| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၁၀. ဥပက္ကိလေသသုတ္တဝဏ္ဏနာ
10. Upakkilesasuttavaṇṇanā
၅၀. ဒသမေ ဥပက္ကိလိဋ္ဌဘာဝကရဏေနာတိ မလီနဘာဝကရဏေန။ ပဉ္စဝိဓာယ သုရာယ စတုဗ္ဗိဓသ္သ စ မေရယသ္သာတိ ဧတ္ထ ပူဝသုရာ, ပိဋ္ဌသုရာ, ဩဒနသုရာ, ကိဏ္ဏပက္ခိတ္တာ, သမ္ဘာရသံယုတ္တာတိ ပဉ္စ သုရာ။ ပုပ္ဖာသဝော, ဖလာသဝော, မဓ္ဝာသဝော, ဂုဠာသဝောတိ စတ္တာရော အာသဝာ, စတုဗ္ဗိဓံ မေရယံ နာမ။ တတ္ထ ပူဝေ ဘာဇနေ ပက္ခိပိတ္ဝာ တဇ္ဇံ ဥဒကံ ဒတ္ဝာ မဒ္ဒိတ္ဝာ ကတာ ပူဝသုရာ။ ဧဝံ သေသသုရာပိ။ ကိဏ္ဏာတိ ပန တသ္သာ သုရာယ ဗီဇံ ဝုစ္စတိ။ ယေ သုရာ ‘‘မောဒကာ’’တိပိ ဝုစ္စန္တိ, တေ ပက္ခိပိတ္ဝာ ကတာ ကိဏ္ဏပက္ခိတ္တာ။ ဓာတကိအာသဝာဒိနာနာသမ္ဘာရေဟိ သံယောဇိတာ သမ္ဘာရသံယုတ္တာ။မဓုကတာလနာဠိကေရာဒိပုပ္ဖရသော စိရပရိဝာသိတော ပုပ္ဖာသဝော။ ပနသာဒိဖလရသော ဖလာသဝော။ မုဒ္ဒိကာရသော မဓ္ဝာသဝော။ ဥစ္ဆုရသော ဂုဠာသဝော။
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
ဥပက္ကိလေသသုတ္တဝဏ္ဏနာ နိဋ္ဌိတာ။
Upakkilesasuttavaṇṇanā niṭṭhitā.
ရောဟိတသ္သဝဂ္ဂဝဏ္ဏနာ နိဋ္ဌိတာ။
Rohitassavaggavaṇṇanā niṭṭhitā.
ပဌမပဏ္ဏာသကံ နိဋ္ဌိတံ။
Paṭhamapaṇṇāsakaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဥပက္ကိလေသသုတ္တံ • 10. Upakkilesasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဥပက္ကိလေသသုတ္တဝဏ္ဏနာ • 10. Upakkilesasuttavaṇṇanā
