| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
១០. ឧបក្កិលេសសុត្តវណ្ណនា
10. Upakkilesasuttavaṇṇanā
៥០. ទសមេ ឧបក្កិលិដ្ឋភាវករណេនាតិ មលីនភាវករណេន។ បញ្ចវិធាយ សុរាយ ចតុព្ពិធស្ស ច មេរយស្សាតិ ឯត្ថ បូវសុរា, បិដ្ឋសុរា, ឱទនសុរា, កិណ្ណបក្ខិត្តា, សម្ភារសំយុត្តាតិ បញ្ច សុរា។ បុប្ផាសវោ, ផលាសវោ, មធ្វាសវោ, គុឡាសវោតិ ចត្តារោ អាសវា, ចតុព្ពិធំ មេរយំ នាម។ តត្ថ បូវេ ភាជនេ បក្ខិបិត្វា តជ្ជំ ឧទកំ ទត្វា មទ្ទិត្វា កតា បូវសុរា។ ឯវំ សេសសុរាបិ។ កិណ្ណាតិ បន តស្សា សុរាយ ពីជំ វុច្ចតិ។ យេ សុរា ‘‘មោទកា’’តិបិ វុច្ចន្តិ, តេ បក្ខិបិត្វា កតា កិណ្ណបក្ខិត្តា។ ធាតកិអាសវាទិនានាសម្ភារេហិ សំយោជិតា សម្ភារសំយុត្តា។មធុកតាលនាឡិកេរាទិបុប្ផរសោ ចិរបរិវាសិតោ បុប្ផាសវោ។ បនសាទិផលរសោ ផលាសវោ។ មុទ្ទិការសោ មធ្វាសវោ។ ឧច្ឆុរសោ គុឡាសវោ។
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
ឧបក្កិលេសសុត្តវណ្ណនា និដ្ឋិតា។
Upakkilesasuttavaṇṇanā niṭṭhitā.
រោហិតស្សវគ្គវណ្ណនា និដ្ឋិតា។
Rohitassavaggavaṇṇanā niṭṭhitā.
បឋមបណ្ណាសកំ និដ្ឋិតំ។
Paṭhamapaṇṇāsakaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. ឧបក្កិលេសសុត្តំ • 10. Upakkilesasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. ឧបក្កិលេសសុត្តវណ្ណនា • 10. Upakkilesasuttavaṇṇanā
