| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. ཨུཔཀྐིལེསསུཏྟཝཎྞནཱ
10. Upakkilesasuttavaṇṇanā
༥༠. དསམེ ཨུཔཀྐིལིཊྛབྷཱཝཀརཎེནཱཏི མལཱིནབྷཱཝཀརཎེན། པཉྩཝིདྷཱཡ སུརཱཡ ཙཏུབྦིདྷསྶ ཙ མེརཡསྶཱཏི ཨེཏྠ པཱུཝསུརཱ, པིཊྛསུརཱ, ཨོདནསུརཱ, ཀིཎྞཔཀྑིཏྟཱ, སམྦྷཱརསཾཡུཏྟཱཏི པཉྩ སུརཱ། པུཔྥཱསཝོ, ཕལཱསཝོ, མདྷྭཱསཝོ, གུལཱ༹སཝོཏི ཙཏྟཱརོ ཨཱསཝཱ, ཙཏུབྦིདྷཾ མེརཡཾ ནཱམ། ཏཏྠ པཱུཝེ བྷཱཛནེ པཀྑིཔིཏྭཱ ཏཛྫཾ ཨུདཀཾ དཏྭཱ མདྡིཏྭཱ ཀཏཱ པཱུཝསུརཱ། ཨེཝཾ སེསསུརཱཔི། ཀིཎྞཱཏི པན ཏསྶཱ སུརཱཡ བཱིཛཾ ཝུཙྩཏི། ཡེ སུརཱ ‘‘མོདཀཱ’’ཏིཔི ཝུཙྩནྟི, ཏེ པཀྑིཔིཏྭཱ ཀཏཱ ཀིཎྞཔཀྑིཏྟཱ། དྷཱཏཀིཨཱསཝཱདིནཱནཱསམྦྷཱརེཧི སཾཡོཛིཏཱ སམྦྷཱརསཾཡུཏྟཱ།མདྷུཀཏཱལནཱལི༹ཀེརཱདིཔུཔྥརསོ ཙིརཔརིཝཱསིཏོ པུཔྥཱསཝོ། པནསཱདིཕལརསོ ཕལཱསཝོ། མུདྡིཀཱརསོ མདྷྭཱསཝོ། ཨུཙྪུརསོ གུལཱ༹སཝོ།
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
ཨུཔཀྐིལེསསུཏྟཝཎྞནཱ ནིཊྛིཏཱ།
Upakkilesasuttavaṇṇanā niṭṭhitā.
རོཧིཏསྶཝགྒཝཎྞནཱ ནིཊྛིཏཱ།
Rohitassavaggavaṇṇanā niṭṭhitā.
པཋམཔཎྞཱསཀཾ ནིཊྛིཏཾ།
Paṭhamapaṇṇāsakaṃ niṭṭhitaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཨུཔཀྐིལེསསུཏྟཾ • 10. Upakkilesasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. ཨུཔཀྐིལེསསུཏྟཝཎྞནཱ • 10. Upakkilesasuttavaṇṇanā
