| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. убаггилзсасуд̇д̇аван̣н̣анаа
8. Upakkilesasuttavaṇṇanā
236. д̇асмаад̇и ад̇т̇агаамад̇д̇аа звамааха, на бхаг̇авад̇о важанам̣ анаад̣̇ияанд̇о. яз бана д̇ад̣̇аа сад̇т̇уважанам̣ на г̇ан̣хим̣су, д̇з гин̃жи авад̇ваа д̇ун̣хийбхууд̇аа ман̇губхууд̇аа адтам̣су, д̇асмаа убхаязсамби сад̇т̇ари аг̇ааравабадибад̇д̇и наахоси.
236.Tasmāti atthakāmattā evamāha, na bhagavato vacanaṃ anādiyanto. Ye pana tadā satthuvacanaṃ na gaṇhiṃsu, te kiñci avatvā tuṇhībhūtā maṅkubhūtā aṭṭhaṃsu, tasmā ubhayesampi satthari agāravapaṭipatti nāhosi.
язнаби ж̇анзна на д̣̇идтод̇и язна убхаяаж̇анзна ан̃н̃авихид̇ад̇ааяа гуд̣д̣агаваадаад̣̇ианд̇аригад̇ааяа ваа на д̣̇идто. д̣̇аманад̇т̇анд̇и д̇зхи убаасагзхи ниммад̣̇абхаавам̣ аабаад̣̇ид̇аанам̣ д̇зсам̣ бхигкуунам̣ д̣̇аманад̇т̇ам̣. табаяим̣сууд̇и яо имзсам̣ бхигкуунам̣ д̣̇зд̇и, д̇асса сад̇ам̣ д̣̇ан̣д̣од̇и, сахассанд̇и жа вад̣̇анд̇и.
Yenapi janena na diṭṭhoti yena ubhayajanena aññavihitatāya kuḍḍakavāṭādiantarikatāya vā na diṭṭho. Damanatthanti tehi upāsakehi nimmadabhāvaṃ āpāditānaṃ tesaṃ bhikkhūnaṃ damanatthaṃ. Ṭhapayiṃsūti yo imesaṃ bhikkhūnaṃ deti, tassa sataṃ daṇḍoti, sahassanti ca vadanti.
237. ваг̇г̇абхаавзнзва (саарад̇т̇а. дий. махааваг̇г̇о 3.464) наанаасад̣̇д̣̇о ассаад̇и бут̇усад̣̇д̣̇о. самаж̇анод̇и бхан̣д̣анз самаж̇жхаасаяо ж̇ано. б̣аалалагкан̣з тид̇оби ‘‘ахам̣ б̣аало’’д̇и на ман̃н̃ад̇и. бхияяо жаад̇и ад̇д̇ано б̣аалабхаавасса аж̇аананад̇оби бхияяо жа бхан̣д̣анасса убари подо вияа сан̇гхабхзд̣̇асса ад̇д̇ано гааран̣абхаавамби уббаж̇ж̇амаанам̣ на ман̃н̃и нан̃н̃ааси.
237. Vaggabhāveneva (sārattha. ṭī. mahāvaggo 3.464) nānāsaddo assāti puthusaddo. Samajanoti bhaṇḍane samajjhāsayo jano. Bālalakkhaṇe ṭhitopi ‘‘ahaṃ bālo’’ti na maññati. Bhiyyo cāti attano bālabhāvassa ajānanatopi bhiyyo ca bhaṇḍanassa upari phoṭo viya saṅghabhedassa attano kāraṇabhāvampi uppajjamānaṃ na maññi naññāsi.
галахавасзна бавад̇д̇аваажааязва г̇ожаро зд̇зсанд̇и ваажааг̇ожараа худ̇ваа. мукааяааманд̇и виваад̣̇авасзна мукам̣ ааяамзд̇ваа бхаан̣ино. на д̇ам̣ ж̇аананд̇ийд̇и д̇ам̣ галахам̣ на ж̇аананд̇и. галахам̣ гаронд̇о жа д̇ам̣ на ж̇аананд̇о наама над̇т̇и. яат̇аа бана на ж̇аананд̇и, д̇ам̣ д̣̇ассзд̇ум̣ ааха – ‘‘звам̣ саад̣̇ийнаво аяа’’нд̇и. аяам̣ галахо наама ад̇д̇ано барзсан̃жа ад̇т̇аж̇аабанад̇о анад̇т̇уббаад̣̇анад̇о д̣̇идтзва д̇хаммз самбарааяз жа саад̣̇ийнаво, сад̣̇осод̇и ад̇т̇о.
