| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੨੩. ਉਪਨਨ੍ਦਸਕ੍ਯਪੁਤ੍ਤવਤ੍ਥੁਕਥਾ
223. Upanandasakyaputtavatthukathā
੩੬੪. ਏਤ੍ਥਾਤਿ ਉਪਨਨ੍ਦવਤ੍ਥੁਮ੍ਹਿ। ਤਸ੍ਸਾਤਿ ਉਪਨਨ੍ਦਸ੍ਸ। ਗਾਮਕਾવਾਸਿਨੋਤਿ ਗਾਮਕੇ ਆવਾਸਿਨੋ। ਅਯਨ੍ਤਿ ਉਪਨਨ੍ਦੋ। ਮੁਖਰੋਤਿ ਮੁਖਂ ਖਰਂ ਏਤਸ੍ਸਾਤਿ ਮੁਖਰੋ ਖਕਾਰਲੋਪੋ, ਅਥ વਾ ਮੁਖਂ ਏਤਸ੍ਸਤ੍ਥੀਤਿ ਮੁਖਰੋ ਮਨ੍ਤੁਤ੍ਥੇ ਪવਤ੍ਤੋ ਰਪਚ੍ਚਯੋ ਨਿਨ੍ਦਤ੍ਥવਾਚਕੋ। ਲਹੁਕਾਪਤ੍ਤੀਤਿ ਦੁਕ੍ਕਟਾਪਤ੍ਤਿ। ਤਸ੍ਸੇવਾਤਿ ਗਹਿਤਭਿਕ੍ਖੁਸ੍ਸੇવ। ਧੁਰਨਿਕ੍ਖੇਪੇ ਸਤੀਤਿ ਯੋਜਨਾ।
364.Etthāti upanandavatthumhi. Tassāti upanandassa. Gāmakāvāsinoti gāmake āvāsino. Ayanti upanando. Mukharoti mukhaṃ kharaṃ etassāti mukharo khakāralopo, atha vā mukhaṃ etassatthīti mukharo mantutthe pavatto rapaccayo nindatthavācako. Lahukāpattīti dukkaṭāpatti. Tassevāti gahitabhikkhusseva. Dhuranikkhepe satīti yojanā.
ਏਕਸ੍ਸ ਪੁਗ੍ਗਲਸ੍ਸਤ੍ਥਾਯ ਅਧਿਪ੍ਪਿਯਤੇ ਇਚ੍ਛਿਯਤੇਤਿ ਏਕਾਧਿਪ੍ਪਾਯੋ, ਏਕਪੁਗ੍ਗਲਪਟਿવੀਸੋ, ਤੇਨਾਹ ‘‘ਏਕਪੁਗ੍ਗਲਪਟਿવੀਸਮੇવਾ’’ਤਿ। ਯਥਾ ਯਥਾਤਿ ਯੇਨ ਯੇਨਾਕਾਰੇਨ। ਯੋਤਿ ਪਟਿવੀਸੋ। ‘‘ਤਥਾ ਤਥਾ’’ਤਿ ਅਜ੍ਝਾਹਰਿਤਬ੍ਬੋ। ਤਤ੍ਥਾਤਿ ‘‘ਇਧ ਪਨਾ’’ਤਿਆਦਿવਚਨੇ। ਏਕੇਕਸ੍ਮਿਂ ਆવਾਸੇਤਿ ਸਮ੍ਬਨ੍ਧੋ। વਾਸਦ੍ਦੋ ਅਞ੍ਞੇਪਿ ਦ੍વੀਹਦ੍વੀਹਾਦਿવਾਰੇ ਸਙ੍ਗਣ੍ਹਾਤਿ। ਯਨ੍ਤਿ ਪਟਿવੀਸਂ। ਏਕੋ ਪੁਗ੍ਗਲੋਤਿ ਏਕੋ ਨਿਚ੍ਚਾવਾਸੋ ਪੁਗ੍ਗਲੋ। ਏવਨ੍ਤਿ ਉਪਡ੍ਢੇ ਦਿਯ੍ਯਮਾਨੇ। ਯਤ੍ਥ વਾ ਪਨਾਤਿ ਏਤ੍ਥ ਯਸਦ੍ਦਸ੍ਸ વਿਸਯਂ ਦਸ੍ਸੇਤੁਂ વੁਤ੍ਤਂ ‘‘ਏવਂ ਪੁਰਿਮਸ੍ਮਿ’’ਨ੍ਤਿ। ਪੁਰਿਮਸ੍ਮਿਂ ਆવਾਸੇਤਿ ਸਮ੍ਬਨ੍ਧੋ । ਤਤੋਤਿ ਏਤ੍ਥ ਤਸਦ੍ਦਸ੍ਸ વਿਸਯਂ ਦਸ੍ਸੇਨ੍ਤੋ ਆਹ ‘‘ਬਹੁਤਰਂ વਸਿਤવਿਹਾਰਤੋ’’ਤਿ। ਇਦਞ੍ਚਾਤਿ ‘‘ਅਮੁਤ੍ਰ ਉਪਡ੍ਢੋ ਚੀવਰਪਟਿવੀਸੋ ਦਾਤਬ੍ਬੋ’’ਤਿ વਚਨਞ੍ਚ। ਏਕਸੀਮવਿਹਾਰੇਹੀਤਿ ਏਕਿਸ੍ਸਂ ਉਪਚਾਰਸੀਮਾਯਂ ਠਿਤੇਹਿ વਿਹਾਰੇਹਿ। ਨਾਨਾਸੀਮવਿਹਾਰੇਤਿ ਨਾਨਾਉਪਚਾਰਸੀਮਾਯਂ ਠਿਤੇ વਿਹਾਰੇ। ਸੇਨਾਸਨਗ੍ਗਾਹੋਤਿ ਪੁਰਿਮਉਪਚਾਰਸੀਮਾਯਂ ਸੇਨਾਸਨਗ੍ਗਾਹੋ। ਤਤ੍ਥਾਤਿ ਪਸ੍ਸਮ੍ਭਨવਿਹਾਰੇ। ਸੇਸਨ੍ਤਿ ਚੀવਰਤੋ ਸੇਸਂ। ਸਬ੍ਬਤ੍ਥਾਤਿ ਸਬ੍ਬੇਸੁ વਿਹਾਰੇਸੁ। ਅਨ੍ਤੋਸੀਮਗਤਸ੍ਸਾਤਿ ਅਨ੍ਤੋਉਪਚਾਰਸੀਮਾਯਂ ਗਤਸ੍ਸ, ਭਿਕ੍ਖੁਨੋਤਿ ਸਮ੍ਬਨ੍ਧੋ। ਚੀવਰਂ ਸੇਨਾਸਨਗ੍ਗਾਹਸ੍ਸੇવ ਪਾਪੁਣਾਤਿ, ਸੇਸਂ ਪਨ ਆਮਿਸਭੇਸਜ੍ਜਾਦਿਸਬ੍ਬਂ ਅਞ੍ਞવਿਹਾਰਤੋ ਆਗਨ੍ਤ੍વਾ ਅਨ੍ਤੋਸੀਮਗਤਸ੍ਸ ਪਾਪੁਣਾਤੀਤਿ ਅਧਿਪ੍ਪਾਯੋ।
