| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
241. உபாலிபுச்சா²கதா²
241. Upālipucchākathā
400. அத² கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா உபாலி ப⁴க³வந்தங் ஏதத³வோச – ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸம்முகா²கரணீயங் கம்மங் அஸம்முகா² கரோதி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘அத⁴ம்மகம்மங் தங், உபாலி, அவினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ படிபுச்சா²கரணீயங் கம்மங் அப்படிபுச்சா² கரோதி…பே॰… படிஞ்ஞாயகரணீயங் கம்மங் அபடிஞ்ஞாய கரோதி… ஸதிவினயாரஹஸ்ஸ அமூள்ஹவினயங் தே³தி… அமூள்ஹவினயாரஹஸ்ஸ தஸ்ஸபாபியஸிகாகம்மங் கரோதி… தஸ்ஸபாபியஸிகாகம்மாரஹஸ்ஸ தஜ்ஜனீயகம்மங் கரோதி… தஜ்ஜனீயகம்மாரஹஸ்ஸ நியஸ்ஸகம்மங் கரோதி … நியஸ்ஸகம்மாரஹஸ்ஸ பப்³பா³ஜனீயகம்மங் கரோதி… பப்³பா³ஜனீயகம்மாரஹஸ்ஸ படிஸாரணீயகம்மங் கரோதி… படிஸாரணீயகம்மாரஹஸ்ஸ உக்கே²பனீயகம்மங் கரோதி… உக்கே²பனீயகம்மாரஹஸ்ஸ பரிவாஸங் தே³தி… பரிவாஸாரஹங் மூலாய படிகஸ்ஸதி… மூலாயபடிகஸ்ஸனாரஹஸ்ஸ மானத்தங் தே³தி… மானத்தாரஹங் அப்³பே⁴தி… அப்³பா⁴னாரஹங் உபஸம்பாதே³தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘அத⁴ம்மகம்மங் தங், உபாலி, அவினயகம்மங்’’.
400. Atha kho āyasmā upāli yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘yo nu kho, bhante, samaggo saṅgho sammukhākaraṇīyaṃ kammaṃ asammukhā karoti, dhammakammaṃ nu kho taṃ, bhante, vinayakamma’’nti? ‘‘Adhammakammaṃ taṃ, upāli, avinayakamma’’nti. ‘‘Yo nu kho, bhante, samaggo saṅgho paṭipucchākaraṇīyaṃ kammaṃ appaṭipucchā karoti…pe… paṭiññāyakaraṇīyaṃ kammaṃ apaṭiññāya karoti… sativinayārahassa amūḷhavinayaṃ deti… amūḷhavinayārahassa tassapāpiyasikākammaṃ karoti… tassapāpiyasikākammārahassa tajjanīyakammaṃ karoti… tajjanīyakammārahassa niyassakammaṃ karoti … niyassakammārahassa pabbājanīyakammaṃ karoti… pabbājanīyakammārahassa paṭisāraṇīyakammaṃ karoti… paṭisāraṇīyakammārahassa ukkhepanīyakammaṃ karoti… ukkhepanīyakammārahassa parivāsaṃ deti… parivāsārahaṃ mūlāya paṭikassati… mūlāyapaṭikassanārahassa mānattaṃ deti… mānattārahaṃ abbheti… abbhānārahaṃ upasampādeti, dhammakammaṃ nu kho taṃ, bhante, vinayakamma’’nti? ‘‘Adhammakammaṃ taṃ, upāli, avinayakammaṃ’’.
‘‘யோ கோ², உபாலி, ஸமக்³கோ³ ஸங்கோ⁴ ஸம்முகா²கரணீயங் கம்மங் அஸம்முகா² கரோதி, ஏவங் கோ², உபாலி, அத⁴ம்மகம்மங் ஹோதி அவினயகம்மங், ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ படிபுச்சா²கரணீயங் கம்மங் அப்படிபுச்சா² கரோதி…பே॰… படிஞ்ஞாயகரணீயங் கம்மங் அபடிஞ்ஞாய கரோதி… ஸதிவினயாரஹஸ்ஸ அமூள்ஹவினயங் தே³தி… அமூள்ஹவினயாரஹஸ்ஸ தஸ்ஸபாபியஸிகாகம்மங் கரோதி… தஸ்ஸபாபியஸிகாகம்மாரஹஸ்ஸ தஜ்ஜனீயகம்மங் கரோதி… தஜ்ஜனீயகம்மாரஹஸ்ஸ நியஸ்ஸகம்மங் கரோதி… நியஸ்ஸகம்மாரஹஸ்ஸ பப்³பா³ஜனீயகம்மங் கரோதி… பப்³பா³ஜனீயகம்மாரஹஸ்ஸ படிஸாரணீயகம்மங் கரோதி… படிஸாரணீயகம்மாரஹஸ்ஸ உக்கே²பனீயகம்மங் கரோதி… உக்கே²பனீயகம்மாரஹஸ்ஸ பரிவாஸங் தே³தி… பரிவாஸாரஹங் மூலாய படிகஸ்ஸதி… மூலாயபடிகஸ்ஸனாரஹஸ்ஸ மானத்தங் தே³தி… மானத்தாரஹங் அப்³பே⁴தி… அப்³பா⁴னாரஹங் உபஸம்பாதே³தி, ஏவங் கோ², உபாலி, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதீ’’தி.
