| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
10. උපක්‌කිලෙසසුත්‌තවණ්‌ණනා
10. Upakkilesasuttavaṇṇanā
50. දසමෙ උපක්‌කිලිට්‌ඨභාවකරණෙනාති මලීනභාවකරණෙන. පඤ්‌චවිධාය සුරාය චතුබ්‌බිධස්‌ස ච මෙරයස්‌සාති එත්‌ථ පූවසුරා, පිට්‌ඨසුරා, ඔදනසුරා, කිණ්‌ණපක්‌ඛිත්‌තා, සම්‌භාරසංයුත්‌තාති පඤ්‌ච සුරා. පුප්‌ඵාසවො, ඵලාසවො, මධ්‌වාසවො, ගුළාසවොති චත්‌තාරො ආසවා, චතුබ්‌බිධං මෙරයං නාම. තත්‌ථ පූවෙ භාජනෙ පක්‌ඛිපිත්‌වා තජ්‌ජං උදකං දත්‌වා මද්‌දිත්‌වා කතා පූවසුරා. එවං සෙසසුරාපි. කිණ්‌ණාති පන තස්‌සා සුරාය බීජං වුච්‌චති. යෙ සුරා ‘‘මොදකා’’තිපි වුච්‌චන්‌ති, තෙ පක්‌ඛිපිත්‌වා කතා කිණ්‌ණපක්‌ඛිත්‌තා. ධාතකිආසවාදිනානාසම්‌භාරෙහි සංයොජිතා සම්‌භාරසංයුත්‌තා.මධුකතාලනාළිකෙරාදිපුප්‌ඵරසො චිරපරිවාසිතො පුප්‌ඵාසවො. පනසාදිඵලරසො ඵලාසවො. මුද්‌දිකාරසො මධ්‌වාසවො. උච්‌ඡුරසො ගුළාසවො.
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
උපක්‌කිලෙසසුත්‌තවණ්‌ණනා නිට්‌ඨිතා.
Upakkilesasuttavaṇṇanā niṭṭhitā.
රොහිතස්‌සවග්‌ගවණ්‌ණනා නිට්‌ඨිතා.
Rohitassavaggavaṇṇanā niṭṭhitā.
පඨමපණ්‌ණාසකං නිට්‌ඨිතං.
Paṭhamapaṇṇāsakaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. උපක්‌කිලෙසසුත්‌තං • 10. Upakkilesasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. උපක්‌කිලෙසසුත්‌තවණ්‌ණනා • 10. Upakkilesasuttavaṇṇanā
