| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. убаалисуд̇д̇ам̣
9. Upālisuttaṃ
99. ат̇а ко ааяасмаа убаали язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘ижчаамахам̣, бханд̇з, аран̃н̃аванабад̇т̇аани банд̇аани сзнаасанаани бадисзвид̇у’’нд̇и.
99. Atha kho āyasmā upāli yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho āyasmā upāli bhagavantaṃ etadavoca – ‘‘icchāmahaṃ, bhante, araññavanapatthāni pantāni senāsanāni paṭisevitu’’nti.
‘‘д̣̇урабхисамбхаваани хи ко 1, убаали, аран̃н̃аванабад̇т̇аани банд̇аани сзнаасанаани. д̣̇уггарам̣ бавивзгам̣ д̣̇урабхирамам̣. згад̇д̇з харанд̇и ман̃н̃з мано ванаани самаад̇хим̣ алабхамаанасса бхигкуно. яо ко, убаали, звам̣ вад̣̇зяяа – ‘ахам̣ самаад̇хим̣ алабхамаано аран̃н̃аванабад̇т̇аани банд̇аани сзнаасанаани бадисзвиссаамий’д̇и, д̇ассзд̇ам̣ баадиган̇кам̣ – ‘сам̣сийд̣̇иссад̇и ваа ублависсад̇и ваа’д̇и 2.
‘‘Durabhisambhavāni hi kho 3, upāli, araññavanapatthāni pantāni senāsanāni. Dukkaraṃ pavivekaṃ durabhiramaṃ. Ekatte haranti maññe mano vanāni samādhiṃ alabhamānassa bhikkhuno. Yo kho, upāli, evaṃ vadeyya – ‘ahaṃ samādhiṃ alabhamāno araññavanapatthāni pantāni senāsanāni paṭisevissāmī’ti, tassetaṃ pāṭikaṅkhaṃ – ‘saṃsīdissati vā uplavissati vā’ti 4.
‘‘сзяяат̇ааби, убаали, махаауд̣̇агарахад̣̇о. ат̇а ааг̇ажчзяяа хад̇т̇инааг̇о сад̇д̇арад̇ано ваа ад̣дхадтарад̇ано 5 ваа. д̇асса звамасса – ‘яам̣нуунаахам̣ имам̣ уд̣̇агарахад̣̇ам̣ ог̇аахзд̇ваа ган̣н̣асам̣д̇ховигамби кид̣д̣ам̣ гийл̣зяяам̣ бидтисам̣д̇ховигамби кид̣д̣ам̣ гийл̣зяяам̣. ган̣н̣асам̣д̇ховигамби кид̣д̣ам̣ гийл̣ид̇ваа бидтисам̣д̇ховигамби кид̣д̣ам̣ гийл̣ид̇ваа нхад̇ваа 6 жа бивид̇ваа жа бажжуд̇д̇арид̇ваа язна гаамам̣ баггамзяяа’нд̇и. со д̇ам̣ уд̣̇агарахад̣̇ам̣ ог̇аахзд̇ваа ган̣н̣асам̣д̇ховигамби кид̣д̣ам̣ гийл̣зяяа бидтисам̣д̇ховигамби кид̣д̣ам̣ гийл̣зяяа; ган̣н̣асам̣д̇ховигамби кид̣д̣ам̣ гийл̣ид̇ваа бидтисам̣д̇ховигамби кид̣д̣ам̣ гийл̣ид̇ваа нхад̇ваа жа бивид̇ваа жа бажжуд̇д̇арид̇ваа язна гаамам̣ баггамзяяа. д̇ам̣ гисса хзд̇у? махаа, убаали 7, ад̇д̇абхааво г̇амбхийрз г̇аад̇хам̣ винд̣̇ад̇и.
‘‘Seyyathāpi, upāli, mahāudakarahado. Atha āgaccheyya hatthināgo sattaratano vā aḍḍhaṭṭharatano 8 vā. Tassa evamassa – ‘yaṃnūnāhaṃ imaṃ udakarahadaṃ ogāhetvā kaṇṇasaṃdhovikampi khiḍḍaṃ kīḷeyyaṃ piṭṭhisaṃdhovikampi khiḍḍaṃ kīḷeyyaṃ. Kaṇṇasaṃdhovikampi khiḍḍaṃ kīḷitvā piṭṭhisaṃdhovikampi khiḍḍaṃ kīḷitvā nhatvā 9 ca pivitvā ca paccuttaritvā yena kāmaṃ pakkameyya’nti. So taṃ udakarahadaṃ ogāhetvā kaṇṇasaṃdhovikampi khiḍḍaṃ kīḷeyya piṭṭhisaṃdhovikampi khiḍḍaṃ kīḷeyya; kaṇṇasaṃdhovikampi khiḍḍaṃ kīḷitvā piṭṭhisaṃdhovikampi khiḍḍaṃ kīḷitvā nhatvā ca pivitvā ca paccuttaritvā yena kāmaṃ pakkameyya. Taṃ kissa hetu? Mahā, upāli 10, attabhāvo gambhīre gādhaṃ vindati.
