| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. убаггилзсасуд̇д̇аван̣н̣анаа
8. Upakkilesasuttavaṇṇanā
236. звам̣ мз суд̇анд̇и убаггилзсасуд̇д̇ам̣. д̇ад̇т̇а зд̇ад̣̇авожаад̇и нзва бхзд̣̇аад̇хиббааязна на бияагамяад̇ааяа, ат̇а кваасса зд̇ад̣̇ахоси – ‘‘имз бхигкуу мама важанам̣ г̇ахзд̇ваа на орамиссанд̇и, б̣уд̣̇д̇хаа жа наама хид̇аанугамбагаа, ад̣̇д̇хаа нзсам̣ бхаг̇аваа згам̣ гааран̣ам̣ гат̇зссад̇и, д̇ам̣ суд̇ваа зд̇з орамиссанд̇и, д̇ад̇о д̇зсам̣ паасувихааро бхависсад̇ий’’д̇и. д̇асмаа зд̇ам̣ ‘‘ид̇ха, бханд̇з’’д̇иаад̣̇иважанамавожа. маа бхан̣д̣ананд̇иаад̣̇ийсу ‘‘агад̇т̇аа’’д̇и баатасзсам̣ г̇ахзд̇ваа ‘‘маа бхан̣д̣анам̣ агад̇т̇аа’’д̇и звам̣ ад̇т̇о д̣̇адтаб̣б̣о. ан̃н̃ад̇арод̇и со гира бхигку бхаг̇авад̇о ад̇т̇агаамо, аяам̣ гирасса ад̇хиббааяо – ‘‘имз бхигкуу год̇хаабхибхууд̇аа сад̇т̇у важанам̣ на г̇ан̣ханд̇и, маа бхаг̇аваа зд̇з овад̣̇анд̇о гиламий’’д̇и, д̇асмаа звамааха.
236.Evaṃme sutanti upakkilesasuttaṃ. Tattha etadavocāti neva bhedādhippāyena na piyakamyatāya, atha khvāssa etadahosi – ‘‘ime bhikkhū mama vacanaṃ gahetvā na oramissanti, buddhā ca nāma hitānukampakā, addhā nesaṃ bhagavā ekaṃ kāraṇaṃ kathessati, taṃ sutvā ete oramissanti, tato tesaṃ phāsuvihāro bhavissatī’’ti. Tasmā etaṃ ‘‘idha, bhante’’tiādivacanamavoca. Mā bhaṇḍanantiādīsu ‘‘akatthā’’ti pāṭhasesaṃ gahetvā ‘‘mā bhaṇḍanaṃ akatthā’’ti evaṃ attho daṭṭhabbo. Aññataroti so kira bhikkhu bhagavato atthakāmo, ayaṃ kirassa adhippāyo – ‘‘ime bhikkhū kodhābhibhūtā satthu vacanaṃ na gaṇhanti, mā bhagavā ete ovadanto kilamī’’ti, tasmā evamāha.
бин̣д̣ааяа баависийд̇и на гзвалам̣ баависи, язнаби ж̇анзна на д̣̇идто, со мам̣ бассад̇ууд̇иби ад̇хидтааси. гимад̇т̇ам̣ ад̇хидтаасийд̇и? д̇зсам̣ бхигкуунам̣ д̣̇аманад̇т̇ам̣. бхаг̇аваа хи д̇ад̣̇аа бин̣д̣абаад̇аббадигганд̇о ‘‘бут̇усад̣̇д̣̇о самаж̇ано’’д̇иаад̣̇иг̇аат̇аа бхаасид̇ваа госамб̣ид̇о б̣аалагалон̣агаараг̇аамам̣ г̇ад̇о. д̇ад̇о баажийнавам̣сад̣̇ааяам̣, д̇ад̇о баалилзяяагаванасан̣д̣ам̣ г̇анд̇ваа баалилзяяахад̇т̇инааг̇зна убадтахияамаано д̇змаасам̣ васи. наг̇араваасиноби – ‘‘сад̇т̇аа вихаарам̣ г̇ад̇о, г̇ажчаама д̇хаммассаванааяаа’’д̇и г̇анд̇хабубпахад̇т̇аа вихаарам̣ г̇анд̇ваа ‘‘гахам̣, бханд̇з, сад̇т̇аа’’д̇и бужчим̣су. ‘‘гахам̣ д̇умхз сад̇т̇аарам̣ д̣̇агкат̇а, сад̇т̇аа ‘имз бхигкуу самаг̇г̇з гариссаамий’д̇и