| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
உபாலிபஞ்ஹாகதா²
Upālipañhākathā
351. ஏகதோதி எத்த² தோபச்சயஸ்ஸ ஸத்தம்யத்தே² பவத்தபா⁴வங் த³ஸ்ஸெந்தோ ஆஹ ‘‘த⁴ம்மவாதீ³பக்கே²’’தி. ‘‘அனுனயந்தோ’’தி இமினா அனுஸ்ஸாவேதீதி எத்த² அனுஸத்³த³ஸ்ஸ அத்த²ங் த³ஸ்ஸேதி. அனுனயந்தோதி புனப்புனங் நயந்தோ. ஸாவனாகாரங் த³ஸ்ஸெந்தோ ஆஹ ‘‘ந தும்ஹாகங்யேவா’’திஆதி³. அயங் அத⁴ம்மோ வா அயங் அவினயோ வா இத³ங் அஸத்து²ஸாஸனங் வா யதி³ ப⁴வெய்யாதி யோஜனா. ‘‘போ³தே⁴தீ’’தி இமினா ஸாவேதீதி எத்த² ஸுதா⁴துயா அத்த²ங் த³ஸ்ஸேதி. ‘‘அனுஸ்ஸாவெத்வா’’தி இமினா ‘‘அனுஸ்ஸாவேதி, ஸலாகங் கா³ஹேதீ’’தி எத்த² அனுஸ்ஸாவனகிரியா புப்³ப³பா⁴கே³ பவத்தா, ஸலாகக்³கா³ஹகிரியா பச்சா²பா⁴கே³தி த³ஸ்ஸேதி.
351.Ekatoti ettha topaccayassa sattamyatthe pavattabhāvaṃ dassento āha ‘‘dhammavādīpakkhe’’ti. ‘‘Anunayanto’’ti iminā anussāvetīti ettha anusaddassa atthaṃ dasseti. Anunayantoti punappunaṃ nayanto. Sāvanākāraṃ dassento āha ‘‘na tumhākaṃyevā’’tiādi. Ayaṃ adhammo vā ayaṃ avinayo vā idaṃ asatthusāsanaṃ vā yadi bhaveyyāti yojanā. ‘‘Bodhetī’’ti iminā sāvetīti ettha sudhātuyā atthaṃ dasseti. ‘‘Anussāvetvā’’ti iminā ‘‘anussāveti, salākaṃ gāhetī’’ti ettha anussāvanakiriyā pubbabhāge pavattā, salākaggāhakiriyā pacchābhāgeti dasseti.
எத்தாவதாதி எத்தகேன அனுஸ்ஸாவனஸலாகக்³கா³ஹமத்தேன. ந பன ஸங்கோ⁴ பி⁴ன்னோ ஹோதி, அனுஸ்ஸாவெத்வா ஸலாகங் கா³ஹெத்வா ஆவேணிகங் ஸங்க⁴கம்மே கதேயேவ ஸங்கோ⁴ பி⁴ன்னோ ஹோதீதி அதி⁴ப்பாயோ.
Ettāvatāti ettakena anussāvanasalākaggāhamattena. Na pana saṅgho bhinno hoti, anussāvetvā salākaṃ gāhetvā āveṇikaṃ saṅghakamme kateyeva saṅgho bhinno hotīti adhippāyo.