‘‘Yo kho, upāli, samaggo saṅgho sammukhākaraṇīyaṃ kammaṃ asammukhā karoti, evaṃ kho, upāli, adhammakammaṃ hoti avinayakammaṃ, evañca pana saṅgho sātisāro hoti. Yo kho, upāli, samaggo saṅgho paṭipucchākaraṇīyaṃ kammaṃ appaṭipucchā karoti…pe… paṭiññāyakaraṇīyaṃ kammaṃ apaṭiññāya karoti… sativinayārahassa amūḷhavinayaṃ deti… amūḷhavinayārahassa tassapāpiyasikākammaṃ karoti… tassapāpiyasikākammārahassa tajjanīyakammaṃ karoti… tajjanīyakammārahassa niyassakammaṃ karoti… niyassakammārahassa pabbājanīyakammaṃ karoti… pabbājanīyakammārahassa paṭisāraṇīyakammaṃ karoti… paṭisāraṇīyakammārahassa ukkhepanīyakammaṃ karoti… ukkhepanīyakammārahassa parivāsaṃ deti… parivāsārahaṃ mūlāya paṭikassati… mūlāyapaṭikassanārahassa mānattaṃ deti… mānattārahaṃ abbheti… abbhānārahaṃ upasampādeti, evaṃ kho, upāli, adhammakammaṃ hoti avinayakammaṃ. Evañca pana saṅgho sātisāro hotī’’ti.
401. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸம்முகா²கரணீயங் கம்மங் ஸம்முகா² கரோதி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘த⁴ம்மகம்மங் தங், உபாலி, வினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ படிபுச்சா²கரணீயங் கம்மங் படிபுச்சா² கரோதி…பே॰… படிஞ்ஞாயகரணீயங் கம்மங் படிஞ்ஞாய கரோதி… ஸதிவினயாரஹஸ்ஸ ஸதிவினயங் தே³தி… அமூள்ஹவினயாரஹஸ்ஸ அமூள்ஹவினயங் தே³தி… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மங் கரோதி… தஜ்ஜனீயகம்மாரஹஸ்ஸ தஜ்ஜனீயகம்மங் கரோதி… நியஸ்ஸகம்மாரஹஸ்ஸ நியஸ்ஸகம்மங் கரோதி… பப்³பா³ஜனீயகம்மாரஹஸ்ஸ பப்³பா³ஜனீயகம்மங் கரோதி… படிஸாரணீயகம்மாரஹஸ்ஸ படிஸாரணீயகம்மங் கரோதி… உக்கே²பனீயகம்மாரஹஸ்ஸ உக்கே²பனீயகம்மங் கரோதி… பரிவாஸாரஹஸ்ஸ பரிவாஸங் தே³தி மூலாயபடிகஸ்ஸனாரஹங் மூலாய படிகஸ்ஸதி… மானத்தாரஹஸ்ஸ மானத்தங் தே³தி… அப்³பா⁴னாரஹங் அப்³பே⁴தி… உபஸம்பதா³ரஹங் உபஸம்பாதே³தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘த⁴ம்மகம்மங் தங், உபாலி, வினயகம்மங்.
401. ‘‘Yo nu kho, bhante, samaggo saṅgho sammukhākaraṇīyaṃ kammaṃ sammukhā karoti, dhammakammaṃ nu kho taṃ, bhante, vinayakamma’’nti? ‘‘Dhammakammaṃ taṃ, upāli, vinayakamma’’nti. ‘‘Yo nu kho, bhante, samaggo saṅgho paṭipucchākaraṇīyaṃ kammaṃ paṭipucchā karoti…pe… paṭiññāyakaraṇīyaṃ kammaṃ paṭiññāya karoti… sativinayārahassa sativinayaṃ deti… amūḷhavinayārahassa amūḷhavinayaṃ deti… tassapāpiyasikākammārahassa tassapāpiyasikākammaṃ karoti… tajjanīyakammārahassa tajjanīyakammaṃ karoti… niyassakammārahassa niyassakammaṃ karoti… pabbājanīyakammārahassa pabbājanīyakammaṃ karoti… paṭisāraṇīyakammārahassa paṭisāraṇīyakammaṃ karoti… ukkhepanīyakammārahassa ukkhepanīyakammaṃ karoti… parivāsārahassa parivāsaṃ deti mūlāyapaṭikassanārahaṃ mūlāya paṭikassati… mānattārahassa mānattaṃ deti… abbhānārahaṃ abbheti… upasampadārahaṃ upasampādeti, dhammakammaṃ nu kho taṃ, bhante, vinayakamma’’nti? ‘‘Dhammakammaṃ taṃ, upāli, vinayakammaṃ.