ааг̇ад̇о, самаг̇г̇з гаад̇ум̣ асаггонд̇о нигкамид̇ваа г̇ад̇о’’д̇и. ‘‘маяам̣ сад̇амби сахассамби д̣̇ад̇ваа сад̇т̇аарам̣ аанзд̇ум̣ на саггома, со но аяаажид̇о саяамзва ааг̇ад̇о, маяам̣ имз бхигкуу ниссааяа сад̇т̇у саммукаа д̇хаммагат̇ам̣ сод̇ум̣ на лабхимхаа. имз сад̇т̇аарам̣ уд̣̇д̣̇исса баб̣б̣аж̇ид̇аа, д̇асмимби саамаг̇г̇им̣ гаронд̇з самаг̇г̇аа на ж̇аад̇аа, гассаан̃н̃асса важанам̣ гариссанд̇и. алам̣ на имзсам̣ бхигкаа д̣̇аад̇аб̣б̣аа’’д̇и сагаланаг̇арз д̣̇ан̣д̣ам̣ табаяим̣су. д̇з бунад̣̇ивасз сагаланаг̇арам̣ бин̣д̣ааяа жарид̇ваа гадажчумад̇д̇амби бхигкам̣ алабхид̇ваа вихаарам̣ ааг̇амам̣су. убаасагааби д̇з буна аахам̣су – ‘‘яаава сад̇т̇аарам̣ на камаабзт̇а, д̇аава во д̇амзва д̣̇ан̣д̣агамма’’нд̇и. д̇з ‘‘сад̇т̇аарам̣ камаабзссаамаа’’д̇и бхаг̇авад̇и саавад̇т̇ияам̣ ануббад̇д̇з д̇ад̇т̇а аг̇амам̣су. сад̇т̇аа д̇зсам̣ адтаараса бхзд̣̇агаравад̇т̇ууни д̣̇зсзсийд̇и аяамзд̇т̇а баал̣имуд̇д̇агагат̇аа.
Piṇḍāya pāvisīti na kevalaṃ pāvisi, yenapi janena na diṭṭho, so maṃ passatūtipi adhiṭṭhāsi. Kimatthaṃ adhiṭṭhāsīti? Tesaṃ bhikkhūnaṃ damanatthaṃ. Bhagavā hi tadā piṇḍapātappaṭikkanto ‘‘puthusaddo samajano’’tiādigāthā bhāsitvā kosambito bālakaloṇakāragāmaṃ gato. Tato pācīnavaṃsadāyaṃ, tato pālileyyakavanasaṇḍaṃ gantvā pālileyyahatthināgena upaṭṭhahiyamāno temāsaṃ vasi. Nagaravāsinopi – ‘‘satthā vihāraṃ gato, gacchāma dhammassavanāyā’’ti gandhapupphahatthā vihāraṃ gantvā ‘‘kahaṃ, bhante, satthā’’ti pucchiṃsu. ‘‘Kahaṃ tumhe satthāraṃ dakkhatha, satthā ‘ime bhikkhū samagge karissāmī’ti āgato, samagge kātuṃ asakkonto nikkhamitvā gato’’ti. ‘‘Mayaṃ satampi sahassampi datvā satthāraṃ ānetuṃ na sakkoma, so no ayācito sayameva āgato, mayaṃ ime bhikkhū nissāya satthu sammukhā dhammakathaṃ sotuṃ na labhimhā. Ime satthāraṃ uddissa pabbajitā, tasmimpi sāmaggiṃ karonte samaggā na jātā, kassāññassa vacanaṃ karissanti. Alaṃ na imesaṃ bhikkhā dātabbā’’ti sakalanagare daṇḍaṃ ṭhapayiṃsu. Te punadivase sakalanagaraṃ piṇḍāya caritvā kaṭacchumattampi bhikkhaṃ alabhitvā vihāraṃ āgamaṃsu. Upāsakāpi te puna āhaṃsu – ‘‘yāva satthāraṃ na khamāpetha, tāva vo tameva daṇḍakamma’’nti. Te ‘‘satthāraṃ khamāpessāmā’’ti bhagavati sāvatthiyaṃ anuppatte tattha agamaṃsu. Satthā tesaṃ aṭṭhārasa bhedakaravatthūni desesīti ayamettha pāḷimuttakakathā.
