Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    6. убаалисуд̇д̇аван̣н̣анаа

    6. Upālisuttavaṇṇanā

    56. звам̣ мз суд̇анд̇и убаалисуд̇д̇ам̣. д̇ад̇т̇а наал̣анд̣̇ааяанд̇и нааланд̣̇аад̇и звам̣наамагз наг̇арз д̇ам̣ наг̇арам̣ г̇ожараг̇аамам̣ гад̇ваа. баавааригамб̣аванзд̇и д̣̇уссабаавааригасздтино амб̣аванз. д̇ам̣ гира д̇асса уяяаанам̣ ахоси, со бхаг̇авад̇о д̇хаммад̣̇зсанам̣ суд̇ваа бхаг̇авад̇и басанно д̇асмим̣ уяяаанз гудилзн̣аман̣д̣абаад̣̇ибадиман̣д̣ид̇ам̣ бхаг̇авад̇о вихаарам̣ гад̇ваа нияяаад̣̇зси, со вихааро ж̇ийвагамб̣аванам̣ вияа баавааригамб̣авананд̇зва сан̇кам̣ г̇ад̇о. д̇асмим̣ баавааригамб̣аванз вихарад̇ийд̇и ад̇т̇о. д̣̇ийгхад̇абассийд̇и д̣̇ийгхад̇д̇аа звам̣лад̣̇д̇ханаамо. бин̣д̣абаад̇абадигганд̇од̇и бин̣д̣абаад̇ад̇о бадигганд̇о. саасанз вияа гим̣ бана б̣аахирааяад̇анз бин̣д̣абаад̇од̇и вохааро ад̇т̇ийд̇и, над̇т̇и.

    56.Evaṃme sutanti upālisuttaṃ. Tattha nāḷandāyanti nālandāti evaṃnāmake nagare taṃ nagaraṃ gocaragāmaṃ katvā. Pāvārikambavaneti dussapāvārikaseṭṭhino ambavane. Taṃ kira tassa uyyānaṃ ahosi, so bhagavato dhammadesanaṃ sutvā bhagavati pasanno tasmiṃ uyyāne kuṭileṇamaṇḍapādipaṭimaṇḍitaṃ bhagavato vihāraṃ katvā niyyādesi, so vihāro jīvakambavanaṃ viya pāvārikambavananteva saṅkhaṃ gato. Tasmiṃ pāvārikambavane viharatīti attho. Dīghatapassīti dīghattā evaṃladdhanāmo. Piṇḍapātapaṭikkantoti piṇḍapātato paṭikkanto. Sāsane viya kiṃ pana bāhirāyatane piṇḍapātoti vohāro atthīti, natthi.

    бан̃н̃абзд̇ийд̇и д̣̇ассзд̇и табзд̇и. д̣̇ан̣д̣аани бан̃н̃абзд̇ийд̇и ид̣̇ам̣ ниг̇ан̣тасамаязна бужчанд̇о ааха. гааяад̣̇ан̣д̣ам̣ важийд̣̇ан̣д̣ам̣ манод̣̇ан̣д̣анд̇и зд̇т̇а буримад̣̇ан̣д̣ад̣̇ваяам̣ д̇з ажид̇д̇агам̣ баяяабзнд̇и. яат̇аа гира ваад̇з вааяанд̇з саакаа жалад̇и, уд̣̇агам̣ жалад̇и, на жа д̇ад̇т̇а жид̇д̇ам̣ ад̇т̇и, звам̣ гааяад̣̇ан̣д̣оби ажид̇д̇агова ход̇и. яат̇аа жа ваад̇з вааяанд̇з д̇аалабан̣н̣аад̣̇ийни сад̣̇д̣̇ам̣ гаронд̇и, уд̣̇агаани сад̣̇д̣̇ам̣ гаронд̇и , на жа д̇ад̇т̇а жид̇д̇ам̣ ад̇т̇и, звам̣ важийд̣̇ан̣д̣оби ажид̇д̇агова ход̇ийд̇и имам̣ д̣̇ан̣д̣ад̣̇ваяам̣ ажид̇д̇агам̣ бан̃н̃абзнд̇и. жид̇д̇ам̣ бана манод̣̇ан̣д̣анд̇и бан̃н̃абзнд̇и. ат̇асса бхаг̇аваа важанам̣ бад̇идтабзд̇угаамо ‘‘гим̣ бана д̇абассий’’д̇иаад̣̇имааха.

    Paññapetīti dasseti ṭhapeti. Daṇḍāni paññapetīti idaṃ nigaṇṭhasamayena pucchanto āha. Kāyadaṇḍaṃ vacīdaṇḍaṃ manodaṇḍanti ettha purimadaṇḍadvayaṃ te acittakaṃ payyapenti. Yathā kira vāte vāyante sākhā calati, udakaṃ calati, na ca tattha cittaṃ atthi, evaṃ kāyadaṇḍopi acittakova hoti. Yathā ca vāte vāyante tālapaṇṇādīni saddaṃ karonti, udakāni saddaṃ karonti , na ca tattha cittaṃ atthi, evaṃ vacīdaṇḍopi acittakova hotīti imaṃ daṇḍadvayaṃ acittakaṃ paññapenti. Cittaṃ pana manodaṇḍanti paññapenti. Athassa bhagavā vacanaṃ patiṭṭhapetukāmo ‘‘kiṃ pana tapassī’’tiādimāha.

    д̇ад̇т̇а гат̇аавад̇т̇усминд̇и зд̇т̇а гат̇ааязва гат̇аавад̇т̇у. гат̇ааяам̣ бад̇идтабзсийд̇и ад̇т̇о. гасмаа бана бхаг̇аваа звамагааси? бассад̇и хи бхаг̇аваа ‘‘аяам̣ имам̣ гат̇ам̣ аад̣̇ааяа г̇анд̇ваа ад̇д̇ано сад̇т̇у махааниг̇ан̣тасса аарожзссад̇и, д̇аасан̃жа барисад̇и, убаали г̇ахабад̇и нисинно, со имам̣ гат̇ам̣ суд̇ваа мама ваад̣̇ам̣ ааробзд̇ум̣ ааг̇амиссад̇и, д̇ассаахам̣ д̇хаммам̣ д̣̇зсзссаами, со д̇игкад̇д̇ум̣ саран̣ам̣ г̇амиссад̇и, ат̇асса жад̇д̇аари сажжаани багаасзссаами, со сажжабагаасанаавасаанз сод̇аабад̇д̇ипалз бад̇идтахиссад̇и, барзсам̣ сан̇г̇ахад̇т̇амзва хи маяаа баарамияо буурид̇аа’’д̇и. имамад̇т̇ам̣ бассанд̇о звамагааси.

    Tattha kathāvatthusminti ettha kathāyeva kathāvatthu. Kathāyaṃ patiṭṭhapesīti attho. Kasmā pana bhagavā evamakāsi? Passati hi bhagavā ‘‘ayaṃ imaṃ kathaṃ ādāya gantvā attano satthu mahānigaṇṭhassa ārocessati, tāsañca parisati, upāli gahapati nisinno, so imaṃ kathaṃ sutvā mama vādaṃ āropetuṃ āgamissati, tassāhaṃ dhammaṃ desessāmi, so tikkhattuṃ saraṇaṃ gamissati, athassa cattāri saccāni pakāsessāmi, so saccapakāsanāvasāne sotāpattiphale patiṭṭhahissati, paresaṃ saṅgahatthameva hi mayā pāramiyo pūritā’’ti. Imamatthaṃ passanto evamakāsi.

    57. гаммаани бан̃н̃абзсийд̇и ид̣̇ам̣ ниг̇ан̣то б̣уд̣̇д̇хасамаязна бужчанд̇о ааха. гааяагаммам̣ важийгаммам̣ маногамманд̇и зд̇т̇а гааяад̣̇ваарз аад̣̇аанаг̇ахан̣амун̃жанажобанабад̇д̇аа адтагаамааважарагусалажзд̇анаа д̣̇ваад̣̇асаагусалажзд̇анаад̇и вийсад̇ижзд̇анаа гааяагаммам̣ наама. гааяад̣̇ваарз аад̣̇аанаад̣̇ийни абад̇ваа важийд̣̇ваарз важанабхзд̣̇ам̣ баабаяамаанаа уббаннаа д̇ааязва вийсад̇ижзд̇анаа важийгаммам̣ наама. убхаяад̣̇ваарз жобанам̣ аббад̇ваа манод̣̇ваарз уббаннаа згуунад̇им̣сагусалаагусалажзд̇анаа маногаммам̣ наама. абижа сан̇кзбад̇о д̇ивид̇хам̣ гааяад̣̇ужжарид̇ам̣ гааяагаммам̣ наама, жад̇уб̣б̣ид̇хам̣ важийд̣̇ужжарид̇ам̣ важийгаммам̣ наама, д̇ивид̇хам̣ манод̣̇ужжарид̇ам̣ маногаммам̣ наама. имасмин̃жа суд̇д̇з гаммам̣ д̇хурам̣, ананд̇арасуд̇д̇з ‘‘жад̇д̇ааримаани бун̣н̣а гаммаани маяаа саяам̣ абхин̃н̃аа сажчигад̇ваа бавзд̣̇ид̇ааний’’д̇и (ма. ни. 2.81) звамааг̇ад̇зби жзд̇анаа д̇хурам̣. яад̇т̇а гад̇т̇ажи бавад̇д̇аа жзд̇анаа ‘‘ган̣хам̣ ган̣хавибаага’’нд̇иаад̣̇ибхзд̣̇ам̣ лабхад̇и. нид̣̇д̣̇зсаваарз жасса ‘‘саб̣яааб̣аж̇жхам̣ гааяасан̇каарам̣ абхисан̇карод̇ий’’д̇иаад̣̇инаа наязна саа вуд̇д̇аава. гааяад̣̇ваарз бавад̇д̇аа бана ид̇ха гааяагамманд̇и ад̇хиббзд̇ам̣, важийд̣̇ваарз бавад̇д̇аа важийгаммам̣, манод̣̇ваарз бавад̇д̇аа маногаммам̣. д̇зна вуд̇д̇ам̣ – ‘‘имасмим̣ суд̇д̇з гаммам̣ д̇хурам̣, ананд̇арасуд̇д̇з жзд̇анаа’’д̇и. гаммамби хи бхаг̇аваа гамманд̇и бан̃н̃абзд̇и яат̇аа имасмим̣язва суд̇д̇з. жзд̇анамби, яат̇ааха – ‘‘жзд̇анаахам̣, бхигкавз, гаммам̣ вад̣̇аами, жзд̇аяид̇ваа гаммам̣ гарод̇ий’’д̇и (а. ни. 6.63). гасмаа бана жзд̇анаа гамманд̇и вуд̇д̇аа? жзд̇анаамуулагад̇д̇аа гаммасса.

    57.Kammānipaññapesīti idaṃ nigaṇṭho buddhasamayena pucchanto āha. Kāyakammaṃ vacīkammaṃ manokammanti ettha kāyadvāre ādānagahaṇamuñcanacopanapattā aṭṭhakāmāvacarakusalacetanā dvādasākusalacetanāti vīsaticetanā kāyakammaṃ nāma. Kāyadvāre ādānādīni apatvā vacīdvāre vacanabhedaṃ pāpayamānā uppannā tāyeva vīsaticetanā vacīkammaṃ nāma. Ubhayadvāre copanaṃ appatvā manodvāre uppannā ekūnatiṃsakusalākusalacetanā manokammaṃ nāma. Apica saṅkhepato tividhaṃ kāyaduccaritaṃ kāyakammaṃ nāma, catubbidhaṃ vacīduccaritaṃ vacīkammaṃ nāma, tividhaṃ manoduccaritaṃ manokammaṃ nāma. Imasmiñca sutte kammaṃ dhuraṃ, anantarasutte ‘‘cattārimāni puṇṇa kammāni mayā sayaṃ abhiññā sacchikatvā paveditānī’’ti (ma. ni. 2.81) evamāgatepi cetanā dhuraṃ. Yattha katthaci pavattā cetanā ‘‘kaṇhaṃ kaṇhavipāka’’ntiādibhedaṃ labhati. Niddesavāre cassa ‘‘sabyābajjhaṃ kāyasaṅkhāraṃ abhisaṅkharotī’’tiādinā nayena sā vuttāva. Kāyadvāre pavattā pana idha kāyakammanti adhippetaṃ, vacīdvāre pavattā vacīkammaṃ, manodvāre pavattā manokammaṃ. Tena vuttaṃ – ‘‘imasmiṃ sutte kammaṃ dhuraṃ, anantarasutte cetanā’’ti. Kammampi hi bhagavā kammanti paññapeti yathā imasmiṃyeva sutte. Cetanampi, yathāha – ‘‘cetanāhaṃ, bhikkhave, kammaṃ vadāmi, cetayitvā kammaṃ karotī’’ti (a. ni. 6.63). Kasmā pana cetanā kammanti vuttā? Cetanāmūlakattā kammassa.

    зд̇т̇а жа агусалам̣ бад̇ваа гааяагаммам̣ важийгаммам̣ маханд̇анд̇и вад̣̇анд̇о на гиламад̇и, гусалам̣ бад̇ваа маногаммам̣. д̇ат̇аа хи маад̇угхаад̇аад̣̇ийни жад̇д̇аари гаммаани гааязнзва убаггамид̇ваа гааязнзва гарод̇и, нираяз габбадтигасан̇гхабхзд̣̇агаммам̣ важийд̣̇ваарзна гарод̇и. звам̣ агусалам̣ бад̇ваа гааяагаммам̣ важийгаммам̣ маханд̇анд̇и вад̣̇анд̇о на гиламад̇и наама. згаа бана жхаанажзд̇анаа жад̇ураасийд̇игаббасахассаани саг̇г̇асамбад̇д̇им̣ аавахад̇и, згаа маг̇г̇ажзд̇анаа саб̣б̣аагусалам̣ самуг̇гхаад̇зд̇ваа арахад̇д̇ам̣ г̇ан̣хаабзд̇и. звам̣ гусалам̣ бад̇ваа маногаммам̣ маханд̇анд̇и вад̣̇анд̇о на гиламад̇и наама. имасмим̣ бана таанз бхаг̇аваа агусалам̣ бад̇ваа маногаммам̣ махаасааваж̇ж̇ам̣ вад̣̇амаано нияад̇амижчаад̣̇идтим̣ санд̇хааяа вад̣̇ад̇и. д̇знзвааха – ‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ махаасааваж̇ж̇ам̣, яат̇аяид̣̇ам̣, бхигкавз, мижчаад̣̇идти. мижчаад̣̇идтибарамаани, бхигкавз, махаасааваж̇ж̇ааний’’д̇и (а. ни. 1.310).

    Ettha ca akusalaṃ patvā kāyakammaṃ vacīkammaṃ mahantanti vadanto na kilamati, kusalaṃ patvā manokammaṃ. Tathā hi mātughātādīni cattāri kammāni kāyeneva upakkamitvā kāyeneva karoti, niraye kappaṭṭhikasaṅghabhedakammaṃ vacīdvārena karoti. Evaṃ akusalaṃ patvā kāyakammaṃ vacīkammaṃ mahantanti vadanto na kilamati nāma. Ekā pana jhānacetanā caturāsītikappasahassāni saggasampattiṃ āvahati, ekā maggacetanā sabbākusalaṃ samugghātetvā arahattaṃ gaṇhāpeti. Evaṃ kusalaṃ patvā manokammaṃ mahantanti vadanto na kilamati nāma. Imasmiṃ pana ṭhāne bhagavā akusalaṃ patvā manokammaṃ mahāsāvajjaṃ vadamāno niyatamicchādiṭṭhiṃ sandhāya vadati. Tenevāha – ‘‘nāhaṃ, bhikkhave, aññaṃ ekadhammampi samanupassāmi, yaṃ evaṃ mahāsāvajjaṃ, yathayidaṃ, bhikkhave, micchādiṭṭhi. Micchādiṭṭhiparamāni, bhikkhave, mahāsāvajjānī’’ti (a. ni. 1.310).

    ид̣̇аани ниг̇ан̣тоби д̇ат̇ааг̇ад̇зна г̇ад̇амаг̇г̇ам̣ бадибаж̇ж̇анд̇о гин̃жи ад̇т̇анибпад̇д̇им̣ абассанд̇оби ‘‘гим̣ банаавусо, г̇од̇амаа’’д̇иаад̣̇имааха.

    Idāni nigaṇṭhopi tathāgatena gatamaggaṃ paṭipajjanto kiñci atthanipphattiṃ apassantopi ‘‘kiṃ panāvuso, gotamā’’tiādimāha.

    58. б̣аалагинияаад̇и убаалисса гира б̣аалагалон̣агаараг̇аамо наама ад̇т̇и, д̇ад̇о ааяам̣ г̇ахзд̇ваа мануссаа ааг̇ад̇аа, со ‘‘зт̇а бхан̣з, амхаагам̣ сад̇т̇аарам̣ махааниг̇ан̣там̣ бассиссаамаа’’д̇и д̇ааяа барисааяа баривуд̇о д̇ад̇т̇а аг̇амааси. д̇ам̣ санд̇хааяа вуд̇д̇ам̣ ‘‘б̣аалагинияаа барисааяаа’’д̇и, б̣аалагаг̇аамаваасинияаад̇и ад̇т̇о. убаалибамукааяаад̇и убаалиж̇здтагааяа. абижа б̣аалагинияаад̇и б̣аалавад̇ияаа б̣аалуссаннааяаад̇иби ад̇т̇о. убаалибамукааяаад̇и убаалиг̇ахабад̇иязва д̇ад̇т̇а т̇огам̣ саббан̃н̃о, со д̇ассаа бамуко ж̇здтаго. д̇знааби вуд̇д̇ам̣ ‘‘убаалибамукааяаа’’д̇и. ханд̣̇аад̇и важасааяад̇т̇з нибаад̇о. чавод̇и лаамаго. ол̣ааригассаад̇и маханд̇асса . убанид̇хааяаад̇и убанигкибид̇ваа. ид̣̇ам̣ вуд̇д̇ам̣ ход̇и, гааяад̣̇ан̣д̣асса санд̇игз нигкибид̇ваа ‘‘аяам̣ ну ко маханд̇о, аяам̣ маханд̇о’’д̇и звам̣ ологияамаано чаво манод̣̇ан̣д̣о гим̣ собхад̇и, гуд̇о собхиссад̇и, на собхад̇и, убанигкзбамад̇д̇амби наббаход̇ийд̇и д̣̇ийбзд̇и. саад̇ху саад̇ху, бханд̇з, д̇абассийд̇и д̣̇ийгхад̇абассисса саад̇хугаарам̣ д̣̇знд̇о, бханд̇зд̇и наадабуд̇д̇амаалабад̇и.

    58.Bālakiniyāti upālissa kira bālakaloṇakāragāmo nāma atthi, tato āyaṃ gahetvā manussā āgatā, so ‘‘etha bhaṇe, amhākaṃ satthāraṃ mahānigaṇṭhaṃ passissāmā’’ti tāya parisāya parivuto tattha agamāsi. Taṃ sandhāya vuttaṃ ‘‘bālakiniyā parisāyā’’ti, bālakagāmavāsiniyāti attho. Upālipamukhāyāti upālijeṭṭhakāya. Apica bālakiniyāti bālavatiyā bālussannāyātipi attho. Upālipamukhāyāti upāligahapatiyeva tattha thokaṃ sappañño, so tassā pamukho jeṭṭhako. Tenāpi vuttaṃ ‘‘upālipamukhāyā’’ti. Handāti vacasāyatthe nipāto. Chavoti lāmako. Oḷārikassāti mahantassa . Upanidhāyāti upanikkhipitvā. Idaṃ vuttaṃ hoti, kāyadaṇḍassa santike nikkhipitvā ‘‘ayaṃ nu kho mahanto, ayaṃ mahanto’’ti evaṃ olokiyamāno chavo manodaṇḍo kiṃ sobhati, kuto sobhissati, na sobhati, upanikkhepamattampi nappahotīti dīpeti. Sādhu sādhu, bhante, tapassīti dīghatapassissa sādhukāraṃ dento, bhanteti nāṭaputtamālapati.

    60. на ко мзд̇ам̣, бханд̇з, ружжад̇ийд̇и, бханд̇з, зд̇ам̣ маяхам̣ на ружжад̇и. мааяаавийд̇и мааяаагааро. аавадданимааяанд̇и ааваддзд̇ваа г̇ахан̣амааяам̣. ааваддзд̇ийд̇и ааваддзд̇ваа баригкибид̇ваа г̇ан̣хаад̇и. г̇ажча д̇вам̣ г̇ахабад̇ийд̇и гасмаа махааниг̇ан̣то г̇ахабад̇им̣ яаавад̇ад̇ияам̣ бахин̣ад̇иязва? д̣̇ийгхад̇абассий бана бадиб̣аахад̇зва? махааниг̇ан̣тзна хи бхаг̇авад̇аа сад̣̇д̇хим̣ згам̣ наг̇арам̣ убаниссааяа вихаранд̇знаби на бхаг̇аваа д̣̇идтабуб̣б̣о. яо хи сад̇т̇уваад̣̇абадин̃н̃о ход̇и, со д̇ам̣ бадин̃н̃ам̣ аббахааяа б̣уд̣̇д̇хад̣̇ассанз абхаб̣б̣о. д̇асмаа зса б̣уд̣̇д̇хад̣̇ассанасса алад̣̇д̇хабуб̣б̣ад̇д̇аа д̣̇асаб̣аласса д̣̇ассанасамбад̇д̇ин̃жа нияяаанигагат̇аабхааван̃жа аж̇аананд̇о яаавад̇ад̇ияам̣ бахин̣ад̇зва. д̣̇ийгхад̇абассий бана гаалзна гаалам̣ бхаг̇аванд̇ам̣ убасан̇гамид̇ваа д̇идтад̇иби нисийд̣̇ад̇иби бан̃хамби бужчад̇и, со д̇ат̇ааг̇ад̇асса д̣̇ассанасамбад̇д̇имби нияяаанигагат̇аабхаавамби ж̇аанаад̇и. ат̇асса зд̇ад̣̇ахоси – ‘‘аяам̣ г̇ахабад̇и бан̣д̣ид̇о, саман̣асса г̇од̇амасса санд̇игз г̇анд̇ваа д̣̇ассанзби басийд̣̇зяяа, нияяаанигагат̇ам̣ суд̇вааби басийд̣̇зяяа. д̇ад̇о на буна амхаагам̣ санд̇игам̣ ааг̇ажчзяяаа’’д̇и. д̇асмаа яаавад̇ад̇ияам̣ бадиб̣аахад̇зва.

    60.Nakho metaṃ, bhante, ruccatīti, bhante, etaṃ mayhaṃ na ruccati. Māyāvīti māyākāro. Āvaṭṭanimāyanti āvaṭṭetvā gahaṇamāyaṃ. Āvaṭṭetīti āvaṭṭetvā parikkhipitvā gaṇhāti. Gaccha tvaṃ gahapatīti kasmā mahānigaṇṭho gahapatiṃ yāvatatiyaṃ pahiṇatiyeva? Dīghatapassī pana paṭibāhateva? Mahānigaṇṭhena hi bhagavatā saddhiṃ ekaṃ nagaraṃ upanissāya viharantenapi na bhagavā diṭṭhapubbo. Yo hi satthuvādapaṭiñño hoti, so taṃ paṭiññaṃ appahāya buddhadassane abhabbo. Tasmā esa buddhadassanassa aladdhapubbattā dasabalassa dassanasampattiñca niyyānikakathābhāvañca ajānanto yāvatatiyaṃ pahiṇateva. Dīghatapassī pana kālena kālaṃ bhagavantaṃ upasaṅkamitvā tiṭṭhatipi nisīdatipi pañhampi pucchati, so tathāgatassa dassanasampattimpi niyyānikakathābhāvampi jānāti. Athassa etadahosi – ‘‘ayaṃ gahapati paṇḍito, samaṇassa gotamassa santike gantvā dassanepi pasīdeyya, niyyānikakathaṃ sutvāpi pasīdeyya. Tato na puna amhākaṃ santikaṃ āgaccheyyā’’ti. Tasmā yāvatatiyaṃ paṭibāhateva.

    абхиваад̣̇зд̇ваад̇и ванд̣̇ид̇ваа. д̇ат̇ааг̇ад̇ан̃хи д̣̇исваа басаннааби аббасаннааби язбхуяязна ванд̣̇анд̇иязва, аббагаа на ванд̣̇анд̇и. гасмаа? ад̇иужжз хи гулз ж̇аад̇о аг̇аарам̣ аж̇жхаавасанд̇оби ванд̣̇ид̇аб̣б̣оязваад̇и. аяам̣ бана г̇ахабад̇и басаннад̇д̇аава ванд̣̇и, д̣̇ассанзязва гира басанно. ааг̇амаа ну квид̇хаад̇и ааг̇амаа ну ко ид̇ха.

    Abhivādetvāti vanditvā. Tathāgatañhi disvā pasannāpi appasannāpi yebhuyyena vandantiyeva, appakā na vandanti. Kasmā? Atiucce hi kule jāto agāraṃ ajjhāvasantopi vanditabboyevāti. Ayaṃ pana gahapati pasannattāva vandi, dassaneyeva kira pasanno. Āgamā nu khvidhāti āgamā nu kho idha.

    61. саад̇ху саад̇ху, бханд̇з, д̇абассийд̇и д̣̇ийгхад̇абассисса саад̇хугаарам̣ д̣̇знд̇о, бханд̇зд̇и, бхаг̇аванд̇ам̣ аалабад̇и. сажжз бад̇идтааяаад̇и т̇усараасимхи аагодид̇акаан̣уго вияа ажаланд̇о важийсажжз бад̇идтахид̇ваа. сияаа нод̇и бхавзяяа амхаагам̣.

    61.Sādhu sādhu, bhante, tapassīti dīghatapassissa sādhukāraṃ dento, bhanteti, bhagavantaṃ ālapati. Sacce patiṭṭhāyāti thusarāsimhi ākoṭitakhāṇuko viya acalanto vacīsacce patiṭṭhahitvā. Siyānoti bhaveyya amhākaṃ.

    62. ид̇хаад̇и имасмим̣ логз. ассаад̇и бхавзяяа. сийд̇од̣̇агабадигкид̇д̇од̇и ниг̇ан̣таа сад̇д̇асан̃н̃ааяа сийд̇од̣̇агам̣ бадигкибанд̇и. д̇ам̣ санд̇хааязд̇ам̣ вуд̇д̇ам̣. маносад̇д̇аа наама д̣̇зваад̇и манамхи сад̇д̇аа лаг̇г̇аа лаг̇ид̇аа. манобадиб̣ад̣̇д̇ход̇и яасмаа манамхи бадиб̣ад̣̇д̇хо худ̇ваа гаалан̇гарод̇и, д̇асмаа маносад̇д̇зсу д̣̇звзсу убабаж̇ж̇ад̇ийд̇и д̣̇ассзд̇и. д̇асса хи бид̇д̇аж̇арарог̇о бхависсад̇и. д̇знасса ун̣ход̣̇агам̣ бивид̇ум̣ ваа хад̇т̇абаад̣̇аад̣̇ид̇хованад̇т̇ааяа ваа г̇ад̇д̇абарисин̃жанад̇т̇ааяа ваа убанзд̇ум̣ на ваддад̇и, рог̇о б̣алавад̇аро ход̇и. сийд̇од̣̇агам̣ ваддад̇и, рог̇ам̣ вуубасамзд̇и. аяам̣ бана ун̣ход̣̇агамзва бадисзвад̇и, д̇ам̣ алабхамаано од̣̇анаган̃ж̇игам̣ бадисзвад̇и. жид̇д̇зна бана сийд̇од̣̇агам̣ баад̇угаамо жа барибхун̃ж̇ид̇угаамо жа ход̇и. д̇знасса манод̣̇ан̣д̣о д̇ад̇т̇зва бхиж̇ж̇ад̇и. со гааяад̣̇ан̣д̣ам̣ важийд̣̇ан̣д̣ам̣ рагкаамийд̇и сийд̇од̣̇агам̣ баад̇угаамо ваа барибхун̃ж̇ид̇угаамо ваа сийд̇од̣̇агамзва д̣̇зт̇аад̇и вад̇д̇ум̣ на висахад̇и. д̇асса звам̣ рагкид̇ааби гааяад̣̇ан̣д̣аважийд̣̇ан̣д̣аа жуд̇им̣ ваа бадисанд̇хим̣ ваа аагад̣дхид̇ум̣ на саггонд̇и. манод̣̇ан̣д̣о бана бхинноби жуд̇имби бадисанд̇химби аагад̣дхад̇иязва. ид̇и нам̣ бхаг̇аваа д̣̇уб̣б̣алагааяад̣̇ан̣д̣аважийд̣̇ан̣д̣аа чаваа лаамагаа, манод̣̇ан̣д̣ова б̣алаваа маханд̇од̇и вад̣̇аабзси.

    62.Idhāti imasmiṃ loke. Assāti bhaveyya. Sītodakapaṭikkhittoti nigaṇṭhā sattasaññāya sītodakaṃ paṭikkhipanti. Taṃ sandhāyetaṃ vuttaṃ. Manosattā nāma devāti manamhi sattā laggā lagitā. Manopaṭibaddhoti yasmā manamhi paṭibaddho hutvā kālaṅkaroti, tasmā manosattesu devesu upapajjatīti dasseti. Tassa hi pittajararogo bhavissati. Tenassa uṇhodakaṃ pivituṃ vā hatthapādādidhovanatthāya vā gattaparisiñcanatthāya vā upanetuṃ na vaṭṭati, rogo balavataro hoti. Sītodakaṃ vaṭṭati, rogaṃ vūpasameti. Ayaṃ pana uṇhodakameva paṭisevati, taṃ alabhamāno odanakañjikaṃ paṭisevati. Cittena pana sītodakaṃ pātukāmo ca paribhuñjitukāmo ca hoti. Tenassa manodaṇḍo tattheva bhijjati. So kāyadaṇḍaṃ vacīdaṇḍaṃ rakkhāmīti sītodakaṃ pātukāmo vā paribhuñjitukāmo vā sītodakameva dethāti vattuṃ na visahati. Tassa evaṃ rakkhitāpi kāyadaṇḍavacīdaṇḍā cutiṃ vā paṭisandhiṃ vā ākaḍḍhituṃ na sakkonti. Manodaṇḍo pana bhinnopi cutimpi paṭisandhimpi ākaḍḍhatiyeva. Iti naṃ bhagavā dubbalakāyadaṇḍavacīdaṇḍā chavā lāmakā, manodaṇḍova balavā mahantoti vadāpesi.

    д̇ассаби убаасагасса зд̇ад̣̇ахоси. ‘‘мужчаавасзна асан̃н̃ибхууд̇аанан̃хи сад̇д̇аахамби ассаасабассаасаа наббавад̇д̇анд̇и, жид̇д̇асанд̇ад̇ибавад̇д̇имад̇д̇знзва бана д̇з мад̇аад̇и на вужжанд̇и. яад̣̇аа нзсам̣ жид̇д̇ам̣ наббавад̇д̇ад̇и, д̇ад̣̇аа ‘мад̇аа зд̇з нийхарид̇ваа д̇з жхаабзт̇аа’д̇и вад̇д̇аб̣б̣ад̇ам̣ аабаж̇ж̇анд̇и. гааяад̣̇ан̣д̣о нирийхо аб̣яаабааро, д̇ат̇аа важийд̣̇ан̣д̣о. жид̇д̇знзва бана д̇зсам̣ жуд̇иби бадисанд̇хиби ход̇и . ид̇иби манод̣̇ан̣д̣ова маханд̇о. бхиж̇ж̇ид̇вааби жуд̇ибадисанд̇хиаагад̣дханад̇о зсзва маханд̇о. амхаагам̣ бана махааниг̇ан̣тасса гат̇аа анияяаанигаа’’д̇и саллагкзси. бхаг̇авад̇о бана вижид̇д̇аани бан̃хабадибхаанаани сод̇угаамо на д̇аава ануж̇аанаад̇и.