‘‘யோ கோ², உபாலி, ஸமக்³கோ³ ஸங்கோ⁴ ஸம்முகா²கரணீயங் கம்மங் ஸம்முகா² கரோதி, ஏவங் கோ², உபாலி, த⁴ம்மகம்மங் ஹோதி வினயகம்மங். ஏவஞ்ச பன ஸங்கோ⁴ அனதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ படிபுச்சா²கரணீயங் கம்மங் படிபுச்சா² கரோதி… படிஞ்ஞாயகரணீயங் கம்மங் படிஞ்ஞாய கரோதி… ஸதிவினயாரஹஸ்ஸ ஸதிவினயங் தே³தி… அமூள்ஹவினயாரஹஸ்ஸ அமூள்ஹவினயங் தே³தி… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மங் கரோதி… தஜ்ஜனீயகம்மாரஹஸ்ஸ தஜ்ஜனீயகம்மங் கரோதி… நியஸ்ஸகம்மாரஹஸ்ஸ நியஸ்ஸகம்மங் கரோதி… பப்³பா³ஜனீயகம்மாரஹஸ்ஸ பப்³பா³ஜனீயகம்மங் கரோதி … படிஸாரணீயகம்மாரஹஸ்ஸ படிஸாரணீயகம்மங் கரோதி… உக்கே²பனீயகம்மாரஹஸ்ஸ உக்கே²பனீயகம்மங் கரோதி… பரிவாஸாரஹஸ்ஸ பரிவாஸங் தே³தி… மூலாயபடிகஸ்ஸனாரஹங் மூலாய படிகஸ்ஸதி… மானத்தாரஹஸ்ஸ மானத்தங் தே³தி… அப்³பா⁴னாரஹங் அப்³பே⁴தி… உபஸம்பதா³ரஹங் உபஸம்பாதே³தி, ஏவங் கோ², உபாலி, த⁴ம்மகம்மங் ஹோதி வினயகம்மங். ஏவஞ்ச பன ஸங்கோ⁴ அனதிஸாரோ ஹோதீ’’தி.
‘‘Yo kho, upāli, samaggo saṅgho sammukhākaraṇīyaṃ kammaṃ sammukhā karoti, evaṃ kho, upāli, dhammakammaṃ hoti vinayakammaṃ. Evañca pana saṅgho anatisāro hoti. Yo kho, upāli, samaggo saṅgho paṭipucchākaraṇīyaṃ kammaṃ paṭipucchā karoti… paṭiññāyakaraṇīyaṃ kammaṃ paṭiññāya karoti… sativinayārahassa sativinayaṃ deti… amūḷhavinayārahassa amūḷhavinayaṃ deti… tassapāpiyasikākammārahassa tassapāpiyasikākammaṃ karoti… tajjanīyakammārahassa tajjanīyakammaṃ karoti… niyassakammārahassa niyassakammaṃ karoti… pabbājanīyakammārahassa pabbājanīyakammaṃ karoti … paṭisāraṇīyakammārahassa paṭisāraṇīyakammaṃ karoti… ukkhepanīyakammārahassa ukkhepanīyakammaṃ karoti… parivāsārahassa parivāsaṃ deti… mūlāyapaṭikassanārahaṃ mūlāya paṭikassati… mānattārahassa mānattaṃ deti… abbhānārahaṃ abbheti… upasampadārahaṃ upasampādeti, evaṃ kho, upāli, dhammakammaṃ hoti vinayakammaṃ. Evañca pana saṅgho anatisāro hotī’’ti.
402. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயங் தே³தி, அமூள்ஹவினயாரஹஸ்ஸ ஸதிவினயங் தே³தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘அத⁴ம்மகம்மங் தங், உபாலி, அவினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மங் கரோதி, தஸ்ஸபாபியஸிகாகம்மாரஹஸ்ஸ அமூள்ஹவினயங் தே³தி…பே॰… தஸ்ஸபாபியஸிகாகம்மாரஹஸ்ஸ தஜ்ஜனீயகம்மங் கரோதி, தஜ்ஜனீயகம்மாரஹஸ்ஸ தஸ்ஸபாபியஸிகாகம்மங் கரோதி… தஜ்ஜனீயகம்மாரஹஸ்ஸ நியஸ்ஸகம்மங் கரோதி, நியஸ்ஸகம்மாரஹஸ்ஸ தஜ்ஜனீயகம்மங் கரோதி… நியஸ்ஸகம்மாரஹஸ்ஸ பப்³பா³ஜனீயகம்மங் கரோதி, பப்³பா³ஜனீயகம்மாரஹஸ்ஸ நியஸ்ஸகம்மங் கரோதி… பப்³பா³ஜனீயகம்மாரஹஸ்ஸ படிஸாரணீயகம்மங் கரோதி, படிஸாரணீயகம்மாரஹஸ்ஸ பப்³பா³ஜனீயகம்மங் கரோதி… படிஸாரணீயகம்மாரஹஸ்ஸ உக்கே²பனீயகம்மங் கரோதி, உக்கே²பனீயகம்மாரஹஸ்ஸ படிஸாரணீயகம்மங் கரோதி… உக்கே²பனீயகம்மாரஹஸ்ஸ பரிவாஸங் தே³தி, பரிவாஸாரஹஸ்ஸ உக்கே²பனீயகம்மங் கரோதி… பரிவாஸாரஹங் மூலாய படிகஸ்ஸதி, மூலாயபடிகஸ்ஸனாரஹஸ்ஸ பரிவாஸங் தே³தி… மூலாயபடிகஸ்ஸனாரஹஸ்ஸ மானத்தங் தே³தி, மானத்தாரஹங் மூலாய படிகஸ்ஸதி… மானத்தாரஹங் அப்³பே⁴தி, அப்³பா⁴னாரஹஸ்ஸ மானத்தங் தே³தி… அப்³பா⁴னாரஹங் உபஸம்பாதே³தி, உபஸம்பதா³ரஹங் அப்³பே⁴தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘அத⁴ம்மகம்மங் தங், உபாலி, அவினயகம்ம’’ந்தி.
402. ‘‘Yo nu kho, bhante, samaggo saṅgho sativinayārahassa amūḷhavinayaṃ deti, amūḷhavinayārahassa sativinayaṃ deti, dhammakammaṃ nu kho taṃ, bhante, vinayakamma’’nti? ‘‘Adhammakammaṃ taṃ, upāli, avinayakamma’’nti. ‘‘Yo nu kho, bhante, samaggo saṅgho amūḷhavinayārahassa tassapāpiyasikākammaṃ karoti, tassapāpiyasikākammārahassa amūḷhavinayaṃ deti…pe… tassapāpiyasikākammārahassa tajjanīyakammaṃ karoti, tajjanīyakammārahassa tassapāpiyasikākammaṃ karoti… tajjanīyakammārahassa niyassakammaṃ karoti, niyassakammārahassa tajjanīyakammaṃ karoti… niyassakammārahassa pabbājanīyakammaṃ karoti, pabbājanīyakammārahassa niyassakammaṃ karoti… pabbājanīyakammārahassa paṭisāraṇīyakammaṃ karoti, paṭisāraṇīyakammārahassa pabbājanīyakammaṃ karoti… paṭisāraṇīyakammārahassa ukkhepanīyakammaṃ karoti, ukkhepanīyakammārahassa paṭisāraṇīyakammaṃ karoti… ukkhepanīyakammārahassa parivāsaṃ deti, parivāsārahassa ukkhepanīyakammaṃ karoti… parivāsārahaṃ mūlāya paṭikassati, mūlāyapaṭikassanārahassa parivāsaṃ deti… mūlāyapaṭikassanārahassa mānattaṃ deti, mānattārahaṃ mūlāya paṭikassati… mānattārahaṃ abbheti, abbhānārahassa mānattaṃ deti… abbhānārahaṃ upasampādeti, upasampadārahaṃ abbheti, dhammakammaṃ nu kho taṃ, bhante, vinayakamma’’nti? ‘‘Adhammakammaṃ taṃ, upāli, avinayakamma’’nti.
‘‘யோ கோ², உபாலி, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயங் தே³தி, அமூள்ஹவினயாரஹஸ்ஸ ஸதிவினயங் தே³தி, ஏவங் கோ², உபாலி, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², உபாலி, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மங் கரோதி, தஸ்ஸபாபியஸிகாகம்மாரஹஸ்ஸ அமூள்ஹவினயங் தே³தி…பே॰… தஸ்ஸபாபியஸிகாகம்மாரஹஸ்ஸ தஜ்ஜனீயகம்மங் கரோதி, தஜ்ஜனீயகம்மாரஹஸ்ஸ தஸ்ஸபாபியஸிகாகம்மங் கரோதி… தஜ்ஜனீயகம்மாரஹஸ்ஸ நியஸ்ஸகம்மங் கரோதி , நியஸ்ஸகம்மாரஹஸ்ஸ தஜ்ஜனீயகம்மங் கரோதி… நியஸ்ஸகம்மாரஹஸ்ஸ பப்³பா³ஜனீயகம்மங் கரோதி, பப்³பா³ஜனீயகம்மாரஹஸ்ஸ நியஸ்ஸகம்மங் கரோதி… பப்³பா³ஜனீயகம்மாரஹஸ்ஸ படிஸாரணீயகம்மங் கரோதி, படிஸாரணீயகம்மாரஹஸ்ஸ பப்³பா³ஜனீயகம்மங் கரோதி… படிஸாரணீயகம்மாரஹஸ்ஸ உக்கே²பனீயகம்மங் கரோதி, உக்கே²பனீயகம்மாரஹஸ்ஸ படிஸாரணீயகம்மங் கரோதி… உக்கே²பனீயகம்மாரஹஸ்ஸ பரிவாஸங் தே³தி, பரிவாஸாரஹஸ்ஸ உக்கே²பனீயகம்மங் கரோதி… பரிவாஸாரஹங் மூலாய படிகஸ்ஸதி, மூலாயபடிகஸ்ஸனாரஹஸ்ஸ பரிவாஸங் தே³தி… மூலாயபடிகஸ்ஸனாரஹஸ்ஸ மானத்தங் தே³தி, மானத்தாரஹங் மூலாய படிகஸ்ஸதி – மானத்தாரஹங் அப்³பே⁴தி, அப்³பா⁴னாரஹஸ்ஸ மானத்தங் தே³தி… அப்³பா⁴னாரஹங் உபஸம்பாதே³தி, உபஸம்பதா³ரஹங் அப்³பே⁴தி, ஏவங் கோ², உபாலி, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதீ’’தி.
