| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
убаалибан̃хаагат̇ааван̣н̣анаа
Upālipañhākathāvaṇṇanā
351. на бана зд̇д̇аавад̇аа сан̇гхо бхинно ход̇ийд̇и салаагаг̇г̇аахаабанамад̇д̇зна сан̇гхабхзд̣̇ааниб̣б̣ад̇д̇ид̇о вуд̇д̇ам̣. убосат̇аад̣̇исан̇гхагаммз гад̇з зва хи сан̇гхо бхинно ход̇и. д̇ад̇т̇а жа убосат̇абавааран̣аасу н̃ад̇д̇инидтаанзна, сзсагаммзсу абалоганаад̣̇игаммабарияосаанзна сан̇гхабхзд̣̇о самад̇т̇од̇и д̣̇адтаб̣б̣о.
351.Na pana ettāvatā saṅgho bhinno hotīti salākaggāhāpanamattena saṅghabhedānibbattito vuttaṃ. Uposathādisaṅghakamme kate eva hi saṅgho bhinno hoti. Tattha ca uposathapavāraṇāsu ñattiniṭṭhānena, sesakammesu apalokanādikammapariyosānena saṅghabhedo samatthoti daṭṭhabbo.
‘‘абхаб̣б̣ад̇аа на вуд̇д̇аа’’д̇и ид̣̇ам̣ ‘‘бхигкавз, д̣̇звад̣̇ад̇д̇зна батамам̣ аананд̇арияагаммам̣ убажид̇а’’нд̇иаад̣̇инаа аананд̇арияад̇д̇ам̣ вад̣̇ад̇аа бхаг̇авад̇аа д̇асса абхаб̣б̣ад̇аасан̇каад̇аа баарааж̇игад̇аа на бан̃н̃ад̇д̇аа. зд̇зна аабад̇д̇и вияа абхаб̣б̣ад̇ааби бан̃н̃ад̇д̇иананд̇арамзва ход̇и, на д̇ад̇о бурзд̇и д̣̇ассзд̇и. ид̇ха бана аад̣̇игаммигассаби анаабад̇д̇ияаа авуд̇д̇ад̇д̇аа д̣̇звад̣̇ад̇д̇аад̣̇аяоби на муд̇д̇аад̇и д̣̇адтаб̣б̣ам̣.
‘‘Abhabbatā na vuttā’’ti idaṃ ‘‘bhikkhave, devadattena paṭhamaṃ ānantariyakammaṃ upacita’’ntiādinā ānantariyattaṃ vadatā bhagavatā tassa abhabbatāsaṅkhātā pārājikatā na paññattā. Etena āpatti viya abhabbatāpi paññattianantarameva hoti, na tato pureti dasseti. Idha pana ādikammikassapi anāpattiyā avuttattā devadattādayopi na muttāti daṭṭhabbaṃ.
д̇аяо сад̇ибадтаанаад̇иаад̣̇ийсу д̇аяо зва сад̇ибадтаанаа, на д̇ад̇о баранд̇и згасса сад̇ибадтаанасса бадигкзбова ид̇ха ад̇хаммо, на бана д̇ин̣н̣ам̣ сад̇ибадтаанад̇д̇авид̇хаанам̣ д̇асса д̇хаммад̇д̇аа. звам̣ сзсзсуби хаабанагодтаасзсу. вад̣дханзсу бана ча инд̣̇рияаанийд̇и анинд̣̇рияассаби згасса инд̣̇рияад̇д̇авид̇хаанамзва ад̇хаммо. звам̣ сзсзсуби. на гзвалан̃жа зд̇зва, ‘‘жад̇д̇ааро канд̇хаа, д̇зрасааяад̇анааний’’д̇иаад̣̇инаа яад̇т̇а гад̇т̇ажи вибарийд̇ад̇о багаасанам̣ саб̣б̣ам̣ ад̇хаммо. яаат̇аавад̇о багаасанан̃жа саб̣б̣ам̣ д̇хаммод̇и д̣̇адтаб̣б̣ам̣. багаасананд̇и жзд̇т̇а д̇ат̇аа д̇ат̇аа гааяаважийбаяог̇асамудтаабигаа аруубагканд̇хаава ад̇хиббзд̇аа, звамзд̇т̇а д̣̇асагусалагаммабат̇аад̣̇ийсу анаваж̇ж̇адтзна саруубад̇о д̇хаммзсу, агусалагаммабат̇аад̣̇ийсу сааваж̇ж̇адтзна саруубад̇о ад̇хаммзсу жа д̇ад̣̇ан̃н̃зсу жа аб̣яаагад̇зсу яасса гассажи годтаасасса бхаг̇авад̇аа бан̃н̃ад̇д̇аггамзнзва багаасанам̣ ‘‘д̇хаммо’’д̇и жа вибарийд̇ад̇о багаасанам̣ ‘‘ад̇хаммо’’д̇и жа д̣̇ассид̇анд̇и д̣̇адтаб̣б̣ам̣. гааман̃жзд̇т̇а винаяаад̣̇аяоби яат̇аабхууд̇ад̇о, аяат̇аабхууд̇ад̇о жа багаасанавасзна д̇хаммаад̇хаммзсу зва бависанд̇и, винаяаад̣̇инаамзна бана висзсзд̇ваа висум̣ г̇ахид̇ад̇д̇аа д̇ад̣̇авасзсамзва д̇хаммаад̇хаммагодтаасз бависад̇ийд̇и д̣̇адтаб̣б̣ам̣.