237. ид̣̇аани бут̇усад̣̇д̣̇од̇иаад̣̇иг̇аат̇аасу бут̇у махаасад̣̇д̣̇о ассаад̇и бут̇усад̣̇д̣̇о. самаж̇анод̇и самаано згасад̣̇исо ж̇ано, саб̣б̣овааяам̣ бхан̣д̣анагаарагаж̇ано саманд̇ад̇о сад̣̇д̣̇анижчаран̣зна бут̇усад̣̇д̣̇о жзва сад̣̇исо жаад̇и вуд̇д̇ам̣ ход̇и. на б̣аало гожи ман̃н̃ат̇аад̇и д̇ад̇ра гожи згоби ахам̣ б̣аалод̇и на ман̃н̃ад̇и, саб̣б̣зби бан̣д̣ид̇амааниноязва. наан̃н̃ам̣ бхияяо аман̃н̃арунд̇и гожи згоби ахам̣ б̣аалод̇и на жа ман̃н̃и, бхияяо жа сан̇гхасмим̣ бхиж̇ж̇амаанз ан̃н̃амби згам̣ ‘‘маяхам̣ гааран̣аа сан̇гхо бхиж̇ж̇ад̇ий’’д̇и ид̣̇ам̣ гааран̣ам̣ на ман̃н̃ийд̇и ад̇т̇о.
237. Idāni puthusaddotiādigāthāsu puthu mahāsaddo assāti puthusaddo. Samajanoti samāno ekasadiso jano, sabbovāyaṃ bhaṇḍanakārakajano samantato saddaniccharaṇena puthusaddo ceva sadiso cāti vuttaṃ hoti. Na bālo koci maññathāti tatra koci ekopi ahaṃ bāloti na maññati, sabbepi paṇḍitamāninoyeva. Nāññaṃ bhiyyo amaññarunti koci ekopi ahaṃ bāloti na ca maññi, bhiyyo ca saṅghasmiṃ bhijjamāne aññampi ekaṃ ‘‘mayhaṃ kāraṇā saṅgho bhijjatī’’ti idaṃ kāraṇaṃ na maññīti attho.
баримудтаад̇и мудтассад̇ино. ваажааг̇ожарабхаан̣инод̇и раагаарасса рассаад̣̇зсо гад̇о; ваажааг̇ожараава , на сад̇ибадтаанаг̇ожараа, бхаан̣ино жа, гат̇ам̣ бхаан̣ино? яаавижчанд̇и мукааяаамам̣, яаава мукам̣ басаарзд̇ум̣ ижчанд̇и, д̇аава басаарзд̇ваа бхаан̣ино, згоби сан̇гхаг̇ааравзна мукасан̇гожанам̣ на гарод̇ийд̇и ад̇т̇о. язна нийд̇аад̇и язна галахзна имам̣ ниллаж̇ж̇абхаавам̣ нийд̇аа. на д̇ам̣ вид̣̇уу на д̇ам̣ ж̇аананд̇и ‘‘звам̣ саад̣̇ийнаво аяа’’нд̇и.
Parimuṭṭhāti muṭṭhassatino. Vācāgocarabhāṇinoti rākārassa rassādeso kato; vācāgocarāva , na satipaṭṭhānagocarā, bhāṇino ca, kathaṃ bhāṇino? Yāvicchanti mukhāyāmaṃ, yāva mukhaṃ pasāretuṃ icchanti, tāva pasāretvā bhāṇino, ekopi saṅghagāravena mukhasaṅkocanaṃ na karotīti attho. Yena nītāti yena kalahena imaṃ nillajjabhāvaṃ nītā. Na taṃ vidū na taṃ jānanti ‘‘evaṃ sādīnavo aya’’nti.
яз жа д̇ам̣ убанаяханд̇ийд̇и д̇ам̣ аггожчи манд̇иаад̣̇игам̣ аагаарам̣ яз убанаяханд̇и. сананд̇анод̇и бораан̣о.
Ye ca taṃ upanayhantīti taṃ akkocchi mantiādikaṃ ākāraṃ ye upanayhanti. Sanantanoti porāṇo.
