Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā

    3-6. убаалид̇т̇зраабад̣̇аанаван̣н̣анаа

    3-6. Upālittheraapadānavaṇṇanā

    наг̇арз хам̣савад̇ияаад̇иаад̣̇игам̣ ааяасмад̇о убаалид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз вибхавасамбаннз б̣раахман̣агулз ниб̣б̣ад̇д̇о. згад̣̇ивасам̣ сад̇т̇у санд̇игз д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ винаяад̇хараанам̣ аг̇г̇адтаанз табзнд̇ам̣ д̣̇исваа сад̇т̇у ад̇хигаарагаммам̣ гад̇ваа д̇ам̣ таананд̇арам̣ бад̇т̇зси.

    Nagarehaṃsavatiyātiādikaṃ āyasmato upālittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare vibhavasampanne brāhmaṇakule nibbatto. Ekadivasaṃ satthu santike dhammakathaṃ suṇanto satthāraṃ ekaṃ bhikkhuṃ vinayadharānaṃ aggaṭṭhāne ṭhapentaṃ disvā satthu adhikārakammaṃ katvā taṃ ṭhānantaraṃ patthesi.

    со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габбагаг̇зхз ниб̣б̣ад̇д̇о. убаалийд̇исса наамам̣ агам̣су. со ваяаббад̇д̇о ануруд̣̇д̇хаад̣̇ийнам̣ чаннам̣ кад̇д̇ияаанам̣ бияасахааяо худ̇ваа д̇ат̇ааг̇ад̇з анубияамб̣аванз вихаранд̇з баб̣б̣аж̇ж̇ааяа нигкаманд̇зхи чахи кад̇д̇иязхи сад̣̇д̇хим̣ нигкамид̇ваа баб̣б̣аж̇и. д̇асса баб̣б̣аж̇ж̇аавид̇хаанам̣ баал̣ияам̣ (жуул̣ава. 330 аад̣̇аяо) ааг̇ад̇амзва. со баб̣б̣аж̇ид̇ваа убасамбанно худ̇ваа сад̇т̇у санд̇игз гаммадтаанам̣ г̇ахзд̇ваа ‘‘маяхам̣, бханд̇з, аран̃н̃аваасам̣ ануж̇аанаат̇аа’’д̇и ааха. ‘‘бхигку аран̃н̃з васанд̇асса згамзва д̇хурам̣ вад̣дхиссад̇и, маяхам̣ бана санд̇игз васанд̇асса вибассанаад̇хуран̃жа г̇ант̇ад̇хуран̃жа барибуурзссад̇ий’’д̇и. со сад̇т̇у важанам̣ самбадижчид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. сад̇т̇ааби нам̣ саяамзва сагалам̣ винаяабидагам̣ уг̇г̇ан̣хаабзси. со абарабхааг̇з бхааругажчавад̇т̇ум̣ аж̇ж̇угавад̇т̇ум̣ гумаарагассабавад̇т̇унд̇и имаани д̇ийн̣и вад̇т̇ууни винижчини. сад̇т̇аа згзгасмим̣ винижчаяз саад̇хугаарам̣ д̣̇ад̇ваа д̇аяо винижчаяз адтуббад̇д̇им̣ гад̇ваа т̇зрам̣ винаяад̇хараанам̣ аг̇г̇адтаанз табзси.

    So yāvajīvaṃ kusalaṃ katvā devamanussesu saṃsaranto imasmiṃ buddhuppāde kappakagehe nibbatto. Upālītissa nāmaṃ akaṃsu. So vayappatto anuruddhādīnaṃ channaṃ khattiyānaṃ piyasahāyo hutvā tathāgate anupiyambavane viharante pabbajjāya nikkhamantehi chahi khattiyehi saddhiṃ nikkhamitvā pabbaji. Tassa pabbajjāvidhānaṃ pāḷiyaṃ (cūḷava. 330 ādayo) āgatameva. So pabbajitvā upasampanno hutvā satthu santike kammaṭṭhānaṃ gahetvā ‘‘mayhaṃ, bhante, araññavāsaṃ anujānāthā’’ti āha. ‘‘Bhikkhu araññe vasantassa ekameva dhuraṃ vaḍḍhissati, mayhaṃ pana santike vasantassa vipassanādhurañca ganthadhurañca paripūressatī’’ti. So satthu vacanaṃ sampaṭicchitvā vipassanāya kammaṃ karonto nacirasseva arahattaṃ pāpuṇi. Satthāpi naṃ sayameva sakalaṃ vinayapiṭakaṃ uggaṇhāpesi. So aparabhāge bhārukacchavatthuṃ ajjukavatthuṃ kumārakassapavatthunti imāni tīṇi vatthūni vinicchini. Satthā ekekasmiṃ vinicchaye sādhukāraṃ datvā tayo vinicchaye aṭṭhuppattiṃ katvā theraṃ vinayadharānaṃ aggaṭṭhāne ṭhapesi.

    441. звам̣ со зд̇ад̣̇аг̇г̇адтаанам̣ бад̇ваа ад̇д̇ано буб̣б̣агаммам̣ сарид̇ваа соманассаббад̇д̇о д̇ам̣ буб̣б̣ажарид̇аабад̣̇аанам̣ багаасзнд̇о наг̇арз хам̣савад̇ияаад̇иаад̣̇имааха. д̇ад̇т̇а хам̣савад̇ияаад̇и хам̣сааваддааагаарзна вад̇и баагаарабаригкзбо яасмим̣ наг̇арз, д̇ам̣ наг̇арам̣ хам̣савад̇ий. ат̇а ваа анзгасан̇каа хам̣саа д̇ал̣аагабогкаран̣ийсарабаллалаад̣̇ийсу нивасанд̇аа ид̇о жид̇о жа вид̇хаавамаанаа васанд̇и зд̇т̇аад̇и хам̣савад̇ий, д̇ассаа хам̣савад̇ияаа. суж̇аад̇о наама б̣раахман̣од̇и судту ж̇аад̇од̇и суж̇аад̇о, ‘‘агкид̇д̇о анубагудто’’д̇и важанад̇о аг̇арахид̇о худ̇ваа ж̇аад̇од̇и ад̇т̇о. асийд̇игодинижаяод̇и асийд̇игодид̇ханараасиго бахууд̇ад̇ханад̇хан̃н̃аваа асан̇кязяяад̇ханад̇хан̃н̃аваа б̣раахман̣о суж̇аад̇о наама ахосинд̇и самб̣анд̇хо.

    441. Evaṃ so etadaggaṭṭhānaṃ patvā attano pubbakammaṃ saritvā somanassappatto taṃ pubbacaritāpadānaṃ pakāsento nagare haṃsavatiyātiādimāha. Tattha haṃsavatiyāti haṃsāvaṭṭaākārena vati pākāraparikkhepo yasmiṃ nagare, taṃ nagaraṃ haṃsavatī. Atha vā anekasaṅkhā haṃsā taḷākapokkharaṇīsarapallalādīsu nivasantā ito cito ca vidhāvamānā vasanti etthāti haṃsavatī, tassā haṃsavatiyā. Sujāto nāma brāhmaṇoti suṭṭhu jātoti sujāto, ‘‘akkhitto anupakuṭṭho’’ti vacanato agarahito hutvā jātoti attho. Asītikoṭinicayoti asītikoṭidhanarāsiko pahūtadhanadhaññavā asaṅkhyeyyadhanadhaññavā brāhmaṇo sujāto nāma ahosinti sambandho.

    442. бунаби д̇ассзва маханд̇абхаавам̣ д̣̇ассзнд̇о аж̇жхааяагод̇иаад̣̇имааха. д̇ад̇т̇а аж̇жхааяагод̇и барзсам̣ взд̣̇ад̇д̇аяаад̣̇им̣ ваажзд̇аа. манд̇ад̇харод̇и манд̇аа вужжад̇и бан̃н̃аа, ат̇аб̣б̣анавзд̣̇аб̣яаагаран̣аад̣̇иж̇аананабан̃н̃аваад̇и ад̇т̇о. д̇ин̣н̣ам̣ взд̣̇аана баараг̇ууд̇и ирувзд̣̇аяаж̇увзд̣̇асаамавзд̣̇асан̇каад̇аанам̣ д̇ин̣н̣ам̣ взд̣̇аанам̣ барияосаанам̣ бад̇д̇од̇и ад̇т̇о. лагкан̣зд̇и лагкан̣асад̇т̇з, б̣уд̣̇д̇хабажжзгаб̣уд̣̇д̇хажаггавад̇д̇иид̇т̇ибурисаанам̣ хад̇т̇абаад̣̇аад̣̇ийсу д̣̇иссамааналагкан̣абагаасанагаг̇ант̇з жаад̇и ад̇т̇о. ид̇ихаасзд̇и ‘‘ид̇иха ааса ид̇иха аасаа’’д̇и бораан̣агат̇ааббагаасагз г̇ант̇з. сад̇хаммзд̇и сагад̇хаммз б̣раахман̣ад̇хаммз баарамим̣ г̇ад̇о барияосаанам̣ годим̣ г̇ад̇о бад̇д̇од̇и ад̇т̇о.

    442. Punapi tasseva mahantabhāvaṃ dassento ajjhāyakotiādimāha. Tattha ajjhāyakoti paresaṃ vedattayādiṃ vācetā. Mantadharoti mantā vuccati paññā, athabbanavedabyākaraṇādijānanapaññavāti attho. Tiṇṇaṃ vedāna pāragūti iruvedayajuvedasāmavedasaṅkhātānaṃ tiṇṇaṃ vedānaṃ pariyosānaṃ pattoti attho. Lakkhaṇeti lakkhaṇasatthe, buddhapaccekabuddhacakkavattiitthipurisānaṃ hatthapādādīsu dissamānalakkhaṇapakāsanakaganthe cāti attho. Itihāseti ‘‘itiha āsa itiha āsā’’ti porāṇakathāppakāsake ganthe. Sadhammeti sakadhamme brāhmaṇadhamme pāramiṃ gato pariyosānaṃ koṭiṃ gato pattoti attho.

    443. бариб̣б̣ааж̇аад̇и яз ниг̇ан̣тасаавагаа, д̇з саб̣б̣з наанаад̣̇идтигаа д̇ад̣̇аа махияаа бат̇авийд̇алз жаранд̇ийд̇и самб̣анд̇хо.

    443.Paribbājāti ye nigaṇṭhasāvakā, te sabbe nānādiṭṭhikā tadā mahiyā pathavītale carantīti sambandho.

    445. яаава яад̇д̇агам̣ гаалам̣ ж̇ино нуббаж̇ж̇ад̇и, д̇аава д̇ад̇д̇агам̣ гаалам̣ б̣уд̣̇д̇ход̇и важанам̣ над̇т̇ийд̇и ад̇т̇о.

    445. Yāva yattakaṃ kālaṃ jino nuppajjati, tāva tattakaṃ kālaṃ buddhoti vacanaṃ natthīti attho.

    446. ажжаязна ахорад̇д̇анд̇и ахо жа рад̇д̇и жа ахорад̇д̇ам̣, б̣ахуунам̣ сам̣важчараанам̣ ад̇иггамзнаад̇и ад̇т̇о. сзсам̣ сувин̃н̃зяяамзва.

    446.Accayena ahorattanti aho ca ratti ca ahorattaṃ, bahūnaṃ saṃvaccharānaṃ atikkamenāti attho. Sesaṃ suviññeyyameva.

    454. манд̇аан̣ибуд̇д̇од̇и манд̇аан̣ийнаамааяа габбагад̇хийд̇уяаа буд̇д̇о, маасабун̣н̣ад̇ааяа д̣̇ивасабун̣н̣ад̇ааяа бун̣н̣од̇и лад̣̇д̇ханаамод̇и ад̇т̇о. д̇асса сад̇т̇усса сааваго хзссад̇и бхависсад̇ийд̇и самб̣анд̇хо.

    454.Mantāṇiputtoti mantāṇīnāmāya kappakadhītuyā putto, māsapuṇṇatāya divasapuṇṇatāya puṇṇoti laddhanāmoti attho. Tassa satthussa sāvako hessati bhavissatīti sambandho.

    455. звам̣ гид̇д̇аяи со б̣уд̣̇д̇ход̇и со бад̣̇умуд̇д̇аро бхаг̇аваа звам̣ иминаа багаарзна сунанд̣̇ам̣ сунд̣̇араагаарзна соманассад̣̇ааяагам̣ гид̇д̇аяи б̣яаагаран̣амад̣̇аасийд̇и ад̇т̇о. саб̣б̣ам̣ ж̇анам̣ сагалаж̇анасамуухам̣ саад̇хугам̣ хаасаяанд̇о соманассам̣ гаронд̇о сагам̣ б̣алам̣ ад̇д̇ано б̣алам̣ д̣̇ассаяанд̇о баагадам̣ гаронд̇од̇и самб̣анд̇хо.

    455.Evaṃ kittayi so buddhoti so padumuttaro bhagavā evaṃ iminā pakārena sunandaṃ sundarākārena somanassadāyakaṃ kittayi byākaraṇamadāsīti attho. Sabbaṃ janaṃ sakalajanasamūhaṃ sādhukaṃ hāsayanto somanassaṃ karonto sakaṃ balaṃ attano balaṃ dassayanto pākaṭaṃ karontoti sambandho.

    456. д̇ад̇о ананд̇арам̣ ад̇д̇ано аанубхаавам̣ ан̃н̃аабад̣̇зсзна д̣̇ассзнд̇о гад̇ан̃ж̇алийд̇иаад̣̇имааха. д̇ад̣̇аа д̇асмим̣ б̣уд̣̇д̇хуббаад̣̇ад̇о буримагаалз сунанд̣̇ам̣ д̇аабасам̣ гад̇ан̃ж̇алибудаа саб̣б̣з ж̇анаа намассанд̇ийд̇и самб̣анд̇хо. б̣уд̣̇д̇хз гаарам̣ гарид̇ваанаад̇и звам̣ со саб̣б̣аж̇анабууж̇ид̇оби самаано ‘‘бууж̇ид̇омхий’’д̇и маанам̣ агад̇ваа б̣уд̣̇д̇хасаасанз ад̇хигам̣ гижжам̣ гад̇ваа ад̇д̇ано г̇ад̇им̣ ж̇аад̇им̣ сод̇хзси барисуд̣̇д̇хамагаасийд̇и ад̇т̇о.

    456. Tato anantaraṃ attano ānubhāvaṃ aññāpadesena dassento katañjalītiādimāha. Tadā tasmiṃ buddhuppādato purimakāle sunandaṃ tāpasaṃ katañjalipuṭā sabbe janā namassantīti sambandho. Buddhe kāraṃ karitvānāti evaṃ so sabbajanapūjitopi samāno ‘‘pūjitomhī’’ti mānaṃ akatvā buddhasāsane adhikaṃ kiccaṃ katvā attano gatiṃ jātiṃ sodhesi parisuddhamakāsīti attho.

    457. суд̇ваана мунино важанд̇и д̇асса саммаасамб̣уд̣̇д̇хасса ваажам̣, г̇аат̇ааб̣анд̇хасукад̇т̇ам̣ аа-гаарасса рассам̣ гад̇ваа ‘‘важа’’нд̇и вуд̇д̇ам̣. ‘‘анааг̇ад̇амхи ад̣̇д̇хаанз г̇од̇амо наама наамзна сад̇т̇аа логз бхависсад̇ий’’д̇и имам̣ мунино важанам̣ суд̇ваа яат̇аа язна багаарзна г̇од̇амам̣ бхаг̇аванд̇ам̣ бассаами, д̇ат̇аа д̇зна багаарзна гаарам̣ ад̇хигагижжам̣ бун̃н̃асамбхаарам̣ гассаами гариссаамийд̇и мз маяхам̣ сан̇габбо жзд̇анааманасигааро аху ахосийд̇и самб̣анд̇хо.

    457.Sutvāna munino vacanti tassa sammāsambuddhassa vācaṃ, gāthābandhasukhatthaṃ ā-kārassa rassaṃ katvā ‘‘vaca’’nti vuttaṃ. ‘‘Anāgatamhi addhāne gotamo nāma nāmena satthā loke bhavissatī’’ti imaṃ munino vacanaṃ sutvā yathā yena pakārena gotamaṃ bhagavantaṃ passāmi, tathā tena pakārena kāraṃ adhikakiccaṃ puññasambhāraṃ kassāmi karissāmīti me mayhaṃ saṅkappo cetanāmanasikāro ahu ahosīti sambandho.

    458. зваахам̣ жинд̇аяид̇ваанаад̇и ‘‘ахам̣ гаарам̣ гариссаамий’’д̇и звам̣ жинд̇зд̇ваа. гирияам̣ жинд̇аяим̣ мамаад̇и ‘‘маяаа гийд̣̇исам̣ бун̃н̃ам̣ гад̇д̇аб̣б̣ам̣ ну ко’’д̇и гирияам̣ гад̇д̇аб̣б̣агижжам̣ жинд̇аяинд̇и ад̇т̇о. гяаахам̣ гаммам̣ аажараамийд̇и ахам̣ гийд̣̇исам̣ бун̃н̃агаммам̣ аажараами буурзми ну код̇и ад̇т̇о. бун̃н̃агкзд̇д̇з ануд̇д̇арзд̇и уд̇д̇аравирахид̇з сагалабун̃н̃асса бхааж̇анабхууд̇з рад̇анад̇д̇аязд̇и ад̇т̇о.

    458.Evāhaṃ cintayitvānāti ‘‘ahaṃ kāraṃ karissāmī’’ti evaṃ cintetvā. Kiriyaṃ cintayiṃ mamāti ‘‘mayā kīdisaṃ puññaṃ kattabbaṃ nu kho’’ti kiriyaṃ kattabbakiccaṃ cintayinti attho. Kyāhaṃ kammaṃ ācarāmīti ahaṃ kīdisaṃ puññakammaṃ ācarāmi pūremi nu khoti attho. Puññakkhette anuttareti uttaravirahite sakalapuññassa bhājanabhūte ratanattayeti attho.

    459. аяан̃жа баатиго бхигкууд̇и аяам̣ бхигку сарабхан̃н̃авасзна г̇ант̇абаатабатанад̇о ваажанад̇о ‘‘баатиго’’д̇и лад̣̇д̇ханаамо бхигку. б̣уд̣̇д̇хасаасанз саб̣б̣зсам̣ баатийнам̣ баатагаваажагаанам̣ анд̇арз винаяз жа аг̇г̇анигкид̇д̇о аг̇г̇о ид̇и табид̇о. д̇ам̣ таанам̣ д̇зна бхигкунаа бад̇д̇адтаананд̇арам̣ ахам̣ бад̇т̇аяз бад̇т̇змийд̇и ад̇т̇о.

    459.Ayañca pāṭhiko bhikkhūti ayaṃ bhikkhu sarabhaññavasena ganthapāṭhapaṭhanato vācanato ‘‘pāṭhiko’’ti laddhanāmo bhikkhu. Buddhasāsane sabbesaṃ pāṭhīnaṃ pāṭhakavācakānaṃ antare vinaye ca agganikkhitto aggo iti ṭhapito. Taṃ ṭhānaṃ tena bhikkhunā pattaṭṭhānantaraṃ ahaṃ patthaye patthemīti attho.

    460. д̇ад̇о барам̣ ад̇д̇ано бун̃н̃агаран̣уубааяам̣ д̣̇ассзнд̇о ид̣̇ам̣ мз амид̇ам̣ бхог̇анд̇иаад̣̇имааха. мз маяхам̣ амид̇ам̣ бамаан̣авирахид̇ам̣ бхог̇араасим̣ агкобхам̣ кобхзд̇ум̣ асаггун̣зяяам̣ сааг̇аруубамам̣ сааг̇арасад̣̇исам̣ д̇зна бхог̇зна д̇аад̣̇исзна д̇ханзна б̣уд̣̇д̇хасса аараамам̣ маабаязд̇и самб̣анд̇хо. сзсам̣ уд̇д̇аанад̇т̇амзва.

    460. Tato paraṃ attano puññakaraṇūpāyaṃ dassento idaṃ me amitaṃ bhogantiādimāha. Me mayhaṃ amitaṃ pamāṇavirahitaṃ bhogarāsiṃ akkhobhaṃ khobhetuṃ asakkuṇeyyaṃ sāgarūpamaṃ sāgarasadisaṃ tena bhogena tādisena dhanena buddhassa ārāmaṃ māpayeti sambandho. Sesaṃ uttānatthameva.

    474. бхигкусан̇гхз нисийд̣̇ид̇ваа самб̣уд̣̇д̇хо д̇зна судту маабид̇ам̣ гаарид̇ам̣ сан̇гхаараамам̣ бадиг̇г̇ахзд̇ваа д̇ассаараамассаанисам̣сад̣̇ийбагам̣ ид̣̇ам̣ важанам̣ аб̣рави гат̇зсийд̇и самб̣анд̇хо.

    474. Bhikkhusaṅghe nisīditvā sambuddho tena suṭṭhu māpitaṃ kāritaṃ saṅghārāmaṃ paṭiggahetvā tassārāmassānisaṃsadīpakaṃ idaṃ vacanaṃ abravi kathesīti sambandho.

    475. гат̇ам̣? яо сод̇и яо сан̇гхаараамад̣̇ааяаго д̇аабасо сумаабид̇ам̣ гудилзн̣аман̣д̣абабаасаад̣̇ахаммияабаагаараад̣̇инаа судту саж̇ж̇ид̇ам̣ сан̇гхаараамам̣ б̣уд̣̇д̇хасса баад̣̇ааси ба-гаарзна соманассасамбаяуд̇д̇ажид̇д̇зна ад̣̇ааси. д̇амахам̣ гид̇д̇аяиссаамийд̇и д̇ам̣ д̇аабасам̣ ахам̣ баагадам̣ гариссаами, уд̇д̇ааним̣ гариссаамийд̇и ад̇т̇о. сун̣аат̇а мама бхаасад̇од̇и бхаасанд̇асса маяхам̣ важанам̣ сун̣аат̇а, охид̇асод̇аа авигкид̇д̇ажид̇д̇аа манаси гарот̇аад̇и ад̇т̇о.

    475. Kathaṃ? Yo soti yo saṅghārāmadāyako tāpaso sumāpitaṃ kuṭileṇamaṇḍapapāsādahammiyapākārādinā suṭṭhu sajjitaṃ saṅghārāmaṃ buddhassa pādāsi pa-kārena somanassasampayuttacittena adāsi. Tamahaṃ kittayissāmīti taṃ tāpasaṃ ahaṃ pākaṭaṃ karissāmi, uttāniṃ karissāmīti attho. Suṇātha mama bhāsatoti bhāsantassa mayhaṃ vacanaṃ suṇātha, ohitasotā avikkhittacittā manasi karothāti attho.

