| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਉਪਕ੍ਕਿਲੇਸਸੁਤ੍ਤવਣ੍ਣਨਾ
3. Upakkilesasuttavaṇṇanā
੨੩. ਤਤਿਯੇ ਨ ਚ ਪਭਸ੍ਸਰਨ੍ਤਿ ਨ ਚ ਪਭਾવਨ੍ਤਂ। ਪਭਙ੍ਗੁ ਚਾਤਿ ਪਭਿਜ੍ਜਨਸਭਾવਂ। ਅਯੋਤਿ ਕਾਲ਼ਲੋਹਂ। ਲੋਹਨ੍ਤਿ ਠਪੇਤ੍વਾ ਇਧ વੁਤ੍ਤਾਨਿ ਚਤ੍ਤਾਰਿ ਅવਸੇਸਂ ਲੋਹਂ। ਸਜ੍ਝਨ੍ਤਿ ਰਜਤਂ। ਚਿਤ੍ਤਸ੍ਸਾਤਿ ਚਾਤੁਭੂਮਕਕੁਸਲਚਿਤ੍ਤਸ੍ਸ। ਤੇਭੂਮਕਸ੍ਸ ਤਾવ ਉਪਕ੍ਕਿਲੇਸਾ ਹੋਨ੍ਤੁ, ਲੋਕੁਤ੍ਤਰਸ੍ਸ ਕਥਂ ਹੋਨ੍ਤੀਤਿ? ਉਪ੍ਪਜ੍ਜਿਤੁਂ ਅਪ੍ਪਦਾਨੇਨ। ਯਦਗ੍ਗੇਨ ਹਿ ਉਪ੍ਪਜ੍ਜਿਤੁਂ ਨ ਦੇਨ੍ਤਿ, ਤਦਗ੍ਗੇਨੇવ ਤੇ ਲੋਕਿਯਸ੍ਸਪਿ ਲੋਕੁਤ੍ਤਰਸ੍ਸਪਿ ਉਪਕ੍ਕਿਲੇਸਾ ਨਾਮ ਹੋਨ੍ਤਿ। ਪਭਙ੍ਗੁ ਚਾਤਿ ਆਰਮ੍ਮਣੇ ਚੁਣ੍ਣવਿਚੁਣ੍ਣਭਾવੂਪਗਮਨੇਨ ਭਿਜ੍ਜਨਸਭਾવਂ। ਸਮ੍ਮਾ ਸਮਾਧਿਯਤਿ ਆਸવਾਨਂ ਖਯਾਯਾਤਿ ਆਸવਾਨਂ ਖਯਸਙ੍ਖਾਤਸ੍ਸ ਅਰਹਤ੍ਤਸ੍ਸ ਅਤ੍ਥਾਯ ਹੇਤੁਨਾ ਕਾਰਣੇਨ ਸਮਾਧਿਯਤਿ। ਏਤ੍ਤਾવਤਾ ਚਿਤ੍ਤਂ વਿਸੋਧੇਤ੍વਾ ਅਰਹਤ੍ਤੇ ਪਤਿਟ੍ਠਿਤਂ ਖੀਣਾਸવਂ ਦਸ੍ਸੇਤਿ। ਇਦਾਨਿਸ੍ਸ ਅਭਿਞ੍ਞਾਪਟਿવੇਧਂ ਦਸ੍ਸੇਨ੍ਤੋ ਯਸ੍ਸ ਯਸ੍ਸ ਚਾਤਿਆਦਿਮਾਹ। ਤਂ ਉਤ੍ਤਾਨਤ੍ਥਮੇવਾਤਿ।
23. Tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Lohanti ṭhapetvā idha vuttāni cattāri avasesaṃ lohaṃ. Sajjhanti rajataṃ. Cittassāti cātubhūmakakusalacittassa. Tebhūmakassa tāva upakkilesā hontu, lokuttarassa kathaṃ hontīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassapi lokuttarassapi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Sammāsamādhiyati āsavānaṃ khayāyāti āsavānaṃ khayasaṅkhātassa arahattassa atthāya hetunā kāraṇena samādhiyati. Ettāvatā cittaṃ visodhetvā arahatte patiṭṭhitaṃ khīṇāsavaṃ dasseti. Idānissa abhiññāpaṭivedhaṃ dassento yassa yassa cātiādimāha. Taṃ uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਉਪਕ੍ਕਿਲੇਸਸੁਤ੍ਤਂ • 3. Upakkilesasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਉਪਕ੍ਕਿਲੇਸਸੁਤ੍ਤਾਦਿવਣ੍ਣਨਾ • 3-4. Upakkilesasuttādivaṇṇanā
