| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
223. убананд̣̇асагяабуд̇д̇авад̇т̇у
223. Upanandasakyaputtavatthu
364. д̇зна ко бана самаязна ааяасмаа убананд̣̇о сагяабуд̇д̇о саавад̇т̇ияам̣ вассам̣вудто ан̃н̃ад̇арам̣ г̇аамагааваасам̣ аг̇амааси. д̇ад̇т̇а жа бхигкуу жийварам̣ бхааж̇зд̇угаамаа саннибад̇им̣су. д̇з звамаахам̣су – ‘‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’’нд̇и? ‘‘аамаавусо, саад̣̇ияиссаамий’’д̇и. д̇ад̇о жийварабхааг̇ам̣ г̇ахзд̇ваа ан̃н̃ам̣ ааваасам̣ аг̇амааси. д̇ад̇т̇аби бхигкуу жийварам̣ бхааж̇зд̇угаамаа саннибад̇им̣су. д̇зби звамаахам̣су – ‘‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’’нд̇и? ‘‘аамаавусо, саад̣̇ияиссаамий’’д̇и. д̇ад̇оби жийварабхааг̇ам̣ г̇ахзд̇ваа ан̃н̃ам̣ ааваасам̣ аг̇амааси. д̇ад̇т̇аби бхигкуу жийварам̣ бхааж̇зд̇угаамаа саннибад̇им̣су. д̇зби звамаахам̣су – ‘‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’’нд̇и? ‘‘аамаавусо, саад̣̇ияиссаамий’’д̇и. д̇ад̇оби жийварабхааг̇ам̣ г̇ахзд̇ваа маханд̇ам̣ жийварабхан̣д̣игам̣ аад̣̇ааяа бунад̣̇зва саавад̇т̇им̣ бажжааг̇ан̃чи. бхигкуу звамаахам̣су – ‘‘махаабун̃н̃оси д̇вам̣ , аавусо убананд̣̇а, б̣ахум̣ д̇з жийварам̣ уббанна’’нд̇и. ‘‘гуд̇о мз , аавусо, бун̃н̃ам̣? ид̇хаахам̣, аавусо, саавад̇т̇ияам̣ вассам̣вудто ан̃н̃ад̇арам̣ г̇аамагааваасам̣ аг̇амаасим̣. д̇ад̇т̇а бхигкуу жийварам̣ бхааж̇зд̇угаамаа саннибад̇им̣су. д̇з мам̣ звамаахам̣су – ‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’нд̇и? ‘аамаавусо, саад̣̇ияиссаамий’д̇и. д̇ад̇о жийварабхааг̇ам̣ г̇ахзд̇ваа ан̃н̃ам̣ ааваасам̣ аг̇амаасим̣. д̇ад̇т̇аби бхигкуу жийварам̣ бхааж̇зд̇угаамаа саннибад̇им̣су. д̇зби мам̣ звамаахам̣су – ‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’’’нд̇и? ‘аамаавусо, саад̣̇ияиссаамий’д̇и. д̇ад̇оби жийварабхааг̇ам̣ г̇ахзд̇ваа ан̃н̃ам̣ ааваасам̣ аг̇амаасим̣. д̇ад̇т̇аби бхигкуу жийварам̣ бхааж̇зд̇угаамаа саннибад̇им̣су. д̇зби мам̣ звамаахам̣су – ‘имаани ко, аавусо, сан̇гхигаани жийвараани бхааж̇ияиссанд̇и, саад̣̇ияиссаси бхааг̇а’нд̇и? ‘аамаавусо, саад̣̇ияиссаамий’д̇и. д̇ад̇оби жийварабхааг̇ам̣ аг̇г̇ахзсим̣. звам̣ мз б̣ахум̣ жийварам̣ уббаннанд̇и. ‘‘гим̣ бана д̇вам̣, аавусо убананд̣̇а, ан̃н̃ад̇ра вассам̣вудто ан̃н̃ад̇ра жийварабхааг̇ам̣ саад̣̇ияий’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о ан̃н̃ад̇ра вассам̣вудто ан̃н̃ад̇ра жийварабхааг̇ам̣ саад̣̇ияиссад̇ий’’д̇и. бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, ан̃н̃ад̇ра вассам̣вудто ан̃н̃ад̇ра жийварабхааг̇ам̣ саад̣̇ияий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, ан̃н̃ад̇ра вассам̣вудто ан̃н̃ад̇ра жийварабхааг̇ам̣ саад̣̇ияиссаси. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, ан̃н̃ад̇ра вассам̣вудтзна ан̃н̃ад̇ра жийварабхааг̇о саад̣̇ид̇аб̣б̣о. яо саад̣̇иязяяа, аабад̇д̇и д̣̇уггадассаа’’д̇и.