    Tassapi upāsakassa etadahosi. ‘‘Mucchāvasena asaññibhūtānañhi sattāhampi assāsapassāsā nappavattanti, cittasantatipavattimatteneva pana te matāti na vuccanti. Yadā nesaṃ cittaṃ nappavattati, tadā ‘matā ete nīharitvā te jhāpethā’ti vattabbataṃ āpajjanti. Kāyadaṇḍo nirīho abyāpāro, tathā vacīdaṇḍo. Citteneva pana tesaṃ cutipi paṭisandhipi hoti . Itipi manodaṇḍova mahanto. Bhijjitvāpi cutipaṭisandhiākaḍḍhanato eseva mahanto. Amhākaṃ pana mahānigaṇṭhassa kathā aniyyānikā’’ti sallakkhesi. Bhagavato pana vicittāni pañhapaṭibhānāni sotukāmo na tāva anujānāti.

    на ко д̇з санд̇хияад̇ийд̇и на ко д̇з гхадияад̇и. буримзна ваа бажчиманд̇и ‘‘гааяад̣̇ан̣д̣о маханд̇о’’д̇и иминаа буримзна важанзна ид̣̇аани ‘‘манод̣̇ан̣д̣о маханд̇о’’д̇и ид̣̇ам̣ важанам̣. бажчимзна ваа буриманд̇и д̇зна ваа бажчимзна ад̣̇ум̣ буримаважанам̣ на гхадияад̇и.

    Na kho te sandhiyatīti na kho te ghaṭiyati. Purimena vā pacchimanti ‘‘kāyadaṇḍo mahanto’’ti iminā purimena vacanena idāni ‘‘manodaṇḍo mahanto’’ti idaṃ vacanaṃ. Pacchimena vā purimanti tena vā pacchimena aduṃ purimavacanaṃ na ghaṭiyati.

    63. ид̣̇аанисса бхаг̇аваа ан̃н̃ааниби гааран̣аани аахаранд̇о ‘‘д̇ам̣ гим̣ ман̃н̃асий’’д̇иаад̣̇имааха. д̇ад̇т̇а жаад̇уяаамасам̣варасам̣вуд̇од̇и на баан̣амад̇ибаад̇зд̇и, на баан̣амад̇ибаад̇аяад̇и, на баан̣амад̇ибаад̇аяад̇о саманун̃н̃о ход̇и. на ад̣̇иннам̣ аад̣̇ияад̇и, на ад̣̇иннам̣ аад̣̇ияаабзд̇и, на ад̣̇иннам̣ аад̣̇ияад̇о саманун̃н̃о ход̇и. на мусаа бхан̣ад̇и, на мусаа бхан̣аабзд̇и, на мусаа бхан̣ад̇о саманун̃н̃о ход̇и. на бхаавид̇амаасийсад̇и, на бхаавид̇амаасийсаабзд̇и, на бхаавид̇амаасийсад̇о саманун̃н̃о ход̇ийд̇и иминаа жад̇угодтаасзна сам̣варзна сам̣вуд̇о. зд̇т̇а жа бхаавид̇анд̇и бан̃жагаамаг̇ун̣аа.

    63. Idānissa bhagavā aññānipi kāraṇāni āharanto ‘‘taṃ kiṃ maññasī’’tiādimāha. Tattha cātuyāmasaṃvarasaṃvutoti na pāṇamatipāteti, na pāṇamatipātayati, na pāṇamatipātayato samanuñño hoti. Na adinnaṃ ādiyati, na adinnaṃ ādiyāpeti, na adinnaṃ ādiyato samanuñño hoti. Na musā bhaṇati, na musā bhaṇāpeti, na musā bhaṇato samanuñño hoti. Na bhāvitamāsīsati, na bhāvitamāsīsāpeti, na bhāvitamāsīsato samanuñño hotīti iminā catukoṭṭhāsena saṃvarena saṃvuto. Ettha ca bhāvitanti pañcakāmaguṇā.

    саб̣б̣аваариваарид̇од̇и ваарид̇асаб̣б̣ауд̣̇аго, бадигкид̇д̇асаб̣б̣асийд̇од̣̇агод̇и ад̇т̇о. со хи сийд̇од̣̇агз сад̇д̇асан̃н̃ий ход̇и, д̇асмаа на д̇ам̣ валан̃ж̇зд̇и. ат̇а ваа саб̣б̣аваариваарид̇од̇и саб̣б̣зна баабавааран̣зна ваарид̇абаабо. саб̣б̣аваарияуд̇д̇од̇и саб̣б̣зна баабавааран̣зна яуд̇д̇о. саб̣б̣аваарид̇худ̇од̇и саб̣б̣зна баабавааран̣зна д̇худ̇абаабо. саб̣б̣аваарипудод̇и саб̣б̣зна баабавааран̣зна пудо. куд̣̇д̣̇агз баан̣з сан̇гхаад̇ам̣ аабаад̣̇зд̇ийд̇и куд̣̇д̣̇агз баан̣з вад̇хам̣ аабаад̣̇зд̇и. со гира згинд̣̇рияам̣ баан̣ам̣ д̣̇увинд̣̇рияам̣ баан̣анд̇и бан̃н̃абзд̇и. сугкад̣̇ан̣д̣ага-бураан̣абан̣н̣асагкара-гат̇алааниби баан̣од̇зва бан̃н̃абзд̇и. д̇ад̇т̇а куд̣̇д̣̇агам̣ уд̣̇агаб̣инд̣̇у куд̣̇д̣̇аго баан̣о, маханд̇ам̣ маханд̇од̇и сан̃н̃ий ход̇и. д̇ам̣ санд̇хааязд̇ам̣ вуд̇д̇ам̣. гисмим̣ бан̃н̃абзд̇ийд̇и гад̇т̇а гад̇арасмим̣ годтаасз бан̃н̃абзд̇и. манод̣̇ан̣д̣асминд̇и манод̣̇ан̣д̣агодтаасз, бханд̇зд̇и. аяам̣ бана убаасаго бхан̣анд̇ова саяамби саллагкзси – ‘‘амхаагам̣ махааниг̇ан̣то ‘асан̃жзд̇анигам̣ гаммам̣ аббасааваж̇ж̇ам̣, сан̃жзд̇анигам̣ махаасааваж̇ж̇а’нд̇и бан̃н̃абзд̇ваа жзд̇анам̣ манод̣̇ан̣д̣од̇и бан̃н̃абзд̇и, анияяаанигаа зд̇асса гат̇аа, бхаг̇авад̇ова нияяаанигаа’’д̇и.

    Sabbavārivāritoti vāritasabbaudako, paṭikkhittasabbasītodakoti attho. So hi sītodake sattasaññī hoti, tasmā na taṃ valañjeti. Atha vā sabbavārivāritoti sabbena pāpavāraṇena vāritapāpo. Sabbavāriyuttoti sabbena pāpavāraṇena yutto. Sabbavāridhutoti sabbena pāpavāraṇena dhutapāpo. Sabbavāriphuṭoti sabbena pāpavāraṇena phuṭo. Khuddake pāṇe saṅghātaṃ āpādetīti khuddake pāṇe vadhaṃ āpādeti. So kira ekindriyaṃ pāṇaṃ duvindriyaṃ pāṇanti paññapeti. Sukkhadaṇḍaka-purāṇapaṇṇasakkhara-kathalānipi pāṇoteva paññapeti. Tattha khuddakaṃ udakabindu khuddako pāṇo, mahantaṃ mahantoti saññī hoti. Taṃ sandhāyetaṃ vuttaṃ. Kismiṃ paññapetīti kattha katarasmiṃ koṭṭhāse paññapeti. Manodaṇḍasminti manodaṇḍakoṭṭhāse, bhanteti. Ayaṃ pana upāsako bhaṇantova sayampi sallakkhesi – ‘‘amhākaṃ mahānigaṇṭho ‘asañcetanikaṃ kammaṃ appasāvajjaṃ, sañcetanikaṃ mahāsāvajja’nti paññapetvā cetanaṃ manodaṇḍoti paññapeti, aniyyānikā etassa kathā, bhagavatova niyyānikā’’ti.

    64. ид̣̇д̇хаад̇и самид̣̇д̇хаа. пийд̇аад̇и ад̇исамид̣̇д̇хаа саб̣б̣абаалипуллаа вияа. аагин̣н̣амануссаад̇и ж̇анасамаагулаа. баан̣аад̇и хад̇т̇иассаад̣̇аяо д̇иражчаанаг̇ад̇аа жзва ид̇т̇ибурисад̣̇аарагаад̣̇аяо мануссаж̇аад̇игаа жа. згам̣ мам̣сакаланд̇и згам̣ мам̣сараасим̣. бун̃ж̇анд̇и д̇ассзва взважанам̣. ид̣̇д̇химаад̇и аанубхаавасамбанно. жзд̇овасиббад̇д̇од̇и жид̇д̇з васийбхааваббад̇д̇о. бхасмам̣ гариссаамийд̇и чааригам̣ гариссаами. гин̃хи собхад̇и згаа чаваа наал̣анд̣̇аад̇и ид̣̇амби бхан̣анд̇о со г̇ахабад̇и – ‘‘гааяабаяог̇зна бан̃н̃аасамби мануссаа згам̣ наал̣анд̣̇ам̣ згам̣ мам̣сакалам̣ гаад̇ум̣ на саггонд̇и, ид̣̇д̇химаа бана зго згзнзва манобад̣̇осзна бхасмам̣ гаад̇ум̣ самад̇т̇о. амхаагам̣ махааниг̇ан̣тасса гат̇аа анияяаанигаа, бхаг̇авад̇ова гат̇аа нияяаанигаа’’д̇и саллагкзси.

    64.Iddhāti samiddhā. Phītāti atisamiddhā sabbapāliphullā viya. Ākiṇṇamanussāti janasamākulā. Pāṇāti hatthiassādayo tiracchānagatā ceva itthipurisadārakādayo manussajātikā ca. Ekaṃ maṃsakhalanti ekaṃ maṃsarāsiṃ. Puñjanti tasseva vevacanaṃ. Iddhimāti ānubhāvasampanno. Cetovasippattoti citte vasībhāvappatto. Bhasmaṃkarissāmīti chārikaṃ karissāmi. Kiñhi sobhati ekā chavā nāḷandāti idampi bhaṇanto so gahapati – ‘‘kāyapayogena paññāsampi manussā ekaṃ nāḷandaṃ ekaṃ maṃsakhalaṃ kātuṃ na sakkonti, iddhimā pana eko ekeneva manopadosena bhasmaṃ kātuṃ samattho. Amhākaṃ mahānigaṇṭhassa kathā aniyyānikā, bhagavatova kathā niyyānikā’’ti sallakkhesi.

    65. аран̃н̃ам̣ аран̃н̃абхууд̇анд̇и аг̇аамагам̣ аран̃н̃амзва худ̇ваа аран̃н̃ам̣ ж̇аад̇ам̣. исийнам̣ манобад̣̇осзнаад̇и исийнам̣ ад̇т̇ааяа гад̇зна манобад̣̇осзна д̇ам̣ манобад̣̇осам̣ асахамаанаахи д̣̇звад̇аахи д̇аани радтаани винаасид̇аани. логигаа бана исаяо манам̣ бад̣̇осзд̇ваа винаасаяим̣сууд̇и ман̃н̃анд̇и. д̇асмаа имасмим̣ логаваад̣̇з тад̇ваава ид̣̇ам̣ ваад̣̇ааробанам̣ гад̇анд̇и взд̣̇ид̇аб̣б̣ам̣.

    65.Araññaṃ araññabhūtanti agāmakaṃ araññameva hutvā araññaṃ jātaṃ. Isīnaṃ manopadosenāti isīnaṃ atthāya katena manopadosena taṃ manopadosaṃ asahamānāhi devatāhi tāni raṭṭhāni vināsitāni. Lokikā pana isayo manaṃ padosetvā vināsayiṃsūti maññanti. Tasmā imasmiṃ lokavāde ṭhatvāva idaṃ vādāropanaṃ katanti veditabbaṃ.

    д̇ад̇т̇а д̣̇ан̣д̣агийран̃н̃аад̣̇ийнам̣ звам̣ аран̃н̃абхууд̇абхааво ж̇аанид̇аб̣б̣о – сарабхан̇г̇аб̣од̇хисад̇д̇асса д̇аава барисааяа ад̇ивзбуллад̇ам̣ г̇ад̇ааяа гисаважчо наама д̇аабасо махаасад̇д̇асса анд̇зваасий вивзгаваасам̣ бад̇т̇аяамаано г̇ан̣ам̣ бахааяа г̇од̇хааварийд̇ийрад̇о галин̇г̇арадтз д̣̇ан̣д̣агийран̃н̃о гумбхабурам̣ наама наг̇арам̣ убаниссааяа рааж̇уяяаанз вивзгамануб̣руухаяамаано вихарад̇и. д̇асса сзнаабад̇и убадтааго ход̇и.

    Tattha daṇḍakīraññādīnaṃ evaṃ araññabhūtabhāvo jānitabbo – sarabhaṅgabodhisattassa tāva parisāya ativepullataṃ gatāya kisavaccho nāma tāpaso mahāsattassa antevāsī vivekavāsaṃ patthayamāno gaṇaṃ pahāya godhāvarītīrato kaliṅgaraṭṭhe daṇḍakīrañño kumbhapuraṃ nāma nagaraṃ upanissāya rājuyyāne vivekamanubrūhayamāno viharati. Tassa senāpati upaṭṭhāko hoti.

    д̇ад̣̇аа жа згаа г̇ан̣игаа рат̇ам̣ абхирухид̇ваа бан̃жамаад̇уг̇аамасад̇абариваараа наг̇арам̣ убасобхаяамаанаа вижарад̇и. махааж̇ано д̇амзва ологаяамаано бариваарзд̇ваа вижарад̇и, наг̇аравийт̇ияо наббахонд̇и. рааж̇аа ваад̇абаанам̣ виварид̇ваа тид̇о д̇ам̣ д̣̇исваа гаа зсаад̇и бужчи. д̇умхаагам̣ наг̇арасобхиний д̣̇зваад̇и. со уссууяамаано ‘‘гим̣ зд̇ааяа собхад̇и, наг̇арам̣ саяам̣ собхиссад̇ий’’д̇и д̇ам̣ таананд̇арам̣ ажчинд̣̇аабзси.

    Tadā ca ekā gaṇikā rathaṃ abhiruhitvā pañcamātugāmasataparivārā nagaraṃ upasobhayamānā vicarati. Mahājano tameva olokayamāno parivāretvā vicarati, nagaravīthiyo nappahonti. Rājā vātapānaṃ vivaritvā ṭhito taṃ disvā kā esāti pucchi. Tumhākaṃ nagarasobhinī devāti. So ussūyamāno ‘‘kiṃ etāya sobhati, nagaraṃ sayaṃ sobhissatī’’ti taṃ ṭhānantaraṃ acchindāpesi.

    саа д̇ад̇о бадтааяа гзнажи сад̣̇д̇хим̣ сант̇авам̣ гад̇ваа таананд̇арам̣ бариязсамаанаа згад̣̇ивасам̣ рааж̇уяяаанам̣ бависид̇ваа жан̇гаманагодияам̣ ааламб̣анапалагам̣ ниссааяа баасаан̣апалагз нисиннам̣ д̇аабасам̣ д̣̇исваа жинд̇зси – ‘‘гилидто вад̇ааяам̣ д̇аабасо анан̃ж̇ид̇аман̣д̣ид̇о, д̣̇аатигаахи барул̣хаахи мукам̣ бихид̇ам̣, массунаа урам̣ бихид̇ам̣, убхо гажчаа барул̣хаа’’д̇и. ат̇ассаа д̣̇оманассам̣ уббаж̇ж̇и – ‘‘ахам̣ згзна гижжзна вижараами, аяан̃жа мз гаал̣аган̣н̣ий д̣̇идто, уд̣̇агам̣ аахарат̇а, агкийни д̇ховиссаамий’’д̇и уд̣̇агад̣̇анд̇агадтам̣ аахараабзд̇ваа д̣̇анд̇агадтам̣ каад̣̇ид̇ваа д̇аабасасса сарийрз бин̣д̣ам̣ бин̣д̣ам̣ кзл̣ам̣ баад̇зд̇ваа д̣̇анд̇агадтам̣ ж̇адаамад̇т̇агз кибид̇ваа мукам̣ вигкаалзд̇ваа уд̣̇агам̣ д̇аабасасса мад̇т̇агасмим̣язва син̃жид̇ваа – ‘‘язхи мз агкийхи гаал̣аган̣н̣ий д̣̇идто, д̇аани д̇ход̇аани галибаваахид̇о’’д̇и нигканд̇аа.

    Sā tato paṭṭhāya kenaci saddhiṃ santhavaṃ katvā ṭhānantaraṃ pariyesamānā ekadivasaṃ rājuyyānaṃ pavisitvā caṅkamanakoṭiyaṃ ālambanaphalakaṃ nissāya pāsāṇaphalake nisinnaṃ tāpasaṃ disvā cintesi – ‘‘kiliṭṭho vatāyaṃ tāpaso anañjitamaṇḍito, dāṭhikāhi paruḷhāhi mukhaṃ pihitaṃ, massunā uraṃ pihitaṃ, ubho kacchā paruḷhā’’ti. Athassā domanassaṃ uppajji – ‘‘ahaṃ ekena kiccena vicarāmi, ayañca me kāḷakaṇṇī diṭṭho, udakaṃ āharatha, akkhīni dhovissāmī’’ti udakadantakaṭṭhaṃ āharāpetvā dantakaṭṭhaṃ khāditvā tāpasassa sarīre piṇḍaṃ piṇḍaṃ kheḷaṃ pātetvā dantakaṭṭhaṃ jaṭāmatthake khipitvā mukhaṃ vikkhāletvā udakaṃ tāpasassa matthakasmiṃyeva siñcitvā – ‘‘yehi me akkhīhi kāḷakaṇṇī diṭṭho, tāni dhotāni kalipavāhito’’ti nikkhantā.

    д̇ам̣д̣̇ивасан̃жа рааж̇аа сад̇им̣ бадилабхид̇ваа – ‘‘бхо гухим̣ наг̇арасобхиний’’д̇и бужчи. имасмим̣язва наг̇арз д̣̇зваад̇и. багад̇идтаананд̇арам̣ д̇ассаа д̣̇зт̇аад̇и таананд̇арам̣ д̣̇аабзси. саа буб̣б̣з сугад̇агаммам̣ ниссааяа лад̣̇д̇хам̣ таананд̇арам̣ д̇аабасасса сарийрз кзл̣абаад̇анзна лад̣̇д̇ханд̇и сан̃н̃амагааси.

    Taṃdivasañca rājā satiṃ paṭilabhitvā – ‘‘bho kuhiṃ nagarasobhinī’’ti pucchi. Imasmiṃyeva nagare devāti. Pakatiṭṭhānantaraṃ tassā dethāti ṭhānantaraṃ dāpesi. Sā pubbe sukatakammaṃ nissāya laddhaṃ ṭhānantaraṃ tāpasassa sarīre kheḷapātanena laddhanti saññamakāsi.

    д̇ад̇о гад̇ибаахассажжаязна рааж̇аа бурохид̇асса таананд̇арам̣ г̇ан̣хи. со наг̇арасобхинияаа санд̇игам̣ г̇анд̇ваа ‘‘бхаг̇ини гинд̇и гад̇ваа таананд̇арам̣ бадилабхий’’д̇и бужчи. ‘‘гим̣ б̣раахман̣а ан̃н̃ам̣ гаад̇аб̣б̣ам̣ ад̇т̇и, рааж̇уяяаанз анан̃ж̇ид̇агаал̣аган̣н̣ий гуудаж̇адило зго ад̇т̇и, д̇асса сарийрз кзл̣ам̣ баад̇зхи, звам̣ таананд̇арам̣ лабхиссасий’’д̇и ааха. со ‘‘звам̣ гариссаами бхаг̇иний’’д̇и д̇ад̇т̇а г̇анд̇ваа д̇ааяа гат̇ид̇асад̣̇исамзва саб̣б̣ам̣ гад̇ваа нигками. рааж̇ааби д̇ам̣д̣̇ивасамзва сад̇им̣ бадилабхид̇ваа – ‘‘гухим̣, бхо, б̣раахман̣о’’д̇и бужчи. имасмим̣язва наг̇арз д̣̇зваад̇и. ‘‘амхзхи анубад̇хаарзд̇ваа гад̇ам̣, д̇ад̣̇звасса таананд̇арам̣ д̣̇зт̇аа’’д̇и д̣̇аабзси. соби бун̃н̃аб̣алзна лабхид̇ваа ‘‘д̇аабасасса сарийрз кзл̣абаад̇анзна лад̣̇д̇хам̣ мз’’д̇и сан̃н̃амагааси.

    Tato katipāhassaccayena rājā purohitassa ṭhānantaraṃ gaṇhi. So nagarasobhiniyā santikaṃ gantvā ‘‘bhagini kinti katvā ṭhānantaraṃ paṭilabhī’’ti pucchi. ‘‘Kiṃ brāhmaṇa aññaṃ kātabbaṃ atthi, rājuyyāne anañjitakāḷakaṇṇī kūṭajaṭilo eko atthi, tassa sarīre kheḷaṃ pātehi, evaṃ ṭhānantaraṃ labhissasī’’ti āha. So ‘‘evaṃ karissāmi bhaginī’’ti tattha gantvā tāya kathitasadisameva sabbaṃ katvā nikkhami. Rājāpi taṃdivasameva satiṃ paṭilabhitvā – ‘‘kuhiṃ, bho, brāhmaṇo’’ti pucchi. Imasmiṃyeva nagare devāti. ‘‘Amhehi anupadhāretvā kataṃ, tadevassa ṭhānantaraṃ dethā’’ti dāpesi. Sopi puññabalena labhitvā ‘‘tāpasassa sarīre kheḷapātanena laddhaṃ me’’ti saññamakāsi.

    д̇ад̇о гад̇ибаахассажжаязна ран̃н̃о бажжанд̇о губид̇о. рааж̇аа бажжанд̇ам̣ вуубасамзссаамийд̇и жад̇уран̇г̇инияаа сзнааяа нигками. бурохид̇о г̇анд̇ваа ран̃н̃о бурад̇о тад̇ваа ‘‘ж̇аяад̇у махаарааж̇аа’’д̇и вад̇ваа – ‘‘д̇умхз, махаарааж̇а, ж̇аяад̇т̇ааяа г̇ажчат̇аа’’д̇и бужчи. аама б̣раахман̣аад̇и. звам̣ санд̇з рааж̇уяяаанз анан̃ж̇ид̇агаал̣аган̣н̣ий зго гуудаж̇адило васад̇и, д̇асса сарийрз кзл̣ам̣ баад̇зт̇аад̇и. рааж̇аа д̇асса важанам̣ г̇ахзд̇ваа яат̇аа г̇ан̣игааяа жа д̇зна жа гад̇ам̣, д̇ат̇зва саб̣б̣ам̣ гад̇ваа ород̇хзби аан̣аабзси – ‘‘зд̇асса гуудаж̇адиласса сарийрз кзл̣ам̣ баад̇зт̇аа’’д̇и. д̇ад̇о ород̇хааби ород̇хабаалагааби д̇ат̇зва агам̣су. ат̇а рааж̇аа уяяаанад̣̇ваарз рагкам̣ табаабзд̇ваа ‘‘ран̃н̃аа сад̣̇д̇хим̣ нигкаманд̇аа саб̣б̣з д̇аабасасса сарийрз кзл̣ам̣ абаад̇зд̇ваа нигкамид̇ум̣ на лабханд̇ий’’д̇и аан̣аабзси. ат̇а саб̣б̣о б̣алагааяо жа сзнияо жа д̇знзва нияаамзна д̇аабасасса убари кзл̣ан̃жа д̣̇анд̇агадтаани жа мукавигкаалид̇а уд̣̇аган̃жа баабаяим̣су, кзл̣о жа д̣̇анд̇агадтаани жа сагаласарийрам̣ авад̇т̇арим̣су.

    Tato katipāhassaccayena rañño paccanto kupito. Rājā paccantaṃ vūpasamessāmīti caturaṅginiyā senāya nikkhami. Purohito gantvā rañño purato ṭhatvā ‘‘jayatu mahārājā’’ti vatvā – ‘‘tumhe, mahārāja, jayatthāya gacchathā’’ti pucchi. Āma brāhmaṇāti. Evaṃ sante rājuyyāne anañjitakāḷakaṇṇī eko kūṭajaṭilo vasati, tassa sarīre kheḷaṃ pātethāti. Rājā tassa vacanaṃ gahetvā yathā gaṇikāya ca tena ca kataṃ, tatheva sabbaṃ katvā orodhepi āṇāpesi – ‘‘etassa kūṭajaṭilassa sarīre kheḷaṃ pātethā’’ti. Tato orodhāpi orodhapālakāpi tatheva akaṃsu. Atha rājā uyyānadvāre rakkhaṃ ṭhapāpetvā ‘‘raññā saddhiṃ nikkhamantā sabbe tāpasassa sarīre kheḷaṃ apātetvā nikkhamituṃ na labhantī’’ti āṇāpesi. Atha sabbo balakāyo ca seniyo ca teneva niyāmena tāpasassa upari kheḷañca dantakaṭṭhāni ca mukhavikkhālita udakañca pāpayiṃsu, kheḷo ca dantakaṭṭhāni ca sakalasarīraṃ avatthariṃsu.

    сзнаабад̇и саб̣б̣абажчаа сун̣ид̇ваа ‘‘маяхам̣ гира сад̇т̇аарам̣ бхаванд̇ам̣ бун̃н̃агкзд̇д̇ам̣ саг̇г̇асобаанам̣ звам̣ гхаддаяим̣суу’’д̇и усумаж̇аад̇ахад̣̇аяо мукзна ассасанд̇о взг̇зна рааж̇уяяаанам̣ ааг̇анд̇ваа д̇ат̇аа б̣яасанабад̇д̇ам̣ исим̣ д̣̇исваа гажчам̣ б̣анд̇хид̇ваа д̣̇вийхи хад̇т̇зхи д̣̇анд̇агадтаани абавияуухид̇ваа угкибид̇ваа нисийд̣̇аабзд̇ваа уд̣̇агам̣ аахараабзд̇ваа нхаабзд̇ваа саб̣б̣аосад̇хзхи жзва жад̇уж̇ж̇аад̇иг̇анд̇хзхи жа сарийрам̣ уб̣б̣аддзд̇ваа сукумасаадагзна бун̃чид̇ваа бурад̇о ан̃ж̇алим̣ гад̇ваа тид̇о звамааха ‘‘аяуд̇д̇ам̣, бханд̇з, мануссзхи гад̇ам̣, зд̇зсам̣ гим̣ бхависсад̇ий’’д̇и. д̣̇звад̇аа сзнаабад̇и д̇ид̇хаа бхиннаа, згажжаа ‘‘рааж̇аанамзва наасзссаамаа’’д̇и вад̣̇анд̇и, згажжаа ‘‘сад̣̇д̇хим̣ барисааяа рааж̇аана’’нд̇и, згажжаа ‘‘ран̃н̃о виж̇ид̇ам̣ саб̣б̣ам̣ наасзссаамаа’’д̇и. ид̣̇ам̣ вад̇ваа бана д̇аабасо аббамад̇д̇агамби гобам̣ агад̇ваа логасса санд̇иубааяамзва аажигканд̇о ааха ‘‘абараад̇хо наама ход̇и, ажжаяам̣ бана д̣̇зсзд̇ум̣ ж̇аананд̇асса баагад̇игамзва ход̇ий’’д̇и.

    Senāpati sabbapacchā suṇitvā ‘‘mayhaṃ kira satthāraṃ bhavantaṃ puññakkhettaṃ saggasopānaṃ evaṃ ghaṭṭayiṃsū’’ti usumajātahadayo mukhena assasanto vegena rājuyyānaṃ āgantvā tathā byasanapattaṃ isiṃ disvā kacchaṃ bandhitvā dvīhi hatthehi dantakaṭṭhāni apaviyūhitvā ukkhipitvā nisīdāpetvā udakaṃ āharāpetvā nhāpetvā sabbaosadhehi ceva catujjātigandhehi ca sarīraṃ ubbaṭṭetvā sukhumasāṭakena puñchitvā purato añjaliṃ katvā ṭhito evamāha ‘‘ayuttaṃ, bhante, manussehi kataṃ, etesaṃ kiṃ bhavissatī’’ti. Devatā senāpati tidhā bhinnā, ekaccā ‘‘rājānameva nāsessāmā’’ti vadanti, ekaccā ‘‘saddhiṃ parisāya rājāna’’nti, ekaccā ‘‘rañño vijitaṃ sabbaṃ nāsessāmā’’ti. Idaṃ vatvā pana tāpaso appamattakampi kopaṃ akatvā lokassa santiupāyameva ācikkhanto āha ‘‘aparādho nāma hoti, accayaṃ pana desetuṃ jānantassa pākatikameva hotī’’ti.

    сзнаабад̇и наяам̣ лабхид̇ваа ран̃н̃о санд̇игам̣ г̇анд̇ваа рааж̇аанам̣ ванд̣̇ид̇ваа ааха – ‘‘д̇умхзхи, махаарааж̇а, нираабараад̇хз махид̣̇д̇хигз д̇аабасз абараж̇жханд̇зхи бхаарияам̣ гаммам̣ гад̇ам̣, д̣̇звад̇аа гира д̇ид̇хаа бхиннаа звам̣ вад̣̇анд̇ий’’д̇и саб̣б̣ам̣ аарожзд̇ваа – ‘‘камаабид̇з гира, махаарааж̇а, баагад̇игам̣ ход̇и, радтам̣ маа наасзт̇а, д̇аабасам̣ камаабзт̇аа’’д̇и ааха. рааж̇аа ад̇д̇ани д̣̇осам̣ гад̇ам̣ д̣̇исвааби звам̣ вад̣̇ад̇и ‘‘на д̇ам̣ камаабзссаамий’’д̇и. сзнаабад̇и яаавад̇ад̇ияам̣ яаажид̇ваа анижчанд̇амааха – ‘‘ахам̣, махаарааж̇а, д̇аабасасса б̣алам̣ ж̇аанаами, на со абхууд̇аваад̣̇ий, нааби губид̇о, сад̇д̇аануд̣̇д̣̇аязна бана звамааха камаабзт̇а нам̣ махаарааж̇аа’’д̇и. на камаабзмийд̇и. д̇зна хи сзнаабад̇идтаанам̣ ан̃н̃асса д̣̇зт̇а, ахам̣ д̇умхаагам̣ аан̣аабавад̇д̇идтаанз на васиссаамийд̇и. д̇вам̣ язнагаамам̣ г̇ажча, ахам̣ маяхам̣ сзнаабад̇им̣ лабхиссаамийд̇и. д̇ад̇о сзнаабад̇и д̇аабасасса санд̇игам̣ ааг̇анд̇ваа ванд̣̇ид̇ваа ‘‘гат̇ам̣ бадибаж̇ж̇аами, бханд̇з’’д̇и ааха. сзнаабад̇и яз д̇з важанам̣ сун̣анд̇и, саб̣б̣з сабаригкаарз сад̇ханз сад̣̇вибад̣̇ажад̇уббад̣̇з г̇ахзд̇ваа сад̇д̇ад̣̇ивасаб̣бханд̇арз б̣ахи раж̇ж̇асиймам̣ г̇ажча, д̣̇звад̇аа ад̇ивияа губид̇аа д̇хувам̣ радтамби арадтам̣ гариссанд̇ийд̇и. сзнаабад̇и д̇ат̇аа агааси.