    476. д̇зна д̣̇иннаараамасса палам̣ д̣̇ассзнд̇о хад̇т̇ий ассаа рат̇аа бад̇д̇ийд̇иаад̣̇имааха. д̇ам̣ сувин̃н̃зяяамзва.

    476. Tena dinnārāmassa phalaṃ dassento hatthī assā rathā pattītiādimāha. Taṃ suviññeyyameva.

    477. сан̇гхаараамассид̣̇ам̣ паланд̇и ид̣̇ам̣ ааяад̇им̣ анубхавид̇аб̣б̣асамбад̇д̇исан̇каад̇ам̣ идтапалам̣ сан̇гхаараамад̣̇аанасса палам̣ вибааганд̇и ад̇т̇о.

    477.Saṅghārāmassidaṃ phalanti idaṃ āyatiṃ anubhavitabbasampattisaṅkhātaṃ iṭṭhaphalaṃ saṅghārāmadānassa phalaṃ vipākanti attho.

    478. чал̣аасийд̇исахассаанийд̇и часахассаани асийд̇исахассаани самалан̇гад̇аа судту алан̇гад̇аа саж̇ж̇ид̇аа наарияо ид̇т̇ияо вижид̇д̇авад̇т̇аабхаран̣аад̇и вижид̇д̇зхи анзгаруубзхи вад̇т̇зхи аабхаран̣зхи жа саманнааг̇ад̇аа. аамуд̇д̇аман̣игун̣д̣алаад̇и оламб̣ид̇амуд̇д̇аахаараман̣иган̃жид̇аган̣н̣аад̇и ад̇т̇о.

    478.Chaḷāsītisahassānīti chasahassāni asītisahassāni samalaṅkatā suṭṭhu alaṅkatā sajjitā nāriyo itthiyo vicittavatthābharaṇāti vicittehi anekarūpehi vatthehi ābharaṇehi ca samannāgatā. Āmuttamaṇikuṇḍalāti olambitamuttāhāramaṇikañcitakaṇṇāti attho.

    479. д̇аасам̣ ид̇т̇ийнам̣ руубасобхаад̇исаяам̣ ван̣н̣знд̇о аал̣аарабамхаад̇иаад̣̇имааха. д̇ад̇т̇а аал̣аараани маханд̇аани агкийни ман̣иг̇ул̣асад̣̇исаани яаасам̣ ид̇т̇ийнам̣ д̇аа аал̣аарабамхаа бхамараанамива манд̣̇аложанаад̇и ад̇т̇о. хасулаа хаасабагад̇и, лийлаавилаасаад̇и ад̇т̇о. сусан̃н̃аад̇и сунд̣̇арасан̃н̃ид̇аб̣б̣асарийрааваяаваа. д̇анумаж̇жхимаад̇и куд̣̇д̣̇агауд̣̇арабад̣̇зсаа. сзсам̣ уд̇д̇аанамзва.

    479. Tāsaṃ itthīnaṃ rūpasobhātisayaṃ vaṇṇento āḷārapamhātiādimāha. Tattha āḷārāni mahantāni akkhīni maṇiguḷasadisāni yāsaṃ itthīnaṃ tā āḷārapamhā bhamarānamiva mandalocanāti attho. Hasulā hāsapakati, līlāvilāsāti attho. Susaññāti sundarasaññitabbasarīrāvayavā. Tanumajjhimāti khuddakaudarapadesā. Sesaṃ uttānameva.

    484. д̇асса д̇хаммзсу д̣̇ааяаад̣̇од̇и д̇асса г̇од̇амасса бхаг̇авад̇о д̇хаммзсу д̣̇ааяаад̣̇о д̇хаммагодтаасабхааг̇ий. орасод̇и ураси ж̇аад̇о, сит̇илад̇ханид̇аад̣̇ид̣̇асавид̇хаб̣яан̃ж̇анаб̣уд̣̇д̇хисамбаннам̣ ган̣тад̇аалуодтаад̣̇ибан̃жадтаанз гхаддзд̇ваа д̣̇зсид̇ад̇хаммам̣ суд̇ваа сод̇аабад̇д̇имаг̇г̇аад̣̇имаг̇г̇абадибаадияаа саб̣б̣агилзсз кзбзд̇ваа арахад̇д̇з тид̇абхаавзна ураси ж̇аад̇абуд̇д̇од̇и ад̇т̇о. д̇хамманиммид̇од̇и д̇хаммзна самзна ад̣̇ан̣д̣зна асад̇т̇зна ниммид̇о баагадо бхависсасийд̇и ад̇т̇о. убаали наама наамзнаад̇и гин̃жааби со маад̇у наамзна манд̇аан̣ибуд̇д̇анаамо, ануруд̣̇д̇хаад̣̇ийхи бана саха г̇анд̇ваа баб̣б̣аж̇ид̇ад̇д̇аа кад̇д̇ияаанам̣ убасамийбз аллийно яуд̇д̇о гааяажид̇д̇зхи саман̇г̇ийбхууд̇од̇и убаалийд̇и наамзна сад̇т̇у сааваго хзссад̇и бхависсад̇ийд̇и ад̇т̇о.

    484.Tassadhammesu dāyādoti tassa gotamassa bhagavato dhammesu dāyādo dhammakoṭṭhāsabhāgī. Orasoti urasi jāto, sithiladhanitādidasavidhabyañjanabuddhisampannaṃ kaṇṭhatāluoṭṭhādipañcaṭṭhāne ghaṭṭetvā desitadhammaṃ sutvā sotāpattimaggādimaggapaṭipāṭiyā sabbakilese khepetvā arahatte ṭhitabhāvena urasi jātaputtoti attho. Dhammanimmitoti dhammena samena adaṇḍena asatthena nimmito pākaṭo bhavissasīti attho. Upāli nāma nāmenāti kiñcāpi so mātu nāmena mantāṇiputtanāmo, anuruddhādīhi pana saha gantvā pabbajitattā khattiyānaṃ upasamīpe allīno yutto kāyacittehi samaṅgībhūtoti upālīti nāmena satthu sāvako hessati bhavissatīti attho.

    485. винаяз баарамим̣ бад̇ваад̇и винаяабидагз годим̣ барияосаанам̣ бад̇ваа баабун̣ид̇ваа. таанаадтаанз жа говид̣̇од̇и гааран̣аагааран̣з жа д̣̇агко чзгод̇и ад̇т̇о. ж̇инасаасанам̣ д̇хаарзнд̇од̇и ж̇инзна вуд̇д̇аанусаасаним̣ ж̇инасса бидагад̇д̇аяам̣ ваажанасаванажинд̇анад̇хааран̣аад̣̇ивасзна д̇хаарзнд̇о, саллагкзнд̇од̇и ад̇т̇о. вихариссад̇инаасавод̇и ниггилзсо жад̇уухи ирияаабат̇зхи абарибад̇анд̇ам̣ ад̇д̇абхаавам̣ хариссад̇и бавад̇д̇зссад̇ийд̇и ад̇т̇о.

    485.Vinaye pāramiṃ patvāti vinayapiṭake koṭiṃ pariyosānaṃ patvā pāpuṇitvā. Ṭhānāṭṭhāne ca kovidoti kāraṇākāraṇe ca dakkho chekoti attho. Jinasāsanaṃ dhārentoti jinena vuttānusāsaniṃ jinassa piṭakattayaṃ vācanasavanacintanadhāraṇādivasena dhārento, sallakkhentoti attho. Viharissatināsavoti nikkileso catūhi iriyāpathehi aparipatantaṃ attabhāvaṃ harissati pavattessatīti attho.

    487. абаримзяяубаад̣̇ааяаад̇и анзгасад̇асахассз аад̣̇им̣ гад̇ваа. бад̇т̇зми д̇ава саасананд̇и ‘‘г̇од̇амасса бхаг̇авад̇о саасанз винаяад̇хараанам̣ аг̇г̇о бхавзяяа’’нд̇и д̇уяхам̣ саасанам̣ бад̇т̇зми ижчаамийд̇и ад̇т̇о. со мз ад̇т̇од̇и со зд̇ад̣̇аг̇г̇адтаананд̇арасан̇каад̇о ад̇т̇о мз маяаа ануббад̇д̇од̇и ад̇т̇о. саб̣б̣асам̣яож̇анагкаяод̇и саб̣б̣зсам̣ сам̣яож̇анаанам̣ каяо маяаа ануббад̇д̇од̇и самб̣анд̇хо, ниб̣б̣аанам̣ ад̇хиг̇ад̇анд̇и ад̇т̇о.

    487.Aparimeyyupādāyāti anekasatasahasse ādiṃ katvā. Patthemi tava sāsananti ‘‘gotamassa bhagavato sāsane vinayadharānaṃ aggo bhaveyya’’nti tuyhaṃ sāsanaṃ patthemi icchāmīti attho. So me atthoti so etadaggaṭṭhānantarasaṅkhāto attho me mayā anuppattoti attho. Sabbasaṃyojanakkhayoti sabbesaṃ saṃyojanānaṃ khayo mayā anuppattoti sambandho, nibbānaṃ adhigatanti attho.

    488. рааж̇ад̣̇ан̣д̣зна д̇аж̇ж̇ид̇о бийл̣ид̇о суулаавуд̇о суулз аавуд̇о аавун̣ид̇о босо бурисо суулз саад̇ам̣ мад̇хурасукам̣ авинд̣̇анд̇о наанубхаванд̇о баримуд̇д̇им̣ва бариможанамзва ижчад̇и яат̇аад̇и самб̣анд̇хо.

    488. Rājadaṇḍena tajjito pīḷito sūlāvuto sūle āvuto āvuṇito poso puriso sūle sātaṃ madhurasukhaṃ avindanto nānubhavanto parimuttiṃva parimocanameva icchati yathāti sambandho.

    489-90. махаавийра вийраанаманд̇арз вийруд̇д̇ама ахам̣ бхавад̣̇ан̣д̣зна ж̇аад̇ид̣̇ан̣д̣зна, д̇аж̇ж̇ид̇о бийл̣ид̇о гаммасуулаавуд̇о гусалаагусалагаммасууласмим̣ аавуд̇о санд̇о сам̣виж̇ж̇амаано, бибаасаавзд̣̇анааяа бибаасаад̇урабхаавзна аддид̇о абхибхууд̇о д̣̇угкаабид̇о бхавз саад̇ам̣ сам̣саарз мад̇хурам̣ сукам̣ на винд̣̇аами на лабхаами. рааг̇аг̇г̇ид̣̇осаг̇г̇имохаг̇г̇исан̇каад̇зхи, нарагаг̇г̇игаббудтаанаг̇г̇ид̣̇угкаг̇г̇исан̇каад̇зхи ваа д̇ийхи аг̇г̇ийхи д̣аяханд̇о баримуд̇д̇им̣ баримужжанубааяам̣ г̇авзсаами бариязсаами д̇ат̇зваад̇и самб̣анд̇хо. яат̇аа рааж̇ад̣̇ан̣д̣ам̣ ид̇о г̇ад̇о бад̇д̇о баримуд̇д̇им̣ г̇авзсад̇и, д̇ат̇аа ахам̣ бхавад̣̇ан̣д̣аббад̇д̇о баримуд̇д̇им̣ г̇авзсаамийд̇и самб̣анд̇хо.

    489-90.Mahāvīra vīrānamantare vīruttama ahaṃ bhavadaṇḍena jātidaṇḍena, tajjito pīḷito kammasūlāvuto kusalākusalakammasūlasmiṃ āvuto santo saṃvijjamāno, pipāsāvedanāya pipāsāturabhāvena aṭṭito abhibhūto dukkhāpito bhave sātaṃ saṃsāre madhuraṃ sukhaṃ na vindāmi na labhāmi. Rāgaggidosaggimohaggisaṅkhātehi, narakaggikappuṭṭhānaggidukkhaggisaṅkhātehi vā tīhi aggīhi ḍayhanto parimuttiṃ parimuccanupāyaṃ gavesāmi pariyesāmi tathevāti sambandho. Yathā rājadaṇḍaṃ ito gato patto parimuttiṃ gavesati, tathā ahaṃ bhavadaṇḍappatto parimuttiṃ gavesāmīti sambandho.

    491-2. буна сам̣саарад̇о можанам̣ убамобамзяяавасзна д̣̇ассзнд̇о яат̇аа висаад̣̇од̇иаад̣̇имааха. д̇ад̇т̇а висзна саббависзна аа саманд̇ад̇о д̣̇ам̣сийяид̇т̇а д̣̇адто ход̇ийд̇и висаад̣̇о, саббад̣̇адтод̇и ад̇т̇о. ат̇а ваа висам̣ халаахалависам̣ ад̣̇ад̇и г̇илад̇ийд̇и висаад̣̇о, висакаад̣̇агод̇и ад̇т̇о. яо бурисо висаад̣̇о, д̇зна д̇аад̣̇исзна висзна барибийл̣ид̇о, д̇асса висасса вигхаад̇ааяа винаасааяа убааяанам̣ убааяабхууд̇ам̣ аг̇ад̣̇ам̣ осад̇хам̣ г̇авзсзяяа бариязсзяяа, д̇ам̣ г̇авзсамаано висагхаад̇агам̣ висанаасагам̣ аг̇ад̣̇ам̣ осад̇хам̣ бассзяяа д̣̇агкзяяа. со д̇ам̣ ад̇д̇ано д̣̇идтам̣ осад̇хам̣ бивид̇ваа висамхаа висад̇о баримуд̇д̇ияаа бариможанагааран̣аа сукий асса бхавзяяа яат̇аад̇и самб̣анд̇хо.

    491-2. Puna saṃsārato mocanaṃ upamopameyyavasena dassento yathāvisādotiādimāha. Tattha visena sappavisena ā samantato daṃsīyittha daṭṭho hotīti visādo, sappadaṭṭhoti attho. Atha vā visaṃ halāhalavisaṃ adati gilatīti visādo, visakhādakoti attho. Yo puriso visādo, tena tādisena visena paripīḷito, tassa visassa vighātāya vināsāya upāyanaṃ upāyabhūtaṃ agadaṃ osadhaṃ gaveseyya pariyeseyya, taṃ gavesamāno visaghātakaṃ visanāsakaṃ agadaṃ osadhaṃ passeyya dakkheyya. So taṃ attano diṭṭhaṃ osadhaṃ pivitvā visamhā visato parimuttiyā parimocanakāraṇā sukhī assa bhaveyya yathāti sambandho.

    493. д̇ат̇звааханд̇и яат̇аа язна багаарзна со наро висахад̇о, сависзна саббзна д̣̇адто висакаад̣̇аго ваа осад̇хам̣ бивид̇ваа сукий бхавзяяа, д̇ат̇зва д̇зна багаарзна ахам̣ авиж̇ж̇ааяа мохзна сам̣ судту бийл̣ид̇о. сад̣̇д̇хаммааг̇ад̣̇амзсаханд̇и ахам̣ сад̣̇д̇хаммасан̇каад̇ам̣ осад̇хам̣ зсам̣ бариязсанд̇од̇и ад̇т̇о.

    493.Tathevāhanti yathā yena pakārena so naro visahato, savisena sappena daṭṭho visakhādako vā osadhaṃ pivitvā sukhī bhaveyya, tatheva tena pakārena ahaṃ avijjāya mohena saṃ suṭṭhu pīḷito. Saddhammāgadamesahanti ahaṃ saddhammasaṅkhātaṃ osadhaṃ esaṃ pariyesantoti attho.

    494-5. д̇хаммааг̇ад̣̇ам̣ г̇авзсанд̇од̇и сам̣саарад̣̇угкависасса винаасааяа д̇хаммосад̇хам̣ г̇авзсанд̇о. ад̣̇д̣̇агким̣ сагяасаасананд̇и сагяавам̣сабабхавасса г̇од̇амасса саасанам̣ сад̣̇д̣̇агкинд̇и ад̇т̇о. аг̇г̇ам̣ саб̣б̣осад̇хаанам̣ д̇анд̇и саб̣б̣зсам̣ осад̇хаанам̣ анд̇арз д̇ам̣ сагяасаасанасан̇каад̇ам̣ д̇хаммосад̇хам̣ аг̇г̇ам̣ уд̇д̇аманд̇и ад̇т̇о. саб̣б̣асаллавинод̣̇ананд̇и рааг̇асаллаад̣̇ийнам̣ саб̣б̣зсам̣ саллаанам̣ винод̣̇анам̣ вуубасамагарам̣ д̇хаммосад̇хам̣ д̇хаммасан̇каад̇ам̣ осад̇хам̣ бивид̇ваа саб̣б̣ам̣ висам̣ сагаласам̣саарад̣̇угкависам̣ самууханим̣ наасзсинд̇и самб̣анд̇хо. аж̇араамаранд̇и д̇ам̣ д̣̇угкависам̣ самууханид̇ваа аж̇арам̣ ж̇араавирахид̇ам̣ амарам̣ маран̣авирахид̇ам̣ сийд̇ибхаавам̣ рааг̇абарил̣аахаад̣̇ивирахид̇ад̇д̇аа сийд̇алабхууд̇ам̣ ниб̣б̣аанам̣ ахам̣ пассаяим̣ бажжагкамагаасинд̇и самб̣анд̇хо.

    494-5.Dhammāgadaṃ gavesantoti saṃsāradukkhavisassa vināsāya dhammosadhaṃ gavesanto. Addakkhiṃ sakyasāsananti sakyavaṃsapabhavassa gotamassa sāsanaṃ saddakkhinti attho. Aggaṃ sabbosadhānaṃ tanti sabbesaṃ osadhānaṃ antare taṃ sakyasāsanasaṅkhātaṃ dhammosadhaṃ aggaṃ uttamanti attho. Sabbasallavinodananti rāgasallādīnaṃ sabbesaṃ sallānaṃ vinodanaṃ vūpasamakaraṃ dhammosadhaṃ dhammasaṅkhātaṃ osadhaṃ pivitvā sabbaṃ visaṃ sakalasaṃsāradukkhavisaṃ samūhaniṃ nāsesinti sambandho. Ajarāmaranti taṃ dukkhavisaṃ samūhanitvā ajaraṃ jarāvirahitaṃ amaraṃ maraṇavirahitaṃ sītibhāvaṃ rāgapariḷāhādivirahitattā sītalabhūtaṃ nibbānaṃ ahaṃ phassayiṃ paccakkhamakāsinti sambandho.

    496. буна гилзсад̇амасса убамам̣ д̣̇ассзнд̇о яат̇аа бхууд̇аддид̇од̇иаад̣̇имааха. д̇ад̇т̇а яат̇аа язна багаарзна бхууд̇аддид̇о бхууд̇зна яагкзна аддид̇о бийл̣ид̇о босо бурисо бхууд̇аг̇г̇аахзна яагкаг̇г̇аахзна бийл̣ид̇о д̣̇угкид̇о бхууд̇асмаа яагкаг̇г̇аахад̇о баримуд̇д̇ияаа можанад̇т̇ааяа бхууд̇авзж̇ж̇ам̣ г̇авзсзяяа.

    496. Puna kilesatamassa upamaṃ dassento yathā bhūtaṭṭitotiādimāha. Tattha yathā yena pakārena bhūtaṭṭito bhūtena yakkhena aṭṭito pīḷito poso puriso bhūtaggāhena yakkhaggāhena pīḷito dukkhito bhūtasmā yakkhaggāhato parimuttiyā mocanatthāya bhūtavejjaṃ gaveseyya.

    497. д̇ам̣ г̇авзсамаано жа бхууд̇авиж̇ж̇ааяа судту говид̣̇ам̣ чзгам̣ бхууд̇авзж̇ж̇ам̣ бассзяяа, со бхууд̇авзж̇ж̇о д̇асса яагкаг̇г̇ахид̇асса бурисасса аавзсабхууд̇ам̣ виханз винаасзяяа, самуулан̃жа муулзна саха ааяад̇им̣ анаасзвагам̣ гад̇ваа винаасаяз вид̣̇д̇хам̣сзяяаад̇и самб̣анд̇хо.

    497. Taṃ gavesamāno ca bhūtavijjāya suṭṭhu kovidaṃ chekaṃ bhūtavejjaṃ passeyya, so bhūtavejjo tassa yakkhaggahitassa purisassa āvesabhūtaṃ vihane vināseyya, samūlañca mūlena saha āyatiṃ anāsevakaṃ katvā vināsaye viddhaṃseyyāti sambandho.

    498. махаавийра вийруд̇д̇ама д̇амаг̇г̇аахзна гилзсанд̇хагаараг̇г̇аахзна бийл̣ид̇о ахам̣ д̇ат̇зва д̇зна багаарзнзва д̇амад̇о гилзсанд̇хагаарад̇о баримуд̇д̇ияаа можанад̇т̇ааяа н̃аан̣аалогам̣ бан̃н̃аааалогам̣ г̇авзсаамийд̇и самб̣анд̇хо.

    498.Mahāvīra vīruttama tamaggāhena kilesandhakāraggāhena pīḷito ahaṃ tatheva tena pakāreneva tamato kilesandhakārato parimuttiyā mocanatthāya ñāṇālokaṃ paññāālokaṃ gavesāmīti sambandho.

    499. ат̇а д̇ад̣̇ананд̇арам̣ гилзсад̇амасод̇ханам̣ гилзсанд̇хагааранаасагам̣ сагяамуним̣ ад̣̇д̣̇асанд̇и ад̇т̇о. со сагяамуни мз маяхам̣ д̇амам̣ анд̇хагаарам̣ гилзсад̇имирам̣ бхууд̇авзж̇ж̇ова бхууд̇агам̣ яагкаг̇г̇ахид̇ам̣ ива винод̣̇зси д̣̇уурий агаасийд̇и самб̣анд̇хо.

    499. Atha tadanantaraṃ kilesatamasodhanaṃ kilesandhakāranāsakaṃ sakyamuniṃ addasanti attho. So sakyamuni me mayhaṃ tamaṃ andhakāraṃ kilesatimiraṃ bhūtavejjova bhūtakaṃ yakkhaggahitaṃ iva vinodesi dūrī akāsīti sambandho.

    500. со ахам̣ звам̣ вимуд̇д̇о сам̣саарасод̇ам̣ сам̣саарабаваахам̣ сам̣ судту чинд̣̇им̣ чзд̣̇зсим̣, д̇ан̣хаасод̇ам̣ д̇ан̣хаамахогхам̣ ниваараяим̣ ниравасзсам̣ аббавад̇д̇им̣ агаасинд̇и ад̇т̇о. бхавам̣ уг̇гхаадаяим̣ саб̣б̣анд̇и гаамабхаваад̣̇игам̣ саб̣б̣ам̣ навабхавам̣ уг̇гхаадаяим̣ винаасзсинд̇и ад̇т̇о. муулад̇о винаасзнд̇о бхууд̇авзж̇ж̇о ива муулад̇о уг̇гхаадаяинд̇и самб̣анд̇хо.

