| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
убаалибан̃хагат̇ааван̣н̣анаа
Upālipañhakathāvaṇṇanā
351. убаалибан̃хз яам̣ вад̇д̇аб̣б̣ам̣, д̇ам̣ адтагат̇ааяам̣ д̣̇ассид̇амзва. д̇ад̇т̇а анунаяанд̇од̇и ануж̇аанаабзнд̇о, бхзд̣̇асса ануруубам̣ ваа б̣од̇хзнд̇о, яат̇аа бхзд̣̇о ход̇и, звам̣ бхинд̣̇ид̇аб̣б̣з бхигкуу вин̃н̃аабзнд̇од̇и ад̇т̇о. д̇знааха ‘‘на д̇умхаага’’нд̇иаад̣̇и.
351. Upālipañhe yaṃ vattabbaṃ, taṃ aṭṭhakathāyaṃ dassitameva. Tattha anunayantoti anujānāpento, bhedassa anurūpaṃ vā bodhento, yathā bhedo hoti, evaṃ bhinditabbe bhikkhū viññāpentoti attho. Tenāha ‘‘na tumhāka’’ntiādi.
352. адтаарасабхзд̣̇агаравад̇т̇умхи д̣̇аса агусалагаммабат̇аа сам̣гилидтад̇хаммад̇ааяа вод̣̇аанад̇хаммабаабагкад̇д̇аа ‘‘ад̇хаммо’’д̇и д̣̇ассид̇аа, д̇ат̇аа убаад̣̇аанаад̣̇аяо, б̣од̇хибагкияад̇хаммаанам̣ зганд̇аанаваж̇ж̇абхаавад̇о над̇т̇и ад̇хаммабхааво, бхаг̇авад̇аа бана д̣̇зсид̇аагаарзна хаабзд̇ваа вад̣дхзд̇ваа ваа гат̇анам̣ яат̇аад̇хаммам̣ агат̇ананд̇и гад̇ваа ад̇хаммабхаавод̇и д̣̇ассзнд̇о ааха ‘‘д̇аяо сад̇ибадтаанаа’’д̇иаад̣̇и. нияяааниганд̇и сабаадихийрам̣ аббадихад̇ам̣ худ̇ваа бавад̇д̇ад̇ийд̇и ад̇т̇о. д̇ат̇зваад̇и иминаа ‘‘звам̣ амхаага’’нд̇иаад̣̇инаа вуд̇д̇амад̇т̇ам̣ аагад̣дхад̇и. гаад̇аб̣б̣ам̣ гаммам̣ д̇хаммо наамаад̇и яат̇аад̇хаммам̣ гаран̣ад̇о д̇хаммо наама, ид̇арам̣ вуд̇д̇авибарияааяад̇о ад̇хаммо наама.
352. Aṭṭhārasabhedakaravatthumhi dasa akusalakammapathā saṃkiliṭṭhadhammatāya vodānadhammapaapakkhattā ‘‘adhammo’’ti dassitā, tathā upādānādayo, bodhipakkhiyadhammānaṃ ekantānavajjabhāvato natthi adhammabhāvo, bhagavatā pana desitākārena hāpetvā vaḍḍhetvā vā kathanaṃ yathādhammaṃ akathananti katvā adhammabhāvoti dassento āha ‘‘tayo satipaṭṭhānā’’tiādi. Niyyānikanti sapāṭihīraṃ appaṭihataṃ hutvā pavattatīti attho. Tathevāti iminā ‘‘evaṃ amhāka’’ntiādinā vuttamatthaṃ ākaḍḍhati. Kātabbaṃ kammaṃ dhammo nāmāti yathādhammaṃ karaṇato dhammo nāma, itaraṃ vuttavipariyāyato adhammo nāma.
рааг̇авинаяо…бз… аяам̣ винаяо наамаад̇и рааг̇аад̣̇ийнам̣ винаяанад̇о сам̣варан̣ад̇о баж̇аханад̇о бадисан̇каанад̇о жа винаяо наама, вуд̇д̇авибарияааязна ид̇аро авинаяо. вад̇т̇усамбад̇д̇иаад̣̇ивасзна саб̣б̣зсам̣ винаяагаммаанам̣ агуббад̇аад̇и ааха ‘‘вад̇т̇усамбад̇д̇и…бз… аяам̣ винаяо наамаа’’д̇и. д̇аббадибагкад̇о авинаяо взд̣̇ид̇аб̣б̣о. д̇знааха ‘‘вад̇т̇увибад̇д̇ий’’д̇иаад̣̇и. яаасам̣ аабаннасса баб̣б̣аж̇ж̇аа саавасзсаа, д̇аа аабад̇д̇ияо саавасзсаа.
