| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. убаалисуд̇д̇аван̣н̣анаа
9. Upālisuttavaṇṇanā
99. навамз д̣̇урабхисамбхаваанийд̇и самбхавид̇ум̣ д̣̇угкаани д̣̇уссахаани, на саггаа аббзсагкзхи аж̇жхог̇аахид̇унд̇и вуд̇д̇ам̣ ход̇и. аран̃н̃аванабад̇т̇аанийд̇и аран̃н̃аани жа ванабад̇т̇аани жа. ааран̃н̃аган̇г̇анибпаад̣̇анзна аран̃н̃аани, г̇ааманд̇ам̣ ад̇иггамид̇ваа мануссаанам̣ анубажаарадтаанабхаавзна ванабад̇т̇аани. банд̇аанийд̇и барияанд̇аани ад̇ид̣̇уураани. д̣̇уггарам̣ бавивзганд̇и гааяавивзго д̣̇уггаро. д̣̇урабхираманд̇и абхирамид̇ум̣ на сугарам̣. згад̇д̇зд̇и згийбхаавз. гим̣ д̣̇ассзд̇и? гааяавивзгз гад̇зби д̇ад̇т̇а жид̇д̇ам̣ абхирамаабзд̇ум̣ д̣̇уггарам̣. д̣̇ваяам̣д̣̇ваяаараамо хи аяам̣ логод̇и. харанд̇и ман̃н̃зд̇и харанд̇и вияа гхасанд̇и вияа. манод̇и жид̇д̇ам̣. самаад̇хим̣ алабхамаанассаад̇и убажаарасамаад̇хим̣ ваа аббанаасамаад̇хим̣ ваа алабханд̇асса . гим̣ д̣̇ассзд̇и? ийд̣̇исасса бхигкуно д̇ин̣абан̣н̣амиг̇аад̣̇исад̣̇д̣̇зхи вивид̇хзхи жа бхийсанагзхи ванаани жид̇д̇ам̣ вигкибанд̇и ман̃н̃зд̇и. сам̣сийд̣̇иссад̇ийд̇и гаамавид̇аггзна сам̣сийд̣̇иссад̇и. ублависсад̇ийд̇и б̣яаабаад̣̇авихим̣саавид̇аггзхи уд̣̇д̇хам̣ блависсад̇и.
99. Navame durabhisambhavānīti sambhavituṃ dukkhāni dussahāni, na sakkā appesakkhehi ajjhogāhitunti vuttaṃ hoti. Araññavanapatthānīti araññāni ca vanapatthāni ca. Āraññakaṅganipphādanena araññāni, gāmantaṃ atikkamitvā manussānaṃ anupacāraṭṭhānabhāvena vanapatthāni. Pantānīti pariyantāni atidūrāni. Dukkaraṃ pavivekanti kāyaviveko dukkaro. Durabhiramanti abhiramituṃ na sukaraṃ. Ekatteti ekībhāve. Kiṃ dasseti? Kāyaviveke katepi tattha cittaṃ abhiramāpetuṃ dukkaraṃ. Dvayaṃdvayārāmo hi ayaṃ lokoti. Haranti maññeti haranti viya ghasanti viya. Manoti cittaṃ. Samādhiṃ alabhamānassāti upacārasamādhiṃ vā appanāsamādhiṃ vā alabhantassa . Kiṃ dasseti? Īdisassa bhikkhuno tiṇapaṇṇamigādisaddehi vividhehi ca bhīsanakehi vanāni cittaṃ vikkhipanti maññeti. Saṃsīdissatīti kāmavitakkena saṃsīdissati. Uplavissatīti byāpādavihiṃsāvitakkehi uddhaṃ plavissati.
ган̣н̣асам̣д̇ховиганд̇и ган̣н̣з д̇хованд̇зна гийл̣ид̇аб̣б̣ам̣. бидтисам̣д̇ховиганд̇и бидтим̣ д̇хованд̇зна гийл̣ид̇аб̣б̣ам̣. д̇ад̇т̇а уд̣̇агам̣ сон̣д̣ааяа г̇ахзд̇ваа д̣̇вийсу ган̣н̣зсу аасин̃жанам̣ ган̣н̣асам̣д̇ховигаа наама, бидтияам̣ аасин̃жанам̣ бидтисам̣д̇ховигаа наама. г̇аад̇хам̣ винд̣̇ад̇ийд̇и бад̇идтам̣ лабхад̇и. го жаахам̣ го жа хад̇т̇инааг̇од̇и ахам̣ го, хад̇т̇инааг̇о го, ахамби д̇иражчаанаг̇ад̇о, аяамби, маяхамби жад̇д̇ааро баад̣̇аа, имассаби, нану убхоби маяам̣ самасамаад̇и.
Kaṇṇasaṃdhovikanti kaṇṇe dhovantena kīḷitabbaṃ. Piṭṭhisaṃdhovikanti piṭṭhiṃ dhovantena kīḷitabbaṃ. Tattha udakaṃ soṇḍāya gahetvā dvīsu kaṇṇesu āsiñcanaṃ kaṇṇasaṃdhovikā nāma, piṭṭhiyaṃ āsiñcanaṃ piṭṭhisaṃdhovikā nāma. Gādhaṃ vindatīti patiṭṭhaṃ labhati. Ko cāhaṃ ko ca hatthināgoti ahaṃ ko, hatthināgo ko, ahampi tiracchānagato, ayampi, mayhampi cattāro pādā, imassapi, nanu ubhopi mayaṃ samasamāti.