    500. So ahaṃ evaṃ vimutto saṃsārasotaṃ saṃsārapavāhaṃ saṃ suṭṭhu chindiṃ chedesiṃ, taṇhāsotaṃ taṇhāmahoghaṃ nivārayiṃ niravasesaṃ appavattiṃ akāsinti attho. Bhavaṃ ugghāṭayiṃ sabbanti kāmabhavādikaṃ sabbaṃ navabhavaṃ ugghāṭayiṃ vināsesinti attho. Mūlato vināsento bhūtavejjo iva mūlato ugghāṭayinti sambandho.

    501. д̇ад̇о ниб̣б̣аанабариязсанааяа убамам̣ д̣̇ассзнд̇о яат̇аад̇иаад̣̇имааха. д̇ад̇т̇а г̇арум̣ бхаарияам̣ нааг̇ам̣ г̇илад̇ийд̇и г̇арул̣о. г̇арум̣ ваа нааг̇ам̣ лаад̇и аад̣̇ад̣̇аад̇ийд̇и г̇арул̣о, г̇арул̣арааж̇аа. ад̇д̇ано бхагкам̣ сагаг̇ожарам̣ баннаг̇ам̣ багаарзна барахад̇т̇ам̣ на г̇ажчад̇ийд̇и баннаг̇од̇и лад̣̇д̇ханаамам̣ нааг̇ам̣ г̇ахан̣ад̇т̇ааяа обад̇ад̇и авабад̇ад̇и, саманд̇аа саманд̇ад̇о яож̇анасад̇ам̣ сад̇аяож̇анаббамаан̣ам̣ махаасарам̣ махаасамуд̣̇д̣̇ам̣ ад̇д̇ано багкаваад̇зхи вигкобхзд̇и аалол̣зд̇и яат̇аад̇и самб̣анд̇хо.

    501. Tato nibbānapariyesanāya upamaṃ dassento yathātiādimāha. Tattha garuṃ bhāriyaṃ nāgaṃ gilatīti garuḷo. Garuṃ vā nāgaṃ lāti ādadātīti garuḷo, garuḷarājā. Attano bhakkhaṃ sakagocaraṃ pannagaṃ pakārena parahatthaṃ na gacchatīti pannagoti laddhanāmaṃ nāgaṃ gahaṇatthāya opatati avapatati, samantā samantato yojanasataṃ satayojanappamāṇaṃ mahāsaraṃ mahāsamuddaṃ attano pakkhavātehi vikkhobheti āloḷeti yathāti sambandho.

    502. со субан̣н̣о вихан̇г̇амо взхаасаг̇аманасийло баннаг̇ам̣ наамам̣ г̇ахзд̇ваа ад̇хосийсам̣ оламб̣зд̇ваа вихзтаяам̣ д̇ад̇т̇а д̇ад̇т̇а вивид̇хзна хзтанзна хзтзнд̇о аад̣̇ааяа д̣̇ал̣хам̣ г̇ахзд̇ваа язна гаамам̣ яад̇т̇а г̇анд̇угаамо, д̇ад̇т̇а баггамад̇и г̇ажчад̇ийд̇и самб̣анд̇хо.

    502.So supaṇṇo vihaṅgamo vehāsagamanasīlo pannagaṃ nāmaṃ gahetvā adhosīsaṃ olambetvā viheṭhayaṃ tattha tattha vividhena heṭhanena heṭhento ādāya daḷhaṃ gahetvā yena kāmaṃ yattha gantukāmo, tattha pakkamati gacchatīti sambandho.

    503. бханд̇з махаавийра, яат̇аа г̇арул̣о б̣алий б̣алаваа баннаг̇ам̣ г̇ахзд̇ваа баггамад̇и, д̇ат̇аа зва ахам̣ асан̇кад̇ам̣ бажжаязхи агад̇ам̣ ниб̣б̣аанам̣ г̇авзсанд̇о бадибад̇д̇ибууран̣авасзна бариязсанд̇о д̣̇осз сагалад̣̇ияад̣дхагилзсасахассз вигкаалаяим̣ висзсзна самужчзд̣̇аббахаанзна сод̇хзсим̣ аханд̇и самб̣анд̇хо.

    503. Bhante mahāvīra, yathā garuḷo balī balavā pannagaṃ gahetvā pakkamati, tathā eva ahaṃ asaṅkhataṃ paccayehi akataṃ nibbānaṃ gavesanto paṭipattipūraṇavasena pariyesanto dose sakaladiyaḍḍhakilesasahasse vikkhālayiṃ visesena samucchedappahānena sodhesiṃ ahanti sambandho.

    504. яат̇аа г̇арул̣о баннаг̇ам̣ г̇ахзд̇ваа бхун̃ж̇ид̇ваа вихарад̇и, д̇ат̇аа ахам̣ д̇хаммаварам̣ уд̇д̇амад̇хаммам̣ д̣̇идто бассанд̇о зд̇ам̣ санд̇ибад̣̇ам̣ ниб̣б̣аанабад̣̇ам̣ ануд̇д̇арам̣ уд̇д̇аравирахид̇ам̣ маг̇г̇апалзхи аад̣̇ааяа г̇ахзд̇ваа вал̣ан̃ж̇зд̇ваа вихараамийд̇и самб̣анд̇хо.

    504. Yathā garuḷo pannagaṃ gahetvā bhuñjitvā viharati, tathā ahaṃ dhammavaraṃ uttamadhammaṃ diṭṭho passanto etaṃ santipadaṃ nibbānapadaṃ anuttaraṃ uttaravirahitaṃ maggaphalehi ādāya gahetvā vaḷañjetvā viharāmīti sambandho.

    505. ид̣̇аани ниб̣б̣аанасса д̣̇уллабхабхаавам̣ д̣̇ассзнд̇о аасаавад̇ий наама лад̇аад̇иаад̣̇имааха. д̇ад̇т̇а саб̣б̣зсам̣ д̣̇зваанам̣ аасаа ижчаа зд̇иссам̣ лад̇ааяам̣ ад̇т̇ийд̇и аасаавад̇ий наама лад̇аа, жид̇д̇алад̇ааванз анзгавижид̇д̇аахи лад̇аахи г̇аханийбхууд̇з ванз уяяаанз ж̇аад̇аа ниб̣б̣ад̇д̇аад̇и ад̇т̇о. д̇ассаа лад̇ааяа вассасахассзна вассасахассажжаязна згам̣ палам̣ ниб̣б̣ад̇д̇ад̇з згам̣ палам̣ г̇ан̣хаад̇и.

    505. Idāni nibbānassa dullabhabhāvaṃ dassento āsāvatī nāma latātiādimāha. Tattha sabbesaṃ devānaṃ āsā icchā etissaṃ latāyaṃ atthīti āsāvatī nāma latā, cittalatāvane anekavicittāhi latāhi gahanībhūte vane uyyāne jātā nibbattāti attho. Tassā latāya vassasahassena vassasahassaccayena ekaṃ phalaṃ nibbattate ekaṃ phalaṃ gaṇhāti.

    506. д̇ам̣ д̣̇зваад̇и д̇ам̣ аасаавад̇им̣ лад̇ам̣ д̇аава д̣̇уурапалам̣ д̇ад̇д̇агам̣ жирагаалам̣ ад̇иггамид̇ваа палам̣ г̇ан̣ханд̇ам̣ сам̣виж̇ж̇амаанам̣ д̣̇зваа д̇аавад̇им̣сад̣̇звад̇аа баяирубаасанд̇и бхаж̇анд̇и, саа аасаавад̇ий наама лад̇уд̇д̇амаа лад̇аанам̣ анд̇арз уд̇д̇амалад̇аа звам̣ д̣̇зваанам̣ бияаа ахосийд̇и самб̣анд̇хо.

    506.Taṃ devāti taṃ āsāvatiṃ lataṃ tāva dūraphalaṃ tattakaṃ cirakālaṃ atikkamitvā phalaṃ gaṇhantaṃ saṃvijjamānaṃ devā tāvatiṃsadevatā payirupāsanti bhajanti, sā āsāvatī nāma latuttamā latānaṃ antare uttamalatā evaṃ devānaṃ piyā ahosīti sambandho.

    507. сад̇асахассубаад̣̇ааяаад̇и сад̇асахассасам̣важчарам̣ аад̣̇им̣ гад̇ваа. д̇аахам̣ барижарз мунийд̇и монам̣ вужжад̇и н̃аан̣ам̣, бханд̇з, муни н̃аан̣аванд̇а саб̣б̣ан̃н̃у, ахам̣ д̇ам̣ бхаг̇аванд̇ам̣ барижарз баяирубаасаами. сааяам̣баад̇ам̣ намассаамийд̇и сааяанхасамаяан̃жа буб̣б̣ан̣хасамаяан̃жаад̇и д̣̇вигкад̇д̇ум̣ намассаами бан̣аамам̣ гароми. яат̇аа д̣̇зваа д̇аавад̇им̣саа д̣̇зваа вияа аасаавад̇ийлад̇ам̣ сааяам̣баад̇ан̃жа баяирубаасанд̇ийд̇и самб̣анд̇хо.

    507.Satasahassupādāyāti satasahassasaṃvaccharaṃ ādiṃ katvā. Tāhaṃ paricare munīti monaṃ vuccati ñāṇaṃ, bhante, muni ñāṇavanta sabbaññu, ahaṃ taṃ bhagavantaṃ paricare payirupāsāmi. Sāyaṃpātaṃ namassāmīti sāyanhasamayañca pubbaṇhasamayañcāti dvikkhattuṃ namassāmi paṇāmaṃ karomi. Yathā devā tāvatiṃsā devā viya āsāvatīlataṃ sāyaṃpātañca payirupāsantīti sambandho.

    508. аван̃жхаа баарижарияаад̇и яасмаа б̣уд̣̇д̇хад̣̇ассанахзд̇у ниб̣б̣аанаббад̇д̇и ахоси, д̇асмаа б̣уд̣̇д̇хабаарижарияаа вад̇д̇абадибад̇д̇игирияаа аван̃жхаа ад̇ужчаа намассанаа бан̣аамагирияаа жа амогхаа ад̇ужчаа. д̇ат̇аа хи д̣̇уурааг̇ад̇ам̣ д̣̇уурад̇о сам̣саарад̣̇д̇хаанад̇о ааг̇ад̇амби, санд̇ам̣ сам̣виж̇ж̇амаанам̣ кан̣ояам̣ аяам̣ б̣уд̣̇д̇хуббаад̣̇агкан̣о на вираад̇хаяи наад̇иггами, мам̣ ад̇иггамид̇ваа на г̇ад̇од̇и ад̇т̇о.

    508.Avañjhā pāricariyāti yasmā buddhadassanahetu nibbānappatti ahosi, tasmā buddhapāricariyā vattapaṭipattikiriyā avañjhā atucchā namassanā paṇāmakiriyā ca amoghā atucchā. Tathā hi dūrāgataṃ dūrato saṃsāraddhānato āgatampi, santaṃ saṃvijjamānaṃ khaṇoyaṃ ayaṃ buddhuppādakkhaṇo na virādhayi nātikkami, maṃ atikkamitvā na gatoti attho.

    509. б̣уд̣̇д̇хад̣̇ассанахзд̇у ниб̣б̣аанаббад̇д̇о ахам̣ ааяад̇им̣ уббаж̇ж̇анагабхавз мама бадисанд̇хим̣ вижинанд̇о убабаригканд̇о на бассаамийд̇и самб̣анд̇хо. нируубад̇хи канд̇хуубад̇хигилзсуубад̇хийхи вирахид̇о виббамуд̇д̇о саб̣б̣агилзсзхи винаабхууд̇о убасанд̇о гилзсабарил̣аахаабхаавзна санд̇амаанасо жараами аханд̇и самб̣анд̇хо.

    509. Buddhadassanahetu nibbānappatto ahaṃ āyatiṃ uppajjanakabhave mama paṭisandhiṃ vicinanto upaparikkhanto na passāmīti sambandho. Nirūpadhi khandhūpadhikilesūpadhīhi virahito vippamutto sabbakilesehi vinābhūto upasanto kilesapariḷāhābhāvena santamānaso carāmi ahanti sambandho.

    510. буна ад̇д̇ано б̣уд̣̇д̇хад̣̇ассанааяа убамам̣ д̣̇ассзнд̇о яат̇ааби бад̣̇умам̣ наамаад̇иаад̣̇имааха. суурияарам̣сзна суурияарам̣сисампассзна яат̇аа бад̣̇умам̣ наама аби бубпад̇и вигасад̇и махаавийра вийруд̇д̇ама ахам̣ д̇ат̇аа зва б̣уд̣̇д̇харам̣сзна б̣уд̣̇д̇хзна бхаг̇авад̇аа д̣̇зсид̇ад̇хаммарам̣сиббабхаавзна бубпид̇од̇и ад̇т̇о.

    510. Puna attano buddhadassanāya upamaṃ dassento yathāpi padumaṃ nāmātiādimāha. Sūriyaraṃsena sūriyaraṃsisamphassena yathā padumaṃ nāma api pupphati vikasati mahāvīra vīruttama ahaṃ tathā eva buddharaṃsena buddhena bhagavatā desitadhammaraṃsippabhāvena pupphitoti attho.

    511-12. буна б̣уд̣̇д̇хад̣̇ассанзна ниб̣б̣аанад̣̇ассанам̣ д̣̇ийбзнд̇о яат̇аа б̣алаагаад̇иаад̣̇имааха. д̇ад̇т̇а б̣алаагаяонимхи б̣алаагаж̇аад̇ияам̣ сад̣̇аа саб̣б̣асмим̣ гаалз бумаа бурисо яат̇аа на виж̇ж̇ад̇и. бумз авиж̇ж̇амаанз гат̇ам̣ б̣алаагаанам̣ г̇аб̣бхаг̇г̇ахан̣ам̣ ход̇ийд̇и жз? мзгхзсу г̇аж̇ж̇амаанзсу сад̣̇д̣̇ам̣ гаронд̇зсу мзгхаг̇аж̇ж̇анам̣ суд̇ваа д̇аа б̣алаагинияо сад̣̇аа саб̣б̣агаалз г̇аб̣бхам̣ г̇ан̣ханд̇и ан̣д̣ам̣ д̇хаарзнд̇ийд̇и ад̇т̇о. яаава яад̇д̇агам̣ гаалам̣ мзгхо на г̇аж̇ж̇ад̇и мзгхо сад̣̇д̣̇ам̣ на гарод̇и, д̇аава д̇ад̇д̇агам̣ гаалам̣ жирам̣ жирагаалзна г̇аб̣бхам̣ ан̣д̣ам̣ д̇хаарзнд̇и. яад̣̇аа яасмим̣ гаалз мзгхо бавассад̇и багаарзна г̇аж̇ж̇ид̇ваа вассад̇и вудтид̇хаарам̣ баг̇гхарад̇и, д̇ад̣̇аа д̇асмим̣ гаалз бхаарад̇о г̇аб̣бхад̇хааран̣ад̇о баримужжанд̇и ан̣д̣ам̣ баад̇знд̇ийд̇и ад̇т̇о.

    511-12. Puna buddhadassanena nibbānadassanaṃ dīpento yathā balākātiādimāha. Tattha balākayonimhi balākajātiyaṃ sadā sabbasmiṃ kāle pumā puriso yathā na vijjati. Pume avijjamāne kathaṃ balākānaṃ gabbhaggahaṇaṃ hotīti ce? Meghesu gajjamānesu saddaṃ karontesu meghagajjanaṃ sutvā tā balākiniyo sadā sabbakāle gabbhaṃ gaṇhanti aṇḍaṃ dhārentīti attho. Yāva yattakaṃ kālaṃ megho na gajjati megho saddaṃ na karoti, tāva tattakaṃ kālaṃ ciraṃ cirakālena gabbhaṃ aṇḍaṃ dhārenti. Yadā yasmiṃ kāle megho pavassati pakārena gajjitvā vassati vuṭṭhidhāraṃ paggharati, tadā tasmiṃ kāle bhārato gabbhadhāraṇato parimuccanti aṇḍaṃ pātentīti attho.

    513. д̇ад̇о барам̣ убамзяяасамбад̣̇ам̣ д̣̇ассзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. бад̣̇умуд̇д̇арасса б̣уд̣̇д̇хасса д̇хаммамзгхзна вохаарабарамад̇т̇ад̣̇зсанаасан̇каад̇амзгхзна г̇аж̇ж̇ад̇о г̇аж̇ж̇анд̇асса д̣̇зсзнд̇асса д̇хаммамзгхасса сад̣̇д̣̇зна гхосаанусаарзна ахам̣ д̇ад̣̇аа д̇хаммаг̇аб̣бхам̣ виваддуубаниссаяам̣ д̣̇аанасийлаад̣̇ибун̃н̃асамбхаараг̇аб̣бхам̣ аг̇ан̣хим̣ г̇ахзсим̣ д̇ат̇аад̇и самб̣анд̇хо.

    513. Tato paraṃ upameyyasampadaṃ dassento padumuttarabuddhassātiādimāha. Padumuttarassa buddhassa dhammameghena vohāraparamatthadesanāsaṅkhātameghena gajjato gajjantassa desentassa dhammameghassa saddena ghosānusārena ahaṃ tadā dhammagabbhaṃ vivaṭṭūpanissayaṃ dānasīlādipuññasambhāragabbhaṃ agaṇhiṃ gahesiṃ tathāti sambandho.

    514. сад̇асахассубаад̣̇ааяа габбасад̇асахассам̣ аад̣̇им̣ гад̇ваа бун̃н̃аг̇аб̣бхам̣ д̣̇аанасийлаад̣̇ибун̃н̃асамбхаарам̣ ахам̣ д̇харзми буурзми. яаава д̇хаммамзгхо д̇хаммад̣̇зсанаа на г̇аж̇ж̇ад̇и б̣уд̣̇д̇хзна на д̣̇зсийяад̇и, д̇аава ахам̣ бхаарад̇о сам̣саараг̇аб̣бхабхаарад̇о наббамужжаами на можзми на висум̣ бхаваамийд̇и самб̣анд̇хо.

    514.Satasahassupādāya kappasatasahassaṃ ādiṃ katvā puññagabbhaṃ dānasīlādipuññasambhāraṃ ahaṃ dharemi pūremi. Yāva dhammamegho dhammadesanā na gajjati buddhena na desīyati, tāva ahaṃ bhārato saṃsāragabbhabhārato nappamuccāmi na mocemi na visuṃ bhavāmīti sambandho.

    515. бханд̇з, сагяамуни сагяавам̣саббабхава яад̣̇аа яасмим̣ гаалз суд̣̇д̇ход̣̇анамахаарааж̇асса д̇ава бид̇у раммз раман̣ийяз габилавад̇т̇авз габилавад̇т̇унаамагз наг̇арз д̇увам̣ д̇хаммамзгхзна г̇аж̇ж̇ад̇и гхосзд̇и, д̇ад̣̇аа д̇асмим̣ гаалз ахам̣ бхаарад̇о сам̣саараг̇аб̣бхабхаарад̇о баримужжим̣ муд̇д̇о ахосинд̇и самб̣анд̇хо.

    515. Bhante, sakyamuni sakyavaṃsappabhava yadā yasmiṃ kāle suddhodanamahārājassa tava pitu ramme ramaṇīye kapilavatthave kapilavatthunāmake nagare tuvaṃ dhammameghena gajjati ghoseti, tadā tasmiṃ kāle ahaṃ bhārato saṃsāragabbhabhārato parimucciṃ mutto ahosinti sambandho.

    516. д̇ад̇о барам̣ ад̇д̇анаа ад̇хиг̇ад̇з маг̇г̇апалз д̣̇ассзнд̇о сун̃н̃ад̇анд̇иаад̣̇имааха. д̇ад̇т̇а ад̇д̇аад̇д̇анияаад̣̇ийнам̣ абхаавад̇о сун̃н̃ад̇ам̣ вимогкан̃жа рааг̇ад̣̇осамохасаб̣б̣агилзсанимид̇д̇аанам̣ абхаавад̇о, анимид̇д̇ам̣ вимогкан̃жа д̇ан̣хаабан̣ид̇хисса абхаавад̇о, аббан̣ихид̇ам̣ вимогкан̃жа арияамаг̇г̇ам̣ ад̇хиг̇ан̃чим̣ бхаавзсинд̇и самб̣анд̇хо. жад̇уро жа палз саб̣б̣зд̇и жад̇д̇аари сааман̃н̃апалаани саб̣б̣аани сажчи агаасинд̇и ад̇т̇о. д̇хаммзвам̣ виж̇адаяим̣ аханд̇и ахам̣ звам̣ саб̣б̣ад̇хаммз ж̇адам̣ г̇аханам̣ виж̇адаяим̣ вид̣̇д̇хам̣сзсинд̇и ад̇т̇о.

    516. Tato paraṃ attanā adhigate maggaphale dassento suññatantiādimāha. Tattha attaattaniyādīnaṃ abhāvato suññataṃ vimokkhañca rāgadosamohasabbakilesanimittānaṃ abhāvato, animittaṃ vimokkhañca taṇhāpaṇidhissa abhāvato, appaṇihitaṃ vimokkhañca ariyamaggaṃ adhigañchiṃ bhāvesinti sambandho. Caturo ca phale sabbeti cattāri sāmaññaphalāni sabbāni sacchi akāsinti attho. Dhammevaṃ vijaṭayiṃ ahanti ahaṃ evaṃ sabbadhamme jaṭaṃ gahanaṃ vijaṭayiṃ viddhaṃsesinti attho.

    д̣̇уд̇ияабхаан̣аваараван̣н̣анаа самад̇д̇аа.

    Dutiyabhāṇavāravaṇṇanā samattā.

    517. д̇ад̇о барам̣ ад̇д̇анаа ад̇хиг̇ад̇ависзсамзва д̣̇ассзнд̇о абаримзяяубаад̣̇ааяаад̇иаад̣̇имааха. д̇ад̇т̇а на баримзяяод̇и абаримзяяо, сам̣важчараг̇ан̣анавасзна бамзд̇ум̣ сан̇каад̇ум̣ асаггун̣зяяод̇и ад̇т̇о. д̇ам̣ абаримзяяам̣ габбам̣ убаад̣̇ааяа аад̣̇им̣ гад̇ваа д̇ава саасанам̣ д̇уяхам̣ саасанам̣ ‘‘анааг̇ад̇з г̇од̇амасса бхаг̇авад̇о саасанз винаяад̇хараанам̣ аг̇г̇о бхавзяяа’’нд̇и звам̣ бад̇т̇зми. ад̇ийд̇ад̇т̇з вад̇д̇амаанаважанам̣, бад̇т̇зсинд̇и ад̇т̇о. со мз ад̇т̇од̇и со бад̇т̇анаасан̇каад̇о ад̇т̇о мз маяаа ануббад̇д̇о нибпаад̣̇ид̇од̇и ад̇т̇о. ануд̇д̇арам̣ санд̇ибад̣̇ам̣ ниб̣б̣аанам̣ ануббад̇д̇ам̣ ад̇хиг̇ад̇анд̇и самб̣анд̇хо.