‘‘ат̇а ааг̇ажчзяяа сасо ваа б̣ил̣ааро ваа. д̇асса звамасса – ‘го жаахам̣, го жа хад̇т̇инааг̇о! яам̣нуунаахам̣ имам̣ уд̣̇агарахад̣̇ам̣ ог̇аахзд̇ваа ган̣н̣асам̣д̇ховигамби кид̣д̣ам̣ гийл̣зяяам̣ бидтисам̣д̇ховигамби кид̣д̣ам̣ гийл̣зяяам̣ ; ган̣н̣асам̣д̇ховигамби кид̣д̣ам̣ гийл̣ид̇ваа бидтисам̣д̇ховигамби кид̣д̣ам̣ гийл̣ид̇ваа нхад̇ваа жа бивид̇ваа жа бажжуд̇д̇арид̇ваа язна гаамам̣ баггамзяяа’нд̇и. со д̇ам̣ уд̣̇агарахад̣̇ам̣ сахасаа аббадисан̇каа багканд̣̇зяяа. д̇ассзд̇ам̣ баадиган̇кам̣ – ‘сам̣сийд̣̇иссад̇и ваа ублависсад̇и ваа’д̇и . д̇ам̣ гисса хзд̇у? барид̇д̇о, убаали, ад̇д̇абхааво г̇амбхийрз г̇аад̇хам̣ на винд̣̇ад̇и. звамзвам̣ ко, убаали, яо звам̣ вад̣̇зяяа – ‘ахам̣ самаад̇хим̣ алабхамаано аран̃н̃аванабад̇т̇аани банд̇аани сзнаасанаани бадисзвиссаамий’д̇и, д̇ассзд̇ам̣ баадиган̇кам̣ – ‘сам̣сийд̣̇иссад̇и ваа ублависсад̇и ваа’д̇и.
‘‘Atha āgaccheyya saso vā biḷāro vā. Tassa evamassa – ‘ko cāhaṃ, ko ca hatthināgo! Yaṃnūnāhaṃ imaṃ udakarahadaṃ ogāhetvā kaṇṇasaṃdhovikampi khiḍḍaṃ kīḷeyyaṃ piṭṭhisaṃdhovikampi khiḍḍaṃ kīḷeyyaṃ ; kaṇṇasaṃdhovikampi khiḍḍaṃ kīḷitvā piṭṭhisaṃdhovikampi khiḍḍaṃ kīḷitvā nhatvā ca pivitvā ca paccuttaritvā yena kāmaṃ pakkameyya’nti. So taṃ udakarahadaṃ sahasā appaṭisaṅkhā pakkhandeyya. Tassetaṃ pāṭikaṅkhaṃ – ‘saṃsīdissati vā uplavissati vā’ti . Taṃ kissa hetu? Paritto, upāli, attabhāvo gambhīre gādhaṃ na vindati. Evamevaṃ kho, upāli, yo evaṃ vadeyya – ‘ahaṃ samādhiṃ alabhamāno araññavanapatthāni pantāni senāsanāni paṭisevissāmī’ti, tassetaṃ pāṭikaṅkhaṃ – ‘saṃsīdissati vā uplavissati vā’ti.
‘‘сзяяат̇ааби, убаали, д̣̇ахаро гумааро манд̣̇о уд̇д̇аанасзяяаго сагзна муд̇д̇агарийсзна гийл̣ад̇и. д̇ам̣ гим̣ ман̃н̃аси, убаали, нанвааяам̣ гзвалаа барибуураа б̣аалакид̣д̣аа’’д̇и? ‘‘звам̣, бханд̇з’’.
‘‘Seyyathāpi, upāli, daharo kumāro mando uttānaseyyako sakena muttakarīsena kīḷati. Taṃ kiṃ maññasi, upāli, nanvāyaṃ kevalā paripūrā bālakhiḍḍā’’ti? ‘‘Evaṃ, bhante’’.
