| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
убаалибан̃хаа
Upālipañhā
351. ат̇а ко ааяасмаа убаали язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘сан̇гхарааж̇и сан̇гхарааж̇ийд̇и, бханд̇з, вужжад̇и. гид̇д̇аавад̇аа ну ко, бханд̇з, сан̇гхарааж̇и ход̇и, но жа сан̇гхабхзд̣̇о? гид̇д̇аавад̇аа жа бана сан̇гхарааж̇и жзва ход̇и сан̇гхабхзд̣̇о жаа’’д̇и?
351. Atha kho āyasmā upāli yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘saṅgharāji saṅgharājīti, bhante, vuccati. Kittāvatā nu kho, bhante, saṅgharāji hoti, no ca saṅghabhedo? Kittāvatā ca pana saṅgharāji ceva hoti saṅghabhedo cā’’ti?
‘‘згад̇о , убаали, зго ход̇и, згад̇о д̣̇вз, жад̇уд̇т̇о ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и ход̇и, но жа сан̇гхабхзд̣̇о. згад̇о, убаали, д̣̇вз хонд̇и, згад̇о д̣̇вз, бан̃жамо ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и ход̇и, но жа сан̇гхабхзд̣̇о. згад̇о, убаали, д̣̇вз хонд̇и, згад̇о д̇аяо, чадто ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и ход̇и, но жа сан̇гхабхзд̣̇о . згад̇о, убаали, д̇аяо хонд̇и, згад̇о д̇аяо, сад̇д̇амо ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и ход̇и, но жа сан̇гхабхзд̣̇о. згад̇о, убаали, д̇аяо хонд̇и, згад̇о жад̇д̇ааро, адтамо ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и ход̇и, но жа сан̇гхабхзд̣̇о. згад̇о, убаали, жад̇д̇ааро хонд̇и, згад̇о жад̇д̇ааро, навамо ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и . звам̣ ко, убаали, сан̇гхарааж̇и жзва ход̇и сан̇гхабхзд̣̇о жа. наваннам̣ ваа, убаали, ад̇ирзганаваннам̣ ваа сан̇гхарааж̇и жзва ход̇и сан̇гхабхзд̣̇о жа. на ко, убаали, бхигкуний сан̇гхам̣ бхинд̣̇ад̇и, аби жа бхзд̣̇ааяа бараггамад̇и, на сигкамаанаа сан̇гхам̣ бхинд̣̇ад̇и…бз… на сааман̣зро сан̇гхам̣ бхинд̣̇ад̇и, на сааман̣зрий сан̇гхам̣ бхинд̣̇ад̇и, на убаасаго сан̇гхам̣ бхинд̣̇ад̇и, на убаасигаа сан̇гхам̣ бхинд̣̇ад̇и, аби жа бхзд̣̇ааяа бараггамад̇и. бхигку ко, убаали, багад̇ад̇д̇о, самаанасам̣ваасаго, самаанасиймааяам̣ тид̇о, сан̇гхам̣ бхинд̣̇ад̇ий’’д̇и.
‘‘Ekato , upāli, eko hoti, ekato dve, catuttho anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji hoti, no ca saṅghabhedo. Ekato, upāli, dve honti, ekato dve, pañcamo anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji hoti, no ca saṅghabhedo. Ekato, upāli, dve honti, ekato tayo, chaṭṭho anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji hoti, no ca saṅghabhedo . Ekato, upāli, tayo honti, ekato tayo, sattamo anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji hoti, no ca saṅghabhedo. Ekato, upāli, tayo honti, ekato cattāro, aṭṭhamo anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji hoti, no ca saṅghabhedo. Ekato, upāli, cattāro honti, ekato cattāro, navamo anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti . Evaṃ kho, upāli, saṅgharāji ceva hoti saṅghabhedo ca. Navannaṃ vā, upāli, atirekanavannaṃ vā saṅgharāji ceva hoti saṅghabhedo ca. Na kho, upāli, bhikkhunī saṅghaṃ bhindati, api ca bhedāya parakkamati, na sikkhamānā saṅghaṃ bhindati…pe… na sāmaṇero saṅghaṃ bhindati, na sāmaṇerī saṅghaṃ bhindati, na upāsako saṅghaṃ bhindati, na upāsikā saṅghaṃ bhindati, api ca bhedāya parakkamati. Bhikkhu kho, upāli, pakatatto, samānasaṃvāsako, samānasīmāyaṃ ṭhito, saṅghaṃ bhindatī’’ti.
