| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. убааливаг̇г̇о
4. Upālivaggo
1. убаалисуд̇д̇аван̣н̣анаа
1. Upālisuttavaṇṇanā
31. жад̇уд̇т̇асса батамз сан̇гхасудтуд̇ааяаад̇иаад̣̇ийсу сан̇гхасудтуд̇аа наама сан̇гхасса судтубхааво, ‘‘судту д̣̇зваа’’д̇и ааг̇ад̇адтаанз вияа ‘‘судту, бханд̇з’’д̇и важанасамбадижчанабхааво. яо жа д̇ат̇ааг̇ад̇асса важанам̣ самбадижчад̇и, д̇асса д̇ам̣ д̣̇ийгхарад̇д̇ам̣ хид̇ааяа сукааяа сам̣вад̇д̇ад̇и. д̇асмаа сан̇гхасса ‘‘судту, бханд̇з’’д̇и важанасамбадижчанад̇т̇ам̣ бан̃н̃ад̇д̇ам̣, асамбадижчанз аад̣̇ийнавам̣, самбадижчанз аанисам̣сам̣ д̣̇ассзд̇ваа, на б̣алаггаарзна абхибхавид̇ваад̇и зд̇амад̇т̇ам̣ аавигаронд̇о ааха – сан̇гхасудтуд̇ааяаад̇и. сан̇гхапаасуд̇ааяаад̇и сан̇гхасса паасубхаавааяа, сахаж̇ийвид̇ааяа сукавихаарад̇т̇ааяаад̇и ад̇т̇о.
31. Catutthassa paṭhame saṅghasuṭṭhutāyātiādīsu saṅghasuṭṭhutā nāma saṅghassa suṭṭhubhāvo, ‘‘suṭṭhu devā’’ti āgataṭṭhāne viya ‘‘suṭṭhu, bhante’’ti vacanasampaṭicchanabhāvo. Yo ca tathāgatassa vacanaṃ sampaṭicchati, tassa taṃ dīgharattaṃ hitāya sukhāya saṃvattati. Tasmā saṅghassa ‘‘suṭṭhu, bhante’’ti vacanasampaṭicchanatthaṃ paññattaṃ, asampaṭicchane ādīnavaṃ, sampaṭicchane ānisaṃsaṃ dassetvā, na balakkārena abhibhavitvāti etamatthaṃ āvikaronto āha – saṅghasuṭṭhutāyāti. Saṅghaphāsutāyāti saṅghassa phāsubhāvāya, sahajīvitāya sukhavihāratthāyāti attho.
д̣̇умман̇гуунам̣ буг̇г̇алаанам̣ ниг̇г̇ахааяаад̇и д̣̇умман̇гуунаама д̣̇уссийлабуг̇г̇алаа, яз ман̇гуд̇ам̣ аабаад̣̇ияамаанааби д̣̇угкзна аабаж̇ж̇анд̇и, вийд̇иггамам̣ гаронд̇аа ваа гад̇ваа ваа на лаж̇ж̇анд̇и, д̇зсам̣ ниг̇г̇ахад̇т̇ааяа. д̇з хи сигкаабад̣̇з асад̇и ‘‘гим̣ д̇умхзхи д̣̇идтам̣, гим̣ суд̇ам̣, гим̣ амхзхи гад̇ам̣, гад̇амасмим̣ вад̇т̇усмим̣ гад̇амам̣ аабад̇д̇им̣ робзд̇ваа амхз ниг̇г̇ан̣хат̇аа’’д̇и сан̇гхам̣ вихзтзяяум̣. сигкаабад̣̇з бана сад̇и д̇з сан̇гхо сигкаабад̣̇ам̣ д̣̇ассзд̇ваа саха д̇хаммзна ниг̇г̇ахзссад̇и. д̇зна вуд̇д̇ам̣ – ‘‘д̣̇умман̇гуунам̣ буг̇г̇алаанам̣ ниг̇г̇ахааяаа’’д̇и.