    Senāpati nayaṃ labhitvā rañño santikaṃ gantvā rājānaṃ vanditvā āha – ‘‘tumhehi, mahārāja, nirāparādhe mahiddhike tāpase aparajjhantehi bhāriyaṃ kammaṃ kataṃ, devatā kira tidhā bhinnā evaṃ vadantī’’ti sabbaṃ ārocetvā – ‘‘khamāpite kira, mahārāja, pākatikaṃ hoti, raṭṭhaṃ mā nāsetha, tāpasaṃ khamāpethā’’ti āha. Rājā attani dosaṃ kataṃ disvāpi evaṃ vadati ‘‘na taṃ khamāpessāmī’’ti. Senāpati yāvatatiyaṃ yācitvā anicchantamāha – ‘‘ahaṃ, mahārāja, tāpasassa balaṃ jānāmi, na so abhūtavādī, nāpi kupito, sattānuddayena pana evamāha khamāpetha naṃ mahārājā’’ti. Na khamāpemīti. Tena hi senāpatiṭṭhānaṃ aññassa detha, ahaṃ tumhākaṃ āṇāpavattiṭṭhāne na vasissāmīti. Tvaṃ yenakāmaṃ gaccha, ahaṃ mayhaṃ senāpatiṃ labhissāmīti. Tato senāpati tāpasassa santikaṃ āgantvā vanditvā ‘‘kathaṃ paṭipajjāmi, bhante’’ti āha. Senāpati ye te vacanaṃ suṇanti, sabbe saparikkhāre sadhane sadvipadacatuppade gahetvā sattadivasabbhantare bahi rajjasīmaṃ gaccha, devatā ativiya kupitā dhuvaṃ raṭṭhampi araṭṭhaṃ karissantīti. Senāpati tathā akāsi.

    рааж̇аа г̇ад̇амад̇д̇оязва амид̇д̇амат̇анам̣ гад̇ваа ж̇анабад̣̇ам̣ вуубасамзд̇ваа ааг̇амма ж̇аяаканд̇хааваарадтаанз нисийд̣̇ид̇ваа наг̇арам̣ бадиж̇аг̇г̇аабзд̇ваа анд̇онаг̇арам̣ баависи. д̣̇звад̇аа батамам̣язва уд̣̇агавудтим̣ баад̇аяим̣су. махааж̇ано ад̇д̇амано ахоси ‘‘гуудаж̇адилам̣ абарад̣̇д̇хагаалад̇о бадтааяа амхаагам̣ ран̃н̃о вад̣дхиязва, амид̇д̇з ниммат̇зси, ааг̇ад̇ад̣̇ивасзязва д̣̇зво вудто’’д̇и. д̣̇звад̇аа буна суманабубпавудтим̣ баад̇аяим̣су, махааж̇ано ад̇д̇аманад̇аро ахоси. д̣̇звад̇аа буна маасагавудтим̣ баад̇аяим̣су. д̇ад̇о гахаабан̣авудтим̣, д̇ад̇о гахаабан̣ад̇т̇ам̣ на нигкамзяяунд̇и ман̃н̃амаанаа хад̇т̇уубаг̇абаад̣̇уубаг̇аад̣̇игад̇абхан̣д̣авудтим̣ баад̇зсум̣. махааж̇ано сад̇д̇абхуумигабаасаад̣̇з тид̇оби од̇арид̇ваа аабхаран̣аани бил̣анд̇ханд̇о ад̇д̇амано ахоси. ‘‘арахад̇и вад̇а гуудаж̇адилагз кзл̣абаад̇анам̣, д̇асса убари кзл̣абаад̇ид̇агаалад̇о бадтааяа амхаагам̣ ран̃н̃о вад̣дхи ж̇аад̇аа, амид̇д̇амат̇анам̣ гад̇ам̣, ааг̇ад̇ад̣̇ивасзязва д̣̇зво васси, д̇ад̇о суманавудти маасагавудти гахаабан̣авудти гад̇абхан̣д̣авудтийд̇и жад̇ассо вудтияо ж̇аад̇аа’’д̇и ад̇д̇аманаваажам̣ нижчаарзд̇ваа ран̃н̃о гад̇абаабз саманун̃н̃о ж̇аад̇о.

    Rājā gatamattoyeva amittamathanaṃ katvā janapadaṃ vūpasametvā āgamma jayakhandhāvāraṭṭhāne nisīditvā nagaraṃ paṭijaggāpetvā antonagaraṃ pāvisi. Devatā paṭhamaṃyeva udakavuṭṭhiṃ pātayiṃsu. Mahājano attamano ahosi ‘‘kūṭajaṭilaṃ aparaddhakālato paṭṭhāya amhākaṃ rañño vaḍḍhiyeva, amitte nimmathesi, āgatadivaseyeva devo vuṭṭho’’ti. Devatā puna sumanapupphavuṭṭhiṃ pātayiṃsu, mahājano attamanataro ahosi. Devatā puna māsakavuṭṭhiṃ pātayiṃsu. Tato kahāpaṇavuṭṭhiṃ, tato kahāpaṇatthaṃ na nikkhameyyunti maññamānā hatthūpagapādūpagādikatabhaṇḍavuṭṭhiṃ pātesuṃ. Mahājano sattabhūmikapāsāde ṭhitopi otaritvā ābharaṇāni piḷandhanto attamano ahosi. ‘‘Arahati vata kūṭajaṭilake kheḷapātanaṃ, tassa upari kheḷapātitakālato paṭṭhāya amhākaṃ rañño vaḍḍhi jātā, amittamathanaṃ kataṃ, āgatadivaseyeva devo vassi, tato sumanavuṭṭhi māsakavuṭṭhi kahāpaṇavuṭṭhi katabhaṇḍavuṭṭhīti catasso vuṭṭhiyo jātā’’ti attamanavācaṃ nicchāretvā rañño katapāpe samanuñño jāto.

    д̇асмим̣ самаяз д̣̇звад̇аа згад̇од̇хаараубхад̇од̇хаараад̣̇ийни наанаббагаараани аавуд̇хаани махааж̇анасса убари палагз мам̣сам̣ годдаяамаанаа вияа баад̇аяим̣су. д̇ад̣̇ананд̇арам̣ вийд̇ажжигз вийд̇ад̇хуумз гим̣сугабубпаван̣н̣з ан̇г̇аарз, д̇ад̣̇ананд̇арам̣ гуудааг̇аараббамаан̣з баасаан̣з, д̇ад̣̇ананд̇арам̣ анд̇омудтияам̣ асан̣таханигам̣ сукумаваалигам̣ вассаабаяамаанаа асийд̇ихад̇т̇уб̣б̣зд̇хам̣ т̇алам̣ агам̣су. ран̃н̃о виж̇ид̇адтаанз гисаважчад̇аабасо сзнаабад̇и маад̇убосагараамод̇и д̇аяова мануссабхууд̇аа арог̇аа ахзсум̣. сзсаанам̣ д̇асмим̣ гаммз асаман̇г̇ийбхууд̇аанам̣ д̇иражчаанаанам̣ баанийяадтаанз баанийяам̣ наахоси, д̇ин̣адтаанз д̇ин̣ам̣. д̇з язна баанийяам̣ язна д̇ин̣анд̇и г̇ажчанд̇аа аббад̇д̇зязва сад̇д̇амз д̣̇ивасз б̣ахираж̇ж̇асиймам̣ баабун̣им̣су. д̇знааха сарабхан̇г̇аб̣од̇хисад̇д̇о –

    Tasmiṃ samaye devatā ekatodhāraubhatodhārādīni nānappakārāni āvudhāni mahājanassa upari phalake maṃsaṃ koṭṭayamānā viya pātayiṃsu. Tadanantaraṃ vītaccike vītadhūme kiṃsukapupphavaṇṇe aṅgāre, tadanantaraṃ kūṭāgārappamāṇe pāsāṇe, tadanantaraṃ antomuṭṭhiyaṃ asaṇṭhahanikaṃ sukhumavālikaṃ vassāpayamānā asītihatthubbedhaṃ thalaṃ akaṃsu. Rañño vijitaṭṭhāne kisavacchatāpaso senāpati mātuposakarāmoti tayova manussabhūtā arogā ahesuṃ. Sesānaṃ tasmiṃ kamme asamaṅgībhūtānaṃ tiracchānānaṃ pānīyaṭṭhāne pānīyaṃ nāhosi, tiṇaṭṭhāne tiṇaṃ. Te yena pānīyaṃ yena tiṇanti gacchantā appatteyeva sattame divase bahirajjasīmaṃ pāpuṇiṃsu. Tenāha sarabhaṅgabodhisatto –

    ‘‘гисан̃хи важчам̣ авагирияа д̣̇ан̣д̣агий,

    ‘‘Kisañhi vacchaṃ avakiriya daṇḍakī,

    ужчиннамууло саж̇ано сарадто;

    Ucchinnamūlo sajano saraṭṭho;

    гуггул̣анаамз нираяамхи бажжад̇и,

    Kukkuḷanāme nirayamhi paccati,

    д̇асса пулин̇г̇аани бад̇анд̇и гааяз’’д̇и. (ж̇аа. 2.17.70);

    Tassa phuliṅgāni patanti kāye’’ti. (jā. 2.17.70);

    звам̣ д̇аава д̣̇ан̣д̣агийран̃н̃асса аран̃н̃абхууд̇абхааво взд̣̇ид̇аб̣б̣о.

    Evaṃ tāva daṇḍakīraññassa araññabhūtabhāvo veditabbo.

    галин̇г̇арадтз бана наал̣игираран̃н̃з раж̇ж̇ам̣ гаараяамаанз химавад̇и бан̃жасад̇ад̇аабасаа анид̇т̇иг̇анд̇хаа аж̇инаж̇адаваагажийрад̇хараа ванамуулапалабхагкаа худ̇ваа жирам̣ вийд̇инаамзд̇ваа лон̣амб̣иласзванад̇т̇ам̣ мануссабат̇ам̣ од̇арид̇ваа анубуб̣б̣зна галин̇г̇арадтз наал̣игираран̃н̃о наг̇арам̣ самбад̇д̇аа. д̇з ж̇адааж̇инаваагажийраани сан̣табзд̇ваа баб̣б̣аж̇ид̇аануруубам̣ убасамасирим̣ д̣̇ассаяамаанаа наг̇арам̣ бхигкааяа бависим̣су. мануссаа ануббаннз б̣уд̣̇д̇хуббаад̣̇з д̇аабасабаб̣б̣аж̇ид̇з д̣̇исваа басаннаа нисаж̇ж̇адтаанам̣ сам̣вид̇хааяа хад̇т̇ад̇о бхигкаабхааж̇анам̣ г̇ахзд̇ваа нисийд̣̇аабзд̇ваа бхигкам̣ самбаад̣̇зд̇ваа ад̣̇ам̣су. д̇аабасаа гад̇абхад̇д̇агижжаа анумод̣̇анам̣ агам̣су. мануссаа суд̇ваа басаннажид̇д̇аа ‘‘гухим̣ бхад̣̇анд̇аа г̇ажчанд̇ий’’д̇и бужчим̣су. яат̇аапаасугадтаанам̣, аавусод̇и. бханд̇з, алам̣ ан̃н̃ад̇т̇а г̇аманзна, рааж̇уяяаанз васат̇а, маяам̣ бхуд̇д̇абаад̇араасаа ааг̇анд̇ваа д̇хаммагат̇ам̣ соссаамаад̇и. д̇аабасаа ад̇хиваасзд̇ваа уяяаанам̣ аг̇амам̣су. нааг̇араа бхуд̇д̇абаад̇араасаа суд̣̇д̇хавад̇т̇анивад̇т̇аа ‘‘д̇хаммагат̇ам̣ соссаамаа’’д̇и сан̇гхаа г̇ан̣аа г̇ан̣ийбхууд̇аа уяяаанаабхимукаа аг̇амам̣су. рааж̇аа убарибаасаад̣̇з тид̇о д̇з д̇ат̇аа г̇ажчамаанз д̣̇исваа убадтаагам̣ бужчи ‘‘гим̣ зд̇з бхан̣з нааг̇араа суд̣̇д̇хавад̇т̇аа суд̣̇д̇худ̇д̇араасан̇г̇аа худ̇ваа уяяаанаабхимукаа г̇ажчанд̇и, гимзд̇т̇а самаж̇ж̇ам̣ ваа наадагам̣ ваа ад̇т̇ий’’д̇и? над̇т̇и д̣̇зва, зд̇з д̇аабасаанам̣ санд̇игз д̇хаммам̣ сод̇угаамаа г̇ажчанд̇ийд̇и. д̇зна хи бхан̣з ахамби г̇ажчиссаами, маяаа сад̣̇д̇хим̣ г̇ажчанд̇ууд̇и. со г̇анд̇ваа д̇зсам̣ аарожзси – ‘‘рааж̇ааби г̇анд̇угаамо, рааж̇аанам̣ бариваарзд̇ваава г̇ажчат̇аа’’д̇и. нааг̇араа багад̇ияааби ад̇д̇аманаа д̇ам̣ суд̇ваа – ‘‘амхаагам̣ рааж̇аа ассад̣̇д̇хо аббасанно д̣̇уссийло, д̇аабасаа д̇хаммигаа, д̇з ааг̇амма рааж̇ааби д̇хаммиго бхависсад̇ий’’д̇и ад̇д̇аманад̇араа ахзсум̣.

    Kaliṅgaraṭṭhe pana nāḷikiraraññe rajjaṃ kārayamāne himavati pañcasatatāpasā anitthigandhā ajinajaṭavākacīradharā vanamūlaphalabhakkhā hutvā ciraṃ vītināmetvā loṇambilasevanatthaṃ manussapathaṃ otaritvā anupubbena kaliṅgaraṭṭhe nāḷikirarañño nagaraṃ sampattā. Te jaṭājinavākacīrāni saṇṭhapetvā pabbajitānurūpaṃ upasamasiriṃ dassayamānā nagaraṃ bhikkhāya pavisiṃsu. Manussā anuppanne buddhuppāde tāpasapabbajite disvā pasannā nisajjaṭṭhānaṃ saṃvidhāya hatthato bhikkhābhājanaṃ gahetvā nisīdāpetvā bhikkhaṃ sampādetvā adaṃsu. Tāpasā katabhattakiccā anumodanaṃ akaṃsu. Manussā sutvā pasannacittā ‘‘kuhiṃ bhadantā gacchantī’’ti pucchiṃsu. Yathāphāsukaṭṭhānaṃ, āvusoti. Bhante, alaṃ aññattha gamanena, rājuyyāne vasatha, mayaṃ bhuttapātarāsā āgantvā dhammakathaṃ sossāmāti. Tāpasā adhivāsetvā uyyānaṃ agamaṃsu. Nāgarā bhuttapātarāsā suddhavatthanivatthā ‘‘dhammakathaṃ sossāmā’’ti saṅghā gaṇā gaṇībhūtā uyyānābhimukhā agamaṃsu. Rājā uparipāsāde ṭhito te tathā gacchamāne disvā upaṭṭhākaṃ pucchi ‘‘kiṃ ete bhaṇe nāgarā suddhavatthā suddhuttarāsaṅgā hutvā uyyānābhimukhā gacchanti, kimettha samajjaṃ vā nāṭakaṃ vā atthī’’ti? Natthi deva, ete tāpasānaṃ santike dhammaṃ sotukāmā gacchantīti. Tena hi bhaṇe ahampi gacchissāmi, mayā saddhiṃ gacchantūti. So gantvā tesaṃ ārocesi – ‘‘rājāpi gantukāmo, rājānaṃ parivāretvāva gacchathā’’ti. Nāgarā pakatiyāpi attamanā taṃ sutvā – ‘‘amhākaṃ rājā assaddho appasanno dussīlo, tāpasā dhammikā, te āgamma rājāpi dhammiko bhavissatī’’ti attamanatarā ahesuṃ.

    рааж̇аа нигкамид̇ваа д̇зхи бариваарид̇о уяяаанам̣ г̇анд̇ваа д̇аабасзхи сад̣̇д̇хим̣ бадисант̇аарам̣ гад̇ваа згаманд̇ам̣ нисийд̣̇и. д̇аабасаа рааж̇аанам̣ д̣̇исваа баригат̇ааяа гусалассзгасса д̇аабасасса ‘‘ран̃н̃о д̇хаммам̣ гат̇зхий’’д̇и сан̃н̃амад̣̇ам̣су, со д̇аабасо барисам̣ ологзд̇ваа бан̃жасу взрзсу аад̣̇ийнавам̣ бан̃жасу жа сийлзсу аанисам̣сам̣ гат̇знд̇о –

    Rājā nikkhamitvā tehi parivārito uyyānaṃ gantvā tāpasehi saddhiṃ paṭisanthāraṃ katvā ekamantaṃ nisīdi. Tāpasā rājānaṃ disvā parikathāya kusalassekassa tāpasassa ‘‘rañño dhammaṃ kathehī’’ti saññamadaṃsu, so tāpaso parisaṃ oloketvā pañcasu veresu ādīnavaṃ pañcasu ca sīlesu ānisaṃsaṃ kathento –

    ‘‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣, гаамзсумижчаажааро на жарид̇аб̣б̣о, мусаа на бхаасид̇аб̣б̣аа, маж̇ж̇ам̣ на баад̇аб̣б̣ам̣, баан̣аад̇ибаад̇о наама нираяасам̣вад̇д̇аниго ход̇и д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго, д̇ат̇аа ад̣̇иннаад̣̇аанаад̣̇ийни. баан̣аад̇ибаад̇о нираяз бажжид̇ваа мануссалогам̣ ааг̇ад̇асса вибаагаавасзсзна аббааяугасам̣вад̇д̇аниго ход̇и, ад̣̇иннаад̣̇аанам̣ аббабхог̇асам̣вад̇д̇анигам̣, мижчаажааро б̣ахусабад̇д̇асам̣вад̇д̇аниго, мусааваад̣̇о абхууд̇аб̣бхагкаанасам̣вад̇д̇аниго, маж̇ж̇абаанам̣ уммад̇д̇агабхаавасам̣вад̇д̇анига’’нд̇и –

    ‘‘Pāṇo na hantabbo, adinnaṃ nādātabbaṃ, kāmesumicchācāro na caritabbo, musā na bhāsitabbā, majjaṃ na pātabbaṃ, pāṇātipāto nāma nirayasaṃvattaniko hoti tiracchānayonisaṃvattaniko pettivisayasaṃvattaniko, tathā adinnādānādīni. Pāṇātipāto niraye paccitvā manussalokaṃ āgatassa vipākāvasesena appāyukasaṃvattaniko hoti, adinnādānaṃ appabhogasaṃvattanikaṃ, micchācāro bahusapattasaṃvattaniko, musāvādo abhūtabbhakkhānasaṃvattaniko, majjapānaṃ ummattakabhāvasaṃvattanika’’nti –

    бан̃жасу взрзсу имам̣ аад̣̇ийнавам̣ гат̇зси.

    Pañcasu veresu imaṃ ādīnavaṃ kathesi.

    рааж̇аа багад̇ияааби ассад̣̇д̇хо аббасанно д̣̇уссийло, д̣̇уссийласса жа сийлагат̇аа наама д̣̇уггат̇аа, ган̣н̣з суулаббавзсанам̣ вияа ход̇и. д̇асмаа со жинд̇зси – ‘‘ахам̣ ‘зд̇з баг̇г̇ан̣хиссаамий’д̇и ааг̇ад̇о, имз бана маяхам̣ ааг̇ад̇агаалад̇о бадтааяа мам̣язва гхаддзнд̇аа виж̇жханд̇аа барисамаж̇жхз гат̇знд̇и, гариссаами нзсам̣ гаад̇д̇аб̣б̣а’’нд̇и. со д̇хаммагат̇аабарияосаанз ‘‘аажарияаа свз маяхам̣ г̇зхз бхигкам̣ г̇ан̣хат̇аа’’д̇и ниманд̇зд̇ваа аг̇амааси. со д̣̇уд̇ияад̣̇ивасз маханд̇з маханд̇з гол̣умб̣з аахараабзд̇ваа г̇уут̇асса буураабзд̇ваа гад̣̇алибад̇д̇зхи нзсам̣ мукаани б̣анд̇хаабзд̇ваа д̇ад̇т̇а д̇ад̇т̇а табаабзси, буна б̣ахаламад̇хугад̇зланааг̇аб̣алабижчиллаад̣̇ийнам̣ гуудз буурзд̇ваа ниссзн̣имад̇т̇агз табаабзси, д̇ад̇т̇зва жа махаамаллз б̣ад̣̇д̇хагажчз хад̇т̇зхи муг̇г̇арз г̇аахаабзд̇ваа табзд̇ваа ааха ‘‘гуудад̇аабасаа ад̇ивияа мам̣ вихзтаяим̣су, д̇зсам̣ баасаад̣̇ад̇о од̇аран̣агаалз гуудзхи бижчиллам̣ собаанамад̇т̇агз виссаж̇ж̇зд̇ваа сийсз муг̇г̇арзхи бот̇зд̇ваа г̇алз г̇ахзд̇ваа собаанз кибат̇аа’’д̇и. собаанабаад̣̇амуулз бана жан̣д̣з гуггурз б̣анд̇хаабзси.

    Rājā pakatiyāpi assaddho appasanno dussīlo, dussīlassa ca sīlakathā nāma dukkathā, kaṇṇe sūlappavesanaṃ viya hoti. Tasmā so cintesi – ‘‘ahaṃ ‘ete paggaṇhissāmī’ti āgato, ime pana mayhaṃ āgatakālato paṭṭhāya maṃyeva ghaṭṭentā vijjhantā parisamajjhe kathenti, karissāmi nesaṃ kāttabba’’nti. So dhammakathāpariyosāne ‘‘ācariyā sve mayhaṃ gehe bhikkhaṃ gaṇhathā’’ti nimantetvā agamāsi. So dutiyadivase mahante mahante koḷumbe āharāpetvā gūthassa pūrāpetvā kadalipattehi nesaṃ mukhāni bandhāpetvā tattha tattha ṭhapāpesi, puna bahalamadhukatelanāgabalapicchillādīnaṃ kūṭe pūretvā nisseṇimatthake ṭhapāpesi, tattheva ca mahāmalle baddhakacche hatthehi muggare gāhāpetvā ṭhapetvā āha ‘‘kūṭatāpasā ativiya maṃ viheṭhayiṃsu, tesaṃ pāsādato otaraṇakāle kūṭehi picchillaṃ sopānamatthake vissajjetvā sīse muggarehi pothetvā gale gahetvā sopāne khipathā’’ti. Sopānapādamūle pana caṇḍe kukkure bandhāpesi.

    д̇аабасааби ‘‘свз рааж̇аг̇зхз бхун̃ж̇иссаамаа’’д̇и ан̃н̃аман̃н̃ам̣ овад̣̇им̣су – ‘‘маарисаа рааж̇аг̇зхам̣ наама саасан̇гам̣ саббадибхаяам̣, баб̣б̣аж̇ид̇зхи наама чад̣̇ваараарамман̣з сан̃н̃ад̇зхи бхавид̇аб̣б̣ам̣, д̣̇идтад̣̇идтз аарамман̣з нимид̇д̇ам̣ на г̇ахзд̇аб̣б̣ам̣, жагкуд̣̇ваарз сам̣варо бажжубадтабзд̇аб̣б̣о’’д̇и.

    Tāpasāpi ‘‘sve rājagehe bhuñjissāmā’’ti aññamaññaṃ ovadiṃsu – ‘‘mārisā rājagehaṃ nāma sāsaṅkaṃ sappaṭibhayaṃ, pabbajitehi nāma chadvārārammaṇe saññatehi bhavitabbaṃ, diṭṭhadiṭṭhe ārammaṇe nimittaṃ na gahetabbaṃ, cakkhudvāre saṃvaro paccupaṭṭhapetabbo’’ti.

    бунад̣̇ивасз бхигкаажааравзлам̣ саллагкзд̇ваа ваагажийрам̣ ниваасзд̇ваа аж̇инажаммам̣ згам̣саг̇ад̇ам̣ гад̇ваа ж̇адаагалаабам̣ сан̣табзд̇ваа бхигкаабхааж̇анам̣ г̇ахзд̇ваа бадибаадияаа рааж̇анивзсанам̣ абхирул̣хаа. рааж̇аа аарул̣хабхаавам̣ н̃ад̇ваа г̇уут̇агол̣умб̣амукад̇о гад̣̇алибад̇д̇ам̣ нийхараабзси. д̣̇уг̇г̇анд̇хо д̇аабасаанам̣ наасабудам̣ бахарид̇ваа мад̇т̇алун̇г̇абаад̇анаагаарабад̇д̇о ахоси. махаад̇аабасо рааж̇аанам̣ ологзси. рааж̇аа – ‘‘зд̇т̇а бхонд̇о яаавад̣̇ад̇т̇ам̣ бхун̃ж̇анд̇у жзва харанд̇у жа, д̇умхаагамзд̇ам̣ анужчавигам̣, хияяо ахам̣ д̇умхз баг̇г̇ан̣хиссаамийд̇и ааг̇ад̇о, д̇умхз бана мам̣язва гхаддзнд̇о виж̇жханд̇аа барисамаж̇жхз гат̇аяид̇т̇а , д̇умхаагамид̣̇ам̣ анужчавигам̣, бхун̃ж̇ат̇аа’’д̇и махаад̇аабасасса улун̇гзна г̇уут̇ам̣ убанаамзси. махаад̇аабасо д̇хий д̇хийд̇и вад̣̇анд̇о бадинивад̇д̇и. ‘‘зд̇д̇агзнзва г̇ажчиссат̇а д̇умхз’’д̇и собаанз гуудзхи бижчиллам̣ виссаж̇ж̇аабзд̇ваа маллаанам̣ сан̃н̃амад̣̇ааси. маллаа муг̇г̇арзхи сийсаани бот̇зд̇ваа г̇ийвааяа г̇ахзд̇ваа собаанз кибим̣су, згоби собаанз бад̇идтаад̇ум̣ наасагки , баваддамаанаа собаанабаад̣̇амуулам̣язва баабун̣им̣су. самбад̇д̇з самбад̇д̇з жан̣д̣агуггураа бадабадаад̇и лун̃жамаанаа каад̣̇им̣су. яоби нзсам̣ удтахид̇ваа балааяад̇и, соби ааваадз бад̇ад̇и, д̇ад̇рааби нам̣ гуггураа ануб̣анд̇хид̇ваа каад̣̇анд̇иязва. ид̇и нзсам̣ гуггураа адтисан̇калигамзва авасзсаяим̣су. звам̣ со рааж̇аа д̇абасамбаннз бан̃жасад̇з д̇аабасз згад̣̇ивасзнзва ж̇ийвид̇аа воробзси.

    Punadivase bhikkhācāravelaṃ sallakkhetvā vākacīraṃ nivāsetvā ajinacammaṃ ekaṃsagataṃ katvā jaṭākalāpaṃ saṇṭhapetvā bhikkhābhājanaṃ gahetvā paṭipāṭiyā rājanivesanaṃ abhiruḷhā. Rājā āruḷhabhāvaṃ ñatvā gūthakoḷumbamukhato kadalipattaṃ nīharāpesi. Duggandho tāpasānaṃ nāsapuṭaṃ paharitvā matthaluṅgapātanākārapatto ahosi. Mahātāpaso rājānaṃ olokesi. Rājā – ‘‘ettha bhonto yāvadatthaṃ bhuñjantu ceva harantu ca, tumhākametaṃ anucchavikaṃ, hiyyo ahaṃ tumhe paggaṇhissāmīti āgato, tumhe pana maṃyeva ghaṭṭento vijjhantā parisamajjhe kathayittha , tumhākamidaṃ anucchavikaṃ, bhuñjathā’’ti mahātāpasassa uluṅkena gūthaṃ upanāmesi. Mahātāpaso dhī dhīti vadanto paṭinivatti. ‘‘Ettakeneva gacchissatha tumhe’’ti sopāne kūṭehi picchillaṃ vissajjāpetvā mallānaṃ saññamadāsi. Mallā muggarehi sīsāni pothetvā gīvāya gahetvā sopāne khipiṃsu, ekopi sopāne patiṭṭhātuṃ nāsakkhi , pavaṭṭamānā sopānapādamūlaṃyeva pāpuṇiṃsu. Sampatte sampatte caṇḍakukkurā paṭapaṭāti luñcamānā khādiṃsu. Yopi nesaṃ uṭṭhahitvā palāyati, sopi āvāṭe patati, tatrāpi naṃ kukkurā anubandhitvā khādantiyeva. Iti nesaṃ kukkurā aṭṭhisaṅkhalikameva avasesayiṃsu. Evaṃ so rājā tapasampanne pañcasate tāpase ekadivaseneva jīvitā voropesi.

    ат̇асса радтз д̣̇звад̇аа буриманаязнзва буна нававудтияо баад̇зсум̣. д̇асса раж̇ж̇ам̣ садтияож̇ануб̣б̣зд̇хзна ваалигат̇алзна аважчаад̣̇ияид̇т̇а. д̇знааха сарабхан̇г̇о б̣од̇хисад̇д̇о –

    Athassa raṭṭhe devatā purimanayeneva puna navavuṭṭhiyo pātesuṃ. Tassa rajjaṃ saṭṭhiyojanubbedhena vālikathalena avacchādiyittha. Tenāha sarabhaṅgo bodhisatto –

    ‘‘яо сан̃н̃ад̇з баб̣б̣аж̇ид̇з аван̃жаяи,

    ‘‘Yo saññate pabbajite avañcayi,

    д̇хаммам̣ бхан̣анд̇з саман̣з ад̣̇уусагз;

    Dhammaṃ bhaṇante samaṇe adūsake;

    д̇ам̣ наал̣игзрам̣ сунакаа барад̇т̇а,

    Taṃ nāḷikeraṃ sunakhā parattha,

    сан̇г̇амма каад̣̇анд̇и випанд̣̇амаана’’нд̇и. (ж̇аа. 2.17.71);

    Saṅgamma khādanti viphandamāna’’nti. (jā. 2.17.71);

    звам̣ гаалин̇г̇ааран̃н̃асса аран̃н̃абхууд̇абхааво взд̣̇ид̇аб̣б̣о.

    Evaṃ kāliṅgāraññassa araññabhūtabhāvo veditabbo.

    ад̇ийд̇з бана б̣аараан̣асинаг̇арз д̣̇идтаман̇г̇алигаа наама жад̇д̇аалийсагодивибхавасса сздтино згаа д̇хийд̇аа ахоси д̣̇ассанийяаа баасаад̣̇игаа. саа руубабхог̇агуласамбад̇д̇исамбаннад̇ааяа б̣ахуунам̣ бад̇т̇анийяаа ахоси. яо банассаа ваарзяяад̇т̇ааяа бахин̣аад̇и, д̇ам̣ д̇ам̣ д̣̇исваанасса ж̇аад̇ияам̣ ваа хад̇т̇абаад̣̇аад̣̇ийсу ваа яад̇т̇а гад̇т̇ажи д̣̇осам̣ ааробзд̇ваа ‘‘го зса д̣̇уж̇ж̇аад̇о д̣̇уссан̣тид̇о’’д̇иаад̣̇ийни вад̇ваа – ‘‘нийхарат̇а на’’нд̇и нийхараабзд̇ваа ‘‘зваруубамби наама ад̣̇д̣̇асам̣, уд̣̇агам̣ аахарат̇а, агкийни д̇ховиссаамий’’д̇и агкийни д̇ховад̇и. д̇ассаа д̣̇идтам̣ д̣̇идтам̣ виббагаарам̣ баабзд̇ваа нийхараабзд̇ийд̇и д̣̇идтаман̇г̇алигаа д̇взва сан̇каа уд̣̇абаад̣̇и, мууланаамам̣ анд̇арад̇хааяи.

