| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
11. убаалид̇т̇зраг̇аат̇ааван̣н̣анаа
11. Upālittheragāthāvaṇṇanā
сад̣̇д̇хааяа абхинигкаммаад̇и ааяасмад̇о убаалид̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулагхарз ниб̣б̣ад̇д̇о згад̣̇ивасам̣ сад̇т̇у д̇хаммам̣ сун̣анд̇о сад̇т̇аарам̣ згам̣ бхигкум̣ винаяад̇хараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габбагаг̇зхз бадисанд̇хим̣ г̇ан̣хи, убаалийд̇исса наамам̣ агам̣су. со ваяаббад̇д̇о ануруд̣̇д̇хаад̣̇ийнам̣ чаннам̣ кад̇д̇ияаанам̣ басаад̣̇аго худ̇ваа д̇ат̇ааг̇ад̇з анубияамб̣аванз вихаранд̇з баб̣б̣аж̇анад̇т̇ааяа нигкаманд̇зхи чахи кад̇д̇иязхи сад̣̇д̇хим̣ нигкамид̇ваа баб̣б̣аж̇и. д̇асса баб̣б̣аж̇ж̇аавид̇хаанам̣ баал̣ияам̣ ааг̇ад̇амзва (жуул̣ава. 330).
Saddhāyaabhinikkhammāti āyasmato upālittherassa gāthā. Kā uppatti? Ayampi padumuttarassa bhagavato kāle haṃsavatīnagare kulaghare nibbatto ekadivasaṃ satthu dhammaṃ suṇanto satthāraṃ ekaṃ bhikkhuṃ vinayadharānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto imasmiṃ buddhuppāde kappakagehe paṭisandhiṃ gaṇhi, upālītissa nāmaṃ akaṃsu. So vayappatto anuruddhādīnaṃ channaṃ khattiyānaṃ pasādako hutvā tathāgate anupiyambavane viharante pabbajanatthāya nikkhamantehi chahi khattiyehi saddhiṃ nikkhamitvā pabbaji. Tassa pabbajjāvidhānaṃ pāḷiyaṃ āgatameva (cūḷava. 330).
со баб̣б̣аж̇ид̇ваа убасамбанно сад̇т̇у санд̇игз гаммадтаанам̣ г̇ахзд̇ваа ‘‘маяхам̣, бханд̇з, аран̃н̃аваасам̣ ануж̇аанаат̇аа’’д̇и ааха. бхигку д̇ава аран̃н̃з васанд̇асса згамзва д̇хурам̣ вад̣дхиссад̇и, амхаагам̣ бана санд̇игз васанд̇асса г̇ант̇ад̇хуран̃жа вибассанаад̇хуран̃жа барибуурзссад̇ийд̇и. т̇зро сад̇т̇у важанам̣ самбадижчид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.1.441-595) –
So pabbajitvā upasampanno satthu santike kammaṭṭhānaṃ gahetvā ‘‘mayhaṃ, bhante, araññavāsaṃ anujānāthā’’ti āha. Bhikkhu tava araññe vasantassa ekameva dhuraṃ vaḍḍhissati, amhākaṃ pana santike vasantassa ganthadhurañca vipassanādhurañca paripūressatīti. Thero satthu vacanaṃ sampaṭicchitvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 1.1.441-595) –
‘‘наг̇арз хам̣савад̇ияаа, суж̇аад̇о наама б̣раахман̣о;
‘‘Nagare haṃsavatiyā, sujāto nāma brāhmaṇo;
асийд̇игодинижаяо, бахууд̇ад̇ханад̇хан̃н̃аваа.
Asītikoṭinicayo, pahūtadhanadhaññavā.
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
лагкан̣з ид̇ихаасз жа, сад̇хаммз баарамим̣ г̇ад̇о.
Lakkhaṇe itihāse ca, sadhamme pāramiṃ gato.
‘‘бариб̣б̣ааж̇аа згасикаа, г̇од̇амаа б̣уд̣̇д̇хасаавагаа;
‘‘Paribbājā ekasikhā, gotamā buddhasāvakā;
жарагаа д̇аабасаа жзва, жаранд̇и махияаа д̇ад̣̇аа.
Carakā tāpasā ceva, caranti mahiyā tadā.
‘‘д̇зби мам̣ бариваарзнд̇и, б̣раахман̣о виссуд̇о ид̇и;
‘‘Tepi maṃ parivārenti, brāhmaṇo vissuto iti;
б̣ахуж̇ж̇ано мам̣ бууж̇зд̇и, наахам̣ бууж̇зми гин̃жанам̣.
Bahujjano maṃ pūjeti, nāhaṃ pūjemi kiñcanaṃ.
‘‘бууж̇аарахам̣ на бассаами, маанад̇т̇ад̣̇д̇хо ахам̣ д̇ад̣̇аа;
‘‘Pūjārahaṃ na passāmi, mānatthaddho ahaṃ tadā;
б̣уд̣̇д̇ход̇и важанам̣ над̇т̇и, д̇аава нуббаж̇ж̇ад̇з ж̇ино.
Buddhoti vacanaṃ natthi, tāva nuppajjate jino.
‘‘ажжаязна ахорад̇д̇ам̣, бад̣̇умуд̇д̇аранаамаго;
‘‘Accayena ahorattaṃ, padumuttaranāmako;
саб̣б̣ам̣ д̇амам̣ винод̣̇зд̇ваа, логз уббаж̇ж̇и жагкумаа.
Sabbaṃ tamaṃ vinodetvā, loke uppajji cakkhumā.
‘‘вид̇т̇ааригз б̣аахуж̇ан̃н̃з, бут̇убхууд̇з жа саасанз;
‘‘Vitthārike bāhujaññe, puthubhūte ca sāsane;
убааг̇ами д̇ад̣̇аа б̣уд̣̇д̇хо, наг̇арам̣ хам̣сасавхаяам̣.
Upāgami tadā buddho, nagaraṃ haṃsasavhayaṃ.
‘‘бид̇у ад̇т̇ааяа со б̣уд̣̇д̇хо, д̇хаммам̣ д̣̇зсзси жагкумаа;
‘‘Pitu atthāya so buddho, dhammaṃ desesi cakkhumā;
д̇зна гаалзна барисаа, саманд̇аа яож̇анам̣ д̇ад̣̇аа.
Tena kālena parisā, samantā yojanaṃ tadā.
‘‘саммад̇о мануж̇аанам̣ со, сунанд̣̇о наама д̇аабасо;
‘‘Sammato manujānaṃ so, sunando nāma tāpaso;
яаавад̇аа б̣уд̣̇д̇хабарисаа, бубпзхажчаад̣̇аяий д̇ад̣̇аа.
Yāvatā buddhaparisā, pupphehacchādayī tadā.
‘‘жад̇усажжам̣ багаасзнд̇з, сздтз жа бубпаман̣д̣абз;
‘‘Catusaccaṃ pakāsente, seṭṭhe ca pupphamaṇḍape;
годисад̇асахассаанам̣, д̇хаммаабхисамаяо аху.
Koṭisatasahassānaṃ, dhammābhisamayo ahu.
‘‘сад̇д̇арад̇д̇инд̣̇ивам̣ б̣уд̣̇д̇хо, вассзд̇ваа д̇хаммавудтияо;
‘‘Sattarattindivaṃ buddho, vassetvā dhammavuṭṭhiyo;
адтамз д̣̇ивасз бад̇д̇з, сунанд̣̇ам̣ гид̇д̇аяий ж̇ино.
Aṭṭhame divase patte, sunandaṃ kittayī jino.
‘‘д̣̇звалогз мануссз ваа, сам̣саранд̇о аяам̣ бхавз;
‘‘Devaloke manusse vā, saṃsaranto ayaṃ bhave;
саб̣б̣зсам̣ баваро худ̇ваа, бхавзсу сам̣сариссад̇и.
Sabbesaṃ pavaro hutvā, bhavesu saṃsarissati.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
манд̇аан̣ибуд̇д̇о бун̣н̣од̇и, хзссад̇и сад̇т̇у сааваго.
Mantāṇiputto puṇṇoti, hessati satthu sāvako.
‘‘звам̣ гид̇д̇аяи самб̣уд̣̇д̇хо, сунанд̣̇ам̣ д̇аабасам̣ д̇ад̣̇аа;
‘‘Evaṃ kittayi sambuddho, sunandaṃ tāpasaṃ tadā;
хаасаяанд̇о ж̇анам̣ саб̣б̣ам̣, д̣̇ассаяанд̇о сагам̣ б̣алам̣.
Hāsayanto janaṃ sabbaṃ, dassayanto sakaṃ balaṃ.