барзд̇и бан̣д̣ид̇з табзд̇ваа д̇ад̇о ан̃н̃з бхан̣д̣анагаарагаа барз наама. д̇з зд̇т̇а сан̇гхамаж̇жхз галахам̣ гаронд̇аа ‘‘маяам̣ яамаамасз убаяамаама нассаама сад̇ад̇ам̣ самид̇ам̣ мажжусанд̇игам̣ г̇ажчаамаа’’д̇и на ж̇аананд̇и. яз жа д̇ад̇т̇а виж̇аананд̇ийд̇и яз жа д̇ад̇т̇а бан̣д̣ид̇аа ‘‘маяам̣ мажжуно самийбам̣ г̇ажчаамаа’’д̇и виж̇аананд̇и. д̇ад̇о самманд̇и мзд̇хаг̇аад̇и зван̃хи д̇з ж̇аананд̇аа яонисоманасигаарам̣ уббаад̣̇зд̇ваа мзд̇хаг̇аанам̣ галахаанам̣ вуубасамааяа бадибаж̇ж̇анд̇и.
Pareti paṇḍite ṭhapetvā tato aññe bhaṇḍanakārakā pare nāma. Te ettha saṅghamajjhe kalahaṃ karontā ‘‘mayaṃ yamāmase upayamāma nassāma satataṃ samitaṃ maccusantikaṃ gacchāmā’’ti na jānanti. Ye ca tattha vijānantīti ye ca tattha paṇḍitā ‘‘mayaṃ maccuno samīpaṃ gacchāmā’’ti vijānanti. Tato sammanti medhagāti evañhi te jānantā yonisomanasikāraṃ uppādetvā medhagānaṃ kalahānaṃ vūpasamāya paṭipajjanti.
адтижчиннаад̇и аяам̣ г̇аат̇аа ж̇аад̇агз (ж̇аа. 1.9.16) ааг̇ад̇аа, б̣рахмад̣̇ад̇д̇ан̃жа д̣̇ийгхаавугумааран̃жа санд̇хааяа вуд̇д̇аа. аяан̃хзд̇т̇а ад̇т̇о – д̇зсамби д̇ат̇аа бавад̇д̇авзраанам̣ ход̇и сан̇г̇ад̇и, гасмаа д̇умхаагам̣ на ход̇и, язсам̣ во нзва маад̇аабид̇уунам̣ адтийни чиннаани, на баан̣аа хадаа на г̇аваассад̇ханаани хадаанийд̇и.
Aṭṭhicchinnāti ayaṃ gāthā jātake (jā. 1.9.16) āgatā, brahmadattañca dīghāvukumārañca sandhāya vuttā. Ayañhettha attho – tesampi tathā pavattaverānaṃ hoti saṅgati, kasmā tumhākaṃ na hoti, yesaṃ vo neva mātāpitūnaṃ aṭṭhīni chinnāni, na pāṇā haṭā na gavāssadhanāni haṭānīti.
сажз лабхзт̇аад̇иаад̣̇иг̇аат̇аа бан̣д̣ид̇асахааяасса жа б̣ааласахааяасса жа ван̣н̣ааван̣н̣ад̣̇ийбанад̇т̇ам̣ вуд̇д̇аа. абхибхуяяа саб̣б̣аани бариссаяаанийд̇и баагадабариссаяз жа бадижчаннабариссаяз жа абхибхавид̇ваа д̇зна сад̣̇д̇хим̣ ад̇д̇амано сад̇имаа жарзяяаад̇и.
Sacelabhethātiādigāthā paṇḍitasahāyassa ca bālasahāyassa ca vaṇṇāvaṇṇadīpanatthaṃ vuttā. Abhibhuyya sabbāni parissayānīti pākaṭaparissaye ca paṭicchannaparissaye ca abhibhavitvā tena saddhiṃ attamano satimā careyyāti.
рааж̇аава радтам̣ виж̇ид̇анд̇и яат̇аа ад̇д̇ано виж̇ид̇арадтам̣ махааж̇анагарааж̇аа жа аринд̣̇амамахаарааж̇аа жа бахааяа згагаа вижарим̣су, звам̣ вижарзяяаад̇и ад̇т̇о. маад̇ан̇г̇аран̃н̃зва нааг̇од̇и маад̇ан̇г̇о аран̃н̃з нааг̇ова. маад̇ан̇г̇од̇и хад̇т̇и вужжад̇и. нааг̇од̇и маханд̇аад̇хиважанамзд̇ам̣. яат̇аа хи маад̇убосаго маад̇ан̇г̇анааг̇о аран̃н̃з зго жари, на жа баабаани агааси, яат̇аа жа баалилзяяаго, звам̣ зго жарз, на жа баабаани гаяираад̇и вуд̇д̇ам̣ ход̇и.
