| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਨੀવਰਣવਗ੍ਗੋ
4. Nīvaraṇavaggo
੩-੪. ਉਪਕ੍ਕਿਲੇਸਸੁਤ੍ਤਾਦਿવਣ੍ਣਨਾ
3-4. Upakkilesasuttādivaṇṇanā
੨੧੪-੨੧੫. ਨ ਚ ਪਭਾવਨ੍ਤਨ੍ਤਿ ਨ ਚ ਪਭਾਸਮ੍ਪਨ੍ਨਂ। ਪਭਿਜ੍ਜਨਸਭਾવਨ੍ਤਿ ਤਾਪੇਤ੍વਾ ਤਾਲਨੇ ਪਭਙ੍ਗੁਤਂ। ਅવਸੇਸਂ ਲੋਹਨ੍ਤਿ વੁਤ੍ਤਾવਸੇਸਂ ਜਾਤਿਲੋਹਂ, વਿਜਾਤਿਲੋਹਂ, ਕਿਤ੍ਤਿਮਲੋਹਨ੍ਤਿ ਪਭੇਦਂ ਸਬ੍ਬਮ੍ਪਿ ਲੋਹਂ। ਉਪ੍ਪਜ੍ਜਿਤੁਂ ਅਪ੍ਪਦਾਨੇਨਾਤਿ ਏਤ੍ਥ ਨਨੁ ਲੋਕਿਯਕੁਸਲਚਿਤ੍ਤਸ੍ਸਪਿ ਸੁવਿਸੁਦ੍ਧਸ੍ਸ ਉਪ੍ਪਜ੍ਜਿਤੁਂ ਅਪ੍ਪਦਾਨੇਨ ਉਪਕ੍ਕਿਲੇਸਤਾਤਿ? ਸਚ੍ਚਮੇਤਂ, ਯਸ੍ਮਿਂ ਪਨ ਸਨ੍ਤਾਨੇ ਨੀવਰਣਾਨਿ ਲਦ੍ਧਪਤਿਟ੍ਠਾਨਿ, ਤਤ੍ਥ ਮਹਗ੍ਗਤਕੁਸਲਸ੍ਸਪਿ ਅਸਮ੍ਭવੋ, ਪਗੇવ ਲੋਕੁਤ੍ਤਰਕੁਸਲਸ੍ਸ, ਪਰਿਤ੍ਤਕੁਸਲਂ ਪਨ ਯਥਾਪਚ੍ਚਯਂ ਉਪ੍ਪਜ੍ਜਤਿ। ਨੀવਰਣੇ ਹਿ વੂਪਸਨ੍ਤੇ ਸਨ੍ਤਾਨੇ ਉਪ੍ਪਤ੍ਤਿਯਾ ਅਪਰਿਸੁਦ੍ਧਂ ਹੋਤਿ, ਉਪਕ੍ਕਿਲਿਟ੍ਠਂ ਨਾਮ ਹੋਤਿ, ਅਪਰਿਸੁਦ੍ਧਦੀਪਕਪਲ੍ਲਿਕવਟ੍ਠਿਤੇਲਾਦਿਸਨ੍ਨਿਸ੍ਸਯੋ ਦੀਪੋ વਿਯ, ਅਪਿਚ ਨਿਪ੍ਪਰਿਯਾਯਤੋ ਉਪ੍ਪਜ੍ਜਿਤੁਂ ਅਪ੍ਪਦਾਨੇਨੇવ ਤੇਸਂ ਉਪਕ੍ਕਿਲੇਸਤਾਤਿ ਦਸ੍ਸੇਨ੍ਤੋ ‘‘ਯਦਗ੍ਗੇਨ ਹੀ’’ਤਿਆਦਿਮਾਹ। ਆਰਮ੍ਮਣੇ વਿਕ੍ਖਿਤ੍ਤਪ੍ਪਤ੍ਤਿવਸੇਨ ਚੁਣ੍ਣવਿਚੁਣ੍ਣਤਾ વੇਦਿਤਬ੍ਬਾ। ਨ ਆવਰਨ੍ਤੀਤਿ ਕੁਸਲਧਮ੍ਮੇ ਉਪ੍ਪਜ੍ਜਿਤੁਂ ਅਪ੍ਪਦਾਨવਸੇਨ ਨ ਆવਰਨ੍ਤਿ, ਅਥ ਖੋ ਤੇਸਂ ਉਪ੍ਪਤ੍ਤਿਯਾ ਹੋਨ੍ਤਿ। ਨ ਪਟਿਚ੍ਛਾਦੇਨ੍ਤੀਤਿ ਨ વਿਨਨ੍ਧਨ੍ਤਿ। ਚਤੁਭੂਮਕਚਿਤ੍ਤਸ੍ਸਾਤਿ ਚਤੁਤ੍ਥਭੂਮਕਕੁਸਲਚਿਤ੍ਤਸ੍ਸ ਅਨੁਪਕ੍ਕਿਲੇਸਾ, ਤੇਹਿ ਅਕਿਲਿਸ੍ਸਨਤੋ।
214-215.Na ca pabhāvantanti na ca pabhāsampannaṃ. Pabhijjanasabhāvanti tāpetvā tālane pabhaṅgutaṃ. Avasesaṃ lohanti vuttāvasesaṃ jātilohaṃ, vijātilohaṃ, kittimalohanti pabhedaṃ sabbampi lohaṃ. Uppajjituṃ appadānenāti ettha nanu lokiyakusalacittassapi suvisuddhassa uppajjituṃ appadānena upakkilesatāti? Saccametaṃ, yasmiṃ pana santāne nīvaraṇāni laddhapatiṭṭhāni, tattha mahaggatakusalassapi asambhavo, pageva lokuttarakusalassa, parittakusalaṃ pana yathāpaccayaṃ uppajjati. Nīvaraṇe hi vūpasante santāne uppattiyā aparisuddhaṃ hoti, upakkiliṭṭhaṃ nāma hoti, aparisuddhadīpakapallikavaṭṭhitelādisannissayo dīpo viya, apica nippariyāyato uppajjituṃ appadāneneva tesaṃ upakkilesatāti dassento ‘‘yadaggena hī’’tiādimāha. Ārammaṇe vikkhittappattivasena cuṇṇavicuṇṇatā veditabbā. Na āvarantīti kusaladhamme uppajjituṃ appadānavasena na āvaranti, atha kho tesaṃ uppattiyā honti. Na paṭicchādentīti na vinandhanti. Catubhūmakacittassāti catutthabhūmakakusalacittassa anupakkilesā, tehi akilissanato.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਉਪਕ੍ਕਿਲੇਸਸੁਤ੍ਤਂ • 3. Upakkilesasuttaṃ
੪. ਅਨੁਪਕ੍ਕਿਲੇਸਸੁਤ੍ਤਂ • 4. Anupakkilesasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੪. ਉਪਕ੍ਕਿਲੇਸਸੁਤ੍ਤਾਦਿવਣ੍ਣਨਾ • 3-4. Upakkilesasuttādivaṇṇanā
