| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
223. உபனந்த³ஸக்யபுத்தவத்து²கதா²
223. Upanandasakyaputtavatthukathā
364. எத்தா²தி உபனந்த³வத்து²ம்ஹி. தஸ்ஸாதி உபனந்த³ஸ்ஸ. கா³மகாவாஸினோதி கா³மகே ஆவாஸினோ. அயந்தி உபனந்தோ³. முக²ரோதி முக²ங் க²ரங் ஏதஸ்ஸாதி முக²ரோ க²காரலோபோ, அத² வா முக²ங் ஏதஸ்ஸத்தீ²தி முக²ரோ மந்துத்தே² பவத்தோ ரபச்சயோ நிந்த³த்த²வாசகோ. லஹுகாபத்தீதி து³க்கடாபத்தி. தஸ்ஸேவாதி க³ஹிதபி⁴க்கு²ஸ்ஸேவ. து⁴ரனிக்கே²பே ஸதீதி யோஜனா.
364.Etthāti upanandavatthumhi. Tassāti upanandassa. Gāmakāvāsinoti gāmake āvāsino. Ayanti upanando. Mukharoti mukhaṃ kharaṃ etassāti mukharo khakāralopo, atha vā mukhaṃ etassatthīti mukharo mantutthe pavatto rapaccayo nindatthavācako. Lahukāpattīti dukkaṭāpatti. Tassevāti gahitabhikkhusseva. Dhuranikkhepe satīti yojanā.
ஏகஸ்ஸ புக்³க³லஸ்ஸத்தா²ய அதி⁴ப்பியதே இச்சி²யதேதி ஏகாதி⁴ப்பாயோ, ஏகபுக்³க³லபடிவீஸோ, தேனாஹ ‘‘ஏகபுக்³க³லபடிவீஸமேவா’’தி. யதா² யதா²தி யேன யேனாகாரேன. யோதி படிவீஸோ. ‘‘ததா² ததா²’’தி அஜ்ஜா²ஹரிதப்³போ³. தத்தா²தி ‘‘இத⁴ பனா’’திஆதி³வசனே. ஏகேகஸ்மிங் ஆவாஸேதி ஸம்ப³ந்தோ⁴. வாஸத்³தோ³ அஞ்ஞேபி த்³வீஹத்³வீஹாதி³வாரே ஸங்க³ண்ஹாதி. யந்தி படிவீஸங். ஏகோ புக்³க³லோதி ஏகோ நிச்சாவாஸோ புக்³க³லோ. ஏவந்தி உபட்³டே⁴ தி³ய்யமானே. யத்த² வா பனாதி எத்த² யஸத்³த³ஸ்ஸ விஸயங் த³ஸ்ஸேதுங் வுத்தங் ‘‘ஏவங் புரிமஸ்மி’’ந்தி. புரிமஸ்மிங் ஆவாஸேதி ஸம்ப³ந்தோ⁴ . ததோதி எத்த² தஸத்³த³ஸ்ஸ விஸயங் த³ஸ்ஸெந்தோ ஆஹ ‘‘ப³ஹுதரங் வஸிதவிஹாரதோ’’தி. இத³ஞ்சாதி ‘‘அமுத்ர உபட்³டோ⁴ சீவரபடிவீஸோ தா³தப்³போ³’’தி வசனஞ்ச. ஏகஸீமவிஹாரேஹீதி ஏகிஸ்ஸங் உபசாரஸீமாயங் டி²தேஹி விஹாரேஹி. நானாஸீமவிஹாரேதி நானாஉபசாரஸீமாயங் டி²தே விஹாரே. ஸேனாஸனக்³கா³ஹோதி புரிமஉபசாரஸீமாயங் ஸேனாஸனக்³கா³ஹோ. தத்தா²தி பஸ்ஸம்ப⁴னவிஹாரே. ஸேஸந்தி சீவரதோ ஸேஸங். ஸப்³ப³த்தா²தி ஸப்³பே³ஸு விஹாரேஸு. அந்தோஸீமக³தஸ்ஸாதி அந்தோஉபசாரஸீமாயங் க³தஸ்ஸ, பி⁴க்கு²னோதி ஸம்ப³ந்தோ⁴. சீவரங் ஸேனாஸனக்³கா³ஹஸ்ஸேவ பாபுணாதி, ஸேஸங் பன ஆமிஸபே⁴ஸஜ்ஜாதி³ஸப்³ப³ங் அஞ்ஞவிஹாரதோ ஆக³ந்த்வா அந்தோஸீமக³தஸ்ஸ பாபுணாதீதி அதி⁴ப்பாயோ.
Ekassa puggalassatthāya adhippiyate icchiyateti ekādhippāyo, ekapuggalapaṭivīso, tenāha ‘‘ekapuggalapaṭivīsamevā’’ti. Yathā yathāti yena yenākārena. Yoti paṭivīso. ‘‘Tathā tathā’’ti ajjhāharitabbo. Tatthāti ‘‘idha panā’’tiādivacane. Ekekasmiṃ āvāseti sambandho. Vāsaddo aññepi dvīhadvīhādivāre saṅgaṇhāti. Yanti paṭivīsaṃ. Eko puggaloti eko niccāvāso puggalo. Evanti upaḍḍhe diyyamāne. Yattha vā panāti ettha yasaddassa visayaṃ dassetuṃ vuttaṃ ‘‘evaṃ purimasmi’’nti. Purimasmiṃ āvāseti sambandho . Tatoti ettha tasaddassa visayaṃ dassento āha ‘‘bahutaraṃ vasitavihārato’’ti. Idañcāti ‘‘amutra upaḍḍho cīvarapaṭivīso dātabbo’’ti vacanañca. Ekasīmavihārehīti ekissaṃ upacārasīmāyaṃ ṭhitehi vihārehi. Nānāsīmavihāreti nānāupacārasīmāyaṃ ṭhite vihāre. Senāsanaggāhoti purimaupacārasīmāyaṃ senāsanaggāho. Tatthāti passambhanavihāre. Sesanti cīvarato sesaṃ. Sabbatthāti sabbesu vihāresu. Antosīmagatassāti antoupacārasīmāyaṃ gatassa, bhikkhunoti sambandho. Cīvaraṃ senāsanaggāhasseva pāpuṇāti, sesaṃ pana āmisabhesajjādisabbaṃ aññavihārato āgantvā antosīmagatassa pāpuṇātīti adhippāyo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 223. உபனந்த³ஸக்யபுத்தவத்து² • 223. Upanandasakyaputtavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபனந்த³ஸக்யபுத்தவத்து²கதா² • Upanandasakyaputtavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபனந்த³ஸக்யபுத்தவத்து²கதா²வண்ணனா • Upanandasakyaputtavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபனந்த³ஸக்யபுத்தவத்து²கதா²வண்ணனா • Upanandasakyaputtavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உபனந்த³ஸக்யபுத்தவத்து²கதா²வண்ணனா • Upanandasakyaputtavatthukathāvaṇṇanā