Rājāva raṭṭhaṃ vijitanti yathā attano vijitaraṭṭhaṃ mahājanakarājā ca arindamamahārājā ca pahāya ekakā vicariṃsu, evaṃ vicareyyāti attho. Mātaṅgaraññeva nāgoti mātaṅgo araññe nāgova. Mātaṅgoti hatthi vuccati. Nāgoti mahantādhivacanametaṃ. Yathā hi mātuposako mātaṅganāgo araññe eko cari, na ca pāpāni akāsi, yathā ca pālileyyako, evaṃ eko care, na ca pāpāni kayirāti vuttaṃ hoti.
238. б̣аалагалон̣агаараг̇аамод̇и убаалиг̇ахабад̇исса бхог̇аг̇аамо. д̇знубасан̇гамийд̇и гасмаа убасан̇гами? г̇ан̣з гирасса аад̣̇ийнавам̣ д̣̇исваа згавихаарим̣ бхигкум̣ бассид̇угаамад̇аа уд̣̇абаад̣̇и, д̇асмаа сийд̇аад̣̇ийхи бийл̣ид̇о ун̣хаад̣̇ийни бад̇т̇аяамаано вияа убасан̇гами. д̇хаммияаа гат̇ааяаад̇и згийбхаавз аанисам̣саббадисам̣яуд̇д̇ааяа. язна баажийнавам̣сад̣̇ааяо, д̇ад̇т̇а гасмаа убасан̇гами? галахагаарагз гирасса д̣̇идтаад̣̇ийнавад̇д̇аа самаг̇г̇аваасино бхигкуу бассид̇угаамад̇аа уд̣̇абаад̣̇и, д̇асмаа сийд̇аад̣̇ийхи бийл̣ид̇о ун̣хаад̣̇ийни бад̇т̇аяамаано вияа д̇ад̇т̇а убасан̇гами. ааяасмаа жа ануруд̣̇д̇ход̇иаад̣̇и вуд̇д̇анаяамзва.
238.Bālakaloṇakāragāmoti upāligahapatissa bhogagāmo. Tenupasaṅkamīti kasmā upasaṅkami? Gaṇe kirassa ādīnavaṃ disvā ekavihāriṃ bhikkhuṃ passitukāmatā udapādi, tasmā sītādīhi pīḷito uṇhādīni patthayamāno viya upasaṅkami. Dhammiyā kathāyāti ekībhāve ānisaṃsappaṭisaṃyuttāya. Yena pācīnavaṃsadāyo, tattha kasmā upasaṅkami? Kalahakārake kirassa diṭṭhādīnavattā samaggavāsino bhikkhū passitukāmatā udapādi, tasmā sītādīhi pīḷito uṇhādīni patthayamāno viya tattha upasaṅkami. Āyasmā ca anuruddhotiādi vuttanayameva.
241. ад̇т̇и бана вод̇и бажчимабужчааяа логуд̇д̇арад̇хаммам̣ бужчзяяа. со бана т̇зраанам̣ над̇т̇и, д̇асмаа д̇ам̣ бужчид̇ум̣ на яуд̇д̇анд̇и баригаммобхаасам̣ бужчад̇и. обхаасан̃жзва сан̃ж̇аанаамаад̇и баригаммобхаасам̣ сан̃ж̇аанаама. д̣̇ассанан̃жа руубаананд̇и д̣̇иб̣б̣ажагкунаа руубад̣̇ассанан̃жа сан̃ж̇аанаама. д̇ан̃жа нимид̇д̇ам̣ наббадивиж̇жхаамаад̇и д̇ан̃жа гааран̣ам̣ на ж̇аанаама, язна но обхаасо жа руубад̣̇ассанан̃жа анд̇арад̇хааяад̇и.
241.Atthi pana voti pacchimapucchāya lokuttaradhammaṃ puccheyya. So pana therānaṃ natthi, tasmā taṃ pucchituṃ na yuttanti parikammobhāsaṃ pucchati. Obhāsañceva sañjānāmāti parikammobhāsaṃ sañjānāma. Dassanañca rūpānanti dibbacakkhunā rūpadassanañca sañjānāma. Tañca nimittaṃ nappaṭivijjhāmāti tañca kāraṇaṃ na jānāma, yena no obhāso ca rūpadassanañca antaradhāyati.