‘‘Yo kho, upāli, samaggo saṅgho sativinayārahassa amūḷhavinayaṃ deti, amūḷhavinayārahassa sativinayaṃ deti, evaṃ kho, upāli, adhammakammaṃ hoti avinayakammaṃ. Evañca pana saṅgho sātisāro hoti. Yo kho, upāli, samaggo saṅgho amūḷhavinayārahassa tassapāpiyasikākammaṃ karoti, tassapāpiyasikākammārahassa amūḷhavinayaṃ deti…pe… tassapāpiyasikākammārahassa tajjanīyakammaṃ karoti, tajjanīyakammārahassa tassapāpiyasikākammaṃ karoti… tajjanīyakammārahassa niyassakammaṃ karoti , niyassakammārahassa tajjanīyakammaṃ karoti… niyassakammārahassa pabbājanīyakammaṃ karoti, pabbājanīyakammārahassa niyassakammaṃ karoti… pabbājanīyakammārahassa paṭisāraṇīyakammaṃ karoti, paṭisāraṇīyakammārahassa pabbājanīyakammaṃ karoti… paṭisāraṇīyakammārahassa ukkhepanīyakammaṃ karoti, ukkhepanīyakammārahassa paṭisāraṇīyakammaṃ karoti… ukkhepanīyakammārahassa parivāsaṃ deti, parivāsārahassa ukkhepanīyakammaṃ karoti… parivāsārahaṃ mūlāya paṭikassati, mūlāyapaṭikassanārahassa parivāsaṃ deti… mūlāyapaṭikassanārahassa mānattaṃ deti, mānattārahaṃ mūlāya paṭikassati – mānattārahaṃ abbheti, abbhānārahassa mānattaṃ deti… abbhānārahaṃ upasampādeti, upasampadārahaṃ abbheti, evaṃ kho, upāli, adhammakammaṃ hoti avinayakammaṃ. Evañca pana saṅgho sātisāro hotī’’ti.
403. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ ஸதிவினயாரஹஸ்ஸ ஸதிவினயங் தே³தி, அமூள்ஹவினயாரஹஸ்ஸ அமூள்ஹவினயங் தே³தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘த⁴ம்மகம்மங் தங், உபாலி, வினயகம்ம’’ந்தி. ‘‘யோ நு கோ², ப⁴ந்தே, ஸமக்³கோ³ ஸங்கோ⁴ அமூள்ஹவினயாரஹஸ்ஸ அமூள்ஹவினயங் தே³தி…பே॰… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மங் கரோதி…பே॰… தஜ்ஜனீயகம்மாரஹஸ்ஸ தஜ்ஜனீயகம்மங் கரோதி…பே॰… நியஸ்ஸகம்மாரஹஸ்ஸ நியஸ்ஸகம்மங் கரோதி…பே॰… பப்³பா³ஜனீயகம்மாரஹஸ்ஸ பப்³பா³ஜனீயகம்மங் கரோதி…பே॰… படிஸாரணீயகம்மாரஹஸ்ஸ படிஸாரணீயகம்மங் கரோதி…பே॰… உக்கே²பனீயகம்மாரஹஸ்ஸ உக்கே²பனீயகம்மங் கரோதி…பே॰… பரிவாஸாரஹஸ்ஸ பரிவாஸங் தே³தி…பே॰… மூலாயபடிகஸ்ஸனாரஹங் மூலாய படிகஸ்ஸதி…பே॰… மானத்தாரஹஸ்ஸ மானத்தங் தே³தி…பே॰… அப்³பா⁴னாரஹங் அப்³பே⁴தி, உபஸம்பதா³ரஹங் உபஸம்பாதே³தி, த⁴ம்மகம்மங் நு கோ² தங், ப⁴ந்தே, வினயகம்ம’’ந்தி? ‘‘த⁴ம்மகம்மங் தங், உபாலி, வினயகம்மங்’’.