‘‘гад̇ан̃ж̇алий намассанд̇и, сунанд̣̇ам̣ д̇аабасам̣ ж̇анаа;
‘‘Katañjalī namassanti, sunandaṃ tāpasaṃ janā;
б̣уд̣̇д̇хз гаарам̣ гарид̇ваана, сод̇хзси г̇ад̇имад̇д̇ано.
Buddhe kāraṃ karitvāna, sodhesi gatimattano.
‘‘д̇ад̇т̇а мз аху сан̇габбо, суд̇ваана мунино важам̣;
‘‘Tattha me ahu saṅkappo, sutvāna munino vacaṃ;
ахамби гаарам̣ гассаами, яат̇аа бассаами г̇од̇амам̣.
Ahampi kāraṃ kassāmi, yathā passāmi gotamaṃ.
‘‘зваахам̣ жинд̇аяид̇ваана, гирияам̣ жинд̇аяим̣ мама;
‘‘Evāhaṃ cintayitvāna, kiriyaṃ cintayiṃ mama;
гяаахам̣ гаммам̣ аажараами, бун̃н̃агкзд̇д̇з ануд̇д̇арз.
Kyāhaṃ kammaṃ ācarāmi, puññakkhette anuttare.
‘‘аяан̃жа баатиго бхигку, саб̣б̣абаатисса саасанз;
‘‘Ayañca pāṭhiko bhikkhu, sabbapāṭhissa sāsane;
винаяз аг̇г̇анигкид̇д̇о, д̇ам̣ таанам̣ бад̇т̇аяз ахам̣.
Vinaye agganikkhitto, taṃ ṭhānaṃ patthaye ahaṃ.
‘‘ид̣̇ам̣ мз амид̇ам̣ бхог̇ам̣, агкобхам̣ сааг̇аруубамам̣;
‘‘Idaṃ me amitaṃ bhogaṃ, akkhobhaṃ sāgarūpamaṃ;
д̇зна бхог̇зна б̣уд̣̇д̇хасса, аараамам̣ маабаяз ахам̣.
Tena bhogena buddhassa, ārāmaṃ māpaye ahaṃ.
‘‘собханам̣ наама аараамам̣, наг̇арасса бурад̇т̇ад̇о;
‘‘Sobhanaṃ nāma ārāmaṃ, nagarassa puratthato;
гин̣ид̇ваа сад̇асахассзна, сан̇гхаараамам̣ амаабаяим̣.
Kiṇitvā satasahassena, saṅghārāmaṃ amāpayiṃ.
‘‘гуудааг̇аарз жа баасаад̣̇з, ман̣д̣абз хаммияз г̇ухаа;
‘‘Kūṭāgāre ca pāsāde, maṇḍape hammiye guhā;
жан̇гамз сугад̇з гад̇ваа, сан̇гхаараамам̣ амаабаяим̣.
Caṅkame sukate katvā, saṅghārāmaṃ amāpayiṃ.
‘‘ж̇анд̇аагхарам̣ аг̇г̇исаалам̣, ат̇о уд̣̇агамаал̣агам̣;
‘‘Jantāgharaṃ aggisālaṃ, atho udakamāḷakaṃ;
нхаанагхарам̣ маабаяид̇ваа, бхигкусан̇гхассад̣̇аасахам̣.
Nhānagharaṃ māpayitvā, bhikkhusaṅghassadāsahaṃ.
‘‘аасанд̣̇ияо бийтагз жа, барибхог̇з жа бхааж̇анз;
‘‘Āsandiyo pīṭhake ca, paribhoge ca bhājane;
аараамиган̃жа бхзсаж̇ж̇ам̣, саб̣б̣амзд̇ам̣ ад̣̇аасахам̣.
Ārāmikañca bhesajjaṃ, sabbametaṃ adāsahaṃ.
‘‘аарагкам̣ бадтабзд̇ваана, баагаарам̣ гаараяим̣ д̣̇ал̣хам̣;
‘‘Ārakkhaṃ paṭṭhapetvāna, pākāraṃ kārayiṃ daḷhaṃ;
маа нам̣ гожи вихзтзси, санд̇ажид̇д̇аана д̇аад̣̇инам̣.
Mā naṃ koci viheṭhesi, santacittāna tādinaṃ.
‘‘сад̇асахассзнааваасам̣, сан̇гхаараамз амаабаяим̣;
‘‘Satasahassenāvāsaṃ, saṅghārāme amāpayiṃ;
взбуллам̣ д̇ам̣ маабаяид̇ваа, самб̣уд̣̇д̇хам̣ убанаамаяим̣.
Vepullaṃ taṃ māpayitvā, sambuddhaṃ upanāmayiṃ.
‘‘нидтаабид̇о маяаараамо, самбадижча д̇увам̣ муни;
‘‘Niṭṭhāpito mayārāmo, sampaṭiccha tuvaṃ muni;
нияяаад̣̇зссаами д̇ам̣ вийра, ад̇хиваасзхи жагкума.
Niyyādessāmi taṃ vīra, adhivāsehi cakkhuma.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мама сан̇габбаман̃н̃ааяа, ад̇хиваасзси нааяаго.
Mama saṅkappamaññāya, adhivāsesi nāyako.
‘‘ад̇хиваасанаман̃н̃ааяа, саб̣б̣ан̃н̃усса махзсино;
‘‘Adhivāsanamaññāya, sabbaññussa mahesino;
бхож̇анам̣ бадияаад̣̇зд̇ваа, гааламаарожаяим̣ ахам̣.
Bhojanaṃ paṭiyādetvā, kālamārocayiṃ ahaṃ.
‘‘аарожид̇амхи гааламхи, бад̣̇умуд̇д̇аранааяаго;
‘‘Ārocitamhi kālamhi, padumuttaranāyako;
кийн̣аасавасахассзхи, аараамам̣ мз убааг̇ами.
Khīṇāsavasahassehi, ārāmaṃ me upāgami.
‘‘нисиннам̣ гааламан̃н̃ааяа, аннабаанзна д̇аббаяим̣;
‘‘Nisinnaṃ kālamaññāya, annapānena tappayiṃ;
бхуд̇д̇аавим̣ гааламан̃н̃ааяа, ид̣̇ам̣ важанамаб̣равим̣.
Bhuttāviṃ kālamaññāya, idaṃ vacanamabraviṃ.
‘‘гийд̇о сад̇асахассзна, д̇ад̇д̇агзнзва гаарид̇о;
‘‘Kīto satasahassena, tattakeneva kārito;
собхано наама аараамо, самбадижча д̇увам̣ муни.
Sobhano nāma ārāmo, sampaṭiccha tuvaṃ muni.
‘‘иминаараамад̣̇аанзна , жзд̇анаабан̣ид̇хийхи жа;
‘‘Iminārāmadānena , cetanāpaṇidhīhi ca;
бхавз ниб̣б̣ад̇д̇амаанохам̣, лабхаами мама бад̇т̇ид̇ам̣.
Bhave nibbattamānohaṃ, labhāmi mama patthitaṃ.
‘‘бадиг̇г̇ахзд̇ваа самб̣уд̣̇д̇хо, сан̇гхаараамам̣ сумаабид̇ам̣;
‘‘Paṭiggahetvā sambuddho, saṅghārāmaṃ sumāpitaṃ;
бхигкусан̇гхз нисийд̣̇ид̇ваа, ид̣̇ам̣ важанамаб̣рави.
Bhikkhusaṅghe nisīditvā, idaṃ vacanamabravi.
‘‘яо со б̣уд̣̇д̇хасса баад̣̇ааси, сан̇гхаараамам̣ сумаабид̇ам̣;
‘‘Yo so buddhassa pādāsi, saṅghārāmaṃ sumāpitaṃ;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘хад̇т̇ий ассаа рат̇аа бад̇д̇ий, сзнаа жа жад̇уран̇г̇иний;
‘‘Hatthī assā rathā pattī, senā ca caturaṅginī;
бариваарзссанд̇имам̣ нижжам̣, сан̇гхаараамассид̣̇ам̣ палам̣.
Parivāressantimaṃ niccaṃ, saṅghārāmassidaṃ phalaṃ.
‘‘садти д̇уурасахассаани, бхзрияо самалан̇гад̇аа;
‘‘Saṭṭhi tūrasahassāni, bheriyo samalaṅkatā;
бариваарзссанд̇имам̣ нижжам̣, сан̇гхаараамассид̣̇ам̣ палам̣.
Parivāressantimaṃ niccaṃ, saṅghārāmassidaṃ phalaṃ.
‘‘чал̣асийд̇исахассаани, наарияо самалан̇гад̇аа;
‘‘Chaḷasītisahassāni, nāriyo samalaṅkatā;
вижид̇д̇авад̇т̇аабхаран̣аа, аамуд̇д̇аман̣игун̣д̣алаа.
Vicittavatthābharaṇā, āmuttamaṇikuṇḍalā.
