| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
убананд̣̇асагяабуд̇д̇авад̇т̇угат̇ааван̣н̣анаа
Upanandasakyaputtavatthukathāvaṇṇanā
364. ‘‘сад̇д̇аахаваарзна арун̣амзва удтаабзд̇ий’’д̇и ид̣̇ам̣ наанаасиймаавихаарзсу гад̇д̇аб̣б̣анаязна згасмимби вихаарз д̣̇вийсу сзнаасанзсу нивуд̇т̇абхаавад̣̇ассанад̇т̇ам̣ вуд̇д̇ам̣, арун̣удтаабанзнзва д̇ад̇т̇а вуд̇т̇о ход̇и, на бана вассажчзд̣̇абарихаарааяа. анд̇оубажаарасиймааяаби яад̇т̇а гад̇т̇ажи арун̣ам̣ удтаабзнд̇о ад̇д̇анаа г̇ахид̇асзнаасанам̣ аббавидтоби вуд̇т̇авассо зва ход̇и, г̇ахид̇асзнаасанз бана нивуд̇т̇о наама на ход̇и, д̇ад̇т̇а жа арун̣удтаабанз бана сад̇и ход̇и. д̇знааха ‘‘буримасмим̣ б̣ахуд̇арам̣ нивасад̇и наамаа’’д̇и, зд̇зна жа ид̇арасмим̣ сад̇д̇аахаваарзнааби арун̣удтаабанз сад̇и зва аббагад̇арам̣ нивасад̇и наама ход̇и, наасад̇ийд̇и д̣̇ийбид̇ам̣ ход̇и. наанаалаабхзхийд̇и висум̣ висум̣ ниб̣ад̣̇д̇хавассааваасигалаабхзхи. наануубажаарзхийд̇и наанаабаригкзбанаанаад̣̇ваарзхи. згасиймаавихаарзхийд̇и д̣̇виннам̣ вихаараанам̣ згзна баагаарзна баригкид̇д̇ад̇д̇аа згааяа убажаарасиймааяа анд̇ог̇ад̇зхи д̣̇вийхи вихаарзхи. сзнаасанаг̇г̇аахо бадиббассамбхад̇ийд̇и батамам̣ г̇ахид̇о бадиббассамбхад̇и. д̇ад̇т̇аад̇и яад̇т̇а сзнаасанаг̇г̇аахо бадиббассад̣̇д̇хо, д̇ад̇т̇а.
364.‘‘Sattāhavārena aruṇameva uṭṭhāpetī’’ti idaṃ nānāsīmāvihāresu kattabbanayena ekasmimpi vihāre dvīsu senāsanesu nivutthabhāvadassanatthaṃ vuttaṃ, aruṇuṭṭhāpaneneva tattha vuttho hoti, na pana vassacchedaparihārāya. Antoupacārasīmāyapi yattha katthaci aruṇaṃ uṭṭhāpento attanā gahitasenāsanaṃ appaviṭṭhopi vutthavasso eva hoti, gahitasenāsane pana nivuttho nāma na hoti, tattha ca aruṇuṭṭhāpane pana sati hoti. Tenāha ‘‘purimasmiṃ bahutaraṃ nivasati nāmā’’ti, etena ca itarasmiṃ sattāhavārenāpi aruṇuṭṭhāpane sati eva appakataraṃ nivasati nāma hoti, nāsatīti dīpitaṃ hoti. Nānālābhehīti visuṃ visuṃ nibaddhavassāvāsikalābhehi. Nānūpacārehīti nānāparikkhepanānādvārehi. Ekasīmāvihārehīti dvinnaṃ vihārānaṃ ekena pākārena parikkhittattā ekāya upacārasīmāya antogatehi dvīhi vihārehi. Senāsanaggāho paṭippassambhatīti paṭhamaṃ gahito paṭippassambhati. Tatthāti yattha senāsanaggāho paṭippassaddho, tattha.
убананд̣̇асагяабуд̇д̇авад̇т̇угат̇ааван̣н̣анаа нидтид̇аа.
Upanandasakyaputtavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 223. убананд̣̇асагяабуд̇д̇авад̇т̇у • 223. Upanandasakyaputtavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убананд̣̇асагяабуд̇д̇авад̇т̇угат̇аа • Upanandasakyaputtavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убананд̣̇асагяабуд̇д̇авад̇т̇угат̇ааван̣н̣анаа • Upanandasakyaputtavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убананд̣̇асагяабуд̇д̇авад̇т̇угат̇ааван̣н̣анаа • Upanandasakyaputtavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 223. убананд̣̇асагяабуд̇д̇авад̇т̇угат̇аа • 223. Upanandasakyaputtavatthukathā