‘‘са ко со, убаали, гумааро абарзна самаязна вуд̣̇д̇химанвааяа инд̣̇рияаанам̣ барибаагаманвааяа яаани гаанижи гумаарагаанам̣ гийл̣аабанагаани бхаванд̇и, сзяяат̇ид̣̇ам̣ – ван̇гагам̣ 11 гхадигам̣ могкажигам̣ жин̇г̇улагам̣ 12 бад̇д̇аал̣хагам̣ рат̇агам̣ д̇ханугам̣, д̇зхи гийл̣ад̇и. д̇ам̣ гим̣ ман̃н̃аси, убаали, нанвааяам̣ кид̣д̣аа буримааяа кид̣д̣ааяа абхигганд̇ад̇араа жа бан̣ийд̇ад̇араа жаа’’д̇и? ‘‘звам̣, бханд̇з’’.
‘‘Sa kho so, upāli, kumāro aparena samayena vuddhimanvāya indriyānaṃ paripākamanvāya yāni kānici kumārakānaṃ kīḷāpanakāni bhavanti, seyyathidaṃ – vaṅkakaṃ 13 ghaṭikaṃ mokkhacikaṃ ciṅgulakaṃ 14 pattāḷhakaṃ rathakaṃ dhanukaṃ, tehi kīḷati. Taṃ kiṃ maññasi, upāli, nanvāyaṃ khiḍḍā purimāya khiḍḍāya abhikkantatarā ca paṇītatarā cā’’ti? ‘‘Evaṃ, bhante’’.
‘‘са ко со, убаали, гумааро абарзна самаязна вуд̣̇д̇химанвааяа инд̣̇рияаанам̣ барибаагаманвааяа бан̃жахи гаамаг̇ун̣зхи самаббид̇о саман̇г̇ибхууд̇о барижаарзд̇и жагкувин̃н̃зяязхи руубзхи идтзхи ганд̇зхи манаабзхи бияаруубзхи гаамуубасам̣хид̇зхи раж̇анийязхи, сод̇авин̃н̃зяязхи сад̣̇д̣̇зхи… гхаанавин̃н̃зяязхи г̇анд̇хзхи… ж̇ивхаавин̃н̃зяязхи расзхи… гааяавин̃н̃зяязхи подтаб̣б̣зхи идтзхи ганд̇зхи манаабзхи бияаруубзхи гаамуубасам̣хид̇зхи раж̇анийязхи. д̇ам̣ гим̣ ман̃н̃аси, убаали, нанвааяам̣ кид̣д̣аа буримаахи кид̣д̣аахи абхигганд̇ад̇араа жа бан̣ийд̇ад̇араа жаа’’д̇и? ‘‘звам̣, бханд̇з’’.
‘‘Sa kho so, upāli, kumāro aparena samayena vuddhimanvāya indriyānaṃ paripākamanvāya pañcahi kāmaguṇehi samappito samaṅgibhūto paricāreti cakkhuviññeyyehi rūpehi iṭṭhehi kantehi manāpehi piyarūpehi kāmūpasaṃhitehi rajanīyehi, sotaviññeyyehi saddehi… ghānaviññeyyehi gandhehi… jivhāviññeyyehi rasehi… kāyaviññeyyehi phoṭṭhabbehi iṭṭhehi kantehi manāpehi piyarūpehi kāmūpasaṃhitehi rajanīyehi. Taṃ kiṃ maññasi, upāli, nanvāyaṃ khiḍḍā purimāhi khiḍḍāhi abhikkantatarā ca paṇītatarā cā’’ti? ‘‘Evaṃ, bhante’’.
15 ‘‘ид̇ха ко бана во 16, убаали, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и.
17 ‘‘Idha kho pana vo 18, upāli, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti.
‘‘д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и.
‘‘Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajāpatho, abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti.
‘‘со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и.
‘‘So aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati.
‘‘со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.
‘‘So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato hoti nihitadaṇḍo nihitasattho lajjī dayāpanno sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий; ат̇знзна сужибхууд̇зна ад̇д̇анаа вихарад̇и.
‘‘Adinnādānaṃ pahāya adinnādānā paṭivirato hoti dinnādāyī dinnapāṭikaṅkhī; athenena sucibhūtena attanā viharati.
‘‘аб̣рахмажарияам̣ бахааяа б̣рахмажаарий ход̇и аараажаарий вирад̇о мзт̇унаа г̇аамад̇хаммаа.
‘‘Abrahmacariyaṃ pahāya brahmacārī hoti ārācārī virato methunā gāmadhammā.
‘‘мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса.
‘‘Musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa.
‘‘бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и, ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа, самаг̇г̇аараамо самаг̇г̇арад̇о самаг̇г̇ананд̣̇ий; самаг̇г̇агаран̣им̣ ваажам̣ бхаасид̇аа ход̇и.
‘‘Pisuṇaṃ vācaṃ pahāya pisuṇāya vācāya paṭivirato hoti, ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya. Iti bhinnānaṃ vā sandhātā sahitānaṃ vā anuppadātā, samaggārāmo samaggarato samagganandī; samaggakaraṇiṃ vācaṃ bhāsitā hoti.
‘‘парусам̣ ваажам̣ бахааяа парусааяа ваажааяа бадивирад̇о ход̇и. яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и.
‘‘Pharusaṃ vācaṃ pahāya pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti.
‘‘сампаббалаабам̣ бахааяа сампаббалаабаа бадивирад̇о ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа ход̇и гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘Samphappalāpaṃ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ.
‘‘со б̣ийж̇аг̇аамабхууд̇аг̇аамасамаарамбхаа бадивирад̇о ход̇и. згабхад̇д̇иго ход̇и рад̇д̇уубарад̇о, вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и, маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и, ужжаасаяанамахаасаяанаа бадивирад̇о ход̇и , ж̇аад̇аруубараж̇ад̇абадиг̇г̇ахан̣аа бадивирад̇о ход̇и, аамагад̇хан̃н̃абадиг̇г̇ахан̣аа бадивирад̇о ход̇и, аамагамам̣сабадиг̇г̇ахан̣аа бадивирад̇о ход̇и, ид̇т̇игумааригабадиг̇г̇ахан̣аа бадивирад̇о ход̇и, д̣̇аасид̣̇аасабадиг̇г̇ахан̣аа бадивирад̇о ход̇и, аж̇зл̣агабадиг̇г̇ахан̣аа бадивирад̇о ход̇и, гуггудасуугарабадиг̇г̇ахан̣аа бадивирад̇о ход̇и, хад̇т̇иг̇авассавал̣авабадиг̇г̇ахан̣аа бадивирад̇о ход̇и, кзд̇д̇авад̇т̇убадиг̇г̇ахан̣аа бадивирад̇о ход̇и, д̣̇ууд̇зяяабахин̣аг̇аманаануяог̇аа бадивирад̇о ход̇и, гаяавиггаяаа бадивирад̇о ход̇и, д̇улаагуудагам̣сагуудамаанагуудаа бадивирад̇о ход̇и , уггоданаван̃жананигад̇исаажияог̇аа бадивирад̇о ход̇и, чзд̣̇анавад̇хаб̣анд̇ханавибараамосааалобасахасаагаараа бадивирад̇о ход̇и.
‘‘So bījagāmabhūtagāmasamārambhā paṭivirato hoti. Ekabhattiko hoti rattūparato, virato vikālabhojanā. Naccagītavāditavisūkadassanā paṭivirato hoti, mālāgandhavilepanadhāraṇamaṇḍanavibhūsanaṭṭhānā paṭivirato hoti, uccāsayanamahāsayanā paṭivirato hoti , jātarūparajatapaṭiggahaṇā paṭivirato hoti, āmakadhaññapaṭiggahaṇā paṭivirato hoti, āmakamaṃsapaṭiggahaṇā paṭivirato hoti, itthikumārikapaṭiggahaṇā paṭivirato hoti, dāsidāsapaṭiggahaṇā paṭivirato hoti, ajeḷakapaṭiggahaṇā paṭivirato hoti, kukkuṭasūkarapaṭiggahaṇā paṭivirato hoti, hatthigavassavaḷavapaṭiggahaṇā paṭivirato hoti, khettavatthupaṭiggahaṇā paṭivirato hoti, dūteyyapahiṇagamanānuyogā paṭivirato hoti, kayavikkayā paṭivirato hoti, tulākūṭakaṃsakūṭamānakūṭā paṭivirato hoti , ukkoṭanavañcananikatisāciyogā paṭivirato hoti, chedanavadhabandhanaviparāmosaālopasahasākārā paṭivirato hoti.
‘‘со санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. язна язнзва баггамад̇и самаад̣̇ааязва баггамад̇и, сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и. звамзвам̣ бхигку санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. язна язнзва баггамад̇и самаад̣̇ааязва баггамад̇и. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и.
‘‘So santuṭṭho hoti kāyaparihārikena cīvarena kucchiparihārikena piṇḍapātena. Yena yeneva pakkamati samādāyeva pakkamati, seyyathāpi nāma pakkhī sakuṇo yena yeneva ḍeti sapattabhārova ḍeti. Evamevaṃ bhikkhu santuṭṭho hoti kāyaparihārikena cīvarena kucchiparihārikena piṇḍapātena. Yena yeneva pakkamati samādāyeva pakkamati. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
‘‘со жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий . яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и.
