| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
உபனந்த³ஸக்யபுத்தவத்து²கதா²வண்ணனா
Upanandasakyaputtavatthukathāvaṇṇanā
364. ‘‘ஸத்தாஹவாரேன அருணமேவ உட்டா²பேதீ’’தி இத³ங் நானாஸீமாவிஹாரேஸு கத்தப்³ப³னயேன ஏகஸ்மிம்பி விஹாரே த்³வீஸு ஸேனாஸனேஸு நிவுத்த²பா⁴வத³ஸ்ஸனத்த²ங் வுத்தங், அருணுட்டா²பனேனேவ தத்த² வுத்தோ² ஹோதி, ந பன வஸ்ஸச்சே²த³பரிஹாராய. அந்தோஉபசாரஸீமாயபி யத்த² கத்த²சி அருணங் உட்டா²பெந்தோ அத்தனா க³ஹிதஸேனாஸனங் அப்பவிட்டோ²பி வுத்த²வஸ்ஸோ ஏவ ஹோதி, க³ஹிதஸேனாஸனே பன நிவுத்தோ² நாம ந ஹோதி, தத்த² ச அருணுட்டா²பனே பன ஸதி ஹோதி. தேனாஹ ‘‘புரிமஸ்மிங் ப³ஹுதரங் நிவஸதி நாமா’’தி, ஏதேன ச இதரஸ்மிங் ஸத்தாஹவாரேனாபி அருணுட்டா²பனே ஸதி ஏவ அப்பகதரங் நிவஸதி நாம ஹோதி, நாஸதீதி தீ³பிதங் ஹோதி. நானாலாபே⁴ஹீதி விஸுங் விஸுங் நிப³த்³த⁴வஸ்ஸாவாஸிகலாபே⁴ஹி. நானூபசாரேஹீதி நானாபரிக்கே²பனானாத்³வாரேஹி. ஏகஸீமாவிஹாரேஹீதி த்³வின்னங் விஹாரானங் ஏகேன பாகாரேன பரிக்கி²த்தத்தா ஏகாய உபசாரஸீமாய அந்தோக³தேஹி த்³வீஹி விஹாரேஹி. ஸேனாஸனக்³கா³ஹோ படிப்பஸ்ஸம்ப⁴தீதி பட²மங் க³ஹிதோ படிப்பஸ்ஸம்ப⁴தி. தத்தா²தி யத்த² ஸேனாஸனக்³கா³ஹோ படிப்பஸ்ஸத்³தோ⁴, தத்த².
364.‘‘Sattāhavārena aruṇameva uṭṭhāpetī’’ti idaṃ nānāsīmāvihāresu kattabbanayena ekasmimpi vihāre dvīsu senāsanesu nivutthabhāvadassanatthaṃ vuttaṃ, aruṇuṭṭhāpaneneva tattha vuttho hoti, na pana vassacchedaparihārāya. Antoupacārasīmāyapi yattha katthaci aruṇaṃ uṭṭhāpento attanā gahitasenāsanaṃ appaviṭṭhopi vutthavasso eva hoti, gahitasenāsane pana nivuttho nāma na hoti, tattha ca aruṇuṭṭhāpane pana sati hoti. Tenāha ‘‘purimasmiṃ bahutaraṃ nivasati nāmā’’ti, etena ca itarasmiṃ sattāhavārenāpi aruṇuṭṭhāpane sati eva appakataraṃ nivasati nāma hoti, nāsatīti dīpitaṃ hoti. Nānālābhehīti visuṃ visuṃ nibaddhavassāvāsikalābhehi. Nānūpacārehīti nānāparikkhepanānādvārehi. Ekasīmāvihārehīti dvinnaṃ vihārānaṃ ekena pākārena parikkhittattā ekāya upacārasīmāya antogatehi dvīhi vihārehi. Senāsanaggāho paṭippassambhatīti paṭhamaṃ gahito paṭippassambhati. Tatthāti yattha senāsanaggāho paṭippassaddho, tattha.
உபனந்த³ஸக்யபுத்தவத்து²கதா²வண்ணனா நிட்டி²தா.
Upanandasakyaputtavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 223. உபனந்த³ஸக்யபுத்தவத்து² • 223. Upanandasakyaputtavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபனந்த³ஸக்யபுத்தவத்து²கதா² • Upanandasakyaputtavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபனந்த³ஸக்யபுத்தவத்து²கதா²வண்ணனா • Upanandasakyaputtavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபனந்த³ஸக்யபுத்தவத்து²கதா²வண்ணனா • Upanandasakyaputtavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 223. உபனந்த³ஸக்யபுத்தவத்து²கதா² • 223. Upanandasakyaputtavatthukathā