д̇ам̣ ко бана во ануруд̣̇д̇хаа нимид̇д̇ам̣ бадивиж̇жхид̇аб̣б̣анд̇и д̇ам̣ во гааран̣ам̣ ж̇аанид̇аб̣б̣ам̣. ахамби суд̣̇анд̇и ануруд̣̇д̇хаа д̇умхз гим̣ на аал̣улзссанд̇и, ахамби имзхи згаад̣̇асахи убаггилзсзхи аал̣улид̇абуб̣б̣од̇и д̣̇ассзд̇ум̣ имам̣ д̣̇зсанам̣ аарабхи. вижигижчаа ко мзд̇иаад̣̇ийсу махаасад̇д̇асса аалогам̣ вад̣дхзд̇ваа д̣̇иб̣б̣ажагкунаа наанаавид̇хаани руубаани д̣̇исваа ‘‘ид̣̇ам̣ ко ги’’нд̇и вижигижчаа уд̣̇абаад̣̇и. самаад̇хи жавийд̇и баригаммасамаад̇хи жави. обхаасод̇и баригаммобхаасоби анд̇арад̇хааяи, д̣̇иб̣б̣ажагкунааби руубам̣ на басси. аманасигаарод̇и руубаани бассад̇о вижигижчаа уббаж̇ж̇ад̇и, ид̣̇аани гин̃жи на манасигариссаамийд̇и аманасигааро уд̣̇абаад̣̇и.
Taṃ kho pana vo anuruddhā nimittaṃ paṭivijjhitabbanti taṃ vo kāraṇaṃ jānitabbaṃ. Ahampi sudanti anuruddhā tumhe kiṃ na āḷulessanti, ahampi imehi ekādasahi upakkilesehi āḷulitapubboti dassetuṃ imaṃ desanaṃ ārabhi. Vicikicchā kho metiādīsu mahāsattassa ālokaṃ vaḍḍhetvā dibbacakkhunā nānāvidhāni rūpāni disvā ‘‘idaṃ kho ki’’nti vicikicchā udapādi. Samādhi cavīti parikammasamādhi cavi. Obhāsoti parikammobhāsopi antaradhāyi, dibbacakkhunāpi rūpaṃ na passi. Amanasikāroti rūpāni passato vicikicchā uppajjati, idāni kiñci na manasikarissāmīti amanasikāro udapādi.
т̇инамид̣̇д̇ханд̇и гин̃жи аманасигаронд̇асса т̇инамид̣̇д̇хам̣ уд̣̇абаад̣̇и.
Thinamiddhanti kiñci amanasikarontassa thinamiddhaṃ udapādi.
чамбхид̇ад̇д̇анд̇и химаванд̇аабхимукам̣ аалогам̣ вад̣дхзд̇ваа д̣̇аанаварагкасааж̇аг̇араад̣̇аяо ад̣̇д̣̇аса, ат̇асса чамбхид̇ад̇д̇ам̣ уд̣̇абаад̣̇и.
Chambhitattanti himavantābhimukhaṃ ālokaṃ vaḍḍhetvā dānavarakkhasaajagarādayo addasa, athassa chambhitattaṃ udapādi.
уббиланд̇и ‘‘маяаа д̣̇идтабхаяам̣ багад̇ияаа ологияамаанам̣ над̇т̇и. ад̣̇идтз гим̣ наама бхаяа’’нд̇и жинд̇аяад̇о уббилаавид̇ад̇д̇ам̣ уд̣̇абаад̣̇и. сагид̣̇зваад̇и згабаяог̇знзва бан̃жа нид̇хигумбхияоби бассзяяа.
Uppilanti ‘‘mayā diṭṭhabhayaṃ pakatiyā olokiyamānaṃ natthi. Adiṭṭhe kiṃ nāma bhaya’’nti cintayato uppilāvitattaṃ udapādi. Sakidevāti ekapayogeneva pañca nidhikumbhiyopi passeyya.
д̣̇удтулланд̇и маяаа вийрияам̣ г̇аал̣хам̣ баг̇г̇ахид̇ам̣, д̇зна мз уббилам̣ уббаннанд̇и вийрияам̣ сит̇иламагааси, д̇ад̇о гааяад̣̇арат̇о гааяад̣̇удтуллам̣ гааяааласияам̣ уд̣̇абаад̣̇и.