    517. Tato paraṃ attanā adhigatavisesameva dassento aparimeyyupādāyātiādimāha. Tattha na parimeyyoti aparimeyyo, saṃvaccharagaṇanavasena pametuṃ saṅkhātuṃ asakkuṇeyyoti attho. Taṃ aparimeyyaṃ kappaṃ upādāya ādiṃ katvā tava sāsanaṃ tuyhaṃ sāsanaṃ ‘‘anāgate gotamassa bhagavato sāsane vinayadharānaṃ aggo bhaveyya’’nti evaṃ patthemi. Atītatthe vattamānavacanaṃ, patthesinti attho. So me atthoti so patthanāsaṅkhāto attho me mayā anuppatto nipphāditoti attho. Anuttaraṃ santipadaṃ nibbānaṃ anuppattaṃ adhigatanti sambandho.

    518. со ахам̣ ад̇хиг̇ад̇ад̇д̇аа винаяз винаяабидагз баарамим̣ бад̇д̇о барияосаанаббад̇д̇о. яат̇ааби баатиго исийд̇и яат̇аа бад̣̇умуд̇д̇арасса бхаг̇авад̇о саасанз винаяад̇хараанам̣ аг̇г̇о иси бхигку баатиго баагадо ахоси, д̇ат̇звааханд̇и ад̇т̇о. на мз самасамо ад̇т̇ийд̇и винаяад̇хаарид̇ааяа мз маяаа самасамо самаано ан̃н̃о на ад̇т̇ийд̇и ад̇т̇о. саасанам̣ оваад̣̇аанусаасанийсан̇каад̇ам̣ саасанам̣ д̇хаарзми буурзмийд̇и ад̇т̇о.

    518. So ahaṃ adhigatattā vinaye vinayapiṭake pāramiṃ patto pariyosānappatto. Yathāpi pāṭhiko isīti yathā padumuttarassa bhagavato sāsane vinayadharānaṃ aggo isi bhikkhu pāṭhiko pākaṭo ahosi, tathevāhanti attho. Na me samasamo atthīti vinayadhāritāya me mayā samasamo samāno añño na atthīti attho. Sāsanaṃ ovādānusāsanīsaṅkhātaṃ sāsanaṃ dhāremi pūremīti attho.

    519. бунаби ад̇д̇ано висзсам̣ д̣̇ассзнд̇о винаяз канд̇хагз жаабийд̇иаад̣̇имааха. д̇ад̇т̇а винаязд̇и убхад̇овибхан̇г̇з. канд̇хагзд̇и махааваг̇г̇ажуул̣аваг̇г̇з. д̇игажчзд̣̇з жаад̇и д̇игасан̇гхаад̣̇исзсад̇игабаажид̇д̇ияаад̣̇игз жа. бан̃жамзд̇и бариваарз жа. зд̇т̇а зд̇асмим̣ сагалз винаяабидагз маяхам̣ вимад̇и д̣̇взл̣хагам̣ над̇т̇и на сам̣виж̇ж̇ад̇и. агкарзд̇и винаяабидагабарияаабаннз а-гаараад̣̇игз агкарз. б̣яан̃ж̇анзд̇и га-гаараад̣̇игз б̣яан̃ж̇анз ваа мз вимад̇и сам̣саяо над̇т̇ийд̇и самб̣анд̇хо.

    519. Punapi attano visesaṃ dassento vinaye khandhake cāpītiādimāha. Tattha vinayeti ubhatovibhaṅge. Khandhaketi mahāvaggacūḷavagge. Tikacchede cāti tikasaṅghādisesatikapācittiyādike ca. Pañcameti parivāre ca. Ettha etasmiṃ sakale vinayapiṭake mayhaṃ vimati dveḷhakaṃ natthi na saṃvijjati. Akkhareti vinayapiṭakapariyāpanne a-kārādike akkhare. Byañjaneti ka-kārādike byañjane vā me vimati saṃsayo natthīti sambandho.

    520. ниг̇г̇ахз бадигаммз жаад̇и баабабхигкуунам̣ ниг̇г̇ахз жа саабад̇д̇игаанам̣ бхигкуунам̣ бариваасад̣̇аанаад̣̇игз бадигаммз жа таанаадтаанз жа гааран̣з жа агааран̣з жа говид̣̇о чзгод̇и ад̇т̇о. осааран̣з жа д̇аж̇ж̇анийяаад̣̇игаммасса бадиббассад̣̇д̇хивасзна осааран̣з бавзсанз жа. вудтаабанз жа аабад̇д̇ид̇о вудтаабанз нираабад̇д̇игаран̣з жа чзгод̇и самб̣анд̇хо. саб̣б̣ад̇т̇а баарамим̣ г̇ад̇од̇и саб̣б̣асмим̣ винаяагаммз барияосаанам̣ бад̇д̇о, д̣̇агко чзгод̇и ад̇т̇о.

    520.Niggahepaṭikamme cāti pāpabhikkhūnaṃ niggahe ca sāpattikānaṃ bhikkhūnaṃ parivāsadānādike paṭikamme ca ṭhānāṭṭhāne ca kāraṇe ca akāraṇe ca kovido chekoti attho. Osāraṇe ca tajjanīyādikammassa paṭippassaddhivasena osāraṇe pavesane ca. Vuṭṭhāpane ca āpattito vuṭṭhāpane nirāpattikaraṇe ca chekoti sambandho. Sabbattha pāramiṃ gatoti sabbasmiṃ vinayakamme pariyosānaṃ patto, dakkho chekoti attho.

    521. винаяз канд̇хагз жаабийд̇и вуд̇д̇аббагаарз винаяз жа канд̇хагз жа, бад̣̇ам̣ суд̇д̇абад̣̇ам̣ нигкибид̇ваа бадтабзд̇ваа. убхад̇о винивзтзд̇ваад̇и винаяад̇о канд̇хагад̇о жаад̇и убхаяад̇о ниб̣б̣ад̇д̇зд̇ваа виж̇адзд̇ваа наяам̣ аахарид̇ваа. расад̇од̇и гижжад̇о. осарзяяам̣ осааран̣ам̣ гаромийд̇и ад̇т̇о.

    521.Vinaye khandhake cāpīti vuttappakāre vinaye ca khandhake ca, padaṃ suttapadaṃ nikkhipitvā paṭṭhapetvā. Ubhato viniveṭhetvāti vinayato khandhakato cāti ubhayato nibbattetvā vijaṭetvā nayaṃ āharitvā. Rasatoti kiccato. Osareyyaṃ osāraṇaṃ karomīti attho.

    522. нируд̇д̇ияаа жа гусалод̇и ‘‘ругко бадо гумбхо маалаа жид̇д̇а’’нд̇иаад̣̇ийсу вохаарзсу чзго. ад̇т̇аанад̇т̇з жа говид̣̇од̇и ад̇т̇з вад̣дхияам̣ анад̇т̇з хаанияан̃жа говид̣̇о д̣̇агкод̇и ад̇т̇о. анан̃н̃аад̇ам̣ маяаа над̇т̇ийд̇и винаяабидагз сагалз ваа бидагад̇д̇аяз маяаа анан̃н̃аад̇ам̣ авид̣̇ид̇ам̣ абаагадам̣ гин̃жи над̇т̇ийд̇и ад̇т̇о. згаг̇г̇о сад̇т̇у саасанзд̇и б̣уд̣̇д̇хасаасанз ахамзва зго винаяад̇хараанам̣ аг̇г̇о сздто уд̇д̇амод̇и ад̇т̇о.

    522.Niruttiyā ca kusaloti ‘‘rukkho paṭo kumbho mālā citta’’ntiādīsu vohāresu cheko. Atthānatthe ca kovidoti atthe vaḍḍhiyaṃ anatthe hāniyañca kovido dakkhoti attho. Anaññātaṃ mayā natthīti vinayapiṭake sakale vā piṭakattaye mayā anaññātaṃ aviditaṃ apākaṭaṃ kiñci natthīti attho. Ekaggo satthu sāsaneti buddhasāsane ahameva eko vinayadharānaṃ aggo seṭṭho uttamoti attho.

    523. руубад̣̇агкз ахам̣ аж̇ж̇аад̇и аж̇ж̇а зд̇арахи гаалз сагяабуд̇д̇асса бхаг̇авад̇о саасанз бааважанз ахам̣ руубад̣̇агкз руубад̣̇ассанз винаяавинижчаяад̣̇ассанз саб̣б̣ам̣ ган̇кам̣ сагалам̣ сам̣саяам̣ винод̣̇зми винаасзмийд̇и самб̣анд̇хо. чинд̣̇аами саб̣б̣асам̣саяанд̇и ‘‘ахосим̣ ну ко ахамад̇ийд̇амад̣̇д̇хаана’’нд̇иаад̣̇игам̣ (ма. ни. 1.18; сам̣. ни. 2.20; махаани. 174) гаалад̇д̇аяам̣ аараб̣бха уббаннам̣ саб̣б̣ам̣ сол̣асавид̇хам̣ ган̇кам̣ чинд̣̇аами вуубасамзми саб̣б̣асо вид̣̇д̇хам̣сзмийд̇и ад̇т̇о.

    523.Rūpadakkhe ahaṃ ajjāti ajja etarahi kāle sakyaputtassa bhagavato sāsane pāvacane ahaṃ rūpadakkhe rūpadassane vinayavinicchayadassane sabbaṃ kaṅkhaṃ sakalaṃ saṃsayaṃ vinodemi vināsemīti sambandho. Chindāmi sabbasaṃsayanti ‘‘ahosiṃ nu kho ahamatītamaddhāna’’ntiādikaṃ (ma. ni. 1.18; saṃ. ni. 2.20; mahāni. 174) kālattayaṃ ārabbha uppannaṃ sabbaṃ soḷasavidhaṃ kaṅkhaṃ chindāmi vūpasamemi sabbaso viddhaṃsemīti attho.

    524. бад̣̇ам̣ анубад̣̇ан̃жаабийд̇и бад̣̇ам̣ буб̣б̣абад̣̇ан̃жа анубад̣̇ам̣ барабад̣̇ан̃жа агкарам̣ згзгамагкаран̃жа б̣яан̃ж̇анам̣ сит̇илад̇ханид̇аад̣̇ид̣̇асавид̇хам̣ б̣яан̃ж̇анавид̇хаанан̃жа. нид̣̇аанзд̇и д̇зна самаязнаад̇иаад̣̇игз нид̣̇аанз жа. барияосаанзд̇и ниг̇аманз. саб̣б̣ад̇т̇а говид̣̇од̇и саб̣б̣зсу часу таанзсу чзгод̇и ад̇т̇о.

    524.Padaṃ anupadañcāpīti padaṃ pubbapadañca anupadaṃ parapadañca akkharaṃ ekekamakkharañca byañjanaṃ sithiladhanitādidasavidhaṃ byañjanavidhānañca. Nidāneti tena samayenātiādike nidāne ca. Pariyosāneti nigamane. Sabbattha kovidoti sabbesu chasu ṭhānesu chekoti attho.

    525. д̇ад̇о барам̣ бхаг̇авад̇оязва г̇ун̣з багаасзнд̇о яат̇ааби рааж̇аа б̣алаваад̇иаад̣̇имааха. д̇ад̇т̇а яат̇аа б̣алаваа т̇аамаб̣аласамбанно сзнааб̣аласамбанно ваа рааж̇аа, барам̣ барзсам̣ бадирааж̇уунам̣ сзнам̣ ниг̇г̇ан̣хид̇ваа ниссзсад̇о г̇ахзд̇ваа балаабзд̇ваа ваа, д̇абз д̇абзяяа санд̇абзяяа д̣̇угкаабзяяа. виж̇инид̇ваана сан̇г̇ааманд̇и сан̇г̇аамам̣ барасзнааяа самааг̇амам̣ яуд̣̇д̇хам̣ виж̇инид̇ваа висзсзна ж̇инид̇ваа ж̇аяам̣ бад̇ваа. наг̇арам̣ д̇ад̇т̇а маабаязд̇и д̇ад̇т̇а д̇асмим̣ виж̇ид̇адтаанз наг̇арам̣ баасаад̣̇ахаммияаад̣̇ивибхуусид̇ам̣ васанадтаанам̣ маабаяз гаараабзяяаад̇и ад̇т̇о.

    525. Tato paraṃ bhagavatoyeva guṇe pakāsento yathāpi rājā balavātiādimāha. Tattha yathā balavā thāmabalasampanno senābalasampanno vā rājā, paraṃ paresaṃ paṭirājūnaṃ senaṃ niggaṇhitvā nissesato gahetvā palāpetvā vā, tape tapeyya santapeyya dukkhāpeyya. Vijinitvāna saṅgāmanti saṅgāmaṃ parasenāya samāgamaṃ yuddhaṃ vijinitvā visesena jinitvā jayaṃ patvā. Nagaraṃ tattha māpayeti tattha tasmiṃ vijitaṭṭhāne nagaraṃ pāsādahammiyādivibhūsitaṃ vasanaṭṭhānaṃ māpaye kārāpeyyāti attho.

    526. баагаарам̣ барикан̃жаабийд̇и д̇ад̇т̇а маабид̇анаг̇арз баагаарам̣ суд̇хаад̇хавалаидтагаамаяабаагааран̃жа гаараязд̇и самб̣анд̇хо. барикан̃жааби гад̣̇д̣̇амабарикам̣, уд̣̇агабарикам̣, сугкабарикан̃жа аби гаараяз. зсигам̣ д̣̇ваарагодтаганд̇и наг̇арасобханад̇т̇ам̣ уссаабид̇азсигаат̇амбхан̃жа маханд̇ам̣ годтаган̃жа жад̇убхуумагаад̣̇ид̣̇ваарагодтаган̃жа гаараяз. аддаалагз жа вивид̇хзд̇и жад̇убхуумагаад̣̇ибхзд̣̇з ад̇иужжааддаалагз жа вивид̇хз наанаббагаарагз б̣ахуу гаараяз гаараабзяяаад̇и самб̣анд̇хо.

    526.Pākāraṃ parikhañcāpīti tattha māpitanagare pākāraṃ sudhādhavalaiṭṭhakāmayapākārañca kārayeti sambandho. Parikhañcāpi kaddamaparikhaṃ, udakaparikhaṃ, sukkhaparikhañca api kāraye. Esikaṃ dvārakoṭṭhakanti nagarasobhanatthaṃ ussāpitaesikāthambhañca mahantaṃ koṭṭhakañca catubhūmakādidvārakoṭṭhakañca kāraye. Aṭṭālake ca vividheti catubhūmakādibhede atiuccaaṭṭālake ca vividhe nānappakārake bahū kāraye kārāpeyyāti sambandho.

    527. син̇гхаадагам̣ жажжаран̃жаад̇и на гзвалам̣ баагаараад̣̇аяо гаараяз, син̇гхаадагам̣ жад̇умаг̇г̇асанд̇хин̃жа жажжарам̣ анд̇араавийт̇ин̃жа гаараязд̇и самб̣анд̇хо. сувибхад̇д̇анд̇араабан̣анд̇и судту вибхад̇д̇ам̣ вибхааг̇ад̇о годтаасаванд̇ам̣ анд̇араабан̣ам̣ анзгаабан̣асахассам̣ гаараабзяяаад̇и ад̇т̇о. гаараязяяа сабхам̣ д̇ад̇т̇аад̇и д̇асмим̣ маабид̇анаг̇арз сабхам̣ д̇хаммаад̇хигаран̣асаалам̣ гаараяз. ад̇т̇аанад̇т̇авинижчаяам̣ вад̣дхин̃жа авад̣дхин̃жа винижчаяагаран̣ад̇т̇ам̣ винижчаяасаалам̣ гаараязд̇и самб̣анд̇хо.

    527.Siṅghāṭakaṃ caccarañcāti na kevalaṃ pākārādayo kāraye, siṅghāṭakaṃ catumaggasandhiñca caccaraṃ antarāvīthiñca kārayeti sambandho. Suvibhattantarāpaṇanti suṭṭhu vibhattaṃ vibhāgato koṭṭhāsavantaṃ antarāpaṇaṃ anekāpaṇasahassaṃ kārāpeyyāti attho. Kārayeyya sabhaṃ tatthāti tasmiṃ māpitanagare sabhaṃ dhammādhikaraṇasālaṃ kāraye. Atthānatthavinicchayaṃ vaḍḍhiñca avaḍḍhiñca vinicchayakaraṇatthaṃ vinicchayasālaṃ kārayeti sambandho.

    528. ниг̇гхаад̇ад̇т̇ам̣ амид̇д̇аананд̇и бадирааж̇уунам̣ бадиб̣ааханад̇т̇ам̣. чид̣̇д̣̇аачид̣̇д̣̇ан̃жа ж̇аанид̇унд̇и д̣̇осан̃жа ад̣̇осан̃жа ж̇аанид̇ум̣. б̣алагааяасса рагкааяаад̇и хад̇т̇иассарат̇абад̇д̇исан̇каад̇асса б̣алагааяасса сзнаасамуухасса аарагкан̣ад̇т̇ааяа со наг̇арасаамиго рааж̇аа, сзнаабажжам̣ сзнаабад̇им̣ сзнаанааяагам̣ махаамад̇д̇ам̣ табзд̇и таананд̇арз бад̇идтабзд̇ийд̇и ад̇т̇о.

    528.Nigghātatthaṃ amittānanti paṭirājūnaṃ paṭibāhanatthaṃ. Chiddāchiddañca jānitunti dosañca adosañca jānituṃ. Balakāyassa rakkhāyāti hatthiassarathapattisaṅkhātassa balakāyassa senāsamūhassa ārakkhaṇatthāya so nagarasāmiko rājā, senāpaccaṃ senāpatiṃ senānāyakaṃ mahāmattaṃ ṭhapeti ṭhānantare patiṭṭhapetīti attho.

    529. аарагкад̇т̇ааяа бхан̣д̣ассаад̇и ж̇аад̇аруубараж̇ад̇амуд̇д̇ааман̣иаад̣̇ирааж̇абхан̣д̣асса аарагкан̣ад̇т̇ааяа саманд̇ад̇о г̇обанад̇т̇ааяа мз маяхам̣ бхан̣д̣ам̣ маа винассийд̇и нид̇хаанагусалам̣ рагкан̣з гусалам̣ чзгам̣ нарам̣ бурисам̣ бхан̣д̣арагкам̣ бхан̣д̣арагканд̇ам̣ со рааж̇аа бхан̣д̣ааг̇аарз табзд̇ийд̇и самб̣анд̇хо.

    529.Ārakkhatthāyabhaṇḍassāti jātarūparajatamuttāmaṇiādirājabhaṇḍassa ārakkhaṇatthāya samantato gopanatthāya me mayhaṃ bhaṇḍaṃ mā vinassīti nidhānakusalaṃ rakkhaṇe kusalaṃ chekaṃ naraṃ purisaṃ bhaṇḍarakkhaṃ bhaṇḍarakkhantaṃ so rājā bhaṇḍāgāre ṭhapetīti sambandho.

    530. мамад̇д̇о ход̇и яо ран̃н̃од̇и яо бан̣д̣ид̇о ран̃н̃о мамад̇д̇о маамаго багкабаад̇о ход̇и. вуд̣̇д̇хим̣ яасса жа ижчад̇ийд̇и асса ран̃н̃о вуд̣̇д̇хин̃жа вируул̣хим̣ яо ижчад̇и гаамзд̇и, д̇асса ид̇т̇амбхууд̇асса бан̣д̣ид̇асса рааж̇аа ад̇хигаран̣ам̣ винижчаяаад̇хибажжам̣ д̣̇зд̇и мид̇д̇асса мид̇д̇абхаавасса бадибаж̇ж̇ид̇унд̇и самб̣анд̇хо.

    530.Mamatto hoti yo raññoti yo paṇḍito rañño mamatto māmako pakkhapāto hoti. Vuddhiṃ yassa ca icchatīti assa rañño vuddhiñca virūḷhiṃ yo icchati kāmeti, tassa itthambhūtassa paṇḍitassa rājā adhikaraṇaṃ vinicchayādhipaccaṃ deti mittassa mittabhāvassa paṭipajjitunti sambandho.

    531. уббаад̇зсууд̇и уггаабаад̇ад̣̇исаад̣аахаад̣̇иуббаад̇зсу жа. нимид̇д̇зсууд̇и муусигажчиннаад̣̇ийсу ‘‘ид̣̇ам̣ нимид̇д̇ам̣ субхам̣, ид̣̇ам̣ нимид̇д̇ам̣ асубха’’нд̇и звам̣ нимид̇д̇аж̇аананасад̇т̇зсу жа. лагкан̣зсу жаад̇и ид̇т̇ибурисаанам̣ хад̇т̇абаад̣̇алагкан̣аж̇аананасад̇т̇зсу жа говид̣̇ам̣ чзгам̣ аж̇жхааяагам̣ анзгзсам̣ сиссаанам̣ б̣яаагаран̣аваажагам̣ манд̇ад̇харам̣ взд̣̇ад̇д̇аяасан̇каад̇аманд̇ад̇хаарагам̣ бан̣д̣ид̇ам̣ со рааж̇аа борохижжз бурохид̇адтаананд̇арз табзд̇ийд̇и самб̣анд̇хо.

    531.Uppātesūti ukkāpātadisāḍāhādiuppātesu ca. Nimittesūti mūsikacchinnādīsu ‘‘idaṃ nimittaṃ subhaṃ, idaṃ nimittaṃ asubha’’nti evaṃ nimittajānanasatthesu ca. Lakkhaṇesu cāti itthipurisānaṃ hatthapādalakkhaṇajānanasatthesu ca kovidaṃ chekaṃ ajjhāyakaṃ anekesaṃ sissānaṃ byākaraṇavācakaṃ mantadharaṃ vedattayasaṅkhātamantadhārakaṃ paṇḍitaṃ so rājā porohicce purohitaṭṭhānantare ṭhapetīti sambandho.

    532. зд̇зхан̇г̇зхи самбаннод̇и зд̇зхи вуд̇д̇аббагаарзхи ан̇г̇зхи аваяавзхи самбанно саман̇г̇ийбхууд̇о со рааж̇аа ‘‘кад̇д̇ияо’’д̇и бавужжад̇и гат̇ийяад̇ийд̇и самб̣анд̇хо. сад̣̇аа рагканд̇и рааж̇аананд̇и зд̇з сзнаабажжаад̣̇аяо амажжаа сад̣̇аа саб̣б̣агаалам̣ д̇ам̣ рааж̇аанам̣ рагканд̇и г̇обзнд̇и. гимива? жаггаваагова д̣̇угкид̇ам̣ д̣̇угкаббад̇д̇ам̣ саган̃аад̇им̣ рагканд̇о жаггавааго багкий иваад̇и ад̇т̇о.

    532.Etehaṅgehi sampannoti etehi vuttappakārehi aṅgehi avayavehi sampanno samaṅgībhūto so rājā ‘‘khattiyo’’ti pavuccati kathīyatīti sambandho. Sadā rakkhanti rājānanti ete senāpaccādayo amaccā sadā sabbakālaṃ taṃ rājānaṃ rakkhanti gopenti. Kimiva? Cakkavākova dukkhitaṃ dukkhappattaṃ sakañātiṃ rakkhanto cakkavāko pakkhī ivāti attho.

    533. д̇ат̇зва д̇вам̣ махаавийраад̇и вийруд̇д̇ама, яат̇аа со рааж̇аа сзнаабажжаад̣̇иан̇г̇асамбанно наг̇арад̣̇ваарам̣ т̇агзд̇ваа бадивасад̇и, д̇ат̇зва д̇увам̣ хад̇аамид̇д̇о нихад̇абажжад̇т̇иго кад̇д̇ияо ива сад̣̇звагасса логасса саха д̣̇звзхи бавад̇д̇амаанасса логасса д̇хаммарааж̇аа д̇хаммзна самзна рааж̇аа д̣̇асабаарамид̇аад̇хаммабарибууран̣зна рааж̇абхууд̇ад̇д̇аа ‘‘д̇хаммарааж̇аа’’д̇и бавужжад̇и гат̇ийяад̇ийд̇и самб̣анд̇хо.

    533.Tatheva tvaṃ mahāvīrāti vīruttama, yathā so rājā senāpaccādiaṅgasampanno nagaradvāraṃ thaketvā paṭivasati, tatheva tuvaṃ hatāmitto nihatapaccatthiko khattiyo iva sadevakassa lokassa saha devehi pavattamānassa lokassa dhammarājā dhammena samena rājā dasapāramitādhammaparipūraṇena rājabhūtattā ‘‘dhammarājā’’ti pavuccati kathīyatīti sambandho.

    534. д̇ид̇т̇ияз нийхарид̇ваанаад̇и д̇хаммарааж̇абхаавзна бадибагкабхууд̇з сагалад̇ид̇т̇ияз нийхарид̇ваа ниссзсзна харид̇ваа ниб̣б̣исзванам̣ гад̇ваа сасзнагам̣ д̇хааран̃жааби сзнааяа саха васавад̇д̇имаарамби нийхарид̇ваа . д̇аманд̇хагаарам̣ вид̇хамид̇ваад̇и д̇амасан̇каад̇ам̣ моханд̇хагаарам̣ вид̇хамид̇ваа вид̣̇д̇хам̣сзд̇ваа. д̇хамманаг̇арам̣ сад̇д̇ад̇им̣саб̣од̇хибагкияад̇хаммасан̇каад̇ам̣, канд̇хааяад̇анад̇хаад̇убадижжасамуббаад̣̇аб̣алаб̣ож̇жхан̇г̇аг̇амбхийранаяасаманд̇абадтаанад̇хаммасан̇каад̇ам̣ ваа наг̇арам̣ амаабаяи ниммини бад̇идтаабзсийд̇и ад̇т̇о.

    534.Titthiye nīharitvānāti dhammarājabhāvena paṭipakkhabhūte sakalatitthiye nīharitvā nissesena haritvā nibbisevanaṃ katvā sasenakaṃ dhārañcāpi senāya saha vasavattimārampi nīharitvā . Tamandhakāraṃvidhamitvāti tamasaṅkhātaṃ mohandhakāraṃ vidhamitvā viddhaṃsetvā. Dhammanagaraṃ sattatiṃsabodhipakkhiyadhammasaṅkhātaṃ, khandhāyatanadhātupaṭiccasamuppādabalabojjhaṅgagambhīranayasamantapaṭṭhānadhammasaṅkhātaṃ vā nagaraṃ amāpayi nimmini patiṭṭhāpesīti attho.

    535. сийлам̣ баагаарагам̣ д̇ад̇т̇аад̇и д̇асмим̣ бад̇идтаабид̇з д̇хамманаг̇арз жад̇убаарисуд̣̇д̇хисийлам̣ баагаарам̣. н̃аан̣ам̣ д̇з д̣̇ваарагодтаганд̇и д̇з д̇уяхам̣ саб̣б̣ан̃н̃уд̇ан̃н̃аан̣ааасаяаанусаяан̃аан̣аанааг̇ад̇ам̣сан̃аан̣аад̇ийд̇ам̣сан̃аан̣аад̣̇игамзва н̃аан̣ам̣ д̣̇ваарагодтаганд̇и ад̇т̇о. сад̣̇д̇хаа д̇з зсигаа вийраад̇и, бханд̇з, асит̇илабараггама д̇з д̇уяхам̣ д̣̇ийбан̇гарабаад̣̇амуулад̇о бабхуд̇и саб̣б̣ан̃н̃уд̇ан̃н̃аан̣агааран̣аа сад̣̇д̣̇аханасад̣̇д̇хаа уссаабид̇аалан̇гаараалан̇гад̇ат̇амбход̇и ад̇т̇о. д̣̇ваарабаало жа сам̣варод̇и д̇з д̇уяхам̣ чад̣̇вааригасам̣варо рагкааваран̣аг̇уд̇д̇и д̣̇ваарабаало д̣̇ваарарагкагод̇и ад̇т̇о.

    535.Sīlaṃ pākārakaṃ tatthāti tasmiṃ patiṭṭhāpite dhammanagare catupārisuddhisīlaṃ pākāraṃ. Ñāṇaṃ te dvārakoṭṭhakanti te tuyhaṃ sabbaññutaññāṇaāsayānusayañāṇaanāgataṃsañāṇaatītaṃsañāṇādikameva ñāṇaṃ dvārakoṭṭhakanti attho. Saddhā te esikā vīrāti, bhante, asithilaparakkama te tuyhaṃ dīpaṅkarapādamūlato pabhuti sabbaññutaññāṇakāraṇā saddahanasaddhā ussāpitaalaṅkāraalaṅkatathambhoti attho. Dvārapālo ca saṃvaroti te tuyhaṃ chadvārikasaṃvaro rakkhāvaraṇagutti dvārapālo dvārarakkhakoti attho.

    536. сад̇ибадтаанамаддааланд̇и д̇з д̇уяхам̣ жад̇усад̇ибадтаанааддааламун̣д̣ажчад̣̇анам̣. бан̃н̃аа д̇з жажжарам̣ мунзд̇и, бханд̇з, мунз н̃аан̣аванд̇а д̇з д̇уяхам̣ баадихаарияаад̣̇ианзгавид̇хаа бан̃н̃аа жажжарам̣ маг̇г̇асамод̇хаанам̣ наг̇аравийт̇ийд̇и ад̇т̇о. ид̣̇д̇хибаад̣̇ан̃жа син̇гхааданд̇и д̇уяхам̣ чанд̣̇авийрияажид̇д̇авиймам̣сасан̇каад̇аа жад̇д̇ааро ид̣̇д̇хибаад̣̇аа син̇гхаадам̣ жад̇умаг̇г̇асанд̇и. д̇хаммавийт̇и сумаабид̇анд̇и сад̇д̇ад̇им̣саб̣од̇хибагкияад̇хаммасан̇каад̇ааяа вийт̇ияаа судту маабид̇ам̣ саж̇ж̇ид̇ам̣, д̇ам̣ д̇хамманаг̇аранд̇и ад̇т̇о.

    536.Satipaṭṭhānamaṭṭālanti te tuyhaṃ catusatipaṭṭhānaaṭṭālamuṇḍacchadanaṃ. Paññā te caccaraṃ muneti, bhante, mune ñāṇavanta te tuyhaṃ pāṭihāriyādianekavidhā paññā caccaraṃ maggasamodhānaṃ nagaravīthīti attho. Iddhipādañca siṅghāṭanti tuyhaṃ chandavīriyacittavīmaṃsasaṅkhātā cattāro iddhipādā siṅghāṭaṃ catumaggasanti. Dhammavīthi sumāpitanti sattatiṃsabodhipakkhiyadhammasaṅkhātāya vīthiyā suṭṭhu māpitaṃ sajjitaṃ, taṃ dhammanagaranti attho.

    537. суд̇д̇анд̇ам̣ абхид̇хамман̃жаад̇и д̇ава д̇уяхам̣ зд̇т̇а д̇хамманаг̇арз суд̇д̇анд̇ам̣ абхид̇хаммам̣ винаяан̃жа гзвалам̣ сагалам̣ суд̇д̇аг̇зяяаад̣̇игам̣ наван̇г̇ам̣ б̣уд̣̇д̇хаважанам̣ д̇хаммасабхаа д̇хаммаад̇хигаран̣асаалаад̇и ад̇т̇о.

    537.Suttantaṃ abhidhammañcāti tava tuyhaṃ ettha dhammanagare suttantaṃ abhidhammaṃ vinayañca kevalaṃ sakalaṃ suttageyyādikaṃ navaṅgaṃ buddhavacanaṃ dhammasabhā dhammādhikaraṇasālāti attho.

    538. сун̃н̃ад̇ам̣ анимид̇д̇ан̃жаад̇и анад̇д̇аанубассанаавасзна бадилад̣̇д̇хам̣ сун̃н̃ад̇авихааран̃жа, анижжаанубассанаавасзна бадилад̣̇д̇хам̣ анимид̇д̇авихааран̃жа. вихааран̃жаббан̣ихид̇анд̇и д̣̇угкаанубассанаавасзна бадилад̣̇д̇хам̣ аббан̣ихид̇авихааран̃жа. аанзн̃ж̇ан̃жаад̇и ажалам̣ апанд̣̇ид̇ам̣ жад̇усааман̃н̃апаласан̇каад̇ам̣ аанзн̃ж̇авихааран̃жа. нирод̇хо жаад̇и саб̣б̣ад̣̇угканирод̇хам̣ ниб̣б̣аанан̃жа. зсаа д̇хаммагудий д̇аваад̇и зсаа саб̣б̣анавалогуд̇д̇арад̇хаммасан̇каад̇аа д̇ава д̇уяхам̣ д̇хаммагуди васанаг̇зханд̇и ад̇т̇о.

    538.Suññataṃ animittañcāti anattānupassanāvasena paṭiladdhaṃ suññatavihārañca, aniccānupassanāvasena paṭiladdhaṃ animittavihārañca. Vihārañcappaṇihitanti dukkhānupassanāvasena paṭiladdhaṃ appaṇihitavihārañca. Āneñjañcāti acalaṃ aphanditaṃ catusāmaññaphalasaṅkhātaṃ āneñjavihārañca. Nirodho cāti sabbadukkhanirodhaṃ nibbānañca. Esā dhammakuṭī tavāti esā sabbanavalokuttaradhammasaṅkhātā tava tuyhaṃ dhammakuṭi vasanagehanti attho.

    539. бан̃н̃ааяа аг̇г̇о нигкид̇д̇од̇и бан̃н̃аавасзна бан̃н̃аванд̇аанам̣ аг̇г̇о. ид̇и бхаг̇авад̇аа нигкид̇д̇о табид̇о т̇зро бадибхаанз жа бан̃н̃ааяа гад̇д̇аб̣б̣з гижжз, яуд̇д̇амуд̇д̇абадибхаанз ваа говид̣̇о чзго наамзна саарибуд̇д̇од̇и баагадо д̇ава д̇уяхам̣ д̇хаммасзнаабад̇и д̇аяаа д̣̇зсид̇асса бидагад̇д̇аяад̇хаммасамуухасса д̇хааран̣ад̇о бад̇и бад̇хаано худ̇ваа сзнаагижжам̣ гарод̇ийд̇и ад̇т̇о.

    539.Paññāyaaggo nikkhittoti paññāvasena paññavantānaṃ aggo. Iti bhagavatā nikkhitto ṭhapito thero paṭibhāne ca paññāya kattabbe kicce, yuttamuttapaṭibhāne vā kovido cheko nāmena sāriputtoti pākaṭo tava tuyhaṃ dhammasenāpati tayā desitassa piṭakattayadhammasamūhassa dhāraṇato pati padhāno hutvā senākiccaṃ karotīti attho.

    540. жуд̇уубабаад̇агусалод̇и бханд̇з муни, жуд̇уубабаад̇з жуд̇ияаа убабад̇д̇ияаа жа гусало чзго. ид̣̇д̇хияаа баарамим̣ г̇ад̇од̇и ‘‘згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇ий’’д̇иаад̣̇инаа (д̣̇ий. ни. 1.238; бади. ма. 1.102) вуд̇д̇ааяа ид̣̇д̇хиббабхзд̣̇ааяа баарамим̣ барияосаанам̣ г̇ад̇о бад̇д̇о наамзна голид̇о наама мог̇г̇аллаанад̇т̇зро борохижжо д̇ава д̇уяхам̣ бурохид̇од̇и самб̣анд̇хо.

    540.Cutūpapātakusaloti bhante muni, cutūpapāte cutiyā upapattiyā ca kusalo cheko. Iddhiyā pāramiṃ gatoti ‘‘ekopi hutvā bahudhā hoti, bahudhāpi hutvā eko hotī’’tiādinā (dī. ni. 1.238; paṭi. ma. 1.102) vuttāya iddhippabhedāya pāramiṃ pariyosānaṃ gato patto nāmena kolito nāma moggallānatthero porohicco tava tuyhaṃ purohitoti sambandho.

    541. бораан̣агавам̣сад̇харод̇и бханд̇з мунз, н̃аан̣аванд̇ам̣ бораан̣асса вам̣сасса д̇хаараго, барамбараж̇аананаго ваа уг̇г̇ад̇зж̇о баагадад̇зж̇о, д̣̇ураасад̣̇о аасаад̣̇зд̇ум̣ гхаддзд̇ум̣ д̣̇угко асаггун̣зяяод̇и ад̇т̇о. д̇худ̇аваад̣̇иг̇ун̣знаг̇г̇од̇и д̇зжийвариган̇г̇аад̣̇ийни д̇зраса д̇худ̇ан̇г̇аани вад̣̇ад̇и овад̣̇ад̇ийд̇и д̇худ̇аваад̣̇ийг̇ун̣зна д̇худ̇ан̇г̇аг̇ун̣зна аг̇г̇о сздто махаагассабад̇т̇зро д̇ава д̇уяхам̣ агкад̣̇ассо вохаарагаран̣з бад̇хаанод̇и ад̇т̇о.

    541.Porāṇakavaṃsadharoti bhante mune, ñāṇavantaṃ porāṇassa vaṃsassa dhārako, paramparajānanako vā uggatejo pākaṭatejo, durāsado āsādetuṃ ghaṭṭetuṃ dukkho asakkuṇeyyoti attho. Dhutavādiguṇenaggoti tecīvarikaṅgādīni terasa dhutaṅgāni vadati ovadatīti dhutavādīguṇena dhutaṅgaguṇena aggo seṭṭho mahākassapatthero tava tuyhaṃ akkhadasso vohārakaraṇe padhānoti attho.

    542. б̣ахуссуд̇о д̇хаммад̇харод̇и бханд̇з мунз, б̣ахуунам̣ жад̇ураасийд̇ид̇хаммагканд̇хасахассаанам̣ суд̇ад̇д̇аа бхаг̇авад̇аа бхигкусан̇гхад̇о жа уг̇г̇ахид̇ад̇д̇аа б̣ахуссуд̇о анзгзсам̣ часад̇асахассасан̇кяаанам̣ ааг̇амад̇хаммаанам̣ сад̇ибадтаанаад̣̇ийнан̃жа барамад̇т̇ад̇хаммаанам̣ д̇хааран̣ад̇о д̇хаммад̇харо аананд̣̇о. саб̣б̣абаатий жа саасанзд̇и б̣уд̣̇д̇хасаасанз саб̣б̣зсам̣ баатийнам̣ батанд̇аанам̣ саж̇жхааяанд̇аанам̣ бхигкуунам̣ аг̇г̇о сздтод̇и саб̣б̣абаатий наамзна аананд̣̇о наама т̇зро. д̇хаммаарагко д̇аваад̇и д̇ава д̇уяхам̣ д̇хаммасса бидагад̇д̇аяад̇хаммабхан̣д̣асса аарагко рагкаго баалаго, д̇хаммабхан̣д̣ааг̇ааригод̇и ад̇т̇о.

    542.Bahussuto dhammadharoti bhante mune, bahūnaṃ caturāsītidhammakkhandhasahassānaṃ sutattā bhagavatā bhikkhusaṅghato ca uggahitattā bahussuto anekesaṃ chasatasahassasaṅkhyānaṃ āgamadhammānaṃ satipaṭṭhānādīnañca paramatthadhammānaṃ dhāraṇato dhammadharo ānando. Sabbapāṭhī ca sāsaneti buddhasāsane sabbesaṃ pāṭhīnaṃ paṭhantānaṃ sajjhāyantānaṃ bhikkhūnaṃ aggo seṭṭhoti sabbapāṭhī nāmena ānando nāma thero. Dhammārakkho tavāti tava tuyhaṃ dhammassa piṭakattayadhammabhaṇḍassa ārakkho rakkhako pālako, dhammabhaṇḍāgārikoti attho.

    543. зд̇з саб̣б̣з ад̇иггаммаад̇и бхаг̇аваа бхаг̇яаваа саммаасамб̣уд̣̇д̇хо зд̇з саарибуд̇д̇аад̣̇аяо махаанубхаавзби т̇зрз ад̇иггамма важ̇ж̇зд̇ваа мамам̣язва бамзси бамаан̣ам̣ агааси, манаси агаасийд̇и ад̇т̇о. винижчаяам̣ мз баад̣̇аасийд̇и винаяан̃н̃уухи бан̣д̣ид̇зхи д̣̇зсид̇ам̣ багаасид̇ам̣ винаяз винижчаяам̣ д̣̇осавижааран̣ам̣ мз маяхам̣ бхаг̇аваа баад̣̇ааси багаарзна ад̣̇ааси, маяхамзва бхаарам̣ агаасийд̇и самб̣анд̇хо.

    543.Etesabbe atikkammāti bhagavā bhagyavā sammāsambuddho ete sāriputtādayo mahānubhāvepi there atikkamma vajjetvā mamaṃyeva pamesi pamāṇaṃ akāsi, manasi akāsīti attho. Vinicchayaṃ me pādāsīti vinayaññūhi paṇḍitehi desitaṃ pakāsitaṃ vinaye vinicchayaṃ dosavicāraṇaṃ me mayhaṃ bhagavā pādāsi pakārena adāsi, mayhameva bhāraṃ akāsīti sambandho.

    544. яо гожи винаяз бан̃ханд̇и яо гожи бхигку б̣уд̣̇д̇хасааваго винаяаниссид̇ам̣ бан̃хам̣ мам̣ бужчад̇и, д̇ад̇т̇а д̇асмим̣ бужчид̇абан̃хз мз маяхам̣ жинд̇анаа вимад̇и ган̇каа над̇т̇и. д̇ан̃хзвад̇т̇ам̣ д̇ам̣ зва бужчид̇ам̣ ад̇т̇ам̣ ахам̣ гат̇змийд̇и самб̣анд̇хо.

    544.Yo koci vinaye pañhanti yo koci bhikkhu buddhasāvako vinayanissitaṃ pañhaṃ maṃ pucchati, tattha tasmiṃ pucchitapañhe me mayhaṃ cintanā vimati kaṅkhā natthi. Tañhevatthaṃ taṃ eva pucchitaṃ atthaṃ ahaṃ kathemīti sambandho.

    545. яаавад̇аа б̣уд̣̇д̇хакзд̇д̇амхийд̇и яаавад̇аа яад̇д̇агз таанз б̣уд̣̇д̇хасса аан̣аакзд̇д̇з д̇ам̣ махаамуним̣ саммаасамб̣уд̣̇д̇хам̣ табзд̇ваа винаяз винаяабидагз винаяавинижчаяагаран̣з ваа маад̣̇исо маяаа сад̣̇исо над̇т̇и, ахамзва аг̇г̇о, бхияяо мамаад̇хиго гуд̇о бхависсад̇ийд̇и самб̣анд̇хо.

    545.Yāvatā buddhakhettamhīti yāvatā yattake ṭhāne buddhassa āṇākhette taṃ mahāmuniṃ sammāsambuddhaṃ ṭhapetvā vinaye vinayapiṭake vinayavinicchayakaraṇe vā mādiso mayā sadiso natthi, ahameva aggo, bhiyyo mamādhiko kuto bhavissatīti sambandho.

    546. бхигкусан̇гхз нисийд̣̇ид̇ваа бхигкусан̇гхамаж̇жхз нисинно г̇од̇амо бхаг̇аваа звам̣ г̇аж̇ж̇ад̇и сийханаад̣̇ам̣ гарод̇и. гат̇ам̣? винаяз убхад̇овибхан̇г̇з, канд̇хагзсу махааваг̇г̇ажуул̣аваг̇г̇зсу, жа-сад̣̇д̣̇зна бариваарз, убаалисса убаалинаа само сад̣̇исо над̇т̇ийд̇и звам̣ г̇аж̇ж̇ад̇и.

    546.Bhikkhusaṅghe nisīditvā bhikkhusaṅghamajjhe nisinno gotamo bhagavā evaṃ gajjati sīhanādaṃ karoti. Kathaṃ? Vinaye ubhatovibhaṅge, khandhakesu mahāvaggacūḷavaggesu, ca-saddena parivāre, upālissa upālinā samo sadiso natthīti evaṃ gajjati.

    547. яаавад̇аад̇и яад̇д̇агам̣ б̣уд̣̇д̇хабхан̣ид̇ам̣ б̣уд̣̇д̇хзна д̣̇зсид̇ам̣ наван̇г̇ам̣ суд̇д̇аг̇зяяаад̣̇исад̇т̇усаасанам̣ сад̇т̇унаа багаасид̇ам̣ саб̣б̣ам̣ винаяог̇ад̇хам̣ д̇ам̣ винаяз анд̇обавидтам̣ винаяамуулагам̣ ижжзвам̣ бассино бассанд̇асса.

    547.Yāvatāti yattakaṃ buddhabhaṇitaṃ buddhena desitaṃ navaṅgaṃ suttageyyādisatthusāsanaṃ satthunā pakāsitaṃ sabbaṃ vinayogadhaṃ taṃ vinaye antopaviṭṭhaṃ vinayamūlakaṃ iccevaṃ passino passantassa.

    548. мама гаммам̣ сарид̇ваанаад̇и г̇од̇амо сагяабун̇г̇аво сагяавам̣саббад̇хаано, мама гаммам̣ маяхам̣ буб̣б̣абад̇т̇анаагаммам̣ ад̇ийд̇ам̣сан̃аан̣зна сарид̇ваана бажжагкад̇о н̃ад̇ваа бхигкусан̇гхамаж̇жхз г̇ад̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣ убаалий’’д̇и (а. ни. 1.219, 228) мам̣ зд̇ад̣̇аг̇г̇з таанз табзсийд̇и самб̣анд̇хо.

    548.Mama kammaṃ saritvānāti gotamo sakyapuṅgavo sakyavaṃsappadhāno, mama kammaṃ mayhaṃ pubbapatthanākammaṃ atītaṃsañāṇena saritvāna paccakkhato ñatvā bhikkhusaṅghamajjhe gato ‘‘etadaggaṃ, bhikkhave, mama sāvakānaṃ bhikkhūnaṃ vinayadharānaṃ yadidaṃ upālī’’ti (a. ni. 1.219, 228) maṃ etadagge ṭhāne ṭhapesīti sambandho.

    549. сад̇асахассубаад̣̇ааяаад̇и сад̇асахассагаббз аад̣̇им̣ гад̇ваа яам̣ имам̣ таанам̣ абад̇т̇аяим̣ бад̇т̇зсим̣, со мз ад̇т̇о маяаа ануббад̇д̇о ад̇хиг̇ад̇о бадилад̣̇д̇хо винаяз баарамим̣ г̇ад̇о годим̣ бад̇д̇од̇и ад̇т̇о.

    549.Satasahassupādāyāti satasahassakappe ādiṃ katvā yaṃ imaṃ ṭhānaṃ apatthayiṃ patthesiṃ, so me attho mayā anuppatto adhigato paṭiladdho vinaye pāramiṃ gato koṭiṃ pattoti attho.

    550. сагяаанам̣ сагяавам̣сарааж̇уунам̣ нанд̣̇иж̇анано соманассагаараго ахам̣ бурз буб̣б̣з габбаго аасим̣ ахосим̣, д̇ам̣ ж̇аад̇им̣ д̇ам̣ гулам̣ д̇ам̣ яоним̣ виж̇ахид̇ваа висзсзна ж̇ахид̇ваа чад̣д̣зд̇ваа махзсино саммаасамб̣уд̣̇д̇хасса буд̇д̇о ж̇аад̇о сагяабуд̇д̇од̇и сан̇кяам̣ г̇ад̇о саасанад̇хааран̣ад̇од̇и ад̇т̇о.

    550.Sakyānaṃ sakyavaṃsarājūnaṃ nandijanano somanassakārako ahaṃ pure pubbe kappako āsiṃ ahosiṃ, taṃ jātiṃ taṃ kulaṃ taṃ yoniṃ vijahitvā visesena jahitvā chaḍḍetvā mahesino sammāsambuddhassa putto jāto sakyaputtoti saṅkhyaṃ gato sāsanadhāraṇatoti attho.

    551. д̇ад̇о барам̣ ад̇д̇ано д̣̇аасагулз ниб̣б̣ад̇д̇анаабад̣̇аанам̣ д̣̇ассзнд̇о ид̇о д̣̇уд̇ияагз габбзд̇иаад̣̇имааха. д̇ад̇т̇а ид̇о бхад̣̇д̣̇агаббад̇о хздтаа д̣̇уд̇ияз габбз наамзна ан̃ж̇асо наама кад̇д̇ияо зго рааж̇аа ананд̇ад̇зж̇о сан̇кяаад̇игганд̇ад̇зж̇о амид̇аяасо бамаан̣аад̇игганд̇абаривааро махад̣̇д̇хано анзгагодисад̇асахассад̇ханаваа бхуумибаало бат̇авийбаалаго рагкаго ахосийд̇и самб̣анд̇хо.

    551. Tato paraṃ attano dāsakule nibbattanāpadānaṃ dassento ito dutiyake kappetiādimāha. Tattha ito bhaddakappato heṭṭhā dutiye kappe nāmena añjaso nāma khattiyo eko rājā anantatejo saṅkhyātikkantatejo amitayaso pamāṇātikkantaparivāro mahaddhano anekakoṭisatasahassadhanavā bhūmipālo pathavīpālako rakkhako ahosīti sambandho.

    552. д̇асса ран̃н̃од̇и д̇асса д̇аад̣̇исасса рааж̇ино буд̇д̇о ахам̣ жанд̣̇ано наама кад̇д̇ияо кад̇д̇ияагумааро ахосинд̇и самб̣анд̇хо. со ахам̣ ж̇аад̇имад̣̇зна жа яасамад̣̇зна жа бхог̇амад̣̇зна жа убад̇т̇ад̣̇д̇хо т̇амбхид̇о уннад̇од̇и ад̇т̇о.

    552.Tassa raññoti tassa tādisassa rājino putto ahaṃ candano nāma khattiyo khattiyakumāro ahosinti sambandho. So ahaṃ jātimadena ca yasamadena ca bhogamadena ca upatthaddho thambhito unnatoti attho.

    553. нааг̇асад̇асахассаанийд̇и сад̇асахассахад̇т̇ино маад̇ан̇г̇аа маад̇ан̇г̇агулз ж̇аад̇аа д̇ид̇хаа бабхиннаа агкиган̣н̣агосасан̇каад̇зхи д̇ийхи таанзхи бабхиннаа мад̣̇аг̇ал̣ид̇аа саб̣б̣аалан̇гаарабхуусид̇аа саб̣б̣зхи хад̇т̇аалан̇гаарзхи алан̇гад̇аа сад̣̇аа саб̣б̣агаалам̣ мам̣ бариваарзнд̇ийд̇и самб̣анд̇хо.

    553.Nāgasatasahassānīti satasahassahatthino mātaṅgā mātaṅgakule jātā tidhā pabhinnā akkhikaṇṇakosasaṅkhātehi tīhi ṭhānehi pabhinnā madagaḷitā sabbālaṅkārabhūsitā sabbehi hatthālaṅkārehi alaṅkatā sadā sabbakālaṃ maṃ parivārentīti sambandho.

    554. саб̣алзхи барзд̇оханд̇и д̇ад̣̇аа д̇асмим̣ гаалз ахам̣ саб̣алзхи ад̇д̇ано сзнааб̣алзхи барзд̇о бариваарид̇о уяяаанам̣ г̇анд̇угаамаго ижчанд̇о сиригам̣ наама нааг̇ам̣ хад̇т̇им̣ ааруяха абхирухид̇ваа наг̇арад̇о нигкаминд̇и самб̣анд̇хо.

    554.Sabalehi paretohanti tadā tasmiṃ kāle ahaṃ sabalehi attano senābalehi pareto parivārito uyyānaṃ gantukāmako icchanto sirikaṃ nāma nāgaṃ hatthiṃ āruyha abhiruhitvā nagarato nikkhaminti sambandho.

    555. жаран̣зна жа самбаннод̇и сийласам̣вараад̣̇ибаннарасажаран̣ад̇хаммзна саманнааг̇ад̇о г̇уд̇д̇ад̣̇вааро бихид̇ажагкаад̣̇ичад̣̇вааро сусам̣вуд̇о судту рагкид̇агааяажид̇д̇о д̣̇звало наама самб̣уд̣̇д̇хо бажжзгасамб̣уд̣̇д̇хо, мама маяхам̣ бурад̇о саммукз ааг̇ажчи баабун̣ийд̇и ад̇т̇о.

    555.Caraṇena ca sampannoti sīlasaṃvarādipannarasacaraṇadhammena samannāgato guttadvāro pihitacakkhādichadvāro susaṃvuto suṭṭhu rakkhitakāyacitto devalo nāma sambuddho paccekasambuddho, mama mayhaṃ purato sammukhe āgacchi pāpuṇīti attho.

    556. бзсзд̇ваа сиригам̣ нааг̇анд̇и д̇ам̣ ааг̇ад̇ам̣ бажжзгаб̣уд̣̇д̇хам̣ д̣̇исваа ахам̣ сиригам̣ наама нааг̇ам̣ абхимукам̣ бзсзд̇ваа б̣уд̣̇д̇хам̣ аасаад̣̇аяим̣ гхаддзсим̣ бад̣̇уссзсинд̇и ад̇т̇о. д̇ад̇о сан̃ж̇аад̇агобо сод̇и д̇ад̇о д̇асмаа маяаа ад̇ийва бийл̣зд̇ваа бзсид̇ад̇д̇аа со хад̇т̇инааг̇о маяи сан̃ж̇аад̇агобо бад̣̇ам̣ ад̇д̇ано баад̣̇ам̣ нуд̣̇д̇харад̇з на уд̣̇д̇харад̇и, нижжалова ход̇ийд̇и ад̇т̇о.

    556.Pesetvāsirikaṃ nāganti taṃ āgataṃ paccekabuddhaṃ disvā ahaṃ sirikaṃ nāma nāgaṃ abhimukhaṃ pesetvā buddhaṃ āsādayiṃ ghaṭṭesiṃ padussesinti attho. Tato sañjātakopo soti tato tasmā mayā atīva pīḷetvā pesitattā so hatthināgo mayi sañjātakopo padaṃ attano pādaṃ nuddharate na uddharati, niccalova hotīti attho.

    557. нааг̇ам̣ д̣̇удтаманам̣ д̣̇исваад̇и д̣̇удтаманам̣ гуд̣̇д̇хажид̇д̇ам̣ наад̣̇ам̣ д̣̇исваа ахам̣ б̣уд̣̇д̇хз бажжзгаб̣уд̣̇д̇хз гобам̣ агаасим̣ д̣̇осам̣ уббаад̣̇зсинд̇и ад̇т̇о. вихзсаяид̇ваа самб̣уд̣̇д̇ханд̇и д̣̇звалам̣ бажжзгасамб̣уд̣̇д̇хам̣ вихзсаяид̇ваа вихзтзд̇ваа ахам̣ уяяаанам̣ аг̇амаасинд̇и самб̣анд̇хо.

    557.Nāgaṃ duṭṭhamanaṃ disvāti duṭṭhamanaṃ kuddhacittaṃ nādaṃ disvā ahaṃ buddhe paccekabuddhe kopaṃ akāsiṃ dosaṃ uppādesinti attho. Vihesayitvā sambuddhanti devalaṃ paccekasambuddhaṃ vihesayitvā viheṭhetvā ahaṃ uyyānaṃ agamāsinti sambandho.

    558. саад̇ам̣ д̇ад̇т̇а на винд̣̇аамийд̇и д̇асмим̣ аасаад̣̇анз саад̇ам̣ на винд̣̇аами. аасаад̣̇ананимид̇д̇ам̣ мад̇хурам̣ сукам̣ на лабхаамийд̇и ад̇т̇о. сиро баж̇ж̇алид̇о яат̇аад̇и сиро мама сийсам̣ баж̇ж̇алид̇о яат̇аа баж̇ж̇аламаанам̣ вияа ход̇ийд̇и ад̇т̇о. барил̣аахзна д̣аяхаамийд̇и бажжзгаб̣уд̣̇д̇хз гобасса гад̇ад̇д̇аа бажчаануд̇аабабарил̣аахзна д̣аяхаами ун̣хажид̇д̇о хомийд̇и ад̇т̇о.

    558.Sātaṃ tattha na vindāmīti tasmiṃ āsādane sātaṃ na vindāmi. Āsādananimittaṃ madhuraṃ sukhaṃ na labhāmīti attho. Siro pajjalito yathāti siro mama sīsaṃ pajjalito yathā pajjalamānaṃ viya hotīti attho. Pariḷāhena ḍayhāmīti paccekabuddhe kopassa katattā pacchānutāpapariḷāhena ḍayhāmi uṇhacitto homīti attho.

    559. сасааг̇аранд̇аад̇и д̇знзва баабагаммаб̣алзна сасааг̇аранд̇аа сааг̇арабарияосаанаа сагаламахаабат̇авий мз маяхам̣ аад̣̇ид̇д̇аа вияа ж̇алид̇аа вияа ход̇и кааяад̇ийд̇и ад̇т̇о. бид̇у санд̇игубааг̇аммаад̇и звам̣ бхаяз уббаннз ахам̣ ад̇д̇ано бид̇у ран̃н̃о санд̇игам̣ убааг̇амма убаг̇анд̇ваа ид̣̇ам̣ важанам̣ аб̣равим̣ гат̇зсинд̇и ад̇т̇о.

    559.Sasāgarantāti teneva pāpakammabalena sasāgarantā sāgarapariyosānā sakalamahāpathavī me mayhaṃ ādittā viya jalitā viya hoti khāyatīti attho. Pitu santikupāgammāti evaṃ bhaye uppanne ahaṃ attano pitu rañño santikaṃ upāgamma upagantvā idaṃ vacanaṃ abraviṃ kathesinti attho.

    560. аасийвисам̣ва губид̇анд̇и аасийвисам̣ саб̣б̣ам̣ губид̇ам̣ гуд̣̇д̇хам̣ ива ж̇аламаанам̣ аг̇г̇игканд̇хам̣ ива мад̇д̇ам̣ д̇ид̇хаа бабхиннам̣ д̣̇анд̇им̣ д̣̇анд̇аванд̇ам̣ гун̃ж̇арам̣ уд̇д̇амам̣ хад̇т̇им̣ ива жа ааг̇ад̇ам̣ яам̣ бажжзгаб̣уд̣̇д̇хам̣ саяамбхум̣ саяамзва б̣уд̣̇д̇хабхууд̇ам̣ ахам̣ аасаад̣̇аяим̣ гхаддзсинд̇и самб̣анд̇хо.

    560.Āsīvisaṃvakupitanti āsīvisaṃ sabbaṃ kupitaṃ kuddhaṃ iva jalamānaṃ aggikkhandhaṃ iva mattaṃ tidhā pabhinnaṃ dantiṃ dantavantaṃ kuñjaraṃ uttamaṃ hatthiṃ iva ca āgataṃ yaṃ paccekabuddhaṃ sayambhuṃ sayameva buddhabhūtaṃ ahaṃ āsādayiṃ ghaṭṭesinti sambandho.

    561. аасаад̣̇ид̇о маяаа б̣уд̣̇д̇ход̇и со бажжзгаб̣уд̣̇д̇хо маяаа аасаад̣̇ид̇о гхаддид̇о гхоро ан̃н̃зхи гхаддзд̇ум̣ асаггун̣зяяад̇д̇аа гхоро, уг̇г̇ад̇або баагадад̇або ж̇ино бан̃жа маарз ж̇ид̇аваа звам̣г̇ун̣асамбанно бажжзгаб̣уд̣̇д̇хо маяаа гхаддид̇од̇и ад̇т̇о. бураа саб̣б̣з винассаамаад̇и д̇асмим̣ бажжзгаб̣уд̣̇д̇хз гад̇аанаад̣̇арзна саб̣б̣з маяам̣ винассаама вивид̇хзнаагаарзна нассаама, бхасмаа вияа бхаваамаад̇и ад̇т̇о. камаабзссаама д̇ам̣ мунинд̇и д̇ам̣ бажжзгаб̣уд̣̇д̇хам̣ муним̣ яаава на винассаама, д̇аава камаабзссаамаад̇и самб̣анд̇хо.

    561.Āsādito mayā buddhoti so paccekabuddho mayā āsādito ghaṭṭito ghoro aññehi ghaṭṭetuṃ asakkuṇeyyattā ghoro, uggatapo pākaṭatapo jino pañca māre jitavā evaṃguṇasampanno paccekabuddho mayā ghaṭṭitoti attho. Purā sabbe vinassāmāti tasmiṃ paccekabuddhe kataanādarena sabbe mayaṃ vinassāma vividhenākārena nassāma, bhasmā viya bhavāmāti attho. Khamāpessāma taṃ muninti taṃ paccekabuddhaṃ muniṃ yāva na vinassāma, tāva khamāpessāmāti sambandho.

    562. но жз д̇ам̣ ниж̇жхаабзссаамаад̇и ад̇д̇ад̣̇анд̇ам̣ д̣̇амид̇ажид̇д̇ам̣ самаахид̇ам̣ згаг̇г̇ажид̇д̇ам̣ д̇ам̣ бажжзгаб̣уд̣̇д̇хам̣ но жз ниж̇жхаабзссаама камаабзссаама. орзна сад̇д̇ад̣̇ивасаа сад̇д̇ад̣̇ивасад̇о орабхааг̇з сад̇д̇ад̣̇ивасз анад̇иггамид̇ваа самбун̣н̣ам̣ радтам̣ мз саб̣б̣ам̣ вид̇хамиссад̇и винассиссад̇и.

    562.No ce taṃ nijjhāpessāmāti attadantaṃ damitacittaṃ samāhitaṃ ekaggacittaṃ taṃ paccekabuddhaṃ no ce nijjhāpessāma khamāpessāma. Orena sattadivasā sattadivasato orabhāge sattadivase anatikkamitvā sampuṇṇaṃ raṭṭhaṃ me sabbaṃ vidhamissati vinassissati.

    563. сумзкало госияо жаад̇и зд̇з сумзкалаад̣̇аяо жад̇д̇ааро рааж̇аано исаяо аасаад̣̇аяид̇ваа гхаддзд̇ваа анаад̣̇арам̣ гад̇ваа сарадтагаа саха радтаж̇анабад̣̇аваасийхи д̣̇уг̇г̇ад̇аа винаасам̣ г̇ад̇аад̇и ад̇т̇о.

    563.Sumekhalo kosiyo cāti ete sumekhalādayo cattāro rājāno isayo āsādayitvā ghaṭṭetvā anādaraṃ katvā saraṭṭhakā saha raṭṭhajanapadavāsīhi duggatā vināsaṃ gatāti attho.

    564. яад̣̇аа губбанд̇и исаяод̇и яад̣̇аа яасмим̣ гаалз сан̃н̃ад̇аа гааяасан̃н̃амаад̣̇ийхи сан̃н̃ад̇аа санд̇аа б̣рахмажаарино уд̇д̇амажаарино сздтажаарино исаяо губбанд̇и д̣̇оманассаа бхаванд̇и, д̇ад̣̇аа сасааг̇арам̣ сабаб̣б̣ад̇ам̣ сад̣̇звагам̣ логам̣ винаасзнд̇ийд̇и самб̣анд̇хо.

    564.Yadākuppanti isayoti yadā yasmiṃ kāle saññatā kāyasaññamādīhi saññatā santā brahmacārino uttamacārino seṭṭhacārino isayo kuppanti domanassā bhavanti, tadā sasāgaraṃ sapabbataṃ sadevakaṃ lokaṃ vināsentīti sambandho.

    565. д̇ияож̇анасахассамхийд̇и д̇зсам̣ исийнам̣ аанубхаавам̣ н̃ад̇ваа д̇з камаабзд̇ум̣ ажжаяам̣ абараад̇хам̣ д̣̇зсанад̇т̇ааяа багаасанад̇т̇ааяа д̇ияож̇анасахассаббамаан̣з бад̣̇зсз бурисз саннибаад̇аяинд̇и самб̣анд̇хо. саяамбхум̣ убасан̇гаминд̇и саяамбхум̣ бажжзгаб̣уд̣̇д̇хам̣ убасан̇гамим̣ самийбам̣ аг̇амаасинд̇и ад̇т̇о.

    565.Tiyojanasahassamhīti tesaṃ isīnaṃ ānubhāvaṃ ñatvā te khamāpetuṃ accayaṃ aparādhaṃ desanatthāya pakāsanatthāya tiyojanasahassappamāṇe padese purise sannipātayinti sambandho. Sayambhuṃ upasaṅkaminti sayambhuṃ paccekabuddhaṃ upasaṅkamiṃ samīpaṃ agamāsinti attho.

    566. аллавад̇т̇аад̇и маяаа сад̣̇д̇хим̣ раасибхууд̇аа саб̣б̣з ж̇анаа аллавад̇т̇аа уд̣̇агзна д̇инд̇авад̇т̇ауд̇д̇араасан̇г̇аа алласираа д̇инд̇агзсаа бан̃ж̇алийгад̇аа муд̣̇д̇хани гад̇аан̃ж̇алибудаа б̣уд̣̇д̇хасса бажжзгамунино баад̣̇з баад̣̇асамийбз нибад̇ид̇ваа нибаж̇ж̇ид̇ваа ид̣̇ам̣ важанамаб̣равунд̇и ‘‘камассу д̇вам̣, махаавийраа’’д̇иаад̣̇игам̣ важанам̣ аб̣равум̣ гат̇зсунд̇и ад̇т̇о.

    566.Allavatthāti mayā saddhiṃ rāsibhūtā sabbe janā allavatthā udakena tintavatthauttarāsaṅgā allasirā tintakesā pañjalīkatā muddhani kataañjalipuṭā buddhassa paccekamunino pāde pādasamīpe nipatitvā nipajjitvā idaṃ vacanamabravunti ‘‘khamassu tvaṃ, mahāvīrā’’tiādikaṃ vacanaṃ abravuṃ kathesunti attho.

    567. махаавийра вийруд̇д̇ама бханд̇з бажжзгаб̣уд̣̇д̇ха, маяаа д̇умхзсу ан̃н̃аан̣зна гад̇ам̣ абараад̇хам̣ камассу д̇вам̣ винод̣̇зхи, маа манаси гарохийд̇и ад̇т̇о . ж̇ано ж̇анасамуухо д̇ам̣ бхаг̇аванд̇ам̣ абхи висзсзна яаажад̇и. барил̣аахам̣ д̣̇осамохзхи гад̇ажид̇д̇ад̣̇угкабарил̣аахам̣ амхаагам̣ винод̣̇зхи д̇анум̣ гарохи, но амхаагам̣ радтам̣ сагаларадтаж̇анабад̣̇аваасино маа винаасаяа маа винаасзхийд̇и ад̇т̇о.

    567.Mahāvīra vīruttama bhante paccekabuddha, mayā tumhesu aññāṇena kataṃ aparādhaṃ khamassu tvaṃ vinodehi, mā manasi karohīti attho . Jano janasamūho taṃ bhagavantaṃ abhi visesena yācati. Pariḷāhaṃ dosamohehi katacittadukkhapariḷāhaṃ amhākaṃ vinodehi tanuṃ karohi, no amhākaṃ raṭṭhaṃ sakalaraṭṭhajanapadavāsino mā vināsaya mā vināsehīti attho.

    568. сад̣̇звамаанусаа саб̣б̣зд̇и саб̣б̣з маанусаа сад̣̇зваа сад̣̇аанаваа бахаараад̣̇аад̣̇ийхи асурзхи саха сарагкасаа аяомаязна гуудзна махаамуг̇г̇арзна сад̣̇аа саб̣б̣агаалам̣ мз сирам̣ маяхам̣ мад̇т̇агам̣ бхинд̣̇зяяум̣ бад̣̇аалзяяум̣.

    568.Sadevamānusā sabbeti sabbe mānusā sadevā sadānavā pahārādādīhi asurehi saha sarakkhasā ayomayena kūṭena mahāmuggarena sadā sabbakālaṃ me siraṃ mayhaṃ matthakaṃ bhindeyyuṃ padāleyyuṃ.

    569. д̇ад̇о барам̣ б̣уд̣̇д̇хаанам̣ камид̇абхааван̃жа гобаабхааван̃жа багаасзнд̇о д̣̇агз аг̇г̇и на сан̣таад̇ийд̇иаад̣̇имааха. д̇ад̇т̇а яат̇аа уд̣̇агз аг̇г̇и на сан̣таад̇и на бад̇идтаад̇и, яат̇аа б̣ийж̇ам̣ сзлз силаамаяз баб̣б̣ад̇з на вирухад̇и, яат̇аа аг̇ад̣̇з осад̇хз гими баан̣аго на сан̣таад̇и. д̇ат̇аа гобо жид̇д̇аббагобо д̣̇умманад̇аа б̣уд̣̇д̇хз бадивид̣̇д̇хасажжз бажжзгаб̣уд̣̇д̇хз на ж̇ааяад̇и на уббаж̇ж̇ад̇ийд̇и ад̇т̇о.

    569. Tato paraṃ buddhānaṃ khamitabhāvañca kopābhāvañca pakāsento dake aggi na saṇṭhātītiādimāha. Tattha yathā udake aggi na saṇṭhāti na patiṭṭhāti, yathā bījaṃ sele silāmaye pabbate na viruhati, yathā agade osadhe kimi pāṇako na saṇṭhāti. Tathā kopo cittappakopo dummanatā buddhe paṭividdhasacce paccekabuddhe na jāyati na uppajjatīti attho.

    570. бунаби б̣уд̣̇д̇хаанам̣ аанубхаавам̣ багаасзнд̇о яат̇аа жа бхуумийд̇иаад̣̇имааха. д̇ад̇т̇а яат̇аа жа бхууми бат̇авий ажалаа нижжалаа, д̇ат̇аа б̣уд̣̇д̇хо ажалод̇и ад̇т̇о. яат̇аа сааг̇аро махаасамуд̣̇д̣̇о аббамзяяо бамзд̇ум̣ бамаан̣ам̣ г̇ахзд̇ум̣ асаггун̣зяяо, д̇ат̇аа б̣уд̣̇д̇хо аббамзяяод̇и ад̇т̇о. яат̇аа аагаасо апудтаагаасо ананд̇аго барияосаанарахид̇о, звам̣ д̇ат̇аа б̣уд̣̇д̇хо агкобхияо кобхзд̇ум̣ аалол̣зд̇ум̣ асаггун̣зяяод̇и ад̇т̇о.

    570. Punapi buddhānaṃ ānubhāvaṃ pakāsento yathā ca bhūmītiādimāha. Tattha yathā ca bhūmi pathavī acalā niccalā, tathā buddho acaloti attho. Yathā sāgaro mahāsamuddo appameyyo pametuṃ pamāṇaṃ gahetuṃ asakkuṇeyyo, tathā buddho appameyyoti attho. Yathā ākāso aphuṭṭhākāso anantako pariyosānarahito, evaṃ tathā buddho akkhobhiyo khobhetuṃ āloḷetuṃ asakkuṇeyyoti attho.

    571. д̇ад̇о барам̣ бажжзгаб̣уд̣̇д̇хасса каманаважанам̣ д̣̇ассзнд̇о сад̣̇аа канд̇аа махаавийраад̇иаад̣̇имааха. д̇ад̇т̇а махаавийраа уд̇д̇амавийрияаванд̇аа б̣уд̣̇д̇хаа д̇абассино баабаанам̣ д̇абанад̇о ‘‘д̇або’’д̇и лад̣̇д̇ханаамзна вийриязна саманнааг̇ад̇аа канд̇аа жа канд̇ияаа жа самбаннаа камид̇аа жа барзсам̣ абараад̇хам̣ камид̇аа сахид̇аа сад̣̇аа саб̣б̣агаалам̣ бхаванд̇ийд̇и самб̣анд̇хо. канд̇аанам̣ камид̇аанан̃жаад̇и д̇зсам̣ б̣уд̣̇д̇хаанам̣ канд̇аанам̣ канд̇ияаа яуд̇д̇аанам̣ камид̇аанам̣ бараабараад̇хакамид̇аанам̣ сахид̇аанан̃жа г̇аманам̣ чанд̣̇аад̣̇ийхи аг̇ад̇иг̇аманам̣ на виж̇ж̇ад̇ийд̇и ад̇т̇о.

    571. Tato paraṃ paccekabuddhassa khamanavacanaṃ dassento sadākhantā mahāvīrātiādimāha. Tattha mahāvīrā uttamavīriyavantā buddhā tapassino pāpānaṃ tapanato ‘‘tapo’’ti laddhanāmena vīriyena samannāgatā khantā ca khantiyā ca sampannā khamitā ca paresaṃ aparādhaṃ khamitā sahitā sadā sabbakālaṃ bhavantīti sambandho. Khantānaṃ khamitānañcāti tesaṃ buddhānaṃ khantānaṃ khantiyā yuttānaṃ khamitānaṃ parāparādhakhamitānaṃ sahitānañca gamanaṃ chandādīhi agatigamanaṃ na vijjatīti attho.

    572. ид̇и ид̣̇ам̣ важанам̣ вад̇ваа самб̣уд̣̇д̇хо бажжзгасамб̣уд̣̇д̇хо барил̣аахам̣ сад̇д̇аанам̣ уббаннад̣̇аахам̣ винод̣̇аяам̣ винод̣̇аяанд̇о махааж̇анасса бурад̇о саннибад̇ид̇асса сарааж̇агасса махад̇о ж̇анагааяасса саммукад̇о д̇ад̣̇аа д̇асмим̣ гаалз набхам̣ аагаасам̣ аб̣бхуг̇г̇ами уг̇г̇ан̃чийд̇и ад̇т̇о.

    572. Iti idaṃ vacanaṃ vatvā sambuddho paccekasambuddho pariḷāhaṃ sattānaṃ uppannadāhaṃ vinodayaṃ vinodayanto mahājanassa purato sannipatitassa sarājakassa mahato janakāyassa sammukhato tadā tasmiṃ kāle nabhaṃ ākāsaṃ abbhuggami uggañchīti attho.

    573. д̇зна гаммзнахам̣ д̇хийраад̇и д̇хийра д̇хид̇исамбанна ахам̣ д̇зна гаммзна бажжзгаб̣уд̣̇д̇хз гад̇зна анаад̣̇арагаммзна имасмим̣ бажчимад̇д̇абхавз хийнад̇д̇ам̣ лаамагабхаавам̣ рааж̇уунам̣ габбагагаммагаран̣аж̇аад̇им̣ аж̇жхубааг̇ад̇о самбад̇д̇од̇и ад̇т̇о. самад̇иггамма д̇ам̣ ж̇аад̇инд̇и д̇ам̣ барааяад̇д̇аж̇аад̇им̣ сам̣ судту ад̇иггамма ад̇иггамид̇ваа. баависим̣ абхаяам̣ буранд̇и бхаяарахид̇ам̣ ниб̣б̣аанабурам̣ ниб̣б̣аанамахаанаг̇арам̣ баависим̣ бавидто аасинд̇и ад̇т̇о.

    573.Tena kammenahaṃ dhīrāti dhīra dhitisampanna ahaṃ tena kammena paccekabuddhe katena anādarakammena imasmiṃ pacchimattabhave hīnattaṃ lāmakabhāvaṃ rājūnaṃ kappakakammakaraṇajātiṃ ajjhupāgato sampattoti attho. Samatikkamma taṃ jātinti taṃ parāyattajātiṃ saṃ suṭṭhu atikkamma atikkamitvā. Pāvisiṃ abhayaṃ puranti bhayarahitaṃ nibbānapuraṃ nibbānamahānagaraṃ pāvisiṃ paviṭṭho āsinti attho.

    574. д̇ад̣̇ааби мам̣ махаавийраад̇и вийруд̇д̇ама д̇ад̣̇ааби д̇асмим̣ бажжзгаб̣уд̣̇д̇хасса аасаад̣̇анасамаяз аби саяамбхуу бажжзгаб̣уд̣̇д̇хо барил̣аахам̣ аасаад̣̇анахзд̇у уббаннам̣ гааяажид̇д̇ад̣̇арат̇ам̣ винод̣̇зси д̣̇уурийагааси. д̣аяхамаанам̣ д̇ад̇о зва бажчаануд̇аабзна гуггужжзна д̣аяхамаанам̣ санд̇абанд̇ам̣ мам̣ сусан̣тид̇ам̣ д̣̇осам̣ д̣̇осад̇о д̣̇ассанз судту сан̣тид̇ам̣ д̣̇исваа камаабаяи д̇ам̣ абараад̇хам̣ ад̇хиваасзсийд̇и самб̣анд̇хо.

    574.Tadāpi maṃ mahāvīrāti vīruttama tadāpi tasmiṃ paccekabuddhassa āsādanasamaye api sayambhū paccekabuddho pariḷāhaṃ āsādanahetu uppannaṃ kāyacittadarathaṃ vinodesi dūrīakāsi. Ḍayhamānaṃ tato eva pacchānutāpena kukkuccena ḍayhamānaṃ santapantaṃ maṃ susaṇṭhitaṃ dosaṃ dosato dassane suṭṭhu saṇṭhitaṃ disvā khamāpayi taṃ aparādhaṃ adhivāsesīti sambandho.

    575. аж̇ж̇ааби мам̣ махаавийраад̇и вийруд̇д̇ама, аж̇ж̇ааби д̇уяхам̣ самааг̇амагаалз аби, д̇ихаг̇г̇ийбхи рааг̇аг̇г̇ид̣̇осаг̇г̇имохаг̇г̇исан̇каад̇зхи ваа нираяаг̇г̇ибзд̇аг̇г̇исам̣саараг̇г̇исан̇каад̇зхи ваа д̇ийхи аг̇г̇ийхи д̣аяхамаанам̣ д̣̇угкаманубхаванд̇ам̣ мам̣ бхаг̇аваа сийд̇ибхаавам̣ д̣̇оманассавинаасзна санд̇агааяажид̇д̇асан̇каад̇ам̣ сийд̇ибхаавам̣ ниб̣б̣аанамзва ваа абаабаяи самбаабзси. д̇аяо аг̇г̇ий вуд̇д̇аббагаарз д̇з д̇аяо аг̇г̇ий ниб̣б̣аабзси вуубасамзсийд̇и самб̣анд̇хо.

    575.Ajjāpi maṃ mahāvīrāti vīruttama, ajjāpi tuyhaṃ samāgamakāle api, tihaggībhi rāgaggidosaggimohaggisaṅkhātehi vā nirayaggipetaggisaṃsāraggisaṅkhātehi vā tīhi aggīhi ḍayhamānaṃ dukkhamanubhavantaṃ maṃ bhagavā sītibhāvaṃ domanassavināsena santakāyacittasaṅkhātaṃ sītibhāvaṃ nibbānameva vā apāpayi sampāpesi. Tayo aggī vuttappakāre te tayo aggī nibbāpesi vūpasamesīti sambandho.

    576. звам̣ ад̇д̇ано хийнаабад̣̇аанам̣ бхаг̇авад̇о д̣̇ассзд̇ваа ид̣̇аани ан̃н̃зби д̇асса саванз нияож̇зд̇ваа овад̣̇анд̇о ‘‘язсам̣ сод̇аавад̇хаанад̇т̇ий’’д̇иаад̣̇имааха. д̇ад̇т̇а язсам̣ д̇умхаагам̣ сод̇аавад̇хаанам̣ сод̇асса авад̇хаанам̣ табанам̣ ад̇т̇и виж̇ж̇ад̇и, д̇з д̇умхз бхаасад̇о саасанд̇асса мама важанам̣ сун̣аат̇а манаси гарот̇а. ад̇т̇ам̣ д̇умхам̣ бавагкаамийд̇и яат̇аа язна багаарзна мама маяаа д̣̇идтам̣ бад̣̇ам̣ ниб̣б̣аанам̣, д̇ат̇аа д̇зна багаарзна ниб̣б̣аанасан̇каад̇ам̣ барамад̇т̇ам̣ д̇умхаагам̣ бавагкаамийд̇и самб̣анд̇хо.

    576. Evaṃ attano hīnāpadānaṃ bhagavato dassetvā idāni aññepi tassa savane niyojetvā ovadanto ‘‘yesaṃ sotāvadhānatthī’’tiādimāha. Tattha yesaṃ tumhākaṃ sotāvadhānaṃ sotassa avadhānaṃ ṭhapanaṃ atthi vijjati, te tumhe bhāsato sāsantassa mama vacanaṃ suṇātha manasi karotha. Atthaṃ tumhaṃ pavakkhāmīti yathā yena pakārena mama mayā diṭṭhaṃ padaṃ nibbānaṃ, tathā tena pakārena nibbānasaṅkhātaṃ paramatthaṃ tumhākaṃ pavakkhāmīti sambandho.

    577. д̇ам̣ д̣̇ассзнд̇о саяамбхум̣ д̇ам̣ вимаанзд̇ваад̇иаад̣̇имааха. д̇ад̇т̇а саяамбхум̣ саяамзва бхууд̇ам̣ арияааяа ж̇аад̇ияаа ж̇аад̇ам̣ санд̇ажид̇д̇ам̣ самаахид̇ам̣ бажжзгаб̣уд̣̇д̇хам̣ вимаанзд̇ваа анаад̣̇арам̣ гад̇ваа д̇зна гаммзна гад̇знаагусалзна аж̇ж̇а имасмим̣ вад̇д̇амаанагаалз ахам̣ нийжаяонияам̣ барааяад̇д̇аж̇аад̇ияам̣ габбагаж̇аад̇ияам̣ ж̇аад̇о ниб̣б̣ад̇д̇о амхи бхаваами.

    577. Taṃ dassento sayambhuṃ taṃ vimānetvātiādimāha. Tattha sayambhuṃ sayameva bhūtaṃ ariyāya jātiyā jātaṃ santacittaṃ samāhitaṃ paccekabuddhaṃ vimānetvā anādaraṃ katvā tena kammena katenākusalena ajja imasmiṃ vattamānakāle ahaṃ nīcayoniyaṃ parāyattajātiyaṃ kappakajātiyaṃ jāto nibbatto amhi bhavāmi.

    578. маа во кан̣ам̣ вираад̇хзт̇аад̇и б̣уд̣̇д̇хуббаад̣̇агкан̣ам̣ во д̇умхз маа вираад̇хзт̇а г̇ал̣ид̇ам̣ маа гарот̇а, хи сажжам̣ кан̣аад̇ийд̇аа б̣уд̣̇д̇хуббаад̣̇агкан̣ам̣ ад̇ийд̇аа ад̇игганд̇аа сад̇д̇аа сожарз сожанд̇и, ‘‘маяам̣ алагкигаа д̣̇уммзд̇хаа бхаваамаа’’д̇и звам̣ сожанд̇ийд̇и ад̇т̇о. сад̣̇ад̇т̇з ад̇д̇ано ад̇т̇з вуд̣дхияам̣ вааяамзяяаат̇а вийрияам̣ гарот̇а. во д̇умхзхи кан̣о б̣уд̣̇д̇хуббаад̣̇агкан̣о самаяо бадибаад̣̇ид̇о нибпаад̣̇ид̇о бад̇д̇од̇и ад̇т̇о.

    578.Mā vo khaṇaṃ virādhethāti buddhuppādakkhaṇaṃ vo tumhe mā virādhetha gaḷitaṃ mā karotha, hi saccaṃ khaṇātītā buddhuppādakkhaṇaṃ atītā atikkantā sattā socare socanti, ‘‘mayaṃ alakkhikā dummedhā bhavāmā’’ti evaṃ socantīti attho. Sadatthe attano atthe vuḍḍhiyaṃ vāyameyyātha vīriyaṃ karotha. Vo tumhehi khaṇo buddhuppādakkhaṇo samayo paṭipādito nipphādito pattoti attho.

    579. д̇ад̇о барам̣ сам̣саараг̇ад̇аанам̣ аад̣̇ийнавам̣ убамааубамзяяавасзна д̣̇ассзнд̇о згажжаанан̃жа вамананд̇иаад̣̇имааха. згажжаанам̣ гзсан̃жи буг̇г̇алаанам̣ ваманам̣ уд̣̇д̇хам̣ уг̇г̇иран̣ам̣ згажжаанам̣ вирзжанам̣ ад̇хобаг̇гхаран̣ам̣ згз згажжаанам̣ халаахалам̣ висам̣ мужчаагаран̣ависам̣, згажжаанам̣ буг̇г̇алаанам̣ осад̇хам̣ рагканубааяам̣ бхаг̇аваа звам̣ бадибаадияаа агкаасийд̇и самб̣анд̇хо.

    579. Tato paraṃ saṃsāragatānaṃ ādīnavaṃ upamāupameyyavasena dassento ekaccānañca vamanantiādimāha. Ekaccānaṃ kesañci puggalānaṃ vamanaṃ uddhaṃ uggiraṇaṃ ekaccānaṃ virecanaṃ adhopaggharaṇaṃ eke ekaccānaṃ halāhalaṃ visaṃ mucchākaraṇavisaṃ, ekaccānaṃ puggalānaṃ osadhaṃ rakkhanupāyaṃ bhagavā evaṃ paṭipāṭiyā akkhāsīti sambandho.

    580. ваманам̣ бадибаннаананд̇и бадибаннаанам̣ маг̇г̇асаман̇г̇ийнам̣ ваманам̣ сам̣саарачад̣д̣анам̣ сам̣саараможанам̣ бхаг̇аваа агкаасийд̇и самб̣анд̇хо. паладтаанам̣ палз тид̇аанам̣ вирзжанам̣ сам̣саарабаг̇гхаран̣ам̣ агкааси. палалаабхийнам̣ палам̣ лабхид̇ваа тид̇аанам̣ ниб̣б̣аанаосад̇хам̣ агкааси. г̇авзсийнам̣ мануссад̣̇званиб̣б̣аанасамбад̇д̇им̣ г̇авзсийнам̣ бариязсанд̇аанам̣ бун̃н̃акзд̇д̇абхууд̇ам̣ сан̇гхам̣ агкаасийд̇и самб̣анд̇хо.

    580.Vamanaṃ paṭipannānanti paṭipannānaṃ maggasamaṅgīnaṃ vamanaṃ saṃsārachaḍḍanaṃ saṃsāramocanaṃ bhagavā akkhāsīti sambandho. Phalaṭṭhānaṃ phale ṭhitānaṃ virecanaṃ saṃsārapaggharaṇaṃ akkhāsi. Phalalābhīnaṃ phalaṃ labhitvā ṭhitānaṃ nibbānaosadhaṃ akkhāsi. Gavesīnaṃ manussadevanibbānasampattiṃ gavesīnaṃ pariyesantānaṃ puññakhettabhūtaṃ saṅghaṃ akkhāsīti sambandho.

    581. саасанзна вируд̣̇д̇хаананд̇и саасанасса бадибагкаанам̣ халаахалам̣ гуд̇уухалам̣ баабам̣ агусалам̣ агкаасийд̇и самб̣анд̇хо. яат̇аа аасийвисод̇и ассад̣̇д̇хаанам̣ гад̇абаабаанам̣ буг̇г̇алаанам̣ сам̣саарз д̣̇угкааваханад̇о аасийвисасад̣̇исам̣ яат̇аа аасийвисо д̣̇идтамад̇д̇зна бхасмагаран̣ад̇о д̣̇идтависо саббо ад̇д̇анаа д̣̇адтам̣ нарам̣ жхаабзд̇и д̣аяхад̇и д̣̇угкаабзд̇и. д̇ам̣ нарам̣ д̇ам̣ ассад̣̇д̇хам̣ гад̇абаабам̣ нарам̣ халаахалависам̣ звам̣ жхаабзд̇и жад̇уусу абааязсу д̣аяхад̇и сосзсийд̇и самб̣анд̇хо.

    581.Sāsanena viruddhānanti sāsanassa paṭipakkhānaṃ halāhalaṃ kutūhalaṃ pāpaṃ akusalaṃ akkhāsīti sambandho. Yathā āsīvisoti assaddhānaṃ katapāpānaṃ puggalānaṃ saṃsāre dukkhāvahanato āsīvisasadisaṃ yathā āsīviso diṭṭhamattena bhasmakaraṇato diṭṭhaviso sappo attanā daṭṭhaṃ naraṃ jhāpeti ḍayhati dukkhāpeti. Taṃ naraṃ taṃ assaddhaṃ katapāpaṃ naraṃ halāhalavisaṃ evaṃ jhāpeti catūsu apāyesu ḍayhati sosesīti sambandho.

    582. сагим̣ бийд̇ам̣ халаахаланд̇и висам̣ халаахалам̣ бийд̇ам̣ сагим̣ згаваарам̣ ж̇ийвид̇ам̣ убарунд̇хад̇и наасзд̇и. саасанзна саасанамхи вираж̇жхид̇ваа абараад̇хам̣ гад̇ваа буг̇г̇ало габбагодимхи годисан̇кяз габбзби д̣аяхад̇и ниж̇жхааяад̇ийд̇и ад̇т̇о.

    582.Sakiṃpītaṃ halāhalanti visaṃ halāhalaṃ pītaṃ sakiṃ ekavāraṃ jīvitaṃ uparundhati nāseti. Sāsanena sāsanamhi virajjhitvā aparādhaṃ katvā puggalo kappakoṭimhi koṭisaṅkhye kappepi ḍayhati nijjhāyatīti attho.

    583. звам̣ ассад̣̇д̇хаанам̣ буг̇г̇алаанам̣ палавибаагам̣ д̣̇ассзд̇ваа ид̣̇аани б̣уд̣̇д̇хаанам̣ аанубхаавам̣ д̣̇ассзнд̇о канд̇ияаад̇иаад̣̇имааха. д̇ад̇т̇а яо б̣уд̣̇д̇хо ваманаад̣̇ийни агкааси, со б̣уд̣̇д̇хо канд̇ияаа каманзна жа авихим̣сааяа сад̇д̇аанам̣ авихим̣санзна жа мзд̇д̇ажид̇д̇авад̇ааяа жа мзд̇д̇ажид̇д̇аванд̇абхаавзна жа сад̣̇звагам̣ саха д̣̇звзхи вад̇д̇амаанам̣ логам̣ д̇аарзд̇и ад̇иггамаабзд̇и ниб̣б̣аабзд̇и, д̇асмаа гааран̣аа б̣уд̣̇д̇хаа во д̇умхзхи авираад̇хияаа вируж̇жхид̇ум̣ на саггун̣зяяаа, б̣уд̣̇д̇хасаасанз бадибаж̇ж̇зяяаат̇аад̇и ад̇т̇о.

    583. Evaṃ assaddhānaṃ puggalānaṃ phalavipākaṃ dassetvā idāni buddhānaṃ ānubhāvaṃ dassento khantiyātiādimāha. Tattha yo buddho vamanādīni akkhāsi, so buddho khantiyā khamanena ca avihiṃsāya sattānaṃ avihiṃsanena ca mettacittavatāya ca mettacittavantabhāvena ca sadevakaṃ saha devehi vattamānaṃ lokaṃ tāreti atikkamāpeti nibbāpeti, tasmā kāraṇā buddhā vo tumhehi avirādhiyā virujjhituṃ na sakkuṇeyyā, buddhasāsane paṭipajjeyyāthāti attho.

    584. лаабхз жа алаабхз жа на саж̇ж̇анд̇и на бхаж̇анд̇и на лаг̇г̇анд̇и. саммаананз аад̣̇арагаран̣з жа вимаананз анаад̣̇арагаран̣з жа ажалаа бат̇авийсад̣̇исаа б̣уд̣̇д̇хаа бхаванд̇и, д̇асмаа гааран̣аа д̇з б̣уд̣̇д̇хаа д̇умхзхи на вирод̇хияаа на вирод̇хзд̇аб̣б̣аа вируж̇жхид̇ум̣ асаггун̣зяяаад̇и ад̇т̇о.

    584. Lābhe ca alābhe ca na sajjanti na bhajanti na lagganti. Sammānane ādarakaraṇe ca vimānane anādarakaraṇe ca acalā pathavīsadisā buddhā bhavanti, tasmā kāraṇā te buddhā tumhehi na virodhiyā na virodhetabbā virujjhituṃ asakkuṇeyyāti attho.

    585. б̣уд̣̇д̇хаанам̣ маж̇жхад̇д̇ад̇ам̣ д̣̇ассзнд̇о д̣̇звад̣̇ад̇д̇зд̇иаад̣̇имааха. д̇ад̇т̇а вад̇хагаавад̇хагзсу саб̣б̣зсу сад̇д̇зсу самаго самамаанасо муни б̣уд̣̇д̇хамунийд̇и ад̇т̇о.

    585. Buddhānaṃ majjhattataṃ dassento devadattetiādimāha. Tattha vadhakāvadhakesu sabbesu sattesu samako samamānaso muni buddhamunīti attho.

    586. зд̇зсам̣ бадигхо над̇т̇ийд̇и зд̇зсам̣ б̣уд̣̇д̇хаанам̣ бадигхо жан̣д̣иггам̣ д̣̇осажид̇д̇ад̇ам̣ над̇т̇и на сам̣виж̇ж̇ад̇и. рааг̇омзсам̣ на виж̇ж̇ад̇ийд̇и имзсам̣ б̣уд̣̇д̇хаанам̣ рааг̇оби раж̇ж̇анам̣ аллийяанам̣ на виж̇ж̇ад̇и, на убалаб̣бхад̇и, д̇асмаа гааран̣аа, вад̇хагасса жа орасасса жаад̇и саб̣б̣зсам̣ самаго самажид̇д̇о б̣уд̣̇д̇хо ход̇ийд̇и самб̣анд̇хо.

    586.Etesaṃ paṭigho natthīti etesaṃ buddhānaṃ paṭigho caṇḍikkaṃ dosacittataṃ natthi na saṃvijjati. Rāgomesaṃ na vijjatīti imesaṃ buddhānaṃ rāgopi rajjanaṃ allīyanaṃ na vijjati, na upalabbhati, tasmā kāraṇā, vadhakassa ca orasassa cāti sabbesaṃ samako samacitto buddho hotīti sambandho.

    587. бунаби б̣уд̣̇д̇хаанам̣язва аанубхаавам̣ д̣̇ассзнд̇о бант̇з д̣̇исваана гаасааванд̇иаад̣̇имааха. д̇ад̇т̇а мийл̣хамагкид̇ам̣ г̇уут̇асаммиссам̣ гаасаавам̣ гасаавзна раж̇ид̇ам̣ жийварам̣ исид̣̇д̇хаж̇ам̣ арияаанам̣ д̇хаж̇ам̣ баригкаарам̣, бант̇з маг̇г̇з чад̣д̣ид̇ам̣ д̣̇исваана бассид̇ваа ан̃ж̇алим̣ гад̇ваа д̣̇асан̇г̇улисамод̇хаанам̣ ан̃ж̇алибудам̣ сираси гад̇ваа сирасаа сирзна ванд̣̇ид̇аб̣б̣ам̣ исид̣̇д̇хаж̇ам̣ арахад̇д̇ад̣̇д̇хаж̇ам̣ б̣уд̣̇д̇хабажжзгаб̣уд̣̇д̇хасаавагад̣̇ийбагам̣ жийварам̣ намассид̇аб̣б̣ам̣ маанзд̇аб̣б̣ам̣ бууж̇зд̇аб̣б̣анд̇и ад̇т̇о.

    587. Punapi buddhānaṃyeva ānubhāvaṃ dassento panthe disvāna kāsāvantiādimāha. Tattha mīḷhamakkhitaṃ gūthasammissaṃ kāsāvaṃ kasāvena rajitaṃ cīvaraṃ isiddhajaṃ ariyānaṃ dhajaṃ parikkhāraṃ, panthe magge chaḍḍitaṃ disvāna passitvā añjaliṃ katvā dasaṅgulisamodhānaṃ añjalipuṭaṃ sirasi katvā sirasā sirena vanditabbaṃ isiddhajaṃ arahattaddhajaṃ buddhapaccekabuddhasāvakadīpakaṃ cīvaraṃ namassitabbaṃ mānetabbaṃ pūjetabbanti attho.

    588. аб̣бхад̇ийд̇аад̇и абхи ад̇т̇ан̇г̇ад̇аа ниб̣б̣уд̇аа. яз жа б̣уд̣̇д̇хаа вад̇д̇амаанаа ид̣̇аани ж̇аад̇аа жа яз б̣уд̣̇д̇хаа анааг̇ад̇аа аж̇аад̇аа абхууд̇аа аниб̣б̣ад̇д̇аа абаад̇убхууд̇аа жа яз б̣уд̣̇д̇хаа. д̇хаж̇знаанзна суж̇жханд̇ийд̇и анзна исид̣̇д̇хаж̇зна жийварзна зд̇з б̣уд̣̇д̇хаа суж̇жханд̇и висуд̣̇д̇хаа бхаванд̇и собханд̇и. д̇асмаа д̇зна гааран̣зна зд̇з б̣уд̣̇д̇хаа намассияаа намассид̇аб̣б̣аа ванд̣̇ид̇аб̣б̣аад̇и ад̇т̇о. ‘‘зд̇ам̣ намассияа’’нд̇иби баато, д̇асса зд̇ам̣ исид̣̇д̇хаж̇ам̣ намассид̇аб̣б̣анд̇и ад̇т̇о.

    588.Abbhatītāti abhi atthaṅgatā nibbutā. Ye ca buddhā vattamānā idāni jātā ca ye buddhā anāgatā ajātā abhūtā anibbattā apātubhūtā ca ye buddhā. Dhajenānena sujjhantīti anena isiddhajena cīvarena ete buddhā sujjhanti visuddhā bhavanti sobhanti. Tasmā tena kāraṇena ete buddhā namassiyā namassitabbā vanditabbāti attho. ‘‘Etaṃ namassiya’’ntipi pāṭho, tassa etaṃ isiddhajaṃ namassitabbanti attho.

    589. д̇ад̇о барам̣ ад̇д̇ано г̇ун̣ам̣ д̣̇ассзнд̇о сад̇т̇угаббанд̇иаад̣̇имааха. д̇ад̇т̇а сад̇т̇угаббам̣ б̣уд̣̇д̇хасад̣̇исам̣ сувинаяам̣ сунд̣̇аравинаяам̣ сунд̣̇араагаарзна д̣̇ваарад̇д̇аяад̣̇аманам̣ хад̣̇аязна жид̇д̇зна ахам̣ д̇хаарзми саванад̇хааран̣аад̣̇инаа бажжавзгкаамийд̇и ад̇т̇о. винаяам̣ винаяабидагам̣ намассамаано ванд̣̇амаано винаяз аад̣̇арам̣ гурумаано вихариссаами саб̣б̣ад̣̇аа саб̣б̣асмим̣ гаалз ваасам̣ габбзмийд̇и ад̇т̇о.

    589. Tato paraṃ attano guṇaṃ dassento satthukappantiādimāha. Tattha satthukappaṃ buddhasadisaṃ suvinayaṃ sundaravinayaṃ sundarākārena dvārattayadamanaṃ hadayena cittena ahaṃ dhāremi savanadhāraṇādinā paccavekkhāmīti attho. Vinayaṃ vinayapiṭakaṃ namassamāno vandamāno vinaye ādaraṃ kurumāno viharissāmi sabbadā sabbasmiṃ kāle vāsaṃ kappemīti attho.

    590. винаяо аасаяо маяханд̇и винаяабидагам̣ маяхам̣ огаасабхууд̇ам̣ саванад̇хааран̣аманасигаран̣ауг̇г̇ахабарибужчаабавад̇д̇анавасзна огаасабхууд̇ам̣ г̇зхабхууд̇анд̇и ад̇т̇о. винаяо таанажан̇гаманд̇и винаяо маяхам̣ саванаад̣̇игижжагаран̣зна тид̇адтаанан̃жа жан̇гаманадтаанан̃жа. габбзми винаяз ваасанд̇и винаяабидагз винаяад̇анд̇ияаа саванад̇хааран̣абавад̇д̇анавасзна ваасам̣ саяанам̣ габбзми гароми. винаяо мама г̇ожарод̇и винаяабидагам̣ маяхам̣ г̇ожаро аахааро бхож̇анам̣ нижжам̣ д̇хааран̣аманасигаран̣авасзнаад̇и ад̇т̇о.

    590.Vinayo āsayo mayhanti vinayapiṭakaṃ mayhaṃ okāsabhūtaṃ savanadhāraṇamanasikaraṇauggahaparipucchāpavattanavasena okāsabhūtaṃ gehabhūtanti attho. Vinayo ṭhānacaṅkamanti vinayo mayhaṃ savanādikiccakaraṇena ṭhitaṭṭhānañca caṅkamanaṭṭhānañca. Kappemi vinaye vāsanti vinayapiṭake vinayatantiyā savanadhāraṇapavattanavasena vāsaṃ sayanaṃ kappemi karomi. Vinayo mama gocaroti vinayapiṭakaṃ mayhaṃ gocaro āhāro bhojanaṃ niccaṃ dhāraṇamanasikaraṇavasenāti attho.

    591. винаяз баарамиббад̇д̇од̇и сагалз винаяабидагз баарамим̣ барияосаанам̣ бад̇д̇о. самат̇з жааби говид̣̇од̇и баарааж̇игаад̣̇исад̇д̇аабад̇д̇игканд̇хаанам̣ самат̇з вуубасамз жа вудтаанз жа говид̣̇о чзго, ад̇хигаран̣асамат̇з ваа –

    591.Vinaye pāramippattoti sakale vinayapiṭake pāramiṃ pariyosānaṃ patto. Samathe cāpi kovidoti pārājikādisattāpattikkhandhānaṃ samathe vūpasame ca vuṭṭhāne ca kovido cheko, adhikaraṇasamathe vā –

    ‘‘виваад̣̇ам̣ ануваад̣̇ан̃жа, аабад̇д̇аад̇хигаран̣ам̣ д̇ат̇аа;

    ‘‘Vivādaṃ anuvādañca, āpattādhikaraṇaṃ tathā;

    гижжаад̇хигаран̣ан̃жзва, жад̇ураад̇хигаран̣аа мад̇аа’’д̇и. –

    Kiccādhikaraṇañceva, caturādhikaraṇā matā’’ti. –

    вуд̇д̇аад̇хигаран̣зсу жа –

    Vuttādhikaraṇesu ca –

    ‘‘саммукаа сад̇ивинаяо, амуул̣хабадин̃н̃аагаран̣ам̣;

    ‘‘Sammukhā sativinayo, amūḷhapaṭiññākaraṇaṃ;

    язбхуяяа д̇ассабаабияяа, д̇ин̣авад̇т̇аараго д̇ат̇аа’’д̇и. –

    Yebhuyya tassapāpiyya, tiṇavatthārako tathā’’ti. –

    звам̣ вуд̇д̇зсу жа сад̇д̇асу ад̇хигаран̣асамат̇зсу ад̇иговид̣̇о чзгод̇и ад̇т̇о. убаали д̇ам̣ махаавийраад̇и бханд̇з махаавийра, жад̇уусу асан̇кязяязсу габбасад̇асахассзсу саб̣б̣ан̃н̃уд̇ан̃н̃аан̣аад̇хиг̇амааяа вийрияаванд̇а сад̇т̇уно д̣̇звамануссаанам̣ анусаасагасса д̇ам̣ д̇ава баад̣̇з баад̣̇аяуг̇з убаали бхигку ванд̣̇ад̇и бан̣аамам̣ гарод̇ийд̇и ад̇т̇о.

    Evaṃ vuttesu ca sattasu adhikaraṇasamathesu atikovido chekoti attho. Upāli taṃ mahāvīrāti bhante mahāvīra, catūsu asaṅkhyeyyesu kappasatasahassesu sabbaññutaññāṇādhigamāya vīriyavanta satthuno devamanussānaṃ anusāsakassa taṃ tava pāde pādayuge upāli bhikkhu vandati paṇāmaṃ karotīti attho.

    592. со ахам̣ баб̣б̣аж̇ид̇ваа самб̣уд̣̇д̇хам̣ намассамаано бан̣аамам̣ гурумаано д̇хаммасса жа д̇зна бхаг̇авад̇аа д̣̇зсид̇асса навалогуд̇д̇арад̇хаммасса суд̇хаммад̇ам̣ сунд̣̇арад̇хаммабхаавам̣ ж̇аанид̇ваа д̇хамман̃жа намассамаано г̇аамад̇о г̇аамам̣ бурад̇о бунам̣ наг̇арад̇о наг̇арам̣ вижариссаамийд̇и самб̣анд̇хо.

    592. So ahaṃ pabbajitvā sambuddhaṃ namassamāno paṇāmaṃ kurumāno dhammassa ca tena bhagavatā desitassa navalokuttaradhammassa sudhammataṃ sundaradhammabhāvaṃ jānitvā dhammañca namassamāno gāmato gāmaṃ purato punaṃ nagarato nagaraṃ vicarissāmīti sambandho.

    593. гилзсаа жхаабид̇аа маяханд̇и маяаа бадивид̣̇д̇хаарахад̇д̇амаг̇г̇ан̃аан̣зна маяхам̣ жид̇д̇асанд̇аанаг̇ад̇аа саб̣б̣з д̣̇ияад̣дхасахассасан̇каа гилзсаа жхаабид̇аа сосид̇аа висосид̇аа вид̣̇д̇хам̣сид̇аа. бхаваа саб̣б̣з самуухад̇аад̇и гаамабхаваад̣̇аяо саб̣б̣з нава бхаваа маяаа самуухад̇аа сам̣ судту уухад̇аа кзбид̇аа вид̣̇д̇хам̣сид̇аа. саб̣б̣аасаваа баригкийн̣аад̇и гаамаасаво, бхаваасаво, д̣̇идтаасаво, авиж̇ж̇аасавод̇и саб̣б̣з жад̇д̇ааро аасаваа баригкийн̣аа барисаманд̇ад̇о каяам̣ баабид̇аа. ид̣̇аани имасмим̣ арахад̇д̇аббад̇д̇агаалз бунаб̣бхаво бунуббад̇д̇исан̇каад̇о бхаво бхаванам̣ ж̇аад̇и над̇т̇ийд̇и ад̇т̇о.

    593.Kilesājhāpitā mayhanti mayā paṭividdhaarahattamaggañāṇena mayhaṃ cittasantānagatā sabbe diyaḍḍhasahassasaṅkhā kilesā jhāpitā sositā visositā viddhaṃsitā. Bhavā sabbe samūhatāti kāmabhavādayo sabbe nava bhavā mayā samūhatā saṃ suṭṭhu ūhatā khepitā viddhaṃsitā. Sabbāsavā parikkhīṇāti kāmāsavo, bhavāsavo, diṭṭhāsavo, avijjāsavoti sabbe cattāro āsavā parikkhīṇā parisamantato khayaṃ pāpitā. Idāni imasmiṃ arahattappattakāle punabbhavo punuppattisaṅkhāto bhavo bhavanaṃ jāti natthīti attho.

    594. уд̇д̇ари соманассавасзна уд̣̇аанам̣ уд̣̇аанзнд̇о свааг̇ад̇анд̇иаад̣̇имааха. д̇ад̇т̇а б̣уд̣̇д̇хасздтасса уд̇д̇амаб̣уд̣̇д̇хасса санд̇игз самийбз зганаг̇арз ваа мама ааг̇аманам̣ свааг̇ад̇ам̣ судту ааг̇аманам̣ сунд̣̇арааг̇аманам̣ вад̇а зганд̇зна ааси ахосийд̇и самб̣анд̇хо. д̇иссо виж̇ж̇аад̇и буб̣б̣зниваасад̣̇иб̣б̣ажагкуаасавагкаяавиж̇ж̇аа ануббад̇д̇аа самбад̇д̇аа, бажжагкам̣ гад̇аад̇и ад̇т̇о. гад̇ам̣ б̣уд̣̇д̇хасса саасананд̇и б̣уд̣̇д̇хзна бхаг̇авад̇аа д̣̇зсид̇ам̣ анусидти саасанам̣ гад̇ам̣ нибпаад̣̇ид̇ам̣ вад̇д̇абадибад̇д̇им̣ буурзд̇ваа гаммадтаанам̣ манаси гарид̇ваа арахад̇д̇амаг̇г̇ан̃аан̣аад̇хиг̇амзна самбаад̣̇ид̇анд̇и ад̇т̇о.

    594. Uttari somanassavasena udānaṃ udānento svāgatantiādimāha. Tattha buddhaseṭṭhassa uttamabuddhassa santike samīpe ekanagare vā mama āgamanaṃ svāgataṃ suṭṭhu āgamanaṃ sundarāgamanaṃ vata ekantena āsi ahosīti sambandho. Tisso vijjāti pubbenivāsadibbacakkhuāsavakkhayavijjā anuppattā sampattā, paccakkhaṃ katāti attho. Kataṃ buddhassa sāsananti buddhena bhagavatā desitaṃ anusiṭṭhi sāsanaṃ kataṃ nipphāditaṃ vattapaṭipattiṃ pūretvā kammaṭṭhānaṃ manasi karitvā arahattamaggañāṇādhigamena sampāditanti attho.

    595. бадисамбхид̣̇аа жад̇ассод̇и ад̇т̇абадисамбхид̣̇аад̣̇аяо жад̇ассо бан̃н̃ааяо сажчигад̇аа бажжагкам̣ гад̇аа. вимогкааби жа адтимзд̇и жад̇д̇аари маг̇г̇ан̃аан̣аани жад̇д̇аари палан̃аан̣аанийд̇и имз адта вимогкаа сам̣саарад̇о мужжануубааяаа сажчигад̇аад̇и самб̣анд̇хо. чал̣абхин̃н̃аа сажчигад̇аад̇и –

    595.Paṭisambhidā catassoti atthapaṭisambhidādayo catasso paññāyo sacchikatā paccakkhaṃ katā. Vimokkhāpi ca aṭṭhimeti cattāri maggañāṇāni cattāri phalañāṇānīti ime aṭṭha vimokkhā saṃsārato muccanūpāyā sacchikatāti sambandho. Chaḷabhiññā sacchikatāti –

    ‘‘ид̣̇д̇хивид̇хам̣ д̣̇иб̣б̣асод̇ам̣, жзд̇обарияан̃аан̣агам̣;

    ‘‘Iddhividhaṃ dibbasotaṃ, cetopariyañāṇakaṃ;

    буб̣б̣зниваасан̃аан̣ан̃жа, д̣̇иб̣б̣ажагкаасавагкаяа’’нд̇и. –

    Pubbenivāsañāṇañca, dibbacakkhāsavakkhaya’’nti. –

    имаа ча абхин̃н̃аа сажчигад̇аа бажжагкам̣ гад̇аа. имзсам̣ н̃аан̣аанам̣ сажчигаран̣зна б̣уд̣̇д̇хасса саасанам̣ гад̇анд̇и ад̇т̇о.

    Imā cha abhiññā sacchikatā paccakkhaṃ katā. Imesaṃ ñāṇānaṃ sacchikaraṇena buddhassa sāsanaṃ katanti attho.

    ид̇т̇анд̇и иминаа хздтаа вуд̇д̇аббагаарзна. суд̣̇анд̇и бад̣̇абууран̣амад̇д̇з нибаад̇о. ааяасмаа убаали т̇зрод̇и т̇ирасийлаад̣̇иг̇ун̣аяуд̇д̇о сааваго имаа буб̣б̣ажарид̇аабад̣̇аанад̣̇ийбигаа г̇аат̇ааяо абхаасид̇т̇а гат̇аяид̇т̇аад̇и ад̇т̇о.

    Itthanti iminā heṭṭhā vuttappakārena. Sudanti padapūraṇamatte nipāto. Āyasmā upāli theroti thirasīlādiguṇayutto sāvako imā pubbacaritāpadānadīpikā gāthāyo abhāsittha kathayitthāti attho.

    убаалид̇т̇зраабад̣̇аанаван̣н̣анаа самад̇д̇аа.

    Upālittheraapadānavaṇṇanā samattā.




    Next: 3-7. ан̃н̃аасигон̣д̣ан̃н̃ад̇т̇зраабад̣̇аанаван̣н̣анаа • 3-7. Aññāsikoṇḍaññattheraapadānavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3-6. убаалид̇т̇зраабад̣̇аанам̣ • 3-6. Upālittheraapadānaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact