| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. убаггилзсасуд̇д̇аван̣н̣анаа
10. Upakkilesasuttavaṇṇanā
50. д̣̇асамз убаггилзсаад̇и вирожид̇ум̣ ад̣̇ад̇ваа убаггилидтабхаавагаран̣зна убаггилзсаа. махигаад̇и химам̣. д̇хуумо раж̇од̇и д̇хуумо жа раж̇о жа. раахууд̇и буримаа д̇аяо асамбад̇д̇аубаггилзсаа, рааху бана самбад̇д̇аубаггилзсавасзна гат̇ид̇од̇и взд̣̇ид̇аб̣б̣о. саман̣аб̣раахман̣аа на д̇абанд̇и на бхаасанд̇и на вирожанд̇ийд̇и г̇ун̣аббад̇аабзна на д̇абанд̇и, г̇ун̣обхаасзна на бхаасанд̇и, г̇ун̣авирожанзна на вирожанд̇и. сураамзраяабаанаа аббадивирад̇аад̇и бан̃жавид̇хааяа сурааяа жад̇уб̣б̣ид̇хасса мзраяасса жа баанад̇о авирад̇аа.
50. Dasame upakkilesāti virocituṃ adatvā upakkiliṭṭhabhāvakaraṇena upakkilesā. Mahikāti himaṃ. Dhūmo rajoti dhūmo ca rajo ca. Rāhūti purimā tayo asampattaupakkilesā, rāhu pana sampattaupakkilesavasena kathitoti veditabbo. Samaṇabrāhmaṇā na tapanti na bhāsanti na virocantīti guṇappatāpena na tapanti, guṇobhāsena na bhāsanti, guṇavirocanena na virocanti. Surāmerayapānā appaṭiviratāti pañcavidhāya surāya catubbidhassa merayassa ca pānato aviratā.
авиж̇ж̇аанивуд̇аад̇и авиж̇ж̇ааяа ниваарид̇аа бихид̇аа. бияаруубаабхинанд̣̇инод̇и бияаруубам̣ саад̇аруубам̣ абхинанд̣̇амаанаа д̇уссамаанаа. саад̣̇ияанд̇ийд̇и г̇ан̣ханд̇и. авид̣̇д̣̇асууд̇и анд̇хаб̣аалаа. санзд̇д̇игаад̇и д̇ан̣хааяод̇д̇знзва саяод̇д̇аа. гадасинд̇и ад̇д̇абхаавам̣. гхоранд̇и гагкал̣ам̣. имасмим̣ суд̇д̇зби г̇аат̇аасуби ваддамзва гат̇ид̇анд̇и.
Avijjānivutāti avijjāya nivāritā pihitā. Piyarūpābhinandinoti piyarūpaṃ sātarūpaṃ abhinandamānā tussamānā. Sādiyantīti gaṇhanti. Aviddasūti andhabālā. Sanettikāti taṇhāyotteneva sayottā. Kaṭasinti attabhāvaṃ. Ghoranti kakkhaḷaṃ. Imasmiṃ suttepi gāthāsupi vaṭṭameva kathitanti.
рохид̇ассаваг̇г̇о бан̃жамо.
Rohitassavaggo pañcamo.
батамабан̣н̣аасагам̣ нидтид̇ам̣.
Paṭhamapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. убаггилзсасуд̇д̇ам̣ • 10. Upakkilesasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. убаггилзсасуд̇д̇аван̣н̣анаа • 10. Upakkilesasuttavaṇṇanā