Kalahavasena pavattavācāyeva gocaro etesanti vācāgocarā hutvā. Mukhāyāmanti vivādavasena mukhaṃ āyametvā bhāṇino. Na taṃ jānantīti taṃ kalahaṃ na jānanti. Kalahaṃ karonto ca taṃ na jānanto nāma natthi. Yathā pana na jānanti, taṃ dassetuṃ āha – ‘‘evaṃ sādīnavo aya’’nti. Ayaṃ kalaho nāma attano paresañca atthajāpanato anatthuppādanato diṭṭheva dhamme samparāye ca sādīnavo, sadosoti attho.
убанаяханд̇ийд̇и убанаахавасзна ануб̣анд̇ханд̇и. бораан̣од̇и буримзхи б̣уд̣̇д̇хаад̣̇ийхи аажин̣н̣асамаажин̣н̣ад̇ааяа бураад̇ано.
Upanayhantīti upanāhavasena anubandhanti. Porāṇoti purimehi buddhādīhi āciṇṇasamāciṇṇatāya purātano.
на ж̇аананд̇ийд̇и анижжасан̃н̃ам̣ на бажжубадтаабзнд̇и.
Na jānantīti aniccasaññaṃ na paccupaṭṭhāpenti.
д̇ат̇аа бавад̇д̇авзраананд̇и адтичиннаад̣̇ибхаавам̣ ниссааяа убанаяавасзна жирагаалам̣ бавад̇д̇авзраанам̣.
Tathā pavattaverānanti aṭṭhichinnādibhāvaṃ nissāya upanayavasena cirakālaṃ pavattaverānaṃ.
б̣ааласахааяад̇ааяа имз бхигкуу галахабасуд̇аа, бан̣д̣ид̇асахааяаанам̣ бана ид̣̇ам̣ на сияаад̇и бан̣д̣ид̇асахааяасса б̣ааласахааяасса жа ван̣н̣ааван̣н̣ад̣̇ийбанад̇т̇ам̣ вуд̇д̇аа. сийхаб̣яаг̇гхаад̣̇игз баагадабариссаяз рааг̇ад̣̇осаад̣̇игз бадижчаннабариссаяз жа абхибхавид̇ваа.
Bālasahāyatāya ime bhikkhū kalahapasutā, paṇḍitasahāyānaṃ pana idaṃ na siyāti paṇḍitasahāyassa bālasahāyassa ca vaṇṇāvaṇṇadīpanatthaṃ vuttā. Sīhabyagghādike pākaṭaparissaye rāgadosādike paṭicchannaparissaye ca abhibhavitvā.
маад̇ан̇г̇о аран̃н̃з маад̇ан̇г̇аран̃н̃зд̇и саралобзна санд̇хи. маад̇ан̇г̇асад̣̇д̣̇знзва хад̇т̇ибхаавасса вуд̇д̇ад̇д̇аа нааг̇аважанам̣ д̇асса махад̇д̇авибхааванад̇т̇анд̇и ааха – ‘‘нааг̇од̇и маханд̇аад̇хиважанамзд̇а’’нд̇и. маханд̇абарияааяоби хи нааг̇а-сад̣̇д̣̇о ход̇и ‘‘звам̣ нааг̇асса нааг̇зна, ийсаад̣̇анд̇асса хад̇т̇ино’’д̇иаад̣̇ийсу (уд̣̇аа. 25; махаава. 467).
Mātaṅgo araññe mātaṅgaraññeti saralopena sandhi. Mātaṅgasaddeneva hatthibhāvassa vuttattā nāgavacanaṃ tassa mahattavibhāvanatthanti āha – ‘‘nāgoti mahantādhivacanameta’’nti. Mahantapariyāyopi hi nāga-saddo hoti ‘‘evaṃ nāgassa nāgena, īsādantassa hatthino’’tiādīsu (udā. 25; mahāva. 467).