Rāgavinayo…pe… ayaṃ vinayo nāmāti rāgādīnaṃ vinayanato saṃvaraṇato pajahanato paṭisaṅkhānato ca vinayo nāma, vuttavipariyāyena itaro avinayo. Vatthusampattiādivasena sabbesaṃ vinayakammānaṃ akuppatāti āha ‘‘vatthusampatti…pe… ayaṃ vinayo nāmā’’ti. Tappaṭipakkhato avinayo veditabbo. Tenāha ‘‘vatthuvipattī’’tiādi. Yāsaṃ āpannassa pabbajjā sāvasesā, tā āpattiyo sāvasesā.
354. аабааяигод̇иаад̣̇иг̇аат̇аасу (ид̇иву. адта. 18) сан̇гхасса бхзд̣̇асан̇каад̇з ваг̇г̇з рад̇од̇и ваг̇г̇арад̇о. ад̇хаммигад̇ааяа ад̇хаммз бхзд̣̇агаравад̇т̇умхи сан̇гхабхзд̣̇асан̇каад̇з зва жа ад̇хаммз тид̇од̇и ад̇хаммадто. яог̇агкзмаа бад̇хам̣сад̇ийд̇и хид̇ад̇о барихааяад̇и, жад̇уухиби яог̇зхи анубад̣̇д̣̇уд̇ад̇д̇аа яог̇агкзмам̣ наама арахад̇д̇ам̣ ниб̣б̣аанан̃жа, д̇ад̇о банасса д̇хам̣санз вад̇д̇аб̣б̣амзва над̇т̇и. д̣̇идтисийласааман̃н̃ад̇о сан̇гхад̇адтзна сан̇гхам̣, д̇ад̇о зва згагаммаад̣̇ивид̇хаанаяог̇зна самаг̇г̇ам̣ сахид̇ам̣ бхинд̣̇ид̇ваа буб̣б̣з вуд̇д̇алагкан̣зна сан̇гхабхзд̣̇зна бхинд̣̇ид̇ваа. габбанд̇и анд̇арагаббасан̇каад̇ам̣ ааяугаббам̣. нираяамхийд̇и авийжимахаанираяамхи.
354.Āpāyikotiādigāthāsu (itivu. aṭṭha. 18) saṅghassa bhedasaṅkhāte vagge ratoti vaggarato. Adhammikatāya adhamme bhedakaravatthumhi saṅghabhedasaṅkhāte eva ca adhamme ṭhitoti adhammaṭṭho. Yogakkhemā padhaṃsatīti hitato parihāyati, catūhipi yogehi anupaddutattā yogakkhemaṃ nāma arahattaṃ nibbānañca, tato panassa dhaṃsane vattabbameva natthi. Diṭṭhisīlasāmaññato saṅghataṭṭhena saṅghaṃ, tato eva ekakammādividhānayogena samaggaṃ sahitaṃ bhinditvā pubbe vuttalakkhaṇena saṅghabhedena bhinditvā. Kappanti antarakappasaṅkhātaṃ āyukappaṃ. Nirayamhīti avīcimahānirayamhi.
сукаа сан̇гхасса саамаг̇г̇ийд̇и (ид̇иву. адда. 19) сукасса бажжаяабхаавад̇о саамаг̇г̇ий ‘‘сукаа’’д̇и вуд̇д̇аа яат̇аа ‘‘суко б̣уд̣̇д̇хаанамуббаад̣̇о’’д̇и (д̇ха. ба. 194). самаг̇г̇аанан̃жануг̇г̇аход̇и самаг̇г̇аанам̣ саамаг̇г̇ианумод̣̇анзна ануг̇г̇ан̣ханам̣ саамаг̇г̇иануруубам̣ ваа, яат̇аа д̇з саамаг̇г̇им̣ на виж̇аханд̇и, д̇ат̇аа г̇ахан̣ам̣ табанам̣ ануб̣алаббад̣̇аананд̇и ад̇т̇о. самаг̇г̇ам̣ гад̇ваанаад̇и бхиннам̣ сан̇гхам̣ сан̇гхарааж̇иббад̇д̇ам̣ ваа самаг̇г̇ам̣ сахид̇ам̣ гад̇ваа. габбанд̇и ааяугаббамзва. саг̇г̇амхи мод̣̇ад̇ийд̇и гаамааважарад̣̇звалогз ан̃н̃з д̣̇звз д̣̇асахи таанзхи абхибхавид̇ваа д̣̇иб̣б̣асукам̣ анубхаванд̇о ижчид̇аниб̣б̣ад̇д̇ияаа жа мод̣̇ад̇и бамод̣̇ад̇и лал̣ад̇и гийл̣ад̇и.