    Atīte pana bārāṇasinagare diṭṭhamaṅgalikā nāma cattālīsakoṭivibhavassa seṭṭhino ekā dhītā ahosi dassanīyā pāsādikā. Sā rūpabhogakulasampattisampannatāya bahūnaṃ patthanīyā ahosi. Yo panassā vāreyyatthāya pahiṇāti, taṃ taṃ disvānassa jātiyaṃ vā hatthapādādīsu vā yattha katthaci dosaṃ āropetvā ‘‘ko esa dujjāto dussaṇṭhito’’tiādīni vatvā – ‘‘nīharatha na’’nti nīharāpetvā ‘‘evarūpampi nāma addasaṃ, udakaṃ āharatha, akkhīni dhovissāmī’’ti akkhīni dhovati. Tassā diṭṭhaṃ diṭṭhaṃ vippakāraṃ pāpetvā nīharāpetīti diṭṭhamaṅgalikā tveva saṅkhā udapādi, mūlanāmaṃ antaradhāyi.

    саа згад̣̇ивасам̣ г̇ан̇г̇ааяа уд̣̇агагийл̣ам̣ гийл̣иссаамийд̇и д̇ид̇т̇ам̣ саж̇ж̇аабзд̇ваа бахууд̇ам̣ каад̣̇анийяабхож̇анийяам̣ сагадзсу буураабзд̇ваа б̣ахууни г̇анд̇хамаалаад̣̇ийни аад̣̇ааяа бадижчаннаяаанам̣ ааруяха н̃аад̇иг̇ан̣абаривуд̇аа г̇зхамхаа нигками. д̇зна жа самаязна махаабурисо жан̣д̣аалаяонияам̣ ниб̣б̣ад̇д̇о б̣ахинаг̇арз жаммаг̇зхз васад̇и, маад̇ан̇г̇од̇взвасса наамам̣ ахоси. со сол̣асавассуд̣̇д̣̇зсиго худ̇ваа гзнажид̣̇зва гаран̣ийязна анд̇онаг̇арам̣ бависид̇угаамо згам̣ нийлабилод̇игам̣ ниваасзд̇ваа згам̣ хад̇т̇з б̣анд̇хид̇ваа згзна хад̇т̇зна бажчим̣, згзна гхан̣д̣ам̣ г̇ахзд̇ваа ‘‘уссарат̇а аяяаа, жан̣д̣аалоха’’нд̇и ж̇аанаабанад̇т̇ам̣ д̇ам̣ ваад̣̇знд̇о нийжажид̇д̇ам̣ бажжубадтабзд̇ваа д̣̇идтад̣̇идтз мануссз намассамаано наг̇арам̣ бависид̇ваа махаабат̇ам̣ бадибаж̇ж̇и.

    Sā ekadivasaṃ gaṅgāya udakakīḷaṃ kīḷissāmīti titthaṃ sajjāpetvā pahūtaṃ khādanīyabhojanīyaṃ sakaṭesu pūrāpetvā bahūni gandhamālādīni ādāya paṭicchannayānaṃ āruyha ñātigaṇaparivutā gehamhā nikkhami. Tena ca samayena mahāpuriso caṇḍālayoniyaṃ nibbatto bahinagare cammagehe vasati, mātaṅgotvevassa nāmaṃ ahosi. So soḷasavassuddesiko hutvā kenacideva karaṇīyena antonagaraṃ pavisitukāmo ekaṃ nīlapilotikaṃ nivāsetvā ekaṃ hatthe bandhitvā ekena hatthena pacchiṃ, ekena ghaṇḍaṃ gahetvā ‘‘ussaratha ayyā, caṇḍāloha’’nti jānāpanatthaṃ taṃ vādento nīcacittaṃ paccupaṭṭhapetvā diṭṭhadiṭṭhe manusse namassamāno nagaraṃ pavisitvā mahāpathaṃ paṭipajji.

    д̣̇идтаман̇г̇алигаа гхан̣д̣асад̣̇д̣̇ам̣ суд̇ваа саан̣ианд̇арзна ологзнд̇ий д̣̇уурад̇ова д̇ам̣ ааг̇ажчанд̇ам̣ д̣̇исваа ‘‘гимзд̇а’’нд̇и бужчи. маад̇ан̇г̇о аяязд̇и. ‘‘гим̣ вад̇а, бхо, агусалам̣ агарамха, гассааяам̣ ниссанд̣̇о, винаасо ну ко мз бажжубадтид̇о, ман̇г̇алагижжзна наама г̇ажчамаанаа жан̣д̣аалам̣ ад̣̇д̣̇аса’’нд̇и сарийрам̣ гамбзд̇ваа ж̇иг̇ужчамаанаа кзл̣ам̣ баад̇зд̇ваа д̇хаад̇ияо ааха – ‘‘взг̇зна уд̣̇агам̣ аахарат̇а, жан̣д̣аало д̣̇идто, агкийни жзва наама г̇ахид̇амукан̃жа д̇ховиссаамий’’д̇и д̇ховид̇ваа рат̇ам̣ нивад̇д̇аабзд̇ваа саб̣б̣абадияаад̣̇аанам̣ г̇зхам̣ бзсзд̇ваа баасаад̣̇ам̣ абхирухи. сураасон̣д̣аад̣̇аяо жзва д̇ассаа убадтаагамануссаа жа ‘‘гухим̣, бхо д̣̇идтаман̇г̇алигаа, имааяаби взлааяа нааг̇ажчад̇ий’’д̇и бужчанд̇аа д̇ам̣ бавад̇д̇им̣ суд̇ваа – ‘‘маханд̇ам̣ вад̇а, бхо, сураамам̣саг̇анд̇хамаалаад̣̇исаггаарам̣ жан̣д̣аалам̣ ниссааяа анубхавид̇ум̣ на лабхимха, г̇ан̣хат̇а жан̣д̣аала’’нд̇и г̇ад̇адтаанам̣ г̇авзсид̇ваа нираабараад̇хам̣ маад̇ан̇г̇абан̣д̣ид̇ам̣ д̇аж̇ж̇ид̇ваа – ‘‘арз маад̇ан̇г̇а д̇ам̣ ниссааяа ид̣̇ан̃жид̣̇ан̃жа саггаарам̣ анубхавид̇ум̣ на лабхимхаа’’д̇и гзсзсу г̇ахзд̇ваа бхуумияам̣ баад̇зд̇ваа ж̇аан̣угаббарабаасаан̣аад̣̇ийхи годдзд̇ваа мад̇од̇и сан̃н̃ааяа баад̣̇з г̇ахзд̇ваа гад̣дханд̇аа сан̇гаарагуудз чад̣д̣зсум̣.

    Diṭṭhamaṅgalikā ghaṇḍasaddaṃ sutvā sāṇiantarena olokentī dūratova taṃ āgacchantaṃ disvā ‘‘kimeta’’nti pucchi. Mātaṅgo ayyeti. ‘‘Kiṃ vata, bho, akusalaṃ akaramha, kassāyaṃ nissando, vināso nu kho me paccupaṭṭhito, maṅgalakiccena nāma gacchamānā caṇḍālaṃ addasa’’nti sarīraṃ kampetvā jigucchamānā kheḷaṃ pātetvā dhātiyo āha – ‘‘vegena udakaṃ āharatha, caṇḍālo diṭṭho, akkhīni ceva nāma gahitamukhañca dhovissāmī’’ti dhovitvā rathaṃ nivattāpetvā sabbapaṭiyādānaṃ gehaṃ pesetvā pāsādaṃ abhiruhi. Surāsoṇḍādayo ceva tassā upaṭṭhākamanussā ca ‘‘kuhiṃ, bho diṭṭhamaṅgalikā, imāyapi velāya nāgacchatī’’ti pucchantā taṃ pavattiṃ sutvā – ‘‘mahantaṃ vata, bho, surāmaṃsagandhamālādisakkāraṃ caṇḍālaṃ nissāya anubhavituṃ na labhimha, gaṇhatha caṇḍāla’’nti gataṭṭhānaṃ gavesitvā nirāparādhaṃ mātaṅgapaṇḍitaṃ tajjitvā – ‘‘are mātaṅga taṃ nissāya idañcidañca sakkāraṃ anubhavituṃ na labhimhā’’ti kesesu gahetvā bhūmiyaṃ pātetvā jāṇukapparapāsāṇādīhi koṭṭetvā matoti saññāya pāde gahetvā kaḍḍhantā saṅkārakūṭe chaḍḍesuṃ.

    махаабурисо сан̃н̃ам̣ бадилабхид̇ваа хад̇т̇абаад̣̇з бараамасид̇ваа – ‘‘ид̣̇ам̣ д̣̇угкам̣ гам̣ ниссааяа уббанна’’нд̇и жинд̇знд̇о – ‘‘на ан̃н̃ам̣ ган̃жи, д̣̇идтаман̇г̇алигам̣ ниссааяа уббанна’’нд̇и н̃ад̇ваа ‘‘сажаахам̣ бурисо, баад̣̇зсу нам̣ нибаад̇зссаамий’’д̇и жинд̇зд̇ваа взд̇хамаано д̣̇идтаман̇г̇алигааяа гулад̣̇ваарам̣ г̇анд̇ваа – ‘‘д̣̇идтаман̇г̇алигам̣ лабханд̇о вудтахиссаами, алабханд̇асса зд̇т̇зва маран̣а’’нд̇и г̇зхан̇г̇ан̣з нибаж̇ж̇и. д̇зна жа самаязна ж̇амб̣уд̣̇ийбз аяам̣ д̇хаммад̇аа ход̇и – яасса жан̣д̣аало гуж̇жхид̇ваа г̇аб̣бхад̣̇ваарз нибанно марад̇и, яз жа д̇асмим̣ г̇аб̣бхз васанд̇и, саб̣б̣з жан̣д̣аалаа хонд̇и. г̇зхамаж̇жхамхи мад̇з саб̣б̣з г̇зхаваасино, д̣̇ваарамхи мад̇з убхад̇о ананд̇араг̇зхаваасигаа, ан̇г̇ан̣амхи мад̇з ид̇о сад̇д̇а ид̇о сад̇д̇аад̇и жуд̣̇д̣̇асаг̇зхаваасино саб̣б̣з жан̣д̣аалаа хонд̇ийд̇и. б̣од̇хисад̇д̇о бана ан̇г̇ан̣з нибаж̇ж̇и.

    Mahāpuriso saññaṃ paṭilabhitvā hatthapāde parāmasitvā – ‘‘idaṃ dukkhaṃ kaṃ nissāya uppanna’’nti cintento – ‘‘na aññaṃ kañci, diṭṭhamaṅgalikaṃ nissāya uppanna’’nti ñatvā ‘‘sacāhaṃ puriso, pādesu naṃ nipātessāmī’’ti cintetvā vedhamāno diṭṭhamaṅgalikāya kuladvāraṃ gantvā – ‘‘diṭṭhamaṅgalikaṃ labhanto vuṭṭhahissāmi, alabhantassa ettheva maraṇa’’nti gehaṅgaṇe nipajji. Tena ca samayena jambudīpe ayaṃ dhammatā hoti – yassa caṇḍālo kujjhitvā gabbhadvāre nipanno marati, ye ca tasmiṃ gabbhe vasanti, sabbe caṇḍālā honti. Gehamajjhamhi mate sabbe gehavāsino, dvāramhi mate ubhato anantaragehavāsikā, aṅgaṇamhi mate ito satta ito sattāti cuddasagehavāsino sabbe caṇḍālā hontīti. Bodhisatto pana aṅgaṇe nipajji.

    сздтисса аарожзсум̣ – ‘‘маад̇ан̇г̇о д̇з саами г̇зхан̇г̇ан̣з бад̇ид̇о’’д̇и г̇ажчат̇а бхан̣з, гим̣ гааран̣аад̇и вад̇ваа згамаасагам̣ д̣̇ад̇ваа удтаабзт̇аад̇и. д̇з г̇анд̇ваа ‘‘имам̣ гира маасагам̣ г̇ахзд̇ваа удтахаа’’д̇и вад̣̇им̣су. со – ‘‘наахам̣ маасагад̇т̇ааяа нибанно, д̣̇идтаман̇г̇алигааяа сваахам̣ нибанно’’д̇и ааха. д̣̇идтаман̇г̇алигааяа го д̣̇осод̇и? гим̣ д̇ассаа д̣̇осам̣ на бассат̇а, нирабараад̇хо ахам̣ д̇ассаа мануссзхи б̣яасанам̣ баабид̇о, д̇ам̣ лабханд̇ова вудтахиссаами, алабханд̇о на вудтахиссаамийд̇и.

    Seṭṭhissa ārocesuṃ – ‘‘mātaṅgo te sāmi gehaṅgaṇe patito’’ti gacchatha bhaṇe, kiṃ kāraṇāti vatvā ekamāsakaṃ datvā uṭṭhāpethāti. Te gantvā ‘‘imaṃ kira māsakaṃ gahetvā uṭṭhahā’’ti vadiṃsu. So – ‘‘nāhaṃ māsakatthāya nipanno, diṭṭhamaṅgalikāya svāhaṃ nipanno’’ti āha. Diṭṭhamaṅgalikāya ko dosoti? Kiṃ tassā dosaṃ na passatha, niraparādho ahaṃ tassā manussehi byasanaṃ pāpito, taṃ labhantova vuṭṭhahissāmi, alabhanto na vuṭṭhahissāmīti.

    д̇з г̇анд̇ваа сздтисса аарожзсум̣. сздти д̇хийд̇у д̣̇осам̣ н̃ад̇ваа ‘‘г̇ажчат̇а, згам̣ гахаабан̣ам̣ д̣̇зт̇аа’’д̇и бзсзд̇и. со ‘‘на ижчаами гахаабан̣ам̣, д̇амзва ижчаамий’’д̇и ааха. д̇ам̣ суд̇ваа сздти жа сздтибхарияаа жа – ‘‘згааязва но бияад̇хийд̇аа, бавзн̣ияаа гхадаго ан̃н̃о д̣̇аарагоби над̇т̇ий’’д̇и сам̣взг̇аббад̇д̇аа – ‘‘г̇ажчат̇а д̇аад̇аа, гожи амхаагам̣ асаханаго зд̇ам̣ ж̇ийвид̇ааби воробзяяа, зд̇асмин̃хи мад̇з саб̣б̣з маяам̣ надтаа хома, аарагкамасса г̇ан̣хат̇аа’’д̇и бариваарзд̇ваа аарагкам̣ сам̣вид̇хааяа яааг̇ум̣ бзсаяим̣су, бхад̇д̇ам̣ д̇ханам̣ бзсаяим̣су, звам̣ со саб̣б̣ам̣ бадигкиби. звам̣ зго д̣̇ивасо г̇ад̇о; д̣̇вз, д̇аяо, жад̇д̇ааро, бан̃жа д̣̇ивасаа г̇ад̇аа.

    Te gantvā seṭṭhissa ārocesuṃ. Seṭṭhi dhītu dosaṃ ñatvā ‘‘gacchatha, ekaṃ kahāpaṇaṃ dethā’’ti peseti. So ‘‘na icchāmi kahāpaṇaṃ, tameva icchāmī’’ti āha. Taṃ sutvā seṭṭhi ca seṭṭhibhariyā ca – ‘‘ekāyeva no piyadhītā, paveṇiyā ghaṭako añño dārakopi natthī’’ti saṃvegappattā – ‘‘gacchatha tātā, koci amhākaṃ asahanako etaṃ jīvitāpi voropeyya, etasmiñhi mate sabbe mayaṃ naṭṭhā homa, ārakkhamassa gaṇhathā’’ti parivāretvā ārakkhaṃ saṃvidhāya yāguṃ pesayiṃsu, bhattaṃ dhanaṃ pesayiṃsu, evaṃ so sabbaṃ paṭikkhipi. Evaṃ eko divaso gato; dve, tayo, cattāro, pañca divasā gatā.

    д̇ад̇о сад̇д̇асад̇д̇аг̇зхаваасигаа удтааяа – ‘‘на саггома маяам̣ д̇умхз ниссааяа жан̣д̣аалаа бхавид̇ум̣, амхз маа наасзт̇а, д̇умхаагам̣ д̣̇ааригам̣ д̣̇ад̇ваа зд̇ам̣ удтаабзт̇аа’’д̇и аахам̣су. д̇з сад̇амби сахассамби сад̇асахассамби бахин̣им̣су, со бадигкибад̇зва. звам̣ ча д̣̇ивасаа г̇ад̇аа. сад̇д̇амз д̣̇ивасз убхад̇о жуд̣̇д̣̇асаг̇зхаваасигаа саннибад̇ид̇ваа – ‘‘на маяам̣ жан̣д̣аалаа бхавид̇ум̣ саггома, д̇умхаагам̣ агаамагаанамби маяам̣ зд̇асса д̣̇ааригам̣ д̣̇ассаамаа’’д̇и аахам̣су.

    Tato sattasattagehavāsikā uṭṭhāya – ‘‘na sakkoma mayaṃ tumhe nissāya caṇḍālā bhavituṃ, amhe mā nāsetha, tumhākaṃ dārikaṃ datvā etaṃ uṭṭhāpethā’’ti āhaṃsu. Te satampi sahassampi satasahassampi pahiṇiṃsu, so paṭikkhipateva. Evaṃ cha divasā gatā. Sattame divase ubhato cuddasagehavāsikā sannipatitvā – ‘‘na mayaṃ caṇḍālā bhavituṃ sakkoma, tumhākaṃ akāmakānampi mayaṃ etassa dārikaṃ dassāmā’’ti āhaṃsu.

    маад̇аабид̇аро согасалласамаббид̇аа висан̃н̃ий худ̇ваа саяанз нибад̇им̣су. убхад̇о жуд̣̇д̣̇асаг̇зхаваасино баасаад̣̇ам̣ ааруяха субубпид̇агим̣сугасаакам̣ ужчинд̣̇анд̇аа вияа д̇ассаа саб̣б̣аабхаран̣аани омун̃жид̇ваа накзхи сийманд̇ам̣ гад̇ваа гзсз б̣анд̇хид̇ваа нийласаадагам̣ ниваасаабзд̇ваа хад̇т̇з нийлабилод̇игакан̣д̣ам̣ взтзд̇ваа ган̣н̣зсу д̇ибубаддагз бил̣анд̇хаабзд̇ваа д̇аалабан̣н̣абажчим̣ д̣̇ад̇ваа баасаад̣̇ад̇о од̇аараабзд̇ваа д̣̇вийсу б̣аахаасу г̇ахзд̇ваа – ‘‘д̇ава саамигам̣ г̇ахзд̇ваа яаахий’’д̇и махаабурисасса ад̣̇ам̣су.

    Mātāpitaro sokasallasamappitā visaññī hutvā sayane nipatiṃsu. Ubhato cuddasagehavāsino pāsādaṃ āruyha supupphitakiṃsukasākhaṃ ucchindantā viya tassā sabbābharaṇāni omuñcitvā nakhehi sīmantaṃ katvā kese bandhitvā nīlasāṭakaṃ nivāsāpetvā hatthe nīlapilotikakhaṇḍaṃ veṭhetvā kaṇṇesu tipupaṭṭake piḷandhāpetvā tālapaṇṇapacchiṃ datvā pāsādato otārāpetvā dvīsu bāhāsu gahetvā – ‘‘tava sāmikaṃ gahetvā yāhī’’ti mahāpurisassa adaṃsu.

    нийлуббаламби ад̇ибхаарод̇и анугкид̇д̇абуб̣б̣аа сукумаалад̣̇ааригаа ‘‘удтаахи саами, г̇ажчаамаа’’д̇и ааха. б̣од̇хисад̇д̇о нибаннагова ааха ‘‘наахам̣ удтахаамий’’д̇и. ат̇а гинд̇и вад̣̇аамийд̇и. ‘‘удтзхи аяяа маад̇ан̇г̇аа’’д̇и звам̣ мам̣ вад̣̇аахийд̇и. саа д̇ат̇аа авожа. на д̇уяхам̣ мануссаа удтаанасамад̇т̇ам̣ мам̣ агам̣су, б̣аахааяа мам̣ г̇ахзд̇ваа удтаабзхийд̇и. саа д̇ат̇аа агааси. б̣од̇хисад̇д̇о удтаханд̇о вияа бариваддзд̇ваа бхуумияам̣ бад̇ид̇ваа – ‘‘наасид̇ам̣, бхо, д̣̇идтаман̇г̇алигааяа батамам̣ мануссзхи годдаабзд̇ваа, ид̣̇аани саяам̣ годдзд̇ий’’д̇и виравид̇т̇а. саа гим̣ гароми аяяаад̇и? д̣̇вийхи хад̇т̇зхи г̇ахзд̇ваа удтаабзхийд̇и. саа д̇ат̇аа удтаабзд̇ваа нисийд̣̇аабзд̇ваа г̇ажчаама саамийд̇и. г̇ажчаа наама аран̃н̃з хонд̇и, маяам̣ мануссаа, ад̇игоддид̇омхи д̇уяхам̣ мануссзхи, на саггоми бад̣̇асаа г̇анд̇ум̣, бидтияаа мам̣ нзхийд̇и. саа онамид̇ваа бидтим̣ ад̣̇ааси. б̣од̇хисад̇д̇о абхирухи. гухим̣ нзми саамийд̇и? б̣ахинаг̇арам̣ нзхийд̇и. саа баажийнад̣̇ваарам̣ г̇анд̇ваа – ‘‘ид̇ха д̇з саами васанадтаана’’нд̇и бужчи. гад̇арадтаанам̣ зд̇анд̇и? баажийнад̣̇ваарам̣ саамийд̇и. баажийнад̣̇ваарз жан̣д̣аалабуд̇д̇аа васид̇ум̣ на лабханд̇ийд̇и ад̇д̇ано васанадтаанам̣ анаажигкид̇ваава саб̣б̣ад̣̇ваараани аахин̣д̣аабзси. гасмаа? бхаваг̇г̇абад̇д̇амассаа маанам̣ баад̇зссаамийд̇и. махааж̇ано уггудтимагааси – ‘‘табзд̇ваа д̇умхаад̣̇исам̣ ан̃н̃о зд̇иссаа маанам̣ бхзд̣̇аго над̇т̇ий’’д̇и.

    Nīluppalampi atibhāroti anukkhittapubbā sukhumāladārikā ‘‘uṭṭhāhi sāmi, gacchāmā’’ti āha. Bodhisatto nipannakova āha ‘‘nāhaṃ uṭṭhahāmī’’ti. Atha kinti vadāmīti. ‘‘Uṭṭhehi ayya mātaṅgā’’ti evaṃ maṃ vadāhīti. Sā tathā avoca. Na tuyhaṃ manussā uṭṭhānasamatthaṃ maṃ akaṃsu, bāhāya maṃ gahetvā uṭṭhāpehīti. Sā tathā akāsi. Bodhisatto uṭṭhahanto viya parivaṭṭetvā bhūmiyaṃ patitvā – ‘‘nāsitaṃ, bho, diṭṭhamaṅgalikāya paṭhamaṃ manussehi koṭṭāpetvā, idāni sayaṃ koṭṭetī’’ti viravittha. Sā kiṃ karomi ayyāti? Dvīhi hatthehi gahetvā uṭṭhāpehīti. Sā tathā uṭṭhāpetvā nisīdāpetvā gacchāma sāmīti. Gacchā nāma araññe honti, mayaṃ manussā, atikoṭṭitomhi tuyhaṃ manussehi, na sakkomi padasā gantuṃ, piṭṭhiyā maṃ nehīti. Sā onamitvā piṭṭhiṃ adāsi. Bodhisatto abhiruhi. Kuhiṃ nemi sāmīti? Bahinagaraṃ nehīti. Sā pācīnadvāraṃ gantvā – ‘‘idha te sāmi vasanaṭṭhāna’’nti pucchi. Kataraṭṭhānaṃ etanti? Pācīnadvāraṃ sāmīti. Pācīnadvāre caṇḍālaputtā vasituṃ na labhantīti attano vasanaṭṭhānaṃ anācikkhitvāva sabbadvārāni āhiṇḍāpesi. Kasmā? Bhavaggapattamassā mānaṃ pātessāmīti. Mahājano ukkuṭṭhimakāsi – ‘‘ṭhapetvā tumhādisaṃ añño etissā mānaṃ bhedako natthī’’ti.

    саа бажчимад̣̇ваарам̣ бад̇ваа ‘‘ид̇ха д̇з саами васанадтаана’’нд̇и бужчи. гад̇арадтаанам̣ зд̇анд̇и? бажчимад̣̇ваарам̣ саамийд̇и. иминаа д̣̇ваарзна нигкамид̇ваа жаммаг̇зхам̣ ологзнд̇ий г̇ажчаад̇и. саа д̇ад̇т̇а г̇анд̇ваа ааха ‘‘ид̣̇ам̣ жаммаг̇зхам̣ д̇умхаагам̣ васанадтаанам̣ саамий’’д̇и? аамаад̇и бидтид̇о од̇арид̇ваа жаммаг̇зхам̣ баависи.

    Sā pacchimadvāraṃ patvā ‘‘idha te sāmi vasanaṭṭhāna’’nti pucchi. Kataraṭṭhānaṃ etanti? Pacchimadvāraṃ sāmīti. Iminā dvārena nikkhamitvā cammagehaṃ olokentī gacchāti. Sā tattha gantvā āha ‘‘idaṃ cammagehaṃ tumhākaṃ vasanaṭṭhānaṃ sāmī’’ti? Āmāti piṭṭhito otaritvā cammagehaṃ pāvisi.

    д̇ад̇т̇а сад̇д̇адтад̣̇ивасз васанд̇о саб̣б̣ан̃н̃уд̇аг̇авзсанад̇хийро зд̇д̇агзсу д̣̇ивасзсу на жа ж̇аад̇исамбхзд̣̇амагааси. ‘‘махаагуласса д̇хийд̇аа сажз мам̣ ниссааяа маханд̇ам̣ яасам̣ на баабун̣аад̇и, на жамхаахам̣ жад̇увийсад̇ияаа б̣уд̣̇д̇хаанам̣ анд̇зваасиго. зд̇иссаа баад̣̇ад̇хованауд̣̇агзна сагалаж̇амб̣уд̣̇ийбз рааж̇уунам̣ абхисзгагижжам̣ гариссаамий’’д̇и жинд̇зд̇ваа буна жинд̇зси – ‘‘аг̇аарамаж̇жхзвасанд̇о на сагкиссаами, баб̣б̣аж̇ид̇ваа бана сагкиссаамий’’д̇и. жинд̇зд̇ваа д̇ам̣ ааманд̇зси – ‘‘д̣̇идтаман̇г̇алигз маяам̣ буб̣б̣з згажараа гаммам̣ гад̇вааби агад̇вааби саггаа ж̇ийвид̇ум̣, ид̣̇аани бана д̣̇аарабхаран̣ам̣ бадибаннамха, гаммам̣ агад̇ваа на саггаа ж̇ийвид̇ум̣, д̇вам̣ яааваахам̣ ааг̇ажчаами, д̇аава маа угган̣тид̇т̇аа’’д̇и аран̃н̃ам̣ бависид̇ваа сусаанаад̣̇ийсу нанд̇агаани сан̇гад̣дхид̇ваа ниваасанабаарубанам̣ гад̇ваа саман̣абаб̣б̣аж̇ж̇ам̣ баб̣б̣аж̇ид̇ваа згажаро лад̣̇д̇хагааяавивзго гасин̣абаригаммам̣ гад̇ваа адта самаабад̇д̇ияо бан̃жа абхин̃н̃ааяо жа ниб̣б̣ад̇д̇зд̇ваа ‘‘ид̣̇аани саггаа д̣̇идтаман̇г̇алигааяа авассаязна маяаа бхавид̇у’’нд̇и б̣аараан̣асиабхимуко г̇анд̇ваа жийварам̣ баарубид̇ваа бхигкам̣ жарамаано д̣̇идтаман̇г̇алигааяа г̇зхаабхимуко аг̇амааси.

    Tattha sattaṭṭhadivase vasanto sabbaññutagavesanadhīro ettakesu divasesu na ca jātisambhedamakāsi. ‘‘Mahākulassa dhītā sace maṃ nissāya mahantaṃ yasaṃ na pāpuṇāti, na camhāhaṃ catuvīsatiyā buddhānaṃ antevāsiko. Etissā pādadhovanaudakena sakalajambudīpe rājūnaṃ abhisekakiccaṃ karissāmī’’ti cintetvā puna cintesi – ‘‘agāramajjhevasanto na sakkhissāmi, pabbajitvā pana sakkhissāmī’’ti. Cintetvā taṃ āmantesi – ‘‘diṭṭhamaṅgalike mayaṃ pubbe ekacarā kammaṃ katvāpi akatvāpi sakkā jīvituṃ, idāni pana dārabharaṇaṃ paṭipannamha, kammaṃ akatvā na sakkā jīvituṃ, tvaṃ yāvāhaṃ āgacchāmi, tāva mā ukkaṇṭhitthā’’ti araññaṃ pavisitvā susānādīsu nantakāni saṅkaḍḍhitvā nivāsanapārupanaṃ katvā samaṇapabbajjaṃ pabbajitvā ekacaro laddhakāyaviveko kasiṇaparikammaṃ katvā aṭṭha samāpattiyo pañca abhiññāyo ca nibbattetvā ‘‘idāni sakkā diṭṭhamaṅgalikāya avassayena mayā bhavitu’’nti bārāṇasiabhimukho gantvā cīvaraṃ pārupitvā bhikkhaṃ caramāno diṭṭhamaṅgalikāya gehābhimukho agamāsi.

    саа д̇ам̣ д̣̇ваарз тид̇ам̣ д̣̇исваа асан̃ж̇аананд̇ий – ‘‘ад̇ижчат̇а, бханд̇з, жан̣д̣аалаанам̣ васанадтаанамзд̇а’’нд̇и ааха. б̣од̇хисад̇д̇о д̇ад̇т̇зва адтааси. саа бунаббунам̣ ологзнд̇ий сан̃ж̇аанид̇ваа хад̇т̇зхи урам̣ бахарид̇ваа виравамаанаа баад̣̇амуулз бад̇ид̇ваа ааха – ‘‘яад̣̇и д̇з саами зд̣̇исам̣ жид̇д̇ам̣ ад̇т̇и, гасмаа мам̣ махад̇аа яасаа барихаабзд̇ваа анаат̇ам̣ агаасий’’д̇и. наанаббагаарам̣ барид̣̇звам̣ барид̣̇звид̇ваа агкийни бун̃чамаанаа удтааяа бхигкаабхааж̇анам̣ г̇ахзд̇ваа анд̇ог̇зхз нисийд̣̇аабзд̇ваа бхигкам̣ ад̣̇ааси. махаабурисо бхад̇д̇агижжам̣ гад̇ваа ааха – ‘‘д̣̇идтаман̇г̇алигз маа сожи маа барид̣̇зви, ахам̣ д̇уяхам̣ баад̣̇ад̇хованауд̣̇агзна сагалаж̇амб̣уд̣̇ийбз рааж̇уунам̣ абхисзгагижжам̣ гаарзд̇ум̣ самад̇т̇о, д̇вам̣ бана згам̣ мама важанам̣ гарохи, наг̇арам̣ бависид̇ваа ‘на маяхам̣ саамиго жан̣д̣аало, махааб̣рахмаа маяхам̣ саамиго’д̇и уг̇гхосаяамаанаа сагаланаг̇арам̣ жараахий’’д̇и.