352. 1 ‘‘сан̇гхабхзд̣̇о сан̇гхабхзд̣̇од̇и, бханд̇з, вужжад̇и. гид̇д̇аавад̇аа ну ко, бханд̇з, сан̇гхо бхинно ход̇ий’’д̇и?
352.2 ‘‘Saṅghabhedo saṅghabhedoti, bhante, vuccati. Kittāvatā nu kho, bhante, saṅgho bhinno hotī’’ti?
‘‘ид̇хубаали, бхигкуу ад̇хаммам̣ д̇хаммод̇и д̣̇ийбзнд̇и, д̇хаммам̣ ад̇хаммод̇и д̣̇ийбзнд̇и, авинаяам̣ винаяод̇и д̣̇ийбзнд̇и, винаяам̣ авинаяод̇и д̣̇ийбзнд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзнд̇и, бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзнд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзнд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзнд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, анаабад̇д̇им̣ аабад̇д̇ийд̇и д̣̇ийбзнд̇и, аабад̇д̇им̣ анаабад̇д̇ийд̇и д̣̇ийбзнд̇и, лахугам̣ аабад̇д̇им̣ г̇аругаа аабад̇д̇ийд̇и д̣̇ийбзнд̇и, г̇аругам̣ аабад̇д̇им̣ лахугаа аабад̇д̇ийд̇и д̣̇ийбзнд̇и, саавасзсам̣ аабад̇д̇им̣ анавасзсаа аабад̇д̇ийд̇и д̣̇ийбзнд̇и, анавасзсам̣ аабад̇д̇им̣ саавасзсаа аабад̇д̇ийд̇и д̣̇ийбзнд̇и, д̣̇удтуллам̣ аабад̇д̇им̣ ад̣̇удтулаа аабад̇д̇ийд̇и д̣̇ийбзнд̇и, ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзнд̇и. д̇з имзхи адтаарасахи вад̇т̇уухи абагассанд̇и, авабагассанд̇и, аавзним̣ 3 убосат̇ам̣ гаронд̇и, аавзним̣ бавааран̣ам̣ гаронд̇и, аавзним̣ сан̇гхагаммам̣ гаронд̇и. зд̇д̇аавад̇аа ко, убаали, сан̇гхо бхинно ход̇ий’’д̇и.
‘‘Idhupāli, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti, vinayaṃ avinayoti dīpenti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpenti, bhāsitaṃ lapitaṃ tathāgatena abhāsitaṃ alapitaṃ tathāgatenāti dīpenti, anāciṇṇaṃ tathāgatena āciṇṇaṃ tathāgatenāti dīpenti, āciṇṇaṃ tathāgatena anāciṇṇaṃ tathāgatenāti dīpenti, apaññattaṃ tathāgatena paññattaṃ tathāgatenāti dīpenti, paññattaṃ tathāgatena apaññattaṃ tathāgatenāti dīpenti, anāpattiṃ āpattīti dīpenti, āpattiṃ anāpattīti dīpenti, lahukaṃ āpattiṃ garukā āpattīti dīpenti, garukaṃ āpattiṃ lahukā āpattīti dīpenti, sāvasesaṃ āpattiṃ anavasesā āpattīti dīpenti, anavasesaṃ āpattiṃ sāvasesā āpattīti dīpenti, duṭṭhullaṃ āpattiṃ aduṭṭhulā āpattīti dīpenti, aduṭṭhullaṃ āpattiṃ duṭṭhullā āpattīti dīpenti. Te imehi aṭṭhārasahi vatthūhi apakassanti, avapakassanti, āveniṃ 4 uposathaṃ karonti, āveniṃ pavāraṇaṃ karonti, āveniṃ saṅghakammaṃ karonti. Ettāvatā kho, upāli, saṅgho bhinno hotī’’ti.