403. ‘‘Yo nu kho, bhante, samaggo saṅgho sativinayārahassa sativinayaṃ deti, amūḷhavinayārahassa amūḷhavinayaṃ deti, dhammakammaṃ nu kho taṃ, bhante, vinayakamma’’nti? ‘‘Dhammakammaṃ taṃ, upāli, vinayakamma’’nti. ‘‘Yo nu kho, bhante, samaggo saṅgho amūḷhavinayārahassa amūḷhavinayaṃ deti…pe… tassapāpiyasikākammārahassa tassapāpiyasikākammaṃ karoti…pe… tajjanīyakammārahassa tajjanīyakammaṃ karoti…pe… niyassakammārahassa niyassakammaṃ karoti…pe… pabbājanīyakammārahassa pabbājanīyakammaṃ karoti…pe… paṭisāraṇīyakammārahassa paṭisāraṇīyakammaṃ karoti…pe… ukkhepanīyakammārahassa ukkhepanīyakammaṃ karoti…pe… parivāsārahassa parivāsaṃ deti…pe… mūlāyapaṭikassanārahaṃ mūlāya paṭikassati…pe… mānattārahassa mānattaṃ deti…pe… abbhānārahaṃ abbheti, upasampadārahaṃ upasampādeti, dhammakammaṃ nu kho taṃ, bhante, vinayakamma’’nti? ‘‘Dhammakammaṃ taṃ, upāli, vinayakammaṃ’’.
‘‘யோ கோ², உபாலி, ஸமக்³கோ³ ஸங்கோ⁴ ஸதிவினயாரஹஸ்ஸ ஸதிவினயங் தே³தி, அமூள்ஹவினயாரஹஸ்ஸ அமூள்ஹவினயங் தே³தி, ஏவங் கோ², உபாலி, த⁴ம்மகம்மங் ஹோதி வினயகம்மங். ஏவஞ்ச பன ஸங்கோ⁴ அனதிஸாரோ ஹோதி . யோ கோ², உபாலி, ஸமக்³கோ³ ஸங்கோ⁴ அமூள்ஹவினயாரஹஸ்ஸ அமூள்ஹவினயங் தே³தி …பே॰… தஸ்ஸபாபியஸிகாகம்மாரஹஸ்ஸ தஸ்ஸபாபியஸிகாகம்மங் கரோதி…பே॰… தஜ்ஜனீயகம்மாரஹஸ்ஸ தஜ்ஜனீயகம்மங் கரோதி…பே॰… நியஸ்ஸகம்மாரஹஸ்ஸ நியஸ்ஸகம்மங் கரோதி…பே॰… பப்³பா³ஜனீயகம்மாரஹஸ்ஸ பப்³பா³ஜனீயகம்மங் கரோதி…பே॰… படிஸாரணீயகம்மாரஹஸ்ஸ படிஸாரணீயகம்மங் கரோதி…பே॰… உக்கே²பனீயகம்மாரஹஸ்ஸ உக்கே²பனீயகம்மங் கரோதி…பே॰… பரிவாஸாரஹஸ்ஸ பரிவாஸங் தே³தி…பே॰… மூலாய படிகஸ்ஸனாரஹங் மூலாய படிகஸ்ஸதி…பே॰… மானத்தாரஹஸ்ஸ மானத்தங் தே³தி…பே॰… அப்³பா⁴னாரஹங் அப்³பே⁴தி, உபஸம்பதா³ரஹங் உபஸம்பாதே³தி, ஏவங் கோ², உபாலி, த⁴ம்மகம்மங் ஹோதி வினயகம்மங். ஏவஞ்ச பன ஸங்கோ⁴ அனதிஸாரோ ஹோதீ’’தி.
‘‘Yo kho, upāli, samaggo saṅgho sativinayārahassa sativinayaṃ deti, amūḷhavinayārahassa amūḷhavinayaṃ deti, evaṃ kho, upāli, dhammakammaṃ hoti vinayakammaṃ. Evañca pana saṅgho anatisāro hoti . Yo kho, upāli, samaggo saṅgho amūḷhavinayārahassa amūḷhavinayaṃ deti …pe… tassapāpiyasikākammārahassa tassapāpiyasikākammaṃ karoti…pe… tajjanīyakammārahassa tajjanīyakammaṃ karoti…pe… niyassakammārahassa niyassakammaṃ karoti…pe… pabbājanīyakammārahassa pabbājanīyakammaṃ karoti…pe… paṭisāraṇīyakammārahassa paṭisāraṇīyakammaṃ karoti…pe… ukkhepanīyakammārahassa ukkhepanīyakammaṃ karoti…pe… parivāsārahassa parivāsaṃ deti…pe… mūlāya paṭikassanārahaṃ mūlāya paṭikassati…pe… mānattārahassa mānattaṃ deti…pe… abbhānārahaṃ abbheti, upasampadārahaṃ upasampādeti, evaṃ kho, upāli, dhammakammaṃ hoti vinayakammaṃ. Evañca pana saṅgho anatisāro hotī’’ti.
404. அத² கோ² ப⁴க³வா பி⁴க்கூ² ஆமந்தேஸி – யோ கோ², பி⁴க்க²வே, ஸமக்³கோ³ ஸங்கோ⁴ ஸதிவினயாரஹஸ்ஸ அமூள்ஹவினயங் தே³தி, ஏவங் கோ², பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ ஸதிவினயாரஹஸ்ஸ தஸ்ஸபாபியஸிகாகம்மங் கரோதி…பே॰… ஸதிவினயாரஹஸ்ஸ தஜ்ஜனீயகம்மங் கரோதி… ஸதிவினயாரஹஸ்ஸ நியஸ்ஸகம்மங் கரோதி… ஸதிவினயாரஹஸ்ஸ பப்³பா³ஜனீயகம்மங் கரோதி… ஸதிவினயாரஹஸ்ஸ படிஸாரணீயகம்மங் கரோதி… ஸதிவினயாரஹஸ்ஸ உக்கே²பனீயகம்மங் கரோதி … ஸதிவினயாரஹஸ்ஸ பரிவாஸங் தே³தி… ஸதிவினயாரஹங் மூலாய படிகஸ்ஸதி… ஸதிவினயாரஹஸ்ஸ மானத்தங் தே³தி… ஸதிவினயாரஹங் அப்³பே⁴தி… ஸதிவினயாரஹங் உபஸம்பாதே³தி, ஏவங் கோ² , பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி.
404. Atha kho bhagavā bhikkhū āmantesi – yo kho, bhikkhave, samaggo saṅgho sativinayārahassa amūḷhavinayaṃ deti, evaṃ kho, bhikkhave, adhammakammaṃ hoti avinayakammaṃ. Evañca pana saṅgho sātisāro hoti. Yo kho, bhikkhave, samaggo saṅgho sativinayārahassa tassapāpiyasikākammaṃ karoti…pe… sativinayārahassa tajjanīyakammaṃ karoti… sativinayārahassa niyassakammaṃ karoti… sativinayārahassa pabbājanīyakammaṃ karoti… sativinayārahassa paṭisāraṇīyakammaṃ karoti… sativinayārahassa ukkhepanīyakammaṃ karoti … sativinayārahassa parivāsaṃ deti… sativinayārahaṃ mūlāya paṭikassati… sativinayārahassa mānattaṃ deti… sativinayārahaṃ abbheti… sativinayārahaṃ upasampādeti, evaṃ kho , bhikkhave, adhammakammaṃ hoti avinayakammaṃ. Evañca pana saṅgho sātisāro hoti.
405. யோ கோ², பி⁴க்க²வே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஸ்ஸபாபியஸிகாகம்மங் கரோதி, ஏவங் கோ², பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ அமூள்ஹவினயாரஹஸ்ஸ தஜ்ஜனீயகம்மங் கரோதி…பே॰… அமூள்ஹவினயாரஹஸ்ஸ நியஸ்ஸகம்மங் கரோதி… அமூள்ஹவினயாரஹஸ்ஸ பப்³பா³ஜனீயகம்மங் கரோதி… அமூள்ஹவினயாரஹஸ்ஸ படிஸாரணீயகம்மங் கரோதி… அமூள்ஹவினயாரஹஸ்ஸ உக்கே²பனீயகம்மங் கரோதி… அமூள்ஹவினயாரஹஸ்ஸ பரிவாஸங் தே³தி… அமூள்ஹவினயாரஹங் மூலாய படிகஸ்ஸதி… அமூள்ஹவினயாரஹஸ்ஸ மானத்தங் தே³தி… அமூள்ஹவினயாரஹங் அப்³பே⁴தி… அமூள்ஹவினயாரஹங் உபஸம்பாதே³தி… அமூள்ஹவினயாரஹஸ்ஸ ஸதிவினயங் தே³தி, ஏவங் கோ², பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி.
405. Yo kho, bhikkhave, samaggo saṅgho amūḷhavinayārahassa tassapāpiyasikākammaṃ karoti, evaṃ kho, bhikkhave, adhammakammaṃ hoti avinayakammaṃ. Evañca pana saṅgho sātisāro hoti. Yo kho, bhikkhave, samaggo saṅgho amūḷhavinayārahassa tajjanīyakammaṃ karoti…pe… amūḷhavinayārahassa niyassakammaṃ karoti… amūḷhavinayārahassa pabbājanīyakammaṃ karoti… amūḷhavinayārahassa paṭisāraṇīyakammaṃ karoti… amūḷhavinayārahassa ukkhepanīyakammaṃ karoti… amūḷhavinayārahassa parivāsaṃ deti… amūḷhavinayārahaṃ mūlāya paṭikassati… amūḷhavinayārahassa mānattaṃ deti… amūḷhavinayārahaṃ abbheti… amūḷhavinayārahaṃ upasampādeti… amūḷhavinayārahassa sativinayaṃ deti, evaṃ kho, bhikkhave, adhammakammaṃ hoti avinayakammaṃ. Evañca pana saṅgho sātisāro hoti.
406. யோ கோ², பி⁴க்க²வே, ஸமக்³கோ³ ஸங்கோ⁴ தஸ்ஸபாபியஸிகாகம்மாரஹஸ்ஸ தஜ்ஜனீயகம்மங் கரோதி…பே॰… தஜ்ஜனீயகம்மாரஹஸ்ஸ… நியஸ்ஸகம்மாரஹஸ்ஸ… பப்³பா³ஜனீயகம்மாரஹஸ்ஸ… படிஸாரணீயகம்மாரஹஸ்ஸ… உக்கே²பனீயகம்மாரஹஸ்ஸ… பரிவாஸாரஹங்… மூலாயபடிகஸ்ஸனாரஹஸ்ஸ… மானத்தாரஹங்… அப்³பா⁴னாரஹங்… உபஸம்பதா³ரஹஸ்ஸ ஸதிவினயங் தே³தி, ஏவங் கோ², பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதி. யோ கோ², பி⁴க்க²வே, ஸமக்³கோ³ ஸங்கோ⁴ உபஸம்பதா³ரஹஸ்ஸ அமூள்ஹவினயங் தே³தி…பே॰… உபஸம்பதா³ரஹஸ்ஸ தஸ்ஸபாபியஸிகாகம்மங் கரோதி… உபஸம்பதா³ரஹஸ்ஸ தஜ்ஜனீயகம்மங் கரோதி… உபஸம்பதா³ரஹஸ்ஸ நியஸ்ஸகம்மங் கரோதி… உபஸம்பதா³ரஹஸ்ஸ பப்³பா³ஜனீயகம்மங் கரோதி… உபஸம்பதா³ரஹஸ்ஸ படிஸாரணீயகம்மங் கரோதி… உபஸம்பதா³ரஹஸ்ஸ உக்கே²பனீயகம்மங் கரோதி… உபஸம்பதா³ரஹஸ்ஸ பரிவாஸங் தே³தி… உபஸம்பதா³ரஹங் மூலாய படிகஸ்ஸதி… உபஸம்பதா³ரஹஸ்ஸ மானத்தங் தே³தி… உபஸம்பதா³ரஹங் அப்³பே⁴தி, ஏவங் கோ², பி⁴க்க²வே, அத⁴ம்மகம்மங் ஹோதி அவினயகம்மங். ஏவஞ்ச பன ஸங்கோ⁴ ஸாதிஸாரோ ஹோதீதி.
406. Yo kho, bhikkhave, samaggo saṅgho tassapāpiyasikākammārahassa tajjanīyakammaṃ karoti…pe… tajjanīyakammārahassa… niyassakammārahassa… pabbājanīyakammārahassa… paṭisāraṇīyakammārahassa… ukkhepanīyakammārahassa… parivāsārahaṃ… mūlāyapaṭikassanārahassa… mānattārahaṃ… abbhānārahaṃ… upasampadārahassa sativinayaṃ deti, evaṃ kho, bhikkhave, adhammakammaṃ hoti avinayakammaṃ. Evañca pana saṅgho sātisāro hoti. Yo kho, bhikkhave, samaggo saṅgho upasampadārahassa amūḷhavinayaṃ deti…pe… upasampadārahassa tassapāpiyasikākammaṃ karoti… upasampadārahassa tajjanīyakammaṃ karoti… upasampadārahassa niyassakammaṃ karoti… upasampadārahassa pabbājanīyakammaṃ karoti… upasampadārahassa paṭisāraṇīyakammaṃ karoti… upasampadārahassa ukkhepanīyakammaṃ karoti… upasampadārahassa parivāsaṃ deti… upasampadārahaṃ mūlāya paṭikassati… upasampadārahassa mānattaṃ deti… upasampadārahaṃ abbheti, evaṃ kho, bhikkhave, adhammakammaṃ hoti avinayakammaṃ. Evañca pana saṅgho sātisāro hotīti.
உபாலிபுச்சா²கதா² நிட்டி²தா.
Upālipucchākathā niṭṭhitā.
உபாலிபுச்சா²பா⁴ணவாரோ நிட்டி²தோ து³தியோ.
Upālipucchābhāṇavāro niṭṭhito dutiyo.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபாலிபுச்சா²கதா² • Upālipucchākathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபாலிபுச்சா²கதா²வண்ணனா • Upālipucchākathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 241. உபாலிபுச்சா²கதா² • 241. Upālipucchākathā