    Sā taṃ dvāre ṭhitaṃ disvā asañjānantī – ‘‘aticchatha, bhante, caṇḍālānaṃ vasanaṭṭhānameta’’nti āha. Bodhisatto tattheva aṭṭhāsi. Sā punappunaṃ olokentī sañjānitvā hatthehi uraṃ paharitvā viravamānā pādamūle patitvā āha – ‘‘yadi te sāmi edisaṃ cittaṃ atthi, kasmā maṃ mahatā yasā parihāpetvā anāthaṃ akāsī’’ti. Nānappakāraṃ paridevaṃ paridevitvā akkhīni puñchamānā uṭṭhāya bhikkhābhājanaṃ gahetvā antogehe nisīdāpetvā bhikkhaṃ adāsi. Mahāpuriso bhattakiccaṃ katvā āha – ‘‘diṭṭhamaṅgalike mā soci mā paridevi, ahaṃ tuyhaṃ pādadhovanaudakena sakalajambudīpe rājūnaṃ abhisekakiccaṃ kāretuṃ samattho, tvaṃ pana ekaṃ mama vacanaṃ karohi, nagaraṃ pavisitvā ‘na mayhaṃ sāmiko caṇḍālo, mahābrahmā mayhaṃ sāmiko’ti ugghosayamānā sakalanagaraṃ carāhī’’ti.

    звам̣ вуд̇д̇з д̣̇идтаман̇г̇алигаа – ‘‘багад̇ияааби ахам̣ саами мукад̣̇осзнзва б̣яасанам̣ бад̇д̇аа, на сагкиссаамзвам̣ вад̇д̇у’’нд̇и ааха. б̣од̇хисад̇д̇о – ‘‘гим̣ бана д̇аяаа маяхам̣ аг̇аарз васанд̇асса алигаважанам̣ суд̇абуб̣б̣ам̣, ахам̣ д̇ад̣̇ааби алигам̣ на бхан̣аами, ид̣̇аани баб̣б̣аж̇ид̇о гим̣ вагкаами, сажжаваад̣̇ий бурисо наамааха’’нд̇и вад̇ваа – ‘‘аж̇ж̇а багкасса адтамий, д̇вам̣ ‘ид̇о сад̇д̇аахассажжаязна убосат̇ад̣̇ивасз маяхам̣ саамиго махааб̣рахмаа жанд̣̇аман̣д̣алам̣ бхинд̣̇ид̇ваа мама санд̇игам̣ ааг̇амиссад̇ий’д̇и сагаланаг̇арз уг̇гхосзхий’’д̇и вад̇ваа баггаами.

    Evaṃ vutte diṭṭhamaṅgalikā – ‘‘pakatiyāpi ahaṃ sāmi mukhadoseneva byasanaṃ pattā, na sakkhissāmevaṃ vattu’’nti āha. Bodhisatto – ‘‘kiṃ pana tayā mayhaṃ agāre vasantassa alikavacanaṃ sutapubbaṃ, ahaṃ tadāpi alikaṃ na bhaṇāmi, idāni pabbajito kiṃ vakkhāmi, saccavādī puriso nāmāha’’nti vatvā – ‘‘ajja pakkhassa aṭṭhamī, tvaṃ ‘ito sattāhassaccayena uposathadivase mayhaṃ sāmiko mahābrahmā candamaṇḍalaṃ bhinditvā mama santikaṃ āgamissatī’ti sakalanagare ugghosehī’’ti vatvā pakkāmi.

    саа сад̣̇д̣̇ахид̇ваа хадтад̇удтаа суураа худ̇ваа сааяам̣баад̇ам̣ наг̇арам̣ бависид̇ваа д̇ат̇аа уг̇гхосзси. мануссаа баан̣инаа баан̣им̣ бахаранд̇аа – ‘‘бассат̇а, амхаагам̣ д̣̇идтаман̇г̇алигаа жан̣д̣аалабуд̇д̇ам̣ махааб̣рахмаанам̣ гарод̇ий’’д̇и хасанд̇аа гзл̣им̣ гаронд̇и. саа бунад̣̇ивасзби д̇ат̇зва сааяам̣баад̇ам̣ бависид̇ваа – ‘‘ид̣̇аани чаахажжаязна, бан̃жааха-жад̇ууха-д̇ийха-д̣̇вийха-згаахажжаязна маяхам̣ саамиго махааб̣рахмаа жанд̣̇аман̣д̣алам̣ бхинд̣̇ид̇ваа мама санд̇игам̣ ааг̇амиссад̇ий’’д̇и уг̇гхосзси.

    Sā saddahitvā haṭṭhatuṭṭhā sūrā hutvā sāyaṃpātaṃ nagaraṃ pavisitvā tathā ugghosesi. Manussā pāṇinā pāṇiṃ paharantā – ‘‘passatha, amhākaṃ diṭṭhamaṅgalikā caṇḍālaputtaṃ mahābrahmānaṃ karotī’’ti hasantā keḷiṃ karonti. Sā punadivasepi tatheva sāyaṃpātaṃ pavisitvā – ‘‘idāni chāhaccayena, pañcāha-catūha-tīha-dvīha-ekāhaccayena mayhaṃ sāmiko mahābrahmā candamaṇḍalaṃ bhinditvā mama santikaṃ āgamissatī’’ti ugghosesi.

    б̣раахман̣аа жинд̇аяим̣су – ‘‘аяам̣ д̣̇идтаман̇г̇алигаа ад̇исуураа худ̇ваа гат̇зд̇и, гад̣̇аажи звам̣ сияаа, зт̇а маяам̣ д̣̇идтаман̇г̇алигааяа васанадтаанам̣ бадиж̇аг̇г̇аамаа’’д̇и жаммаг̇зхасса б̣аахирабхааг̇ам̣ саманд̇аа д̇ажчаабзд̇ваа ваалигам̣ огирим̣су. сааби убосат̇ад̣̇ивасз баад̇ова наг̇арам̣ бависид̇ваа ‘‘аж̇ж̇а маяхам̣ саамиго ааг̇амиссад̇ий’’д̇и уг̇гхосзси. б̣раахман̣аа жинд̇аяим̣су – ‘‘аяам̣ бхо на д̣̇уурам̣ абад̣̇иссад̇и, аж̇ж̇а гира махааб̣рахмаа ааг̇амиссад̇и, васанадтаанам̣ сам̣вид̣̇ахаамаа’’д̇и жаммаг̇зхам̣ самаж̇ж̇аабзд̇ваа харид̇уубалид̇д̇ам̣ ахад̇авад̇т̇зхи баригкибид̇ваа махаарахам̣ баллан̇гам̣ ад̇т̇арид̇ваа убари жзлавид̇аанам̣ б̣анд̇хид̇ваа г̇анд̇хамаалад̣̇аамаани осаараяим̣су. д̇зсам̣ бадиж̇аг̇г̇анд̇аанам̣язва суурияо ад̇т̇ам̣ г̇ад̇о.

    Brāhmaṇā cintayiṃsu – ‘‘ayaṃ diṭṭhamaṅgalikā atisūrā hutvā katheti, kadāci evaṃ siyā, etha mayaṃ diṭṭhamaṅgalikāya vasanaṭṭhānaṃ paṭijaggāmā’’ti cammagehassa bāhirabhāgaṃ samantā tacchāpetvā vālikaṃ okiriṃsu. Sāpi uposathadivase pātova nagaraṃ pavisitvā ‘‘ajja mayhaṃ sāmiko āgamissatī’’ti ugghosesi. Brāhmaṇā cintayiṃsu – ‘‘ayaṃ bho na dūraṃ apadissati, ajja kira mahābrahmā āgamissati, vasanaṭṭhānaṃ saṃvidahāmā’’ti cammagehaṃ samajjāpetvā haritūpalittaṃ ahatavatthehi parikkhipitvā mahārahaṃ pallaṅkaṃ attharitvā upari celavitānaṃ bandhitvā gandhamāladāmāni osārayiṃsu. Tesaṃ paṭijaggantānaṃyeva sūriyo atthaṃ gato.

    махаабурисо жанд̣̇з уг̇г̇ад̇амад̇д̇з абхин̃н̃аабаад̣̇агаж̇жхаанам̣ самаабаж̇ж̇ид̇ваа вудтааяа гаамааважаражид̇д̇зна баригаммам̣ гад̇ваа ид̣̇д̇хижид̇д̇зна д̣̇ваад̣̇асаяож̇анигам̣ б̣рахмад̇д̇абхаавам̣ маабзд̇ваа взхаасам̣ аб̣бхуг̇г̇анд̇ваа жанд̣̇авимаанасса анд̇о бависид̇ваа вананд̇ад̇о аб̣бхуссаггамаанам̣ жанд̣̇ам̣ бхинд̣̇ид̇ваа жанд̣̇авимаанам̣ охааяа бурад̇о худ̇ваа ‘‘махааж̇ано мам̣ бассад̇уу’’д̇и ад̇хидтааси. махааж̇ано д̣̇исваа – ‘‘сажжам̣, бхо, д̣̇идтаман̇г̇алигааяа важанам̣, ааг̇ажчанд̇ам̣ махааб̣рахмаанам̣ бууж̇зссаамаа’’д̇и г̇анд̇хамаалам̣ аад̣̇ааяа д̣̇идтаман̇г̇алигааяа гхарам̣ бариваарзд̇ваа адтааси. махаабурисо мад̇т̇агамад̇т̇агзна сад̇д̇аваарз б̣аараан̣асим̣ анубариг̇анд̇ваа махааж̇анзна д̣̇идтабхаавам̣ н̃ад̇ваа д̣̇ваад̣̇асаяож̇анигам̣ ад̇д̇абхаавам̣ виж̇ахид̇ваа мануссаббамаан̣амзва маабзд̇ваа махааж̇анасса бассанд̇ассзва жаммаг̇зхам̣ баависи. махааж̇ано д̣̇исваа – ‘‘од̇ин̣н̣о но махааб̣рахмаа, саан̣им̣ аахарат̇аа’’д̇и нивзсанам̣ махаасаан̣ияаа баригкибид̇ваа бариваарзд̇ваа тид̇о.

    Mahāpuriso cande uggatamatte abhiññāpādakajjhānaṃ samāpajjitvā vuṭṭhāya kāmāvacaracittena parikammaṃ katvā iddhicittena dvādasayojanikaṃ brahmattabhāvaṃ māpetvā vehāsaṃ abbhuggantvā candavimānassa anto pavisitvā vanantato abbhussakkamānaṃ candaṃ bhinditvā candavimānaṃ ohāya purato hutvā ‘‘mahājano maṃ passatū’’ti adhiṭṭhāsi. Mahājano disvā – ‘‘saccaṃ, bho, diṭṭhamaṅgalikāya vacanaṃ, āgacchantaṃ mahābrahmānaṃ pūjessāmā’’ti gandhamālaṃ ādāya diṭṭhamaṅgalikāya gharaṃ parivāretvā aṭṭhāsi. Mahāpuriso matthakamatthakena sattavāre bārāṇasiṃ anuparigantvā mahājanena diṭṭhabhāvaṃ ñatvā dvādasayojanikaṃ attabhāvaṃ vijahitvā manussappamāṇameva māpetvā mahājanassa passantasseva cammagehaṃ pāvisi. Mahājano disvā – ‘‘otiṇṇo no mahābrahmā, sāṇiṃ āharathā’’ti nivesanaṃ mahāsāṇiyā parikkhipitvā parivāretvā ṭhito.

    махаабурисоби сирисаяанамаж̇жхз нисийд̣̇и. д̣̇идтаман̇г̇алигаа самийбз адтааси. ат̇а нам̣ бужчи ‘‘уд̇усамаяо д̇з д̣̇идтаман̇г̇алигз’’д̇и. аама аяяаад̇и. маяаа д̣̇иннам̣ буд̇д̇ам̣ г̇ан̣хаахийд̇и ан̇г̇удтагзна наабхиман̣д̣алам̣ пуси. д̇ассаа бараамасанзнзва г̇аб̣бхо бад̇идтааси. махаабурисо – ‘‘зд̇д̇аавад̇аа д̇з д̣̇идтаман̇г̇алигз баад̣̇ад̇хованауд̣̇агам̣ сагалаж̇амб̣уд̣̇ийбз рааж̇уунам̣ абхисзгод̣̇агам̣ бхависсад̇и, д̇вам̣ д̇идтаа’’д̇и вад̇ваа б̣рахмад̇д̇абхаавам̣ маабзд̇ваа бассанд̇ассзва махааж̇анасса нигкамид̇ваа взхаасам̣ аб̣бхуг̇г̇анд̇ваа жан̣д̣аман̣д̣аламзва бавидто. саа д̇ад̇о бадтааяа б̣рахмабаж̇аабад̇ий наама ж̇аад̇аа. баад̣̇ад̇хованауд̣̇агам̣ лабханд̇о наама над̇т̇и.

    Mahāpurisopi sirisayanamajjhe nisīdi. Diṭṭhamaṅgalikā samīpe aṭṭhāsi. Atha naṃ pucchi ‘‘utusamayo te diṭṭhamaṅgalike’’ti. Āma ayyāti. Mayā dinnaṃ puttaṃ gaṇhāhīti aṅguṭṭhakena nābhimaṇḍalaṃ phusi. Tassā parāmasaneneva gabbho patiṭṭhāsi. Mahāpuriso – ‘‘ettāvatā te diṭṭhamaṅgalike pādadhovanaudakaṃ sakalajambudīpe rājūnaṃ abhisekodakaṃ bhavissati, tvaṃ tiṭṭhā’’ti vatvā brahmattabhāvaṃ māpetvā passantasseva mahājanassa nikkhamitvā vehāsaṃ abbhuggantvā caṇḍamaṇḍalameva paviṭṭho. Sā tato paṭṭhāya brahmapajāpatī nāma jātā. Pādadhovanaudakaṃ labhanto nāma natthi.

    б̣раахман̣аа – ‘‘б̣рахмабаж̇аабад̇им̣ анд̇онаг̇арз васаабзссаамаа’’д̇и суван̣н̣асивигааяа ааробзд̇ваа яаава сад̇д̇амагодияаа абарисуд̣̇д̇хаж̇аад̇игасса сивигам̣ г̇ахзд̇ум̣ на ад̣̇ам̣су. сол̣аса ж̇аад̇иманд̇аб̣раахман̣аа г̇ан̣хим̣су. сзсаа г̇анд̇хабубпаад̣̇ийхи бууж̇зд̇ваа наг̇арам̣ бависид̇ваа – ‘‘на саггаа, бхо, ужчидтаг̇зхз б̣рахмабаж̇аабад̇ияаа васид̇ум̣, вад̇т̇ум̣ г̇ахзд̇ваа г̇зхам̣ гариссаама, яаава бана д̇ам̣ гарийяад̇и, д̇аава ман̣д̣абзва васад̇уу’’д̇и ман̣д̣абз васаабзсум̣. д̇ад̇о бадтааяа жагкубат̇з тад̇ваа ванд̣̇ид̇угаамаа гахаабан̣ам̣ д̣̇ад̇ваа ванд̣̇ид̇ум̣ лабханд̇и, савануубажаарз ванд̣̇ид̇угаамаа сад̇ам̣ д̣̇ад̇ваа лабханд̇и, аасаннз багад̇игат̇ам̣ саванадтаанз ванд̣̇ид̇угаамаа бан̃жасад̇аани д̣̇ад̇ваа лабханд̇и, баад̣̇абидтияам̣ сийсам̣ табзд̇ваа ванд̣̇ид̇угаамаа сахассам̣ д̣̇ад̇ваа лабханд̇и, баад̣̇ад̇хованауд̣̇агам̣ бад̇т̇аяамаанаа д̣̇асасахассаани д̣̇ад̇ваа лабханд̇и. б̣ахинаг̇арад̇о анд̇онаг̇арз яаава ман̣д̣абаа ааг̇ажчанд̇ияаа лад̣̇д̇хад̇ханам̣язва годисад̇амад̇д̇ам̣ ахоси.

    Brāhmaṇā – ‘‘brahmapajāpatiṃ antonagare vasāpessāmā’’ti suvaṇṇasivikāya āropetvā yāva sattamakoṭiyā aparisuddhajātikassa sivikaṃ gahetuṃ na adaṃsu. Soḷasa jātimantabrāhmaṇā gaṇhiṃsu. Sesā gandhapupphādīhi pūjetvā nagaraṃ pavisitvā – ‘‘na sakkā, bho, ucchiṭṭhagehe brahmapajāpatiyā vasituṃ, vatthuṃ gahetvā gehaṃ karissāma, yāva pana taṃ karīyati, tāva maṇḍapeva vasatū’’ti maṇḍape vasāpesuṃ. Tato paṭṭhāya cakkhupathe ṭhatvā vanditukāmā kahāpaṇaṃ datvā vandituṃ labhanti, savanūpacāre vanditukāmā sataṃ datvā labhanti, āsanne pakatikathaṃ savanaṭṭhāne vanditukāmā pañcasatāni datvā labhanti, pādapiṭṭhiyaṃ sīsaṃ ṭhapetvā vanditukāmā sahassaṃ datvā labhanti, pādadhovanaudakaṃ patthayamānā dasasahassāni datvā labhanti. Bahinagarato antonagare yāva maṇḍapā āgacchantiyā laddhadhanaṃyeva koṭisatamattaṃ ahosi.

    сагалаж̇амб̣уд̣̇ийбо сан̇кубхи, д̇ад̇о саб̣б̣арааж̇аано ‘‘б̣рахмабаж̇аабад̇ияаа баад̣̇ад̇хованзна абхисзгам̣ гариссаамаа’’д̇и сад̇асахассам̣ бзсзд̇ваа лабхим̣су. ман̣д̣абз васанд̇ияаа зва г̇аб̣бхавудтаанам̣ ахоси. махаабурисам̣ бадижжа лад̣̇д̇хагумааро баасаад̣̇иго ахоси лагкан̣асамбанно. махааб̣рахмуно буд̇д̇о ж̇аад̇од̇и сагала ж̇амб̣уд̣̇ийбо згаголаахало ахоси. гумаарасса кийраман̣имуулам̣ ход̇ууд̇и д̇ад̇о д̇ад̇о ааг̇ад̇ад̇ханам̣ годисахассам̣ ахоси. зд̇д̇аавад̇аа нивзсанамби нидтид̇ам̣. гумаарасса наамагаран̣ам̣ гариссаамаад̇и нивзсанам̣ саж̇ж̇зд̇ваа гумаарам̣ г̇анд̇ход̣̇агзна нхаабзд̇ваа алан̇гарид̇ваа ман̣д̣абз ж̇аад̇ад̇д̇аа ман̣д̣аб̣яод̇взва наамам̣ агам̣су.

    Sakalajambudīpo saṅkhubhi, tato sabbarājāno ‘‘brahmapajāpatiyā pādadhovanena abhisekaṃ karissāmā’’ti satasahassaṃ pesetvā labhiṃsu. Maṇḍape vasantiyā eva gabbhavuṭṭhānaṃ ahosi. Mahāpurisaṃ paṭicca laddhakumāro pāsādiko ahosi lakkhaṇasampanno. Mahābrahmuno putto jātoti sakala jambudīpo ekakolāhalo ahosi. Kumārassa khīramaṇimūlaṃ hotūti tato tato āgatadhanaṃ koṭisahassaṃ ahosi. Ettāvatā nivesanampi niṭṭhitaṃ. Kumārassa nāmakaraṇaṃ karissāmāti nivesanaṃ sajjetvā kumāraṃ gandhodakena nhāpetvā alaṅkaritvā maṇḍape jātattā maṇḍabyotveva nāmaṃ akaṃsu.

    гумааро сукзна сам̣вад̣дхамаано сиббуг̇г̇ахан̣аваяабад̇д̇од̇и сагалаж̇амб̣уд̣̇ийбз сиббаж̇аананагаа д̇асса санд̇игз ааг̇анд̇ваа сиббам̣ сигкаабзнд̇и. гумааро мзд̇хаавий бан̃н̃аваа суд̇ам̣ суд̇ам̣ муд̇ам̣ аавун̣анд̇о вияа г̇ан̣хаад̇и, г̇ахид̇аг̇ахид̇ам̣ суван̣н̣агхадз багкид̇д̇ад̇злам̣ вияа д̇идтад̇и. яаавад̇аа ваажуг̇г̇ад̇аа барияад̇д̇и ад̇т̇и, д̇зна ануг̇г̇ахид̇аа наама наахоси. б̣раахман̣аа д̇ам̣ бариваарзд̇ваа жаранд̇и, соби б̣раахман̣абхад̇д̇о ахоси. г̇зхз асийд̇иб̣раахман̣асахассаани нижжабхад̇д̇ам̣ бхун̃ж̇анд̇и. г̇зхамбисса сад̇д̇ад̣̇ваарагодтагам̣ маханд̇ам̣ ахоси. г̇зхз ман̇г̇алад̣̇ивасз ж̇амб̣уд̣̇ийбаваасийхи бзсид̇ад̇ханам̣ годисахассамад̇д̇ам̣ ахоси.

    Kumāro sukhena saṃvaḍḍhamāno sippuggahaṇavayapattoti sakalajambudīpe sippajānanakā tassa santike āgantvā sippaṃ sikkhāpenti. Kumāro medhāvī paññavā sutaṃ sutaṃ mutaṃ āvuṇanto viya gaṇhāti, gahitagahitaṃ suvaṇṇaghaṭe pakkhittatelaṃ viya tiṭṭhati. Yāvatā vācuggatā pariyatti atthi, tena anuggahitā nāma nāhosi. Brāhmaṇā taṃ parivāretvā caranti, sopi brāhmaṇabhatto ahosi. Gehe asītibrāhmaṇasahassāni niccabhattaṃ bhuñjanti. Gehampissa sattadvārakoṭṭhakaṃ mahantaṃ ahosi. Gehe maṅgaladivase jambudīpavāsīhi pesitadhanaṃ koṭisahassamattaṃ ahosi.

    б̣од̇хисад̇д̇о ааваж̇ж̇зси – ‘‘бамад̇д̇о ну ко гумааро аббамад̇д̇о’’д̇и. ат̇асса д̇ам̣ бавад̇д̇им̣ н̃ад̇ваа – ‘‘б̣раахман̣абхад̇д̇о ж̇аад̇о, яад̇т̇а д̣̇иннам̣ махабпалам̣ ход̇и, д̇ам̣ на ж̇аанаад̇и, г̇ажчаами нам̣ д̣̇амзмий’’д̇и жийварам̣ баарубид̇ваа бхигкаабхааж̇анам̣ г̇ахзд̇ваа – ‘‘д̣̇ваарагодтагаа ад̇исамб̣аад̇хаа, на саггаа годтагзна бависид̇у’’нд̇и аагаасзнааг̇анд̇ваа асийд̇иб̣раахман̣асахассаанам̣ бхун̃ж̇анадтаанз аагаасан̇г̇ан̣з од̇ари. ман̣д̣аб̣яагумаароби суван̣н̣агадажчум̣ г̇аахаабзд̇ваа – ‘‘ид̇ха суубам̣ д̣̇зт̇а ид̇ха од̣̇ана’’нд̇и баривисаабзнд̇о б̣од̇хисад̇д̇ам̣ д̣̇исваа д̣̇ан̣д̣агзна гхаддид̇ааасивисо вияа губид̇ваа имам̣ г̇аат̇амааха –

    Bodhisatto āvajjesi – ‘‘pamatto nu kho kumāro appamatto’’ti. Athassa taṃ pavattiṃ ñatvā – ‘‘brāhmaṇabhatto jāto, yattha dinnaṃ mahapphalaṃ hoti, taṃ na jānāti, gacchāmi naṃ damemī’’ti cīvaraṃ pārupitvā bhikkhābhājanaṃ gahetvā – ‘‘dvārakoṭṭhakā atisambādhā, na sakkā koṭṭhakena pavisitu’’nti ākāsenāgantvā asītibrāhmaṇasahassānaṃ bhuñjanaṭṭhāne ākāsaṅgaṇe otari. Maṇḍabyakumāropi suvaṇṇakaṭacchuṃ gāhāpetvā – ‘‘idha sūpaṃ detha idha odana’’nti parivisāpento bodhisattaṃ disvā daṇḍakena ghaṭṭitaāsiviso viya kupitvā imaṃ gāthamāha –

    ‘‘гуд̇о ну ааг̇ажчаси д̣̇уммаваасий,

    ‘‘Kuto nu āgacchasi dummavāsī,

    од̇аллаго бам̣субисаажагова;

    Otallako paṃsupisācakova;

    сан̇гааражол̣ам̣ бадимун̃жа ган̣тз,

    Saṅkāracoḷaṃ paṭimuñca kaṇṭhe,

    го рз д̇увам̣ хоси ад̣̇агкин̣зяяо’’д̇и. (ж̇аа. 1.15.1);

    Ko re tuvaṃ hosi adakkhiṇeyyo’’ti. (jā. 1.15.1);

    ат̇а нам̣ махаасад̇д̇о агуж̇жхид̇ваава овад̣̇анд̇о ааха –

    Atha naṃ mahāsatto akujjhitvāva ovadanto āha –

    ‘‘аннам̣ д̇авзд̣̇ам̣ багад̇ам̣ яасасси,

    ‘‘Annaṃ tavedaṃ pakataṃ yasassi,

    д̇ам̣ каж̇ж̇арз бхун̃ж̇арз бияяарз жа;

    Taṃ khajjare bhuñjare piyyare ca;

    ж̇аанааси мам̣ д̇вам̣ барад̣̇ад̇д̇уубаж̇ийвим̣,

    Jānāsi maṃ tvaṃ paradattūpajīviṃ,

    уд̇д̇идта бин̣д̣ам̣ лабхад̇ам̣ сабааго’’д̇и. (ж̇аа. 1.15.2);

    Uttiṭṭha piṇḍaṃ labhataṃ sapāko’’ti. (jā. 1.15.2);

    со наяид̣̇ам̣ д̇умхаад̣̇исаанам̣ бадияад̇д̇анд̇и д̣̇ассзнд̇о ааха –

    So nayidaṃ tumhādisānaṃ paṭiyattanti dassento āha –

    ‘‘аннам̣ мамзд̣̇ам̣ багад̇ам̣ б̣раахман̣аанам̣,

    ‘‘Annaṃ mamedaṃ pakataṃ brāhmaṇānaṃ,

    ад̇т̇ад̇т̇ид̇ам̣ сад̣̇д̣̇ахад̇о мамзд̣̇ам̣;

    Atthatthitaṃ saddahato mamedaṃ;

    абзхи зд̇д̇о гимид̇хадтид̇оси,

    Apehi etto kimidhaṭṭhitosi,

    на маад̣̇исаа д̇уяхам̣ д̣̇ад̣̇анд̇и ж̇аммаа’’д̇и. (ж̇аа. 1.15.3);

    Na mādisā tuyhaṃ dadanti jammā’’ti. (jā. 1.15.3);

    ат̇а б̣од̇хисад̇д̇о ‘‘д̣̇аанам̣ наама саг̇ун̣ассаби ниг̇г̇ун̣ассаби яасса гассажи д̣̇аад̇аб̣б̣ам̣, яат̇аа хи ниннзби т̇алзби бад̇идтаабид̇ам̣ б̣ийж̇ам̣ бат̇авийрасам̣ ааборасан̃жа ааг̇амма самбаж̇ж̇ад̇и, звам̣ нибпалам̣ наама над̇т̇и, сукзд̇д̇з вабид̇аб̣ийж̇ам̣ вияа г̇ун̣аванд̇з махабпалам̣ ход̇ий’’д̇и д̣̇ассзд̇ум̣ имам̣ г̇аат̇амааха –

    Atha bodhisatto ‘‘dānaṃ nāma saguṇassapi nigguṇassapi yassa kassaci dātabbaṃ, yathā hi ninnepi thalepi patiṭṭhāpitaṃ bījaṃ pathavīrasaṃ āporasañca āgamma sampajjati, evaṃ nipphalaṃ nāma natthi, sukhette vapitabījaṃ viya guṇavante mahapphalaṃ hotī’’ti dassetuṃ imaṃ gāthamāha –

    ‘‘т̇алз жа ниннз жа вабанд̇и б̣ийж̇ам̣,

    ‘‘Thale ca ninne ca vapanti bījaṃ,

    ануубакзд̇д̇з паламаасамаанаа;

    Anūpakhette phalamāsamānā;

    зд̇ааяа сад̣̇д̇хааяа д̣̇ад̣̇аахи д̣̇аанам̣,

    Etāya saddhāya dadāhi dānaṃ,

    аббзва аараад̇хаяз д̣̇агкин̣зяяз’’д̇и. (ж̇аа. 1.15.4);

    Appeva ārādhaye dakkhiṇeyye’’ti. (jā. 1.15.4);

    ат̇а гумааро год̇хаабхибхууд̇о – ‘‘гзнимасса мун̣д̣агасса бавзсо д̣̇инно’’д̇и д̣̇ваарарагкаад̣̇аяо д̇аж̇ж̇зд̇ваа –

    Atha kumāro kodhābhibhūto – ‘‘kenimassa muṇḍakassa paveso dinno’’ti dvārarakkhādayo tajjetvā –

    ‘‘кзд̇д̇аани маяхам̣ вид̣̇ид̇аани логз,

    ‘‘Khettāni mayhaṃ viditāni loke,

    язсаахам̣ б̣ийж̇аани бад̇идтабзми;

    Yesāhaṃ bījāni patiṭṭhapemi;

    яз б̣раахман̣аа ж̇аад̇иманд̇уубабаннаа,

    Ye brāhmaṇā jātimantūpapannā,

    д̇аанийд̇ха кзд̇д̇аани субзсалааний’’д̇и. (ж̇аа. 1.15.5) –

    Tānīdha khettāni supesalānī’’ti. (jā. 1.15.5) –

    г̇аат̇ам̣ вад̇ваа ‘‘имам̣ ж̇аммам̣ взн̣убад̣̇арзна бот̇зд̇ваа г̇ийвааяам̣ г̇ахзд̇ваа сад̇д̇аби д̣̇ваарагодтагз ад̇иггамид̇ваа б̣ахи нийхарат̇аа’’д̇и ааха. ат̇а нам̣ махаабурисо ааха –

    Gāthaṃ vatvā ‘‘imaṃ jammaṃ veṇupadarena pothetvā gīvāyaṃ gahetvā sattapi dvārakoṭṭhake atikkamitvā bahi nīharathā’’ti āha. Atha naṃ mahāpuriso āha –

    ‘‘г̇ирим̣ накзна кан̣аси, аяо д̣̇анд̇збхи каад̣̇аси;

    ‘‘Giriṃ nakhena khaṇasi, ayo dantebhi khādasi;

    ж̇аад̇авзд̣̇ам̣ бад̣̇ахаси, яо исим̣ барибхаасасий’’д̇и. (ж̇аа. 1.15.9);

    Jātavedaṃ padahasi, yo isiṃ paribhāsasī’’ti. (jā. 1.15.9);

    зван̃жа бана вад̇ваа – ‘‘сажз мяааяам̣ хад̇т̇з ваа баад̣̇з ваа г̇ан̣хаабзд̇ваа д̣̇угкам̣ уббаад̣̇зяяа, б̣ахум̣ абун̃н̃ам̣ басавзяяаа’’д̇и сад̇д̇аануд̣̇д̣̇аяад̇ааяа взхаасам̣ аб̣бхуг̇г̇анд̇ваа анд̇аравийт̇ияам̣ од̇ари. бхаг̇аваа саб̣б̣ан̃н̃уд̇ам̣ бад̇д̇о д̇амад̇т̇ам̣ багаасзнд̇о имам̣ г̇аат̇амааха –

    Evañca pana vatvā – ‘‘sace myāyaṃ hatthe vā pāde vā gaṇhāpetvā dukkhaṃ uppādeyya, bahuṃ apuññaṃ pasaveyyā’’ti sattānuddayatāya vehāsaṃ abbhuggantvā antaravīthiyaṃ otari. Bhagavā sabbaññutaṃ patto tamatthaṃ pakāsento imaṃ gāthamāha –

    ‘‘ид̣̇ам̣ вад̇ваана маад̇ан̇г̇о, иси сажжабараггамо;

    ‘‘Idaṃ vatvāna mātaṅgo, isi saccaparakkamo;

    анд̇алигкасмим̣ баггаами, б̣раахман̣аанам̣ уд̣̇игкад̇а’’нд̇и. (ж̇аа. 1.15.10);