எத்த² ட²த்வா கஸ்ஸசி சோத³கஸ்ஸ அனுயோகோ³ ஸியாதி யோஜனா. கிந்தி ஸியாதி ஆஹ ‘‘ஏவங் தே³வத³த்தோ’’திஆதி³. தத்த² ஏவந்தி பகதத்தே ஸங்கே⁴ பி⁴ந்தே³ ஸதீதி அத்தோ². கத²ந்தி கேனாகாரேன. புன கத²ந்தி கஸ்மா காரணா. ரஞ்ஞோதி அஜாதஸத்துரஞ்ஞோ, காரிதகம்மங். ‘‘கா⁴தாபிதத்தா’’தி பி³ம்பி³ஸாரராஜானங் கா⁴தாபிதத்தா. தத்தா²தி ‘‘பி⁴க்கு² கோ² உபாலீ’’திஆதி³வசனே, ட²த்வா பரிஹாரங் வதா³மாதி யோஜனா. விரத்³த⁴த்தாதி விராதி⁴தத்தா. தமத்த²ங் வித்தா²ரெந்தோ ஆஹ ‘‘தேன ஹீ’’திஆதி³. தத்த² தேன ஹீதி உய்யோஜனத்தே² நிபாதோ. ஏவஞ்ஹீதி ஏவமேவ. தஸ்ஸாதி தே³வத³த்தஸ்ஸ. குமாரோ பனாதி அஜாதஸத்துகுமாரோ பன, கதமத்தேயேவ ந வுத்தாதி ஸம்ப³ந்தோ⁴. தஸ்ஸாதி தே³வத³த்தஸ்ஸ. தஸ்மாதி யஸ்மா ஸங்க⁴பே⁴த³தோ புப்³பே³ ருஹிதுப்பாத³கம்மங் கரொந்தஸ்ஸாபி பச்சா² அப⁴ப்³ப³பா⁴வோ ரோபிதோ, தஸ்மா.
Ettha ṭhatvā kassaci codakassa anuyogo siyāti yojanā. Kinti siyāti āha ‘‘evaṃ devadatto’’tiādi. Tattha evanti pakatatte saṅghe bhinde satīti attho. Kathanti kenākārena. Puna kathanti kasmā kāraṇā. Raññoti ajātasatturañño, kāritakammaṃ. ‘‘Ghātāpitattā’’ti bimbisārarājānaṃ ghātāpitattā. Tatthāti ‘‘bhikkhu kho upālī’’tiādivacane, ṭhatvā parihāraṃ vadāmāti yojanā. Viraddhattāti virādhitattā. Tamatthaṃ vitthārento āha ‘‘tena hī’’tiādi. Tattha tena hīti uyyojanatthe nipāto. Evañhīti evameva. Tassāti devadattassa. Kumāro panāti ajātasattukumāro pana, katamatteyeva na vuttāti sambandho. Tassāti devadattassa. Tasmāti yasmā saṅghabhedato pubbe ruhituppādakammaṃ karontassāpi pacchā abhabbabhāvo ropito, tasmā.
பே⁴த³கரவத்தூ²ஸு ஏவங் வினிச்ச²யோ வேதி³தப்³போ³தி யோஜனா. த⁴ம்மாத⁴ம்மாதீ³னங் ஸுத்தந்தவினயபரியாயேன விஸேஸங் த³ஸ்ஸெந்தோ ஆஹ ‘‘ஸுத்தந்தபரியாயேனா’’திஆதி³. தத்த² ஸுத்தந்தபரியாயேனாதி ஸுத்தந்ததே³ஸனாய, ஸுத்தந்ததே³ஸனானயதோதி வுத்தங் ஹோதி. ததா²தி ததோ அஞ்ஞதா².
Bhedakaravatthūsu evaṃ vinicchayo veditabboti yojanā. Dhammādhammādīnaṃ suttantavinayapariyāyena visesaṃ dassento āha ‘‘suttantapariyāyenā’’tiādi. Tattha suttantapariyāyenāti suttantadesanāya, suttantadesanānayatoti vuttaṃ hoti. Tathāti tato aññathā.
தத்தா²தி த்³வீஸு த⁴ம்மாத⁴ம்மேஸு. ஏவங் அம்ஹாகந்தி ஏவங் கரியமானே அம்ஹாகங். ஏவங் ஸுத்தந்தபரியாயேன த⁴ம்மாத⁴ம்மானங் விஸேஸங் த³ஸ்ஸெத்வா இதா³னி வினயபரியாயேன தேஸங் தங் த³ஸ்ஸெந்தோ ஆஹ ‘‘வினயபரியாயேன பனா’’திஆதி³. பூ⁴தேன வத்து²னா காதப்³ப³ந்தி ஸம்ப³ந்தோ⁴. ஏவங் ‘‘அபூ⁴தேன வத்து²னா’’தி எத்தா²பி.