Sukhā saṅghassa sāmaggīti (itivu. aṭṭa. 19) sukhassa paccayabhāvato sāmaggī ‘‘sukhā’’ti vuttā yathā ‘‘sukho buddhānamuppādo’’ti (dha. pa. 194). Samaggānañcanuggahoti samaggānaṃ sāmaggianumodanena anuggaṇhanaṃ sāmaggianurūpaṃ vā, yathā te sāmaggiṃ na vijahanti, tathā gahaṇaṃ ṭhapanaṃ anubalappadānanti attho. Samaggaṃ katvānāti bhinnaṃ saṅghaṃ saṅgharājippattaṃ vā samaggaṃ sahitaṃ katvā. Kappanti āyukappameva. Saggamhi modatīti kāmāvacaradevaloke aññe deve dasahi ṭhānehi abhibhavitvā dibbasukhaṃ anubhavanto icchitanibbattiyā ca modati pamodati laḷati kīḷati.
355. сияаа ну ко, бханд̇з, сан̇гхабхзд̣̇агод̇иаад̣̇и баал̣ианусаарзнзва взд̣̇ид̇аб̣б̣ам̣. ‘‘бан̃жахи, убаали, аагаарзхи сан̇гхо бхиж̇ж̇ад̇и гаммзна уд̣̇д̣̇зсзна вохаранд̇о ануссааванзна салаагаг̇г̇аахзнаа’’д̇и звам̣ бариваарз (бари. 458) ааг̇ад̇амби сан̇гхабхзд̣̇алагкан̣ам̣ ид̇ха вуд̇д̇зна гим̣ наанаагаран̣анд̇и д̣̇ассзд̇ум̣ ‘‘бариваарз банаа’’д̇иаад̣̇имааха. зд̇т̇а жа сиймадтагасан̇гхз асаннибад̇ид̇з висум̣ барисам̣ г̇ахзд̇ваа гад̇авохаараануссааванасалаагаг̇г̇аахасса гаммам̣ ваа гаронд̇асса уд̣̇д̣̇зсам̣ ваа уд̣̇д̣̇исанд̇асса бхзд̣̇о жа ход̇и аананд̇арияагамман̃жа. самаг̇г̇асан̃н̃ааяа бана ‘‘ваддад̇ий’’д̇и сан̃н̃ааяа ваа гаронд̇асса бхзд̣̇ова ход̇и, на аананд̇арияагаммам̣. д̇ад̇о уунабарисааяа гаронд̇асса нзва сан̇гхабхзд̣̇о на аананд̇арияам̣. саб̣б̣анд̇имзна хи барижчзд̣̇зна наваннам̣ ж̇анаанам̣ яо сан̇гхам̣ бхинд̣̇ад̇и, д̇асса аананд̇арияагаммам̣ ход̇и, анувад̇д̇агаанам̣ ад̇хаммаваад̣̇ийнам̣ махаасааваж̇ж̇ам̣ гаммам̣, д̇хаммаваад̣̇ино анаваж̇ж̇аа. сзсамзд̇т̇а уд̇д̇аанамзваад̇и.
355.Siyā nu kho, bhante, saṅghabhedakotiādi pāḷianusāreneva veditabbaṃ. ‘‘Pañcahi, upāli, ākārehi saṅgho bhijjati kammena uddesena voharanto anussāvanena salākaggāhenā’’ti evaṃ parivāre (pari. 458) āgatampi saṅghabhedalakkhaṇaṃ idha vuttena kiṃ nānākaraṇanti dassetuṃ ‘‘parivāre panā’’tiādimāha. Ettha ca sīmaṭṭhakasaṅghe asannipatite visuṃ parisaṃ gahetvā katavohārānussāvanasalākaggāhassa kammaṃ vā karontassa uddesaṃ vā uddisantassa bhedo ca hoti ānantariyakammañca. Samaggasaññāya pana ‘‘vaṭṭatī’’ti saññāya vā karontassa bhedova hoti, na ānantariyakammaṃ. Tato ūnaparisāya karontassa neva saṅghabhedo na ānantariyaṃ. Sabbantimena hi paricchedena navannaṃ janānaṃ yo saṅghaṃ bhindati, tassa ānantariyakammaṃ hoti, anuvattakānaṃ adhammavādīnaṃ mahāsāvajjaṃ kammaṃ, dhammavādino anavajjā. Sesamettha uttānamevāti.
убаалибан̃хагат̇ааван̣н̣анаа нидтид̇аа.
Upālipañhakathāvaṇṇanā niṭṭhitā.
сан̇гхабхзд̣̇агагканд̇хагаван̣н̣анаа нидтид̇аа.
Saṅghabhedakakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / убаалибан̃хаа • Upālipañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / убаалибан̃хаагат̇аа • Upālipañhākathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убаалибан̃хаагат̇ааван̣н̣анаа • Upālipañhākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / убаалибан̃хаагат̇аа • Upālipañhākathā