238. гирасад̣̇д̣̇о ануссавасуужанад̇т̇о нибаад̇о. д̇зна аяамзд̇т̇а суд̇ибарамбараад̇и д̣̇ассзд̇и. бхаг̇авад̇аа хи со аад̣̇ийнаво баг̇зва барин̃н̃аад̇о, на д̇зна сад̇т̇аа ниб̣б̣ин̣н̣о ход̇и; д̇асмим̣ бана анд̇овассз гзжи б̣уд̣̇д̇хавзнзяяаа наахзсум̣; д̇зна ан̃н̃ад̇т̇а г̇аманам̣ д̇зсам̣ бхигкуунам̣ д̣̇аманубааяод̇и баалилзяяагам̣ уд̣̇д̣̇исса г̇ажчанд̇о згавихаарим̣ ааяасманд̇ам̣ бхаг̇ум̣, самаг̇г̇аваасам̣ васанд̇з жа ануруд̣̇д̇хад̇т̇зраад̣̇игз самбахам̣сзд̇ум̣ ануруд̣̇д̇хад̇т̇зрасса жа. имам̣ убаггилзсоваад̣̇ам̣ д̣̇аад̇ум̣ д̇ад̇т̇а г̇ад̇о, д̇асмаа галахагаарагз гирассаад̇и зд̇т̇ааби гирасад̣̇д̣̇аг̇г̇ахан̣з зсзва наяо. вуд̇д̇анаяамзва г̇осин̇г̇асааласуд̇д̇з (ма. ни. 1.325 аад̣̇аяо).
238.Kirasaddo anussavasūcanattho nipāto. Tena ayamettha sutiparamparāti dasseti. Bhagavatā hi so ādīnavo pageva pariññāto, na tena satthā nibbiṇṇo hoti; tasmiṃ pana antovasse keci buddhaveneyyā nāhesuṃ; tena aññattha gamanaṃ tesaṃ bhikkhūnaṃ damanupāyoti pālileyyakaṃ uddissa gacchanto ekavihāriṃ āyasmantaṃ bhaguṃ, samaggavāsaṃ vasante ca anuruddhattherādike sampahaṃsetuṃ anuruddhattherassa ca. Imaṃ upakkilesovādaṃ dātuṃ tattha gato, tasmā kalahakārake kirassāti etthāpi kirasaddaggahaṇe eseva nayo. Vuttanayameva gosiṅgasālasutte (ma. ni. 1.325 ādayo).
241. ‘‘яат̇аа гат̇ам̣ банаа’’д̇и вуд̇д̇абужчаанам̣ бажчимабхаавад̇о ‘‘ад̇т̇и бана вод̇и бажчимабужчааяаа’’д̇и вуд̇д̇ам̣, на буна ‘‘ад̇т̇и бана во’’д̇и бавад̇д̇анасса бужчанасса ад̇т̇ибхаавад̇о. со бана логуд̇д̇арад̇хаммо. т̇зраананд̇и ануруд̣̇д̇хад̇т̇зраад̣̇ийнам̣ над̇т̇и. баригаммобхаасам̣ бужчад̇ийд̇и д̣̇иб̣б̣ажагкун̃аан̣з гад̇аад̇хигаарад̇д̇аа д̇асса уббаад̣̇анад̇т̇ам̣ баригаммобхаасам̣ бужчад̇и. баригаммобхаасанд̇и баригаммасамаад̇хиниб̣б̣ад̇д̇ам̣ обхаасам̣, убажаараж̇жхаанасан̃ж̇анид̇ам̣ обхаасанд̇и ад̇т̇о. жад̇уд̇т̇аж̇жхааналаабхий хи д̣̇иб̣б̣ажагкубаригаммад̇т̇ам̣ обхаасагасин̣ам̣ бхаавзд̇ваа убажаарз табид̇о самаад̇хи баригаммасамаад̇хи, д̇ад̇т̇а обхаасо баригаммобхаасод̇и вуд̇д̇о. д̇ам̣ санд̇хааяааха – ‘‘обхаасан̃жзва сан̃ж̇аанаамаад̇и баригаммобхаасам̣ сан̃ж̇аанаамаа’’д̇и. яад̇д̇агз хи таанз д̣̇иб̣б̣ажагкунаа руубаг̇ад̇ам̣ д̣̇адтугаамо, д̇ад̇д̇агам̣ таанам̣ обхаасагасин̣ам̣ парид̇ваа тид̇о. д̇ам̣ обхаасам̣ д̇ад̇т̇а жа руубаг̇ад̇ам̣ д̣̇иб̣б̣ажагкун̃аан̣зна бассад̇и, т̇зраа жа д̇ат̇аа бадибаж̇ж̇им̣су. д̇зна вуд̇д̇ам̣ – ‘‘обхаасан̃жзва сан̃ж̇аанаама д̣̇ассанан̃жа руубаана’’нд̇и. яасмаа бана д̇зсам̣ руубаг̇ад̇ам̣ бассанд̇аанам̣ баригаммавааро ад̇иггами, д̇ад̇о обхаасо анд̇арад̇хааяи, д̇асмим̣ анд̇арахид̇з руубаг̇ад̇амби на бан̃н̃ааяад̇и. баригамманд̇и хи яат̇аавуд̇д̇агасин̣аарамман̣ам̣ убажаараж̇жхаанам̣, руубаг̇ад̇ам̣ бассанд̇аанам̣ гасин̣обхаасавасзна руубаг̇ад̇ад̣̇ассанам̣, гасин̣обхаасо жа баригаммавасзнаад̇и д̇ад̣̇убхаяамби баригаммасса аббавад̇д̇ияаа наахоси, д̇аяид̣̇ам̣ гааран̣ам̣ аад̣̇игаммигабхаавад̇о т̇зраа на ман̃н̃им̣су, д̇асмаа вуд̇д̇ам̣ ‘‘наббадивиж̇жхаамаа’’д̇и.
241. ‘‘Yathā kathaṃ panā’’ti vuttapucchānaṃ pacchimabhāvato ‘‘atthi pana voti pacchimapucchāyā’’ti vuttaṃ, na puna ‘‘atthi pana vo’’ti pavattanassa pucchanassa atthibhāvato. So pana lokuttaradhammo. Therānanti anuruddhattherādīnaṃ natthi. Parikammobhāsaṃ pucchatīti dibbacakkhuñāṇe katādhikārattā tassa uppādanatthaṃ parikammobhāsaṃ pucchati. Parikammobhāsanti parikammasamādhinibbattaṃ obhāsaṃ, upacārajjhānasañjanitaṃ obhāsanti attho. Catutthajjhānalābhī hi dibbacakkhuparikammatthaṃ obhāsakasiṇaṃ bhāvetvā upacāre ṭhapito samādhi parikammasamādhi, tattha obhāso parikammobhāsoti vutto. Taṃ sandhāyāha – ‘‘obhāsañceva sañjānāmāti parikammobhāsaṃ sañjānāmā’’ti. Yattake hi ṭhāne dibbacakkhunā rūpagataṃ daṭṭhukāmo, tattakaṃ ṭhānaṃ obhāsakasiṇaṃ pharitvā ṭhito. Taṃ obhāsaṃ tattha ca rūpagataṃ dibbacakkhuñāṇena passati, therā ca tathā paṭipajjiṃsu. Tena vuttaṃ – ‘‘obhāsañceva sañjānāma dassanañca rūpāna’’nti. Yasmā pana tesaṃ rūpagataṃ passantānaṃ parikammavāro atikkami, tato obhāso antaradhāyi, tasmiṃ antarahite rūpagatampi na paññāyati. Parikammanti hi yathāvuttakasiṇārammaṇaṃ upacārajjhānaṃ, rūpagataṃ passantānaṃ kasiṇobhāsavasena rūpagatadassanaṃ, kasiṇobhāso ca parikammavasenāti tadubhayampi parikammassa appavattiyā nāhosi, tayidaṃ kāraṇaṃ ādikammikabhāvato therā na maññiṃsu, tasmā vuttaṃ ‘‘nappaṭivijjhāmā’’ti.
