| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧೦. ಉಪಕ್ಕಿಲೇಸಸುತ್ತವಣ್ಣನಾ
10. Upakkilesasuttavaṇṇanā
೫೦. ದಸಮೇ ಉಪಕ್ಕಿಲೇಸಾತಿ ವಿರೋಚಿತುಂ ಅದತ್ವಾ ಉಪಕ್ಕಿಲಿಟ್ಠಭಾವಕರಣೇನ ಉಪಕ್ಕಿಲೇಸಾ। ಮಹಿಕಾತಿ ಹಿಮಂ। ಧೂಮೋ ರಜೋತಿ ಧೂಮೋ ಚ ರಜೋ ಚ। ರಾಹೂತಿ ಪುರಿಮಾ ತಯೋ ಅಸಮ್ಪತ್ತಉಪಕ್ಕಿಲೇಸಾ, ರಾಹು ಪನ ಸಮ್ಪತ್ತಉಪಕ್ಕಿಲೇಸವಸೇನ ಕಥಿತೋತಿ ವೇದಿತಬ್ಬೋ। ಸಮಣಬ್ರಾಹ್ಮಣಾ ನ ತಪನ್ತಿ ನ ಭಾಸನ್ತಿ ನ ವಿರೋಚನ್ತೀತಿ ಗುಣಪ್ಪತಾಪೇನ ನ ತಪನ್ತಿ, ಗುಣೋಭಾಸೇನ ನ ಭಾಸನ್ತಿ, ಗುಣವಿರೋಚನೇನ ನ ವಿರೋಚನ್ತಿ। ಸುರಾಮೇರಯಪಾನಾ ಅಪ್ಪಟಿವಿರತಾತಿ ಪಞ್ಚವಿಧಾಯ ಸುರಾಯ ಚತುಬ್ಬಿಧಸ್ಸ ಮೇರಯಸ್ಸ ಚ ಪಾನತೋ ಅವಿರತಾ।
50. Dasame upakkilesāti virocituṃ adatvā upakkiliṭṭhabhāvakaraṇena upakkilesā. Mahikāti himaṃ. Dhūmo rajoti dhūmo ca rajo ca. Rāhūti purimā tayo asampattaupakkilesā, rāhu pana sampattaupakkilesavasena kathitoti veditabbo. Samaṇabrāhmaṇā na tapanti na bhāsanti na virocantīti guṇappatāpena na tapanti, guṇobhāsena na bhāsanti, guṇavirocanena na virocanti. Surāmerayapānā appaṭiviratāti pañcavidhāya surāya catubbidhassa merayassa ca pānato aviratā.
ಅವಿಜ್ಜಾನಿವುತಾತಿ ಅವಿಜ್ಜಾಯ ನಿವಾರಿತಾ ಪಿಹಿತಾ। ಪಿಯರೂಪಾಭಿನನ್ದಿನೋತಿ ಪಿಯರೂಪಂ ಸಾತರೂಪಂ ಅಭಿನನ್ದಮಾನಾ ತುಸ್ಸಮಾನಾ। ಸಾದಿಯನ್ತೀತಿ ಗಣ್ಹನ್ತಿ। ಅವಿದ್ದಸೂತಿ ಅನ್ಧಬಾಲಾ। ಸನೇತ್ತಿಕಾತಿ ತಣ್ಹಾಯೋತ್ತೇನೇವ ಸಯೋತ್ತಾ। ಕಟಸಿನ್ತಿ ಅತ್ತಭಾವಂ। ಘೋರನ್ತಿ ಕಕ್ಖಳಂ। ಇಮಸ್ಮಿಂ ಸುತ್ತೇಪಿ ಗಾಥಾಸುಪಿ ವಟ್ಟಮೇವ ಕಥಿತನ್ತಿ।
Avijjānivutāti avijjāya nivāritā pihitā. Piyarūpābhinandinoti piyarūpaṃ sātarūpaṃ abhinandamānā tussamānā. Sādiyantīti gaṇhanti. Aviddasūti andhabālā. Sanettikāti taṇhāyotteneva sayottā. Kaṭasinti attabhāvaṃ. Ghoranti kakkhaḷaṃ. Imasmiṃ suttepi gāthāsupi vaṭṭameva kathitanti.
ರೋಹಿತಸ್ಸವಗ್ಗೋ ಪಞ್ಚಮೋ।
Rohitassavaggo pañcamo.
ಪಠಮಪಣ್ಣಾಸಕಂ ನಿಟ್ಠಿತಂ।
Paṭhamapaṇṇāsakaṃ niṭṭhitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಉಪಕ್ಕಿಲೇಸಸುತ್ತಂ • 10. Upakkilesasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧೦. ಉಪಕ್ಕಿಲೇಸಸುತ್ತವಣ್ಣನಾ • 10. Upakkilesasuttavaṇṇanā
