| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
১০. উপক্কিলেসসুত্তৰণ্ণনা
10. Upakkilesasuttavaṇṇanā
৫০. দসমে উপক্কিলেসাতি ৰিরোচিতুং অদত্ৰা উপক্কিলিট্ঠভাৰকরণেন উপক্কিলেসা। মহিকাতি হিমং। ধূমো রজোতি ধূমো চ রজো চ। রাহূতি পুরিমা তযো অসম্পত্তউপক্কিলেসা, রাহু পন সম্পত্তউপক্কিলেসৰসেন কথিতোতি ৰেদিতব্বো। সমণব্রাহ্মণা ন তপন্তি ন ভাসন্তি ন ৰিরোচন্তীতি গুণপ্পতাপেন ন তপন্তি, গুণোভাসেন ন ভাসন্তি, গুণৰিরোচনেন ন ৰিরোচন্তি। সুরামেরযপানা অপ্পটিৰিরতাতি পঞ্চৰিধায সুরায চতুব্বিধস্স মেরযস্স চ পানতো অৰিরতা।
50. Dasame upakkilesāti virocituṃ adatvā upakkiliṭṭhabhāvakaraṇena upakkilesā. Mahikāti himaṃ. Dhūmo rajoti dhūmo ca rajo ca. Rāhūti purimā tayo asampattaupakkilesā, rāhu pana sampattaupakkilesavasena kathitoti veditabbo. Samaṇabrāhmaṇā na tapanti na bhāsanti na virocantīti guṇappatāpena na tapanti, guṇobhāsena na bhāsanti, guṇavirocanena na virocanti. Surāmerayapānā appaṭiviratāti pañcavidhāya surāya catubbidhassa merayassa ca pānato aviratā.
অৰিজ্জানিৰুতাতি অৰিজ্জায নিৰারিতা পিহিতা। পিযরূপাভিনন্দিনোতি পিযরূপং সাতরূপং অভিনন্দমানা তুস্সমানা। সাদিযন্তীতি গণ্হন্তি। অৰিদ্দসূতি অন্ধবালা। সনেত্তিকাতি তণ্হাযোত্তেনেৰ সযোত্তা। কটসিন্তি অত্তভাৰং। ঘোরন্তি কক্খল়ং। ইমস্মিং সুত্তেপি গাথাসুপি ৰট্টমেৰ কথিতন্তি।
Avijjānivutāti avijjāya nivāritā pihitā. Piyarūpābhinandinoti piyarūpaṃ sātarūpaṃ abhinandamānā tussamānā. Sādiyantīti gaṇhanti. Aviddasūti andhabālā. Sanettikāti taṇhāyotteneva sayottā. Kaṭasinti attabhāvaṃ. Ghoranti kakkhaḷaṃ. Imasmiṃ suttepi gāthāsupi vaṭṭameva kathitanti.
রোহিতস্সৰগ্গো পঞ্চমো।
Rohitassavaggo pañcamo.
পঠমপণ্ণাসকং নিট্ঠিতং।
Paṭhamapaṇṇāsakaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. উপক্কিলেসসুত্তং • 10. Upakkilesasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১০. উপক্কিলেসসুত্তৰণ্ণনা • 10. Upakkilesasuttavaṇṇanā