Tayo satipaṭṭhānātiādīsu tayo eva satipaṭṭhānā, na tato paranti ekassa satipaṭṭhānassa paṭikkhepova idha adhammo, na pana tiṇṇaṃ satipaṭṭhānattavidhānaṃ tassa dhammattā. Evaṃ sesesupi hāpanakoṭṭhāsesu. Vaḍḍhanesu pana cha indriyānīti anindriyassapi ekassa indriyattavidhānameva adhammo. Evaṃ sesesupi. Na kevalañca eteva, ‘‘cattāro khandhā, terasāyatanānī’’tiādinā yattha katthaci viparītato pakāsanaṃ sabbaṃ adhammo. Yāthāvato pakāsanañca sabbaṃ dhammoti daṭṭhabbaṃ. Pakāsananti cettha tathā tathā kāyavacīpayogasamuṭṭhāpikā arūpakkhandhāva adhippetā, evamettha dasakusalakammapathādīsu anavajjaṭṭhena sarūpato dhammesu, akusalakammapathādīsu sāvajjaṭṭhena sarūpato adhammesu ca tadaññesu ca abyākatesu yassa kassaci koṭṭhāsassa bhagavatā paññattakkameneva pakāsanaṃ ‘‘dhammo’’ti ca viparītato pakāsanaṃ ‘‘adhammo’’ti ca dassitanti daṭṭhabbaṃ. Kāmañcettha vinayādayopi yathābhūtato, ayathābhūtato ca pakāsanavasena dhammādhammesu eva pavisanti, vinayādināmena pana visesetvā visuṃ gahitattā tadavasesameva dhammādhammakoṭṭhāse pavisatīti daṭṭhabbaṃ.
имам̣ ад̇хаммам̣ д̇хаммод̇и гариссаамаад̇иаад̣̇и д̇хамман̃жа ад̇хамман̃жа яаат̇аавад̇о н̃ад̇ваава баабижчам̣ ниссааяа вибарийд̇ад̇о багаасзнд̇ассзва сан̇гхабхзд̣̇о ход̇и, на бана д̇ат̇аасан̃н̃ааяа багаасзнд̇ассаад̇и д̣̇ассанад̇т̇ам̣ вуд̇д̇ам̣. зса наяо ‘‘авинаяам̣ винаяод̇и д̣̇ийбзнд̇ий’’д̇иаад̣̇ийсуби. д̇ад̇т̇а нияяааниганд̇и уггадтанд̇и ад̇т̇о. ‘‘д̇ат̇зваа’’д̇и иминаа ‘‘звам̣ амхаагам̣ аажарияагула’’нд̇иаад̣̇инаа вуд̇д̇амад̇т̇ам̣ аагад̣дхад̇и.
Imaṃ adhammaṃ dhammoti karissāmātiādi dhammañca adhammañca yāthāvato ñatvāva pāpicchaṃ nissāya viparītato pakāsentasseva saṅghabhedo hoti, na pana tathāsaññāya pakāsentassāti dassanatthaṃ vuttaṃ. Esa nayo ‘‘avinayaṃ vinayoti dīpentī’’tiādīsupi. Tattha niyyānikanti ukkaṭṭhanti attho. ‘‘Tathevā’’ti iminā ‘‘evaṃ amhākaṃ ācariyakula’’ntiādinā vuttamatthaṃ ākaḍḍhati.