нимид̇д̇ам̣ бадивиж̇жхид̇аб̣б̣анд̇и гааран̣ам̣ бажжагкад̇о д̣̇ассзд̇ваа сувисуд̣̇д̇хад̣̇иб̣б̣ажагкун̃аан̣з т̇зрам̣ бад̇идтаабзд̇угаамо сад̇т̇аа вад̣̇ад̇и. гим̣ на аал̣улзссанд̇ийд̇и гим̣ на б̣яаамохзссанд̇и, б̣яаамохзссанд̇и зваад̇и ад̇т̇о. вижигижчаа уд̣̇абаад̣̇ийд̇и д̣̇иб̣б̣ажагкуно яат̇ааубадтид̇зсу руубаг̇ад̇зсу абуб̣б̣ад̇ааяа, ‘‘ид̣̇ам̣ ну ко руубаг̇ад̇ам̣ гим̣, ид̣̇ам̣ ну ко ги’’нд̇и маг̇г̇зна асамужчиннад̇д̇аа вижигижчаа сам̣саяо уббаж̇ж̇и. самаад̇хи жавийд̇и вижигижчааяа уббаннад̇д̇аа баригаммасамаад̇хи виг̇ажчи. д̇ад̇о зва хи баригаммобхаасоби анд̇арад̇хааяи, д̣̇иб̣б̣ажагкунааби руубам̣ на басси. на манаси гариссаамийд̇и манасигааравасзна мз руубаани убадтахим̣су, руубаани бассад̇о вижигижчаа уббаж̇ж̇ад̇и, д̇асмаа ид̣̇аани гин̃жи на манаси гариссаамийд̇и д̇ун̣хий ахоси д̇ам̣ бана д̇ун̣хийбхааваббад̇д̇им̣ санд̇хааяааха ‘‘аманасигааро уд̣̇абаад̣̇ий’’д̇и.
Nimittaṃ paṭivijjhitabbanti kāraṇaṃ paccakkhato dassetvā suvisuddhadibbacakkhuñāṇe theraṃ patiṭṭhāpetukāmo satthā vadati. Kiṃ na āḷulessantīti kiṃ na byāmohessanti, byāmohessanti evāti attho. Vicikicchā udapādīti dibbacakkhuno yathāupaṭṭhitesu rūpagatesu apubbatāya, ‘‘idaṃ nu kho rūpagataṃ kiṃ, idaṃ nu kho ki’’nti maggena asamucchinnattā vicikicchā saṃsayo uppajji. Samādhi cavīti vicikicchāya uppannattā parikammasamādhi vigacchi. Tato eva hi parikammobhāsopi antaradhāyi, dibbacakkhunāpi rūpaṃ na passi. Na manasi karissāmīti manasikāravasena me rūpāni upaṭṭhahiṃsu, rūpāni passato vicikicchā uppajjati, tasmā idāni kiñci na manasi karissāmīti tuṇhī ahosi taṃ pana tuṇhībhāvappattiṃ sandhāyāha ‘‘amanasikāro udapādī’’ti.
д̇ат̇аабхууд̇асса аманасигаарасса абхаавам̣ ааг̇амма уббилам̣ уд̣̇абаад̣̇и. вийрияам̣ г̇аал̣хам̣ баг̇г̇ахид̇анд̇и т̇инамид̣̇д̇хачамбхид̇ад̇д̇аанам̣ вуубасаманад̇т̇ам̣ ажжаарад̣̇д̇хавийрияам̣ ахоси, д̇зна жид̇д̇з самаад̇хид̣̇уусигаа г̇зхассид̇аа б̣алавабийд̇и уббаннаа. д̇знааха ‘‘уббилам̣ уббанна’’нд̇и. д̇ад̇од̇и сит̇илавийрияад̇д̇аа. бад̇амзяяаад̇и ад̇ивияа киннам̣ бхавзяяа. д̇ам̣ мамаад̇и бад̇т̇анааабхибхаванийяаманасийсзна ж̇аббзд̇ийд̇и абхиж̇аббаа, д̇ан̣хаа. наанад̇д̇аа наанаасабхааваа сан̃н̃аа наанад̇д̇асан̃н̃аа. ад̇ивияа убари гад̇ваа ниж̇жхаанам̣ бзгканам̣ ад̇иниж̇жхааяид̇ад̇д̇ам̣.