Tatthāti dvīsu dhammādhammesu. Evaṃ amhākanti evaṃ kariyamāne amhākaṃ. Evaṃ suttantapariyāyena dhammādhammānaṃ visesaṃ dassetvā idāni vinayapariyāyena tesaṃ taṃ dassento āha ‘‘vinayapariyāyena panā’’tiādi. Bhūtena vatthunā kātabbanti sambandho. Evaṃ ‘‘abhūtena vatthunā’’ti etthāpi.
ஏவங் த்³வின்னங் பரியாயானங் வஸேன த⁴ம்மாத⁴ம்மது³கஸ்ஸ விஸேஸங் த³ஸ்ஸெத்வா இதா³னி வினயாவினயது³கஸ்ஸ விஸேஸங் த³ஸ்ஸெந்தோ ஆஹ ‘‘ஸுத்தந்தபரியாயேனா’’திஆதி³ . தத்த² ஸுத்தந்தனயேன ராகா³த³யோ வினேதீதி வினயோ, வினயனயேன காயங் வாசங் வினேதீதி வினயோதி வசனத்தோ² காதப்³போ³.
Evaṃ dvinnaṃ pariyāyānaṃ vasena dhammādhammadukassa visesaṃ dassetvā idāni vinayāvinayadukassa visesaṃ dassento āha ‘‘suttantapariyāyenā’’tiādi . Tattha suttantanayena rāgādayo vinetīti vinayo, vinayanayena kāyaṃ vācaṃ vinetīti vinayoti vacanattho kātabbo.
ஏவங் த்³வின்னங் பரியாயானங் வஸேன வினயாவினயது³கஸ்ஸ விஸேஸங் த³ஸ்ஸெத்வா இதா³னி பா⁴ஸிதாபா⁴ஸிதது³கஸ்ஸ விஸேஸங் த³ஸ்ஸெந்தோ ஆஹ ‘‘ஸுத்தந்தபரியாயேன சத்தாரோ ஸதிபட்டா²னா’’திஆதி³. தத்த² ‘‘அட்ட²ங்கி³கோ மக்³கோ³’’தி இத³ங் வசனங் ததா²க³தேன பா⁴ஸிதங் லபிதந்தி யோஜனா.
Evaṃ dvinnaṃ pariyāyānaṃ vasena vinayāvinayadukassa visesaṃ dassetvā idāni bhāsitābhāsitadukassa visesaṃ dassento āha ‘‘suttantapariyāyena cattāro satipaṭṭhānā’’tiādi. Tattha ‘‘aṭṭhaṅgiko maggo’’ti idaṃ vacanaṃ tathāgatena bhāsitaṃ lapitanti yojanā.
ஏவங் த்³வின்னங் பரியாயானங் வஸேன பா⁴ஸிதாபா⁴ஸிதது³கஸ்ஸ விஸேஸங் த³ஸ்ஸெத்வா இதா³னி ஆசிண்ணானாசிண்ணது³கஸ்ஸ விஸேஸங் த³ஸ்ஸெந்தோ ஆஹ ‘‘ஸுத்தந்தபரியாயேன தே³வஸிக’’ந்திஆதி³. தத்த² ‘‘தே³வஸிக’’ந்தி பத³ங் ‘‘ஸமாபஜ்ஜனங், வோலோகன’’ந்தி தீஸுயேவ பதே³ஸு யோஜேதப்³ப³ங். அட்டு²ப்பத்திவஸேனாதி காரணுப்பத்திவஸேன. காரணஞ்ஹி அரதி ப²லங் ஏதஸ்மாதி அத்தோ²தி வுச்சதி, அத்த²ஸ்ஸ உப்பத்தி அத்து²ப்பத்தி, ஸாயேவ அட்டு²ப்பத்தி த்த²காரஸ்ஸ ட்ட²காரங் கத்வா, அட்டு²ப்பத்தியா வஸோ அட்டு²ப்பத்திவஸோ, தேன. இத³ங் பத³ங் ‘‘ஸுத்தந்ததே³ஸனா ஜாதககதா²’’தி த்³வீஹிபி பதே³ஹி யோஜேதப்³ப³ங். இத³ந்தி ப²லஸமாபத்திஸமாபஜ்ஜனாதி³. ஆசிண்ணந்தி ஆ ப³ந்தி⁴தங், புனப்புனங் வா உபசிதங் வட்³டி⁴தங், பகு³ணங் வா. சாரியபக்கமனந்தி சாரியத்த²ங் பக்கமனங்.