353. 5 ‘‘сан̇гхасаамаг̇г̇ий сан̇гхасаамаг̇г̇ийд̇и, бханд̇з, вужжад̇и. гид̇д̇аавад̇аа ну ко, бханд̇з, сан̇гхо самаг̇г̇о ход̇ий’’д̇и? ‘‘ид̇хубаали, бхигкуу ад̇хаммам̣ ад̇хаммод̇и д̣̇ийбзнд̇и, д̇хаммам̣ д̇хаммод̇и д̣̇ийбзнд̇и, авинаяам̣ авинаяод̇и д̣̇ийбзнд̇и, винаяам̣ винаяод̇и д̣̇ийбзнд̇и, абхаасид̇ам̣ алабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзнд̇и, бхаасид̇ам̣ лабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзнд̇и, анаажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзнд̇и, аажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзнд̇и, абан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, бан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, анаабад̇д̇им̣ анаабад̇д̇ийд̇и д̣̇ийбзнд̇и, аабад̇д̇им̣ аабад̇д̇ийд̇и д̣̇ийбзнд̇и, лахугам̣ аабад̇д̇им̣ лахугаа аабад̇д̇ийд̇и д̣̇ийбзнд̇и, г̇аругам̣ аабад̇д̇им̣ г̇аругаа аабад̇д̇ийд̇и д̣̇ийбзнд̇и, саавасзсам̣ аабад̇д̇им̣ саавасзсаа аабад̇д̇ийд̇и д̣̇ийбзнд̇и, анавасзсам̣ аабад̇д̇им̣ анавасзсаа аабад̇д̇ийд̇и д̣̇ийбзнд̇и , д̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзнд̇и, ад̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзнд̇и. д̇з имзхи адтаарасахи вад̇т̇уухи на абагассанд̇и, на авабагассанд̇и, на аавзним̣ убосат̇ам̣ гаронд̇и, на аавзним̣ бавааран̣ам̣ гаронд̇и, на аавзним̣ сан̇гхагаммам̣ гаронд̇и. зд̇д̇аавад̇аа ко, убаали, сан̇гхо самаг̇г̇о ход̇ий’’д̇и.
353.6 ‘‘Saṅghasāmaggī saṅghasāmaggīti, bhante, vuccati. Kittāvatā nu kho, bhante, saṅgho samaggo hotī’’ti? ‘‘Idhupāli, bhikkhū adhammaṃ adhammoti dīpenti, dhammaṃ dhammoti dīpenti, avinayaṃ avinayoti dīpenti, vinayaṃ vinayoti dīpenti, abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti, bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti, anāciṇṇaṃ tathāgatena anāciṇṇaṃ tathāgatenāti dīpenti, āciṇṇaṃ tathāgatena āciṇṇaṃ tathāgatenāti dīpenti, apaññattaṃ tathāgatena apaññattaṃ tathāgatenāti dīpenti, paññattaṃ tathāgatena paññattaṃ tathāgatenāti dīpenti, anāpattiṃ anāpattīti dīpenti, āpattiṃ āpattīti dīpenti, lahukaṃ āpattiṃ lahukā āpattīti dīpenti, garukaṃ āpattiṃ garukā āpattīti dīpenti, sāvasesaṃ āpattiṃ sāvasesā āpattīti dīpenti, anavasesaṃ āpattiṃ anavasesā āpattīti dīpenti , duṭṭhullaṃ āpattiṃ duṭṭhullā āpattīti dīpenti, aduṭṭhullaṃ āpattiṃ aduṭṭhullā āpattīti dīpenti. Te imehi aṭṭhārasahi vatthūhi na apakassanti, na avapakassanti, na āveniṃ uposathaṃ karonti, na āveniṃ pavāraṇaṃ karonti, na āveniṃ saṅghakammaṃ karonti. Ettāvatā kho, upāli, saṅgho samaggo hotī’’ti.