364. Tena kho pana samayena āyasmā upanando sakyaputto sāvatthiyaṃ vassaṃvuṭṭho aññataraṃ gāmakāvāsaṃ agamāsi. Tattha ca bhikkhū cīvaraṃ bhājetukāmā sannipatiṃsu. Te evamāhaṃsu – ‘‘imāni kho, āvuso, saṅghikāni cīvarāni bhājiyissanti, sādiyissasi bhāga’’nti? ‘‘Āmāvuso, sādiyissāmī’’ti. Tato cīvarabhāgaṃ gahetvā aññaṃ āvāsaṃ agamāsi. Tatthapi bhikkhū cīvaraṃ bhājetukāmā sannipatiṃsu. Tepi evamāhaṃsu – ‘‘imāni kho, āvuso, saṅghikāni cīvarāni bhājiyissanti, sādiyissasi bhāga’’nti? ‘‘Āmāvuso, sādiyissāmī’’ti. Tatopi cīvarabhāgaṃ gahetvā aññaṃ āvāsaṃ agamāsi. Tatthapi bhikkhū cīvaraṃ bhājetukāmā sannipatiṃsu. Tepi evamāhaṃsu – ‘‘imāni kho, āvuso, saṅghikāni cīvarāni bhājiyissanti, sādiyissasi bhāga’’nti? ‘‘Āmāvuso, sādiyissāmī’’ti. Tatopi cīvarabhāgaṃ gahetvā mahantaṃ cīvarabhaṇḍikaṃ ādāya punadeva sāvatthiṃ paccāgañchi. Bhikkhū evamāhaṃsu – ‘‘mahāpuññosi tvaṃ , āvuso upananda, bahuṃ te cīvaraṃ uppanna’’nti. ‘‘Kuto me , āvuso, puññaṃ? Idhāhaṃ, āvuso, sāvatthiyaṃ vassaṃvuṭṭho aññataraṃ gāmakāvāsaṃ agamāsiṃ. Tattha bhikkhū cīvaraṃ bhājetukāmā sannipatiṃsu. Te maṃ evamāhaṃsu – ‘imāni kho, āvuso, saṅghikāni cīvarāni bhājiyissanti, sādiyissasi bhāga’nti? ‘Āmāvuso, sādiyissāmī’ti. Tato cīvarabhāgaṃ gahetvā aññaṃ āvāsaṃ agamāsiṃ. Tatthapi bhikkhū cīvaraṃ bhājetukāmā sannipatiṃsu. Tepi maṃ evamāhaṃsu – ‘imāni kho, āvuso, saṅghikāni cīvarāni bhājiyissanti, sādiyissasi bhāga’’’nti? ‘Āmāvuso, sādiyissāmī’ti. Tatopi cīvarabhāgaṃ gahetvā aññaṃ āvāsaṃ agamāsiṃ. Tatthapi bhikkhū cīvaraṃ bhājetukāmā sannipatiṃsu. Tepi maṃ evamāhaṃsu – ‘imāni kho, āvuso, saṅghikāni cīvarāni bhājiyissanti, sādiyissasi bhāga’nti? ‘Āmāvuso, sādiyissāmī’ti. Tatopi cīvarabhāgaṃ aggahesiṃ. Evaṃ me bahuṃ cīvaraṃ uppannanti. ‘‘Kiṃ pana tvaṃ, āvuso upananda, aññatra vassaṃvuṭṭho aññatra cīvarabhāgaṃ sādiyī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto aññatra vassaṃvuṭṭho aññatra cīvarabhāgaṃ sādiyissatī’’ti. Bhagavato etamatthaṃ ārocesuṃ…pe… ‘‘saccaṃ kira tvaṃ, upananda, aññatra vassaṃvuṭṭho aññatra cīvarabhāgaṃ sādiyī’’ti? ‘‘Saccaṃ bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, aññatra vassaṃvuṭṭho aññatra cīvarabhāgaṃ sādiyissasi. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, aññatra vassaṃvuṭṭhena aññatra cīvarabhāgo sāditabbo. Yo sādiyeyya, āpatti dukkaṭassā’’ti.
