| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১০. উপক্কিলেসসুত্তৰণ্ণনা
10. Upakkilesasuttavaṇṇanā
৫০. দসমে উপক্কিলিট্ঠভাৰকরণেনাতি মলীনভাৰকরণেন। পঞ্চৰিধায সুরায চতুব্বিধস্স চ মেরযস্সাতি এত্থ পূৰসুরা, পিট্ঠসুরা, ওদনসুরা, কিণ্ণপক্খিত্তা, সম্ভারসংযুত্তাতি পঞ্চ সুরা। পুপ্ফাসৰো, ফলাসৰো, মধ্ৰাসৰো, গুল়াসৰোতি চত্তারো আসৰা, চতুব্বিধং মেরযং নাম। তত্থ পূৰে ভাজনে পক্খিপিত্ৰা তজ্জং উদকং দত্ৰা মদ্দিত্ৰা কতা পূৰসুরা। এৰং সেসসুরাপি। কিণ্ণাতি পন তস্সা সুরায বীজং ৰুচ্চতি। যে সুরা ‘‘মোদকা’’তিপি ৰুচ্চন্তি, তে পক্খিপিত্ৰা কতা কিণ্ণপক্খিত্তা। ধাতকিআসৰাদিনানাসম্ভারেহি সংযোজিতা সম্ভারসংযুত্তা।মধুকতালনাল়িকেরাদিপুপ্ফরসো চিরপরিৰাসিতো পুপ্ফাসৰো। পনসাদিফলরসো ফলাসৰো। মুদ্দিকারসো মধ্ৰাসৰো। উচ্ছুরসো গুল়াসৰো।
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
উপক্কিলেসসুত্তৰণ্ণনা নিট্ঠিতা।
Upakkilesasuttavaṇṇanā niṭṭhitā.
রোহিতস্সৰগ্গৰণ্ণনা নিট্ঠিতা।
Rohitassavaggavaṇṇanā niṭṭhitā.
পঠমপণ্ণাসকং নিট্ঠিতং।
Paṭhamapaṇṇāsakaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. উপক্কিলেসসুত্তং • 10. Upakkilesasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. উপক্কিলেসসুত্তৰণ্ণনা • 10. Upakkilesasuttavaṇṇanā