354. ‘‘самаг̇г̇ам̣ бана, бханд̇з, сан̇гхам̣ бхинд̣̇ид̇ваа гим̣ со басавад̇ий’’д̇и? ‘‘самаг̇г̇ам̣ ко, убаали, сан̇гхам̣ бхинд̣̇ид̇ваа габбадтигам̣ гиб̣б̣исам̣ басавад̇и, габбам̣ нираяамхи бажжад̇ий’’д̇и.
354. ‘‘Samaggaṃ pana, bhante, saṅghaṃ bhinditvā kiṃ so pasavatī’’ti? ‘‘Samaggaṃ kho, upāli, saṅghaṃ bhinditvā kappaṭṭhikaṃ kibbisaṃ pasavati, kappaṃ nirayamhi paccatī’’ti.
ваг̇г̇арад̇о ад̇хаммадто, яог̇агкзмаа бад̇хам̣сад̇и;
Vaggarato adhammaṭṭho, yogakkhemā padhaṃsati;
сан̇гхам̣ самаг̇г̇ам̣ бхинд̣̇ид̇ваа, габбам̣ нираяамхи бажжад̇ий’’д̇и.
Saṅghaṃ samaggaṃ bhinditvā, kappaṃ nirayamhi paccatī’’ti.
‘‘бхиннам̣ бана, бханд̇з, сан̇гхам̣ самаг̇г̇ам̣ гад̇ваа гим̣ со басавад̇ий’’д̇и? ‘‘бхиннам̣ ко, убаали, сан̇гхам̣ самаг̇г̇ам̣ гад̇ваа б̣рахмам̣ бун̃н̃ам̣ басавад̇и, габбам̣ саг̇г̇амхи мод̣̇ад̇ий’’д̇и.
‘‘Bhinnaṃ pana, bhante, saṅghaṃ samaggaṃ katvā kiṃ so pasavatī’’ti? ‘‘Bhinnaṃ kho, upāli, saṅghaṃ samaggaṃ katvā brahmaṃ puññaṃ pasavati, kappaṃ saggamhi modatī’’ti.
9 ‘‘сукаа сан̇гхасса саамаг̇г̇ий, самаг̇г̇аанан̃жа ануг̇г̇ахо;
10 ‘‘Sukhā saṅghassa sāmaggī, samaggānañca anuggaho;
самаг̇г̇арад̇о д̇хаммадто, яог̇агкзмаа на д̇хам̣сад̇и;
Samaggarato dhammaṭṭho, yogakkhemā na dhaṃsati;
сан̇гхам̣ самаг̇г̇ам̣ гад̇ваана, габбам̣ саг̇г̇амхи мод̣̇ад̇ий’’д̇и.
Saṅghaṃ samaggaṃ katvāna, kappaṃ saggamhi modatī’’ti.
355. 11 ‘‘сияаа ну ко, бханд̇з, сан̇гхабхзд̣̇аго аабааяиго, нзраяиго, габбадто, ад̇згижчо’’д̇и? ‘‘сияаа, убаали, сан̇гхабхзд̣̇аго аабааяиго, нзраяиго, габбадто, ад̇згижчо’’д̇и.
355.12 ‘‘Siyā nu kho, bhante, saṅghabhedako āpāyiko, nerayiko, kappaṭṭho, atekiccho’’ti? ‘‘Siyā, upāli, saṅghabhedako āpāyiko, nerayiko, kappaṭṭho, atekiccho’’ti.
‘‘гад̇амо бана, бханд̇з, сан̇гхабхзд̣̇аго аабааяиго, нзраяиго, габбадто, ад̇згижчо’’д̇и? ‘‘ид̇хубаали, бхигку ад̇хаммам̣ д̇хаммод̇и д̣̇ийбзд̇и. д̇асмим̣ ад̇хаммад̣̇идти, бхзд̣̇з ад̇хаммад̣̇идти, винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго аабааяиго, нзраяиго, габбадто, ад̇згижчо.