Evaṃ dvinnaṃ pariyāyānaṃ vasena bhāsitābhāsitadukassa visesaṃ dassetvā idāni āciṇṇānāciṇṇadukassa visesaṃ dassento āha ‘‘suttantapariyāyena devasika’’ntiādi. Tattha ‘‘devasika’’nti padaṃ ‘‘samāpajjanaṃ, volokana’’nti tīsuyeva padesu yojetabbaṃ. Aṭṭhuppattivasenāti kāraṇuppattivasena. Kāraṇañhi arati phalaṃ etasmāti atthoti vuccati, atthassa uppatti atthuppatti, sāyeva aṭṭhuppatti tthakārassa ṭṭhakāraṃ katvā, aṭṭhuppattiyā vaso aṭṭhuppattivaso, tena. Idaṃ padaṃ ‘‘suttantadesanā jātakakathā’’ti dvīhipi padehi yojetabbaṃ. Idanti phalasamāpattisamāpajjanādi. Āciṇṇanti ā bandhitaṃ, punappunaṃ vā upacitaṃ vaḍḍhitaṃ, paguṇaṃ vā. Cāriyapakkamananti cāriyatthaṃ pakkamanaṃ.
ஏவங் த்³வின்னங் பரியாயானங் வஸேன ஆசிண்ணானாசிண்ணது³கஸ்ஸ விஸேஸங் த³ஸ்ஸெத்வா இதா³னி பஞ்ஞத்தது³கஸ்ஸ விஸேஸங் த³ஸ்ஸெந்தோ ஆஹ ‘‘ஸுத்தந்தபரியாயேன சத்தாரோ ஸதிபட்டா²னா’’திஆதி³. தங் பா⁴ஸிதாபா⁴ஸிதது³கஸதி³ஸமேவ. ஏவங் த்³வின்னங் ஸுத்தந்தவினயபரியாயானங் வஸேன பஞ்சன்னங் து³கானங் விஸேஸோ த³ஸ்ஸிதோ.
Evaṃ dvinnaṃ pariyāyānaṃ vasena āciṇṇānāciṇṇadukassa visesaṃ dassetvā idāni paññattadukassa visesaṃ dassento āha ‘‘suttantapariyāyena cattāro satipaṭṭhānā’’tiādi. Taṃ bhāsitābhāsitadukasadisameva. Evaṃ dvinnaṃ suttantavinayapariyāyānaṃ vasena pañcannaṃ dukānaṃ viseso dassito.
ஆபத்தானாபத்திது³கே ‘‘ந மோசனாதி⁴ப்பாயஸ்ஸா’’தி பாட²ஸ்ஸ அனந்தரே பச்சி²மவாக்யே டி²தோ ஆதி³ஸத்³தோ³ ஆனேதப்³போ³. இதி ஆதி³னா நயேனாதி ஹி அத்தோ². தத்த² தத்தா²தி தஸ்மிங் தஸ்மிங் ஸிக்கா²பதே³. இத³ங் பத³ங் பச்சி²மவாக்யேபி அனுவத்தேதப்³ப³ங்.
Āpattānāpattiduke ‘‘na mocanādhippāyassā’’ti pāṭhassa anantare pacchimavākye ṭhito ādisaddo ānetabbo. Iti ādinā nayenāti hi attho. Tattha tatthāti tasmiṃ tasmiṃ sikkhāpade. Idaṃ padaṃ pacchimavākyepi anuvattetabbaṃ.