ван̇гаганд̇и гумаарагаанам̣ гийл̣анагам̣ куд̣̇д̣̇аганан̇г̇алам̣. гхадиганд̇и д̣̇ийгхад̣̇ан̣д̣агзна рассад̣̇ан̣д̣агам̣ бахаран̣агийл̣ам̣. могкажиганд̇и сам̣баривад̇д̇агагийл̣ам̣, аагаасз д̣̇ан̣д̣агам̣ г̇ахзд̇ваа бхуумияам̣ ваа сийсам̣ табзд̇ваа хздтубарияабхаавзна баривад̇д̇анагийл̣анд̇и вуд̇д̇ам̣ ход̇и. жин̇г̇улаганд̇и д̇аалабан̣н̣аад̣̇ийхи гад̇ам̣ ваад̇аббахаарзна бариб̣бхаманажаггам̣. бад̇д̇аал̣хагам̣ вужжад̇и бан̣н̣анаал̣и, д̇ааяа ваалугаад̣̇ийни минанд̇аа гийл̣анд̇и. рат̇аганд̇и куд̣̇д̣̇агарат̇ам̣. д̇хануганд̇и куд̣̇д̣̇агад̇ханумзва.
Vaṅkakanti kumārakānaṃ kīḷanakaṃ khuddakanaṅgalaṃ. Ghaṭikanti dīghadaṇḍakena rassadaṇḍakaṃ paharaṇakīḷaṃ. Mokkhacikanti saṃparivattakakīḷaṃ, ākāse daṇḍakaṃ gahetvā bhūmiyaṃ vā sīsaṃ ṭhapetvā heṭṭhupariyabhāvena parivattanakīḷanti vuttaṃ hoti. Ciṅgulakanti tālapaṇṇādīhi kataṃ vātappahārena paribbhamanacakkaṃ. Pattāḷhakaṃ vuccati paṇṇanāḷi, tāya vālukādīni minantā kīḷanti. Rathakanti khuddakarathaṃ. Dhanukanti khuddakadhanumeva.
ид̇ха ко бана вод̇и зд̇т̇а вод̇и нибаад̇амад̇д̇ам̣, ид̇ха ко банаад̇и ад̇т̇о. ин̇гха д̇вам̣, убаали, сан̇гхз вихараахийд̇и зд̇т̇а ин̇гхаад̇и жод̣̇анад̇т̇з нибаад̇о. д̇зна т̇зрам̣ сан̇гхамаж̇жхз вихаарад̇т̇ааяа жод̣̇зд̇и, наасса аран̃н̃аваасам̣ ануж̇аанаад̇и. гасмаа? аран̃н̃асзнаасанз васад̇о гирасса ваасад̇хурамзва бууриссад̇и, на г̇ант̇ад̇хурам̣. сан̇гхамаж̇жхз васанд̇о бана д̣̇вз д̇хураани буурзд̇ваа арахад̇д̇ам̣ баабун̣иссад̇и, винаяабидагз жа баамогко бхависсад̇и. ат̇ассаахам̣ барисамаж̇жхз буб̣б̣абад̇т̇анам̣ буб̣б̣аабхинийхааран̃жа гат̇зд̇ваа имам̣ бхигкум̣ винаяад̇хараанам̣ аг̇г̇адтаанз табзссаамийд̇и имамад̇т̇ам̣ бассамаано сад̇т̇аа т̇зрасса аран̃н̃аваасам̣ наануж̇аанийд̇и. д̣̇асамам̣ уд̇д̇аанад̇т̇амзваад̇и.
Idha kho pana voti ettha voti nipātamattaṃ, idha kho panāti attho. Iṅgha tvaṃ, upāli, saṅghe viharāhīti ettha iṅghāti codanatthe nipāto. Tena theraṃ saṅghamajjhe vihāratthāya codeti, nāssa araññavāsaṃ anujānāti. Kasmā? Araññasenāsane vasato kirassa vāsadhurameva pūrissati, na ganthadhuraṃ. Saṅghamajjhe vasanto pana dve dhurāni pūretvā arahattaṃ pāpuṇissati, vinayapiṭake ca pāmokkho bhavissati. Athassāhaṃ parisamajjhe pubbapatthanaṃ pubbābhinīhārañca kathetvā imaṃ bhikkhuṃ vinayadharānaṃ aggaṭṭhāne ṭhapessāmīti imamatthaṃ passamāno satthā therassa araññavāsaṃ nānujānīti. Dasamaṃ uttānatthamevāti.
убааливаг̇г̇о бан̃жамо.
Upālivaggo pañcamo.
д̣̇уд̇ияабан̣н̣аасагам̣ нидтид̇ам̣.
Dutiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. убаалисуд̇д̇ам̣ • 9. Upālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. убаалисуд̇д̇аад̣̇иван̣н̣анаа • 9-10. Upālisuttādivaṇṇanā