‘‘Katamo pana, bhante, saṅghabhedako āpāyiko, nerayiko, kappaṭṭho, atekiccho’’ti? ‘‘Idhupāli, bhikkhu adhammaṃ dhammoti dīpeti. Tasmiṃ adhammadiṭṭhi, bhede adhammadiṭṭhi, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako āpāyiko, nerayiko, kappaṭṭho, atekiccho.
‘‘буна жабарам̣, убаали, бхигку ад̇хаммам̣ д̇хаммод̇и д̣̇ийбзд̇и. д̇асмим̣ ад̇хаммад̣̇идти, бхзд̣̇з д̇хаммад̣̇идти, винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго аабааяиго, нзраяиго, габбадто, ад̇згижчо.
‘‘Puna caparaṃ, upāli, bhikkhu adhammaṃ dhammoti dīpeti. Tasmiṃ adhammadiṭṭhi, bhede dhammadiṭṭhi, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako āpāyiko, nerayiko, kappaṭṭho, atekiccho.
‘‘буна жабарам̣, убаали, бхигку ад̇хаммам̣ д̇хаммод̇и д̣̇ийбзд̇и. д̇асмим̣ ад̇хаммад̣̇идти, бхзд̣̇з взмад̇иго, винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго аабааяиго, нзраяиго, габбадто, ад̇згижчо.
‘‘Puna caparaṃ, upāli, bhikkhu adhammaṃ dhammoti dīpeti. Tasmiṃ adhammadiṭṭhi, bhede vematiko, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako āpāyiko, nerayiko, kappaṭṭho, atekiccho.
‘‘буна жабарам̣, убаали, бхигку ад̇хаммам̣ д̇хаммод̇и д̣̇ийбзд̇и. д̇асмим̣ д̇хаммад̣̇идти, бхзд̣̇з ад̇хаммад̣̇идти…бз… (д̇асмим̣ д̇хаммад̣̇идти бхзд̣̇з д̇хаммад̣̇идти) 17. д̇асмим̣ д̇хаммад̣̇идти бхзд̣̇з взмад̇иго. д̇асмим̣ взмад̇иго бхзд̣̇з ад̇хаммад̣̇идти. д̇асмим̣ взмад̇иго бхзд̣̇з д̇хаммад̣̇идти. д̇асмим̣ взмад̇иго бхзд̣̇з взмад̇иго винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго аабааяиго, нзраяиго, габбадто, ад̇згижчо.
‘‘Puna caparaṃ, upāli, bhikkhu adhammaṃ dhammoti dīpeti. Tasmiṃ dhammadiṭṭhi, bhede adhammadiṭṭhi…pe… (tasmiṃ dhammadiṭṭhi bhede dhammadiṭṭhi) 18. Tasmiṃ dhammadiṭṭhi bhede vematiko. Tasmiṃ vematiko bhede adhammadiṭṭhi. Tasmiṃ vematiko bhede dhammadiṭṭhi. Tasmiṃ vematiko bhede vematiko vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako āpāyiko, nerayiko, kappaṭṭho, atekiccho.
‘‘буна жабарам̣, убаали, бхигку д̇хаммам̣ ад̇хаммод̇и д̣̇ийбзд̇и…бз… авинаяам̣ винаяод̇и д̣̇ийбзд̇и… винаяам̣ авинаяод̇и д̣̇ийбзд̇и… абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇и… бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇и… анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзд̇и… аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзд̇и… абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и… бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и… анаабад̇д̇им̣ аабад̇д̇ийд̇и д̣̇ийбзд̇и… аабад̇д̇им̣ анаабад̇д̇ийд̇и д̣̇ийбзд̇и… лахугам̣ аабад̇д̇им̣ г̇аругаа аабад̇д̇ийд̇и д̣̇ийбзд̇и… г̇аругам̣ аабад̇д̇им̣ лахугаа аабад̇д̇ийд̇и д̣̇ийбзд̇и… саавасзсам̣ аабад̇д̇им̣ анавасзсаа аабад̇д̇ийд̇и д̣̇ийбзд̇и… анавасзсам̣ аабад̇д̇им̣ саавасзсаа аабад̇д̇ийд̇и д̣̇ийбзд̇и… д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и… ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзд̇и… д̇асмим̣ ад̇хаммад̣̇идти, бхзд̣̇з ад̇хаммад̣̇идти…бз… д̇асмим̣ ад̇хаммад̣̇идти, бхзд̣̇з д̇хаммад̣̇идти … д̇асмим̣ ад̇хаммад̣̇идти, бхзд̣̇з взмад̇иго… д̇асмим̣ д̇хаммад̣̇идти, бхзд̣̇з ад̇хаммад̣̇идти… (д̇асмим̣ д̇хаммад̣̇идти, бхзд̣̇з д̇хаммад̣̇идти) 19 … д̇асмим̣ д̇хаммад̣̇идти, бхзд̣̇з взмад̇иго… д̇асмим̣ взмад̇иго, бхзд̣̇з ад̇хаммад̣̇идти… д̇асмим̣ взмад̇иго, бхзд̣̇з д̇хаммад̣̇идти… д̇асмим̣ взмад̇иго, бхзд̣̇з взмад̇иго, винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго аабааяиго, нзраяиго, габбадто, ад̇згижчо’’д̇и.