Tathābhūtassa amanasikārassa abhāvaṃ āgamma uppilaṃ udapādi. Vīriyaṃ gāḷhaṃ paggahitanti thinamiddhachambhitattānaṃ vūpasamanatthaṃ accāraddhavīriyaṃ ahosi, tena citte samādhidūsikā gehassitā balavapīti uppannā. Tenāha ‘‘uppilaṃ uppanna’’nti. Tatoti sithilavīriyattā. Patameyyāti ativiya khinnaṃ bhaveyya. Taṃ mamāti patthanāabhibhavanīyamanasīsena jappetīti abhijappā, taṇhā. Nānattā nānāsabhāvā saññā nānattasaññā. Ativiya upari katvā nijjhānaṃ pekkhanaṃ atinijjhāyitattaṃ.
243. баригаммобхаасамзваад̇и баригаммасамудтид̇ам̣ обхаасамзва. на жа руубаани бассаамийд̇и обхаасаманасигаарабасуд̇ад̇ааяа д̣̇иб̣б̣ажагкунаа руубаани на бассаами. висаяаруубамзваад̇и д̇зна парид̇ваа тид̇адтаанзва д̣̇иб̣б̣ажагкуно висаяабхууд̇ам̣ руубаг̇ад̇амзва манаси гароми.
243.Parikammobhāsamevāti parikammasamuṭṭhitaṃ obhāsameva. Na ca rūpāni passāmīti obhāsamanasikārapasutatāya dibbacakkhunā rūpāni na passāmi. Visayarūpamevāti tena pharitvā ṭhitaṭṭhāneva dibbacakkhuno visayabhūtaṃ rūpagatameva manasi karomi.
гасин̣аруубаанам̣ васзнзд̇т̇а обхаасасса барид̇д̇ад̇аад̇и ааха ‘‘барид̇д̇адтаанз обхааса’’нд̇и. барид̇д̇аани руубаанийд̇и гад̇ибаяаани, саа жа нзсам̣ барид̇д̇ад̇аа таанавасзнзваад̇и ааха ‘‘барид̇д̇агадтаанз руубааний’’д̇и. ‘‘аббамаан̣ан̃жзваа’’д̇иаад̣̇инаа вуд̇д̇о д̣̇уд̇ияавааро. обхаасабарид̇д̇ад̇ам̣ санд̇хааяа баригаммасамаад̇хи ‘‘барид̇д̇о’’д̇и вуд̇д̇о д̇ассзва обхаасасса аббамаан̣ад̇ааяа аббамаан̣асамаад̇хийд̇и важанад̇о. д̇асмим̣ самаязд̇и д̇асмим̣ барид̇д̇асамаад̇хино уббаннасамаяз. д̣̇иб̣б̣ажагкуби барид̇д̇агам̣ ход̇и барид̇д̇аруубаг̇ад̇ад̣̇ассанад̇о.
Kasiṇarūpānaṃ vasenettha obhāsassa parittatāti āha ‘‘parittaṭṭhāne obhāsa’’nti. Parittāni rūpānīti katipayāni, sā ca nesaṃ parittatā ṭhānavasenevāti āha ‘‘parittakaṭṭhāne rūpānī’’ti. ‘‘Appamāṇañcevā’’tiādinā vutto dutiyavāro. Obhāsaparittataṃ sandhāya parikammasamādhi ‘‘paritto’’ti vutto tasseva obhāsassa appamāṇatāya appamāṇasamādhīti vacanato. Tasmiṃ samayeti tasmiṃ parittasamādhino uppannasamaye. Dibbacakkhupi parittakaṃ hoti parittarūpagatadassanato.