‘‘ал̣аарабамхаа хасулаа, сусан̃н̃аа д̇анумаж̇жхимаа;
‘‘Aḷārapamhā hasulā, susaññā tanumajjhimā;
бариваарзссанд̇имам̣ нижжам̣, сан̇гхаараамассид̣̇ам̣ палам̣.
Parivāressantimaṃ niccaṃ, saṅghārāmassidaṃ phalaṃ.
‘‘д̇им̣сагаббасахассаани, д̣̇звалогз рамиссад̇и;
‘‘Tiṃsakappasahassāni, devaloke ramissati;
сахассагкад̇д̇ум̣ д̣̇звинд̣̇о, д̣̇звараж̇ж̇ам̣ гариссад̇и.
Sahassakkhattuṃ devindo, devarajjaṃ karissati.
‘‘д̣̇зварааж̇зна бад̇д̇аб̣б̣ам̣, саб̣б̣ам̣ бадилабхиссад̇и;
‘‘Devarājena pattabbaṃ, sabbaṃ paṭilabhissati;
ануунабхог̇о худ̇ваана, д̣̇звараж̇ж̇ам̣ гариссад̇и.
Anūnabhogo hutvāna, devarajjaṃ karissati.
‘‘сахассагкад̇д̇ум̣ жаггавад̇д̇ий, рааж̇аа радтз бхависсад̇и.
‘‘Sahassakkhattuṃ cakkavattī, rājā raṭṭhe bhavissati.
бат̇аб̣яаа раж̇ж̇ам̣ вибулам̣, г̇ан̣анаад̇о асан̇кияам̣.
Pathabyā rajjaṃ vipulaṃ, gaṇanāto asaṅkhiyaṃ.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
убаали наама наамзна, хзссад̇и сад̇т̇у сааваго.
Upāli nāma nāmena, hessati satthu sāvako.
‘‘винаяз баарамим̣ бад̇ваа, таанаатаанз жа говид̣̇о;
‘‘Vinaye pāramiṃ patvā, ṭhānāṭhāne ca kovido;
ж̇инасаасанам̣ д̇хаарзнд̇о, вихариссад̇инаасаво.
Jinasāsanaṃ dhārento, viharissatināsavo.
‘‘саб̣б̣амзд̇ам̣ абхин̃н̃ааяа, г̇од̇амо сагяабун̇г̇аво;
‘‘Sabbametaṃ abhiññāya, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзссад̇и.
Bhikkhusaṅghe nisīditvā, etadagge ṭhapessati.
‘‘абаримзяяубаад̣̇ааяа, бад̇т̇зми д̇ава саасанам̣;
‘‘Aparimeyyupādāya, patthemi tava sāsanaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘яат̇аа суулаавуд̇о босо, рааж̇ад̣̇ан̣д̣зна д̇аж̇ж̇ид̇о;
‘‘Yathā sūlāvuto poso, rājadaṇḍena tajjito;
суулз саад̇ам̣ авинд̣̇анд̇о, баримуд̇д̇им̣ва ижчад̇и.
Sūle sātaṃ avindanto, parimuttiṃva icchati.
‘‘д̇ат̇зваахам̣ махаавийра, бхавад̣̇ан̣д̣зна д̇аж̇ж̇ид̇о;
‘‘Tathevāhaṃ mahāvīra, bhavadaṇḍena tajjito;
гаммасуулаавуд̇о санд̇о, бибаасаавзд̣̇анаддид̇о.
Kammasūlāvuto santo, pipāsāvedanaṭṭito.
‘‘бхавз саад̇ам̣ на винд̣̇аами, д̣аяханд̇о д̇ийхи аг̇г̇ибхи;
‘‘Bhave sātaṃ na vindāmi, ḍayhanto tīhi aggibhi;
баримуд̇д̇им̣ г̇авзсаами, яат̇ааби рааж̇ад̣̇ан̣д̣ид̇о.
Parimuttiṃ gavesāmi, yathāpi rājadaṇḍito.
‘‘яат̇аа висаад̣̇о бурисо, висзна барибийл̣ид̇о;
‘‘Yathā visādo puriso, visena paripīḷito;
аг̇ад̣̇ам̣ со г̇авзсзяяа, висагхаад̇ааяубааланам̣.
Agadaṃ so gaveseyya, visaghātāyupālanaṃ.
‘‘г̇авзсамаано бассзяяа, аг̇ад̣̇ам̣ висагхаад̇агам̣;
‘‘Gavesamāno passeyya, agadaṃ visaghātakaṃ;
д̇ам̣ бивид̇ваа сукий асса, висамхаа баримуд̇д̇ияаа.
Taṃ pivitvā sukhī assa, visamhā parimuttiyā.
‘‘д̇ат̇зваахам̣ махаавийра, яат̇аа висахад̇о наро;
‘‘Tathevāhaṃ mahāvīra, yathā visahato naro;
самбийл̣ид̇о авиж̇ж̇ааяа, сад̣̇д̇хаммааг̇ад̣̇амзсахам̣.
Sampīḷito avijjāya, saddhammāgadamesahaṃ.
‘‘д̇хаммааг̇ад̣̇ам̣ г̇авзсанд̇о, ад̣̇д̣̇агким̣ сагяасаасанам̣;
‘‘Dhammāgadaṃ gavesanto, addakkhiṃ sakyasāsanaṃ;
аг̇г̇ам̣ саб̣б̣осад̇хаанам̣ д̇ам̣, саб̣б̣асаллавинод̣̇анам̣.
Aggaṃ sabbosadhānaṃ taṃ, sabbasallavinodanaṃ.
‘‘д̇хаммосад̇хам̣ бивид̇ваана, висам̣ саб̣б̣ам̣ самууханим̣;
‘‘Dhammosadhaṃ pivitvāna, visaṃ sabbaṃ samūhaniṃ;
аж̇араамарам̣ сийд̇ибхаавам̣, ниб̣б̣аанам̣ пассаяим̣ ахам̣.
Ajarāmaraṃ sītibhāvaṃ, nibbānaṃ phassayiṃ ahaṃ.
‘‘яат̇аа бхууд̇аддид̇о босо, бхууд̇аг̇г̇аахзна бийл̣ид̇о;
‘‘Yathā bhūtaṭṭito poso, bhūtaggāhena pīḷito;
бхууд̇авзж̇ж̇ам̣ г̇авзсзяяа, бхууд̇асмаа баримуд̇д̇ияаа.
Bhūtavejjaṃ gaveseyya, bhūtasmā parimuttiyā.
‘‘г̇авзсамаано бассзяяа, бхууд̇авиж̇ж̇аасу говид̣̇ам̣;
‘‘Gavesamāno passeyya, bhūtavijjāsu kovidaṃ;
д̇асса со виханз бхууд̇ам̣, самуулан̃жа винаасаяз.
Tassa so vihane bhūtaṃ, samūlañca vināsaye.
‘‘д̇ат̇зваахам̣ махаавийра, д̇амаг̇г̇аахзна бийл̣ид̇о;
‘‘Tathevāhaṃ mahāvīra, tamaggāhena pīḷito;
н̃аан̣аалогам̣ г̇авзсаами, д̇амад̇о баримуд̇д̇ияаа.
Ñāṇālokaṃ gavesāmi, tamato parimuttiyā.
‘‘ат̇ад̣̇д̣̇асам̣ сагяамуним̣, гилзсад̇амасод̇ханам̣;
‘‘Athaddasaṃ sakyamuniṃ, kilesatamasodhanaṃ;
со мз д̇амам̣ винод̣̇зси, бхууд̇авзж̇ж̇ова бхууд̇агам̣.
So me tamaṃ vinodesi, bhūtavejjova bhūtakaṃ.
‘‘сам̣саарасод̇ам̣ сан̃чинд̣̇им̣, д̇ан̣хаасод̇ам̣ ниваараяим̣;
‘‘Saṃsārasotaṃ sañchindiṃ, taṇhāsotaṃ nivārayiṃ;
бхавам̣ уг̇гхаадаяим̣ саб̣б̣ам̣, бхууд̇авзж̇ж̇ова муулад̇о.
Bhavaṃ ugghāṭayiṃ sabbaṃ, bhūtavejjova mūlato.
‘‘г̇арул̣о яат̇аа обад̇ад̇и, баннаг̇ам̣ бхагкамад̇д̇ано;
‘‘Garuḷo yathā opatati, pannagaṃ bhakkhamattano;
саманд̇аа яож̇анасад̇ам̣, вигкобхзд̇и махаасарам̣.
Samantā yojanasataṃ, vikkhobheti mahāsaraṃ.
‘‘баннаг̇ам̣ со г̇ахзд̇ваана, ад̇хосийсам̣ вихзтаяам̣;
‘‘Pannagaṃ so gahetvāna, adhosīsaṃ viheṭhayaṃ;
аад̣̇ааяа со баггамад̇и, язнагаамам̣ вихан̇г̇амо.