Duṭṭhullanti mayā vīriyaṃ gāḷhaṃ paggahitaṃ, tena me uppilaṃ uppannanti vīriyaṃ sithilamakāsi, tato kāyadaratho kāyaduṭṭhullaṃ kāyālasiyaṃ udapādi.
ажжаарад̣̇д̇хавийрияанд̇и мама вийрияам̣ сит̇илам̣ гарод̇о д̣̇удтуллам̣ уббаннанд̇и буна вийрияам̣ баг̇г̇ан̣хад̇о ажжаарад̣̇д̇хавийрияам̣ уд̣̇абаад̣̇и. бад̇амзяяаад̇и марзяяа.
Accāraddhavīriyanti mama vīriyaṃ sithilaṃ karoto duṭṭhullaṃ uppannanti puna vīriyaṃ paggaṇhato accāraddhavīriyaṃ udapādi. Patameyyāti mareyya.
ад̇илийнавийрияанд̇и мама вийрияам̣ баг̇г̇ан̣хад̇о звам̣ ж̇аад̇анд̇и буна вийрияам̣ сит̇илам̣ гарод̇о ад̇илийнавийрияам̣ уд̣̇абаад̣̇и.
Atilīnavīriyanti mama vīriyaṃ paggaṇhato evaṃ jātanti puna vīriyaṃ sithilaṃ karoto atilīnavīriyaṃ udapādi.
абхиж̇аббаад̇и д̣̇звалогаабхимукам̣ аалогам̣ вад̣дхзд̇ваа д̣̇звасан̇гхам̣ бассад̇о д̇ан̣хаа уд̣̇абаад̣̇и.
Abhijappāti devalokābhimukhaṃ ālokaṃ vaḍḍhetvā devasaṅghaṃ passato taṇhā udapādi.
наанад̇д̇асан̃н̃аад̇и маяхам̣ згаж̇аад̇игам̣ руубам̣ манасигаронд̇асса абхиж̇аббаа уббаннаа, наанаавид̇харуубам̣ манаси гариссаамийд̇и гаалзна д̣̇звалогаабхимукам̣ гаалзна мануссалогаабхимукам̣ вад̣дхзд̇ваа наанаавид̇хаани руубаани манасигарод̇о наанад̇д̇асан̃н̃аа уд̣̇абаад̣̇и.
Nānattasaññāti mayhaṃ ekajātikaṃ rūpaṃ manasikarontassa abhijappā uppannā, nānāvidharūpaṃ manasi karissāmīti kālena devalokābhimukhaṃ kālena manussalokābhimukhaṃ vaḍḍhetvā nānāvidhāni rūpāni manasikaroto nānattasaññā udapādi.
ад̇иниж̇жхааяид̇ад̇д̇анд̇и маяхам̣ наанаавид̇хаани руубаани манасигаронд̇асса наанад̇д̇асан̃н̃аа уд̣̇абаад̣̇и, идтам̣ ваа анидтам̣ ваа згаж̇аад̇игамзва манаси гариссаамийд̇и д̇ат̇аа манасигарод̇о ад̇иниж̇жхааяид̇ад̇д̇ам̣ руубаанам̣ уд̣̇абаад̣̇и.
Atinijjhāyitattanti mayhaṃ nānāvidhāni rūpāni manasikarontassa nānattasaññā udapādi, iṭṭhaṃ vā aniṭṭhaṃ vā ekajātikameva manasi karissāmīti tathā manasikaroto atinijjhāyitattaṃ rūpānaṃ udapādi.
243. обхаасанимид̇д̇ам̣ манаси гаромийд̇и баригаммобхаасамзва манаси гароми. на жа руубаани бассаамийд̇и д̣̇иб̣б̣ажагкунаа руубаани на бассаами. руубанимид̇д̇ам̣ манаси гаромийд̇и д̣̇иб̣б̣ажагкунаа висаяаруубамзва манаси гароми.
243.Obhāsanimittaṃmanasi karomīti parikammobhāsameva manasi karomi. Na ca rūpāni passāmīti dibbacakkhunā rūpāni na passāmi. Rūpanimittaṃ manasi karomīti dibbacakkhunā visayarūpameva manasi karomi.
барид̇д̇ан̃жзва обхаасанд̇и барид̇д̇агадтаанз обхаасам̣. барид̇д̇аани жа руубаанийд̇и барид̇д̇агадтаанз руубаани. вибарияааязна д̣̇уд̇ияавааро взд̣̇ид̇аб̣б̣о. барид̇д̇о самаад̇хийд̇и барид̇д̇аго баригаммобхаасо, обхаасабарид̇д̇ад̇ан̃хи санд̇хааяа ид̇ха баригаммасамаад̇хи ‘‘барид̇д̇о’’д̇и вуд̇д̇о. барид̇д̇ам̣ мз д̇асмим̣ самаязд̇и д̇асмим̣ самаяз д̣̇иб̣б̣ажагкуби барид̇д̇агам̣ ход̇и. аббамаан̣аваарзби зсзва наяо.
Parittañceva obhāsanti parittakaṭṭhāne obhāsaṃ. Parittāni ca rūpānīti parittakaṭṭhāne rūpāni. Vipariyāyena dutiyavāro veditabbo. Paritto samādhīti parittako parikammobhāso, obhāsaparittatañhi sandhāya idha parikammasamādhi ‘‘paritto’’ti vutto. Parittaṃ me tasmiṃ samayeti tasmiṃ samaye dibbacakkhupi parittakaṃ hoti. Appamāṇavārepi eseva nayo.
245. авид̇аггамби вижаарамад̇д̇анд̇и бан̃жаганаяз д̣̇уд̇ияаж̇жхаанасамаад̇хим̣. авид̇аггамби авижааранд̇и жад̇угганаязби бан̃жаганаязби жхаанад̇д̇аяасамаад̇хим̣. саббийд̇иганд̇и д̣̇угад̇игаж̇жхаанасамаад̇хим̣. ниббийд̇иганд̇и д̣̇угаж̇жхаанасамаад̇хим̣. саад̇асахаг̇ад̇анд̇и д̇игажад̇уггаж̇жхаанасамаад̇хим̣. убзгкаасахаг̇ад̇анд̇и жад̇угганаяз жад̇уд̇т̇аж̇жхаанасамаад̇хим̣ бан̃жаганаяз бан̃жамаж̇жхаанасамаад̇хим̣.
245.Avitakkampi vicāramattanti pañcakanaye dutiyajjhānasamādhiṃ. Avitakkampi avicāranti catukkanayepi pañcakanayepi jhānattayasamādhiṃ. Sappītikanti dukatikajjhānasamādhiṃ. Nippītikanti dukajjhānasamādhiṃ. Sātasahagatanti tikacatukkajjhānasamādhiṃ. Upekkhāsahagatanti catukkanaye catutthajjhānasamādhiṃ pañcakanaye pañcamajjhānasamādhiṃ.
гад̣̇аа бана бхаг̇аваа имам̣ д̇ивид̇хам̣ самаад̇хим̣ бхаавзд̇и? махааб̣од̇химуулз нисинно бажчимаяаамз. бхаг̇авад̇о хи батамамаг̇г̇о батамаж̇жхааниго ахоси, д̣̇уд̇ияаад̣̇аяо д̣̇уд̇ияад̇ад̇ияажад̇уд̇т̇аж̇жхаанигаа . бан̃жаганаяз бан̃жамаж̇жхаанасса маг̇г̇о над̇т̇ийд̇и со логияо ахосийд̇и логияалогуд̇д̇арамиссагам̣ санд̇хааязд̇ам̣ вуд̇д̇ам̣. сзсам̣ саб̣б̣ад̇т̇а уд̇д̇аанамзваад̇и.
Kadā pana bhagavā imaṃ tividhaṃ samādhiṃ bhāveti? Mahābodhimūle nisinno pacchimayāme. Bhagavato hi paṭhamamaggo paṭhamajjhāniko ahosi, dutiyādayo dutiyatatiyacatutthajjhānikā . Pañcakanaye pañcamajjhānassa maggo natthīti so lokiyo ahosīti lokiyalokuttaramissakaṃ sandhāyetaṃ vuttaṃ. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
убаггилзсасуд̇д̇аван̣н̣анаа нидтид̇аа.
Upakkilesasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. убаггилзсасуд̇д̇ам̣ • 8. Upakkilesasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. убаггилзсасуд̇д̇аван̣н̣анаа • 8. Upakkilesasuttavaṇṇanā