    Antalikkhasmiṃ pakkāmi, brāhmaṇānaṃ udikkhata’’nti. (jā. 1.15.10);

    д̇аавад̣̇зва наг̇арарагкигад̣̇звад̇аанам̣ ж̇здтагад̣̇зварааж̇аа ман̣д̣аб̣яасса г̇ийвам̣ баривад̇д̇зси. д̇асса мукам̣ баривад̇д̇зд̇ид̇ваа бажчаамукам̣ ж̇аад̇ам̣, агкийни баривад̇д̇аани, мукзна кзл̣ам̣ вамад̇и, сарийрам̣ т̇ад̣̇д̇хам̣ суулз ааробид̇ам̣ вияа ахоси. асийд̇исахассаа барижаарагаяагкаа асийд̇иб̣раахман̣асахассаани д̇ат̇зва агам̣су. взг̇зна г̇анд̇ваа б̣рахмабаж̇аабад̇ияаа аарожаяим̣су. саа д̇арамаанаруубаа ааг̇анд̇ваа д̇ам̣ виббагаарам̣ д̣̇исваа г̇аат̇амааха –

    Tāvadeva nagararakkhikadevatānaṃ jeṭṭhakadevarājā maṇḍabyassa gīvaṃ parivattesi. Tassa mukhaṃ parivattetitvā pacchāmukhaṃ jātaṃ, akkhīni parivattāni, mukhena kheḷaṃ vamati, sarīraṃ thaddhaṃ sūle āropitaṃ viya ahosi. Asītisahassā paricārakayakkhā asītibrāhmaṇasahassāni tatheva akaṃsu. Vegena gantvā brahmapajāpatiyā ārocayiṃsu. Sā taramānarūpā āgantvā taṃ vippakāraṃ disvā gāthamāha –

    ‘‘аавзд̇хид̇ам̣ бидтид̇о уд̇д̇аман̇г̇ам̣,

    ‘‘Āvedhitaṃ piṭṭhito uttamaṅgaṃ,

    б̣аахум̣ басаарзд̇и агамманзяяам̣;

    Bāhuṃ pasāreti akammaneyyaṃ;

    сзд̇аани агкийни яат̇аа мад̇асса,

    Setāni akkhīni yathā matassa,

    го мз имам̣ буд̇д̇амагааси зва’’нд̇и. (ж̇аа. 1.15.11);

    Ko me imaṃ puttamakāsi eva’’nti. (jā. 1.15.11);

    ат̇ассаа аарожзсум̣ –

    Athassā ārocesuṃ –

    ‘‘ид̇хааг̇амаа саман̣о д̣̇уммаваасий,

    ‘‘Idhāgamā samaṇo dummavāsī,

    од̇аллаго бам̣субисаажагова,

    Otallako paṃsupisācakova,

    сан̇гааражол̣ам̣ бадимун̃жа ган̣тз,

    Saṅkāracoḷaṃ paṭimuñca kaṇṭhe,

    со д̇з имам̣ буд̇д̇амагааси зва’’нд̇и. (ж̇аа. 1.15.12);

    So te imaṃ puttamakāsi eva’’nti. (jā. 1.15.12);

    саа суд̇ваава ан̃н̃ааси – ‘‘маяхам̣ яасад̣̇ааяаго аяяо анугамбааяа буд̇д̇асса бамад̇д̇абхаавам̣ н̃ад̇ваа ааг̇ад̇о бхависсад̇ий’’д̇и. д̇ад̇о убадтаагз бужчи –

    Sā sutvāva aññāsi – ‘‘mayhaṃ yasadāyako ayyo anukampāya puttassa pamattabhāvaṃ ñatvā āgato bhavissatī’’ti. Tato upaṭṭhāke pucchi –

    ‘‘гад̇амам̣ д̣̇исам̣ аг̇амаа бхуурибан̃н̃о,

    ‘‘Katamaṃ disaṃ agamā bhūripañño,

    агкаат̇а мз маан̣аваа зд̇амад̇т̇ам̣;

    Akkhātha me māṇavā etamatthaṃ;

    г̇анд̇ваана д̇ам̣ бадигарзму ажжаяам̣,

    Gantvāna taṃ paṭikaremu accayaṃ,

    аббзва нам̣ буд̇д̇а лабхзму ж̇ийвид̇а’’нд̇и. (ж̇аа. 1.15.13);

    Appeva naṃ putta labhemu jīvita’’nti. (jā. 1.15.13);

    д̇з аахам̣су –

    Te āhaṃsu –

    ‘‘взхааяасам̣ аг̇амаа бхуурибан̃н̃о,

    ‘‘Vehāyasaṃ agamā bhūripañño,

    бат̇ад̣̇д̇хуно баннарасзва жанд̣̇о;

    Pathaddhuno pannaraseva cando;

    абижааби со буримад̣̇исам̣ аг̇ажчи,

    Apicāpi so purimadisaṃ agacchi,

    сажжаббадин̃н̃о иси саад̇хуруубо’’д̇и. (ж̇аа. 1.15.14);

    Saccappaṭiñño isi sādhurūpo’’ti. (jā. 1.15.14);

    махаабурисоби анд̇аравийт̇ияам̣ од̇ин̣н̣адтаанад̇о бадтааяа – ‘‘маяхам̣ бад̣̇авал̣ан̃ж̇ам̣ хад̇т̇иассаад̣̇ийнам̣ васзна маа анд̇арад̇хааяид̇т̇а, д̣̇идтаман̇г̇алигааязва нам̣ бассад̇у, маа ан̃н̃з’’д̇и ад̇хидтахид̇ваа бин̣д̣ааяа жарид̇ваа яаабанамад̇д̇ам̣ миссагод̣̇анам̣ г̇ахзд̇ваа бадиггаманасаалааяам̣ нисинно бхун̃ж̇ид̇ваа т̇огам̣ бхуд̇д̇аавасзсам̣ бхигкаабхааж̇анзязва табзси. д̣̇идтаман̇г̇алигааби баасаад̣̇аа оруяха анд̇аравийт̇им̣ бадибаж̇ж̇амаанаа бад̣̇авал̣ан̃ж̇ам̣ д̣̇исваа – ‘‘ид̣̇ам̣ маяхам̣ яасад̣̇ааяагасса аяяасса бад̣̇а’’нд̇и бад̣̇аанусаарзнааг̇анд̇ваа ванд̣̇ид̇ваа ааха – ‘‘д̇умхаагам̣, бханд̇з, д̣̇аасзна гад̇аабараад̇хам̣ маяхам̣ камат̇а, на хи д̇умхз год̇хавасигаа наама, д̣̇зт̇а мз буд̇д̇асса ж̇ийвид̇а’’нд̇и.

    Mahāpurisopi antaravīthiyaṃ otiṇṇaṭṭhānato paṭṭhāya – ‘‘mayhaṃ padavaḷañjaṃ hatthiassādīnaṃ vasena mā antaradhāyittha, diṭṭhamaṅgalikāyeva naṃ passatu, mā aññe’’ti adhiṭṭhahitvā piṇḍāya caritvā yāpanamattaṃ missakodanaṃ gahetvā paṭikkamanasālāyaṃ nisinno bhuñjitvā thokaṃ bhuttāvasesaṃ bhikkhābhājaneyeva ṭhapesi. Diṭṭhamaṅgalikāpi pāsādā oruyha antaravīthiṃ paṭipajjamānā padavaḷañjaṃ disvā – ‘‘idaṃ mayhaṃ yasadāyakassa ayyassa pada’’nti padānusārenāgantvā vanditvā āha – ‘‘tumhākaṃ, bhante, dāsena katāparādhaṃ mayhaṃ khamatha, na hi tumhe kodhavasikā nāma, detha me puttassa jīvita’’nti.

    зван̃жа бана вад̇ваа –

    Evañca pana vatvā –

    ‘‘аавзд̇хид̇ам̣ бидтид̇о уд̇д̇аман̇г̇ам̣,

    ‘‘Āvedhitaṃ piṭṭhito uttamaṅgaṃ,

    б̣аахум̣ басаарзд̇и агамманзяяам̣;

    Bāhuṃ pasāreti akammaneyyaṃ;

    сзд̇аани агкийни яат̇аа мад̇асса,

    Setāni akkhīni yathā matassa,

    го мз имам̣ буд̇д̇амагааси зва’’нд̇и. (ж̇аа. 1.15.15) –

    Ko me imaṃ puttamakāsi eva’’nti. (jā. 1.15.15) –

    г̇аат̇ам̣ абхааси. махаабурисо ааха – ‘‘на маяам̣ зваруубам̣ гарома, баб̣б̣аж̇ид̇ам̣ бана хим̣санд̇з д̣̇исваа баб̣б̣аж̇ид̇зсу саг̇аараваахи бхууд̇аяагкад̣̇звад̇аахи гад̇ам̣ бхависсад̇ий’’д̇и.

    Gāthaṃ abhāsi. Mahāpuriso āha – ‘‘na mayaṃ evarūpaṃ karoma, pabbajitaṃ pana hiṃsante disvā pabbajitesu sagāravāhi bhūtayakkhadevatāhi kataṃ bhavissatī’’ti.

    гзвалам̣, бханд̇з, д̇умхаагам̣ манобад̣̇осо маа ход̇у, д̣̇звад̇аахи гад̇ам̣ ход̇у, сукамаабаяаа , бханд̇з, д̣̇звад̇аа, абижаахам̣, бханд̇з, гат̇ам̣ бадибаж̇ж̇аамийд̇и. д̇зна хи осад̇хам̣ д̇з гат̇зссаами, мама бхигкаабхааж̇анз бхуд̇д̇аавасзсам̣ бхад̇д̇амад̇т̇и, д̇ад̇т̇а т̇огам̣ уд̣̇агам̣ аасин̃жид̇ваа т̇огам̣ г̇ахзд̇ваа д̇ава буд̇д̇асса мукз багкиба, авасзсам̣ уд̣̇агажаадияам̣ аалол̣зд̇ваа асийд̇ияаа б̣раахман̣асахассаанам̣ мукз багкибаад̇и. саа звам̣ гариссаамийд̇и бхад̇д̇ам̣ г̇ахзд̇ваа махаабурисам̣ ванд̣̇ид̇ваа г̇анд̇ваа д̇ат̇аа агааси.

    Kevalaṃ, bhante, tumhākaṃ manopadoso mā hotu, devatāhi kataṃ hotu, sukhamāpayā , bhante, devatā, apicāhaṃ, bhante, kathaṃ paṭipajjāmīti. Tena hi osadhaṃ te kathessāmi, mama bhikkhābhājane bhuttāvasesaṃ bhattamatthi, tattha thokaṃ udakaṃ āsiñcitvā thokaṃ gahetvā tava puttassa mukhe pakkhipa, avasesaṃ udakacāṭiyaṃ āloḷetvā asītiyā brāhmaṇasahassānaṃ mukhe pakkhipāti. Sā evaṃ karissāmīti bhattaṃ gahetvā mahāpurisaṃ vanditvā gantvā tathā akāsi.

    мукз багкид̇д̇амад̇д̇з ж̇здтагад̣̇зварааж̇аа – ‘‘саамимхи саяам̣ бхзсаж̇ж̇ам̣ гаронд̇з амхзхи на саггаа гин̃жи гаад̇у’’нд̇и гумаарам̣ виссаж̇ж̇зси. соби кибид̇ваа гин̃жи д̣̇угкам̣ аббад̇д̇абуб̣б̣о вияа багад̇иван̣н̣о ахоси. ат̇а нам̣ маад̇аа авожа – ‘‘басса д̇аад̇а д̇ава гулубагаанам̣ хирод̇д̇аббарахид̇аанам̣ виббагаарам̣, саман̣аа бана на зваруубаа хонд̇и, саман̣з д̇аад̇а бхож̇зяяаасий’’д̇и. д̇ад̇о сзсагам̣ уд̣̇агажаадияам̣ аалул̣аабзд̇ваа б̣раахман̣аанам̣ мукз багкибаабзси. яагкаа д̇аавад̣̇зва виссаж̇ж̇зд̇ваа балааяим̣су. б̣раахман̣аа кибид̇ваа кибид̇ваа удтахид̇ваа гим̣ амхаагам̣ мукз багкид̇д̇анд̇и бужчим̣су. маад̇ан̇г̇аисисса ужчидтабхад̇д̇анд̇и. д̇з ‘‘жан̣д̣ааласса ужчидтагам̣ каад̣̇аабид̇амхаа, аб̣раахман̣аа д̣̇аанимхаа ж̇аад̇аа, ид̣̇аани но б̣раахман̣аа ‘асуд̣̇д̇хаб̣раахман̣аа имз’д̇и самбхог̇ам̣ на д̣̇ассанд̇ий’’д̇и д̇ад̇о балааяид̇ваа маж̇жхарадтам̣ г̇анд̇ваа маж̇жхарааж̇асса наг̇арз аг̇г̇аасанигаа б̣раахман̣аа наама маяанд̇и рааж̇аг̇зхз бхун̃ж̇анд̇и.

    Mukhe pakkhittamatte jeṭṭhakadevarājā – ‘‘sāmimhi sayaṃ bhesajjaṃ karonte amhehi na sakkā kiñci kātu’’nti kumāraṃ vissajjesi. Sopi khipitvā kiñci dukkhaṃ appattapubbo viya pakativaṇṇo ahosi. Atha naṃ mātā avoca – ‘‘passa tāta tava kulupakānaṃ hirottapparahitānaṃ vippakāraṃ, samaṇā pana na evarūpā honti, samaṇe tāta bhojeyyāsī’’ti. Tato sesakaṃ udakacāṭiyaṃ āluḷāpetvā brāhmaṇānaṃ mukhe pakkhipāpesi. Yakkhā tāvadeva vissajjetvā palāyiṃsu. Brāhmaṇā khipitvā khipitvā uṭṭhahitvā kiṃ amhākaṃ mukhe pakkhittanti pucchiṃsu. Mātaṅgaisissa ucchiṭṭhabhattanti. Te ‘‘caṇḍālassa ucchiṭṭhakaṃ khādāpitamhā, abrāhmaṇā dānimhā jātā, idāni no brāhmaṇā ‘asuddhabrāhmaṇā ime’ti sambhogaṃ na dassantī’’ti tato palāyitvā majjharaṭṭhaṃ gantvā majjharājassa nagare aggāsanikā brāhmaṇā nāma mayanti rājagehe bhuñjanti.

    д̇асмим̣ самаяз б̣од̇хисад̇д̇о баабаниг̇г̇ахам̣ гаронд̇о маанаж̇аад̇игз ниммад̣̇аяанд̇о вижарад̇и. ат̇зго ‘‘ж̇аад̇иманд̇ад̇аабасо наама маяаа сад̣̇исо над̇т̇ий’’д̇и ан̃н̃зсу сан̃н̃амби на гарод̇и. б̣од̇хисад̇д̇о д̇ам̣ г̇ан̇г̇аад̇ийрз васамаанам̣ д̣̇исваа ‘‘маананиг̇г̇ахамасса гариссаамий’’д̇и д̇ад̇т̇а аг̇амааси . д̇ам̣ ж̇аад̇иманд̇ад̇аабасо бужчи – ‘‘гим̣ ж̇ажжо бхава’’нд̇и? жан̣д̣аало ахам̣ аажарияаад̇и. абзхи жан̣д̣аала абзхи жан̣д̣аала, хздтааг̇ан̇г̇ааяа васа, маа убариг̇ан̇г̇ааяа уд̣̇агам̣ ужчидтамагаасийд̇и.

    Tasmiṃ samaye bodhisatto pāpaniggahaṃ karonto mānajātike nimmadayanto vicarati. Atheko ‘‘jātimantatāpaso nāma mayā sadiso natthī’’ti aññesu saññampi na karoti. Bodhisatto taṃ gaṅgātīre vasamānaṃ disvā ‘‘mānaniggahamassa karissāmī’’ti tattha agamāsi . Taṃ jātimantatāpaso pucchi – ‘‘kiṃ jacco bhava’’nti? Caṇḍālo ahaṃ ācariyāti. Apehi caṇḍāla apehi caṇḍāla, heṭṭhāgaṅgāya vasa, mā uparigaṅgāya udakaṃ ucchiṭṭhamakāsīti.

    б̣од̇хисад̇д̇о – ‘‘саад̇ху аажарияа, д̇умхзхи вуд̇д̇адтаанз васиссаамий’’д̇и хздтааг̇ан̇г̇ааяа васанд̇о ‘‘г̇ан̇г̇ааяа уд̣̇агам̣ бадисод̇ам̣ санд̣̇ад̇уу’’д̇и ад̇хидтааси. ж̇аад̇иманд̇ад̇аабасо баад̇ова г̇ан̇г̇ам̣ оруяха уд̣̇агам̣ аажамад̇и, ж̇адаа д̇ховад̇и. б̣од̇хисад̇д̇о д̣̇анд̇агадтам̣ каад̣̇анд̇о бин̣д̣ам̣ бин̣д̣ам̣ кзл̣ам̣ уд̣̇агз баад̇зд̇и. д̣̇анд̇агадтагужчидтагамби д̇ад̇т̇зва баваахзд̇и. яат̇аа жз д̇ам̣ ан̃н̃ад̇т̇а алаг̇г̇ид̇ваа д̇аабасассзва ж̇адаасу лаг̇г̇ад̇и, д̇ат̇аа ад̇хидтааси. кзл̣амби д̣̇анд̇агадтамби д̇аабасасса ж̇адаасуязва бад̇идтаад̇и.

    Bodhisatto – ‘‘sādhu ācariya, tumhehi vuttaṭṭhāne vasissāmī’’ti heṭṭhāgaṅgāya vasanto ‘‘gaṅgāya udakaṃ paṭisotaṃ sandatū’’ti adhiṭṭhāsi. Jātimantatāpaso pātova gaṅgaṃ oruyha udakaṃ ācamati, jaṭā dhovati. Bodhisatto dantakaṭṭhaṃ khādanto piṇḍaṃ piṇḍaṃ kheḷaṃ udake pāteti. Dantakaṭṭhakucchiṭṭhakampi tattheva pavāheti. Yathā ce taṃ aññattha alaggitvā tāpasasseva jaṭāsu laggati, tathā adhiṭṭhāsi. Kheḷampi dantakaṭṭhampi tāpasassa jaṭāsuyeva patiṭṭhāti.

    д̇аабасо жан̣д̣аалассид̣̇ам̣ гаммам̣ бхависсад̇ийд̇и виббадисаарий худ̇ваа г̇анд̇ваа бужчи – ‘‘ид̣̇ам̣, бхо жан̣д̣аала, г̇ан̇г̇ааяа уд̣̇агам̣ д̇аяаа бадисод̇аг̇аамигад̇а’’нд̇и? аама аажарияа. д̇зна хи д̇вам̣ хздтааг̇ан̇г̇ааяа маа васа, убариг̇ан̇г̇ааяа васаад̇и. саад̇ху аажарияа, д̇умхзхи вуд̇д̇адтаанз васиссаамийд̇и д̇ад̇т̇а васанд̇о ид̣̇д̇хим̣ бадиббассамбхзси, уд̣̇агам̣ яат̇ааг̇ад̇игамзва ж̇аад̇ам̣. буна д̇аабасо д̇ад̣̇зва б̣яасанам̣ баабун̣и. со буна г̇анд̇ваа б̣од̇хисад̇д̇ам̣ бужчи, – ‘‘бхо жан̣д̣аала, д̇вамид̣̇ам̣ г̇ан̇г̇ааяа уд̣̇агам̣ гаалзна бадисод̇аг̇аамим̣ гаалзна анусод̇аг̇аамим̣ гаросий’’д̇и? аама аажарияа. жан̣д̣аала, ‘‘д̇вам̣ сукавихаарийнам̣ баб̣б̣аж̇ид̇аанам̣ сукзна васид̇ум̣ на д̣̇зси, сад̇д̇амз д̇з д̣̇ивасз сад̇д̇ад̇хаа муд̣̇д̇хаа палад̇уу’’д̇и. саад̇ху ажарияа, ахам̣ бана суурияасса уг̇г̇анд̇ум̣ на д̣̇ассаамийд̇и.

    Tāpaso caṇḍālassidaṃ kammaṃ bhavissatīti vippaṭisārī hutvā gantvā pucchi – ‘‘idaṃ, bho caṇḍāla, gaṅgāya udakaṃ tayā paṭisotagāmikata’’nti? Āma ācariya. Tena hi tvaṃ heṭṭhāgaṅgāya mā vasa, uparigaṅgāya vasāti. Sādhu ācariya, tumhehi vuttaṭṭhāne vasissāmīti tattha vasanto iddhiṃ paṭippassambhesi, udakaṃ yathāgatikameva jātaṃ. Puna tāpaso tadeva byasanaṃ pāpuṇi. So puna gantvā bodhisattaṃ pucchi, – ‘‘bho caṇḍāla, tvamidaṃ gaṅgāya udakaṃ kālena paṭisotagāmiṃ kālena anusotagāmiṃ karosī’’ti? Āma ācariya. Caṇḍāla, ‘‘tvaṃ sukhavihārīnaṃ pabbajitānaṃ sukhena vasituṃ na desi, sattame te divase sattadhā muddhā phalatū’’ti. Sādhu acariya, ahaṃ pana sūriyassa uggantuṃ na dassāmīti.

    ат̇а махаасад̇д̇о жинд̇зси – ‘‘зд̇асса абхисаабо зд̇ассзва убари бад̇иссад̇и, рагкаами на’’нд̇и сад̇д̇аануд̣̇д̣̇аяад̇ааяа бунад̣̇ивасз ид̣̇д̇хияаа суурияасса уг̇г̇анд̇ум̣ на ад̣̇ааси. ид̣̇д̇химад̇о ид̣̇д̇хивисаяо наама ажинд̇зяяо, д̇ад̇о бадтааяа арун̣уг̇г̇ам̣ на бан̃н̃ааяад̇и, рад̇д̇инд̣̇ивабарижчзд̣̇о над̇т̇и, гасиван̣иж̇ж̇аад̣̇ийни гаммаани баяож̇знд̇о наама над̇т̇и.

    Atha mahāsatto cintesi – ‘‘etassa abhisāpo etasseva upari patissati, rakkhāmi na’’nti sattānuddayatāya punadivase iddhiyā sūriyassa uggantuṃ na adāsi. Iddhimato iddhivisayo nāma acinteyyo, tato paṭṭhāya aruṇuggaṃ na paññāyati, rattindivaparicchedo natthi, kasivaṇijjādīni kammāni payojento nāma natthi.

    мануссаа – ‘‘яагкааваддо ну ко аяам̣ бхууд̇ад̣̇зваддонааг̇асубан̣н̣ааваддо’’д̇и убад̣̇д̣̇аваббад̇д̇аа ‘‘гим̣ ну ко гаад̇аб̣б̣а’’нд̇и жинд̇зд̇ваа ‘‘рааж̇агулам̣ наама махаабан̃н̃ам̣, логасса хид̇ам̣ жинд̇зд̇ум̣ саггод̇и, д̇ад̇т̇а г̇ажчаамаа’’д̇и рааж̇агулам̣ г̇анд̇ваа д̇амад̇т̇ам̣ аарожзсум̣. рааж̇аа суд̇ваа бхийд̇оби абхийд̇аагаарам̣ гад̇ваа – ‘‘маа д̇аад̇аа бхааяат̇а, имам̣ гааран̣ам̣ г̇ан̇г̇аад̇ийраваасий ж̇аад̇иманд̇ад̇аабасо ж̇ааниссад̇и, д̇ам̣ бужчид̇ваа нигган̇каа бхависсаамаа’’д̇и гад̇ибаязхзва ад̇т̇ажарагзхи мануссзхи сад̣̇д̇хим̣ д̇аабасам̣ убасан̇гамид̇ваа гад̇абадисант̇ааро д̇амад̇т̇ам̣ бужчи. д̇аабасо ааха – ‘‘аама махаарааж̇а, зго жан̣д̣аало ад̇т̇и, со имам̣ г̇ан̇г̇ааяа уд̣̇агам̣ гаалзна анусод̇аг̇аамим̣ гаалзна бад̇исод̇аг̇аамим̣ гарод̇и, маяаа д̇ад̣̇ад̇т̇ам̣ гин̃жи гат̇ид̇ам̣ ад̇т̇и, д̇ам̣ бужчат̇а, со ж̇ааниссад̇ий’’д̇и.

    Manussā – ‘‘yakkhāvaṭṭo nu kho ayaṃ bhūtadevaṭṭonāgasupaṇṇāvaṭṭo’’ti upaddavappattā ‘‘kiṃ nu kho kātabba’’nti cintetvā ‘‘rājakulaṃ nāma mahāpaññaṃ, lokassa hitaṃ cintetuṃ sakkoti, tattha gacchāmā’’ti rājakulaṃ gantvā tamatthaṃ ārocesuṃ. Rājā sutvā bhītopi abhītākāraṃ katvā – ‘‘mā tātā bhāyatha, imaṃ kāraṇaṃ gaṅgātīravāsī jātimantatāpaso jānissati, taṃ pucchitvā nikkaṅkhā bhavissāmā’’ti katipayeheva atthacarakehi manussehi saddhiṃ tāpasaṃ upasaṅkamitvā katapaṭisanthāro tamatthaṃ pucchi. Tāpaso āha – ‘‘āma mahārāja, eko caṇḍālo atthi, so imaṃ gaṅgāya udakaṃ kālena anusotagāmiṃ kālena patisotagāmiṃ karoti, mayā tadatthaṃ kiñci kathitaṃ atthi, taṃ pucchatha, so jānissatī’’ti.

    рааж̇аа маад̇ан̇г̇аисисса санд̇игам̣ г̇анд̇ваа – ‘‘д̇умхз, бханд̇з, арун̣асса уг̇г̇анд̇ум̣ на д̣̇зт̇аа’’д̇и бужчи. аама, махаарааж̇аад̇и. гим̣ гааран̣аа бханд̇зд̇и? ж̇аад̇иманд̇ад̇аабасагааран̣аа, махаарааж̇а, ж̇аад̇иманд̇ад̇аабасзна ааг̇анд̇ваа мам̣ ванд̣̇ид̇ваа камаабид̇агаалз д̣̇ассаами махаарааж̇аад̇и. рааж̇аа г̇анд̇ваа ‘‘зт̇а аажарияа, д̇аабасам̣ камаабзт̇аа’’д̇и ааха. наахам̣, махаарааж̇а, жан̣д̣аалам̣ ванд̣̇аамийд̇и. маа аажарияа, звам̣ гарот̇а, ж̇анабад̣̇асса мукам̣ бассат̇аад̇и. со буна бадигкибиязва. рааж̇аа б̣од̇хисад̇д̇ам̣ убасан̇гамид̇ваа ‘‘аажарияо камаабзд̇ум̣ на ижчид̇ий’’д̇и ааха. акамаабид̇з ахам̣ суурияам̣ на мун̃жаамийд̇и. рааж̇аа ‘‘аяам̣ камаабзд̇ум̣ на ижчад̇и, аяам̣ акамаабид̇з суурияам̣ на мун̃жад̇и, гим̣ амхаагам̣ д̇зна д̇аабасзна, логам̣ ологзссаамаа’’д̇и ‘‘г̇ажчат̇а, бхо, д̇аабасасанд̇игам̣, д̇ам̣ хад̇т̇зсу жа баад̣̇зсу жа г̇ахзд̇ваа маад̇ан̇г̇аисисса баад̣̇амуулз нзд̇ваа нибаж̇ж̇аабзд̇ваа камаабзт̇а зд̇асса ж̇анабад̣̇аануд̣̇д̣̇аяад̇ам̣ бадижжаа’’д̇и ааха. д̇з рааж̇абурисаа г̇анд̇ваа д̇ам̣ д̇ат̇аа гад̇ваа аанзд̇ваа маад̇ан̇г̇аисисса баад̣̇амуулз нибаж̇ж̇аабзд̇ваа камаабзсум̣.

    Rājā mātaṅgaisissa santikaṃ gantvā – ‘‘tumhe, bhante, aruṇassa uggantuṃ na dethā’’ti pucchi. Āma, mahārājāti. Kiṃ kāraṇā bhanteti? Jātimantatāpasakāraṇā, mahārāja, jātimantatāpasena āgantvā maṃ vanditvā khamāpitakāle dassāmi mahārājāti. Rājā gantvā ‘‘etha ācariya, tāpasaṃ khamāpethā’’ti āha. Nāhaṃ, mahārāja, caṇḍālaṃ vandāmīti. Mā ācariya, evaṃ karotha, janapadassa mukhaṃ passathāti. So puna paṭikkhipiyeva. Rājā bodhisattaṃ upasaṅkamitvā ‘‘ācariyo khamāpetuṃ na icchitī’’ti āha. Akhamāpite ahaṃ sūriyaṃ na muñcāmīti. Rājā ‘‘ayaṃ khamāpetuṃ na icchati, ayaṃ akhamāpite sūriyaṃ na muñcati, kiṃ amhākaṃ tena tāpasena, lokaṃ olokessāmā’’ti ‘‘gacchatha, bho, tāpasasantikaṃ, taṃ hatthesu ca pādesu ca gahetvā mātaṅgaisissa pādamūle netvā nipajjāpetvā khamāpetha etassa janapadānuddayataṃ paṭiccā’’ti āha. Te rājapurisā gantvā taṃ tathā katvā ānetvā mātaṅgaisissa pādamūle nipajjāpetvā khamāpesuṃ.

    ахам̣ наама камид̇аб̣б̣ам̣ камаами, абижа ко бана зд̇асса гат̇аа зд̇ассзва убари бад̇иссад̇и. маяаа суурияз виссаж̇ж̇ид̇з суурияарасми зд̇асса мад̇т̇агз бад̇иссад̇и, ат̇асса сад̇д̇ад̇хаа муд̣̇д̇хаа палиссад̇и. д̇ан̃жа ко банзса б̣яасанам̣ маа баабун̣аад̇у, зт̇а д̇умхз зд̇ам̣ г̇алаббамаан̣з уд̣̇агз од̇аарзд̇ваа маханд̇ам̣ мад̇д̇игаабин̣д̣амасса сийсз табзт̇а. ат̇аахам̣ суурияам̣ виссаж̇ж̇иссаами. суурияарасми мад̇д̇игаабин̣д̣з бад̇ид̇ваа д̇ам̣ сад̇д̇ад̇хаа бхинд̣̇иссад̇и. ат̇зса мад̇д̇игаабин̣д̣ам̣ чад̣д̣зд̇ваа нимуж̇ж̇ид̇ваа ан̃н̃зна д̇ид̇т̇зна уд̇д̇арад̇у, ид̇и нам̣ вад̣̇ат̇а, звамасса сод̇т̇и бхависсад̇ийд̇и. д̇з мануссаа ‘‘звам̣ гариссаамаа’’д̇и д̇ат̇аа гаарзсум̣. д̇ассааби д̇ат̇зва сод̇т̇и ж̇аад̇аа. со д̇ад̇о бадтааяа – ‘‘ж̇аад̇и наама агааран̣ам̣, баб̣б̣аж̇ид̇аанам̣ аб̣бханд̇арз г̇ун̣ова гааран̣а’’нд̇и ж̇аад̇иг̇од̇д̇амаанам̣ бахааяа ниммад̣̇о ахоси.

    Ahaṃ nāma khamitabbaṃ khamāmi, apica kho pana etassa kathā etasseva upari patissati. Mayā sūriye vissajjite sūriyarasmi etassa matthake patissati, athassa sattadhā muddhā phalissati. Tañca kho panesa byasanaṃ mā pāpuṇātu, etha tumhe etaṃ galappamāṇe udake otāretvā mahantaṃ mattikāpiṇḍamassa sīse ṭhapetha. Athāhaṃ sūriyaṃ vissajjissāmi. Sūriyarasmi mattikāpiṇḍe patitvā taṃ sattadhā bhindissati. Athesa mattikāpiṇḍaṃ chaḍḍetvā nimujjitvā aññena titthena uttaratu, iti naṃ vadatha, evamassa sotthi bhavissatīti. Te manussā ‘‘evaṃ karissāmā’’ti tathā kāresuṃ. Tassāpi tatheva sotthi jātā. So tato paṭṭhāya – ‘‘jāti nāma akāraṇaṃ, pabbajitānaṃ abbhantare guṇova kāraṇa’’nti jātigottamānaṃ pahāya nimmado ahosi.