Ādāya so pakkamati, yenakāmaṃ vihaṅgamo.
‘‘д̇ат̇зваахам̣ махаавийра, яат̇ааби г̇арул̣о б̣алий;
‘‘Tathevāhaṃ mahāvīra, yathāpi garuḷo balī;
асан̇кад̇ам̣ г̇авзсанд̇о, д̣̇осз вигкаалаяим̣ ахам̣.
Asaṅkhataṃ gavesanto, dose vikkhālayiṃ ahaṃ.
‘‘д̣̇идто ахам̣ д̇хаммаварам̣, санд̇ибад̣̇амануд̇д̇арам̣;
‘‘Diṭṭho ahaṃ dhammavaraṃ, santipadamanuttaraṃ;
аад̣̇ааяа вихараамзд̇ам̣, г̇арул̣о баннаг̇ам̣ яат̇аа.
Ādāya viharāmetaṃ, garuḷo pannagaṃ yathā.
‘‘аасаавад̇ий наама лад̇аа, ж̇аад̇аа жид̇д̇алад̇ааванз;
‘‘Āsāvatī nāma latā, jātā cittalatāvane;
д̇ассаа вассасахассзна, згам̣ ниб̣б̣ад̇д̇ад̇з палам̣.
Tassā vassasahassena, ekaṃ nibbattate phalaṃ.
‘‘д̇ам̣ д̣̇зваа баяирубаасанд̇и, д̇аавад̣̇уурапалз сад̇и;
‘‘Taṃ devā payirupāsanti, tāvadūraphale sati;
д̣̇зваанам̣ саа бияаа звам̣, аасаавад̇ий лад̇уд̇д̇амаа.
Devānaṃ sā piyā evaṃ, āsāvatī latuttamā.
‘‘сад̇асахассубаад̣̇ааяа, д̇аахам̣ барижарз муни;
‘‘Satasahassupādāya, tāhaṃ paricare muni;
сааяам̣ баад̇ам̣ намассаами, д̣̇зваа аасаавад̇им̣ яат̇аа.
Sāyaṃ pātaṃ namassāmi, devā āsāvatiṃ yathā.
‘‘аван̃жхаа баарижарияаа, амогхаа жа намассанаа;
‘‘Avañjhā pāricariyā, amoghā ca namassanā;
д̣̇уурааг̇ад̇амби мам̣ санд̇ам̣, кан̣ояам̣ на вираад̇хаяи.
Dūrāgatampi maṃ santaṃ, khaṇoyaṃ na virādhayi.
‘‘бадисанд̇хим̣ на бассаами, вижинанд̇о бхавз ахам̣;
‘‘Paṭisandhiṃ na passāmi, vicinanto bhave ahaṃ;
нируубад̇хи виббамуд̇д̇о, убасанд̇о жараамахам̣.
Nirūpadhi vippamutto, upasanto carāmahaṃ.
‘‘яат̇ааби бад̣̇умам̣ наама, суурияарам̣сзна бубпад̇и;
‘‘Yathāpi padumaṃ nāma, sūriyaraṃsena pupphati;
д̇ат̇зваахам̣ махаавийра, б̣уд̣̇д̇харам̣сзна бубпид̇о.
Tathevāhaṃ mahāvīra, buddharaṃsena pupphito.
‘‘яат̇аа б̣алаагаяонимхи, на виж̇ж̇ад̇и бумо сад̣̇аа;
‘‘Yathā balākayonimhi, na vijjati pumo sadā;
мзгхзсу г̇аж̇ж̇амаанзсу, г̇аб̣бхам̣ г̇ан̣ханд̇и д̇аа сад̣̇аа.
Meghesu gajjamānesu, gabbhaṃ gaṇhanti tā sadā.
‘‘жирамби г̇аб̣бхам̣ д̇хаарзнд̇и, яаава мзгхо на г̇аж̇ж̇ад̇и;
‘‘Cirampi gabbhaṃ dhārenti, yāva megho na gajjati;
бхаарад̇о баримужжанд̇и, яад̣̇аа мзгхо бавассад̇и.
Bhārato parimuccanti, yadā megho pavassati.
‘‘бад̣̇умуд̇д̇араб̣уд̣̇д̇хасса, д̇хаммамзгхзна г̇аж̇ж̇ад̇о;
‘‘Padumuttarabuddhassa, dhammameghena gajjato;
сад̣̇д̣̇зна д̇хаммамзгхасса, д̇хаммаг̇аб̣бхам̣ аг̇ан̣хахам̣.
Saddena dhammameghassa, dhammagabbhaṃ agaṇhahaṃ.
‘‘сад̇асахассубаад̣̇ааяа, бун̃н̃аг̇аб̣бхам̣ д̇харзмахам̣;
‘‘Satasahassupādāya, puññagabbhaṃ dharemahaṃ;
наббамужжаами бхаарад̇о, д̇хаммамзгхо на г̇аж̇ж̇ад̇и.
Nappamuccāmi bhārato, dhammamegho na gajjati.
‘‘яад̣̇аа д̇увам̣ сагяамуни, раммз габилавад̇т̇авз;
‘‘Yadā tuvaṃ sakyamuni, ramme kapilavatthave;
г̇аж̇ж̇аси д̇хаммамзгхзна, бхаарад̇о баримужжахам̣.
Gajjasi dhammameghena, bhārato parimuccahaṃ.
‘‘сун̃н̃ад̇ам̣ анимид̇д̇ан̃жа, д̇ат̇ааббан̣ихид̇амби жа;
‘‘Suññataṃ animittañca, tathāppaṇihitampi ca;
жад̇уро жа палз саб̣б̣з, д̇хаммзвам̣ виж̇анаяим̣ ахам̣.
Caturo ca phale sabbe, dhammevaṃ vijanayiṃ ahaṃ.
‘‘абаримзяяубаад̣̇ааяа, бад̇т̇зми д̇ава саасанам̣;
‘‘Aparimeyyupādāya, patthemi tava sāsanaṃ;
со мз ад̇т̇о ануббад̇д̇о, санд̇ибад̣̇амануд̇д̇арам̣.
So me attho anuppatto, santipadamanuttaraṃ.
‘‘винаяз баарамим̣ бад̇д̇о, яат̇ааби баатиго иси;
‘‘Vinaye pāramiṃ patto, yathāpi pāṭhiko isi;
на мз самасамо ад̇т̇и, д̇хаарзми саасанам̣ ахам̣.
Na me samasamo atthi, dhāremi sāsanaṃ ahaṃ.
‘‘винаяз канд̇хагз жааби, д̇игажчзд̣̇з жа бан̃жагз;
‘‘Vinaye khandhake cāpi, tikacchede ca pañcake;
зд̇т̇а мз вимад̇и над̇т̇и, агкарз б̣яан̃ж̇анзби ваа.
Ettha me vimati natthi, akkhare byañjanepi vā.
‘‘ниг̇г̇ахз бадигаммз жа, таанаатаанз жа говид̣̇о;
‘‘Niggahe paṭikamme ca, ṭhānāṭhāne ca kovido;
осааран̣з вудтаабанз, саб̣б̣ад̇т̇а баарамим̣ г̇ад̇о.
Osāraṇe vuṭṭhāpane, sabbattha pāramiṃ gato.
‘‘винаяз канд̇хагз вааби, нигкибид̇ваа бад̣̇ам̣ ахам̣;
‘‘Vinaye khandhake vāpi, nikkhipitvā padaṃ ahaṃ;
убхад̇о винивзтзд̇ваа, расад̇о осарзяяахам̣.
Ubhato viniveṭhetvā, rasato osareyyahaṃ.
‘‘нируд̇д̇ияаа сугусало, ад̇т̇аанад̇т̇з жа говид̣̇о;
‘‘Niruttiyā sukusalo, atthānatthe ca kovido;
анан̃н̃аад̇ам̣ маяаа над̇т̇и, згаг̇г̇о сад̇т̇у саасанз.
Anaññātaṃ mayā natthi, ekaggo satthu sāsane.
‘‘руубад̣̇агко ахам̣ аж̇ж̇а, сагяабуд̇д̇асса саасанз;
‘‘Rūpadakkho ahaṃ ajja, sakyaputtassa sāsane;
ган̇кам̣ саб̣б̣ам̣ винод̣̇зми, чинд̣̇аами саб̣б̣асам̣саяам̣.
Kaṅkhaṃ sabbaṃ vinodemi, chindāmi sabbasaṃsayaṃ.
‘‘бад̣̇ам̣ анубад̣̇ан̃жааби, агкаран̃жааби б̣яан̃ж̇анам̣;
‘‘Padaṃ anupadañcāpi, akkharañcāpi byañjanaṃ;
нид̣̇аанз барияосаанз, саб̣б̣ад̇т̇а говид̣̇о ахам̣.
Nidāne pariyosāne, sabbattha kovido ahaṃ.
‘‘яат̇ааби рааж̇аа б̣алаваа, ниг̇г̇ан̣хид̇ваа баранд̇абз;
‘‘Yathāpi rājā balavā, niggaṇhitvā parantape;
виж̇инид̇ваана сан̇г̇аамам̣, наг̇арам̣ д̇ад̇т̇а маабаяз.
Vijinitvāna saṅgāmaṃ, nagaraṃ tattha māpaye.
‘‘баагаарам̣ барикан̃жааби, зсигам̣ д̣̇ваарагодтагам̣;
‘‘Pākāraṃ parikhañcāpi, esikaṃ dvārakoṭṭhakaṃ;
аддаалагз жа вивид̇хз, гаараяз наг̇арз б̣ахуу.
Aṭṭālake ca vividhe, kāraye nagare bahū.
‘‘син̇гхаадагам̣ жажжаран̃жа, сувибхад̇д̇анд̇араабан̣ам̣;
‘‘Siṅghāṭakaṃ caccarañca, suvibhattantarāpaṇaṃ;
гаараязяяа сабхам̣ д̇ад̇т̇а, ад̇т̇аанад̇т̇авинижчаяам̣.
Kārayeyya sabhaṃ tattha, atthānatthavinicchayaṃ.
‘‘ниг̇гхаад̇ад̇т̇ам̣ амид̇д̇аанам̣, чид̣̇д̣̇аачид̣̇д̣̇ан̃жа ж̇аанид̇ум̣;
‘‘Nigghātatthaṃ amittānaṃ, chiddāchiddañca jānituṃ;
б̣алагааяасса рагкааяа, сзнаабажжам̣ табзд̇и со.
Balakāyassa rakkhāya, senāpaccaṃ ṭhapeti so.
‘‘аарагкад̇т̇ааяа бхан̣д̣асса, нид̇хаанагусалам̣ нарам̣;
‘‘Ārakkhatthāya bhaṇḍassa, nidhānakusalaṃ naraṃ;
маа мз бхан̣д̣ам̣ винассийд̇и, бхан̣д̣арагкам̣ табзд̇и со.
Mā me bhaṇḍaṃ vinassīti, bhaṇḍarakkhaṃ ṭhapeti so.
‘‘мамад̇д̇о ход̇и яо ран̃н̃о, вуд̣̇д̇хим̣ яасса жа ижчад̇и;
‘‘Mamatto hoti yo rañño, vuddhiṃ yassa ca icchati;
д̇ассаад̇хигаран̣ам̣ д̣̇зд̇и, мид̇д̇асса бадибаж̇ж̇ид̇ум̣.
Tassādhikaraṇaṃ deti, mittassa paṭipajjituṃ.
‘‘уббаад̇зсу нимид̇д̇зсу, лагкан̣зсу жа говид̣̇ам̣;
‘‘Uppātesu nimittesu, lakkhaṇesu ca kovidaṃ;
аж̇жхааяагам̣ манд̇ад̇харам̣, борохижжз табзд̇и со.
Ajjhāyakaṃ mantadharaṃ, porohicce ṭhapeti so.
‘‘зд̇зхан̇г̇зхи самбанно, кад̇д̇ияод̇и бавужжад̇и;
‘‘Etehaṅgehi sampanno, khattiyoti pavuccati;
сад̣̇аа рагканд̇и рааж̇аанам̣, жаггаваагова д̣̇угкид̇ам̣.
Sadā rakkhanti rājānaṃ, cakkavākova dukkhitaṃ.
‘‘д̇ат̇зва д̇вам̣ махаавийра, хад̇аамид̇д̇ова кад̇д̇ияо;
‘‘Tatheva tvaṃ mahāvīra, hatāmittova khattiyo;
сад̣̇звагасса логасса, д̇хаммарааж̇аад̇и вужжад̇и.
Sadevakassa lokassa, dhammarājāti vuccati.
‘‘д̇ид̇т̇ияз ниханид̇ваана, мааран̃жааби сасзнагам̣;
‘‘Titthiye nihanitvāna, mārañcāpi sasenakaṃ;
д̇аманд̇хагаарам̣ вид̇хамид̇ваа, д̇хамманаг̇арам̣ амаабаяи.
Tamandhakāraṃ vidhamitvā, dhammanagaraṃ amāpayi.
‘‘сийлам̣ баагаарагам̣ д̇ад̇т̇а, н̃аан̣ам̣ д̇з д̣̇ваарагодтагам̣;
‘‘Sīlaṃ pākārakaṃ tattha, ñāṇaṃ te dvārakoṭṭhakaṃ;
сад̣̇д̇хаа д̇з зсигаа вийра, д̣̇ваарабаало жа сам̣варо.
Saddhā te esikā vīra, dvārapālo ca saṃvaro.
‘‘сад̇ибадтаанамаддаалам̣, бан̃н̃аа д̇з жажжарам̣ мунз;
‘‘Satipaṭṭhānamaṭṭālaṃ, paññā te caccaraṃ mune;
ид̣̇д̇хибаад̣̇ан̃жа син̇гхаадам̣, д̇хаммавийт̇и сумаабид̇аа.
Iddhipādañca siṅghāṭaṃ, dhammavīthi sumāpitā.
‘‘суд̇д̇анд̇ам̣ абхид̇хамман̃жа, винаяан̃жааби гзвалам̣;
‘‘Suttantaṃ abhidhammañca, vinayañcāpi kevalaṃ;
наван̇г̇ам̣ б̣уд̣̇д̇хаважанам̣, зсаа д̇хаммасабхаа д̇ава.
Navaṅgaṃ buddhavacanaṃ, esā dhammasabhā tava.
‘‘сун̃н̃ад̇ам̣ анимид̇д̇ан̃жа, вихааран̃жаббан̣ийхид̇ам̣;
‘‘Suññataṃ animittañca, vihārañcappaṇīhitaṃ;
аанзн̃ж̇ан̃жа нирод̇хо жа, зсаа д̇хаммагудий д̇ава.
Āneñjañca nirodho ca, esā dhammakuṭī tava.
‘‘бан̃н̃ааяа аг̇г̇о нигкид̇д̇о, бадибхаанз жа говид̣̇о;
‘‘Paññāya aggo nikkhitto, paṭibhāne ca kovido;
саарибуд̇д̇од̇и наамзна, д̇хаммасзнаабад̇ий д̇ава.
Sāriputtoti nāmena, dhammasenāpatī tava.
‘‘жуд̇уубабаад̇агусало , ид̣̇д̇хияаа баарамим̣ г̇ад̇о;
‘‘Cutūpapātakusalo , iddhiyā pāramiṃ gato;
голид̇о наама наамзна, борохижжо д̇авам̣ мунз.
Kolito nāma nāmena, porohicco tavaṃ mune.
‘‘бораан̣агавам̣сад̇харо, уг̇г̇ад̇зж̇о д̣̇ураасад̣̇о;
‘‘Porāṇakavaṃsadharo, uggatejo durāsado;
д̇худ̇аваад̣̇ийг̇ун̣знаг̇г̇о, агкад̣̇ассо д̇авам̣ мунз.
Dhutavādīguṇenaggo, akkhadasso tavaṃ mune.
‘‘б̣ахуссуд̇о д̇хаммад̇харо, саб̣б̣абаатий жа саасанз;
‘‘Bahussuto dhammadharo, sabbapāṭhī ca sāsane;
аананд̣̇о наама наамзна, д̇хаммаарагко д̇авам̣ мунз.
Ānando nāma nāmena, dhammārakkho tavaṃ mune.
‘‘зд̇з саб̣б̣з ад̇иггамма, бамзси бхаг̇аваа мамам̣;
‘‘Ete sabbe atikkamma, pamesi bhagavā mamaṃ;
винижчаяам̣ мз баад̣̇ааси, винаяз вин̃н̃уд̣̇зсид̇ам̣.
Vinicchayaṃ me pādāsi, vinaye viññudesitaṃ.
‘‘яо гожи винаяз бан̃хам̣, бужчад̇и б̣уд̣̇д̇хасааваго;
‘‘Yo koci vinaye pañhaṃ, pucchati buddhasāvako;
д̇ад̇т̇а мз жинд̇анаа над̇т̇и, д̇ан̃н̃звад̇т̇ам̣ гат̇змахам̣.
Tattha me cintanā natthi, taññevatthaṃ kathemahaṃ.
‘‘яаавад̇аа б̣уд̣̇д̇хакзд̇д̇амхи, табзд̇ваа д̇ам̣ махаамуни;
‘‘Yāvatā buddhakhettamhi, ṭhapetvā taṃ mahāmuni;
винаяз маад̣̇исо над̇т̇и, гуд̇о бхияяо бхависсад̇и.
Vinaye mādiso natthi, kuto bhiyyo bhavissati.
‘‘бхигкусан̇гхз нисийд̣̇ид̇ваа, звам̣ г̇аж̇ж̇ад̇и г̇од̇амо;
‘‘Bhikkhusaṅghe nisīditvā, evaṃ gajjati gotamo;
убаалисса само над̇т̇и, винаяз канд̇хагзсу жа.
Upālissa samo natthi, vinaye khandhakesu ca.
‘‘яаавад̇аа б̣уд̣̇д̇хабхан̣ид̇ам̣, наван̇г̇ам̣ сад̇т̇усаасанам̣;
‘‘Yāvatā buddhabhaṇitaṃ, navaṅgaṃ satthusāsanaṃ;
винаяог̇ад̇хам̣ д̇ам̣ саб̣б̣ам̣, винаяамуулабассино.
Vinayogadhaṃ taṃ sabbaṃ, vinayamūlapassino.
‘‘мама гаммам̣ сарид̇ваана, г̇од̇амо сагяабун̇г̇аво;
‘‘Mama kammaṃ saritvāna, gotamo sakyapuṅgavo;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
‘‘сад̇асахассубаад̣̇ааяа, имам̣ таанам̣ абад̇т̇аяим̣;
‘‘Satasahassupādāya, imaṃ ṭhānaṃ apatthayiṃ;
со мз ад̇т̇о ануббад̇д̇о, винаяз баарамим̣ г̇ад̇о.
So me attho anuppatto, vinaye pāramiṃ gato.
‘‘сагяаанам̣ нанд̣̇иж̇анано, габбаго аасахам̣ бурз;
‘‘Sakyānaṃ nandijanano, kappako āsahaṃ pure;
виж̇ахид̇ваана д̇ам̣ ж̇аад̇им̣, буд̇д̇о ж̇аад̇о махзсино.
Vijahitvāna taṃ jātiṃ, putto jāto mahesino.
‘‘ид̇о д̣̇уд̇ияагз габбз, ан̃ж̇асо наама кад̇д̇ияо;
‘‘Ito dutiyake kappe, añjaso nāma khattiyo;
ананд̇ад̇зж̇о амид̇аяасо, бхуумибаало махад̣̇д̇хано.
Anantatejo amitayaso, bhūmipālo mahaddhano.
‘‘д̇асса ран̃н̃о ахам̣ буд̇д̇о, жанд̣̇ано наама кад̇д̇ияо;
‘‘Tassa rañño ahaṃ putto, candano nāma khattiyo;
ж̇аад̇имад̣̇знубад̇т̇ад̣̇д̇хо, яасабхог̇амад̣̇зна жа.
Jātimadenupatthaddho, yasabhogamadena ca.
‘‘нааг̇асад̇асахассаани, саб̣б̣аалан̇гаарабхуусид̇аа;
‘‘Nāgasatasahassāni, sabbālaṅkārabhūsitā;
д̇ид̇хаабабхиннаа маад̇ан̇г̇аа, бариваарзнд̇и мам̣ сад̣̇аа.
Tidhāpabhinnā mātaṅgā, parivārenti maṃ sadā.
‘‘саб̣алзхи барзд̇охам̣, уяяаанам̣ г̇анд̇угаамаго;
‘‘Sabalehi paretohaṃ, uyyānaṃ gantukāmako;
ааруяха сиригам̣ нааг̇ам̣, наг̇араа нигкамим̣ д̇ад̣̇аа.
Āruyha sirikaṃ nāgaṃ, nagarā nikkhamiṃ tadā.
‘‘жаран̣зна жа самбанно, г̇уд̇д̇ад̣̇вааро сусам̣вуд̇о;
‘‘Caraṇena ca sampanno, guttadvāro susaṃvuto;
д̣̇звало наама самб̣уд̣̇д̇хо, ааг̇ажчи бурад̇о мама.
Devalo nāma sambuddho, āgacchi purato mama.
‘‘бзсзд̇ваа сиригам̣ нааг̇ам̣, б̣уд̣̇д̇хам̣ аасаад̣̇аяим̣ д̇ад̣̇аа;
‘‘Pesetvā sirikaṃ nāgaṃ, buddhaṃ āsādayiṃ tadā;
д̇ад̇о сан̃ж̇аад̇агобо со, нааг̇о нуд̣̇д̇харад̇з бад̣̇ам̣.
Tato sañjātakopo so, nāgo nuddharate padaṃ.
‘‘нааг̇ам̣ рун̣н̣аманам̣ д̣̇исваа, б̣уд̣̇д̇хз год̇хам̣ агаасахам̣;
‘‘Nāgaṃ ruṇṇamanaṃ disvā, buddhe kodhaṃ akāsahaṃ;
вихзсаяид̇ваа самб̣уд̣̇д̇хам̣, уяяаанам̣ аг̇амаасахам̣.
Vihesayitvā sambuddhaṃ, uyyānaṃ agamāsahaṃ.
‘‘саад̇ам̣ д̇ад̇т̇а на винд̣̇аами, сиро баж̇ж̇алид̇о яат̇аа;
‘‘Sātaṃ tattha na vindāmi, siro pajjalito yathā;
барил̣аахзна д̣аяхаами, мажчова б̣ал̣исаад̣̇аго.
Pariḷāhena ḍayhāmi, macchova baḷisādako.
‘‘сасааг̇аранд̇аа бат̇авий, аад̣̇ид̇д̇аа вияа ход̇и мз;
‘‘Sasāgarantā pathavī, ādittā viya hoti me;
бид̇у санд̇игубааг̇амма, ид̣̇ам̣ важанамаб̣равим̣.
Pitu santikupāgamma, idaṃ vacanamabraviṃ.
‘‘аасийвисам̣ва губид̇ам̣, аг̇г̇игканд̇хам̣ва ааг̇ад̇ам̣;
‘‘Āsīvisaṃva kupitaṃ, aggikkhandhaṃva āgataṃ;
мад̇д̇ам̣ва гун̃ж̇арам̣ д̣̇анд̇им̣, яам̣ саяамбхумасаад̣̇аяим̣.
Mattaṃva kuñjaraṃ dantiṃ, yaṃ sayambhumasādayiṃ.
‘‘аасаад̣̇ид̇о маяаа б̣уд̣̇д̇хо, гхоро уг̇г̇ад̇або ж̇ино;
‘‘Āsādito mayā buddho, ghoro uggatapo jino;
бураа саб̣б̣з винассаама, камаабзссаама д̇ам̣ муним̣.
Purā sabbe vinassāma, khamāpessāma taṃ muniṃ.
‘‘но жз д̇ам̣ ниж̇жхаабзссаама, ад̇д̇ад̣̇анд̇ам̣ самаахид̇ам̣;
‘‘No ce taṃ nijjhāpessāma, attadantaṃ samāhitaṃ;
орзна сад̇д̇ад̣̇ивасаа, радтам̣ мз вид̇хамиссад̇и.
Orena sattadivasā, raṭṭhaṃ me vidhamissati.
‘‘сумзкало госияо жа, сиг̇г̇аво жааби сад̇д̇аго;
‘‘Sumekhalo kosiyo ca, siggavo cāpi sattako;
аасаад̣̇аяид̇ваа исаяо, д̣̇уг̇г̇ад̇аа д̇з сарадтагаа.
Āsādayitvā isayo, duggatā te saraṭṭhakā.
‘‘яад̣̇аа губбанд̇и исаяо, сан̃н̃ад̇аа б̣рахмажаарино;
‘‘Yadā kuppanti isayo, saññatā brahmacārino;
сад̣̇звагам̣ винаасзнд̇и, сасааг̇арам̣ сабаб̣б̣ад̇ам̣.
Sadevakaṃ vināsenti, sasāgaraṃ sapabbataṃ.
‘‘д̇ияож̇анасахассамхи, бурисз саннибаад̇аяим̣;
‘‘Tiyojanasahassamhi, purise sannipātayiṃ;
ажжаяам̣ д̣̇зсанад̇т̇ааяа, саяамбхум̣ убасан̇гамим̣.
Accayaṃ desanatthāya, sayambhuṃ upasaṅkamiṃ.
‘‘аллавад̇т̇аа алласираа, саб̣б̣зва бан̃ж̇алийгад̇аа;
‘‘Allavatthā allasirā, sabbeva pañjalīkatā;
б̣уд̣̇д̇хасса баад̣̇з нибад̇ид̇ваа, ид̣̇ам̣ важанамаб̣равум̣.
Buddhassa pāde nipatitvā, idaṃ vacanamabravuṃ.
‘‘камассу д̇вам̣ махаавийра, абхияаажад̇и д̇ам̣ ж̇ано;
‘‘Khamassu tvaṃ mahāvīra, abhiyācati taṃ jano;
барил̣аахам̣ винод̣̇зхи, маа но радтам̣ винаасаяа.
Pariḷāhaṃ vinodehi, mā no raṭṭhaṃ vināsaya.
‘‘сад̣̇звамаанусаа саб̣б̣з, сад̣̇аанаваа сарагкасаа;
‘‘Sadevamānusā sabbe, sadānavā sarakkhasā;
аяомаязна гуудзна, сирам̣ бхинд̣̇зяяу мз сад̣̇аа.
Ayomayena kūṭena, siraṃ bhindeyyu me sadā.
‘‘д̣̇агз аг̇г̇и на сан̣таад̇и, б̣ийж̇ам̣ сзлз на руухад̇и;
‘‘Dake aggi na saṇṭhāti, bījaṃ sele na rūhati;
аг̇ад̣̇з гими на сан̣таад̇и, гобо б̣уд̣̇д̇хз на ж̇ааяад̇и.
Agade kimi na saṇṭhāti, kopo buddhe na jāyati.
‘‘яат̇аа жа бхууми ажалаа, аббамзяяо жа сааг̇аро;
‘‘Yathā ca bhūmi acalā, appameyyo ca sāgaro;
ананд̇аго жа аагаасо, звам̣ б̣уд̣̇д̇хаа акобхияаа.
Anantako ca ākāso, evaṃ buddhā akhobhiyā.
‘‘сад̣̇аа канд̇аа махаавийраа, камид̇аа жа д̇абассино;
‘‘Sadā khantā mahāvīrā, khamitā ca tapassino;
канд̇аанам̣ камид̇аанан̃жа, г̇аманам̣ д̇ам̣ на виж̇ж̇ад̇и.
Khantānaṃ khamitānañca, gamanaṃ taṃ na vijjati.
‘‘ид̣̇ам̣ вад̇ваана самб̣уд̣̇д̇хо, барил̣аахам̣ винод̣̇аяам̣;
‘‘Idaṃ vatvāna sambuddho, pariḷāhaṃ vinodayaṃ;
махааж̇анасса бурад̇о, набхам̣ аб̣бхуг̇г̇амий д̇ад̣̇аа.
Mahājanassa purato, nabhaṃ abbhuggamī tadā.
‘‘д̇зна гаммзнахам̣ вийра, хийнад̇д̇ам̣ аж̇жхубааг̇ад̇о;
‘‘Tena kammenahaṃ vīra, hīnattaṃ ajjhupāgato;
самад̇иггамма д̇ам̣ ж̇аад̇им̣, баависим̣ абхаяам̣ бурам̣.
Samatikkamma taṃ jātiṃ, pāvisiṃ abhayaṃ puraṃ.
‘‘д̇ад̣̇ааби мам̣ махаавийра, д̣аяхамаанам̣ сусан̣тид̇ам̣;
‘‘Tadāpi maṃ mahāvīra, ḍayhamānaṃ susaṇṭhitaṃ;
барил̣аахам̣ винод̣̇зси, саяамбхун̃жа камаабаяим̣.
Pariḷāhaṃ vinodesi, sayambhuñca khamāpayiṃ.
‘‘аж̇ж̇ааби мам̣ махаавийра, д̣аяхамаанам̣ д̇ихаг̇г̇ибхи;
‘‘Ajjāpi maṃ mahāvīra, ḍayhamānaṃ tihaggibhi;
ниб̣б̣аабзси д̇аяо аг̇г̇ий, сийд̇ибхааван̃жа баабаяим̣.
Nibbāpesi tayo aggī, sītibhāvañca pāpayiṃ.
‘‘язсам̣ сод̇аавад̇хаанад̇т̇и, сун̣аат̇а мама бхаасад̇о;
‘‘Yesaṃ sotāvadhānatthi, suṇātha mama bhāsato;
ад̇т̇ам̣ д̇уяхам̣ бавагкаами, яат̇аа д̣̇идтам̣ бад̣̇ам̣ мама.
Atthaṃ tuyhaṃ pavakkhāmi, yathā diṭṭhaṃ padaṃ mama.
‘‘саяамбхум̣ д̇ам̣ вимаанзд̇ваа, санд̇ажид̇д̇ам̣ самаахид̇ам̣;
‘‘Sayambhuṃ taṃ vimānetvā, santacittaṃ samāhitaṃ;
д̇зна гаммзнахам̣ аж̇ж̇а, ж̇аад̇омхи нийжаяонияам̣.
Tena kammenahaṃ ajja, jātomhi nīcayoniyaṃ.
‘‘маа во кан̣ам̣ вираад̇хзт̇а, кан̣аад̇ийд̇аа хи сожарз;
‘‘Mā vo khaṇaṃ virādhetha, khaṇātītā hi socare;
сад̣̇ад̇т̇з вааяамзяяаат̇а, кан̣о во бадибаад̣̇ид̇о.
Sadatthe vāyameyyātha, khaṇo vo paṭipādito.
‘‘згажжаанан̃жа ваманам̣, згажжаанам̣ вирзжанам̣;
‘‘Ekaccānañca vamanaṃ, ekaccānaṃ virecanaṃ;
висам̣ халаахалам̣ згз, згажжаанан̃жа осад̇хам̣.
Visaṃ halāhalaṃ eke, ekaccānañca osadhaṃ.
‘‘ваманам̣ бадибаннаанам̣, паладтаанам̣ вирзжанам̣;
‘‘Vamanaṃ paṭipannānaṃ, phalaṭṭhānaṃ virecanaṃ;
осад̇хам̣ палалаабхийнам̣, бун̃н̃агкзд̇д̇ам̣ г̇авзсинам̣.
Osadhaṃ phalalābhīnaṃ, puññakkhettaṃ gavesinaṃ.
‘‘саасанзна вируд̣̇д̇хаанам̣, висам̣ халаахалам̣ яат̇аа;
‘‘Sāsanena viruddhānaṃ, visaṃ halāhalaṃ yathā;
аасийвисо д̣̇идтависо, звам̣ жхаабзд̇и д̇ам̣ нарам̣.
Āsīviso diṭṭhaviso, evaṃ jhāpeti taṃ naraṃ.
‘‘сагим̣ бийд̇ам̣ халаахалам̣, убарунд̇хад̇и ж̇ийвид̇ам̣;
‘‘Sakiṃ pītaṃ halāhalaṃ, uparundhati jīvitaṃ;
саасанзна вируж̇жхид̇ваа, габбагодимхи д̣аяхад̇и.
Sāsanena virujjhitvā, kappakoṭimhi ḍayhati.
‘‘канд̇ияаа авихим̣сааяа, мзд̇д̇ажид̇д̇авад̇ааяа жа;
‘‘Khantiyā avihiṃsāya, mettacittavatāya ca;
сад̣̇звагам̣ со д̇аарзд̇и, д̇асмаа д̇з авираад̇хияаа.
Sadevakaṃ so tāreti, tasmā te avirādhiyā.
‘‘лаабхаалаабхз на саж̇ж̇анд̇и, саммаананавимаананз;
‘‘Lābhālābhe na sajjanti, sammānanavimānane;
бат̇авийсад̣̇исаа б̣уд̣̇д̇хаа, д̇асмаа д̇з на вираад̇хияаа.
Pathavīsadisā buddhā, tasmā te na virādhiyā.
‘‘д̣̇звад̣̇ад̇д̇з жа вад̇хагз, жорз ан̇г̇улимаалагз;
‘‘Devadatte ca vadhake, core aṅgulimālake;
раахулз д̇ханабаалз жа, саб̣б̣зсам̣ самаго муни.
Rāhule dhanapāle ca, sabbesaṃ samako muni.
‘‘зд̇зсам̣ бадигхо над̇т̇и, рааг̇омзсам̣ на виж̇ж̇ад̇и;
‘‘Etesaṃ paṭigho natthi, rāgomesaṃ na vijjati;
саб̣б̣зсам̣ самаго б̣уд̣̇д̇хо, вад̇хагассорасасса жа.
Sabbesaṃ samako buddho, vadhakassorasassa ca.
‘‘бант̇з д̣̇исваана гаасаавам̣, чад̣д̣ид̇ам̣ мийл̣хамагкид̇ам̣;
‘‘Panthe disvāna kāsāvaṃ, chaḍḍitaṃ mīḷhamakkhitaṃ;
сирасмим̣ ан̃ж̇алим̣ гад̇ваа, ванд̣̇ид̇аб̣б̣ам̣ исид̣̇д̇хаж̇ам̣.
Sirasmiṃ añjaliṃ katvā, vanditabbaṃ isiddhajaṃ.
‘‘аб̣бхад̇ийд̇аа жа яз б̣уд̣̇д̇хаа, вад̇д̇амаанаа анааг̇ад̇аа;
‘‘Abbhatītā ca ye buddhā, vattamānā anāgatā;
д̇хаж̇знаанзна суж̇жханд̇и, д̇асмаа зд̇з намассияаа.
Dhajenānena sujjhanti, tasmā ete namassiyā.
‘‘сад̇т̇угаббам̣ сувинаяам̣, д̇хаарзми хад̣̇аязнахам̣;
‘‘Satthukappaṃ suvinayaṃ, dhāremi hadayenahaṃ;
намассамаано винаяам̣, вихариссаами саб̣б̣ад̣̇аа.
Namassamāno vinayaṃ, viharissāmi sabbadā.
‘‘винаяо аасаяо маяхам̣, винаяо таанажан̇гамам̣;
‘‘Vinayo āsayo mayhaṃ, vinayo ṭhānacaṅkamaṃ;
габбзми винаяз ваасам̣, винаяо мама г̇ожаро.
Kappemi vinaye vāsaṃ, vinayo mama gocaro.
‘‘винаяз баарамиббад̇д̇о, самат̇з жааби говид̣̇о;
‘‘Vinaye pāramippatto, samathe cāpi kovido;
убаали д̇ам̣ махаавийра, баад̣̇з ванд̣̇ад̇и сад̇т̇уно.
Upāli taṃ mahāvīra, pāde vandati satthuno.
‘‘со ахам̣ вижариссаами, г̇аамаа г̇аамам̣ бураа бурам̣;
‘‘So ahaṃ vicarissāmi, gāmā gāmaṃ purā puraṃ;
намассамаано самб̣уд̣̇д̇хам̣, д̇хаммасса жа суд̇хаммад̇ам̣.
Namassamāno sambuddhaṃ, dhammassa ca sudhammataṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
д̇ад̇т̇а хи нам̣ сад̇т̇аа саяамзва сагалам̣ винаяабидагам̣ уг̇г̇ан̣хаабзси. со абарабхааг̇з бхааругажчагавад̇т̇ум̣ (баараа. 78) аж̇ж̇угавад̇т̇ум̣ (баараа. 158) гумаарагассабавад̇т̇унд̇и имаани д̇ийн̣и вад̇т̇ууни винижчаяи. сад̇т̇аа згзгасмим̣ винижчид̇з саад̇хугаарам̣ д̣̇ад̇ваа д̇аяоби винижчаяз адтуббад̇д̇им̣ гад̇ваа т̇зрам̣ винаяад̇хараанам̣ аг̇г̇адтаанз табзси. со абарабхааг̇з згасмим̣ убосат̇ад̣̇ивасз баад̇имогкуд̣̇д̣̇зсасамаяз бхигкуу овад̣̇анд̇о –
Tattha hi naṃ satthā sayameva sakalaṃ vinayapiṭakaṃ uggaṇhāpesi. So aparabhāge bhārukacchakavatthuṃ (pārā. 78) ajjukavatthuṃ (pārā. 158) kumārakassapavatthunti imāni tīṇi vatthūni vinicchayi. Satthā ekekasmiṃ vinicchite sādhukāraṃ datvā tayopi vinicchaye aṭṭhuppattiṃ katvā theraṃ vinayadharānaṃ aggaṭṭhāne ṭhapesi. So aparabhāge ekasmiṃ uposathadivase pātimokkhuddesasamaye bhikkhū ovadanto –
249.
249.
‘‘сад̣̇д̇хааяа абхинигкамма, навабаб̣б̣аж̇ид̇о наво;
‘‘Saddhāya abhinikkhamma, navapabbajito navo;
мид̇д̇з бхаж̇зяяа галяаан̣з, суд̣̇д̇хааж̇ийвз ад̇анд̣̇ид̇з.
Mitte bhajeyya kalyāṇe, suddhājīve atandite.
250.
250.
‘‘сад̣̇д̇хааяа абхинигкамма, навабаб̣б̣аж̇ид̇о наво;
‘‘Saddhāya abhinikkhamma, navapabbajito navo;
сан̇гхасмим̣ вихарам̣ бхигку, сигкзт̇а винаяам̣ б̣уд̇хо.
Saṅghasmiṃ viharaṃ bhikkhu, sikkhetha vinayaṃ budho.
251.
251.
‘‘сад̣̇д̇хааяа абхинигкамма, навабаб̣б̣аж̇ид̇о наво;
‘‘Saddhāya abhinikkhamma, navapabbajito navo;
габбаагаббзсу гусало, жарзяяа абурагкад̇о’’д̇и. – д̇иссо г̇аат̇аа абхааси;
Kappākappesu kusalo, careyya apurakkhato’’ti. – tisso gāthā abhāsi;
д̇ад̇т̇а сад̣̇д̇хааяаад̇и сад̣̇д̇хаанимид̇д̇ам̣, на ж̇ийвигад̇т̇анд̇и ад̇т̇о. сад̣̇д̇хааяаад̇и ваа гаммапалаани рад̇анад̇д̇аяаг̇ун̣ан̃жа сад̣̇д̣̇ахид̇ваа. абхинигкаммаад̇и гхарааваасад̇о нигкамид̇ваа. навабаб̣б̣аж̇ид̇од̇и наво худ̇ваа баб̣б̣аж̇ид̇о, батамаваяз зва баб̣б̣аж̇ид̇о. навод̇и саасанз сигкааяа абхинаво д̣̇ахаро. мид̇д̇з бхаж̇зяяа галяаан̣з суд̣̇д̇хааж̇ийвз ад̇анд̣̇ид̇зд̇и ‘‘бияо г̇ару бхааванийяо’’д̇иаад̣̇инаа (а. ни. 7.37) вуд̇д̇алагкан̣з галяаан̣амид̇д̇з, мижчааж̇ийвавиваж̇ж̇анзна суд̣̇д̇хааж̇ийвз , аарад̣̇д̇хавийрияад̇ааяа ад̇анд̣̇ид̇з бхаж̇зяяа убасан̇гамзяяа, д̇зсам̣ оваад̣̇аанусаасанийбадиг̇г̇ахан̣авасзна сзвзяяа. сан̇гхасмим̣ вихаранд̇и сан̇гхз бхигкусамуухз вад̇д̇абадивад̇д̇абууран̣авасзна вихаранд̇о. сигкзт̇а винаяам̣ б̣уд̇ход̇и б̣од̇хан̃аан̣ад̇аасугусало худ̇ваа винаяабарияад̇д̇им̣ сигкзяяа. винаяо хи саасанасса ааяу, д̇асмим̣ тид̇з саасанам̣ тид̇ам̣ ход̇и. ‘‘б̣уд̣̇д̇хо’’д̇и жа батанд̇и, со звад̇т̇о. габбаагаббзсууд̇и габбияаагаббиязсу гусало суд̇д̇авасзна суд̇д̇аануломавасзна жа нибун̣о чзго. абурагкад̇од̇и на бурагкад̇о д̇ан̣хаад̣̇ийхи гуд̇ожи бурзгкаарам̣ абажжаасийсанд̇о худ̇ваа вихарзяяа.
Tattha saddhāyāti saddhānimittaṃ, na jīvikatthanti attho. Saddhāyāti vā kammaphalāni ratanattayaguṇañca saddahitvā. Abhinikkhammāti gharāvāsato nikkhamitvā. Navapabbajitoti navo hutvā pabbajito, paṭhamavaye eva pabbajito. Navoti sāsane sikkhāya abhinavo daharo. Mitte bhajeyya kalyāṇe suddhājīve atanditeti ‘‘piyo garu bhāvanīyo’’tiādinā (a. ni. 7.37) vuttalakkhaṇe kalyāṇamitte, micchājīvavivajjanena suddhājīve , āraddhavīriyatāya atandite bhajeyya upasaṅkameyya, tesaṃ ovādānusāsanīpaṭiggahaṇavasena seveyya. Saṅghasmiṃ viharanti saṅghe bhikkhusamūhe vattapaṭivattapūraṇavasena viharanto. Sikkhetha vinayaṃ budhoti bodhañāṇatāsukusalo hutvā vinayapariyattiṃ sikkheyya. Vinayo hi sāsanassa āyu, tasmiṃ ṭhite sāsanaṃ ṭhitaṃ hoti. ‘‘Buddho’’ti ca paṭhanti, so evattho. Kappākappesūti kappiyākappiyesu kusalo suttavasena suttānulomavasena ca nipuṇo cheko. Apurakkhatoti na purakkhato taṇhādīhi kutoci purekkhāraṃ apaccāsīsanto hutvā vihareyya.
убаалид̇т̇зраг̇аат̇ааван̣н̣анаа нидтид̇аа.
Upālittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 11. убаалид̇т̇зраг̇аат̇аа • 11. Upālittheragāthā
