| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
อุปนนฺทสกฺยปุตฺตวตฺถุกถาวณฺณนา
Upanandasakyaputtavatthukathāvaṇṇanā
๓๖๔. ‘‘สตฺตาหวาเรน อรุณเมว อุฎฺฐาเปตี’’ติ อิทํ นานาสีมาวิหาเรสุ กตฺตพฺพนเยน เอกสฺมิมฺปิ วิหาเร ทฺวีสุ เสนาสเนสุ นิวุตฺถภาวทสฺสนตฺถํ วุตฺตํ, อรุณุฎฺฐาปเนเนว ตตฺถ วุโตฺถ โหติ, น ปน วสฺสเจฺฉทปริหารายฯ อโนฺตอุปจารสีมายปิ ยตฺถ กตฺถจิ อรุณํ อุฎฺฐาเปโนฺต อตฺตนา คหิตเสนาสนํ อปฺปวิโฎฺฐปิ วุตฺถวโสฺส เอว โหติ, คหิตเสนาสเน ปน นิวุโตฺถ นาม น โหติ, ตตฺถ จ อรุณุฎฺฐาปเน ปน สติ โหติฯ เตนาห ‘‘ปุริมสฺมิํ พหุตรํ นิวสติ นามา’’ติ, เอเตน จ อิตรสฺมิํ สตฺตาหวาเรนาปิ อรุณุฎฺฐาปเน สติ เอว อปฺปกตรํ นิวสติ นาม โหติ, นาสตีติ ทีปิตํ โหติฯ นานาลาเภหีติ วิสุํ วิสุํ นิพทฺธวสฺสาวาสิกลาเภหิฯ นานูปจาเรหีติ นานาปริเกฺขปนานาทฺวาเรหิฯ เอกสีมาวิหาเรหีติ ทฺวินฺนํ วิหารานํ เอเกน ปากาเรน ปริกฺขิตฺตตฺตา เอกาย อุปจารสีมาย อโนฺตคเตหิ ทฺวีหิ วิหาเรหิฯ เสนาสนคฺคาโห ปฎิปฺปสฺสมฺภตีติ ปฐมํ คหิโต ปฎิปฺปสฺสมฺภติฯ ตตฺถาติ ยตฺถ เสนาสนคฺคาโห ปฎิปฺปสฺสโทฺธ, ตตฺถฯ
364.‘‘Sattāhavārena aruṇameva uṭṭhāpetī’’ti idaṃ nānāsīmāvihāresu kattabbanayena ekasmimpi vihāre dvīsu senāsanesu nivutthabhāvadassanatthaṃ vuttaṃ, aruṇuṭṭhāpaneneva tattha vuttho hoti, na pana vassacchedaparihārāya. Antoupacārasīmāyapi yattha katthaci aruṇaṃ uṭṭhāpento attanā gahitasenāsanaṃ appaviṭṭhopi vutthavasso eva hoti, gahitasenāsane pana nivuttho nāma na hoti, tattha ca aruṇuṭṭhāpane pana sati hoti. Tenāha ‘‘purimasmiṃ bahutaraṃ nivasati nāmā’’ti, etena ca itarasmiṃ sattāhavārenāpi aruṇuṭṭhāpane sati eva appakataraṃ nivasati nāma hoti, nāsatīti dīpitaṃ hoti. Nānālābhehīti visuṃ visuṃ nibaddhavassāvāsikalābhehi. Nānūpacārehīti nānāparikkhepanānādvārehi. Ekasīmāvihārehīti dvinnaṃ vihārānaṃ ekena pākārena parikkhittattā ekāya upacārasīmāya antogatehi dvīhi vihārehi. Senāsanaggāho paṭippassambhatīti paṭhamaṃ gahito paṭippassambhati. Tatthāti yattha senāsanaggāho paṭippassaddho, tattha.
อุปนนฺทสกฺยปุตฺตวตฺถุกถาวณฺณนา นิฎฺฐิตาฯ
Upanandasakyaputtavatthukathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๒๓. อุปนนฺทสกฺยปุตฺตวตฺถุ • 223. Upanandasakyaputtavatthu
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อุปนนฺทสกฺยปุตฺตวตฺถุกถา • Upanandasakyaputtavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อุปนนฺทสกฺยปุตฺตวตฺถุกถาวณฺณนา • Upanandasakyaputtavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อุปนนฺทสกฺยปุตฺตวตฺถุกถาวณฺณนา • Upanandasakyaputtavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๒๓. อุปนนฺทสกฺยปุตฺตวตฺถุกถา • 223. Upanandasakyaputtavatthukathā