Ekassa puggalassatthāya adhippiyate icchiyateti ekādhippāyo, ekapuggalapaṭivīso, tenāha ‘‘ekapuggalapaṭivīsamevā’’ti. Yathā yathāti yena yenākārena. Yoti paṭivīso. ‘‘Tathā tathā’’ti ajjhāharitabbo. Tatthāti ‘‘idha panā’’tiādivacane. Ekekasmiṃ āvāseti sambandho. Vāsaddo aññepi dvīhadvīhādivāre saṅgaṇhāti. Yanti paṭivīsaṃ. Eko puggaloti eko niccāvāso puggalo. Evanti upaḍḍhe diyyamāne. Yattha vā panāti ettha yasaddassa visayaṃ dassetuṃ vuttaṃ ‘‘evaṃ purimasmi’’nti. Purimasmiṃ āvāseti sambandho . Tatoti ettha tasaddassa visayaṃ dassento āha ‘‘bahutaraṃ vasitavihārato’’ti. Idañcāti ‘‘amutra upaḍḍho cīvarapaṭivīso dātabbo’’ti vacanañca. Ekasīmavihārehīti ekissaṃ upacārasīmāyaṃ ṭhitehi vihārehi. Nānāsīmavihāreti nānāupacārasīmāyaṃ ṭhite vihāre. Senāsanaggāhoti purimaupacārasīmāyaṃ senāsanaggāho. Tatthāti passambhanavihāre. Sesanti cīvarato sesaṃ. Sabbatthāti sabbesu vihāresu. Antosīmagatassāti antoupacārasīmāyaṃ gatassa, bhikkhunoti sambandho. Cīvaraṃ senāsanaggāhasseva pāpuṇāti, sesaṃ pana āmisabhesajjādisabbaṃ aññavihārato āgantvā antosīmagatassa pāpuṇātīti adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੩. ਉਪਨਨ੍ਦਸਕ੍ਯਪੁਤ੍ਤવਤ੍ਥੁ • 223. Upanandasakyaputtavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਉਪਨਨ੍ਦਸਕ੍ਯਪੁਤ੍ਤવਤ੍ਥੁਕਥਾ • Upanandasakyaputtavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਨਨ੍ਦਸਕ੍ਯਪੁਤ੍ਤવਤ੍ਥੁਕਥਾવਣ੍ਣਨਾ • Upanandasakyaputtavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪਨਨ੍ਦਸਕ੍ਯਪੁਤ੍ਤવਤ੍ਥੁਕਥਾવਣ੍ਣਨਾ • Upanandasakyaputtavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪਨਨ੍ਦਸਕ੍ਯਪੁਤ੍ਤવਤ੍ਥੁਕਥਾવਣ੍ਣਨਾ • Upanandasakyaputtavatthukathāvaṇṇanā