сам̣варо бахаанам̣ бадисан̇каад̇и сам̣варавинаяо, бахаанавинаяо, бадисан̇каавинаяо жа вуд̇д̇о. д̇знааха ‘‘аяам̣ винаяо’’д̇и. ‘‘бан̃н̃ад̇д̇ам̣ абан̃н̃ад̇д̇а’’нд̇и д̣̇угам̣ ‘‘бхаасид̇ам̣ абхаасид̇а’’нд̇и д̣̇угзна ад̇т̇ад̇о самаанамзва, д̇ат̇аа д̣̇удтуллад̣̇угам̣ г̇аругад̣̇угзна. д̇знзва д̇зсам̣ ‘‘жад̇д̇ааро сад̇ибадтаанаа…бз… ид̣̇ам̣ абан̃н̃ад̇д̇ам̣ наамаа’’д̇иаад̣̇инаа сад̣̇исанид̣̇д̣̇зсо гад̇о. саавасзсаабад̇д̇инд̇и авасзсасийлзхи сахид̇аабад̇д̇им̣. над̇т̇и зд̇иссам̣ аабаннааяам̣ сийлаавасзсаад̇и анавасзсаабад̇д̇и.
Saṃvaro pahānaṃ paṭisaṅkhāti saṃvaravinayo, pahānavinayo, paṭisaṅkhāvinayo ca vutto. Tenāha ‘‘ayaṃ vinayo’’ti. ‘‘Paññattaṃ apaññatta’’nti dukaṃ ‘‘bhāsitaṃ abhāsita’’nti dukena atthato samānameva, tathā duṭṭhulladukaṃ garukadukena. Teneva tesaṃ ‘‘cattāro satipaṭṭhānā…pe… idaṃ apaññattaṃ nāmā’’tiādinā sadisaniddeso kato. Sāvasesāpattinti avasesasīlehi sahitāpattiṃ. Natthi etissaṃ āpannāyaṃ sīlāvasesāti anavasesāpatti.
354. баал̣ияам̣ самаг̇г̇аанан̃жа ануг̇г̇аход̇и яат̇аа самаг̇г̇аанам̣ саамаг̇г̇ий на бхиж̇ж̇ад̇и, звам̣ ануг̇г̇ахан̣ам̣ ануб̣алаббад̣̇аанам̣.
354. Pāḷiyaṃ samaggānañca anuggahoti yathā samaggānaṃ sāmaggī na bhijjati, evaṃ anuggahaṇaṃ anubalappadānaṃ.
355. сияаа ну код̇и самбхавзяяа ну ко. д̇асмим̣ ад̇хаммад̣̇идтийд̇и ад̇д̇ано ‘‘ад̇хаммам̣ д̇хаммо’’д̇и зд̇асмим̣ д̣̇ийбанз аяуд̇д̇ад̣̇идти. бхзд̣̇з ад̇хаммад̣̇идтийд̇и ‘‘ад̇хаммам̣ д̇хаммо’’д̇и д̣̇ийбзд̇ваа ануссааванасалаагаг̇г̇аахаабанаад̣̇инаа ад̇д̇аанам̣ мун̃жид̇ваа жад̇уваг̇г̇аад̣̇игам̣ сан̇гхам̣ згасиймааяамзва тид̇ад̇о жад̇уваг̇г̇аад̣̇исан̇гхад̇о вияож̇зд̇ваа згагаммаад̣̇инибпаад̣̇анавасзна сан̇гхабхзд̣̇агаран̣з ад̇хаммад̣̇идтиго худ̇ваад̇и ад̇т̇о. винид̇хааяа д̣̇идтинд̇и яаа д̇асмим̣ ‘‘ад̇хаммам̣ д̇хаммо’’д̇и д̣̇ийбанз ад̇д̇ано ад̇хаммад̣̇идти уббаж̇ж̇ад̇и, д̇ам̣ винид̇хааяа бадижчаад̣̇зд̇ваа ‘‘д̇хаммо звааяа’’нд̇и вибарийд̇ад̇о багаасзд̇ваад̇и ад̇т̇о. звам̣ саб̣б̣ад̇т̇а ад̇т̇о взд̣̇ид̇аб̣б̣о.
355.Siyānu khoti sambhaveyya nu kho. Tasmiṃ adhammadiṭṭhīti attano ‘‘adhammaṃ dhammo’’ti etasmiṃ dīpane ayuttadiṭṭhi. Bhede adhammadiṭṭhīti ‘‘adhammaṃ dhammo’’ti dīpetvā anussāvanasalākaggāhāpanādinā attānaṃ muñcitvā catuvaggādikaṃ saṅghaṃ ekasīmāyameva ṭhitato catuvaggādisaṅghato viyojetvā ekakammādinipphādanavasena saṅghabhedakaraṇe adhammadiṭṭhiko hutvāti attho. Vinidhāya diṭṭhinti yā tasmiṃ ‘‘adhammaṃ dhammo’’ti dīpane attano adhammadiṭṭhi uppajjati, taṃ vinidhāya paṭicchādetvā ‘‘dhammo evāya’’nti viparītato pakāsetvāti attho. Evaṃ sabbattha attho veditabbo.