‘‘Puna caparaṃ, upāli, bhikkhu dhammaṃ adhammoti dīpeti…pe… avinayaṃ vinayoti dīpeti… vinayaṃ avinayoti dīpeti… abhāsitaṃ alapitaṃ tathāgatena bhāsitaṃ lapitaṃ tathāgatenāti dīpeti… bhāsitaṃ lapitaṃ tathāgatena abhāsitaṃ alapitaṃ tathāgatenāti dīpeti… anāciṇṇaṃ tathāgatena āciṇṇaṃ tathāgatenāti dīpeti… āciṇṇaṃ tathāgatena anāciṇṇaṃ tathāgatenāti dīpeti… apaññattaṃ tathāgatena paññattaṃ tathāgatenāti dīpeti… paññattaṃ tathāgatena apaññattaṃ tathāgatenāti dīpeti… anāpattiṃ āpattīti dīpeti… āpattiṃ anāpattīti dīpeti… lahukaṃ āpattiṃ garukā āpattīti dīpeti… garukaṃ āpattiṃ lahukā āpattīti dīpeti… sāvasesaṃ āpattiṃ anavasesā āpattīti dīpeti… anavasesaṃ āpattiṃ sāvasesā āpattīti dīpeti… duṭṭhullaṃ āpattiṃ aduṭṭhullā āpattīti dīpeti… aduṭṭhullaṃ āpattiṃ duṭṭhullā āpattīti dīpeti… tasmiṃ adhammadiṭṭhi, bhede adhammadiṭṭhi…pe… tasmiṃ adhammadiṭṭhi, bhede dhammadiṭṭhi … tasmiṃ adhammadiṭṭhi, bhede vematiko… tasmiṃ dhammadiṭṭhi, bhede adhammadiṭṭhi… (tasmiṃ dhammadiṭṭhi, bhede dhammadiṭṭhi) 20 … tasmiṃ dhammadiṭṭhi, bhede vematiko… tasmiṃ vematiko, bhede adhammadiṭṭhi… tasmiṃ vematiko, bhede dhammadiṭṭhi… tasmiṃ vematiko, bhede vematiko, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako āpāyiko, nerayiko, kappaṭṭho, atekiccho’’ti.
‘‘гад̇амо бана, бханд̇з, сан̇гхабхзд̣̇аго на аабааяиго, на нзраяиго, на габбадто , на ад̇згижчо’’д̇и? ‘‘ид̇хубаали, бхигку ад̇хаммам̣ д̇хаммод̇и д̣̇ийбзд̇и. д̇асмим̣ д̇хаммад̣̇идти, бхзд̣̇з д̇хаммад̣̇идти , авинид̇хааяа д̣̇идтим̣, авинид̇хааяа канд̇им̣, авинид̇хааяа ружим̣, авинид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко, убаали, сан̇гхабхзд̣̇аго на аабааяиго, на нзраяиго, на габбадто, на ад̇згижчо.
