatiye na ca pabhāvantanti na ca pabhāsampannaṃ. Pabhijjanasabhāvanti tāpetvā tāḷakajjanapabhaṅguraṃ. Avasesaṃ lohanti vuttāvasesaṃ sajātilohaṃ, vijātilohaṃ, pisācalohaṃ, kittimalohanti evaṃpabhedaṃ sabbampi lohaṃ. Uppajjituṃ appadānenāti ettha nanu lokiyakusalacittassapi suvisuddhassapi uppajjituṃ appadāneneva upakkilesatāti? Saccametaṃ, yasmiṃ pana santāne nīvaraṇāni laddhappatiṭṭhāni, tattha mahaggatakusalassapi asambhavo, pageva lokuttarakusalassa. Parittakusalaṃ pana yathāpaccayaṃ uppajjamānaṃ nīvaraṇehi upahate santāne uppattiyā aparisuddhaṃ hontaṃ upakkiliṭṭhaṃ nāma hoti aparisuddhadīpakapallikavaṭṭitelādisannissayo padīpo viya. Apica nippariyāyato uppajjituṃ appadāneneva tesaṃ upakkilesatāti dassento ‘‘yadaggena hī’’tiādimāha. Ārammaṇe vikkhittappavattivasena cuṇṇavicuṇṇatā veditabbā. Catutthe natthi vattabbaṃ.
ਉਪਕ੍ਕਿਲੇਸਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Upakkilesasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੩. ਉਪਕ੍ਕਿਲੇਸਸੁਤ੍ਤਂ • 3. Upakkilesasuttaṃ
੪. ਦੁਸ੍ਸੀਲਸੁਤ੍ਤਂ • 4. Dussīlasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੩. ਉਪਕ੍ਕਿਲੇਸਸੁਤ੍ਤવਣ੍ਣਨਾ • 3. Upakkilesasuttavaṇṇanā
੪. ਦੁਸ੍ਸੀਲਸੁਤ੍ਤવਣ੍ਣਨਾ • 4. Dussīlasuttavaṇṇanā