லஹுகக³ருகது³கே பஞ்சாபத்திக்க²ந்தா⁴தி து²ல்லச்சயபாசித்தியபாடிதே³ஸனீயது³க்கடது³ப்³பா⁴ஸிதவஸேன பஞ்ச ஆபத்திராஸயோ. த்³வே ஆபத்திக்க²ந்தா⁴தி பாராஜிகஸங்கா⁴தி³ஸேஸவஸேன த்³வே ஆபத்திராஸயோ.
Lahukagarukaduke pañcāpattikkhandhāti thullaccayapācittiyapāṭidesanīyadukkaṭadubbhāsitavasena pañca āpattirāsayo. Dve āpattikkhandhāti pārājikasaṅghādisesavasena dve āpattirāsayo.
ஸாவஸேஸானாவஸேஸது³கே ச² ஆபத்திக்க²ந்தா⁴தி பாராஜிகாபத்திதோ அவஸேஸா ச² ஆபத்திராஸயோ.
Sāvasesānāvasesaduke cha āpattikkhandhāti pārājikāpattito avasesā cha āpattirāsayo.
து³ட்டு²ல்லாது³ட்டு²ல்லது³கே லஹுகக³ருகது³கஸதி³ஸமேவ. அயங் பன விஸேஸோ – க³ருகாபத்தி து³ட்டு²ல்லா நாம , லஹுகாபத்தி அது³ட்டு²ல்லா நாமாதி ஏவங் வினயபரியாயவஸேனேவ சதுன்னங் து³கானங் விஸேஸோ த³ஸ்ஸிதோ.
Duṭṭhullāduṭṭhulladuke lahukagarukadukasadisameva. Ayaṃ pana viseso – garukāpatti duṭṭhullā nāma , lahukāpatti aduṭṭhullā nāmāti evaṃ vinayapariyāyavaseneva catunnaṃ dukānaṃ viseso dassito.
எத்தா²தி ‘‘அத⁴ம்மங் த⁴ம்மோதி தீ³பெந்தீ’’திஆதி³வசனே. சதுன்னங் ஸங்க⁴கம்மானந்தி அபலோகனாதி³வஸேன சதுன்னங் ஸங்க⁴கம்மானங். கரொந்தேஹி ஹேதுபூ⁴தேஹி, ஹெத்வத்தே² சேதங் கரணவசனங்.
Etthāti ‘‘adhammaṃ dhammoti dīpentī’’tiādivacane. Catunnaṃ saṅghakammānanti apalokanādivasena catunnaṃ saṅghakammānaṃ. Karontehi hetubhūtehi, hetvatthe cetaṃ karaṇavacanaṃ.
தத்தா²தி ‘‘தே இமேஹீ’’திஆதி³வசனே. அபகஸ்ஸந்தீதி எத்த² கஸதா⁴துஸ்ஸ க³த்யத்த²ங் த³ஸ்ஸெந்தோ ஆஹ ‘‘பரிஸங் ஆகட்³ட⁴ந்தீ’’தி. விஜடெந்தீதி விஜடங் கரொந்தி, விஸுங் கரொந்தீதி அத்தோ². ஏகமந்தங் உஸ்ஸாதெ³ந்தீதி ஏகஸ்மிங் அந்தே உஸ்ஸத³ங் கரொந்தி. அவபகஸ்ஸந்தீதி எத்த² த்³வின்னங் உபஸக்³கா³னங் வஸேன அதிவியத்தோ² த³ட்ட²ப்³போ³தி ஆஹ ‘‘அதி விய ஆகட்³ட⁴ந்தீ’’தி. அதிவியத்த²ங் ஆவிகரொந்தோ ஆஹ ‘‘யதா² விஸங்ஸட்டா²வ ஹொந்தி, ஏவங் கரொந்தீ’’தி. யதா²தி யேனாகாரேன கரியமானேதி ஸம்ப³ந்தோ⁴. ‘‘விஸு’’ந்தி இமினா ஆவேணிஸத்³தோ³ ‘‘விஸு’’ந்திஅத்த²வாசகோ அனிப்ப²ன்னபாடிபதி³கோதி த³ஸ்ஸேதி. வத்தூ²ஸூதி பே⁴த³கரவத்தூ²ஸு. இமங் க³ண்ஹதா²தி இமங் வாத³ங் க³ண்ஹத². விஸுந்தி ஆவேணிங். இமஸ்மிங் க²ந்த⁴கே வுத்தவசனங் பரிவாரபாளியா ஸங்ஸந்தெ³ந்தோ ஆஹ ‘‘பரிவாரே