Dummaṅkūnaṃpuggalānaṃ niggahāyāti dummaṅkūnāma dussīlapuggalā, ye maṅkutaṃ āpādiyamānāpi dukkhena āpajjanti, vītikkamaṃ karontā vā katvā vā na lajjanti, tesaṃ niggahatthāya. Te hi sikkhāpade asati ‘‘kiṃ tumhehi diṭṭhaṃ, kiṃ sutaṃ, kiṃ amhehi kataṃ, katamasmiṃ vatthusmiṃ katamaṃ āpattiṃ ropetvā amhe niggaṇhathā’’ti saṅghaṃ viheṭheyyuṃ. Sikkhāpade pana sati te saṅgho sikkhāpadaṃ dassetvā saha dhammena niggahessati. Tena vuttaṃ – ‘‘dummaṅkūnaṃ puggalānaṃ niggahāyā’’ti.
бзсалаананд̇и бияасийлаанам̣ бхигкуунам̣ паасувихаарад̇т̇ааяа. бияасийлаа хи бхигкуу гад̇д̇аб̣б̣аагад̇д̇аб̣б̣ам̣ сааваж̇ж̇аанаваж̇ж̇ам̣ взлам̣ марияаад̣̇ан̃жа аж̇аананд̇аа сигкаад̇д̇аяабаарибуурияаа гхадамаанаа гиламанд̇и, д̇з бана сааваж̇ж̇аанаваж̇ж̇ам̣ взлам̣ марияаад̣̇ан̃жа н̃ад̇ваа сигкаабаарибуурияаа гхадамаанаа на гиламанд̇и. д̇зна д̇зсам̣ сигкаабад̣̇абан̃н̃аабанам̣ паасувихаарааяа сам̣вад̇д̇ад̇иязва. яо ваа д̣̇умман̇гуунам̣ буг̇г̇алаанам̣ ниг̇г̇ахо, свзва д̇зсам̣ паасувихааро. д̣̇уссийлабуг̇г̇алз ниссааяа хи убосат̇аббавааран̣аа на д̇идтанд̇и, сан̇гхагаммаани наббавад̇д̇анд̇и, саамаг̇г̇ий на ход̇и, бхигкуу анзгаг̇г̇аа уд̣̇д̣̇зсаад̣̇ийсу ануяун̃ж̇ид̇ум̣ на саггонд̇и. д̣̇уссийлзсу бана ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и, д̇ад̇о бзсалаа бхигкуу паасу вихаранд̇и. звам̣ ‘‘бзсалаанам̣ бхигкуунам̣ паасувихаарааяаа’’д̇и зд̇т̇а д̣̇вид̇хаа ад̇т̇о взд̣̇ид̇аб̣б̣о.
Pesalānanti piyasīlānaṃ bhikkhūnaṃ phāsuvihāratthāya. Piyasīlā hi bhikkhū kattabbākattabbaṃ sāvajjānavajjaṃ velaṃ mariyādañca ajānantā sikkhāttayapāripūriyā ghaṭamānā kilamanti, te pana sāvajjānavajjaṃ velaṃ mariyādañca ñatvā sikkhāpāripūriyā ghaṭamānā na kilamanti. Tena tesaṃ sikkhāpadapaññāpanaṃ phāsuvihārāya saṃvattatiyeva. Yo vā dummaṅkūnaṃ puggalānaṃ niggaho, sveva tesaṃ phāsuvihāro. Dussīlapuggale nissāya hi uposathappavāraṇā na tiṭṭhanti, saṅghakammāni nappavattanti, sāmaggī na hoti, bhikkhū anekaggā uddesādīsu anuyuñjituṃ na sakkonti. Dussīlesu pana niggahitesu sabbopi ayaṃ upaddavo na hoti, tato pesalā bhikkhū phāsu viharanti. Evaṃ ‘‘pesalānaṃ bhikkhūnaṃ phāsuvihārāyā’’ti ettha dvidhā attho veditabbo.