бхзд̣̇з д̇хаммад̣̇идтийд̇и яат̇аавуд̇д̇анаязна сан̇гхабхзд̣̇анз д̣̇осо над̇т̇ийд̇и лад̣̇д̇хиго. аяам̣ бана ‘‘ад̇хаммам̣ д̇хаммо’’д̇и д̣̇ийбанз ад̇хаммад̣̇идтиго худ̇вааби д̇ам̣ д̣̇идтим̣ винид̇хааяа гаран̣зна сан̇гхабхзд̣̇аго ад̇згижчо ж̇аад̇о. звам̣ бхзд̣̇з взмад̇игод̇и имасса бана бхзд̣̇з взмад̇игад̣̇идтияаа винид̇хаанамби ад̇т̇и. сзсам̣ самамзва. д̇асмим̣ д̇хаммад̣̇идтибхзд̣̇з ад̇хаммад̣̇идтийд̇и аяам̣ бана бхзд̣̇з ад̇хаммад̣̇идтим̣ винид̇хааяа гад̇ад̇д̇аа сан̇гхабхзд̣̇аго ад̇згижчо ж̇аад̇о. суггабагкз бана саб̣б̣ад̇т̇а ‘‘ад̇хаммам̣ д̇хаммо’’д̇иаад̣̇ид̣̇ийбанз ваа бхзд̣̇з ваа д̇хаммад̣̇идтид̇ааяа д̣̇идтим̣ авинид̇хааязва гад̇ад̇д̇аа сан̇гхабхзд̣̇агоби сад̇згижчо ж̇аад̇о. д̇асмаа ‘‘ад̇хаммам̣ д̇хаммо’’д̇иаад̣̇ид̣̇ийбанз ваа сан̇гхабхзд̣̇з ваа убхосуби ваа ад̇хаммад̣̇идти ваа взмад̇иго ваа худ̇ваа д̇ам̣ д̣̇идтим̣, вимад̇ин̃жа винид̇хааяа ‘‘д̇хаммо’’д̇и багаасзд̇ваа вуд̇д̇анаязна сан̇гхабхзд̣̇ам̣ гаронд̇ассзва аананд̇арияам̣ ход̇ийд̇и взд̣̇ид̇аб̣б̣ам̣.
Bhede dhammadiṭṭhīti yathāvuttanayena saṅghabhedane doso natthīti laddhiko. Ayaṃ pana ‘‘adhammaṃ dhammo’’ti dīpane adhammadiṭṭhiko hutvāpi taṃ diṭṭhiṃ vinidhāya karaṇena saṅghabhedako atekiccho jāto. Evaṃ bhede vematikoti imassa pana bhede vematikadiṭṭhiyā vinidhānampi atthi. Sesaṃ samameva. Tasmiṃ dhammadiṭṭhibhede adhammadiṭṭhīti ayaṃ pana bhede adhammadiṭṭhiṃ vinidhāya katattā saṅghabhedako atekiccho jāto. Sukkapakkhe pana sabbattha ‘‘adhammaṃ dhammo’’tiādidīpane vā bhede vā dhammadiṭṭhitāya diṭṭhiṃ avinidhāyeva katattā saṅghabhedakopi satekiccho jāto. Tasmā ‘‘adhammaṃ dhammo’’tiādidīpane vā saṅghabhede vā ubhosupi vā adhammadiṭṭhi vā vematiko vā hutvā taṃ diṭṭhiṃ, vimatiñca vinidhāya ‘‘dhammo’’ti pakāsetvā vuttanayena saṅghabhedaṃ karontasseva ānantariyaṃ hotīti veditabbaṃ.
убаалибан̃хаагат̇ааван̣н̣анаа нидтид̇аа.
Upālipañhākathāvaṇṇanā niṭṭhitā.
сан̇гхабхзд̣̇агагканд̇хагаван̣н̣анаанаяо нидтид̇о.
Saṅghabhedakakkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / убаалибан̃хаа • Upālipañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / убаалибан̃хаагат̇аа • Upālipañhākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалибан̃хагат̇ааван̣н̣анаа • Upālipañhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / убаалибан̃хаагат̇аа • Upālipañhākathā