    ид̇и ж̇аад̇иманд̇ад̇аабасз д̣̇амид̇з махааж̇ано б̣од̇хисад̇д̇асса т̇аамам̣ ан̃н̃ааси, махааголаахалам̣ ж̇аад̇ам̣. рааж̇аа ад̇д̇ано наг̇арам̣ г̇аманад̇т̇ааяа б̣од̇хисад̇д̇ам̣ яаажи. махаасад̇д̇о бадин̃н̃ам̣ д̣̇ад̇ваа д̇аани жа асийд̇иб̣раахман̣асахассаани д̣̇амзссаами, бадин̃н̃ан̃жа можзссаамийд̇и маж̇жхарааж̇асса наг̇арам̣ аг̇амааси. б̣раахман̣аа б̣од̇хисад̇д̇ам̣ д̣̇исваава – бхо, ‘‘аяам̣ со, бхо махаажоро, ааг̇ад̇о, ид̣̇аанзва саб̣б̣з зд̇з маяхам̣ ужчидтагам̣ каад̣̇ид̇ваа аб̣раахман̣аа ж̇аад̇аад̇и амхз баагадз гариссад̇и, звам̣ но ид̇хааби ааваасо на бхависсад̇и, бадигажжзва маарзссаамаа’’д̇и рааж̇аанам̣ буна убасан̇гамид̇ваа аахам̣су – ‘‘д̇умхз, махаарааж̇а, зд̇ам̣ жан̣д̣аалабаб̣б̣аж̇ид̇ам̣ маа саад̇хуруубод̇и ман̃н̃ид̇т̇а, зса г̇аругаманд̇ам̣ ж̇аанаад̇и, бат̇авим̣ г̇ахзд̇ваа аагаасам̣ гарод̇и, аагаасам̣ бат̇авим̣, д̣̇уурам̣ г̇ахзд̇ваа санд̇игам̣ гарод̇и, санд̇игам̣ д̣̇уурам̣, г̇ан̇г̇ам̣ нивад̇д̇зд̇ваа уд̣̇д̇хаг̇ааминим̣ гарод̇и, ижчанд̇о бат̇авим̣ угкибид̇ваа баад̇зд̇ум̣ ман̃н̃з саггод̇и. барасса ваа жид̇д̇ам̣ наама саб̣б̣агаалам̣ на саггаа г̇ахзд̇ум̣, аяам̣ ид̇ха бад̇идтам̣ лабханд̇о д̇умхаагам̣ раж̇ж̇амби наасзяяа, ж̇ийвид̇анд̇арааяамби вам̣субажчзд̣̇амби гарзяяа, амхаагам̣ важанам̣ гарот̇а, махаарааж̇а, аж̇ж̇зва имам̣ маарзд̇ум̣ ваддад̇ий’’д̇и.

    Iti jātimantatāpase damite mahājano bodhisattassa thāmaṃ aññāsi, mahākolāhalaṃ jātaṃ. Rājā attano nagaraṃ gamanatthāya bodhisattaṃ yāci. Mahāsatto paṭiññaṃ datvā tāni ca asītibrāhmaṇasahassāni damessāmi, paṭiññañca mocessāmīti majjharājassa nagaraṃ agamāsi. Brāhmaṇā bodhisattaṃ disvāva – bho, ‘‘ayaṃ so, bho mahācoro, āgato, idāneva sabbe ete mayhaṃ ucchiṭṭhakaṃ khāditvā abrāhmaṇā jātāti amhe pākaṭe karissati, evaṃ no idhāpi āvāso na bhavissati, paṭikacceva māressāmā’’ti rājānaṃ puna upasaṅkamitvā āhaṃsu – ‘‘tumhe, mahārāja, etaṃ caṇḍālapabbajitaṃ mā sādhurūpoti maññittha, esa garukamantaṃ jānāti, pathaviṃ gahetvā ākāsaṃ karoti, ākāsaṃ pathaviṃ, dūraṃ gahetvā santikaṃ karoti, santikaṃ dūraṃ, gaṅgaṃ nivattetvā uddhagāminiṃ karoti, icchanto pathaviṃ ukkhipitvā pātetuṃ maññe sakkoti. Parassa vā cittaṃ nāma sabbakālaṃ na sakkā gahetuṃ, ayaṃ idha patiṭṭhaṃ labhanto tumhākaṃ rajjampi nāseyya, jīvitantarāyampi vaṃsupacchedampi kareyya, amhākaṃ vacanaṃ karotha, mahārāja, ajjeva imaṃ māretuṃ vaṭṭatī’’ti.

    рааж̇аано наама барабад̇д̇ияаа хонд̇и, ид̇и со б̣ахуунам̣ гат̇аавасзна нидтам̣ г̇ад̇о. б̣од̇хисад̇д̇о бана наг̇арз бин̣д̣ааяа жарид̇ваа уд̣̇агапаасугадтаанз миссагод̣̇анам̣ бхун̃ж̇ид̇ваа рааж̇уяяаанам̣ г̇анд̇ваа нираабараад̇хад̇ааяа нираасан̇го ман̇г̇аласилаабаддз нисийд̣̇и. ад̇ийд̇з жад̇д̇аалийса, анааг̇ад̇з жад̇д̇аалийсаад̇и асийд̇игаббз ануссарид̇ум̣ самад̇т̇ан̃аан̣асса анааваж̇ж̇анад̇ааяа мухуд̇д̇амад̇д̇агз гаалз сад̇и наббаход̇и, рааж̇аа ан̃н̃ам̣ аж̇аанаабзд̇ваа саяамзва г̇анд̇ваа нирааваж̇ж̇анад̇ааяа бамаад̣̇зна нисиннам̣ махаабурисам̣ асинаа бахарид̇ваа д̣̇вз бхааг̇з агааси. имасса ран̃н̃о виж̇ид̇з адтамам̣ лохагуудавассам̣, навамам̣ галалавассам̣ васси. ид̇и имассааби радтз нава вудтияо бад̇ид̇аа. со жа рааж̇аа сабарисо махаанираяз ниб̣б̣ад̇д̇о. д̇знааха сам̣гижжабан̣д̣ид̇о –

    Rājāno nāma parapattiyā honti, iti so bahūnaṃ kathāvasena niṭṭhaṃ gato. Bodhisatto pana nagare piṇḍāya caritvā udakaphāsukaṭṭhāne missakodanaṃ bhuñjitvā rājuyyānaṃ gantvā nirāparādhatāya nirāsaṅko maṅgalasilāpaṭṭe nisīdi. Atīte cattālīsa, anāgate cattālīsāti asītikappe anussarituṃ samatthañāṇassa anāvajjanatāya muhuttamattake kāle sati nappahoti, rājā aññaṃ ajānāpetvā sayameva gantvā nirāvajjanatāya pamādena nisinnaṃ mahāpurisaṃ asinā paharitvā dve bhāge akāsi. Imassa rañño vijite aṭṭhamaṃ lohakūṭavassaṃ, navamaṃ kalalavassaṃ vassi. Iti imassāpi raṭṭhe nava vuṭṭhiyo patitā. So ca rājā sapariso mahāniraye nibbatto. Tenāha saṃkiccapaṇḍito –

    ‘‘убахажжа манам̣ маж̇жхо, маад̇ан̇г̇асмим̣ яасассинз;

    ‘‘Upahacca manaṃ majjho, mātaṅgasmiṃ yasassine;

    сабаарисаж̇ж̇о ужчинно, маж̇жхааран̃н̃ам̣ д̇ад̣̇аа ахууд̇и’’. (ж̇аа. 2.19.96) –

    Sapārisajjo ucchinno, majjhāraññaṃ tadā ahūti’’. (jā. 2.19.96) –

    звам̣ маж̇жхааран̃н̃асса аран̃н̃абхууд̇абхааво взд̣̇ид̇аб̣б̣о. маад̇ан̇г̇асса бана исино васзна д̇ад̣̇зва маад̇ан̇г̇ааран̃н̃анд̇и вуд̇д̇ам̣.

    Evaṃ majjhāraññassa araññabhūtabhāvo veditabbo. Mātaṅgassa pana isino vasena tadeva mātaṅgāraññanti vuttaṃ.

    66. бан̃хабадибхаанаанийд̇и бан̃хаб̣яаагаран̣аани. бажжанийгам̣ гад̇аб̣б̣анд̇и бажжанийгам̣ гаад̇аб̣б̣ам̣. аман̃н̃иссанд̇и виломабхааг̇ам̣ г̇ан̣ханд̇о вияа ахосинд̇и ад̇т̇о.

    66.Pañhapaṭibhānānīti pañhabyākaraṇāni. Paccanīkaṃ katabbanti paccanīkaṃ kātabbaṃ. Amaññissanti vilomabhāgaṃ gaṇhanto viya ahosinti attho.

    67. анувижжагааранд̇и анувижаарзд̇ваа жинд̇зд̇ваа д̇улаяид̇ваа гаад̇аб̣б̣ам̣ гарохийд̇и вуд̇д̇ам̣ ход̇и. саад̇ху ход̇ийд̇и сунд̣̇аро ход̇и. д̇умхаад̣̇исасмин̃хи мам̣ д̣̇исваа мам̣ саран̣ам̣ г̇ажчанд̇з ниг̇ан̣там̣ д̣̇исваа ниг̇ан̣там̣ саран̣ам̣ г̇ажчанд̇з – ‘‘гим̣ аяам̣ убаали д̣̇идтад̣̇идтамзва саран̣ам̣ г̇ажчад̇ий’’д̇и? г̇арахаа уббаж̇ж̇иссад̇и, д̇асмаа анувижжагааро д̇умхаад̣̇исаанам̣ саад̇хууд̇и д̣̇ассзд̇и. бадаагам̣ барихарзяяунд̇и д̇з гира зваруубам̣ саавагам̣ лабхид̇ваа – ‘‘асуго наама рааж̇аа ваа рааж̇амахаамад̇д̇о ваа сздти ваа амхаагам̣ саран̣ам̣ г̇ад̇о сааваго ж̇аад̇о’’д̇и бадаагам̣ угкибид̇ваа наг̇арз гхосзнд̇аа аахин̣д̣анд̇и. гасмаа? звам̣ но маханд̇абхааво аави бхависсад̇ийд̇и жа, сажз д̇асса ‘‘гимахам̣ зд̇зсам̣ саран̣ам̣ г̇ад̇о’’д̇и виббадисааро уббаж̇ж̇зяяа, д̇амби со ‘‘зд̇зсам̣ мз саран̣аг̇ад̇абхаавам̣ б̣ахуу ж̇аананд̇и, д̣̇угкам̣ ид̣̇аани бадинивад̇д̇ид̇у’’нд̇и винод̣̇зд̇ваа на бадиггамиссад̇ийд̇и жа. ‘‘д̇знааха бадаагам̣ барихарзяяу’’нд̇и.

    67.Anuviccakāranti anuvicāretvā cintetvā tulayitvā kātabbaṃ karohīti vuttaṃ hoti. Sādhu hotīti sundaro hoti. Tumhādisasmiñhi maṃ disvā maṃ saraṇaṃ gacchante nigaṇṭhaṃ disvā nigaṇṭhaṃ saraṇaṃ gacchante – ‘‘kiṃ ayaṃ upāli diṭṭhadiṭṭhameva saraṇaṃ gacchatī’’ti? Garahā uppajjissati, tasmā anuviccakāro tumhādisānaṃ sādhūti dasseti. Paṭākaṃ parihareyyunti te kira evarūpaṃ sāvakaṃ labhitvā – ‘‘asuko nāma rājā vā rājamahāmatto vā seṭṭhi vā amhākaṃ saraṇaṃ gato sāvako jāto’’ti paṭākaṃ ukkhipitvā nagare ghosentā āhiṇḍanti. Kasmā? Evaṃ no mahantabhāvo āvi bhavissatīti ca, sace tassa ‘‘kimahaṃ etesaṃ saraṇaṃ gato’’ti vippaṭisāro uppajjeyya, tampi so ‘‘etesaṃ me saraṇagatabhāvaṃ bahū jānanti, dukkhaṃ idāni paṭinivattitu’’nti vinodetvā na paṭikkamissatīti ca. ‘‘Tenāha paṭākaṃ parihareyyu’’nti.

    68. обаанабхууд̇анд̇и бадияад̇д̇ауд̣̇абаано вияа тид̇ам̣. гуланд̇и д̇ава нивзсанам̣. д̣̇аад̇аб̣б̣ам̣ ман̃н̃зяяаасийд̇и буб̣б̣з д̣̇асаби вийсад̇иби садтиби ж̇анз ааг̇ад̇з д̣̇исваа над̇т̇ийд̇и авад̇ваа д̣̇зд̇и. ид̣̇аани мам̣ саран̣ам̣ г̇ад̇агааран̣амад̇д̇знава маа имзсам̣ д̣̇зяяад̇хаммам̣, убажчинд̣̇ид̇т̇а, самбад̇д̇аанан̃хи д̣̇аад̇аб̣б̣амзваад̇и овад̣̇ад̇и. суд̇амзд̇ам̣, бханд̇зд̇и гуд̇о суд̇ам̣? ниг̇ан̣таанам̣ санд̇игаа, д̇з гира гулагхарзсу звам̣ багаасзнд̇и – ‘‘маяам̣ ‘яасса гассажи самбад̇д̇асса д̣̇аад̇аб̣б̣а’нд̇и вад̣̇аама, саман̣о бана г̇од̇амо ‘маяхамзва д̣̇аанам̣ д̣̇аад̇аб̣б̣ам̣…бз… на ан̃н̃зсам̣ саавагаанам̣ д̣̇иннам̣ махабпала’нд̇и вад̣̇ад̇ий’’д̇и. д̇ам̣ санд̇хааяа аяам̣ г̇ахабад̇и ‘‘суд̇амзд̇а’’нд̇и ааха.

    68.Opānabhūtanti paṭiyattaudapāno viya ṭhitaṃ. Kulanti tava nivesanaṃ. Dātabbaṃ maññeyyāsīti pubbe dasapi vīsatipi saṭṭhipi jane āgate disvā natthīti avatvā deti. Idāni maṃ saraṇaṃ gatakāraṇamattenava mā imesaṃ deyyadhammaṃ, upacchindittha, sampattānañhi dātabbamevāti ovadati. Sutametaṃ, bhanteti kuto sutaṃ? Nigaṇṭhānaṃ santikā, te kira kulagharesu evaṃ pakāsenti – ‘‘mayaṃ ‘yassa kassaci sampattassa dātabba’nti vadāma, samaṇo pana gotamo ‘mayhameva dānaṃ dātabbaṃ…pe… na aññesaṃ sāvakānaṃ dinnaṃ mahapphala’nti vadatī’’ti. Taṃ sandhāya ayaṃ gahapati ‘‘sutameta’’nti āha.

    69. анубуб̣б̣им̣ гат̇анд̇и д̣̇аанаананд̇арам̣ сийлам̣, сийлаананд̇арам̣ саг̇г̇ам̣, саг̇г̇аананд̇арам̣ маг̇г̇анд̇и звам̣ анубадибаадигат̇ам̣. д̇ад̇т̇а д̣̇аанагат̇анд̇и ид̣̇ам̣ д̣̇аанам̣ наама сукаанам̣ нид̣̇аанам̣, самбад̇д̇ийнам̣ муулам̣, бхог̇аанам̣ бад̇идтаа, висамаг̇ад̇асса д̇аан̣ам̣ лзн̣ам̣ г̇ад̇ибарааяан̣ам̣, ид̇халогабаралогзсу д̣̇аанасад̣̇исо авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и. ид̣̇ан̃хи авассаяадтзна рад̇анамаяасийхаасанасад̣̇исам̣, бад̇идтаанадтзна махаабат̇ависад̣̇исам̣, ааламб̣анадтзна ааламб̣анараж̇ж̇усад̣̇исам̣. ид̣̇ан̃хи д̣̇угканид̇т̇аран̣адтзна нааваа, самассаасанадтзна сан̇г̇аамасууро, бхаяабарид̇д̇аан̣адтзна сусан̇кад̇анаг̇арам̣, мажчзрамалаад̣̇ийхи анубалид̇д̇адтзна бад̣̇умам̣, д̇зсам̣ нид̣̇аханадтзна аг̇г̇и, д̣̇ураасад̣̇адтзна аасийвисо. асанд̇аасанадтзна сийхо, б̣алаванд̇адтзна хад̇т̇ий, абхиман̇г̇аласаммад̇адтзна сзд̇авасабхо, кзманд̇абхуумисамбаабанадтзна валаахаго ассарааж̇аа. д̣̇аанам̣ наамзбхам̣ маяхам̣ г̇ад̇амаг̇г̇о, маяхзвзсо вам̣со, маяаа д̣̇аса баарамияо буурзнд̇зна взлаамамахааяан̃н̃о, махааг̇овинд̣̇амахааяан̃н̃о махаасуд̣̇ассанамахааяан̃н̃о, взссанд̇арамахааяан̃н̃од̇и анзгамахааяан̃н̃аа бавад̇д̇ид̇аа, сасабхууд̇зна ж̇алид̇з аг̇г̇игканд̇хз ад̇д̇аанам̣ нияяаад̣̇знд̇зна самбад̇д̇аяаажагаанам̣ жид̇д̇ам̣ г̇ахид̇ам̣. д̣̇аанан̃хи логз саггасамбад̇д̇им̣ д̣̇зд̇и, маарасамбад̇д̇им̣ д̣̇зд̇и, б̣рахмасамбад̇д̇им̣ д̣̇зд̇и, жаггавад̇д̇исамбад̇д̇им̣ д̣̇зд̇и, саавагабаарамийн̃аан̣ам̣, бажжзгаб̣од̇хин̃аан̣ам̣, абхисамб̣од̇хин̃аан̣ам̣ д̣̇зд̇ийд̇и звамаад̣̇им̣ д̣̇аанаг̇ун̣абадисам̣яуд̇д̇ам̣ гат̇ам̣.

    69.Anupubbiṃkathanti dānānantaraṃ sīlaṃ, sīlānantaraṃ saggaṃ, saggānantaraṃ magganti evaṃ anupaṭipāṭikathaṃ. Tattha dānakathanti idaṃ dānaṃ nāma sukhānaṃ nidānaṃ, sampattīnaṃ mūlaṃ, bhogānaṃ patiṭṭhā, visamagatassa tāṇaṃ leṇaṃ gatiparāyaṇaṃ, idhalokaparalokesu dānasadiso avassayo patiṭṭhā ārammaṇaṃ tāṇaṃ leṇaṃ gati parāyaṇaṃ natthi. Idañhi avassayaṭṭhena ratanamayasīhāsanasadisaṃ, patiṭṭhānaṭṭhena mahāpathavisadisaṃ, ālambanaṭṭhena ālambanarajjusadisaṃ. Idañhi dukkhanittharaṇaṭṭhena nāvā, samassāsanaṭṭhena saṅgāmasūro, bhayaparittāṇaṭṭhena susaṅkhatanagaraṃ, maccheramalādīhi anupalittaṭṭhena padumaṃ, tesaṃ nidahanaṭṭhena aggi, durāsadaṭṭhena āsīviso. Asantāsanaṭṭhena sīho, balavantaṭṭhena hatthī, abhimaṅgalasammataṭṭhena setavasabho, khemantabhūmisampāpanaṭṭhena valāhako assarājā. Dānaṃ nāmebhaṃ mayhaṃ gatamaggo, mayheveso vaṃso, mayā dasa pāramiyo pūrentena velāmamahāyañño, mahāgovindamahāyañño mahāsudassanamahāyañño, vessantaramahāyaññoti anekamahāyaññā pavattitā, sasabhūtena jalite aggikkhandhe attānaṃ niyyādentena sampattayācakānaṃ cittaṃ gahitaṃ. Dānañhi loke sakkasampattiṃ deti, mārasampattiṃ deti, brahmasampattiṃ deti, cakkavattisampattiṃ deti, sāvakapāramīñāṇaṃ, paccekabodhiñāṇaṃ, abhisambodhiñāṇaṃ detīti evamādiṃ dānaguṇapaṭisaṃyuttaṃ kathaṃ.

    яасмаа бана д̣̇аанам̣ д̣̇ад̣̇анд̇о сийлам̣ самаад̣̇аад̇ум̣ саггод̇и, д̇асмаа д̇ад̣̇анад̇арам̣ сийлагат̇ам̣ гат̇зси. сийлагат̇анд̇и сийлам̣ наамзд̇ам̣ авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣, сийлам̣ наамзд̇ам̣ мама вам̣со, ахам̣ сан̇кабааланааг̇арааж̇агаалз, бхуурид̣̇ад̇д̇анааг̇арааж̇агаалз, жамбзяяанааг̇арааж̇агаалз, сийлаванааг̇арааж̇агаалз, маад̇убосагахад̇т̇ирааж̇агаалз, чад̣̇д̣̇анд̇ахад̇т̇ирааж̇агаалзд̇и ананд̇зсу ад̇д̇абхаавзсу сийлам̣ барибуурзсим̣. ид̇халогабаралогасамбад̇д̇ийнан̃хи сийласад̣̇исо авассаяо, сийласад̣̇исаа бад̇идтаа, аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и, сийлаалан̇гаарасад̣̇исо алан̇гааро над̇т̇и, сийлабубпасад̣̇исам̣ бубпам̣ над̇т̇и, сийлаг̇анд̇хасад̣̇исо г̇анд̇хо над̇т̇и. сийлаалан̇гаарзна хи алан̇гад̇ам̣ сийлагусумабил̣анд̇ханам̣ сийлаг̇анд̇хаанулид̇д̇ам̣ сад̣̇звагоби лого ологзнд̇о д̇ид̇д̇им̣ на г̇ажчад̇ийд̇и звамаад̣̇им̣ сийлаг̇ун̣абадисам̣яуд̇д̇ам̣ гат̇ам̣.

    Yasmā pana dānaṃ dadanto sīlaṃ samādātuṃ sakkoti, tasmā tadanataraṃ sīlakathaṃ kathesi. Sīlakathanti sīlaṃ nāmetaṃ avassayo patiṭṭhā ārammaṇaṃ tāṇaṃ leṇaṃ gati parāyaṇaṃ, sīlaṃ nāmetaṃ mama vaṃso, ahaṃ saṅkhapālanāgarājakāle, bhūridattanāgarājakāle, campeyyanāgarājakāle, sīlavanāgarājakāle, mātuposakahatthirājakāle, chaddantahatthirājakāleti anantesu attabhāvesu sīlaṃ paripūresiṃ. Idhalokaparalokasampattīnañhi sīlasadiso avassayo, sīlasadisā patiṭṭhā, ārammaṇaṃ tāṇaṃ leṇaṃ gati parāyaṇaṃ natthi, sīlālaṅkārasadiso alaṅkāro natthi, sīlapupphasadisaṃ pupphaṃ natthi, sīlagandhasadiso gandho natthi. Sīlālaṅkārena hi alaṅkataṃ sīlakusumapiḷandhanaṃ sīlagandhānulittaṃ sadevakopi loko olokento tittiṃ na gacchatīti evamādiṃ sīlaguṇapaṭisaṃyuttaṃ kathaṃ.

    ид̣̇ам̣ бана сийлам̣ ниссааяа аяам̣ саг̇г̇о лаб̣бхад̇ийд̇и д̣̇ассзд̇ум̣ сийлаананд̇арам̣ саг̇г̇агат̇ам̣ гат̇зси. саг̇г̇агат̇анд̇и аяам̣ саг̇г̇о наама идто ганд̇о манаабо, нижжамзд̇т̇а гийл̣аа, нижжам̣ самбад̇д̇ияо лаб̣бханд̇и, жаад̇умахаарааж̇игаа д̣̇зваа навуд̇ивассасад̇асахассаани д̣̇иб̣б̣асукам̣ д̣̇иб̣б̣асамбад̇д̇им̣ анубхаванд̇и, д̇аавад̇им̣саа д̇иссо жа вассагодияо садти жа вассасад̇асахассаанийд̇и звамаад̣̇им̣ саг̇г̇аг̇ун̣абадисам̣яуд̇д̇ам̣ гат̇ам̣. саг̇г̇асамбад̇д̇им̣ гат̇аяанд̇аанан̃хи б̣уд̣̇д̇хаанам̣ мукам̣ наббаход̇и. вуд̇д̇амби жзд̇ам̣ ‘‘анзгабарияааязна ко ахам̣, бхигкавз, саг̇г̇агат̇ам̣ гат̇зяяа’’нд̇иаад̣̇и (ма. ни. 3.255).

    Idaṃ pana sīlaṃ nissāya ayaṃ saggo labbhatīti dassetuṃ sīlānantaraṃ saggakathaṃ kathesi. Saggakathanti ayaṃ saggo nāma iṭṭho kanto manāpo, niccamettha kīḷā, niccaṃ sampattiyo labbhanti, cātumahārājikā devā navutivassasatasahassāni dibbasukhaṃ dibbasampattiṃ anubhavanti, tāvatiṃsā tisso ca vassakoṭiyo saṭṭhi ca vassasatasahassānīti evamādiṃ saggaguṇapaṭisaṃyuttaṃ kathaṃ. Saggasampattiṃ kathayantānañhi buddhānaṃ mukhaṃ nappahoti. Vuttampi cetaṃ ‘‘anekapariyāyena kho ahaṃ, bhikkhave, saggakathaṃ katheyya’’ntiādi (ma. ni. 3.255).

    звам̣ саг̇г̇агат̇ааяа балобхзд̇ваа буна хад̇т̇им̣ алан̇гарид̇ваа д̇асса сон̣д̣ам̣ чинд̣̇анд̇о вияа – ‘‘аяамби саг̇г̇о анижжо ад̣̇д̇хуво, на зд̇т̇а чанд̣̇арааг̇о гаад̇аб̣б̣о’’д̇и д̣̇ассанад̇т̇ам̣ – ‘‘аббассаад̣̇аа гаамаа вуд̇д̇аа маяаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇иаад̣̇инаа (баажи. 417; ма. ни. 1.235) наязна гаамаанам̣ аад̣̇ийнавам̣ огаарам̣ сам̣гилзсам̣ гат̇зси. д̇ад̇т̇а аад̣̇ийнавод̇и д̣̇осо. огаарод̇и авагааро лаамагабхааво. сам̣гилзсод̇и д̇зхи сад̇д̇аанам̣ сам̣саарз сам̣гилиссанам̣. яат̇ааха ‘‘гилиссанд̇и вад̇а, бхо, сад̇д̇аа’’д̇и (ма. ни. 2.351).

    Evaṃ saggakathāya palobhetvā puna hatthiṃ alaṅkaritvā tassa soṇḍaṃ chindanto viya – ‘‘ayampi saggo anicco addhuvo, na ettha chandarāgo kātabbo’’ti dassanatthaṃ – ‘‘appassādā kāmā vuttā mayā bahudukkhā bahupāyāsā, ādīnavo ettha bhiyyo’’tiādinā (pāci. 417; ma. ni. 1.235) nayena kāmānaṃ ādīnavaṃ okāraṃ saṃkilesaṃ kathesi. Tattha ādīnavoti doso. Okāroti avakāro lāmakabhāvo. Saṃkilesoti tehi sattānaṃ saṃsāre saṃkilissanaṃ. Yathāha ‘‘kilissanti vata, bho, sattā’’ti (ma. ni. 2.351).

    звам̣ гаамаад̣̇ийнавзна д̇аж̇ж̇ид̇ваа нзгкаммз аанисам̣сам̣ багаасзси. галлажид̇д̇анд̇и арог̇ажид̇д̇ам̣. саамуггам̣сигаад̇и саамам̣ уггам̣сигаа ад̇д̇анааязва г̇ахзд̇ваа уд̣̇д̇харид̇ваа г̇ахид̇аа, саяамбхуун̃аан̣зна д̣̇идтаа, асаад̇хааран̣аа ан̃н̃зсанд̇и ад̇т̇о. гаа банзсаад̇и, арияасажжад̣̇зсанаа? д̇знзвааха – ‘‘д̣̇угкам̣ самуд̣̇аяам̣ нирод̇хам̣ маг̇г̇а’’нд̇и.

    Evaṃ kāmādīnavena tajjitvā nekkhamme ānisaṃsaṃ pakāsesi. Kallacittanti arogacittaṃ. Sāmukkaṃsikāti sāmaṃ ukkaṃsikā attanāyeva gahetvā uddharitvā gahitā, sayambhūñāṇena diṭṭhā, asādhāraṇā aññesanti attho. Kā panesāti, ariyasaccadesanā? Tenevāha – ‘‘dukkhaṃ samudayaṃ nirodhaṃ magga’’nti.

    вираж̇ам̣ вийд̇амаланд̇и рааг̇араж̇аад̣̇ийнам̣ абхааваа вираж̇ам̣, рааг̇амалаад̣̇ийнам̣ виг̇ад̇ад̇д̇аа вийд̇амалам̣. д̇хаммажагкунд̇и убари б̣рахмааяусуд̇д̇з д̇ин̣н̣ам̣ маг̇г̇аанам̣, жуул̣араахуловаад̣̇з аасавагкаяассзд̇ам̣ наамам̣. ид̇ха бана сод̇аабад̇д̇имаг̇г̇о ад̇хиббзд̇о. д̇асса уббад̇д̇иаагаарад̣̇ассанад̇т̇ам̣ ‘‘яам̣гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ааха. д̇ан̃хи нирод̇хам̣ аарамман̣ам̣ гад̇ваа гижжавасзна звам̣ саб̣б̣асан̇кад̇ам̣ бадивиж̇жханд̇ам̣ уббаж̇ж̇ад̇и.

    Virajaṃ vītamalanti rāgarajādīnaṃ abhāvā virajaṃ, rāgamalādīnaṃ vigatattā vītamalaṃ. Dhammacakkhunti upari brahmāyusutte tiṇṇaṃ maggānaṃ, cūḷarāhulovāde āsavakkhayassetaṃ nāmaṃ. Idha pana sotāpattimaggo adhippeto. Tassa uppattiākāradassanatthaṃ ‘‘yaṃkiñci samudayadhammaṃ, sabbaṃ taṃ nirodhadhamma’’nti āha. Tañhi nirodhaṃ ārammaṇaṃ katvā kiccavasena evaṃ sabbasaṅkhataṃ paṭivijjhantaṃ uppajjati.

    д̣̇идто арияасажжад̇хаммо зд̇знаад̇и д̣̇идтад̇хаммо. зса наяо сзсабад̣̇зсуби. д̇ин̣н̣аа вижигижчаа анзнаад̇и д̇ин̣н̣авижигижчо. виг̇ад̇аа гат̇ам̣гат̇аа ассаад̇и виг̇ад̇агат̇ам̣гат̇о. взсаараж̇ж̇аббад̇д̇од̇и взсаараж̇ж̇ам̣ бад̇д̇о. гад̇т̇а? сад̇т̇у саасанз. наасса баро бажжаяо, на барасса сад̣̇д̇хааяа зд̇т̇а вад̇д̇ад̇ийд̇и абараббажжаяо.

    Diṭṭho ariyasaccadhammo etenāti diṭṭhadhammo. Esa nayo sesapadesupi. Tiṇṇā vicikicchā anenāti tiṇṇavicikiccho. Vigatā kathaṃkathā assāti vigatakathaṃkatho. Vesārajjappattoti vesārajjaṃ patto. Kattha? Satthu sāsane. Nāssa paro paccayo, na parassa saddhāya ettha vattatīti aparappaccayo.