д̣̇идтад̇хаммигаанам̣ аасаваанам̣ сам̣варааяаад̇и д̣̇идтад̇хаммигаа аасаваа наама асам̣варз тид̇зна д̇асмим̣язва ад̇д̇абхаавз бад̇д̇аб̣б̣аа баан̣иббахаарад̣̇ан̣д̣аббахаарасад̇т̇аббахаарахад̇т̇ажчзд̣̇абаад̣̇ажчзд̣̇аагид̇д̇иаяасавиббадисаараад̣̇аяо д̣̇угкависзсо, д̇зсам̣ сам̣варааяа бид̣̇аханааяа ааг̇аманамаг̇г̇ат̇аганааяаад̇и ад̇т̇о. самбарааяигаананд̇и самбарааяигаа аасаваа наама асам̣варз тид̇зна гад̇абаабагаммамуулагаа самбарааяз нарагаад̣̇ийсу бад̇д̇аб̣б̣аа д̣̇угкависзсаа, д̇зсам̣ бадигхаад̇ад̇т̇ааяа вуубасамад̇т̇ааяа.
Diṭṭhadhammikānaṃ āsavānaṃ saṃvarāyāti diṭṭhadhammikā āsavā nāma asaṃvare ṭhitena tasmiṃyeva attabhāve pattabbā pāṇippahāradaṇḍappahārasatthappahārahatthacchedapādacchedaakittiayasavippaṭisārādayo dukkhaviseso, tesaṃ saṃvarāya pidahanāya āgamanamaggathakanāyāti attho. Samparāyikānanti samparāyikā āsavā nāma asaṃvare ṭhitena katapāpakammamūlakā samparāye narakādīsu pattabbā dukkhavisesā, tesaṃ paṭighātatthāya vūpasamatthāya.
аббасаннаананд̇и сигкаабад̣̇абан̃н̃ад̇д̇ияаа хи сад̇и сигкаабад̣̇абан̃н̃ад̇д̇им̣ н̃ад̇ваа ваа, яат̇аабан̃н̃ад̇д̇ам̣ бадибаж̇ж̇амаанз бхигкуу д̣̇исваа ваа, язби аббасаннаа бан̣д̣ид̇амануссаа, д̇з ‘‘яаани вад̇а логз махааж̇анасса раж̇ж̇анад̣̇уссанамуяханадтаанаани, д̇зхи имз саман̣аа аарагаа вирад̇аа вихаранд̇и, д̣̇уггарам̣ вад̇а гаронд̇ий’’д̇и басаад̣̇ам̣ аабаж̇ж̇анд̇и винаяабидагабод̇т̇агам̣ д̣̇исваа мижчаад̣̇идтигад̇авзд̣̇иб̣раахман̣аа вияа. д̇зна вуд̇д̇ам̣ – ‘‘аббасаннаанам̣ басаад̣̇ааяаа’’д̇и.
Appasannānanti sikkhāpadapaññattiyā hi sati sikkhāpadapaññattiṃ ñatvā vā, yathāpaññattaṃ paṭipajjamāne bhikkhū disvā vā, yepi appasannā paṇḍitamanussā, te ‘‘yāni vata loke mahājanassa rajjanadussanamuyhanaṭṭhānāni, tehi ime samaṇā ārakā viratā viharanti, dukkaraṃ vata karontī’’ti pasādaṃ āpajjanti vinayapiṭakapotthakaṃ disvā micchādiṭṭhikatavedibrāhmaṇā viya. Tena vuttaṃ – ‘‘appasannānaṃ pasādāyā’’ti.
басаннаананд̇и язби саасанз басаннаа гулабуд̇д̇аа, д̇зби сигкаабад̣̇абан̃н̃ад̇д̇им̣ ваа н̃ад̇ваа, яат̇аабан̃н̃ад̇д̇ам̣ бадибаж̇ж̇амаанз бхигкуу ваа д̣̇исваа ‘‘ахо аяяаа д̣̇уггарам̣ гаронд̇и, яз яааваж̇ийвам̣ згабхад̇д̇аа винаяасам̣варам̣ баалзнд̇ий’’д̇и бхияяо бхияяо басийд̣̇анд̇и. д̇зна вуд̇д̇ам̣ – ‘‘басаннаанам̣ бхияяобхаавааяаа’’д̇и.