பனா’’திஆதி³. தத்த² பஞ்சஹி ஆகாரேஹீதி ‘‘கம்மேன உத்³தே³ஸேன வோஹரந்தோ அனுஸ்ஸாவனேன ஸலாகக்³கா³ஹேனா’’தி (பரி॰ 458) ஏவங் பஞ்சஹி காரணேஹி. தஸ்ஸாதி பரிவாரே வுத்தவசனஸ்ஸ. இதா⁴தி இமஸ்மிங் ஸங்க⁴பே⁴த³கக்க²ந்த⁴கே, வுத்தேன இமினா ஸங்க⁴பே⁴த³லக்க²ணேனாதி யோஜனா. ‘‘அத்த²தோ நானாகரணங் நத்தீ²’’தி இமினா ஸத்³த³தோ நானாகரணங் அத்தீ²தி தீ³பேதி. அஸ்ஸாதி ஸங்க⁴பே⁴த³லக்க²ணஸ்ஸ. தங் பன நானாகரணாபா⁴வந்தி யோஜனா. தத்தே²வாதி பரிவாரே ஏவ. ஸப்³ப³த்தா²தி ஸப்³ப³ஸ்மிங் ஸங்க⁴பே⁴த³கக்க²ந்த⁴கே.
Tatthāti ‘‘te imehī’’tiādivacane. Apakassantīti ettha kasadhātussa gatyatthaṃ dassento āha ‘‘parisaṃ ākaḍḍhantī’’ti. Vijaṭentīti vijaṭaṃ karonti, visuṃ karontīti attho. Ekamantaṃ ussādentīti ekasmiṃ ante ussadaṃ karonti. Avapakassantīti ettha dvinnaṃ upasaggānaṃ vasena ativiyattho daṭṭhabboti āha ‘‘ati viya ākaḍḍhantī’’ti. Ativiyatthaṃ āvikaronto āha ‘‘yathā visaṃsaṭṭhāva honti, evaṃ karontī’’ti. Yathāti yenākārena kariyamāneti sambandho. ‘‘Visu’’nti iminā āveṇisaddo ‘‘visu’’ntiatthavācako anipphannapāṭipadikoti dasseti. Vatthūsūti bhedakaravatthūsu. Imaṃ gaṇhathāti imaṃ vādaṃ gaṇhatha. Visunti āveṇiṃ. Imasmiṃ khandhake vuttavacanaṃ parivārapāḷiyā saṃsandento āha ‘‘parivāre panā’’tiādi. Tattha pañcahi ākārehīti ‘‘kammena uddesena voharanto anussāvanena salākaggāhenā’’ti (pari. 458) evaṃ pañcahi kāraṇehi. Tassāti parivāre vuttavacanassa. Idhāti imasmiṃ saṅghabhedakakkhandhake, vuttena iminā saṅghabhedalakkhaṇenāti yojanā. ‘‘Atthato nānākaraṇaṃ natthī’’ti iminā saddato nānākaraṇaṃ atthīti dīpeti. Assāti saṅghabhedalakkhaṇassa. Taṃ pana nānākaraṇābhāvanti yojanā. Tatthevāti parivāre eva. Sabbatthāti sabbasmiṃ saṅghabhedakakkhandhake.
இதி ஸங்க⁴பே⁴த³கக்க²ந்த⁴கவண்ணனாய யோஜனா ஸமத்தா.
Iti saṅghabhedakakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / உபாலிபஞ்ஹா • Upālipañhā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / உபாலிபஞ்ஹாகதா² • Upālipañhākathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபாலிபஞ்ஹகதா²வண்ணனா • Upālipañhakathāvaṇṇanā