д̇зна ко бана самаязна ааяасмаа убананд̣̇о сагяабуд̇д̇о зго д̣̇вийсу ааваасзсу вассам̣ васи – ‘‘звам̣ мз б̣ахум̣ жийварам̣ уббаж̇ж̇иссад̇ий’’д̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘гат̇ам̣ ну ко ааяасмад̇о убананд̣̇асса сагяабуд̇д̇асса жийварабадивийсо д̣̇аад̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. д̣̇зт̇а, бхигкавз, могхабурисасса згаад̇хиббааяам̣. ид̇ха бана, бхигкавз, бхигку зго д̣̇вийсу ааваасзсу вассам̣ васад̇и – ‘‘звам̣ мз б̣ахум̣ жийварам̣ уббаж̇ж̇иссад̇ий’’д̇и. сажз амуд̇ра убад̣дхам̣ амуд̇ра убад̣дхам̣ васад̇и, амуд̇ра убад̣дхо амуд̇ра убад̣дхо жийварабадивийсо д̣̇аад̇аб̣б̣о. яад̇т̇а ваа бана б̣ахуд̇арам̣ васад̇и, д̇ад̇о жийварабадивийсо д̣̇аад̇аб̣б̣од̇и.
Tena kho pana samayena āyasmā upanando sakyaputto eko dvīsu āvāsesu vassaṃ vasi – ‘‘evaṃ me bahuṃ cīvaraṃ uppajjissatī’’ti. Atha kho tesaṃ bhikkhūnaṃ etadahosi – ‘‘kathaṃ nu kho āyasmato upanandassa sakyaputtassa cīvarapaṭivīso dātabbo’’ti? Bhagavato etamatthaṃ ārocesuṃ. Detha, bhikkhave, moghapurisassa ekādhippāyaṃ. Idha pana, bhikkhave, bhikkhu eko dvīsu āvāsesu vassaṃ vasati – ‘‘evaṃ me bahuṃ cīvaraṃ uppajjissatī’’ti. Sace amutra upaḍḍhaṃ amutra upaḍḍhaṃ vasati, amutra upaḍḍho amutra upaḍḍho cīvarapaṭivīso dātabbo. Yattha vā pana bahutaraṃ vasati, tato cīvarapaṭivīso dātabboti.
убананд̣̇асагяабуд̇д̇авад̇т̇у нидтид̇ам̣.
Upanandasakyaputtavatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убананд̣̇асагяабуд̇д̇авад̇т̇угат̇аа • Upanandasakyaputtavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убананд̣̇асагяабуд̇д̇авад̇т̇угат̇ааван̣н̣анаа • Upanandasakyaputtavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убананд̣̇асагяабуд̇д̇авад̇т̇угат̇ааван̣н̣анаа • Upanandasakyaputtavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убананд̣̇асагяабуд̇д̇авад̇т̇угат̇ааван̣н̣анаа • Upanandasakyaputtavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 223. убананд̣̇асагяабуд̇д̇авад̇т̇угат̇аа • 223. Upanandasakyaputtavatthukathā