‘‘Katamo pana, bhante, saṅghabhedako na āpāyiko, na nerayiko, na kappaṭṭho , na atekiccho’’ti? ‘‘Idhupāli, bhikkhu adhammaṃ dhammoti dīpeti. Tasmiṃ dhammadiṭṭhi, bhede dhammadiṭṭhi , avinidhāya diṭṭhiṃ, avinidhāya khantiṃ, avinidhāya ruciṃ, avinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho, upāli, saṅghabhedako na āpāyiko, na nerayiko, na kappaṭṭho, na atekiccho.
‘‘буна жабарам̣, убаали, бхигку д̇хаммам̣ ад̇хаммод̇и д̣̇ийбзд̇и…бз… д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и. д̇асмим̣ д̇хаммад̣̇идти, бхзд̣̇з д̇хаммад̣̇идти, авинид̇хааяа д̣̇идтим̣, авинид̇хааяа канд̇им̣, авинид̇хааяа ружим̣, авинид̇хааяа бхаавам̣, ануссаавзд̇и, салаагам̣ г̇аахзд̇и – ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. аяамби ко , убаали, сан̇гхабхзд̣̇аго на аабааяиго, на нзраяиго, на габбадто, на ад̇згижчо’’д̇и.
‘‘Puna caparaṃ, upāli, bhikkhu dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti. Tasmiṃ dhammadiṭṭhi, bhede dhammadiṭṭhi, avinidhāya diṭṭhiṃ, avinidhāya khantiṃ, avinidhāya ruciṃ, avinidhāya bhāvaṃ, anussāveti, salākaṃ gāheti – ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Ayampi kho , upāli, saṅghabhedako na āpāyiko, na nerayiko, na kappaṭṭho, na atekiccho’’ti.
д̇ад̇ияабхаан̣авааро нидтид̇о.
Tatiyabhāṇavāro niṭṭhito.
сан̇гхабхзд̣̇агагканд̇хаго сад̇д̇амо.
Saṅghabhedakakkhandhako sattamo.
д̇ассуд̣̇д̣̇аанам̣ –
Tassuddānaṃ –
анубияз абхин̃н̃аад̇аа, сукумаало на ижчад̇и;
Anupiye abhiññātā, sukhumālo na icchati;
гасаа вабаа абхи ниннз, нид̣̇д̇хаа лаавз жа уб̣б̣ахз.
Kasā vapā abhi ninne, niddhā lāve ca ubbahe.
бун̃ж̇амад̣̇д̣̇абалаалан̃жа, бхусаопун̣анийхарз;
Puñjamaddapalālañca, bhusaophuṇanīhare;
ааяад̇имби на кийяанд̇и, бид̇аро жа бид̇аамахаа.
Āyatimpi na khīyanti, pitaro ca pitāmahā.
бхад̣̇д̣̇ияо ануруд̣̇д̇хо жа, аананд̣̇о бхаг̇у гимило;
Bhaddiyo anuruddho ca, ānando bhagu kimilo;
сагяамаано жа госамб̣им̣, барихааяи гагуд̇хзна жа.
Sakyamāno ca kosambiṃ, parihāyi kakudhena ca.
багаасзси бид̇уно жа, бурисз силам̣ наал̣ааг̇ирим̣;
Pakāsesi pituno ca, purise silaṃ nāḷāgiriṃ;
д̇игабан̃жаг̇аруго ко, бхинд̣̇и т̇уллажжаязна жа;
Tikapañcagaruko kho, bhindi thullaccayena ca;
д̇аяо адта буна д̇ийн̣и, рааж̇и бхзд̣̇аа сияаа ну код̇и.
Tayo aṭṭha puna tīṇi, rāji bhedā siyā nu khoti.
сан̇гхабхзд̣̇агагканд̇хагам̣ нидтид̇ам̣.
Saṅghabhedakakkhandhakaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / убаалибан̃хаагат̇аа • Upālipañhākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалибан̃хагат̇ааван̣н̣анаа • Upālipañhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убаалибан̃хаагат̇ааван̣н̣анаа • Upālipañhākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / убаалибан̃хаагат̇аа • Upālipañhākathā