Pasannānanti yepi sāsane pasannā kulaputtā, tepi sikkhāpadapaññattiṃ vā ñatvā, yathāpaññattaṃ paṭipajjamāne bhikkhū vā disvā ‘‘aho ayyā dukkaraṃ karonti, ye yāvajīvaṃ ekabhattā vinayasaṃvaraṃ pālentī’’ti bhiyyo bhiyyo pasīdanti. Tena vuttaṃ – ‘‘pasannānaṃ bhiyyobhāvāyā’’ti.
сад̣̇д̇хаммадтид̇ияаад̇и д̇ивид̇хо сад̣̇д̇хаммо барияад̇д̇исад̣̇д̇хаммо бадибад̇д̇исад̣̇д̇хаммо ад̇хиг̇амасад̣̇д̇хаммод̇и. д̇ад̇т̇а сагаламби б̣уд̣̇д̇хаважанам̣ барияад̇д̇исад̣̇д̇хаммо наама. д̇зраса д̇худ̇аг̇ун̣аа жаарид̇д̇аваарид̇д̇асийласамаад̇хивибассанаад̇и аяам̣ бадибад̇д̇исад̣̇д̇хаммо наама. навалогуд̇д̇арад̇хаммо ад̇хиг̇амасад̣̇д̇хаммо наама. со саб̣б̣оби яасмаа сигкаабад̣̇абан̃н̃ад̇д̇ияаа сад̇и бхигкуу сигкаабад̣̇ан̃жа д̇асса вибхан̇г̇ан̃жа д̇ад̣̇ад̇т̇аж̇од̇анад̇т̇ам̣ ан̃н̃ан̃жа б̣уд̣̇д̇хаважанам̣ барияаабун̣анд̇и, яат̇аабан̃н̃ад̇д̇ан̃жа бадибаж̇ж̇амаанаа бадибад̇д̇им̣ буурзд̇ваа бадибад̇д̇ияаа ад̇хиг̇анд̇аб̣б̣ам̣ логуд̇д̇арад̇хаммам̣ ад̇хиг̇ажчанд̇и, д̇асмаа сигкаабад̣̇абан̃н̃ад̇д̇ияаа сад̣̇д̇хаммо жирадтид̇иго ход̇и. д̇зна вуд̇д̇ам̣ – ‘‘сад̣̇д̇хаммадтид̇ияаа’’д̇и.
Saddhammaṭṭhitiyāti tividho saddhammo pariyattisaddhammo paṭipattisaddhammo adhigamasaddhammoti. Tattha sakalampi buddhavacanaṃ pariyattisaddhammo nāma. Terasa dhutaguṇā cārittavārittasīlasamādhivipassanāti ayaṃ paṭipattisaddhammo nāma. Navalokuttaradhammo adhigamasaddhammo nāma. So sabbopi yasmā sikkhāpadapaññattiyā sati bhikkhū sikkhāpadañca tassa vibhaṅgañca tadatthajotanatthaṃ aññañca buddhavacanaṃ pariyāpuṇanti, yathāpaññattañca paṭipajjamānā paṭipattiṃ pūretvā paṭipattiyā adhigantabbaṃ lokuttaradhammaṃ adhigacchanti, tasmā sikkhāpadapaññattiyā saddhammo ciraṭṭhitiko hoti. Tena vuttaṃ – ‘‘saddhammaṭṭhitiyā’’ti.
винаяаануг̇г̇ахааяаад̇и сигкаабад̣̇абан̃н̃ад̇д̇ияаа сад̇и сам̣варавинаяо, бахаанавинаяо, самат̇авинаяо, бан̃н̃ад̇д̇ивинаяод̇и жад̇уб̣б̣ид̇хо винаяо ануг̇г̇ахид̇о ход̇и суубад̇т̇амбхид̇о. д̇зна вуд̇д̇ам̣ – ‘‘винаяаануг̇г̇ахааяаа’’д̇и.
Vinayānuggahāyāti sikkhāpadapaññattiyā sati saṃvaravinayo, pahānavinayo, samathavinayo, paññattivinayoti catubbidho vinayo anuggahito hoti sūpatthambhito. Tena vuttaṃ – ‘‘vinayānuggahāyā’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. убаалисуд̇д̇ам̣ • 1. Upālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. убаалисуд̇д̇аван̣н̣анаа • 1. Upālisuttavaṇṇanā