245. д̣̇угад̇игаж̇жхаанасамаад̇хинд̇и жад̇угганаяз д̣̇угаж̇жхаанасамаад̇хим̣, бан̃жаганаяз д̇игаж̇жхаанасамаад̇хинд̇и яож̇анаа. д̣̇угаж̇жхаанасамаад̇хинд̇и жад̇угганаяз д̇ад̇ияажад̇уд̇т̇авасзна д̣̇угаж̇жхаанасамаад̇хим̣, бан̃жаганаяз жад̇уд̇т̇абан̃жамавасзна д̣̇угаж̇жхаанасамаад̇хим̣. д̇игажад̇уггаж̇жхаанасамаад̇хинд̇и жад̇угганаяз д̇игаж̇жхаанасамаад̇хим̣, бан̃жаганаяз жад̇уггаж̇жхаанасамаад̇хинд̇и яож̇анаа.
245.Dukatikajjhānasamādhinti catukkanaye dukajjhānasamādhiṃ, pañcakanaye tikajjhānasamādhinti yojanā. Dukajjhānasamādhinti catukkanaye tatiyacatutthavasena dukajjhānasamādhiṃ, pañcakanaye catutthapañcamavasena dukajjhānasamādhiṃ. Tikacatukkajjhānasamādhinti catukkanaye tikajjhānasamādhiṃ, pañcakanaye catukkajjhānasamādhinti yojanā.
д̇ивид̇ханд̇и саббийд̇игавасзна д̇иббагаарам̣ самаад̇хим̣. д̇ад̣̇анд̇ог̇ад̇хаад̇и саббийд̇игаад̣̇исабхааваа. гаамам̣ бхаг̇аваа буримаяаамз буб̣б̣зниваасаануссад̇ин̃аан̣ам̣, бажчимаяаамз д̣̇иб̣б̣ажагкун̃аан̣ам̣ ниб̣б̣ад̇д̇знд̇оби имаани н̃аан̣аани бхаавзсиязва. вибассанаабаад̣̇агаани бана н̃аан̣аани санд̇хааяа, ‘‘бажчимаяаамз’’д̇и вуд̇д̇ам̣, д̇знааха ‘‘бхаг̇авад̇о хий’’д̇иаад̣̇и. бан̃жамаж̇жхаанассаад̇и бан̃жамаж̇жхаанигасса васзна батамаж̇жхааниго маг̇г̇о над̇т̇и. сод̇и бан̃жаганаяо бхаг̇авад̇о логияо ахоси. зд̇анд̇и зд̇ам̣, ‘‘савид̇аггамби савижаарам̣ самаад̇хим̣ бхаавзмий’’д̇иаад̣̇иважанам̣. логияалогуд̇д̇арамиссагам̣ санд̇хааяа вуд̇д̇ам̣, на ‘‘логияам̣ ваа логуд̇д̇арамзва ваа’’д̇и. сзсам̣ сувин̃н̃зяяамзваад̇и.
Tividhanti sappītikavasena tippakāraṃ samādhiṃ. Tadantogadhāti sappītikādisabhāvā. Kāmaṃ bhagavā purimayāme pubbenivāsānussatiñāṇaṃ, pacchimayāme dibbacakkhuñāṇaṃ nibbattentopi imāni ñāṇāni bhāvesiyeva. Vipassanāpādakāni pana ñāṇāni sandhāya, ‘‘pacchimayāme’’ti vuttaṃ, tenāha ‘‘bhagavato hī’’tiādi. Pañcamajjhānassāti pañcamajjhānikassa vasena paṭhamajjhāniko maggo natthi. Soti pañcakanayo bhagavato lokiyo ahosi. Etanti etaṃ, ‘‘savitakkampi savicāraṃ samādhiṃ bhāvemī’’tiādivacanaṃ. Lokiyalokuttaramissakaṃ sandhāya vuttaṃ, na ‘‘lokiyaṃ vā lokuttarameva vā’’ti. Sesaṃ suviññeyyamevāti.
убаггилзсасуд̇д̇аван̣н̣анааяа лийнад̇т̇аббагаасанаа самад̇д̇аа.
Upakkilesasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. убаггилзсасуд̇д̇ам̣ • 8. Upakkilesasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. убаггилзсасуд̇д̇аван̣н̣анаа • 8. Upakkilesasuttavaṇṇanā