‘‘So cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī . Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati manindriyaṃ, manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti.
‘‘со абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и.
‘‘So abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
‘‘со иминаа жа ариязна сийлагканд̇хзна саманнааг̇ад̇о, иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃з саманнааг̇ад̇о вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа.
‘‘So iminā ca ariyena sīlakkhandhena samannāgato, iminā ca ariyena indriyasaṃvarena samannāgato, iminā ca ariyena satisampajaññe samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.
‘‘со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о , уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
‘‘So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti. Byāpādapadosaṃ pahāya abyāpannacitto viharati sabbapāṇabhūtahitānukampī, byāpādapadosā cittaṃ parisodheti. Thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati ajjhattaṃ vūpasantacitto , uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
‘‘So ime pañca nīvaraṇe pahāya cetaso upakkilese paññāya dubbalīkaraṇe, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и, но жа ко д̇аава ануббад̇д̇асад̣̇ад̇т̇аа вихаранд̇и.
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.
‘‘буна жабарам̣, убаали, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
‘‘Puna caparaṃ, upāli, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и, но жа ко д̇аава ануббад̇д̇асад̣̇ад̇т̇аа вихаранд̇и.
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.
‘‘буна жабарам̣, убаали, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
‘‘Puna caparaṃ, upāli, bhikkhu pītiyā ca virāgā…pe… tatiyaṃ jhānaṃ upasampajja viharati. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и, но жа ко д̇аава ануббад̇д̇асад̣̇ад̇т̇аа вихаранд̇и .
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti .
‘‘буна жабарам̣, убаали, бхигку сукасса жа бахаанаа…бз… жад̇уд̇т̇ам̣ жхаанам̣…бз….
‘‘Puna caparaṃ, upāli, bhikkhu sukhassa ca pahānā…pe… catutthaṃ jhānaṃ…pe….
буна жабарам̣, убаали, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
Puna caparaṃ, upāli, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и, но жа ко д̇аава ануббад̇д̇асад̣̇ад̇т̇аа вихаранд̇и.
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.
‘‘буна жабарам̣, убаали, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и…бз….
‘‘Puna caparaṃ, upāli, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati…pe….
‘‘саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и…бз….
‘‘Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati…pe….
‘‘саб̣б̣асо аагин̃жан̃н̃ааяад̇анам̣ самад̇иггамма ‘санд̇амзд̇ам̣ бан̣ийд̇амзд̇а’нд̇и нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
‘‘Sabbaso ākiñcaññāyatanaṃ samatikkamma ‘santametaṃ paṇītameta’nti nevasaññānāsaññāyatanaṃ upasampajja viharati. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и , но жа ко д̇аава ануббад̇д̇асад̣̇ад̇т̇аа вихаранд̇и.
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti , no ca kho tāva anuppattasadatthā viharanti.
‘‘буна жабарам̣, убаали, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и; бан̃н̃ааяа жасса д̣̇исваа аасаваа баригкийн̣аа хонд̇и. д̇ам̣ гим̣ ман̃н̃аси, убаали, ‘нанвааяам̣ вихааро буримзхи вихаарзхи абхигганд̇ад̇аро жа бан̣ийд̇ад̇аро жаа’’’д̇и? ‘‘звам̣, бханд̇з’’.
‘‘Puna caparaṃ, upāli, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati; paññāya cassa disvā āsavā parikkhīṇā honti. Taṃ kiṃ maññasi, upāli, ‘nanvāyaṃ vihāro purimehi vihārehi abhikkantataro ca paṇītataro cā’’’ti? ‘‘Evaṃ, bhante’’.
‘‘имамби ко, убаали, мама саавагаа ад̇д̇ани д̇хаммам̣ самбассамаанаа аран̃н̃аванабад̇т̇аани банд̇аани сзнаасанаани бадисзванд̇и, ануббад̇д̇асад̣̇ад̇т̇аа жа вихаранд̇и. ин̇гха д̇вам̣, убаали, сан̇гхз вихараахи. сан̇гхз д̇з вихарад̇о паасу бхависсад̇ий’’д̇и. навамам̣.
‘‘Imampi kho, upāli, mama sāvakā attani dhammaṃ sampassamānā araññavanapatthāni pantāni senāsanāni paṭisevanti, anuppattasadatthā ca viharanti. Iṅgha tvaṃ, upāli, saṅghe viharāhi. Saṅghe te viharato phāsu bhavissatī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. убаалисуд̇д̇аван̣н̣анаа • 9. Upālisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. убаалисуд̇д̇аад̣̇иван̣н̣анаа • 9-10. Upālisuttādivaṇṇanā
