| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ဥပက္ကိလေသသုတ္တဝဏ္ဏနာ
3. Upakkilesasuttavaṇṇanā
၂၃. တတိယေ န စ ပဘသ္သရန္တိ န စ ပဘာဝန္တံ။ ပဘင္ဂု စာတိ ပဘိဇ္ဇနသဘာဝံ။ အယောတိ ကာဠလောဟံ။ လောဟန္တိ ဌပေတ္ဝာ ဣဓ ဝုတ္တာနိ စတ္တာရိ အဝသေသံ လောဟံ။ သဇ္ဈန္တိ ရဇတံ။ စိတ္တသ္သာတိ စာတုဘူမကကုသလစိတ္တသ္သ။ တေဘူမကသ္သ တာဝ ဥပက္ကိလေသာ ဟောန္တု, လောကုတ္တရသ္သ ကထံ ဟောန္တီတိ? ဥပ္ပဇ္ဇိတုံ အပ္ပဒာနေန။ ယဒဂ္ဂေန ဟိ ဥပ္ပဇ္ဇိတုံ န ဒေန္တိ, တဒဂ္ဂေနေဝ တေ လောကိယသ္သပိ လောကုတ္တရသ္သပိ ဥပက္ကိလေသာ နာမ ဟောန္တိ။ ပဘင္ဂု စာတိ အာရမ္မဏေ စုဏ္ဏဝိစုဏ္ဏဘာဝူပဂမနေန ဘိဇ္ဇနသဘာဝံ။ သမ္မာ သမာဓိယတိ အာသဝာနံ ခယာယာတိ အာသဝာနံ ခယသင္ခာတသ္သ အရဟတ္တသ္သ အတ္ထာယ ဟေတုနာ ကာရဏေန သမာဓိယတိ။ ဧတ္တာဝတာ စိတ္တံ ဝိသောဓေတ္ဝာ အရဟတ္တေ ပတိဋ္ဌိတံ ခီဏာသဝံ ဒသ္သေတိ။ ဣဒာနိသ္သ အဘိညာပဋိဝေဓံ ဒသ္သေန္တော ယသ္သ ယသ္သ စာတိအာဒိမာဟ။ တံ ဥတ္တာနတ္ထမေဝာတိ။
23. Tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Lohanti ṭhapetvā idha vuttāni cattāri avasesaṃ lohaṃ. Sajjhanti rajataṃ. Cittassāti cātubhūmakakusalacittassa. Tebhūmakassa tāva upakkilesā hontu, lokuttarassa kathaṃ hontīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassapi lokuttarassapi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Sammāsamādhiyati āsavānaṃ khayāyāti āsavānaṃ khayasaṅkhātassa arahattassa atthāya hetunā kāraṇena samādhiyati. Ettāvatā cittaṃ visodhetvā arahatte patiṭṭhitaṃ khīṇāsavaṃ dasseti. Idānissa abhiññāpaṭivedhaṃ dassento yassa yassa cātiādimāha. Taṃ uttānatthamevāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ဥပက္ကိလေသသုတ္တံ • 3. Upakkilesasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃-၄. ဥပက္ကိလေသသုတ္တာဒိဝဏ္ဏနာ • 3-4. Upakkilesasuttādivaṇṇanā