    70. жид̇д̇зна самбадижчамаано абхинанд̣̇ид̇ваа, ваажааяа басам̣самаано анумод̣̇ид̇ваа. аавараамийд̇и т̇агзми бид̣̇ахаами. анааваданд̇и на ааварид̇ам̣ вивадам̣ уг̇гхаадид̇ам̣.

    70. Cittena sampaṭicchamāno abhinanditvā, vācāya pasaṃsamāno anumoditvā. Āvarāmīti thakemi pidahāmi. Anāvaṭanti na āvaritaṃ vivaṭaṃ ugghāṭitaṃ.

    71. ассоси ко д̣̇ийгхад̇абассийд̇и со гира д̇асса г̇ад̇агаалад̇о бадтааяа – ‘‘бан̣д̣ид̇о г̇ахабад̇и , саман̣о жа г̇од̇амо д̣̇ассанасамбанно нияяаанигагат̇о, д̣̇ассанзби д̇асса басийд̣̇иссад̇и, д̇хаммагат̇ааяаби басийд̣̇иссад̇и, басийд̣̇ид̇ваа саран̣ам̣ г̇амиссад̇и, г̇ад̇о ну ко саран̣ам̣ г̇ахабад̇и на д̇аава г̇ад̇о’’д̇и охид̇асод̇ова худ̇ваа вижарад̇и. д̇асмаа батамам̣язва ассоси.

    71.Assosi kho dīghatapassīti so kira tassa gatakālato paṭṭhāya – ‘‘paṇḍito gahapati , samaṇo ca gotamo dassanasampanno niyyānikakatho, dassanepi tassa pasīdissati, dhammakathāyapi pasīdissati, pasīditvā saraṇaṃ gamissati, gato nu kho saraṇaṃ gahapati na tāva gato’’ti ohitasotova hutvā vicarati. Tasmā paṭhamaṃyeva assosi.

    72. д̇зна хи саммаад̇и б̣алавасогзна абхибхууд̇о ‘‘зд̇т̇зва д̇идтаа’’д̇и важанам̣ суд̇вааби ад̇т̇ам̣ асаллагкзнд̇о д̣̇овааригзна сад̣̇д̇хим̣ саллабад̇иязва.

    72.Tena hi sammāti balavasokena abhibhūto ‘‘ettheva tiṭṭhā’’ti vacanaṃ sutvāpi atthaṃ asallakkhento dovārikena saddhiṃ sallapatiyeva.

    маж̇жхимааяа д̣̇ваарасаалааяаанд̇и яасса гхарасса сад̇д̇а д̣̇ваарагодтагаа, д̇асса саб̣б̣ааб̣бханд̇арад̇о ваа саб̣б̣аб̣аахирад̇о ваа бадтааяа жад̇уд̇т̇ад̣̇ваарагодтаго, яасса бан̃жа, д̇асса д̇ад̇ияо, яасса д̇аяо, д̇асса д̣̇уд̇ияо д̣̇ваарагодтаго маж̇жхимад̣̇ваарасаалаа наама. згад̣̇ваарагодтагасса бана гхарасса маж̇жхадтаанз ман̇г̇алад̇т̇амбхам̣ ниссааяа маж̇жхимад̣̇ваарасаалаа. д̇асса бана г̇зхасса сад̇д̇а д̣̇ваарагодтагаа, бан̃жаад̇иби вуд̇д̇ам̣.

    Majjhimāya dvārasālāyānti yassa gharassa satta dvārakoṭṭhakā, tassa sabbaabbhantarato vā sabbabāhirato vā paṭṭhāya catutthadvārakoṭṭhako, yassa pañca, tassa tatiyo, yassa tayo, tassa dutiyo dvārakoṭṭhako majjhimadvārasālā nāma. Ekadvārakoṭṭhakassa pana gharassa majjhaṭṭhāne maṅgalatthambhaṃ nissāya majjhimadvārasālā. Tassa pana gehassa satta dvārakoṭṭhakā, pañcātipi vuttaṃ.

    73. аг̇г̇анд̇иаад̣̇ийни саб̣б̣аани ан̃н̃аман̃н̃авзважанаани. яам̣ суд̣̇анд̇и зд̇т̇а яанд̇и яам̣ наадабуд̇д̇ам̣. суд̣̇анд̇и нибаад̇амад̇д̇ам̣. бариг̇г̇ахзд̇ваад̇и д̇знзва уд̇д̇араасан̇г̇зна уд̣̇арз баригкибанд̇о г̇ахзд̇ваа. нисийд̣̇аабзд̇ийд̇и сан̣игам̣ аажарияа, сан̣игам̣ аажарияаад̇и маханд̇ам̣ д̇злагхадам̣ табзнд̇о вияа нисийд̣̇аабзд̇и. д̣̇ад̇д̇осийд̇и гим̣ ж̇ал̣оси ж̇аад̇од̇и ад̇т̇о. бадимуггод̇и сийсз баригкибид̇ваа г̇ахид̇о. ан̣д̣ахаарагод̇иаад̣̇им̣ д̣̇удтуллаважанамби самаанам̣ убадтаагасса ан̃н̃ат̇аабхаавзна уббаннаб̣алавасогад̇ааяа ид̣̇ам̣ наама бхан̣аамийд̇и асаллагкзд̇ваава бхан̣ад̇и.

    73.Aggantiādīni sabbāni aññamaññavevacanāni. Yaṃ sudanti ettha yanti yaṃ nāṭaputtaṃ. Sudanti nipātamattaṃ. Pariggahetvāti teneva uttarāsaṅgena udare parikkhipanto gahetvā. Nisīdāpetīti saṇikaṃ ācariya, saṇikaṃ ācariyāti mahantaṃ telaghaṭaṃ ṭhapento viya nisīdāpeti. Dattosīti kiṃ jaḷosi jātoti attho. Paṭimukkoti sīse parikkhipitvā gahito. Aṇḍahārakotiādiṃ duṭṭhullavacanampi samānaṃ upaṭṭhākassa aññathābhāvena uppannabalavasokatāya idaṃ nāma bhaṇāmīti asallakkhetvāva bhaṇati.

    74. бхад̣̇д̣̇игаа, бханд̇з, аавадданийд̇и ниг̇ан̣то мааяамзва санд̇хааяа вад̣̇ад̇и, убаасаго ад̇д̇анаа бадивид̣̇д̇хам̣ сод̇аабад̇д̇имаг̇г̇ам̣. д̇зна хийд̇и нибаад̇амад̇д̇амзд̇ам̣, бханд̇з, убамам̣ д̇з гариссаамижжзва ад̇т̇о. гааран̣аважанам̣ ваа, язна гааран̣зна д̇умхаагам̣ саасанам̣ анияяаанигам̣, мама сад̇т̇у нияяаанигам̣, д̇зна гааран̣зна убамам̣ д̇з гариссаамийд̇и вуд̇д̇ам̣ ход̇и.

    74.Bhaddikā, bhante, āvaṭṭanīti nigaṇṭho māyameva sandhāya vadati, upāsako attanā paṭividdhaṃ sotāpattimaggaṃ. Tena hīti nipātamattametaṃ, bhante, upamaṃ te karissāmicceva attho. Kāraṇavacanaṃ vā, yena kāraṇena tumhākaṃ sāsanaṃ aniyyānikaṃ, mama satthu niyyānikaṃ, tena kāraṇena upamaṃ te karissāmīti vuttaṃ hoti.

    75. убавиж̇ан̃н̃аад̇и виж̇ааяанагаалам̣ убаг̇ад̇аа. маггадажчаабаганд̇и маггадабод̇агам̣. гин̣ид̇ваа аанзхийд̇и муулам̣ д̣̇ад̇ваава аахара. аабан̣зсу хи савин̃н̃аан̣агамби авин̃н̃аан̣агамби маггадаад̣̇игийл̣анабхан̣д̣агам̣ виггин̣анд̇и. д̇ам̣ санд̇хааязд̇ам̣ ааха. раж̇ид̇анд̇и б̣ахалаб̣ахалам̣ бийд̇аавалзбанаран̇г̇аж̇аад̇ам̣ г̇ахзд̇ваа раж̇ид̇ваа д̣̇иннам̣ имам̣ ижчаамийд̇и ад̇т̇о. аагодид̇абажжаагодид̇анд̇и аагодид̇ан̃жзва баривад̇д̇зд̇ваа бунаббунам̣ аагодид̇ан̃жа. убхад̇обхааг̇авимадтанд̇и ман̣ибаасаан̣зна убхосу бассзсу судту вимадтам̣ гхаддзд̇ваа уббаад̣̇ид̇ажчавим̣.

    75.Upavijaññāti vijāyanakālaṃ upagatā. Makkaṭacchāpakanti makkaṭapotakaṃ. Kiṇitvā ānehīti mūlaṃ datvāva āhara. Āpaṇesu hi saviññāṇakampi aviññāṇakampi makkaṭādikīḷanabhaṇḍakaṃ vikkiṇanti. Taṃ sandhāyetaṃ āha. Rajitanti bahalabahalaṃ pītāvalepanaraṅgajātaṃ gahetvā rajitvā dinnaṃ imaṃ icchāmīti attho. Ākoṭitapaccākoṭitanti ākoṭitañceva parivattetvā punappunaṃ ākoṭitañca. Ubhatobhāgavimaṭṭhanti maṇipāsāṇena ubhosu passesu suṭṭhu vimaṭṭhaṃ ghaṭṭetvā uppāditacchaviṃ.

    ран̇г̇агкамо хи код̇и савин̃н̃аан̣агамби авин̃н̃аан̣агамби ран̇г̇ам̣ бивад̇и. д̇асмаа звамааха. но аагодданагкамод̇и савин̃н̃аан̣агасса д̇аава аагодданапалагз табзд̇ваа гужчияам̣ аагодид̇асса гужчи бхиж̇ж̇ад̇и, гарийсам̣ нигкамад̇и. сзсий аагодид̇асса сийсам̣ бхиж̇ж̇ад̇и, мад̇д̇алун̇г̇ам̣ нигкамад̇и. авин̃н̃аан̣аго кан̣д̣акан̣д̣ид̇ам̣ г̇ажчад̇и. д̇асмаа звамааха. но вимаж̇ж̇анагкамод̇и савин̃н̃аан̣аго ман̣ибаасаан̣зна вимад̣̇д̣̇ияамаано нилломад̇ам̣ нижчавид̇ан̃жа аабаж̇ж̇ад̇и, авин̃н̃аан̣агоби важун̣н̣агабхаавам̣ аабаж̇ж̇ад̇и. д̇асмаа звамааха. ран̇г̇агкамо хи ко б̣аалаананд̇и б̣аалаанам̣ манд̣̇аб̣уд̣̇д̇хийнам̣ ран̇г̇агкамо, рааг̇амад̇д̇ам̣ ж̇анзд̇и, бияо ход̇и. бан̣д̣ид̇аанам̣ бана ниг̇ан̣таваад̣̇о ваа ан̃н̃о ваа бхаарад̇араамасийд̇аахаран̣аад̣̇и нирад̇т̇агагат̇аамаг̇г̇о аббияова ход̇и. но ануяог̇агкамо, но вимаж̇ж̇анагкамод̇и ануяог̇ам̣ ваа виймам̣сам̣ ваа на камад̇и, т̇усз годдзд̇ваа д̇ан̣д̣улабариязсанам̣ вияа гад̣̇алияам̣ саараг̇авзсанам̣ вияа жа рид̇д̇аго д̇ужчагова ход̇и. ран̇г̇агкамо жзва бан̣д̣ид̇аананд̇и жад̇усажжагат̇аа хи бан̣д̣ид̇аанам̣ бияаа ход̇и, вассасад̇амби сун̣анд̇о д̇ид̇д̇им̣ на г̇ажчад̇и. д̇асмаа звамааха. б̣уд̣̇д̇хаважанам̣ бана яат̇аа яат̇ааби ог̇аахиссад̇и махаасамуд̣̇д̣̇о вияа г̇амбхийрамзва ход̇ийд̇и ‘‘ануяог̇агкамо жа вимаж̇ж̇анагкамо жаа’’д̇и ааха. сун̣охи яассаахам̣ саавагод̇и д̇асса г̇ун̣з сун̣аахийд̇и бхаг̇авад̇о ван̣н̣з вад̇д̇ум̣ аарад̣̇д̇хо.

    Raṅgakkhamo hi khoti saviññāṇakampi aviññāṇakampi raṅgaṃ pivati. Tasmā evamāha. No ākoṭṭanakkhamoti saviññāṇakassa tāva ākoṭṭanaphalake ṭhapetvā kucchiyaṃ ākoṭitassa kucchi bhijjati, karīsaṃ nikkhamati. Sesī ākoṭitassa sīsaṃ bhijjati, mattaluṅgaṃ nikkhamati. Aviññāṇako khaṇḍakhaṇḍitaṃ gacchati. Tasmā evamāha. No vimajjanakkhamoti saviññāṇako maṇipāsāṇena vimaddiyamāno nillomataṃ nicchavitañca āpajjati, aviññāṇakopi vacuṇṇakabhāvaṃ āpajjati. Tasmā evamāha. Raṅgakkhamo hi kho bālānanti bālānaṃ mandabuddhīnaṃ raṅgakkhamo, rāgamattaṃ janeti, piyo hoti. Paṇḍitānaṃ pana nigaṇṭhavādo vā añño vā bhāratarāmasītāharaṇādi niratthakakathāmaggo appiyova hoti. No anuyogakkhamo, no vimajjanakkhamoti anuyogaṃ vā vīmaṃsaṃ vā na khamati, thuse koṭṭetvā taṇḍulapariyesanaṃ viya kadaliyaṃ sāragavesanaṃ viya ca rittako tucchakova hoti. Raṅgakkhamo ceva paṇḍitānanti catusaccakathā hi paṇḍitānaṃ piyā hoti, vassasatampi suṇanto tittiṃ na gacchati. Tasmā evamāha. Buddhavacanaṃ pana yathā yathāpi ogāhissati mahāsamuddo viya gambhīrameva hotīti ‘‘anuyogakkhamo ca vimajjanakkhamo cā’’ti āha. Suṇohiyassāhaṃ sāvakoti tassa guṇe suṇāhīti bhagavato vaṇṇe vattuṃ āraddho.

    76. д̇хийрассаад̇и д̇хийрам̣ вужжад̇и бан̣д̣ижжам̣, яаа бан̃н̃аа баж̇аананаа…бз… саммаад̣̇идти, д̇зна саманнааг̇ад̇асса д̇хаад̇уааяад̇анабадижжасамуббаад̣̇адтаанаадтаанагусаласса бан̣д̣ид̇ассаахам̣ сааваго, со маяхам̣ сад̇т̇аад̇и звам̣ саб̣б̣абад̣̇зсу самб̣анд̇хо взд̣̇ид̇аб̣б̣о. бабхиннакийлассаад̇и бхиннабан̃жажзд̇окиласса. саб̣б̣абут̇уж̇ж̇анз виж̇иним̣су виж̇инанд̇и виж̇иниссанд̇и ваад̇и виж̇аяаа. гз д̇з, мажжумаарагилзсамаарад̣̇звабуд̇д̇амаараад̇и? д̇з виж̇ид̇аа виж̇аяаа зд̇знаад̇и виж̇ид̇авиж̇аяо. бхаг̇аваа, д̇асса виж̇ид̇авиж̇аяасса. анийгхассаад̇и гилзсад̣̇угкзнаби вибаагад̣̇угкзнаби нид̣̇д̣̇угкасса. сусамажид̇д̇ассаад̇и д̣̇звад̣̇ад̇д̇ад̇ханабаалагаан̇г̇улимаалараахулат̇зраад̣̇ийсуби д̣̇звамануссзсу судту самажид̇д̇асса. вуд̣̇д̇хасийлассаад̇и вад̣дхид̇аажаарасса. саад̇хубан̃н̃ассаад̇и сунд̣̇арабан̃н̃асса. взсаманд̇арассаад̇и рааг̇аад̣̇ивисамам̣ д̇арид̇ваа вид̇арид̇ваа тид̇асса. вималассаад̇и виг̇ад̇арааг̇аад̣̇ималасса.

    76.Dhīrassāti dhīraṃ vuccati paṇḍiccaṃ, yā paññā pajānanā…pe… sammādiṭṭhi, tena samannāgatassa dhātuāyatanapaṭiccasamuppādaṭṭhānāṭṭhānakusalassa paṇḍitassāhaṃ sāvako, so mayhaṃ satthāti evaṃ sabbapadesu sambandho veditabbo. Pabhinnakhīlassāti bhinnapañcacetokhilassa. Sabbaputhujjane vijiniṃsu vijinanti vijinissanti vāti vijayā. Ke te, maccumārakilesamāradevaputtamārāti? Te vijitā vijayā etenāti vijitavijayo. Bhagavā, tassa vijitavijayassa. Anīghassāti kilesadukkhenapi vipākadukkhenapi niddukkhassa. Susamacittassāti devadattadhanapālakaaṅgulimālarāhulatherādīsupi devamanussesu suṭṭhu samacittassa. Vuddhasīlassāti vaḍḍhitācārassa. Sādhupaññassāti sundarapaññassa. Vesamantarassāti rāgādivisamaṃ taritvā vitaritvā ṭhitassa. Vimalassāti vigatarāgādimalassa.

    д̇усид̇ассаад̇и д̇удтажид̇д̇асса. ванд̇алогаамисассаад̇и ванд̇агаамаг̇ун̣асса. муд̣̇ид̇ассаад̇и муд̣̇ид̇аавихааравасзна муд̣̇ид̇асса, бунаруд̇д̇амзва ваа зд̇ам̣. басаад̣̇авасзна хи згамби г̇ун̣ам̣ бунаббунам̣ вад̣̇ад̇иязва. гад̇асаман̣ассаад̇и гад̇асааман̃н̃асса, саман̣ад̇хаммасса мад̇т̇агам̣ бад̇д̇ассаад̇и ад̇т̇о. мануж̇ассаад̇и логавохааравасзна згасса сад̇д̇асса. нарассаад̇и бунаруд̇д̇ам̣. ан̃н̃ат̇аа вужжамаанз згзгаг̇аат̇ааяа д̣̇аса г̇ун̣аа наббахонд̇и.

    Tusitassāti tuṭṭhacittassa. Vantalokāmisassāti vantakāmaguṇassa. Muditassāti muditāvihāravasena muditassa, punaruttameva vā etaṃ. Pasādavasena hi ekampi guṇaṃ punappunaṃ vadatiyeva. Katasamaṇassāti katasāmaññassa, samaṇadhammassa matthakaṃ pattassāti attho. Manujassāti lokavohāravasena ekassa sattassa. Narassāti punaruttaṃ. Aññathā vuccamāne ekekagāthāya dasa guṇā nappahonti.

    взнаяигассаад̇и сад̇д̇аанам̣ винааяагасса. ружирад̇хаммассаад̇и сужид̇хаммасса. бабхаасагассаад̇и обхаасагасса. вийрассаад̇и вийрияасамбаннасса. нисабхассаад̇и усабхавасабханисабхзсу саб̣б̣ад̇т̇а аббадисамадтзна нисабхасса. г̇амбхийрассаад̇и г̇амбхийраг̇ун̣асса, г̇ун̣зхи ваа г̇амбхийрасса. монабад̇д̇ассаад̇и н̃аан̣абад̇д̇асса. взд̣̇ассаад̇и взд̣̇о вужжад̇и н̃аан̣ам̣, д̇зна саманнааг̇ад̇асса. д̇хаммадтассаад̇и д̇хаммз тид̇асса. сам̣вуд̇ад̇д̇ассаад̇и бихид̇ад̇д̇асса.

    Venayikassāti sattānaṃ vināyakassa. Ruciradhammassāti sucidhammassa. Pabhāsakassāti obhāsakassa. Vīrassāti vīriyasampannassa. Nisabhassāti usabhavasabhanisabhesu sabbattha appaṭisamaṭṭhena nisabhassa. Gambhīrassāti gambhīraguṇassa, guṇehi vā gambhīrassa. Monapattassāti ñāṇapattassa. Vedassāti vedo vuccati ñāṇaṃ, tena samannāgatassa. Dhammaṭṭhassāti dhamme ṭhitassa. Saṃvutattassāti pihitattassa.

    нааг̇ассаад̇и жад̇уухи гааран̣зхи нааг̇асса. банд̇асзнассаад̇и банд̇асзнаасанасса. бадиманд̇агассаад̇и бадиманд̇анабан̃н̃ааяа саманнааг̇ад̇асса. монассаад̇и монам̣ вужжад̇и н̃аан̣ам̣, д̇зна саманнааг̇ад̇асса, д̇худ̇агилзсасса ваа. д̣̇анд̇ассаад̇и ниб̣б̣исзванасса.

    Nāgassāti catūhi kāraṇehi nāgassa. Pantasenassāti pantasenāsanassa. Paṭimantakassāti paṭimantanapaññāya samannāgatassa. Monassāti monaṃ vuccati ñāṇaṃ, tena samannāgatassa, dhutakilesassa vā. Dantassāti nibbisevanassa.

    исисад̇д̇амассаад̇и вибассиаад̣̇аяо ча исаяо убаад̣̇ааяа сад̇д̇амасса. б̣рахмабад̇д̇ассаад̇и сздтабад̇д̇асса. нхаад̇агассаад̇и нхаад̇агилзсасса. бад̣̇агассаад̇и агкараад̣̇ийни самод̇хаанзд̇ваа г̇аат̇аабад̣̇агаран̣агусаласса. вид̣̇ид̇авзд̣̇ассаад̇и вид̣̇ид̇ан̃аан̣асса. буринд̣̇ад̣̇ассаад̇и саб̣б̣абатамам̣ д̇хаммад̣̇аанад̣̇ааяагасса. саггассаад̇и самад̇т̇асса. бад̇д̇ибад̇д̇ассаад̇и яз бад̇д̇аб̣б̣аа г̇ун̣аа, д̇з бад̇д̇асса. взяяаагаран̣ассаад̇и вид̇т̇аарзд̇ваа ад̇т̇ад̣̇ийбагасса. бхаг̇авад̇аа хи аб̣яаагад̇ам̣ наама д̇анд̇и бад̣̇ам̣ над̇т̇и саб̣б̣зсам̣язва ад̇т̇о гат̇ид̇о.

    Isisattamassāti vipassiādayo cha isayo upādāya sattamassa. Brahmapattassāti seṭṭhapattassa. Nhātakassāti nhātakilesassa. Padakassāti akkharādīni samodhānetvā gāthāpadakaraṇakusalassa. Viditavedassāti viditañāṇassa. Purindadassāti sabbapaṭhamaṃ dhammadānadāyakassa. Sakkassāti samatthassa. Pattipattassāti ye pattabbā guṇā, te pattassa. Veyyākaraṇassāti vitthāretvā atthadīpakassa. Bhagavatā hi abyākataṃ nāma tanti padaṃ natthi sabbesaṃyeva attho kathito.

    вибассиссаад̇и вибассанагасса. анабхинад̇ассаад̇и анад̇асса. но абанад̇ассаад̇и ад̣̇удтасса.

    Vipassissāti vipassanakassa. Anabhinatassāti anatassa. No apanatassāti aduṭṭhassa.

    анануг̇ад̇анд̇арассаад̇и гилзсз анануг̇ад̇ажид̇д̇асса. асид̇ассаад̇и аб̣ад̣̇д̇хасса.

    Ananugatantarassāti kilese ananugatacittassa. Asitassāti abaddhassa.

    бхуурибан̃н̃ассаад̇и бхуури вужжад̇и бат̇авий, д̇ааяа бат̇авийсамааяа бан̃н̃ааяа вибулааяа маханд̇ааяа вид̇т̇ад̇ааяа саманнааг̇ад̇ассаад̇и ад̇т̇о. махаабан̃н̃ассаад̇и махаабан̃н̃ааяа саманнааг̇ад̇асса.

    Bhūripaññassāti bhūri vuccati pathavī, tāya pathavīsamāya paññāya vipulāya mahantāya vitthatāya samannāgatassāti attho. Mahāpaññassāti mahāpaññāya samannāgatassa.

    анубалид̇д̇ассаад̇и д̇ан̣хаад̣̇идтигилзсзхи алид̇д̇асса. аахунзяяассаад̇и аахуд̇им̣ бадиг̇г̇ахзд̇ум̣ яуд̇д̇асса. яагкассаад̇и аанубхаавад̣̇ассанадтзна аад̣̇иссамаанагадтзна ваа бхаг̇аваа яагко наама. д̇знааха ‘‘яагкассаа’’д̇и. махад̇од̇и маханд̇асса. д̇асса саавагохамасмийд̇и д̇асса звам̣вивид̇хаг̇ун̣асса сад̇т̇усса ахам̣ саавагод̇и. убаасагасса собхаабад̇д̇имаг̇г̇знзва бадисамбхид̣̇аа ааг̇ад̇аа. ид̇и бадисамбхид̣̇аависаяз тад̇ваа бад̣̇асад̇зна д̣̇асаб̣аласса гилзсаббахаанаван̣н̣ам̣ гат̇знд̇о ‘‘гасса д̇ам̣ г̇ахабад̇и саавагам̣ д̇хаарзмаа’’д̇и бан̃хасса ад̇т̇ам̣ виссаж̇ж̇зси.

    Anupalittassāti taṇhādiṭṭhikilesehi alittassa. Āhuneyyassāti āhutiṃ paṭiggahetuṃ yuttassa. Yakkhassāti ānubhāvadassanaṭṭhena ādissamānakaṭṭhena vā bhagavā yakkho nāma. Tenāha ‘‘yakkhassā’’ti. Mahatoti mahantassa. Tassa sāvakohamasmīti tassa evaṃvividhaguṇassa satthussa ahaṃ sāvakoti. Upāsakassa sobhāpattimaggeneva paṭisambhidā āgatā. Iti paṭisambhidāvisaye ṭhatvā padasatena dasabalassa kilesappahānavaṇṇaṃ kathento ‘‘kassa taṃ gahapati sāvakaṃ dhāremā’’ti pañhassa atthaṃ vissajjesi.

    77. гад̣̇аа сан̃н̃уул̣хаад̇и гад̣̇аа самбин̣д̣ид̇аа. звам̣ гирасса ахоси – ‘‘аяам̣ ид̣̇аанзва саман̣асса г̇од̇амасса санд̇игам̣ г̇анд̇ваа ааг̇ад̇о, гад̣̇аанзна зд̇з ван̣н̣аа самбин̣д̣ид̇аа’’д̇и. д̇асмаа звамааха. вижид̇д̇ам̣ маалам̣ г̇ант̇зяяаад̇и саяамби д̣̇агкад̇ааяа бубпаанамби наанааван̣н̣ад̇ааяа згад̇ован̣дигаад̣̇ибхзд̣̇ам̣ вижид̇рамаалам̣ г̇ант̇зяяа. звамзва ко, бханд̇зд̇и зд̇т̇а наанаабубпаанам̣ махаабубпарааси вияа наанаавид̇хаанам̣ ван̣н̣аанам̣ бхаг̇авад̇о синзрумад̇д̇о ван̣н̣арааси д̣̇адтаб̣б̣о. чзгамаалаагааро вияа убаали г̇ахабад̇и. маалаагаарасса вижид̇рамаалааг̇ант̇анам̣ вияа г̇ахабад̇ино д̇ат̇ааг̇ад̇асса вижид̇раван̣н̣аг̇ант̇анам̣.

    77.Kadāsaññūḷhāti kadā sampiṇḍitā. Evaṃ kirassa ahosi – ‘‘ayaṃ idāneva samaṇassa gotamassa santikaṃ gantvā āgato, kadānena ete vaṇṇā sampiṇḍitā’’ti. Tasmā evamāha. Vicittaṃ mālaṃ gantheyyāti sayampi dakkhatāya pupphānampi nānāvaṇṇatāya ekatovaṇṭikādibhedaṃ vicitramālaṃ gantheyya. Evameva kho, bhanteti ettha nānāpupphānaṃ mahāpuppharāsi viya nānāvidhānaṃ vaṇṇānaṃ bhagavato sinerumatto vaṇṇarāsi daṭṭhabbo. Chekamālākāro viya upāli gahapati. Mālākārassa vicitramālāganthanaṃ viya gahapatino tathāgatassa vicitravaṇṇaganthanaṃ.

    ун̣хам̣ лохид̇ам̣ мукад̇о уг̇г̇ан̃чийд̇и д̇асса хи бхаг̇авад̇о саггаарам̣ асахамаанасса зд̇ад̣̇ахоси – ‘‘анад̇т̇иго д̣̇аани аяам̣ г̇ахабад̇и амхзхи, свз бадтааяа бан̣н̣ааса садти ж̇анз г̇ахзд̇ваа зд̇асса гхарам̣ бависид̇ваа бхун̃ж̇ид̇ум̣ на лабхиссаами, бхиннаа мз бхад̇д̇агумбхий’’д̇и. ат̇асса убадтаагавибарин̣аамзна б̣алавасого уббаж̇ж̇и. имз хи сад̇д̇аа ад̇д̇ано ад̇д̇анова жинд̇аяанд̇и. д̇асса д̇асмим̣ согз уббаннз аб̣бханд̇арам̣ ун̣хам̣ ахоси, лохид̇ам̣ вилийяид̇т̇а, д̇ам̣ махааваад̇зна самуд̣̇д̇харид̇ам̣ гудз багкид̇д̇араж̇анам̣ вияа бад̇д̇амад̇д̇ам̣ мукад̇о уг̇г̇ан̃чи. нид̇хаанаг̇ад̇алохид̇ам̣ вамид̇ваа бана аббагаа сад̇д̇аа ж̇ийвид̇ум̣ саггонд̇и. ниг̇ан̣то д̇ад̇т̇зва ж̇аан̣унаа бад̇ид̇о, ат̇а нам̣ баадан̇гияаа б̣ахинаг̇арам̣ нийхарид̇ваа ман̃жагасивигааяа г̇ахзд̇ваа баавам̣ аг̇амам̣су, со на жирассзва баавааяам̣ гааламагааси. имасмим̣ бана суд̇д̇з уг̇гхаадид̇ан̃н̃уубуг̇г̇аласса васзна д̇хаммад̣̇зсанаа баринидтид̇аад̇и.

    Uṇhaṃ lohitaṃ mukhato uggañchīti tassa hi bhagavato sakkāraṃ asahamānassa etadahosi – ‘‘anatthiko dāni ayaṃ gahapati amhehi, sve paṭṭhāya paṇṇāsa saṭṭhi jane gahetvā etassa gharaṃ pavisitvā bhuñjituṃ na labhissāmi, bhinnā me bhattakumbhī’’ti. Athassa upaṭṭhākavipariṇāmena balavasoko uppajji. Ime hi sattā attano attanova cintayanti. Tassa tasmiṃ soke uppanne abbhantaraṃ uṇhaṃ ahosi, lohitaṃ vilīyittha, taṃ mahāvātena samuddharitaṃ kuṭe pakkhittarajanaṃ viya pattamattaṃ mukhato uggañchi. Nidhānagatalohitaṃ vamitvā pana appakā sattā jīvituṃ sakkonti. Nigaṇṭho tattheva jāṇunā patito, atha naṃ pāṭaṅkiyā bahinagaraṃ nīharitvā mañcakasivikāya gahetvā pāvaṃ agamaṃsu, so na cirasseva pāvāyaṃ kālamakāsi. Imasmiṃ pana sutte ugghāṭitaññūpuggalassa vasena dhammadesanā pariniṭṭhitāti.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    убаалисуд̇д̇аван̣н̣анаа нидтид̇аа.

    Upālisuttavaṇṇanā niṭṭhitā.




    Next: 7. гуггуравад̇игасуд̇д̇аван̣н̣анаа • 7. Kukkuravatikasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. убаалисуд̇д̇ам̣ • 6. Upālisuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. убаалисуд̇д̇аван̣н̣анаа • 6. Upālisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact