| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
ഉപാലിസങ്ഘസാമഗ്ഗീപുച്ഛാവണ്ണനാ
Upālisaṅghasāmaggīpucchāvaṇṇanā
൪൭൬. ന മൂലാ മൂലം ഗന്ത്വാതി മൂലതോ മൂലം അഗന്ത്വാ. അത്ഥതോ അപഗതാതി സാമഗ്ഗിസങ്ഖാതഅത്ഥതോ അപഗതാ.
476.Namūlā mūlaṃ gantvāti mūlato mūlaṃ agantvā. Atthato apagatāti sāmaggisaṅkhātaatthato apagatā.
൪൭൭. യേന നം പച്ചത്ഥികാ വദേയ്യും, തം ന ഹി ഹോതീതി സമ്ബന്ധോ. അനപഗതന്തി കാരണതോ അനപേതം, സകാരണന്തി വുത്തം ഹോതി.
477. Yena naṃ paccatthikā vadeyyuṃ, taṃ na hi hotīti sambandho. Anapagatanti kāraṇato anapetaṃ, sakāraṇanti vuttaṃ hoti.
ഉസൂയായാതി ഇമിനാ ദോസാഗതിഗമനസ്സ സങ്ഗഹിതത്താ ‘‘അഗതിഗമനേനാ’’തി അവസേസഅഗതിഗമനം ദസ്സിതന്തി വേദിതബ്ബം. അട്ഠഹി ദൂതങ്ഗേഹീതി ‘‘സോതാ ച ഹോതി സാവേതാ ച ഉഗ്ഗഹേതാ ച ധാരേതാ ച വിഞ്ഞാപേതാ ച കുസലോ ച സഹിതാസഹിതദസ്സനോ ച അകലഹകാരകോ ചാ’’തി ഏവം വുത്തേഹി അട്ഠഹി ദൂതങ്ഗേഹി. സേസമേത്ഥ പാളിതോ അട്ഠകഥാതോ ച സുവിഞ്ഞേയ്യമേവ.
Usūyāyāti iminā dosāgatigamanassa saṅgahitattā ‘‘agatigamanenā’’ti avasesaagatigamanaṃ dassitanti veditabbaṃ. Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññāpetā ca kusalo ca sahitāsahitadassano ca akalahakārako cā’’ti evaṃ vuttehi aṭṭhahi dūtaṅgehi. Sesamettha pāḷito aṭṭhakathāto ca suviññeyyameva.
കോസമ്ബകക്ഖന്ധകവണ്ണനാ നിട്ഠിതാ.
Kosambakakkhandhakavaṇṇanā niṭṭhitā.
ഇതി സമന്തപാസാദികായ വിനയട്ഠകഥായ സാരത്ഥദീപനിയം
Iti samantapāsādikāya vinayaṭṭhakathāya sāratthadīpaniyaṃ
മഹാവഗ്ഗവണ്ണനാ നിട്ഠിതാ.
Mahāvaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൨൭൯. ഉപാലിസങ്ഘസാമഗ്ഗീപുച്ഛാ • 279. Upālisaṅghasāmaggīpucchā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / അട്ഠാരസവത്ഥുകഥാ • Aṭṭhārasavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / സങ്ഘസാമഗ്ഗീകഥാവണ്ണനാ • Saṅghasāmaggīkathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അട്ഠാരസവത്ഥുകഥാവണ്ണനാ • Aṭṭhārasavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨൭൬. അട്ഠാരസവത്ഥുകഥാ • 276. Aṭṭhārasavatthukathā
